| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. උදායිවග්‌ගො
3. Udāyivaggo
1. බොධායසුත්‌තං
1. Bodhāyasuttaṃ
202. අථ ඛො අඤ්‌ඤතරො භික්‌ඛු යෙන භගවා තෙනුපසඞ්‌කමි…පෙ.… එකමන්‌තං නිසින්‌නො ඛො සො භික්‌ඛු භගවන්‌තං එතදවොච –
202. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca –
‘‘‘බොජ්‌ඣඞ්‌ගා, බොජ්‌ඣඞ්‌ගා’ති, භන්‌තෙ, වුච්‌චන්‌ති. කිත්‌තාවතා නු ඛො, භන්‌තෙ, ‘බොජ්‌ඣඞ්‌ගා’ති වුච්‌චන්‌තී’’ති? ‘‘‘බොධාය සංවත්‌තන්‌තී’ති ඛො, භික්‌ඛු, තස්‌මා බොජ්‌ඣඞ්‌ගාති වුච්‌චන්‌ති. ඉධ, භික්‌ඛු, සතිසම්‌බොජ්‌ඣඞ්‌ගං භාවෙති විවෙකනිස්‌සිතං…පෙ.… උපෙක්‌ඛාසම්‌බොජ්‌ඣඞ්‌ගං භාවෙති විවෙකනිස්‌සිතං විරාගනිස්‌සිතං නිරොධනිස්‌සිතං වොස්‌සග්‌ගපරිණාමිං. ‘බොධාය සංවත්‌තන්‌තී’ති ඛො, භික්‌ඛු, තස්‌මා ‘බොජ්‌ඣඞ්‌ගා’ති වුච්‌චන්‌තී’’ති. පඨමං.
‘‘‘Bojjhaṅgā, bojjhaṅgā’ti, bhante, vuccanti. Kittāvatā nu kho, bhante, ‘bojjhaṅgā’ti vuccantī’’ti? ‘‘‘Bodhāya saṃvattantī’ti kho, bhikkhu, tasmā bojjhaṅgāti vuccanti. Idha, bhikkhu, satisambojjhaṅgaṃ bhāveti vivekanissitaṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. ‘Bodhāya saṃvattantī’ti kho, bhikkhu, tasmā ‘bojjhaṅgā’ti vuccantī’’ti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-2. බොධායසුත්‌තාදිවණ්‌ණනා • 1-2. Bodhāyasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-2. බොධායසුත්‌තාදිවණ්‌ණනා • 1-2. Bodhāyasuttādivaṇṇanā
