| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
б̣имб̣исаарасамааг̇амагат̇ааван̣н̣анаа
Bimbisārasamāgamakathāvaṇṇanā
55-7. вад̇т̇угаамабхууд̇аа ид̇т̇ияо гаамид̇т̇ияо. д̣̇уд̇ияаад̣̇аяо ассаасагаа. яасмаа ануббаннз зва бхаг̇авад̇и б̣уд̣̇д̇хаголаахалам̣ логз батамамзва вассасахассам̣ уббаж̇ж̇ад̇и. б̣рахмаано жа б̣раахман̣аван̣н̣ам̣ абхинимминид̇ваа взд̣̇зсу сахассад̇д̇аяамад̇д̇ам̣ б̣уд̣̇д̇хабадисам̣яуд̇д̇ам̣ барияад̇д̇им̣ багкибид̇ваа ваажзнд̇и, бхаг̇авад̇о ж̇аад̇ид̇о бадтааяа жа б̣уд̣̇д̇хагат̇аа лагкан̣ан̃н̃уухи б̣раахман̣зхи уббаад̣̇ид̇аа, бад̇т̇адаа логз, д̇асмаа яуж̇ж̇анд̇и, на ан̃н̃ат̇аа. ‘‘д̇амад̣̇д̣̇аса б̣имб̣исааро, баасаад̣̇асмим̣ бад̇идтид̇о’’д̇иаад̣̇иг̇аат̇аахи б̣од̇хисад̇д̇агаалз зва абхисид̇д̇ад̇аа б̣имб̣исаарасса сид̣̇д̇хаа.
55-7. Vatthukāmabhūtā itthiyo kāmitthiyo. Dutiyādayo assāsakā. Yasmā anuppanne eva bhagavati buddhakolāhalaṃ loke paṭhamameva vassasahassaṃ uppajjati. Brahmāno ca brāhmaṇavaṇṇaṃ abhinimminitvā vedesu sahassattayamattaṃ buddhapaṭisaṃyuttaṃ pariyattiṃ pakkhipitvā vācenti, bhagavato jātito paṭṭhāya ca buddhakathā lakkhaṇaññūhi brāhmaṇehi uppāditā, patthaṭā loke, tasmā yujjanti, na aññathā. ‘‘Tamaddasa bimbisāro, pāsādasmiṃ patiṭṭhito’’tiādigāthāhi bodhisattakāle eva abhisittatā bimbisārassa siddhā.
58. ид̇хаавусо кийн̣аасаво бхигку бан̃жан̇г̇авиббахийно ход̇и чал̣ан̇г̇асаманнааг̇ад̇о згаарагко жад̇ураабассзно бан̣уннабажжзгасажжо самаваяасадтзсано анаавиласан̇габбо бассад̣̇д̇хагааяасан̇кааро сувимуд̇д̇ажид̇д̇о сувимуд̇д̇абан̃н̃од̇и (д̣̇ий. ни. 3.348, 360; а. ни. 10.19) д̣̇аса арияаваасаа наама. руубааруубасамаабад̇д̇ияо адта нирод̇хасамаабад̇д̇и махаагарун̣аасамаабад̇д̇ийд̇иби бораан̣аа. д̇ад̇т̇а нийваран̣аа бан̃жан̇г̇аа жа. чал̣ан̇г̇убзгкаа чал̣ан̇г̇аа. сад̇аарагкзна згаарагкаа. сан̇кааяа згам̣ бадисзвад̇и, ад̇хиваасзд̇и, бариваж̇ж̇зд̇и, сан̇кааяа згам̣ винод̣̇зд̇ийд̇и аяам̣ жад̇ураабассзно. бут̇усаман̣аб̣раахман̣аанам̣ бут̇убажжзгасажжаани жад̇д̇аари бахийнаани, звам̣ бан̣уннабажжзгасажжо. гаамзсанаа бхавзсанаа бахийнаа ход̇и, б̣рахмажариязсанаа бадиббассад̣̇д̇хаа, звам̣ самаваяасадтзсано. гаамаб̣яаабаад̣̇авихим̣саасан̇габбо бахийно ход̇и, звам̣ анаавиласан̇габбо, сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и звам̣ сувимуд̇д̇ажид̇д̇о ход̇и. рааг̇о бахийно ужчиннамууло…бз… ануббаад̣̇ад̇хаммод̇и баж̇аанаад̇и, д̣̇осо, мохо ануббаад̣̇ад̇хаммод̇и баж̇аанаад̇и, звам̣ сувимуд̇д̇абан̃н̃од̇и.
58. Idhāvuso khīṇāsavo bhikkhu pañcaṅgavippahīno hoti chaḷaṅgasamannāgato ekārakkho caturāpasseno paṇunnapaccekasacco samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapaññoti (dī. ni. 3.348, 360; a. ni. 10.19) dasa ariyavāsā nāma. Rūpārūpasamāpattiyo aṭṭha nirodhasamāpatti mahākaruṇāsamāpattītipi porāṇā. Tattha nīvaraṇā pañcaṅgā ca. Chaḷaṅgupekkhā chaḷaṅgā. Satārakkhena ekārakkhā. Saṅkhāya ekaṃ paṭisevati, adhivāseti, parivajjeti, saṅkhāya ekaṃ vinodetīti ayaṃ caturāpasseno. Puthusamaṇabrāhmaṇānaṃ puthupaccekasaccāni cattāri pahīnāni, evaṃ paṇunnapaccekasacco. Kāmesanā bhavesanā pahīnā hoti, brahmacariyesanā paṭippassaddhā, evaṃ samavayasaṭṭhesano. Kāmabyāpādavihiṃsāsaṅkappo pahīno hoti, evaṃ anāvilasaṅkappo, sukhassa ca pahānā…pe… catutthaṃ jhānaṃ upasampajja viharati evaṃ suvimuttacitto hoti. Rāgo pahīno ucchinnamūlo…pe… anuppādadhammoti pajānāti, doso, moho anuppādadhammoti pajānāti, evaṃ suvimuttapaññoti.
‘‘таанаатаанам̣ вибааган̃жа, н̃аан̣ам̣ саб̣б̣ад̇т̇аг̇ааминим̣;
‘‘Ṭhānāṭhānaṃ vipākañca, ñāṇaṃ sabbatthagāminiṃ;
анзгад̇хаад̇уяо логам̣, ад̇химуд̇д̇ин̃жа баан̣инам̣.
Anekadhātuyo lokaṃ, adhimuttiñca pāṇinaṃ.
‘‘ж̇аанаад̇и инд̣̇рияаанан̃жа, баробарияад̇ам̣ муни;
‘‘Jānāti indriyānañca, paropariyataṃ muni;
жхаанаад̣̇исам̣гилзсаад̣̇и-н̃аан̣ам̣ виж̇ж̇ад̇д̇аяам̣ д̇ат̇аа’’д̇и. –
Jhānādisaṃkilesādi-ñāṇaṃ vijjattayaṃ tathā’’ti. –
имаани д̣̇аса б̣алаани. асзгкан̇г̇аани наама асзгкаа саммаад̣̇идти…бз… асзгкавимуд̇д̇и асзгкавимуд̇д̇ин̃аан̣ад̣̇ассананд̇и. д̇ад̇т̇а д̣̇асамам̣ асзгкам̣. зд̇зхи д̣̇асахи жубзд̇о баарамийхийд̇и бораан̣аа.
Imāni dasa balāni. Asekkhaṅgāni nāma asekkhā sammādiṭṭhi…pe… asekkhavimutti asekkhavimuttiñāṇadassananti. Tattha dasamaṃ asekkhaṃ. Etehi dasahi cupeto pāramīhīti porāṇā.
б̣имб̣исаарасамааг̇амагат̇ааван̣н̣анаа нидтид̇аа.
Bimbisārasamāgamakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣имб̣исаарасамааг̇амагат̇аа • Bimbisārasamāgamakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
