| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
13. б̣имб̣исаарасамааг̇амагат̇аа
13. Bimbisārasamāgamakathā
55. ладтисад̣̇д̣̇о д̇арун̣аругкаваажаго ‘‘амб̣аладтигааяа’’нд̇иаад̣̇ийсу (д̣̇ий. ни. 1.2), ид̇хааби д̇арун̣ад̇ааларугко ладти наамаад̇и д̣̇ассзнд̇о ааха ‘‘д̇аалуяяаанз’’д̇и. вадаругкзд̇и ниг̇род̇харугкз. зд̇т̇а ‘‘вада’’ид̇и иминаа вадаругко б̣ахумуулад̇д̇аа судтум̣ бад̇идтаад̇ийд̇и ад̇т̇зна суббад̇идто наамаад̇и д̣̇ассзд̇и. ‘‘ругкз’’ид̇и иминаа жзд̇ияасад̣̇д̣̇о жзд̇ияаругкз вад̇д̇ад̇ийд̇и д̣̇ассзд̇и, д̣̇зваалаяан̃жа т̇уубан̃жа нивад̇д̇зд̇и. д̇ассаад̇и вадаругкасса. зд̇анд̇и ‘‘суббад̇идтз жзд̇ияз’’д̇и зд̇ам̣ наамам̣. логавохааравасзна д̣̇асасахассасан̇каад̇з сан̇кяаависзсз нийхарид̇ваа яуж̇ж̇ид̇аб̣б̣анд̇и нияуд̇анд̇и важанад̇т̇зна д̣̇асасахассам̣ нияуд̇ам̣ наамаад̇и д̣̇ассзнд̇о ааха ‘‘зганияуд̇ам̣ д̣̇асасахассааний’’д̇и. ‘‘нахуд̇а’’нд̇иби баато, со аяуд̇д̇о нахуд̇асан̇каад̇зна сан̇кяаависзсзна миссийбхаавзна басан̇г̇ад̇д̇аа. д̇зсанд̇и д̣̇ваад̣̇асанияуд̇аанам̣ б̣раахман̣аг̇ахабад̇игаанам̣.
55.Laṭṭhisaddo taruṇarukkhavācako ‘‘ambalaṭṭhikāya’’ntiādīsu (dī. ni. 1.2), idhāpi taruṇatālarukkho laṭṭhi nāmāti dassento āha ‘‘tāluyyāne’’ti. Vaṭarukkheti nigrodharukkhe. Ettha ‘‘vaṭa’’iti iminā vaṭarukkho bahumūlattā suṭṭhuṃ patiṭṭhātīti atthena suppatiṭṭho nāmāti dasseti. ‘‘Rukkhe’’iti iminā cetiyasaddo cetiyarukkhe vattatīti dasseti, devālayañca thūpañca nivatteti. Tassāti vaṭarukkhassa. Etanti ‘‘suppatiṭṭhe cetiye’’ti etaṃ nāmaṃ. Lokavohāravasena dasasahassasaṅkhāte saṅkhyāvisese nīharitvā yujjitabbanti niyutanti vacanatthena dasasahassaṃ niyutaṃ nāmāti dassento āha ‘‘ekaniyutaṃ dasasahassānī’’ti. ‘‘Nahuta’’ntipi pāṭho, so ayutto nahutasaṅkhātena saṅkhyāvisesena missībhāvena pasaṅgattā. Tesanti dvādasaniyutānaṃ brāhmaṇagahapatikānaṃ.
‘‘гисасарийрад̇д̇аа’’д̇и иминаа гисо го ад̇д̇аа зд̇зсанд̇и гисагаад̇и важанад̇т̇ам̣ д̣̇ассзд̇и. гагааро хзд̇т̇а ад̇д̇аваажаго. ‘‘оваад̣̇аго’’д̇и иминаа овад̣̇аанод̇и зд̇т̇а яубажжаяо гад̇д̇уд̇т̇од̇и д̣̇ассзд̇и. г̇аат̇ааб̣анд̇хад̇д̇аа агаарасса д̣̇ийгхо. ‘‘ат̇а ваа’’д̇иаад̣̇инаа гисаго худ̇ваа ан̃н̃з овад̣̇аано гисаговад̣̇аанод̇и важанад̇т̇ам̣ д̣̇ассзд̇и. ид̣̇анд̇и ид̣̇ам̣ ад̇т̇аж̇аад̇ам̣, аяамад̇т̇о ваа. д̇вам̣ бахаасийд̇и самб̣анд̇хо. д̇анд̇и д̇увам̣. ид̇и вуд̇д̇ам̣ ход̇ийд̇и яож̇анаа.
‘‘Kisasarīrattā’’ti iminā kiso ko attā etesanti kisakāti vacanatthaṃ dasseti. Kakāro hettha attavācako. ‘‘Ovādako’’ti iminā ovadānoti ettha yupaccayo kattutthoti dasseti. Gāthābandhattā akārassa dīgho. ‘‘Atha vā’’tiādinā kisako hutvā aññe ovadāno kisakovadānoti vacanatthaṃ dasseti. Idanti idaṃ atthajātaṃ, ayamattho vā. Tvaṃ pahāsīti sambandho. Tanti tuvaṃ. Iti vuttaṃ hotīti yojanā.
гаамид̇т̇ияод̇и згааралобавасзна санд̇хийд̇и ааха ‘‘гаамз ид̇т̇ияо жаа’’д̇и. убажийсууд̇и зд̇т̇а гаамаканд̇хагилзсаабхисан̇каарасан̇каад̇зсу жад̇уусу убад̇хийсу канд̇хубад̇хи ад̇хиббзд̇од̇и ааха ‘‘канд̇хубад̇хийсуу’’д̇и.
Kāmitthiyoti ekāralopavasena sandhīti āha ‘‘kāme itthiyo cā’’ti. Upacīsūti ettha kāmakhandhakilesaabhisaṅkhārasaṅkhātesu catūsu upadhīsu khandhupadhi adhippetoti āha ‘‘khandhupadhīsū’’ti.
гожарахийд̇и зд̇т̇а госад̣̇д̣̇о ‘‘го д̇з б̣алам̣ махаарааж̇аа’’д̇иаад̣̇ийсу (ж̇аа. 2.22.1880) вияа гвасад̣̇д̣̇ад̇т̇од̇и ааха ‘‘гважарахий’’д̇и. нибаад̇оязвзса.
Kocarahīti ettha kosaddo ‘‘ko te balaṃ mahārājā’’tiādīsu (jā. 2.22.1880) viya kvasaddatthoti āha ‘‘kvacarahī’’ti. Nipātoyevesa.
бад̣̇асад̣̇д̣̇асса жаран̣абад̣̇аад̣̇аяо нивад̇д̇зд̇ум̣ вуд̇д̇ам̣ ‘‘ниб̣б̣аанабад̣̇а’’нд̇и. ‘‘санд̇асабхаавад̇ааяаа’’д̇иаад̣̇инаа санд̇о сабхааво имасса бад̣̇ассаад̇и санд̇ам̣. над̇т̇и убад̇хаяо зд̇т̇аад̇и анубад̇хигам̣. над̇т̇и гин̃жанамзд̇т̇аад̇и агин̃жанам̣. д̇ийсу бхавзсу на сан̃ж̇ад̇ийд̇и асад̇д̇ам̣. ан̃н̃ат̇аа на бхавад̇ийд̇и анан̃н̃ат̇аабхаави. ан̃н̃зна гзнажи на нзд̇аб̣б̣анд̇и анан̃н̃анзяяанд̇и важанад̇т̇ам̣ д̣̇ассзд̇и. д̇знаад̇и ‘‘санд̇а’’нд̇иаад̣̇ибад̣̇зна. мзд̇и мама, манод̇и самб̣анд̇хо. зд̇т̇а д̣̇звамануссалогз мз мано рад̇о наамаад̇и гим̣ вагкаами. ид̇и имамад̇т̇ам̣ д̣̇ассзд̇ийд̇и яож̇анаа.
Padasaddassa caraṇapadādayo nivattetuṃ vuttaṃ ‘‘nibbānapada’’nti. ‘‘Santasabhāvatāyā’’tiādinā santo sabhāvo imassa padassāti santaṃ. Natthi upadhayo etthāti anupadhikaṃ. Natthi kiñcanametthāti akiñcanaṃ. Tīsu bhavesu na sañjatīti asattaṃ. Aññathā na bhavatīti anaññathābhāvi. Aññena kenaci na netabbanti anaññaneyyanti vacanatthaṃ dasseti. Tenāti ‘‘santa’’ntiādipadena. Meti mama, manoti sambandho. Ettha devamanussaloke me mano rato nāmāti kiṃ vakkhāmi. Iti imamatthaṃ dassetīti yojanā.
56. д̇ан̃жаад̇и саавагабхааван̃жа.
56.Tañcāti sāvakabhāvañca.
57. ассаасагаад̇и зд̇т̇а аабуб̣б̣о саасад̇хаад̇у аабуб̣б̣а сисад̇хаад̇унаа сад̣̇исо, ‘‘мз’’д̇и чадтийяог̇ад̇д̇аа н̣вубажжаяо жа бхаавад̇т̇од̇и ааха ‘‘аасисанаа’’д̇и. ‘‘бад̇т̇анаа’’д̇и иминаа аабуб̣б̣асисад̇хаад̇уяаа ад̇т̇ам̣ д̣̇ассзд̇и. ассаад̇и б̣имб̣исаараран̃н̃о. д̇ад̇т̇аад̇и рад̇анад̇д̇аяз. нижчаяаг̇аманамзваад̇и ‘‘саран̣а’’ид̇инижчаязна ж̇аананамзва г̇ад̇о. ад̇д̇асаннияяаад̇ананд̇и ад̇д̇ано ад̇д̇аанам̣ рад̇анад̇д̇аяз саннияяаад̇анам̣. иминаа ад̇д̇асаннияяаад̇ана, бан̣ибаад̇а, д̇аббарааяана, сиссабхаавуубаг̇аманасан̇каад̇зсу жад̇уусу саран̣аг̇аманзсу (д̣̇ий. ни. адта. 1.250; ма. ни. адта. 1.56; ку. баа. адта. 1.саран̣аг̇аманаг̇амагавибхааванаа) ад̇д̇асаннияяаад̇анасаран̣аг̇аманам̣ д̣̇ийбзд̇и. аяанд̇и б̣имб̣исааро рааж̇аа. д̇анд̇и нияад̇асаран̣ад̇ам̣. бан̣ибаад̇аг̇аманан̃жаад̇и зд̇т̇а бан̣ийд̇и гаро. яат̇аа хи баад̣̇абад̣̇асад̣̇д̣̇аа д̣̇ийгхарассавасзна худ̇ваа жаран̣ам̣ вад̣̇анд̇и, звам̣ баан̣ибан̣исад̣̇д̣̇аа гарам̣ вад̣̇анд̇и. д̇асмаа вуд̇д̇ам̣ ‘‘бан̣ийд̇и гаро’’д̇и. бад̇анам̣ баад̇о, бан̣ино баад̇о бан̣ибаад̇о. ад̇т̇ад̇о ан̃ж̇алибан̣амананд̇и вуд̇д̇ам̣ ход̇и. д̇асса г̇аманан̃жа г̇ажчанд̇од̇и ад̇т̇о. иминаа бан̣ибаад̇асаран̣аг̇аманам̣ д̣̇ийбзд̇и. жасад̣̇д̣̇о ‘‘баагада’’нд̇и зд̇т̇ааби яож̇зд̇аб̣б̣о. баагадан̃жа гаронд̇од̇и хи ад̇т̇о.
57.Assāsakāti ettha āpubbo sāsadhātu āpubba sisadhātunā sadiso, ‘‘me’’ti chaṭṭhīyogattā ṇvupaccayo ca bhāvatthoti āha ‘‘āsisanā’’ti. ‘‘Patthanā’’ti iminā āpubbasisadhātuyā atthaṃ dasseti. Assāti bimbisārarañño. Tatthāti ratanattaye. Nicchayagamanamevāti ‘‘saraṇa’’itinicchayena jānanameva gato. Attasanniyyātananti attano attānaṃ ratanattaye sanniyyātanaṃ. Iminā attasanniyyātana, paṇipāta, tapparāyana, sissabhāvūpagamanasaṅkhātesu catūsu saraṇagamanesu (dī. ni. aṭṭha. 1.250; ma. ni. aṭṭha. 1.56; khu. pā. aṭṭha. 1.saraṇagamanagamakavibhāvanā) attasanniyyātanasaraṇagamanaṃ dīpeti. Ayanti bimbisāro rājā. Tanti niyatasaraṇataṃ. Paṇipātagamanañcāti ettha paṇīti karo. Yathā hi pādapadasaddā dīgharassavasena hutvā caraṇaṃ vadanti, evaṃ pāṇipaṇisaddā karaṃ vadanti. Tasmā vuttaṃ ‘‘paṇīti karo’’ti. Patanaṃ pāto, paṇino pāto paṇipāto. Atthato añjalipaṇamananti vuttaṃ hoti. Tassa gamanañca gacchantoti attho. Iminā paṇipātasaraṇagamanaṃ dīpeti. Casaddo ‘‘pākaṭa’’nti etthāpi yojetabbo. Pākaṭañca karontoti hi attho.
58. син̇г̇ийнигкасаван̣н̣од̇и зд̇т̇а син̇г̇ийсан̇каад̇о нигко син̇г̇ийнигко, д̇зна самаано ван̣н̣о зд̇ассаад̇и син̇г̇ийнигкасаван̣н̣од̇и важанад̇т̇ам̣ д̣̇ассзнд̇о ааха ‘‘син̇г̇ийсуван̣н̣анигкзна самаанаван̣н̣о’’д̇и. д̇ад̇т̇а ‘‘суван̣н̣а’’ид̇ибад̣̇зна нигкасад̣̇д̣̇асса суван̣н̣ад̇т̇ам̣ д̣̇ассзд̇и, бан̃жасуван̣н̣аад̣̇аяо ад̇т̇з нивад̇д̇зд̇и. ‘‘самаана’’ид̇ибад̣̇зна саван̣н̣од̇и зд̇т̇а сагааро самаанасад̣̇д̣̇ассзва гаарияод̇и д̣̇ассзд̇и. саб̣б̣зсууд̇и акилзсу жагкаад̣̇иинд̣̇риязсу. д̣̇анд̇од̇и д̣̇амид̇о. инд̣̇рияасам̣варод̇и вуд̇д̇ам̣ ход̇и. д̇амзвад̇т̇ам̣ баагадам̣ гаронд̇о ааха ‘‘бхаг̇авад̇о хий’’д̇иаад̣̇и.
58.Siṅgīnikkhasavaṇṇoti ettha siṅgīsaṅkhāto nikkho siṅgīnikkho, tena samāno vaṇṇo etassāti siṅgīnikkhasavaṇṇoti vacanatthaṃ dassento āha ‘‘siṅgīsuvaṇṇanikkhena samānavaṇṇo’’ti. Tattha ‘‘suvaṇṇa’’itipadena nikkhasaddassa suvaṇṇatthaṃ dasseti, pañcasuvaṇṇādayo atthe nivatteti. ‘‘Samāna’’itipadena savaṇṇoti ettha sakāro samānasaddasseva kāriyoti dasseti. Sabbesūti akhilesu cakkhādiindriyesu. Dantoti damito. Indriyasaṃvaroti vuttaṃ hoti. Tamevatthaṃ pākaṭaṃ karonto āha ‘‘bhagavato hī’’tiādi.
59. он̣ийд̇о бад̇д̇ад̇о баан̣и язнаад̇и он̣ийд̇абад̇д̇абаан̣ийд̇и важанад̇т̇ам̣ д̣̇ассзнд̇о ааха ‘‘бад̇д̇ад̇о жаа’’д̇иаад̣̇и. ‘‘абанийд̇абаан̣и’’нд̇и иминаа он̣ийд̇асад̣̇д̣̇о абанийд̇ад̇т̇о, баан̣исад̣̇д̣̇зна жа самб̣анд̇хид̇аб̣б̣од̇и д̣̇ассзд̇и. ‘‘саллагкзд̇ваа’’д̇и иминаа ‘‘бхаг̇аванд̇а’’нд̇и имам̣ гаммам̣ ‘‘саллагкзд̇ваа’’д̇и баатасзсзна яож̇зд̇аб̣б̣анд̇и д̣̇ассзд̇и. згаманд̇анд̇и зд̇т̇а анд̇асад̣̇д̣̇о самийбад̣̇зсад̇т̇о, годид̣̇зсад̇т̇о ваа ход̇и , убаяог̇аважанан̃жа бхуммад̇т̇з ход̇ийд̇и д̣̇ассзнд̇о ааха ‘‘згасмим̣ бад̣̇зсз’’д̇и. ад̇т̇игабаяог̇з гаран̣асса самбхавад̇о ааха ‘‘б̣уд̣̇д̇хаабхиваад̣̇анаг̇аманзна ваа д̇хаммассаванаг̇аманзна ваа’’д̇и. аббаагин̣н̣анд̇и зд̇т̇а аббасад̣̇д̣̇о бадисзд̇хад̇т̇од̇и ааха ‘‘анаагин̣н̣а’’нд̇и. ‘‘аб̣б̣огин̣н̣а’’нд̇иби баато. аббаниг̇гхосанд̇и зд̇т̇а ‘‘аббасад̣̇д̣̇а’’нд̇ибад̣̇зна важанасад̣̇д̣̇асса г̇ахид̇ад̇д̇аа иминаа баарисзсанаязна наг̇араниг̇гхосасад̣̇д̣̇оязва г̇ахзд̇аб̣б̣од̇и ааха ‘‘наг̇араниг̇гхосасад̣̇д̣̇зна аббаниг̇гхоса’’нд̇и. д̇ийсу баатзсу батамзна баатзна ж̇анасса ваад̇о ж̇анаваад̇о, д̇зна вирахид̇ам̣ виж̇анаваад̇анд̇и вигаббам̣ д̣̇ассзд̇и. д̣̇уд̇иязна ж̇анасса ваад̣̇о ж̇анаваад̣̇о, д̇зна вирахид̇ам̣ виж̇анаваад̣̇анд̇и вигаббам̣ д̣̇ассзд̇и. д̇ад̇иязна ж̇анасса баад̇о сан̃жаран̣ам̣ ж̇анабаад̇о, д̇зна вирахид̇ам̣ виж̇анабаад̇анд̇и вигаббам̣ д̣̇ассзд̇и. рахассам̣ гарийяад̇и зд̇т̇аад̇и раахассзяяагам̣. мануссаанам̣ раахассзяяагам̣ мануссараахассзяяаганд̇и важанад̇т̇ам̣ д̣̇ассзд̇и ‘‘мануссаана’’нд̇иаад̣̇инаа.
59. Oṇīto pattato pāṇi yenāti oṇītapattapāṇīti vacanatthaṃ dassento āha ‘‘pattato cā’’tiādi. ‘‘Apanītapāṇi’’nti iminā oṇītasaddo apanītattho, pāṇisaddena ca sambandhitabboti dasseti. ‘‘Sallakkhetvā’’ti iminā ‘‘bhagavanta’’nti imaṃ kammaṃ ‘‘sallakkhetvā’’ti pāṭhasesena yojetabbanti dasseti. Ekamantanti ettha antasaddo samīpadesattho, koṭidesattho vā hoti , upayogavacanañca bhummatthe hotīti dassento āha ‘‘ekasmiṃ padese’’ti. Atthikapayoge karaṇassa sambhavato āha ‘‘buddhābhivādanagamanena vā dhammassavanagamanena vā’’ti. Appākiṇṇanti ettha appasaddo paṭisedhatthoti āha ‘‘anākiṇṇa’’nti. ‘‘Abbokiṇṇa’’ntipi pāṭho. Appanigghosanti ettha ‘‘appasadda’’ntipadena vacanasaddassa gahitattā iminā pārisesanayena nagaranigghosasaddoyeva gahetabboti āha ‘‘nagaranigghosasaddena appanigghosa’’nti. Tīsu pāṭhesu paṭhamena pāṭhena janassa vāto janavāto, tena virahitaṃ vijanavātanti vikappaṃ dasseti. Dutiyena janassa vādo janavādo, tena virahitaṃ vijanavādanti vikappaṃ dasseti. Tatiyena janassa pāto sañcaraṇaṃ janapāto, tena virahitaṃ vijanapātanti vikappaṃ dasseti. Rahassaṃ karīyati etthāti rāhasseyyakaṃ. Manussānaṃ rāhasseyyakaṃ manussarāhasseyyakanti vacanatthaṃ dasseti ‘‘manussāna’’ntiādinā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣имб̣исаарасамааг̇амагат̇аа • Bimbisārasamāgamakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
