| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
б̣имб̣исаарасамааг̇амагат̇ааван̣н̣анаа
Bimbisārasamāgamakathāvaṇṇanā
55. яан̃н̃аа абхивад̣̇анд̇ийд̇и яааг̇ахзд̇у иж̇жханд̇ийд̇и вад̣̇анд̇и. убад̇хийсууд̇и зд̇т̇а д̣̇угкасукаад̣̇ийнам̣ ад̇хидтаанадтзна жад̇д̇ааро убад̇хий гаамаканд̇хагилзсаабхисан̇кааруубад̇хийнам̣ васзна. д̇зсу канд̇хуубад̇хи ид̇хаад̇хиббзд̇од̇и ааха ‘‘канд̇хуубад̇хийсу маланд̇и н̃ад̇ваа’’д̇и. яан̃н̃аад̇и яан̃н̃ахзд̇у. яидтзд̇и махааяааг̇з. худ̇зд̇и д̣̇ивасз д̣̇ивасз гад̇д̇аб̣б̣з аг̇г̇ибарижаран̣з. гим̣ вагкаамийд̇и гат̇ам̣ вагкаами.
55.Yaññāabhivadantīti yāgahetu ijjhantīti vadanti. Upadhīsūti ettha dukkhasukhādīnaṃ adhiṭṭhānaṭṭhena cattāro upadhī kāmakhandhakilesaabhisaṅkhārūpadhīnaṃ vasena. Tesu khandhūpadhi idhādhippetoti āha ‘‘khandhūpadhīsu malanti ñatvā’’ti. Yaññāti yaññahetu. Yiṭṭheti mahāyāge. Huteti divase divase kattabbe aggiparicaraṇe. Kiṃ vakkhāmīti kathaṃ vakkhāmi.
57-8. аасийсанаад̇и манорат̇аа. син̇г̇ийсуван̣н̣анигкзнаад̇и син̇г̇ийсуван̣н̣асса раасинаа. суван̣н̣зсу хи яуд̇д̇игад̇ам̣ хийнам̣. д̇ад̇о расавид̣̇д̇хам̣ сздтам̣, д̇ад̇о аагаруббаннам̣ сздтам̣, д̇ад̇о яам̣гин̃жи д̣̇иб̣б̣асуван̣н̣ам̣ сздтам̣ , д̇ад̇рааби жаамийгарам̣, д̇ад̇о саад̇агумбхам̣, д̇ад̇о ж̇амб̣унад̣̇ам̣, д̇ад̇оби син̇г̇ийсуван̣н̣ам̣ сздтам̣. д̇асса нигкам̣ наама бан̃жасуван̣н̣абаримаан̣ам̣. адтасуван̣н̣аад̣̇ибхзд̣̇ам̣ анзгавид̇хамби вад̣̇анд̇и. д̣̇асасу арияаваасзсууд̇и –
57-8.Āsīsanāti manorathā. Siṅgīsuvaṇṇanikkhenāti siṅgīsuvaṇṇassa rāsinā. Suvaṇṇesu hi yuttikataṃ hīnaṃ. Tato rasaviddhaṃ seṭṭhaṃ, tato ākaruppannaṃ seṭṭhaṃ, tato yaṃkiñci dibbasuvaṇṇaṃ seṭṭhaṃ , tatrāpi cāmīkaraṃ, tato sātakumbhaṃ, tato jambunadaṃ, tatopi siṅgīsuvaṇṇaṃ seṭṭhaṃ. Tassa nikkhaṃ nāma pañcasuvaṇṇaparimāṇaṃ. Aṭṭhasuvaṇṇādibhedaṃ anekavidhampi vadanti. Dasasu ariyavāsesūti –
‘‘ид̇ха, бхигкавз, бхигку бан̃жан̇г̇авиббахийно ход̇и чал̣ан̇г̇асаманнааг̇ад̇о згаарагко жад̇ураабассзно бан̣уннабажжзгасажжо самаваяасадтзсано анаавиласан̇габбо бассад̣̇д̇хагааяасан̇кааро сувимуд̇д̇ажид̇д̇о сувимуд̇д̇абан̃н̃о’’д̇и (д̣̇ий. ни. 3.348, 360; а. ни. 10.19) –
‘‘Idha, bhikkhave, bhikkhu pañcaṅgavippahīno hoti chaḷaṅgasamannāgato ekārakkho caturāpasseno paṇunnapaccekasacco samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapañño’’ti (dī. ni. 3.348, 360; a. ni. 10.19) –
звамааг̇ад̇зсу д̣̇асасу арияаваасзсу. д̇ад̇т̇а бан̃жан̇г̇авиббахийнод̇и бан̃жанийваран̣зхи виббаяуд̇д̇ад̇аа вуд̇д̇аа. чал̣ан̇г̇асаманнааг̇ад̇од̇и идтаад̣̇ийсу часу аарамман̣зсу соманассид̇аад̣̇ибадибагкаа чал̣ан̇г̇убзгкаа вуд̇д̇аа. згаарагкод̇и убадтид̇асад̇ид̇аа. сан̇кааяасзванаа ад̇хиваасанаа бариваж̇ж̇анаа винод̣̇анаасан̇каад̇аани жад̇д̇аари абассзнаа ниссаяаа зд̇ассаад̇и жад̇ураабассзно, зд̇зна жа д̇з ниссаяаа д̣̇ассид̇аа. бан̣уннаани абанийд̇аани д̣̇идтиг̇ад̇игзхи бажжзгам̣ г̇ахид̇аани д̣̇идтисажжаани яасса, со бан̣уннабажжзгасажжо, д̇зна логияан̃аан̣зна д̣̇идтиббахаанам̣ вуд̇д̇ам̣. гаамзсанаа бхавзсанааб̣рахмажариязсанаасан̇каад̇аа зсанаа саммад̣̇зва аваяаа ануунаа садтаа нисадтаа анзнаад̇и самаваяасадтзсано. зд̇зна д̇ин̣н̣ам̣ зсанаанам̣ абхааво вуд̇д̇о. ‘‘анаавиласан̇габбо’’д̇и иминаа гаамавид̇аггаад̣̇ийхи анаавилажид̇д̇ад̇аа. ‘‘бассад̣̇д̇хагааяасан̇кааро’’д̇и иминаа жад̇уд̇т̇аж̇жхаанасамааяог̇зна виг̇ад̇ад̣̇арат̇ад̇аа вуд̇д̇аа. ‘‘сувимуд̇д̇ажид̇д̇о’’д̇и иминаа маг̇г̇о. ‘‘сувимуд̇д̇абан̃н̃о’’д̇и иминаа бажжавзгкан̣ан̃аан̣амукзна палан̃аан̣ам̣ вуд̇д̇ам̣. зд̇з хи арияаа васанд̇и зд̇т̇аад̇и арияаваасаад̇и вужжанд̇и . д̇з бана ваасаа вуд̇т̇аа васид̇аа самбаад̣̇ид̇аа язна, со вуд̇т̇аваасо, бхаг̇аваа. д̣̇асаб̣алод̇и д̣̇асахи гааяаб̣алзхи, н̃аан̣аб̣алзхи жа убзд̇о. яаани хзд̇аани –
Evamāgatesu dasasu ariyavāsesu. Tattha pañcaṅgavippahīnoti pañcanīvaraṇehi vippayuttatā vuttā. Chaḷaṅgasamannāgatoti iṭṭhādīsu chasu ārammaṇesu somanassitādipaṭipakkhā chaḷaṅgupekkhā vuttā. Ekārakkhoti upaṭṭhitasatitā. Saṅkhāyasevanā adhivāsanā parivajjanā vinodanāsaṅkhātāni cattāri apassenā nissayā etassāti caturāpasseno, etena ca te nissayā dassitā. Paṇunnāni apanītāni diṭṭhigatikehi paccekaṃ gahitāni diṭṭhisaccāni yassa, so paṇunnapaccekasacco, tena lokiyañāṇena diṭṭhippahānaṃ vuttaṃ. Kāmesanā bhavesanābrahmacariyesanāsaṅkhātā esanā sammadeva avayā anūnā saṭṭhā nisaṭṭhā anenāti samavayasaṭṭhesano. Etena tiṇṇaṃ esanānaṃ abhāvo vutto. ‘‘Anāvilasaṅkappo’’ti iminā kāmavitakkādīhi anāvilacittatā. ‘‘Passaddhakāyasaṅkhāro’’ti iminā catutthajjhānasamāyogena vigatadarathatā vuttā. ‘‘Suvimuttacitto’’ti iminā maggo. ‘‘Suvimuttapañño’’ti iminā paccavekkhaṇañāṇamukhena phalañāṇaṃ vuttaṃ. Ete hi ariyā vasanti etthāti ariyavāsāti vuccanti . Te pana vāsā vutthā vasitā sampāditā yena, so vutthavāso, bhagavā. Dasabaloti dasahi kāyabalehi, ñāṇabalehi ca upeto. Yāni hetāni –
‘‘гаал̣ааваган̃жа г̇ан̇г̇зяяам̣, бан̣д̣арам̣ д̇амб̣абин̇г̇алам̣;
‘‘Kāḷāvakañca gaṅgeyyaṃ, paṇḍaraṃ tambapiṅgalaṃ;
г̇анд̇хаман̇г̇алахзман̃жа, убосат̇ачад̣̇д̣̇анд̇имз д̣̇асаа’’д̇и. (ма. ни. адта. 1.148; сам̣. ни. адта. 2.2.22; а. ни. адта. 3.10.21; вибха. адта. 760; уд̣̇аа. адта. 75; б̣у. ва. адта. 1.39; жуул̣ани. адта. 81; бади. ма. адта. 2.2.44) –
Gandhamaṅgalahemañca, uposathachaddantime dasā’’ti. (ma. ni. aṭṭha. 1.148; saṃ. ni. aṭṭha. 2.2.22; a. ni. aṭṭha. 3.10.21; vibha. aṭṭha. 760; udā. aṭṭha. 75; bu. va. aṭṭha. 1.39; cūḷani. aṭṭha. 81; paṭi. ma. aṭṭha. 2.2.44) –
звам̣ вуд̇д̇аани д̣̇асахад̇т̇игулаани буримабуримад̇о д̣̇асаб̣алаг̇ун̣обзд̇аани, д̇зсу саб̣б̣аж̇здтаанам̣ д̣̇асаннам̣ чад̣̇д̣̇анд̇аанам̣ б̣алаани бхаг̇авад̇о гааяасса д̣̇асаб̣алаани наама. д̇ан̃жа гаал̣аавагасан̇каад̇аанам̣ багад̇ихад̇т̇ийнам̣ годисахассасса, маж̇жхимабурисаанам̣ бана д̣̇асаннам̣ годисахассаанан̃жа б̣алам̣ ход̇и, д̇ам̣ ‘‘наарааяанасан̇гхаад̇аб̣ала’’нд̇иби вужжад̇и.
Evaṃ vuttāni dasahatthikulāni purimapurimato dasabalaguṇopetāni, tesu sabbajeṭṭhānaṃ dasannaṃ chaddantānaṃ balāni bhagavato kāyassa dasabalāni nāma. Tañca kāḷāvakasaṅkhātānaṃ pakatihatthīnaṃ koṭisahassassa, majjhimapurisānaṃ pana dasannaṃ koṭisahassānañca balaṃ hoti, taṃ ‘‘nārāyanasaṅghātabala’’ntipi vuccati.
яаани банзд̇аани баал̣ияам̣ ‘‘ид̇ха, саарибуд̇д̇а, д̇ат̇ааг̇ад̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇ий’’д̇иаад̣̇инаа (ма. ни. 1.148; а. ни. 10.21; вибха. 760; бади. ма. 2.44) вуд̇д̇аани таанаатаанан̃аан̣аб̣алам̣, гаммавибааган̃аан̣аб̣алам̣, саб̣б̣ад̇т̇аг̇ааминибадибад̣̇аан̃аан̣аб̣алам̣, анзгад̇хаад̇унаанаад̇хаад̇улоган̃аан̣аб̣алам̣, сад̇д̇аанам̣ наанаад̇химуд̇д̇игад̇аан̃аан̣аб̣алам̣, инд̣̇рияабаробарияад̇д̇ан̃аан̣аб̣алам̣, жхаанавимогкасамаад̇хисамаабад̇д̇ийнам̣ сам̣гилзсавод̣̇аанавудтаанан̃аан̣аб̣алам̣, буб̣б̣зниваасан̃аан̣аб̣алам̣, д̣̇иб̣б̣ажагкун̃аан̣аб̣алам̣, аасавагкаяан̃аан̣аб̣аланд̇и д̣̇асаб̣алан̃аан̣аани, имаани бхаг̇авад̇о д̣̇асаб̣алаани наама. д̣̇асахи асзгкзхи ан̇г̇зхийд̇и арахад̇д̇апаласамбаяуд̇д̇зхи баал̣ияам̣ ‘‘асзгкаа саммаад̣̇идти…бз… асзгко саммаасамаад̇хи, асзгкам̣ саммаан̃аан̣ам̣, асзгкаа саммаавимуд̇д̇ий’’д̇и (д̣̇ий. ни. 3.348, 360) звам̣ вуд̇д̇зхи д̣̇асахи асзгкад̇хаммзхи саманнааг̇ад̇о. зд̇т̇а жа д̣̇ассанадтзна вуд̇д̇аа саммаад̣̇идти зва ж̇аананадтзна саммаан̃аан̣анд̇иби вуд̇д̇аа, вуд̇д̇аавасзсаа бана палажид̇д̇асамбаяуд̇д̇аа саб̣б̣з пассаад̣̇ид̇хаммаа саммаавимуд̇д̇ийд̇и вуд̇д̇аад̇и д̣̇адтаб̣б̣ам̣.
Yāni panetāni pāḷiyaṃ ‘‘idha, sāriputta, tathāgato ṭhānañca ṭhānato aṭṭhānañca aṭṭhānato yathābhūtaṃ pajānātī’’tiādinā (ma. ni. 1.148; a. ni. 10.21; vibha. 760; paṭi. ma. 2.44) vuttāni ṭhānāṭhānañāṇabalaṃ, kammavipākañāṇabalaṃ, sabbatthagāminipaṭipadāñāṇabalaṃ, anekadhātunānādhātulokañāṇabalaṃ, sattānaṃ nānādhimuttikatāñāṇabalaṃ, indriyaparopariyattañāṇabalaṃ, jhānavimokkhasamādhisamāpattīnaṃ saṃkilesavodānavuṭṭhānañāṇabalaṃ, pubbenivāsañāṇabalaṃ, dibbacakkhuñāṇabalaṃ, āsavakkhayañāṇabalanti dasabalañāṇāni, imāni bhagavato dasabalāni nāma. Dasahi asekkhehi aṅgehīti arahattaphalasampayuttehi pāḷiyaṃ ‘‘asekkhā sammādiṭṭhi…pe… asekkho sammāsamādhi, asekkhaṃ sammāñāṇaṃ, asekkhā sammāvimuttī’’ti (dī. ni. 3.348, 360) evaṃ vuttehi dasahi asekkhadhammehi samannāgato. Ettha ca dassanaṭṭhena vuttā sammādiṭṭhi eva jānanaṭṭhena sammāñāṇantipi vuttā, vuttāvasesā pana phalacittasampayuttā sabbe phassādidhammā sammāvimuttīti vuttāti daṭṭhabbaṃ.
б̣имб̣исаарасамааг̇амагат̇ааван̣н̣анаа нидтид̇аа.
Bimbisārasamāgamakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣имб̣исаарасамааг̇амагат̇аа • Bimbisārasamāgamakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣имб̣исаарасамааг̇амагат̇ааван̣н̣анаа • Bimbisārasamāgamakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 13. б̣имб̣исаарасамааг̇амагат̇аа • 13. Bimbisārasamāgamakathā
