| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
10. б̣од̇хигхарад̣̇ааяагад̇т̇зраабад̣̇аанам̣
10. Bodhigharadāyakattheraapadānaṃ
69.
69.
‘‘сид̣̇д̇хад̇т̇асса бхаг̇авад̇о, д̣̇вибад̣̇инд̣̇асса д̇аад̣̇ино;
‘‘Siddhatthassa bhagavato, dvipadindassa tādino;
басаннажид̇д̇о сумано, б̣од̇хигхарамагаараяим̣.
Pasannacitto sumano, bodhigharamakārayiṃ.
70.
70.
‘‘д̇усид̇ам̣ убабанномхи, васаами рад̇анз гхарз;
‘‘Tusitaṃ upapannomhi, vasāmi ratane ghare;
на мз сийд̇ам̣ ваа ун̣хам̣ ваа, ваад̇о г̇ад̇д̇з на сампусз.
Na me sītaṃ vā uṇhaṃ vā, vāto gatte na samphuse.
71.
71.
‘‘бан̃жасадтимхид̇о габбз, жаггавад̇д̇ий ахосахам̣;
‘‘Pañcasaṭṭhimhito kappe, cakkavattī ahosahaṃ;
72.
72.
‘‘д̣̇асаяож̇анаааяаамам̣, адтаяож̇анавид̇т̇ад̇ам̣;
‘‘Dasayojanaāyāmaṃ, aṭṭhayojanavitthataṃ;
на д̇амхи наг̇арз ад̇т̇и, гадтам̣ валлий жа мад̇д̇игаа.
Na tamhi nagare atthi, kaṭṭhaṃ vallī ca mattikā.
73.
73.
‘‘д̇ирияам̣ яож̇анам̣ ааси, ад̣̇д̇хаяож̇анавид̇т̇ад̇ам̣;
‘‘Tiriyaṃ yojanaṃ āsi, addhayojanavitthataṃ;
ман̇г̇ало наама баасаад̣̇о, виссагаммзна маабид̇о.
Maṅgalo nāma pāsādo, vissakammena māpito.
74.
74.
‘‘жуллаасийд̇исахассаани, т̇амбхаа сон̣н̣амаяаа ахум̣;
‘‘Cullāsītisahassāni, thambhā soṇṇamayā ahuṃ;
ман̣имаяаа жа нияяуухаа, чад̣̇анам̣ руубияам̣ аху.
Maṇimayā ca niyyūhā, chadanaṃ rūpiyaṃ ahu.
75.
75.
‘‘саб̣б̣асон̣н̣амаяам̣ гхарам̣, виссагаммзна маабид̇ам̣;
‘‘Sabbasoṇṇamayaṃ gharaṃ, vissakammena māpitaṃ;
аж̇жхаавуд̇т̇ам̣ маяаа зд̇ам̣, гхарад̣̇аанассид̣̇ам̣ палам̣.
Ajjhāvutthaṃ mayā etaṃ, gharadānassidaṃ phalaṃ.
76.
76.
‘‘д̇з саб̣б̣з анубход̇ваана, д̣̇звамаанусагз бхавз;
‘‘Te sabbe anubhotvāna, devamānusake bhave;
аж̇жхабад̇д̇омхи ниб̣б̣аанам̣, санд̇ибад̣̇амануд̇д̇арам̣.
Ajjhapattomhi nibbānaṃ, santipadamanuttaraṃ.
77.
77.
‘‘д̇им̣сагаббасахассамхи, б̣од̇хигхарамагаараяим̣;
‘‘Tiṃsakappasahassamhi, bodhigharamakārayiṃ;
д̣̇уг̇г̇ад̇им̣ наабхиж̇аанаами, гхарад̣̇аанассид̣̇ам̣ палам̣.
Duggatiṃ nābhijānāmi, gharadānassidaṃ phalaṃ.
78.
78.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
79.
79.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
80.
80.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа б̣од̇хигхарад̣̇ааяаго т̇зро имаа г̇аат̇ааяо
Itthaṃ sudaṃ āyasmā bodhigharadāyako thero imā gāthāyo
абхаасид̇т̇аад̇и.
Abhāsitthāti.
б̣од̇хигхарад̣̇ааяагад̇т̇зрассаабад̣̇аанам̣ д̣̇асамам̣.
Bodhigharadāyakattherassāpadānaṃ dasamaṃ.
вибхийд̇агаваг̇г̇о бан̃жажад̇д̇аалийсамо.
Vibhītakavaggo pañcacattālīsamo.
д̇ассуд̣̇д̣̇аанам̣ –
Tassuddānaṃ –
вибхийд̇агий голапалий, б̣иллабхаллаад̇агаббад̣̇о;
Vibhītakī kolaphalī, billabhallātakappado;
уд̇д̇аламб̣адагий жзва, аасаний баад̣̇абийтаго.
Uttalambaṭakī ceva, āsanī pādapīṭhako.
взд̣̇иго б̣од̇хигхариго, г̇аат̇ааяо г̇ан̣ид̇ааби жа;
Vediko bodhighariko, gāthāyo gaṇitāpi ca;
згуунаасийд̇игаа саб̣б̣аа, асмим̣ ваг̇г̇з багид̇д̇ид̇аа.
Ekūnāsītikā sabbā, asmiṃ vagge pakittitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1-60. сагим̣саммаж̇ж̇агад̇т̇зраабад̣̇аанаад̣̇иван̣н̣анаа • 1-60. Sakiṃsammajjakattheraapadānādivaṇṇanā
