| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
б̣имб̣исаарасамааг̇амагат̇ааван̣н̣анаа
Bimbisārasamāgamakathāvaṇṇanā
55. ид̣̇аани ‘‘ат̇а ко бхаг̇аваа г̇аяаасийсз яат̇аабхиранд̇ам̣ вихарид̇ваа’’д̇иаад̣̇ийсу яаа саа ануд̇д̇аанабад̣̇аван̣н̣анаа, д̇ам̣ д̣̇ассзд̇ум̣ ‘‘ладтиванзд̇и д̇аалуяяаанз’’д̇иаад̣̇и аарад̣̇д̇хам̣. д̇ад̇т̇а д̇аалуяяаанзд̇и д̇ааларугкаанам̣ б̣ахубхаавад̇о звам̣лад̣̇д̇ханаамз уяяаанз. аббзгажжз язна бхаг̇аваа д̇знан̃ж̇алим̣ бан̣аамзд̇ваад̇иаад̣̇ийсу ан̃ж̇алим̣ бан̣аамзд̇ваад̇и яз убхад̇обагкигаа, д̇з санд̇хааязд̇ам̣ вуд̇д̇ам̣. д̇з гира звам̣ жинд̇аяим̣су ‘‘сажз но мижчаад̣̇идтигаа жод̣̇зссанд̇и ‘гасмаа д̇умхз саман̣ам̣ г̇од̇амам̣ ванд̣̇ид̇т̇аа’д̇и, д̇зсам̣ ‘гим̣ ан̃ж̇алимад̇д̇агаран̣знаби ванд̣̇ид̇ам̣ ход̇ий’д̇и вагкаама. сажз но саммаад̣̇идтигаа жод̣̇зссанд̇и ‘гасмаа бхаг̇аванд̇ам̣ на ванд̣̇ид̇т̇аа’д̇и, ‘гим̣ сийсзна бхуумим̣ бахаранд̇знзва ванд̣̇ид̇ам̣ ход̇и, нану ан̃ж̇алигаммамби ванд̣̇анаа зваа’д̇и вагкаамаа’’д̇и. наамаг̇од̇д̇ам̣ саавзд̇ваад̇и ‘‘бхо г̇од̇ама, ахам̣ асугасса буд̇д̇о д̣̇ад̇д̇о наама мид̇д̇о наама ид̇ха ааг̇ад̇о’’д̇и вад̣̇анд̇аа наамам̣ саавзнд̇и наама, ‘‘бхо г̇од̇ама, ахам̣ ваасздто наама гажжаано наама ид̇хааг̇ад̇о’’д̇и вад̣̇анд̇аа г̇од̇д̇ам̣ саавзнд̇и наама. зд̇з гира д̣̇алид̣̇д̣̇аа ж̇ин̣н̣агулабуд̇д̇аа барисамаж̇жхз наамаг̇од̇д̇авасзна баагадаа бхависсаамаад̇и звам̣ агам̣су. яз бана д̇ун̣хийбхууд̇аа нисийд̣̇им̣су, д̇з гзраадигаа жзва анд̇хаб̣аалаа жа. д̇ад̇т̇а гзраадигаа ‘‘згам̣ д̣̇вз гат̇аасаллаабз гаронд̇з виссаасиго ход̇и, ат̇а виссаасз сад̇и згам̣ д̣̇вз бхигкаа ад̣̇аад̇ум̣ на яуд̇д̇а’’нд̇и д̇ад̇о ад̇д̇аанам̣ можзнд̇аа д̇ун̣хий нисийд̣̇анд̇и. анд̇хаб̣аалаа ан̃н̃аан̣ад̇ааязва авагкид̇д̇аа мад̇д̇игаабин̣д̣о вияа яад̇т̇а гад̇т̇ажи д̇ун̣хийбхууд̇аа нисийд̣̇анд̇и.
55. Idāni ‘‘atha kho bhagavā gayāsīse yathābhirantaṃ viharitvā’’tiādīsu yā sā anuttānapadavaṇṇanā, taṃ dassetuṃ ‘‘laṭṭhivaneti tāluyyāne’’tiādi āraddhaṃ. Tattha tāluyyāneti tālarukkhānaṃ bahubhāvato evaṃladdhanāme uyyāne. Appekacce yena bhagavā tenañjaliṃ paṇāmetvātiādīsu añjaliṃ paṇāmetvāti ye ubhatopakkhikā, te sandhāyetaṃ vuttaṃ. Te kira evaṃ cintayiṃsu ‘‘sace no micchādiṭṭhikā codessanti ‘kasmā tumhe samaṇaṃ gotamaṃ vanditthā’ti, tesaṃ ‘kiṃ añjalimattakaraṇenapi vanditaṃ hotī’ti vakkhāma. Sace no sammādiṭṭhikā codessanti ‘kasmā bhagavantaṃ na vanditthā’ti, ‘kiṃ sīsena bhūmiṃ paharanteneva vanditaṃ hoti, nanu añjalikammampi vandanā evā’ti vakkhāmā’’ti. Nāmagottaṃ sāvetvāti ‘‘bho gotama, ahaṃ asukassa putto datto nāma mitto nāma idha āgato’’ti vadantā nāmaṃ sāventi nāma, ‘‘bho gotama, ahaṃ vāseṭṭho nāma kaccāno nāma idhāgato’’ti vadantā gottaṃ sāventi nāma. Ete kira daliddā jiṇṇakulaputtā parisamajjhe nāmagottavasena pākaṭā bhavissāmāti evaṃ akaṃsu. Ye pana tuṇhībhūtā nisīdiṃsu, te kerāṭikā ceva andhabālā ca. Tattha kerāṭikā ‘‘ekaṃ dve kathāsallāpe karonte vissāsiko hoti, atha vissāse sati ekaṃ dve bhikkhā adātuṃ na yutta’’nti tato attānaṃ mocentā tuṇhī nisīdanti. Andhabālā aññāṇatāyeva avakkhittā mattikāpiṇḍo viya yattha katthaci tuṇhībhūtā nisīdanti.
гисаговад̣̇аанод̇и зд̇т̇а гисагаанам̣ овад̣̇аано гисаговад̣̇аанод̇и имам̣ д̇аава ад̇т̇авигаббам̣ д̣̇ассзд̇ум̣ ‘‘д̇аабасажарияааяа гисасарийрад̇д̇аа’’д̇иаад̣̇и вуд̇д̇ам̣. аг̇г̇ихуд̇д̇анд̇и аг̇г̇ибарижаран̣ам̣. руубаад̣̇аяова ид̇ха гааманийяадтзна ‘‘гаамаа’’д̇и вуд̇д̇аад̇и ааха ‘‘зд̇з руубаад̣̇аяо гаамз’’д̇и. яан̃н̃аа абхивад̣̇анд̇ийд̇и яааг̇ахзд̇у иж̇жханд̇ийд̇и вад̣̇анд̇и. убад̇хийсууд̇и зд̇т̇а жад̇д̇ааро убад̇хий гаамубад̇хи канд̇хубад̇хи гилзсубад̇хи абхисан̇каарубад̇хийд̇и. гаамааби хи ‘‘яам̣ бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и (ма. ни. 1.167) звам̣ вуд̇д̇асса сукасса ад̇хидтаанабхаавад̇о убад̇хийяад̇и зд̇т̇а суканд̇и иминаа важанад̇т̇зна ‘‘убад̇хий’’д̇и вужжанд̇и. канд̇хааби канд̇хамуулагасса д̣̇угкасса ад̇хидтаанабхаавад̇о, гилзсааби абааяад̣̇угкасса ад̇хидтаанабхаавад̇о, абхисан̇каарааби бхавад̣̇угкасса ад̇хидтаанабхаавад̇о ‘‘убад̇хий’’д̇и вужжанд̇и, д̇зсу канд̇хубад̇хи ид̇хаад̇хиббзд̇од̇и ааха ‘‘канд̇хубад̇хийсу маланд̇и н̃ад̇ваа’’д̇и. яан̃н̃аа маламзва вад̣̇анд̇ийд̇и яааг̇ахзд̇у маламзва иж̇жхад̇ийд̇и вад̣̇анд̇и. яидтзд̇и махааяааг̇з. худ̇зд̇и д̣̇ивасз д̣̇ивасз гад̇д̇аб̣б̣ааг̇г̇ибарижаран̣з. гаамабхавз асад̇д̇анд̇и гаамабхавз алаг̇г̇ам̣, д̇аб̣б̣инимуд̇д̇анд̇и вуд̇д̇ам̣ ход̇и.
Kisakovadānoti ettha kisakānaṃ ovadāno kisakovadānoti imaṃ tāva atthavikappaṃ dassetuṃ ‘‘tāpasacariyāya kisasarīrattā’’tiādi vuttaṃ. Aggihuttanti aggiparicaraṇaṃ. Rūpādayova idha kāmanīyaṭṭhena ‘‘kāmā’’ti vuttāti āha ‘‘ete rūpādayo kāme’’ti. Yaññā abhivadantīti yāgahetu ijjhantīti vadanti. Upadhīsūti ettha cattāro upadhī kāmupadhi khandhupadhi kilesupadhi abhisaṅkhārupadhīti. Kāmāpi hi ‘‘yaṃ pañca kāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti (ma. ni. 1.167) evaṃ vuttassa sukhassa adhiṭṭhānabhāvato upadhīyati ettha sukhanti iminā vacanatthena ‘‘upadhī’’ti vuccanti. Khandhāpi khandhamūlakassa dukkhassa adhiṭṭhānabhāvato, kilesāpi apāyadukkhassa adhiṭṭhānabhāvato, abhisaṅkhārāpi bhavadukkhassa adhiṭṭhānabhāvato ‘‘upadhī’’ti vuccanti, tesu khandhupadhi idhādhippetoti āha ‘‘khandhupadhīsu malanti ñatvā’’ti. Yaññā malameva vadantīti yāgahetu malameva ijjhatīti vadanti. Yiṭṭheti mahāyāge. Huteti divase divase kattabbaaggiparicaraṇe. Kāmabhave asattanti kāmabhave alaggaṃ, tabbinimuttanti vuttaṃ hoti.
57-58. аасийсанаад̇и бад̇т̇анаа. д̣̇иб̣б̣асуван̣н̣зсуби син̇г̇ийсуван̣н̣асса саб̣б̣асздтад̇д̇аа ‘‘син̇г̇ийнигкасаван̣н̣о’’д̇и вуд̇д̇ам̣. яат̇зва хи мануссабарибхог̇з суван̣н̣з яуд̇д̇игад̇ам̣ хийнам̣, д̇ад̇о расавид̣̇д̇хам̣ сздтам̣, расавид̣̇д̇хад̇о аагаруббаннам̣, д̇ад̇о яам̣ гин̃жи д̣̇иб̣б̣ам̣ сздтам̣, звам̣ д̣̇иб̣б̣асуван̣н̣зсуби жаамийгарад̇о саад̇агумбхам̣, саад̇агумбхад̇о ж̇амб̣унад̣̇ам̣, ж̇амб̣унад̣̇ад̇о син̇г̇ийсуван̣н̣ам̣, д̇асмаа д̇ам̣ саб̣б̣асздтам̣. син̇г̇ийнигканд̇и жа нигкабаримаан̣зна син̇г̇ийсуван̣н̣зна гад̇ам̣ суван̣н̣абаддам̣. уунаганигкзна гад̇ан̃хи гхадданамаж̇ж̇анагкамам̣ на ход̇и, ад̇ирзгзна гад̇ам̣ гхадданамаж̇ж̇анам̣ камад̇и, ван̣н̣аванд̇ам̣ бана на ход̇и, парусад̇хаад̇угам̣ кааяад̇и, нигкзна гад̇ам̣ гхадданамаж̇ж̇анан̃жзва камад̇и ван̣н̣аванд̇ан̃жа ход̇и. нигкам̣ бана вийсад̇исуван̣н̣анд̇и гзжи . бан̃жавийсад̇исуван̣н̣анд̇и абарз. маж̇жхиманигааяадтагат̇ааяам̣ бана ‘‘нигкам̣ наама бан̃жасуван̣н̣аа’’д̇и вуд̇д̇ам̣. суван̣н̣о наама жад̇уд̇харан̣анд̇и вад̣̇анд̇и.
57-58.Āsīsanāti patthanā. Dibbasuvaṇṇesupi siṅgīsuvaṇṇassa sabbaseṭṭhattā ‘‘siṅgīnikkhasavaṇṇo’’ti vuttaṃ. Yatheva hi manussaparibhoge suvaṇṇe yuttikataṃ hīnaṃ, tato rasaviddhaṃ seṭṭhaṃ, rasaviddhato ākaruppannaṃ, tato yaṃ kiñci dibbaṃ seṭṭhaṃ, evaṃ dibbasuvaṇṇesupi cāmīkarato sātakumbhaṃ, sātakumbhato jambunadaṃ, jambunadato siṅgīsuvaṇṇaṃ, tasmā taṃ sabbaseṭṭhaṃ. Siṅgīnikkhanti ca nikkhaparimāṇena siṅgīsuvaṇṇena kataṃ suvaṇṇapaṭṭaṃ. Ūnakanikkhena katañhi ghaṭṭanamajjanakkhamaṃ na hoti, atirekena kataṃ ghaṭṭanamajjanaṃ khamati, vaṇṇavantaṃ pana na hoti, pharusadhātukaṃ khāyati, nikkhena kataṃ ghaṭṭanamajjanañceva khamati vaṇṇavantañca hoti. Nikkhaṃ pana vīsatisuvaṇṇanti keci . Pañcavīsatisuvaṇṇanti apare. Majjhimanikāyaṭṭhakathāyaṃ pana ‘‘nikkhaṃ nāma pañcasuvaṇṇā’’ti vuttaṃ. Suvaṇṇo nāma catudharaṇanti vadanti.
д̣̇асасу арияаваасзсу вуд̇т̇аваасод̇и –
Dasasu ariyavāsesu vutthavāsoti –
‘‘ид̇ха, (д̣̇ий. ни. 3.348; а. ни. 10.20) бхигкавз, бхигку бан̃жан̇г̇авиббахийно ход̇и чал̣ан̇г̇асаманнааг̇ад̇о згаарагко жад̇ураабассзно банун̣н̣абажжзгасажжо самаваяасадтзсано анаавиласан̇габбо бассад̣̇д̇хагааяасан̇кааро сувимуд̇д̇ажид̇д̇о сувимуд̇д̇абан̃н̃о.
‘‘Idha, (dī. ni. 3.348; a. ni. 10.20) bhikkhave, bhikkhu pañcaṅgavippahīno hoti chaḷaṅgasamannāgato ekārakkho caturāpasseno panuṇṇapaccekasacco samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapañño.
‘‘гат̇ан̃жа , бхигкавз, бхигку бан̃жан̇г̇авиббахийно ход̇и? ид̇ха, бхигкавз, бхигкуно гаамажчанд̣̇о бахийно ход̇и, б̣яаабаад̣̇о бахийно ход̇и, т̇инамид̣̇д̇хам̣ бахийнам̣ ход̇и, уд̣̇д̇хажжагуггужжам̣ бахийнам̣ ход̇и, вижигижчаа бахийнаа ход̇и. звам̣ ко, бхигкавз, бхигку бан̃жан̇г̇авиббахийно ход̇и.
‘‘Kathañca , bhikkhave, bhikkhu pañcaṅgavippahīno hoti? Idha, bhikkhave, bhikkhuno kāmacchando pahīno hoti, byāpādo pahīno hoti, thinamiddhaṃ pahīnaṃ hoti, uddhaccakukkuccaṃ pahīnaṃ hoti, vicikicchā pahīnā hoti. Evaṃ kho, bhikkhave, bhikkhu pañcaṅgavippahīno hoti.
‘‘гат̇ан̃жа, бхигкавз, бхигку чал̣ан̇г̇асаманнааг̇ад̇о ход̇и? ид̇ха, бхигкавз, бхигку жагкунаа руубам̣ д̣̇исваа нзва сумано ход̇и на д̣̇уммано, убзгкаго вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа нзва сумано ход̇и на д̣̇уммано, убзгкаго вихарад̇и сад̇о самбаж̇аано. звам̣ ко, бхигкавз, бхигку чал̣ан̇г̇асаманнааг̇ад̇о ход̇и.
‘‘Kathañca, bhikkhave, bhikkhu chaḷaṅgasamannāgato hoti? Idha, bhikkhave, bhikkhu cakkhunā rūpaṃ disvā neva sumano hoti na dummano, upekkhako viharati sato sampajāno. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya neva sumano hoti na dummano, upekkhako viharati sato sampajāno. Evaṃ kho, bhikkhave, bhikkhu chaḷaṅgasamannāgato hoti.
‘‘гат̇ан̃жа, бхигкавз, бхигку згаарагко ход̇и? ид̇ха, бхигкавз, бхигку сад̇аарагкзна жзд̇асаа саманнааг̇ад̇о ход̇и. звам̣ ко, бхигкавз, бхигку згаарагко ход̇и.
‘‘Kathañca, bhikkhave, bhikkhu ekārakkho hoti? Idha, bhikkhave, bhikkhu satārakkhena cetasā samannāgato hoti. Evaṃ kho, bhikkhave, bhikkhu ekārakkho hoti.
‘‘гат̇ан̃жа, бхигкавз, бхигку жад̇ураабассзно ход̇и? ид̇ха, бхигкавз, бхигку сан̇кааязгам̣ бадисзвад̇и, сан̇кааязгам̣ ад̇хиваасзд̇и, сан̇кааязгам̣ бариваж̇ж̇зд̇и, сан̇кааязгам̣ винод̣̇зд̇и. звам̣ ко, бхигкавз, бхигку жад̇ураабассзно ход̇и.
‘‘Kathañca, bhikkhave, bhikkhu caturāpasseno hoti? Idha, bhikkhave, bhikkhu saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodeti. Evaṃ kho, bhikkhave, bhikkhu caturāpasseno hoti.
‘‘гат̇ан̃жа, бхигкавз, бхигку банун̣н̣абажжзгасажжо ход̇и? ид̇ха, бхигкавз, бхигку яаани д̇аани бут̇усаман̣аб̣раахман̣аанам̣ бут̇убажжзгасажжаани , саб̣б̣аани д̇аани нун̣н̣аани хонд̇и банун̣н̣аани жад̇д̇аани ванд̇аани муд̇д̇аани бахийнаани бадиниссадтаани. звам̣ ко, бхигкавз, бхигку банун̣н̣абажжзгасажжо ход̇и.
‘‘Kathañca, bhikkhave, bhikkhu panuṇṇapaccekasacco hoti? Idha, bhikkhave, bhikkhu yāni tāni puthusamaṇabrāhmaṇānaṃ puthupaccekasaccāni , sabbāni tāni nuṇṇāni honti panuṇṇāni cattāni vantāni muttāni pahīnāni paṭinissaṭṭhāni. Evaṃ kho, bhikkhave, bhikkhu panuṇṇapaccekasacco hoti.
‘‘гат̇ан̃жа, бхигкавз, бхигку самаваяасадтзсано ход̇и? ид̇ха, бхигкавз, бхигкуно гаамзсанаа бахийнаа ход̇и, бхавзсанаа бахийнаа ход̇и, б̣рахмажариязсанаа бадиббассад̣̇д̇хаа. звам̣ ко, бхигкавз, бхигку самаваяасадтзсано ход̇и.
‘‘Kathañca, bhikkhave, bhikkhu samavayasaṭṭhesano hoti? Idha, bhikkhave, bhikkhuno kāmesanā pahīnā hoti, bhavesanā pahīnā hoti, brahmacariyesanā paṭippassaddhā. Evaṃ kho, bhikkhave, bhikkhu samavayasaṭṭhesano hoti.
‘‘гат̇ан̃жа, бхигкавз, бхигку анаавиласан̇габбо ход̇и? ид̇ха, бхигкавз, бхигкуно гаамасан̇габбо бахийно ход̇и, б̣яаабаад̣̇асан̇габбо бахийно ход̇и, вихим̣саасан̇габбо бахийно ход̇и. звам̣ ко, бхигкавз, бхигку анаавиласан̇габбо ход̇и.
‘‘Kathañca, bhikkhave, bhikkhu anāvilasaṅkappo hoti? Idha, bhikkhave, bhikkhuno kāmasaṅkappo pahīno hoti, byāpādasaṅkappo pahīno hoti, vihiṃsāsaṅkappo pahīno hoti. Evaṃ kho, bhikkhave, bhikkhu anāvilasaṅkappo hoti.
‘‘гат̇ан̃жа, бхигкавз, бхигку бассад̣̇д̇хагааяасан̇кааро ход̇и? ид̇ха, бхигкавз, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. звам̣ ко, бхигкавз, бхигку бассад̣̇д̇хагааяасан̇кааро ход̇и.
‘‘Kathañca, bhikkhave, bhikkhu passaddhakāyasaṅkhāro hoti? Idha, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Evaṃ kho, bhikkhave, bhikkhu passaddhakāyasaṅkhāro hoti.
‘‘гат̇ан̃жа, бхигкавз, бхигку сувимуд̇д̇ажид̇д̇о ход̇и? ид̇ха, бхигкавз, бхигкуно рааг̇аажид̇д̇ам̣ вимуд̇д̇ам̣ ход̇и, д̣̇осаа жид̇д̇ам̣ вимуд̇д̇ам̣ ход̇и, мохаа жид̇д̇ам̣ вимуд̇д̇ам̣ ход̇и. звам̣ ко, бхигкавз, бхигку сувимуд̇д̇ажид̇д̇о ход̇и.
‘‘Kathañca, bhikkhave, bhikkhu suvimuttacitto hoti? Idha, bhikkhave, bhikkhuno rāgācittaṃ vimuttaṃ hoti, dosā cittaṃ vimuttaṃ hoti, mohā cittaṃ vimuttaṃ hoti. Evaṃ kho, bhikkhave, bhikkhu suvimuttacitto hoti.
‘‘гат̇ан̃жа, бхигкавз, бхигку сувимуд̇д̇абан̃н̃о ход̇и? ид̇ха, бхигкавз, бхигку ‘рааг̇о мз бахийно ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо’д̇и баж̇аанаад̇и, ‘д̣̇осо мз бахийно…бз… мохо мз бахийно ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо’д̇и баж̇аанаад̇и. звам̣ ко, бхигкавз, бхигку сувимуд̇д̇абан̃н̃о ход̇ий’’д̇и (д̣̇ий. ни. 3.348; а. ни. 10.20) –
‘‘Kathañca, bhikkhave, bhikkhu suvimuttapañño hoti? Idha, bhikkhave, bhikkhu ‘rāgo me pahīno ucchinnamūlo tālāvatthukato anabhāvaṃkato āyatiṃ anuppādadhammo’ti pajānāti, ‘doso me pahīno…pe… moho me pahīno ucchinnamūlo tālāvatthukato anabhāvaṃkato āyatiṃ anuppādadhammo’ti pajānāti. Evaṃ kho, bhikkhave, bhikkhu suvimuttapañño hotī’’ti (dī. ni. 3.348; a. ni. 10.20) –
звамааг̇ад̇зсу д̣̇асасу арияаваасзсу вуд̇т̇аваасо.
Evamāgatesu dasasu ariyavāsesu vutthavāso.
д̇ад̇т̇а васанд̇и зд̇т̇аад̇и ваасаа, арияаанам̣ зва ваасаад̇и арияаваасаа анарияаанам̣ д̇аад̣̇исаанам̣ ваасаанам̣ асамбхавад̇о. арияаад̇и жзд̇т̇а уггадтанид̣̇д̣̇зсзна кийн̣аасаваа г̇ахид̇аа. згаарагкод̇и згаа сад̇исан̇каад̇аа аарагкаа зд̇ассаад̇и згаарагко. кийн̣аасавасса (д̣̇ий. ни. адта. 3.348; а. ни. адта. 3.10.20) хи д̇ийсу д̣̇ваарзсу саб̣б̣агаалз сад̇и аарагкагижжам̣ саад̇хзд̇и. д̇знзвасса жарад̇о жа д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇ам̣ ход̇ийд̇и вужжад̇и.
Tattha vasanti etthāti vāsā, ariyānaṃ eva vāsāti ariyavāsā anariyānaṃ tādisānaṃ vāsānaṃ asambhavato. Ariyāti cettha ukkaṭṭhaniddesena khīṇāsavā gahitā. Ekārakkhoti ekā satisaṅkhātā ārakkhā etassāti ekārakkho. Khīṇāsavassa (dī. ni. aṭṭha. 3.348; a. ni. aṭṭha. 3.10.20) hi tīsu dvāresu sabbakāle sati ārakkhakiccaṃ sādheti. Tenevassa carato ca tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhitaṃ hotīti vuccati.
жад̇ураабассзнод̇и жад̇д̇аари абассзнаани абассаяаа зд̇ассаад̇и жад̇ураабассзно. сан̇кааяаад̇и н̃аан̣зна (д̣̇ий. ни. адта. 3.308). бадисзвад̇ийд̇и н̃аан̣зна н̃ад̇ваа сзвид̇аб̣б̣аяуд̇д̇агамзва сзвад̇и. д̇асса вид̇т̇ааро ‘‘бадисан̇каа яонисо жийварам̣ барибхун̃ж̇ад̇ий’’д̇иаад̣̇инаа (ма. ни. 1.23; а. ни. 6.58) наязна взд̣̇ид̇аб̣б̣о. сан̇кааязгам̣ ад̇хиваасзд̇ийд̇и н̃аан̣зна н̃ад̇ваа ад̇хиваасзд̇аб̣б̣аяуд̇д̇агамзва ад̇хиваасзд̇и. вид̇т̇ааро банзд̇т̇а ‘‘бадисан̇каа яонисо камо ход̇и сийд̇ассаа’’д̇иаад̣̇инаа (ма. ни. 1.24) наязна взд̣̇ид̇аб̣б̣о. бариваж̇ж̇зд̇ийд̇и н̃аан̣зна н̃ад̇ваа бариваж̇ж̇зд̇аб̣б̣аяуд̇д̇агамзва бариваж̇ж̇зд̇и. д̇асса вид̇т̇ааро ‘‘бадисан̇каа яонисо жан̣д̣ам̣ хад̇т̇им̣ бариваж̇ж̇зд̇ий’’д̇иаад̣̇инаа наязна взд̣̇ид̇аб̣б̣о. винод̣̇зд̇ийд̇и н̃аан̣зна н̃ад̇ваа винод̣̇зд̇аб̣б̣амзва винод̣̇зд̇и нуд̣̇ад̇и нийхарад̇и анд̇о васид̇ум̣ на д̣̇зд̇и. д̇асса вид̇т̇ааро ‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа наязна взд̣̇ид̇аб̣б̣о.
Caturāpassenoti cattāri apassenāni apassayā etassāti caturāpasseno. Saṅkhāyāti ñāṇena (dī. ni. aṭṭha. 3.308). Paṭisevatīti ñāṇena ñatvā sevitabbayuttakameva sevati. Tassa vitthāro ‘‘paṭisaṅkhā yoniso cīvaraṃ paribhuñjatī’’tiādinā (ma. ni. 1.23; a. ni. 6.58) nayena veditabbo. Saṅkhāyekaṃ adhivāsetīti ñāṇena ñatvā adhivāsetabbayuttakameva adhivāseti. Vitthāro panettha ‘‘paṭisaṅkhā yoniso khamo hoti sītassā’’tiādinā (ma. ni. 1.24) nayena veditabbo. Parivajjetīti ñāṇena ñatvā parivajjetabbayuttakameva parivajjeti. Tassa vitthāro ‘‘paṭisaṅkhā yoniso caṇḍaṃ hatthiṃ parivajjetī’’tiādinā nayena veditabbo. Vinodetīti ñāṇena ñatvā vinodetabbameva vinodeti nudati nīharati anto vasituṃ na deti. Tassa vitthāro ‘‘uppannaṃ kāmavitakkaṃ nādhivāsetī’’tiādinā nayena veditabbo.
банун̣н̣абажжзгасажжод̇и (а. ни. адта. 2.4.38; д̣̇ий. ни. адта. 3.348) ‘‘ид̣̇амзва д̣̇ассанам̣ сажжам̣, ид̣̇амзва сажжа’’нд̇и звам̣ баадиязггам̣ г̇ахид̇ад̇д̇аа бажжзгасан̇каад̇аани д̣̇идтисажжаани банун̣н̣аани нийхадаани бахийнаани ассаад̇и банун̣н̣абажжзгасажжо. бут̇усаман̣аб̣раахман̣аананд̇и б̣ахуунам̣ саман̣аб̣раахман̣аанам̣. зд̇т̇а жа саман̣аад̇и баб̣б̣аж̇ж̇убаг̇ад̇аа. б̣раахман̣аад̇и бховаад̣̇ино. бут̇убажжзгасажжаанийд̇и б̣ахууни баадзггасажжаани, ‘‘ид̣̇амзва д̣̇ассанам̣ сажжам̣, ид̣̇амзва сажжа’’нд̇и баадиязггам̣ г̇ахид̇аани б̣ахууни сажжаанийд̇и ад̇т̇о. нун̣н̣аанийд̇и нийхадаани. банун̣н̣аанийд̇и судту нийхад̇аани. жад̇д̇аанийд̇и виссадтаани. ванд̇аанийд̇и вамид̇аани. муд̇д̇аанийд̇и чиннаб̣анд̇ханаани гад̇аани. бахийнаанийд̇и баж̇ахид̇аани. бадиниссадтаанийд̇и яат̇аа на буна жид̇д̇ам̣ аароханд̇и, звам̣ бадивиссаж̇ж̇ид̇аани. саб̣б̣аанзва жзд̇аани арияамаг̇г̇аад̇хиг̇амад̇о буб̣б̣з г̇ахид̇асса д̣̇идтиг̇г̇аахасса виссадтабхаававзважанаани.
Panuṇṇapaccekasaccoti (a. ni. aṭṭha. 2.4.38; dī. ni. aṭṭha. 3.348) ‘‘idameva dassanaṃ saccaṃ, idameva sacca’’nti evaṃ pāṭiyekkaṃ gahitattā paccekasaṅkhātāni diṭṭhisaccāni panuṇṇāni nīhaṭāni pahīnāni assāti panuṇṇapaccekasacco. Puthusamaṇabrāhmaṇānanti bahūnaṃ samaṇabrāhmaṇānaṃ. Ettha ca samaṇāti pabbajjupagatā. Brāhmaṇāti bhovādino. Puthupaccekasaccānīti bahūni pāṭekkasaccāni, ‘‘idameva dassanaṃ saccaṃ, idameva sacca’’nti pāṭiyekkaṃ gahitāni bahūni saccānīti attho. Nuṇṇānīti nīhaṭāni. Panuṇṇānīti suṭṭhu nīhatāni. Cattānīti vissaṭṭhāni. Vantānīti vamitāni. Muttānīti chinnabandhanāni katāni. Pahīnānīti pajahitāni. Paṭinissaṭṭhānīti yathā na puna cittaṃ ārohanti, evaṃ paṭivissajjitāni. Sabbāneva cetāni ariyamaggādhigamato pubbe gahitassa diṭṭhiggāhassa vissaṭṭhabhāvavevacanāni.
самаваяасадтзсанод̇и (д̣̇ий. ни. адта. 3.348; а. ни. адта. 3.10.20) зд̇т̇а аваяаад̇и ануунаа. садтаад̇и ниссадтаа. саммаа аваяаа садтаа зсанаа ассаад̇и самаваяасадтзсано, саммаа виссадтасаб̣б̣азсанод̇и ад̇т̇о. ‘‘рааг̇аа жид̇д̇ам̣ вимуд̇д̇а’’нд̇иаад̣̇ийхи маг̇г̇асса гижжанибпад̇д̇и гат̇ид̇аа рааг̇аад̣̇ийнам̣ бахийнабхаавад̣̇ийбанад̇о. ‘‘рааг̇о мз бахийно’’д̇иаад̣̇ийхи бажжавзгкан̣аамукзна арияапалам̣ гат̇ид̇ам̣. ад̇хиг̇ад̇з хи аг̇г̇апалз саб̣б̣асо рааг̇аад̣̇ийнам̣ ануббаад̣̇ад̇хаммад̇ам̣ баж̇аанаад̇и, д̇ан̃жа баж̇аананам̣ бажжавзгкан̣ан̃аан̣анд̇и. д̇ад̇т̇а бан̃жан̇г̇авиббахаанабажжзгасажжаабанод̣̇аназсанаасамаваяасаж̇ж̇анаани ‘‘сан̇кааязгам̣ бадисзвад̇и ад̇хиваасзд̇и бариваж̇ж̇зд̇и винод̣̇зд̇ий’’д̇и вуд̇д̇зсу абассзнзсу винод̣̇анаа жа маг̇г̇агижжаанзва, ид̇арз жа маг̇г̇знзва самиж̇жханд̇и.
Samavayasaṭṭhesanoti (dī. ni. aṭṭha. 3.348; a. ni. aṭṭha. 3.10.20) ettha avayāti anūnā. Saṭṭhāti nissaṭṭhā. Sammā avayā saṭṭhā esanā assāti samavayasaṭṭhesano, sammā vissaṭṭhasabbaesanoti attho. ‘‘Rāgā cittaṃ vimutta’’ntiādīhi maggassa kiccanipphatti kathitā rāgādīnaṃ pahīnabhāvadīpanato. ‘‘Rāgo me pahīno’’tiādīhi paccavekkhaṇāmukhena ariyaphalaṃ kathitaṃ. Adhigate hi aggaphale sabbaso rāgādīnaṃ anuppādadhammataṃ pajānāti, tañca pajānanaṃ paccavekkhaṇañāṇanti. Tattha pañcaṅgavippahānapaccekasaccāpanodanaesanāsamavayasajjanāni ‘‘saṅkhāyekaṃ paṭisevati adhivāseti parivajjeti vinodetī’’ti vuttesu apassenesu vinodanā ca maggakiccāneva, itare ca maggeneva samijjhanti.
д̣̇асаб̣алод̇и гааяаб̣аласан̇каад̇аани н̃аан̣аб̣аласан̇каад̇аани жа д̣̇аса б̣алаани зд̇ассаад̇и д̣̇асаб̣ало. д̣̇увид̇хан̃хи д̇ат̇ааг̇ад̇асса б̣алам̣ гааяаб̣алам̣ н̃аан̣аб̣алан̃жа. д̇зсу гааяаб̣алам̣ хад̇т̇игулаанусаарзна взд̣̇ид̇аб̣б̣ам̣. вуд̇д̇ан̃хзд̇ам̣ бораан̣зхи –
Dasabaloti kāyabalasaṅkhātāni ñāṇabalasaṅkhātāni ca dasa balāni etassāti dasabalo. Duvidhañhi tathāgatassa balaṃ kāyabalaṃ ñāṇabalañca. Tesu kāyabalaṃ hatthikulānusārena veditabbaṃ. Vuttañhetaṃ porāṇehi –
‘‘гаал̣ааваган̃жа г̇ан̇г̇зяяам̣, бан̣д̣арам̣ д̇амб̣абин̇г̇алам̣;
‘‘Kāḷāvakañca gaṅgeyyaṃ, paṇḍaraṃ tambapiṅgalaṃ;
г̇анд̇хаман̇г̇алахзман̃жа, убосат̇ачад̣̇д̣̇анд̇имз д̣̇асаа’’д̇и. (ма. ни. адта. 1.148; сам̣. ни. адта. 2.2.22; а. ни. адта. 3.10.21; вибха. адта 76; уд̣̇аа. адта. 75; б̣у. вам̣. адта. 1.39; бади. ма. адта. 2.2.44; жуул̣ани. адта. 81);
Gandhamaṅgalahemañca, uposathachaddantime dasā’’ti. (ma. ni. aṭṭha. 1.148; saṃ. ni. aṭṭha. 2.2.22; a. ni. aṭṭha. 3.10.21; vibha. aṭṭha 76; udā. aṭṭha. 75; bu. vaṃ. aṭṭha. 1.39; paṭi. ma. aṭṭha. 2.2.44; cūḷani. aṭṭha. 81);
имаани хи д̣̇аса хад̇т̇игулаани. д̇ад̇т̇а гаал̣ааваганд̇и багад̇ихад̇т̇игулам̣ д̣̇адтаб̣б̣ам̣. яам̣ д̣̇асаннам̣ бурисаанам̣ гааяаб̣алам̣, д̇ам̣ згасса гаал̣аавагасса хад̇т̇ино. яам̣ д̣̇асаннам̣ гаал̣аавагаанам̣ б̣алам̣, д̇ам̣ згасса г̇ан̇г̇зяяасса. яам̣ д̣̇асаннам̣ г̇ан̇г̇зяяаанам̣, д̇ам̣ згасса бан̣д̣арасса. яам̣ д̣̇асаннам̣ бан̣д̣араанам̣, д̇ам̣ згасса д̇амб̣асса. яам̣ д̣̇асаннам̣ д̇амб̣аанам̣, д̇ам̣ згасса бин̇г̇аласса. яам̣ д̣̇асаннам̣ бин̇г̇алаанам̣, д̇ам̣ згасса г̇анд̇хахад̇т̇ино. яам̣ д̣̇асаннам̣ г̇анд̇хахад̇т̇ийнам̣, д̇ам̣ згасса ман̇г̇аласса. яам̣ д̣̇асаннам̣ ман̇г̇алаанам̣, д̇ам̣ згасса хзмавад̇асса. яам̣ д̣̇асаннам̣ хзмавад̇аанам̣, д̇ам̣ згасса убосат̇асса. яам̣ д̣̇асаннам̣ убосат̇аанам̣, д̇ам̣ згасса чад̣̇д̣̇анд̇асса. яам̣ д̣̇асаннам̣ чад̣̇д̣̇анд̇аанам̣, д̇ам̣ згасса д̇ат̇ааг̇ад̇асса гааяаб̣алам̣. наарааяанасан̇гхаад̇аб̣аланд̇иби ид̣̇амзва вужжад̇и. д̇ад̇т̇а наараа вужжанд̇и расмияо, д̇аа б̣ахуу наанаавид̇хаа д̇ад̇о уббаж̇ж̇анд̇ийд̇и наарааяанам̣, важ̇ирам̣, д̇асмаа важ̇ирасан̇гхаад̇аб̣аланд̇и ад̇т̇о. д̇ад̣̇зд̇ам̣ багад̇ихад̇т̇иг̇ан̣анааяа хад̇т̇ийнам̣ годисахассаанам̣, бурисаг̇ан̣анааяа д̣̇асаннам̣ бурисагодисахассаанам̣ б̣алам̣ ход̇и. ид̣̇ам̣ д̇аава д̇ат̇ааг̇ад̇асса гааяаб̣алам̣.
Imāni hi dasa hatthikulāni. Tattha kāḷāvakanti pakatihatthikulaṃ daṭṭhabbaṃ. Yaṃ dasannaṃ purisānaṃ kāyabalaṃ, taṃ ekassa kāḷāvakassa hatthino. Yaṃ dasannaṃ kāḷāvakānaṃ balaṃ, taṃ ekassa gaṅgeyyassa. Yaṃ dasannaṃ gaṅgeyyānaṃ, taṃ ekassa paṇḍarassa. Yaṃ dasannaṃ paṇḍarānaṃ, taṃ ekassa tambassa. Yaṃ dasannaṃ tambānaṃ, taṃ ekassa piṅgalassa. Yaṃ dasannaṃ piṅgalānaṃ, taṃ ekassa gandhahatthino. Yaṃ dasannaṃ gandhahatthīnaṃ, taṃ ekassa maṅgalassa. Yaṃ dasannaṃ maṅgalānaṃ, taṃ ekassa hemavatassa. Yaṃ dasannaṃ hemavatānaṃ, taṃ ekassa uposathassa. Yaṃ dasannaṃ uposathānaṃ, taṃ ekassa chaddantassa. Yaṃ dasannaṃ chaddantānaṃ, taṃ ekassa tathāgatassa kāyabalaṃ. Nārāyanasaṅghātabalantipi idameva vuccati. Tattha nārā vuccanti rasmiyo, tā bahū nānāvidhā tato uppajjantīti nārāyanaṃ, vajiraṃ, tasmā vajirasaṅghātabalanti attho. Tadetaṃ pakatihatthigaṇanāya hatthīnaṃ koṭisahassānaṃ, purisagaṇanāya dasannaṃ purisakoṭisahassānaṃ balaṃ hoti. Idaṃ tāva tathāgatassa kāyabalaṃ.
н̃аан̣аб̣алам̣ бана баал̣ияам̣ ааг̇ад̇амзва. д̇ад̇рааяам̣ баал̣и (ма. ни. 1.148; а. ни. 10.21) –
Ñāṇabalaṃ pana pāḷiyaṃ āgatameva. Tatrāyaṃ pāḷi (ma. ni. 1.148; a. ni. 10.21) –
‘‘д̣̇аса ко банимаани, саарибуд̇д̇а, д̇ат̇ааг̇ад̇асса д̇ат̇ааг̇ад̇аб̣алаани, язхи б̣алзхи саманнааг̇ад̇о д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и. гад̇амаани д̣̇аса? ид̇ха, саарибуд̇д̇а, д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и, яамби, саарибуд̇д̇а, д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. ид̣̇амби, саарибуд̇д̇а, д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и. (1)
‘‘Dasa kho panimāni, sāriputta, tathāgatassa tathāgatabalāni, yehi balehi samannāgato tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti. Katamāni dasa? Idha, sāriputta, tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti, yampi, sāriputta, tathāgato ṭhānañca ṭhānato aṭṭhānañca aṭṭhānato yathābhūtaṃ pajānāti. Idampi, sāriputta, tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti. (1)
‘‘буна жабарам̣, саарибуд̇д̇а, д̇ат̇ааг̇ад̇о ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибаагам̣ яат̇аабхууд̇ам̣ баж̇аанаад̇и…бз…. (2)
‘‘Puna caparaṃ, sāriputta, tathāgato atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānāti…pe…. (2)
‘‘буна жабарам̣, саарибуд̇д̇а, д̇ат̇ааг̇ад̇о саб̣б̣ад̇т̇аг̇ааминим̣ бадибад̣̇ам̣ яат̇аабхууд̇ам̣ баж̇аанаад̇и…бз…. (3)
‘‘Puna caparaṃ, sāriputta, tathāgato sabbatthagāminiṃ paṭipadaṃ yathābhūtaṃ pajānāti…pe…. (3)
‘‘буна жабарам̣, саарибуд̇д̇а, д̇ат̇ааг̇ад̇о анзгад̇хаад̇ум̣ наанаад̇хаад̇ум̣ логам̣ яат̇аабхууд̇ам̣ баж̇аанаад̇и…бз…. (4)
‘‘Puna caparaṃ, sāriputta, tathāgato anekadhātuṃ nānādhātuṃ lokaṃ yathābhūtaṃ pajānāti…pe…. (4)
‘‘буна жабарам̣, саарибуд̇д̇а, д̇ат̇ааг̇ад̇о сад̇д̇аанам̣ наанаад̇химуд̇д̇игад̇ам̣ яат̇аабхууд̇ам̣ баж̇аанаад̇и…бз…. (5)
‘‘Puna caparaṃ, sāriputta, tathāgato sattānaṃ nānādhimuttikataṃ yathābhūtaṃ pajānāti…pe…. (5)
‘‘буна жабарам̣, саарибуд̇д̇а, д̇ат̇ааг̇ад̇о барасад̇д̇аанам̣ барабуг̇г̇алаанам̣ инд̣̇рияабаробарияад̇д̇ам̣ яат̇аабхууд̇ам̣ баж̇аанаад̇и…бз…. (6)
‘‘Puna caparaṃ, sāriputta, tathāgato parasattānaṃ parapuggalānaṃ indriyaparopariyattaṃ yathābhūtaṃ pajānāti…pe…. (6)
‘‘буна жабарам̣, саарибуд̇д̇а, д̇ат̇ааг̇ад̇о жхаанавимогкасамаад̇хисамаабад̇д̇ийнам̣ сам̣гилзсам̣ вод̣̇аанам̣ вудтаанам̣ яат̇аабхууд̇ам̣ баж̇аанаад̇и…бз…. (7)
‘‘Puna caparaṃ, sāriputta, tathāgato jhānavimokkhasamādhisamāpattīnaṃ saṃkilesaṃ vodānaṃ vuṭṭhānaṃ yathābhūtaṃ pajānāti…pe…. (7)
‘‘буна жабарам̣, саарибуд̇д̇а, д̇ат̇ааг̇ад̇о анзгавихид̇ам̣ буб̣б̣зниваасам̣ ануссарад̇и. сзяяат̇ид̣̇ам̣? згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и…бз…. (8)
‘‘Puna caparaṃ, sāriputta, tathāgato anekavihitaṃ pubbenivāsaṃ anussarati. Seyyathidaṃ? Ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati…pe…. (8)
‘‘буна жабарам̣, саарибуд̇д̇а, д̇ат̇ааг̇ад̇о д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и…бз…. (9)
‘‘Puna caparaṃ, sāriputta, tathāgato dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti…pe…. (9)
‘‘буна жабарам̣, саарибуд̇д̇а, д̇ат̇ааг̇ад̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и…бз… ид̣̇амби, саарибуд̇д̇а, д̇ат̇ааг̇ад̇асса д̇ат̇ааг̇ад̇аб̣алам̣ ход̇и, яам̣ б̣алам̣ ааг̇амма д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и. имаани ко, саарибуд̇д̇а, д̣̇аса д̇ат̇ааг̇ад̇асса д̇ат̇ааг̇ад̇аб̣алааний’’д̇и. (10)
‘‘Puna caparaṃ, sāriputta, tathāgato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati…pe… idampi, sāriputta, tathāgatassa tathāgatabalaṃ hoti, yaṃ balaṃ āgamma tathāgato āsabhaṃ ṭhānaṃ paṭijānāti, parisāsu sīhanādaṃ nadati, brahmacakkaṃ pavatteti. Imāni kho, sāriputta, dasa tathāgatassa tathāgatabalānī’’ti. (10)
д̇ад̇т̇а (ма. ни. адта. 1.148; а. ни. адта. 3.10.21; вибха. адта. 760) таанан̃жа таанад̇од̇и гааран̣ан̃жа гааран̣ад̇о. ‘‘яз яз д̇хаммаа язсам̣ язсам̣ д̇хаммаанам̣ хзд̇уу бажжаяаа уббаад̣̇ааяа, д̇ам̣ д̇ам̣ таанам̣. яз яз д̇хаммаа язсам̣ язсам̣ д̇хаммаанам̣ на хзд̇уу на бажжаяаа уббаад̣̇ааяа, д̇ам̣ д̇ам̣ адтаана’’нд̇и баж̇аананд̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. яамбийд̇и язна н̃аан̣зна.
Tattha (ma. ni. aṭṭha. 1.148; a. ni. aṭṭha. 3.10.21; vibha. aṭṭha. 760) ṭhānañca ṭhānatoti kāraṇañca kāraṇato. ‘‘Ye ye dhammā yesaṃ yesaṃ dhammānaṃ hetū paccayā uppādāya, taṃ taṃ ṭhānaṃ. Ye ye dhammā yesaṃ yesaṃ dhammānaṃ na hetū na paccayā uppādāya, taṃ taṃ aṭṭhāna’’nti pajānanto ṭhānañca ṭhānato aṭṭhānañca aṭṭhānato yathābhūtaṃ pajānāti. Yampīti yena ñāṇena.
гаммасамаад̣̇аанаананд̇и самаад̣̇ияид̇ваа гад̇аанам̣ гусалаагусалагаммаанам̣, гаммамзва ваа гаммасамаад̣̇аанам̣. таанасо хзд̇усод̇и бажжаяад̇о жзва хзд̇уд̇о жа. д̇ад̇т̇а г̇ад̇иубад̇хигаалабаяог̇аа вибаагасса таанам̣, гаммам̣ хзд̇у.
Kammasamādānānanti samādiyitvā katānaṃ kusalākusalakammānaṃ, kammameva vā kammasamādānaṃ. Ṭhānaso hetusoti paccayato ceva hetuto ca. Tattha gatiupadhikālapayogā vipākassa ṭhānaṃ, kammaṃ hetu.
саб̣б̣ад̇т̇аг̇аамининд̇и саб̣б̣аг̇ад̇иг̇ааминин̃жа аг̇ад̇иг̇ааминин̃жа. бадибад̣̇анд̇и маг̇г̇ам̣. яат̇аабхууд̇ам̣ баж̇аанаад̇ийд̇и б̣ахуусуби мануссзсу згамзва баан̣ам̣ гхаад̇знд̇зсу гаамам̣ саб̣б̣зсамби жзд̇анаа д̇ассзвзгасса ж̇ийвид̇инд̣̇рияаарамман̣аа, д̇ам̣ бана гаммам̣ д̇зсам̣ наанаагаарам̣. д̇зсу хи зго аад̣̇арзна чанд̣̇аж̇аад̇о гарод̇и, зго ‘‘зхи д̇вамби гарохий’’д̇и барзхи ниббийл̣ид̇о гарод̇и, зго самаанажчанд̣̇о вияа худ̇ваа аббадиб̣аахияамаано вижарад̇и, д̇асмаа д̇зсу зго д̇знзва гаммзна нираяз ниб̣б̣ад̇д̇ад̇и, зго д̇иражчаанаяонияам̣, зго бзд̇д̇ивисаяз. д̇ам̣ д̇ат̇ааг̇ад̇о ааяууханагкан̣зязва ‘‘иминаа нийхаарзна ааяуухид̇ад̇д̇аа зса нираяз ниб̣б̣ад̇д̇иссад̇и, зса д̇иражчаанаяонияам̣, зса бзд̇д̇ивисаяз’’д̇и ж̇аанаад̇и. нираяз ниб̣б̣ад̇д̇амаанамби ‘‘зса махаанираяз ниб̣б̣ад̇д̇иссад̇и, зса уссад̣̇анираяз’’д̇и ж̇аанаад̇и. д̇иражчаанаяонияам̣ ниб̣б̣ад̇д̇амаанамби ‘‘зса абаад̣̇аго бхависсад̇и, зса д̣̇вибаад̣̇аго, зса жад̇уббаад̣̇о, зса б̣ахуббаад̣̇о’’д̇и ж̇аанаад̇и. бзд̇д̇ивисаяз ниб̣б̣ад̇д̇амаанамби ‘‘зса ниж̇жхаамад̇ан̣хиго бхависсад̇и, зса куббибаасиго, зса барад̣̇ад̇д̇уубаж̇ийвий’’д̇и ж̇аанаад̇и. д̇зсу жа гаммзсу ‘‘ид̣̇ам̣ гаммам̣ бадисанд̇хим̣ аагад̣дхиссад̇и, зд̇ам̣ ан̃н̃зна д̣̇иннааяа бадисанд̇хияаа убад̇хивзбаггам̣ бхависсад̇ий’’д̇и ж̇аанаад̇и.
Sabbatthagāmininti sabbagatigāminiñca agatigāminiñca. Paṭipadanti maggaṃ. Yathābhūtaṃ pajānātīti bahūsupi manussesu ekameva pāṇaṃ ghātentesu kāmaṃ sabbesampi cetanā tassevekassa jīvitindriyārammaṇā, taṃ pana kammaṃ tesaṃ nānākāraṃ. Tesu hi eko ādarena chandajāto karoti, eko ‘‘ehi tvampi karohī’’ti parehi nippīḷito karoti, eko samānacchando viya hutvā appaṭibāhiyamāno vicarati, tasmā tesu eko teneva kammena niraye nibbattati, eko tiracchānayoniyaṃ, eko pettivisaye. Taṃ tathāgato āyūhanakkhaṇeyeva ‘‘iminā nīhārena āyūhitattā esa niraye nibbattissati, esa tiracchānayoniyaṃ, esa pettivisaye’’ti jānāti. Niraye nibbattamānampi ‘‘esa mahāniraye nibbattissati, esa ussadaniraye’’ti jānāti. Tiracchānayoniyaṃ nibbattamānampi ‘‘esa apādako bhavissati, esa dvipādako, esa catuppādo, esa bahuppādo’’ti jānāti. Pettivisaye nibbattamānampi ‘‘esa nijjhāmataṇhiko bhavissati, esa khuppipāsiko, esa paradattūpajīvī’’ti jānāti. Tesu ca kammesu ‘‘idaṃ kammaṃ paṭisandhiṃ ākaḍḍhissati, etaṃ aññena dinnāya paṭisandhiyā upadhivepakkaṃ bhavissatī’’ti jānāti.
д̇ат̇аа сагалаг̇аамаваасигзсу згад̇о бин̣д̣абаад̇ам̣ д̣̇ад̣̇амаанзсу гаамам̣ саб̣б̣зсамби жзд̇анаа бин̣д̣абаад̇аарамман̣аава, д̇ам̣ бана гаммам̣ д̇зсам̣ наанаагаарам̣. д̇зсу хи зго аад̣̇арзна гарод̇ийд̇и саб̣б̣ам̣ буримасад̣̇исам̣. д̇асмаа д̇зсу жа гзжи д̣̇звалогз ниб̣б̣ад̇д̇анд̇и, гзжи мануссалогз. д̇ам̣ д̇ат̇ааг̇ад̇о ааяууханагкан̣зязва ж̇аанаад̇и. ‘‘иминаа нийхаарзна ааяуухид̇ад̇д̇аа зса мануссалогз ниб̣б̣ад̇д̇иссад̇и, зса д̣̇звалогз, д̇ад̇т̇ааби зса кад̇д̇ияагулз, зса б̣раахман̣агулз, зса взссагулз, зса суд̣̇д̣̇агулз, зса бараниммид̇авасавад̇д̇ийсу, зса ниммаанарад̇ийсу, зса д̇усид̇зсу, зса яаамзсу, зса д̇аавад̇им̣сзсу, зса жаад̇умахаарааж̇игзсу, зса бхуммад̣̇звзсуу’’д̇иаад̣̇инаа д̇ад̇т̇а д̇ад̇т̇а хийнабан̣ийд̇асуван̣н̣ад̣̇уб̣б̣ан̣н̣ааббабариваарамахаабариваарад̇аад̣̇ибхзд̣̇ам̣ д̇ам̣ д̇ам̣ висзсам̣ ааяууханагкан̣зязва ж̇аанаад̇и.
Tathā sakalagāmavāsikesu ekato piṇḍapātaṃ dadamānesu kāmaṃ sabbesampi cetanā piṇḍapātārammaṇāva, taṃ pana kammaṃ tesaṃ nānākāraṃ. Tesu hi eko ādarena karotīti sabbaṃ purimasadisaṃ. Tasmā tesu ca keci devaloke nibbattanti, keci manussaloke. Taṃ tathāgato āyūhanakkhaṇeyeva jānāti. ‘‘Iminā nīhārena āyūhitattā esa manussaloke nibbattissati, esa devaloke, tatthāpi esa khattiyakule, esa brāhmaṇakule, esa vessakule, esa suddakule, esa paranimmitavasavattīsu, esa nimmānaratīsu, esa tusitesu, esa yāmesu, esa tāvatiṃsesu, esa cātumahārājikesu, esa bhummadevesū’’tiādinā tattha tattha hīnapaṇītasuvaṇṇadubbaṇṇaappaparivāramahāparivāratādibhedaṃ taṃ taṃ visesaṃ āyūhanakkhaṇeyeva jānāti.
д̇ат̇аа вибассанам̣ бадтабзнд̇зсуязва ‘‘иминаа нийхаарзна зса гин̃жи саллагкзд̇ум̣ на сагкиссад̇и, зса махаабхууд̇амад̇д̇амзва вавад̇т̇абзссад̇и, зса руубабариг̇г̇ахз зва тассад̇и, зса аруубабариг̇г̇ахзязва, зса наамаруубабариг̇г̇ахзязва, зса бажжаяабариг̇г̇ахзязва, зса лагкан̣аарамман̣игавибассанааяамзва, зса батамапалзязва, зса д̣̇уд̇ияапалз зва, зса д̇ад̇ияапалз зва, зса арахад̇д̇ам̣ баабун̣иссад̇ий’’д̇и ж̇аанаад̇и. гасин̣абаригаммам̣ гаронд̇зсуби ‘‘имасса баригаммамад̇д̇амзва бхависсад̇и, зса нимид̇д̇ам̣ уббаад̣̇зссад̇и, зса аббанам̣ зва баабун̣иссад̇и, зса жхаанам̣ баад̣̇агам̣ гад̇ваа вибассанам̣ бадтабзд̇ваа арахад̇д̇ам̣ г̇ан̣хиссад̇ий’’д̇и ж̇аанаад̇и.
Tathā vipassanaṃ paṭṭhapentesuyeva ‘‘iminā nīhārena esa kiñci sallakkhetuṃ na sakkhissati, esa mahābhūtamattameva vavatthapessati, esa rūpapariggahe eva ṭhassati, esa arūpapariggaheyeva, esa nāmarūpapariggaheyeva, esa paccayapariggaheyeva, esa lakkhaṇārammaṇikavipassanāyameva, esa paṭhamaphaleyeva, esa dutiyaphale eva, esa tatiyaphale eva, esa arahattaṃ pāpuṇissatī’’ti jānāti. Kasiṇaparikammaṃ karontesupi ‘‘imassa parikammamattameva bhavissati, esa nimittaṃ uppādessati, esa appanaṃ eva pāpuṇissati, esa jhānaṃ pādakaṃ katvā vipassanaṃ paṭṭhapetvā arahattaṃ gaṇhissatī’’ti jānāti.
анзгад̇хаад̇унд̇и жагкуд̇хаад̇уаад̣̇ийхи, гаамад̇хаад̇уаад̣̇ийхи ваа д̇хаад̇уухи б̣ахуд̇хаад̇ум̣. наанаад̇хаад̇унд̇и д̇аасам̣язва д̇хаад̇уунам̣ вилагкан̣ад̇д̇аа наанаббагаарад̇хаад̇ум̣. логанд̇и канд̇хааяад̇анад̇хаад̇улогам̣. яат̇аабхууд̇ам̣ баж̇аанаад̇ийд̇и д̇аасам̣ д̇хаад̇уунам̣ авибарийд̇ад̇о сабхаавам̣ бадивиж̇жхад̇и.
Anekadhātunti cakkhudhātuādīhi, kāmadhātuādīhi vā dhātūhi bahudhātuṃ. Nānādhātunti tāsaṃyeva dhātūnaṃ vilakkhaṇattā nānappakāradhātuṃ. Lokanti khandhāyatanadhātulokaṃ. Yathābhūtaṃ pajānātīti tāsaṃ dhātūnaṃ aviparītato sabhāvaṃ paṭivijjhati.
наанаад̇химуд̇д̇игад̇анд̇и хийнаад̣̇ийхи ад̇химуд̇д̇ийхи наанаад̇химуд̇д̇игабхаавам̣. барасад̇д̇аананд̇и бад̇хаанасад̇д̇аанам̣. барабуг̇г̇алаананд̇и д̇ад̇о барзсам̣ хийнасад̇д̇аанам̣. згад̇т̇амзва ваа зд̇ам̣ бад̣̇ад̣̇ваяам̣, взнзяяавасзна бана д̣̇взд̇хаа вуд̇д̇ам̣. инд̣̇рияабаробарияад̇д̇анд̇и сад̣̇д̇хаад̣̇ийнам̣ инд̣̇рияаанам̣ барабхааван̃жа абарабхааван̃жа, вуд̣̇д̇хин̃жа хаанин̃жаад̇и ад̇т̇о.
Nānādhimuttikatanti hīnādīhi adhimuttīhi nānādhimuttikabhāvaṃ. Parasattānanti padhānasattānaṃ. Parapuggalānanti tato paresaṃ hīnasattānaṃ. Ekatthameva vā etaṃ padadvayaṃ, veneyyavasena pana dvedhā vuttaṃ. Indriyaparopariyattanti saddhādīnaṃ indriyānaṃ parabhāvañca aparabhāvañca, vuddhiñca hāniñcāti attho.
жхаанавимогкасамаад̇хисамаабад̇д̇ийнанд̇и батамаад̣̇ийнам̣ жад̇уннам̣ жхаанаанам̣, ‘‘руубий руубаани бассад̇ий’’д̇иаад̣̇ийнам̣ адтаннам̣ вимогкаанам̣, савид̇аггасавижаараад̣̇ийнам̣ д̇ин̣н̣ам̣ самаад̇хийнам̣, батамаж̇жхаанасамаабад̇д̇иаад̣̇ийнан̃жа наваннам̣ анубуб̣б̣асамаабад̇д̇ийнам̣. сам̣гилзсанд̇и хаанабхааг̇ияад̇хаммам̣. вод̣̇аананд̇и висзсабхааг̇ияад̇хаммам̣. вудтаананд̇и ‘‘вод̣̇аанамби вудтаанам̣, д̇амхаа д̇амхаа самаад̇химхаа вудтаанамби вудтаана’’нд̇и (вибха. 828) звам̣ вуд̇д̇ам̣ баг̇ун̣аж̇жхаанан̃жзва бхаван̇г̇апаласамаабад̇д̇ияо жа. хздтимам̣ хздтиман̃хи баг̇ун̣аж̇жхаанам̣ убаримасса убаримасса бад̣̇адтаанам̣ ход̇и, д̇асмаа ‘‘вод̣̇аанамби вудтаана’’нд̇и вуд̇д̇ам̣. бхаван̇г̇зна саб̣б̣ажхаанзхи вудтаанам̣ ход̇и, паласамаабад̇д̇ияаа нирод̇хасамаабад̇д̇ид̇о вудтаанам̣ ход̇и. д̇амзд̇ам̣ санд̇хааяа ‘‘д̇амхаа д̇амхаа самаад̇химхаа вудтаанамби вудтаана’’нд̇и вуд̇д̇ам̣. саб̣б̣ан̃аан̣аанан̃жа вид̇т̇аарагат̇ааяа винижчаяо саммохавинод̣̇анияам̣ вибхан̇г̇адтагат̇ааяам̣ (вибха. адта. 760) вуд̇д̇о. буб̣б̣зниваасаануссад̇ид̣̇иб̣б̣ажагкуаасавагкаяан̃аан̣агат̇аа бана взран̃ж̇аган̣д̣з (баараа. 12) вид̇т̇аарид̇ааязва.
Jhānavimokkhasamādhisamāpattīnanti paṭhamādīnaṃ catunnaṃ jhānānaṃ, ‘‘rūpī rūpāni passatī’’tiādīnaṃ aṭṭhannaṃ vimokkhānaṃ, savitakkasavicārādīnaṃ tiṇṇaṃ samādhīnaṃ, paṭhamajjhānasamāpattiādīnañca navannaṃ anupubbasamāpattīnaṃ. Saṃkilesanti hānabhāgiyadhammaṃ. Vodānanti visesabhāgiyadhammaṃ. Vuṭṭhānanti ‘‘vodānampi vuṭṭhānaṃ, tamhā tamhā samādhimhā vuṭṭhānampi vuṭṭhāna’’nti (vibha. 828) evaṃ vuttaṃ paguṇajjhānañceva bhavaṅgaphalasamāpattiyo ca. Heṭṭhimaṃ heṭṭhimañhi paguṇajjhānaṃ uparimassa uparimassa padaṭṭhānaṃ hoti, tasmā ‘‘vodānampi vuṭṭhāna’’nti vuttaṃ. Bhavaṅgena sabbajhānehi vuṭṭhānaṃ hoti, phalasamāpattiyā nirodhasamāpattito vuṭṭhānaṃ hoti. Tametaṃ sandhāya ‘‘tamhā tamhā samādhimhā vuṭṭhānampi vuṭṭhāna’’nti vuttaṃ. Sabbañāṇānañca vitthārakathāya vinicchayo sammohavinodaniyaṃ vibhaṅgaṭṭhakathāyaṃ (vibha. aṭṭha. 760) vutto. Pubbenivāsānussatidibbacakkhuāsavakkhayañāṇakathā pana verañjakaṇḍe (pārā. 12) vitthāritāyeva.
имаани ко саарибуд̇д̇аад̇и яаани буб̣б̣з ‘‘д̣̇аса ко банимаани, саарибуд̇д̇а, д̇ат̇ааг̇ад̇асса д̇ат̇ааг̇ад̇аб̣алааний’’д̇и авожам̣, имаани д̇аанийд̇и аббанам̣ гарод̇и. д̇ад̇т̇а бараваад̣̇игат̇аа ход̇и ‘‘д̣̇асаб̣алан̃аан̣ам̣ наама баадиязггам̣ над̇т̇и, саб̣б̣ан̃н̃уд̇ан̃н̃аан̣ассзвааяам̣ бабхзд̣̇о’’д̇и, д̇ам̣ на д̇ат̇аа д̣̇адтаб̣б̣ам̣. ан̃н̃амзва хи д̣̇асаб̣алан̃аан̣ам̣, ан̃н̃ам̣ саб̣б̣ан̃н̃уд̇ан̃н̃аан̣ам̣. д̣̇асаб̣алан̃аан̣ам̣ сагасагагижжамзва ж̇аанаад̇и, саб̣б̣ан̃н̃уд̇ан̃н̃аан̣ам̣ д̇амби д̇ад̇о авасзсамби баж̇аанаад̇и. д̣̇асаб̣алан̃аан̣зсу хи батамам̣ гааран̣аагааран̣амзва ж̇аанаад̇и, д̣̇уд̇ияам̣ гамманд̇аравибааганд̇арамзва, д̇ад̇ияам̣ гаммабарижчзд̣̇амзва, жад̇уд̇т̇ам̣ д̇хаад̇унаанад̇д̇агааран̣амзва , бан̃жамам̣ сад̇д̇аанам̣ аж̇жхаасаяаад̇химуд̇д̇имзва, чадтам̣ инд̣̇рияаанам̣ д̇игкамуд̣̇убхаавамзва, сад̇д̇амам̣ жхаанаад̣̇ийхи сад̣̇д̇хим̣ д̇зсам̣ сам̣гилзсаад̣̇имзва, адтамам̣ буб̣б̣знивуд̇т̇агканд̇хасанд̇ад̇имзва, навамам̣ сад̇д̇аанам̣ жуд̇ибадисанд̇химзва, д̣̇асамам̣ сажжабарижчзд̣̇амзва. саб̣б̣ан̃н̃уд̇ан̃н̃аан̣ам̣ бана зд̇зхи ж̇аанид̇аб̣б̣ан̃жа д̇ад̇о уд̇д̇арин̃жа баж̇аанаад̇и, зд̇зсам̣ бана гижжам̣ на саб̣б̣ам̣ гарод̇и. д̇ан̃хи жхаанам̣ худ̇ваа аббзд̇ум̣ на саггод̇и, ид̣̇д̇хи худ̇ваа вигуб̣б̣ид̇ум̣ на саггод̇и, маг̇г̇о худ̇ваа гилзсз кзбзд̇ум̣ на саггод̇и. ид̇и яат̇аавуд̇д̇агааяаб̣алзна жзва н̃аан̣аб̣алзна жа саманнааг̇ад̇ад̇д̇аа бхаг̇аваа ‘‘д̣̇асаб̣ало’’д̇и вужжад̇и.
Imāni kho sāriputtāti yāni pubbe ‘‘dasa kho panimāni, sāriputta, tathāgatassa tathāgatabalānī’’ti avocaṃ, imāni tānīti appanaṃ karoti. Tattha paravādikathā hoti ‘‘dasabalañāṇaṃ nāma pāṭiyekkaṃ natthi, sabbaññutaññāṇassevāyaṃ pabhedo’’ti, taṃ na tathā daṭṭhabbaṃ. Aññameva hi dasabalañāṇaṃ, aññaṃ sabbaññutaññāṇaṃ. Dasabalañāṇaṃ sakasakakiccameva jānāti, sabbaññutaññāṇaṃ tampi tato avasesampi pajānāti. Dasabalañāṇesu hi paṭhamaṃ kāraṇākāraṇameva jānāti, dutiyaṃ kammantaravipākantarameva, tatiyaṃ kammaparicchedameva, catutthaṃ dhātunānattakāraṇameva , pañcamaṃ sattānaṃ ajjhāsayādhimuttimeva, chaṭṭhaṃ indriyānaṃ tikkhamudubhāvameva, sattamaṃ jhānādīhi saddhiṃ tesaṃ saṃkilesādimeva, aṭṭhamaṃ pubbenivutthakkhandhasantatimeva, navamaṃ sattānaṃ cutipaṭisandhimeva, dasamaṃ saccaparicchedameva. Sabbaññutaññāṇaṃ pana etehi jānitabbañca tato uttariñca pajānāti, etesaṃ pana kiccaṃ na sabbaṃ karoti. Tañhi jhānaṃ hutvā appetuṃ na sakkoti, iddhi hutvā vikubbituṃ na sakkoti, maggo hutvā kilese khepetuṃ na sakkoti. Iti yathāvuttakāyabalena ceva ñāṇabalena ca samannāgatattā bhagavā ‘‘dasabalo’’ti vuccati.
д̣̇асахи асзгкзхи ан̇г̇зхи убзд̇од̇и ‘‘асзгкаа саммаад̣̇идти, асзгко саммаасан̇габбо, асзгкаа саммааваажаа, асзгко саммаагамманд̇о, асзгко саммааааж̇ийво, асзгко саммаавааяаамо, асзгкаа саммаасад̇и, асзгко саммаасамаад̇хи, асзгкам̣ саммаан̃аан̣ам̣, асзгкаа саммаавимуд̇д̇ий’’д̇и (д̣̇ий. ни. 3.348, 360) звам̣ вуд̇д̇зхи д̣̇асахи асзгкад̇хаммзхи саманнааг̇ад̇о. асзгкаа саммаад̣̇идтиаад̣̇аяо жа саб̣б̣з паласамбаяуд̇д̇ад̇хаммаа зва. зд̇т̇а жа саммаад̣̇идти саммаан̃аан̣анд̇и д̣̇вийсу таанзсу бан̃н̃аава гат̇ид̇аа ‘‘саммаа д̣̇ассанадтзна саммаад̣̇идти, саммаа баж̇аананадтзна саммаан̃аан̣а’’нд̇и. ад̇т̇и хи д̣̇ассанаж̇аананаанам̣ висаяз бавад̇д̇иаагаарависзсо. саммаавимуд̇д̇ийд̇и иминаа бана бад̣̇зна вуд̇д̇аавасзсаа паласамаабад̇д̇исахаг̇ад̇ад̇хаммаа сан̇г̇ахид̇аад̇и взд̣̇ид̇аб̣б̣аа . арияапаласамбаяуд̇д̇ад̇хаммааби хи саб̣б̣асо бадибагкад̇о вимуд̇д̇ад̇ам̣ убаад̣̇ааяа вимуд̇д̇ийд̇и вад̇д̇аб̣б̣ад̇ам̣ лабханд̇и.
Dasahi asekkhehi aṅgehi upetoti ‘‘asekkhā sammādiṭṭhi, asekkho sammāsaṅkappo, asekkhā sammāvācā, asekkho sammākammanto, asekkho sammāājīvo, asekkho sammāvāyāmo, asekkhā sammāsati, asekkho sammāsamādhi, asekkhaṃ sammāñāṇaṃ, asekkhā sammāvimuttī’’ti (dī. ni. 3.348, 360) evaṃ vuttehi dasahi asekkhadhammehi samannāgato. Asekkhā sammādiṭṭhiādayo ca sabbe phalasampayuttadhammā eva. Ettha ca sammādiṭṭhi sammāñāṇanti dvīsu ṭhānesu paññāva kathitā ‘‘sammā dassanaṭṭhena sammādiṭṭhi, sammā pajānanaṭṭhena sammāñāṇa’’nti. Atthi hi dassanajānanānaṃ visaye pavattiākāraviseso. Sammāvimuttīti iminā pana padena vuttāvasesā phalasamāpattisahagatadhammā saṅgahitāti veditabbā . Ariyaphalasampayuttadhammāpi hi sabbaso paṭipakkhato vimuttataṃ upādāya vimuttīti vattabbataṃ labhanti.
59. важанасад̣̇д̣̇зна аббасад̣̇д̣̇анд̇и аараамубажаарзна г̇ажчад̇о ад̣̇д̇хигаж̇анассаби важанасад̣̇д̣̇зна аббасад̣̇д̣̇ам̣. наг̇араниг̇гхосасад̣̇д̣̇знаад̇и авибхаавид̇ад̇т̇зна наг̇арз мануссаанам̣ ниг̇гхосасад̣̇д̣̇зна. мануссзхи самааг̇амма згаж̇жхам̣ бавад̇д̇ид̇асад̣̇д̣̇о хи ниг̇гхосо. анусан̃жаран̣аж̇анассаад̇и анд̇осан̃жаарино ж̇анасса. мануссаанам̣ рахассагирияадтаанияанд̇и мануссаанам̣ рахассагаран̣асса яуд̇д̇ам̣ анужчавигам̣. вивзгаануруубанд̇и згийбхаавасса ануруубам̣. сзсамзд̇т̇а уд̇д̇аанамзва.
59.Vacanasaddena appasaddanti ārāmupacārena gacchato addhikajanassapi vacanasaddena appasaddaṃ. Nagaranigghosasaddenāti avibhāvitatthena nagare manussānaṃ nigghosasaddena. Manussehi samāgamma ekajjhaṃ pavattitasaddo hi nigghoso. Anusañcaraṇajanassāti antosañcārino janassa. Manussānaṃ rahassakiriyaṭṭhāniyanti manussānaṃ rahassakaraṇassa yuttaṃ anucchavikaṃ. Vivekānurūpanti ekībhāvassa anurūpaṃ. Sesamettha uttānameva.
б̣имб̣исаарасамааг̇амагат̇ааван̣н̣анаа нидтид̇аа.
Bimbisārasamāgamakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣имб̣исаарасамааг̇амагат̇аа • Bimbisārasamāgamakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
