| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяабидагз
Vinayapiṭake
махааваг̇г̇а-адтагат̇аа
Mahāvagga-aṭṭhakathā
1. махааканд̇хагам̣
1. Mahākhandhakaṃ
б̣од̇хигат̇аа
Bodhikathā
убхиннам̣ баад̇имогкаанам̣, сан̇г̇ийд̇исамананд̇арам̣;
Ubhinnaṃ pātimokkhānaṃ, saṅgītisamanantaraṃ;
сан̇г̇ааяим̣су махаат̇зраа, канд̇хагам̣ канд̇хаговид̣̇аа.
Saṅgāyiṃsu mahātherā, khandhakaṃ khandhakovidā.
яам̣ д̇асса д̣̇аани самбад̇д̇о, яасмаа сам̣ван̣н̣анааггамо;
Yaṃ tassa dāni sampatto, yasmā saṃvaṇṇanākkamo;
д̇асмаа ход̇и аяам̣ д̇асса, ануд̇д̇аанад̇т̇аван̣н̣анаа.
Tasmā hoti ayaṃ tassa, anuttānatthavaṇṇanā.
бад̣̇абхааж̇анияз ад̇т̇аа, язхи язсам̣ багаасид̇аа;
Padabhājaniye atthā, yehi yesaṃ pakāsitā;
д̇з жз буна вад̣̇зяяаама, барияосаанам̣ гад̣̇аа бхавз.
Te ce puna vadeyyāma, pariyosānaṃ kadā bhave.
уд̇д̇аанаа жзва яз ад̇т̇аа, д̇зсам̣ сам̣ван̣н̣анааяа гим̣;
Uttānā ceva ye atthā, tesaṃ saṃvaṇṇanāya kiṃ;
ад̇хиббааяаанусанд̇хийхи, б̣яан̃ж̇анзна жа яз бана.
Adhippāyānusandhīhi, byañjanena ca ye pana.
ануд̇д̇аанаа на д̇з яасмаа, саггаа н̃аад̇ум̣ аван̣н̣ид̇аа;
Anuttānā na te yasmā, sakkā ñātuṃ avaṇṇitā;
д̇зсам̣язва аяам̣ д̇асмаа, ход̇и сам̣ван̣н̣анаанаяод̇и.
Tesaṃyeva ayaṃ tasmā, hoti saṃvaṇṇanānayoti.
1. д̇зна самаязна б̣уд̣̇д̇хо бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз б̣од̇хиругкамуулз батамаабхисамб̣уд̣̇д̇ход̇и зд̇т̇а гин̃жааби ‘‘д̇зна самаязна б̣уд̣̇д̇хо бхаг̇аваа взран̃ж̇ааяа’’нд̇иаад̣̇ийсу вияа гаран̣аважанз висзсагааран̣ам̣ над̇т̇и, винаяам̣ бад̇ваа бана гаран̣аважанзнзва аяамабхилаабо ааробид̇од̇и аад̣̇ид̇о бадтааяа аарул̣хаабхилаабавасзнзвзд̇ам̣ вуд̇д̇анд̇и взд̣̇ид̇аб̣б̣ам̣. зса наяо ан̃н̃зсуби ид̇о барзсу зваруубзсу.
1.Tena samayena buddho bhagavā uruvelāyaṃ viharati najjā nerañjarāya tīre bodhirukkhamūle paṭhamābhisambuddhoti ettha kiñcāpi ‘‘tena samayena buddho bhagavā verañjāya’’ntiādīsu viya karaṇavacane visesakāraṇaṃ natthi, vinayaṃ patvā pana karaṇavacaneneva ayamabhilāpo āropitoti ādito paṭṭhāya āruḷhābhilāpavasenevetaṃ vuttanti veditabbaṃ. Esa nayo aññesupi ito paresu evarūpesu.
гим̣ банзд̇асса важанз баяож̇ананд̇и? баб̣б̣аж̇ж̇аад̣̇ийнам̣ винаяагаммаанам̣ аад̣̇ид̇о бадтааяа нид̣̇аанад̣̇ассанам̣. яаа хи бхаг̇авад̇аа ‘‘ануж̇аанаами, бхигкавз, имзхи д̇ийхи саран̣аг̇аманзхи баб̣б̣аж̇ж̇ам̣ убасамбад̣̇а’’нд̇и (махаава. 34) звам̣ баб̣б̣аж̇ж̇аа жзва убасамбад̣̇аа жа анун̃н̃аад̇аа, яаани жа рааж̇аг̇ахаад̣̇ийсу убаж̇жхааяаубаж̇жхааяавад̇д̇ааажарияааажарияавад̇д̇аад̣̇ийни анун̃н̃аад̇аани, д̇аани абхисамб̣од̇хим̣ бад̇ваа сад̇д̇асад̇д̇аахам̣ б̣од̇химан̣д̣з вийд̇инаамзд̇ваа б̣аараан̣асияам̣ д̇хаммажаггам̣ бавад̇д̇зд̇ваа иминаа ануггамзна ид̣̇ан̃жид̣̇ан̃жа таанам̣ бад̇ваа имасмин̃жа имасмин̃жа вад̇т̇усмим̣ бан̃н̃ад̇д̇аанийд̇и звамзд̇зсам̣ баб̣б̣аж̇ж̇аад̣̇ийнам̣ винаяагаммаанам̣ аад̣̇ид̇о бадтааяа нид̣̇аанад̣̇ассанам̣ зд̇асса важанз баяож̇ананд̇и взд̣̇ид̇аб̣б̣ам̣.
Kiṃ panetassa vacane payojananti? Pabbajjādīnaṃ vinayakammānaṃ ādito paṭṭhāya nidānadassanaṃ. Yā hi bhagavatā ‘‘anujānāmi, bhikkhave, imehi tīhi saraṇagamanehi pabbajjaṃ upasampada’’nti (mahāva. 34) evaṃ pabbajjā ceva upasampadā ca anuññātā, yāni ca rājagahādīsu upajjhāyaupajjhāyavattaācariyaācariyavattādīni anuññātāni, tāni abhisambodhiṃ patvā sattasattāhaṃ bodhimaṇḍe vītināmetvā bārāṇasiyaṃ dhammacakkaṃ pavattetvā iminā anukkamena idañcidañca ṭhānaṃ patvā imasmiñca imasmiñca vatthusmiṃ paññattānīti evametesaṃ pabbajjādīnaṃ vinayakammānaṃ ādito paṭṭhāya nidānadassanaṃ etassa vacane payojananti veditabbaṃ.
д̇ад̇т̇а урувзлааяанд̇и махаавзлааяам̣; маханд̇з ваалигараасимхийд̇и ад̇т̇о. ат̇а ваа ‘‘уруу’’д̇и ваалигаа вужжад̇и; ‘‘взлаа’’д̇и марияаад̣̇аа; взлаад̇иггаманахзд̇у аахадаа уру урувзлаад̇и звамбзд̇т̇а ад̇т̇о д̣̇адтаб̣б̣о. ад̇ийд̇з гира ануббаннз б̣уд̣̇д̇хз д̣̇асасахассагулабуд̇д̇аа д̇аабасабаб̣б̣аж̇ж̇ам̣ баб̣б̣аж̇ид̇ваа д̇асмим̣ бад̣̇зсз вихаранд̇аа згад̣̇ивасам̣ саннибад̇ид̇ваа гад̇игавад̇д̇ам̣ агам̣су – ‘‘гааяагаммаважийгаммаани наама барзсамби баагадаани хонд̇и, маногаммам̣ бана абаагадам̣; д̇асмаа яо гаамавид̇аггам̣ ваа б̣яаабаад̣̇авид̇аггам̣ ваа вихим̣саавид̇аггам̣ ваа вид̇аггзд̇и, д̇асса ан̃н̃о жод̣̇аго наама над̇т̇и, со ад̇д̇анаава ад̇д̇аанам̣ жод̣̇зд̇ваа бад̇д̇абудзна ваалигам̣ аахарид̇ваа имасмим̣ таанз аагирад̇у, ид̣̇амасса д̣̇ан̣д̣агамма’’нд̇и. д̇ад̇о бадтааяа яо д̇аад̣̇исам̣ вид̇аггам̣ вид̇аггзд̇и, со д̇ад̇т̇а бад̇д̇абудзна ваалигам̣ аагирад̇и. звам̣ д̇ад̇т̇а ануггамзна махааваалигарааси ж̇аад̇о, д̇ад̇о нам̣ бажчимаа ж̇анад̇аа баригкибид̇ваа жзд̇ияадтаанамагааси. д̇ам̣ санд̇хааяа вуд̇д̇ам̣ – ‘‘урувзлааяанд̇и махаавзлааяам̣; маханд̇з ваалигараасимхийд̇и ад̇т̇о’’д̇и. д̇амзва санд̇хааяа вуд̇д̇ам̣ – ‘‘ат̇а ваа урууд̇и ваалигаа вужжад̇и; взлаад̇и марияаад̣̇аа; взлаад̇иггаманахзд̇у аахадаа уру урувзлаад̇и звамбзд̇т̇а ад̇т̇о д̣̇адтаб̣б̣о’’д̇и.
Tattha uruvelāyanti mahāvelāyaṃ; mahante vālikarāsimhīti attho. Atha vā ‘‘urū’’ti vālikā vuccati; ‘‘velā’’ti mariyādā; velātikkamanahetu āhaṭā uru uruvelāti evampettha attho daṭṭhabbo. Atīte kira anuppanne buddhe dasasahassakulaputtā tāpasapabbajjaṃ pabbajitvā tasmiṃ padese viharantā ekadivasaṃ sannipatitvā katikavattaṃ akaṃsu – ‘‘kāyakammavacīkammāni nāma paresampi pākaṭāni honti, manokammaṃ pana apākaṭaṃ; tasmā yo kāmavitakkaṃ vā byāpādavitakkaṃ vā vihiṃsāvitakkaṃ vā vitakketi, tassa añño codako nāma natthi, so attanāva attānaṃ codetvā pattapuṭena vālikaṃ āharitvā imasmiṃ ṭhāne ākiratu, idamassa daṇḍakamma’’nti. Tato paṭṭhāya yo tādisaṃ vitakkaṃ vitakketi, so tattha pattapuṭena vālikaṃ ākirati. Evaṃ tattha anukkamena mahāvālikarāsi jāto, tato naṃ pacchimā janatā parikkhipitvā cetiyaṭṭhānamakāsi. Taṃ sandhāya vuttaṃ – ‘‘uruvelāyanti mahāvelāyaṃ; mahante vālikarāsimhīti attho’’ti. Tameva sandhāya vuttaṃ – ‘‘atha vā urūti vālikā vuccati; velāti mariyādā; velātikkamanahetu āhaṭā uru uruvelāti evampettha attho daṭṭhabbo’’ti.
б̣од̇хиругкамуулзд̇и б̣од̇хи вужжад̇и жад̇уусу маг̇г̇зсу н̃аан̣ам̣; д̇ам̣ б̣од̇хим̣ бхаг̇аваа зд̇т̇а бад̇д̇од̇и ругкоби ‘‘б̣од̇хиругко’’д̇взва наамам̣ лабхи, д̇асса б̣од̇хиругкасса муулз б̣од̇хиругкамуулз. батамаабхисамб̣уд̣̇д̇ход̇и батамам̣ абхисамб̣уд̣̇д̇хо; абхисамб̣уд̣̇д̇хо худ̇ваа саб̣б̣абатамам̣язваад̇и ад̇т̇о. згабаллан̇гзнаад̇и сагимби анудтахид̇ваа яат̇аааабхуж̇ид̇зна згзнзва баллан̇гзна. вимуд̇д̇исукабадисам̣взд̣̇ийд̇и вимуд̇д̇исукам̣ паласамаабад̇д̇исукам̣ бадисам̣взд̣̇аяамаано.
Bodhirukkhamūleti bodhi vuccati catūsu maggesu ñāṇaṃ; taṃ bodhiṃ bhagavā ettha pattoti rukkhopi ‘‘bodhirukkho’’tveva nāmaṃ labhi, tassa bodhirukkhassa mūle bodhirukkhamūle. Paṭhamābhisambuddhoti paṭhamaṃ abhisambuddho; abhisambuddho hutvā sabbapaṭhamaṃyevāti attho. Ekapallaṅkenāti sakimpi anuṭṭhahitvā yathāābhujitena ekeneva pallaṅkena. Vimuttisukhapaṭisaṃvedīti vimuttisukhaṃ phalasamāpattisukhaṃ paṭisaṃvedayamāno.
бадижжасамуббаад̣̇анд̇и бажжаяаагаарам̣. бажжаяаагааро хи ан̃н̃аман̃н̃ам̣ бадижжа сахид̇з д̇хаммз уббаад̣̇зд̇ийд̇и ‘‘бадижжасамуббаад̣̇о’’д̇и вужжад̇и. аяамзд̇т̇а сан̇кзбо. вид̇т̇ааро бана саб̣б̣аагаарасамбаннам̣ винижчаяам̣ ижчанд̇зна висуд̣̇д̇химаг̇г̇ад̇о г̇ахзд̇аб̣б̣о. ануломабадиломанд̇и ануломан̃жа бадиломан̃жа. д̇ад̇т̇а ‘‘авиж̇ж̇аабажжаяаа сан̇каараа’’д̇иаад̣̇инаа наязна вуд̇д̇о авиж̇ж̇аад̣̇иго бажжаяаагааро ад̇д̇анаа гад̇д̇аб̣б̣агижжагаран̣ад̇о ‘‘ануломо’’д̇и вужжад̇и. ‘‘авиж̇ж̇ааяа д̇взва асзсавирааг̇анирод̇хаа сан̇кааранирод̇хо’’д̇иаад̣̇инаа наязна вуд̇д̇о свзва ануббаад̣̇анирод̇хзна нируж̇жхамаано д̇ам̣ гижжам̣ на гарод̇ийд̇и д̇асса агаран̣ад̇о ‘‘бадиломо’’д̇и вужжад̇и. буриманаязна ваа вуд̇д̇о бавад̇д̇ияаа ануломо, ид̇аро д̇ассаа бадиломод̇и звамбзд̇т̇а ад̇т̇о д̣̇адтаб̣б̣о. аад̣̇ид̇о бана бадтааяа яаава анд̇ам̣, анд̇ад̇о жа бадтааяа яаава аад̣̇им̣ баабзд̇ваа авуд̇д̇ад̇д̇аа ид̇о ан̃н̃знад̇т̇зна ануломабадиломад̇аа на яуж̇ж̇ад̇и.
Paṭiccasamuppādanti paccayākāraṃ. Paccayākāro hi aññamaññaṃ paṭicca sahite dhamme uppādetīti ‘‘paṭiccasamuppādo’’ti vuccati. Ayamettha saṅkhepo. Vitthāro pana sabbākārasampannaṃ vinicchayaṃ icchantena visuddhimaggato gahetabbo. Anulomapaṭilomanti anulomañca paṭilomañca. Tattha ‘‘avijjāpaccayā saṅkhārā’’tiādinā nayena vutto avijjādiko paccayākāro attanā kattabbakiccakaraṇato ‘‘anulomo’’ti vuccati. ‘‘Avijjāya tveva asesavirāganirodhā saṅkhāranirodho’’tiādinā nayena vutto sveva anuppādanirodhena nirujjhamāno taṃ kiccaṃ na karotīti tassa akaraṇato ‘‘paṭilomo’’ti vuccati. Purimanayena vā vutto pavattiyā anulomo, itaro tassā paṭilomoti evampettha attho daṭṭhabbo. Ādito pana paṭṭhāya yāva antaṃ, antato ca paṭṭhāya yāva ādiṃ pāpetvā avuttattā ito aññenatthena anulomapaṭilomatā na yujjati.
манасаагаасийд̇и манаси агааси. д̇ад̇т̇а яат̇аа ануломам̣ манаси агааси, ид̣̇ам̣ д̇аава д̣̇ассзд̇ум̣ ‘‘авиж̇ж̇аабажжаяаа сан̇каараа’’д̇иаад̣̇и вуд̇д̇ам̣. д̇ад̇т̇а авиж̇ж̇аа жа саа бажжаяо жаад̇и авиж̇ж̇аабажжаяо. д̇асмаа авиж̇ж̇аабажжаяаа сан̇каараа самбхаванд̇ийд̇и иминаа наязна саб̣б̣абад̣̇зсу ад̇т̇о взд̣̇ид̇аб̣б̣о. аяамзд̇т̇а сан̇кзбо. вид̇т̇ааро бана саб̣б̣аагаарасамбаннам̣ винижчаяам̣ ижчанд̇зна висуд̣̇д̇химаг̇г̇ад̇ова г̇ахзд̇аб̣б̣о.
Manasākāsīti manasi akāsi. Tattha yathā anulomaṃ manasi akāsi, idaṃ tāva dassetuṃ ‘‘avijjāpaccayā saṅkhārā’’tiādi vuttaṃ. Tattha avijjā ca sā paccayo cāti avijjāpaccayo. Tasmā avijjāpaccayā saṅkhārā sambhavantīti iminā nayena sabbapadesu attho veditabbo. Ayamettha saṅkhepo. Vitthāro pana sabbākārasampannaṃ vinicchayaṃ icchantena visuddhimaggatova gahetabbo.
яат̇аа бана бадиломам̣ манаси агааси, ид̣̇ам̣ д̣̇ассзд̇ум̣ авиж̇ж̇ааяа д̇взва асзсавирааг̇анирод̇хаа сан̇кааранирод̇ход̇иаад̣̇и вуд̇д̇ам̣. д̇ад̇т̇а авиж̇ж̇ааяа д̇взваад̇и авиж̇ж̇ааяа д̇у зва. асзсавирааг̇анирод̇хаад̇и вирааг̇асан̇каад̇зна маг̇г̇зна асзсанирод̇хаа . сан̇кааранирод̇ход̇и сан̇каараанам̣ ануббаад̣̇анирод̇хо ход̇и. звам̣ нируд̣̇д̇хаанам̣ бана сан̇каараанам̣ нирод̇хаа вин̃н̃аан̣ам̣ нируд̣̇д̇хам̣, вин̃н̃аан̣аад̣̇ийнан̃жа нирод̇хаа наамаруубаад̣̇ийни нируд̣̇д̇хааниязва хонд̇ийд̇и д̣̇ассзд̇ум̣ сан̇кааранирод̇хаа вин̃н̃аан̣анирод̇ход̇иаад̣̇ийни вад̇ваа звамзд̇асса гзваласса д̣̇угкагканд̇хасса нирод̇хо ход̇ийд̇и вуд̇д̇ам̣. д̇ад̇т̇а гзвалассаад̇и сагаласса; суд̣̇д̇хасса ваа сад̇д̇авирахид̇ассаад̇и ад̇т̇о. д̣̇угкагканд̇хассаад̇и д̣̇угкараасисса. нирод̇хо ход̇ийд̇и ануббаад̣̇о ход̇и.
Yathā pana paṭilomaṃ manasi akāsi, idaṃ dassetuṃ avijjāya tveva asesavirāganirodhā saṅkhāranirodhotiādi vuttaṃ. Tattha avijjāya tvevāti avijjāya tu eva. Asesavirāganirodhāti virāgasaṅkhātena maggena asesanirodhā . Saṅkhāranirodhoti saṅkhārānaṃ anuppādanirodho hoti. Evaṃ niruddhānaṃ pana saṅkhārānaṃ nirodhā viññāṇaṃ niruddhaṃ, viññāṇādīnañca nirodhā nāmarūpādīni niruddhāniyeva hontīti dassetuṃ saṅkhāranirodhā viññāṇanirodhotiādīni vatvā evametassa kevalassa dukkhakkhandhassa nirodho hotīti vuttaṃ. Tattha kevalassāti sakalassa; suddhassa vā sattavirahitassāti attho. Dukkhakkhandhassāti dukkharāsissa. Nirodho hotīti anuppādo hoti.
зд̇амад̇т̇ам̣ вид̣̇ид̇ваад̇и явааяам̣ ‘‘авиж̇ж̇аад̣̇ивасзна сан̇каараад̣̇игасса д̣̇угкагканд̇хасса самуд̣̇аяо жа авиж̇ж̇аанирод̇хаад̣̇ивасзна жа нирод̇хо ход̇ий’’д̇и вуд̇д̇о, саб̣б̣аагаарзна зд̇амад̇т̇ам̣ вид̣̇ид̇ваа. д̇ааяам̣ взлааяанд̇и д̇ааяам̣ д̇асса ад̇т̇асса вид̣̇ид̇авзлааяам̣. имам̣ уд̣̇аанам̣ уд̣̇аанзсийд̇и имам̣ д̇асмим̣ вид̣̇ид̇з ад̇т̇з хзд̇уно жа хзд̇усамуббаннад̇хаммасса жа баж̇аананааяа аанубхаавад̣̇ийбагам̣ ‘‘яад̣̇аа хавз баад̇убхаванд̇ий’’д̇иаад̣̇игам̣ соманассаяуд̇д̇ан̃аан̣асамудтаанам̣ уд̣̇аанам̣ уд̣̇аанзси, ад̇д̇аманаваажам̣ нижчаарзсийд̇и вуд̇д̇ам̣ ход̇и.
Etamatthaṃviditvāti yvāyaṃ ‘‘avijjādivasena saṅkhārādikassa dukkhakkhandhassa samudayo ca avijjānirodhādivasena ca nirodho hotī’’ti vutto, sabbākārena etamatthaṃ viditvā. Tāyaṃ velāyanti tāyaṃ tassa atthassa viditavelāyaṃ. Imaṃ udānaṃ udānesīti imaṃ tasmiṃ vidite atthe hetuno ca hetusamuppannadhammassa ca pajānanāya ānubhāvadīpakaṃ ‘‘yadā have pātubhavantī’’tiādikaṃ somanassayuttañāṇasamuṭṭhānaṃ udānaṃ udānesi, attamanavācaṃ nicchāresīti vuttaṃ hoti.
д̇ассад̇т̇о – яад̣̇аа хавзд̇и яасмим̣ бхавз гаалз. баад̇убхаванд̇ийд̇и уббаж̇ж̇анд̇и. д̇хаммаад̇и ануломабажжаяаагаарабадивзд̇хасаад̇хагаа б̣од̇хибагкияад̇хаммаа. ат̇а ваа баад̇убхаванд̇ийд̇и багаасанд̇и; абхисамаяавасзна б̣яад̇д̇аа баагадаа хонд̇и. д̇хаммаад̇и жад̇уарияасажжад̇хаммаа. аад̇аабо вужжад̇и гилзсасанд̇аабанадтзна вийрияам̣; аад̇аабинод̇и саммаббад̇хаанавийрияавад̇о. жхааяад̇од̇и аарамман̣уубаниж̇жхааналагкан̣зна жа лагкан̣уубаниж̇жхааналагкан̣зна жа жхаанзна жхааяанд̇асса. б̣раахман̣ассаад̇и б̣аахид̇абаабасса кийн̣аасавасса. ат̇асса ган̇каа вабаяанд̇ийд̇и ат̇асса звам̣ баад̇убхууд̇ад̇хаммасса ган̇каа вабаяанд̇и. саб̣б̣аад̇и яаа зд̇аа ‘‘го ну ко бханд̇з пусад̇ийд̇и; но галло бан̃ход̇и бхаг̇аваа авожаа’’д̇иаад̣̇инаа, д̇ат̇аа ‘‘гад̇амам̣ ну ко бханд̇з ж̇араамаран̣ам̣; гасса жа банид̣̇ам̣ ж̇араамаран̣анд̇и ; но галло бан̃ход̇и бхаг̇аваа авожаа’’д̇иаад̣̇инаа жа наязна бажжаяаагаарз ган̇каа вуд̇д̇аа, яаа жа бажжаяаагаарассзва аббадивид̣̇д̇хад̇д̇аа ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇игаа сол̣аса ган̇каа ааг̇ад̇аа, д̇аа саб̣б̣аа вабаяанд̇и абаг̇ажчанд̇и нируж̇жханд̇и. гасмаа? яад̇о баж̇аанаад̇и сахзд̇уд̇хамманд̇и яасмаа авиж̇ж̇аад̣̇игзна хзд̇унаа сахзд̇угам̣ имам̣ сан̇каараад̣̇им̣ гзвалам̣ д̣̇угкагканд̇хад̇хаммам̣ баж̇аанаад̇и ан̃н̃аад̇и бадивиж̇жхад̇ийд̇и.
Tassattho – yadā haveti yasmiṃ bhave kāle. Pātubhavantīti uppajjanti. Dhammāti anulomapaccayākārapaṭivedhasādhakā bodhipakkhiyadhammā. Atha vā pātubhavantīti pakāsanti; abhisamayavasena byattā pākaṭā honti. Dhammāti catuariyasaccadhammā. Ātāpo vuccati kilesasantāpanaṭṭhena vīriyaṃ; ātāpinoti sammappadhānavīriyavato. Jhāyatoti ārammaṇūpanijjhānalakkhaṇena ca lakkhaṇūpanijjhānalakkhaṇena ca jhānena jhāyantassa. Brāhmaṇassāti bāhitapāpassa khīṇāsavassa. Athassa kaṅkhā vapayantīti athassa evaṃ pātubhūtadhammassa kaṅkhā vapayanti. Sabbāti yā etā ‘‘ko nu kho bhante phusatīti; no kallo pañhoti bhagavā avocā’’tiādinā, tathā ‘‘katamaṃ nu kho bhante jarāmaraṇaṃ; kassa ca panidaṃ jarāmaraṇanti ; no kallo pañhoti bhagavā avocā’’tiādinā ca nayena paccayākāre kaṅkhā vuttā, yā ca paccayākārasseva appaṭividdhattā ‘‘ahosiṃ nu kho ahaṃ atītamaddhāna’’ntiādikā soḷasa kaṅkhā āgatā, tā sabbā vapayanti apagacchanti nirujjhanti. Kasmā? Yato pajānāti sahetudhammanti yasmā avijjādikena hetunā sahetukaṃ imaṃ saṅkhārādiṃ kevalaṃ dukkhakkhandhadhammaṃ pajānāti aññāti paṭivijjhatīti.
2. д̣̇уд̇ияаваарз – имам̣ уд̣̇аанам̣ уд̣̇аанзсийд̇и имам̣ д̇асмим̣ вид̣̇ид̇з ад̇т̇з ‘‘авиж̇ж̇ааяа д̇взва асзсавирааг̇анирод̇хаа сан̇кааранирод̇хо’’д̇и звам̣ багаасид̇асса ниб̣б̣аанасан̇каад̇асса бажжаяагкаяасса аваб̣од̇хаанубхаавад̣̇ийбагам̣ вуд̇д̇аббагаарам̣ уд̣̇аанам̣ уд̣̇аанзсийд̇и ад̇т̇о. д̇ад̇рааяам̣ сан̇кзбад̇т̇о – яасмаа бажжаяаанам̣ каяасан̇каад̇ам̣ ниб̣б̣аанам̣ авзд̣̇и ан̃н̃ааси бадивиж̇жхи, д̇асмаа яад̣̇аасса аад̇аабино жхааяад̇о б̣раахман̣асса вуд̇д̇аббагаараа д̇хаммаа баад̇убхаванд̇и, ат̇асса яаа ниб̣б̣аанасса авид̣̇ид̇ад̇д̇аа уббаж̇ж̇зяяум̣, д̇аа саб̣б̣ааби ган̇каа вабаяанд̇ийд̇и.
2. Dutiyavāre – imaṃ udānaṃ udānesīti imaṃ tasmiṃ vidite atthe ‘‘avijjāya tveva asesavirāganirodhā saṅkhāranirodho’’ti evaṃ pakāsitassa nibbānasaṅkhātassa paccayakkhayassa avabodhānubhāvadīpakaṃ vuttappakāraṃ udānaṃ udānesīti attho. Tatrāyaṃ saṅkhepattho – yasmā paccayānaṃ khayasaṅkhātaṃ nibbānaṃ avedi aññāsi paṭivijjhi, tasmā yadāssa ātāpino jhāyato brāhmaṇassa vuttappakārā dhammā pātubhavanti, athassa yā nibbānassa aviditattā uppajjeyyuṃ, tā sabbāpi kaṅkhā vapayantīti.
3. д̇ад̇ияаваарз – имам̣ уд̣̇аанам̣ уд̣̇аанзсийд̇и имам̣ язна маг̇г̇зна со д̣̇угкагканд̇хасса самуд̣̇аяанирод̇хасан̇каад̇о ад̇т̇о гижжавасзна жа аарамман̣агирияааяа жа вид̣̇ид̇о, д̇асса арияамаг̇г̇асса аанубхаавад̣̇ийбагам̣ вуд̇д̇аббагаарам̣ уд̣̇аанам̣ уд̣̇аанзсийд̇и ад̇т̇о. д̇ад̇раабааяам̣ сан̇кзбад̇т̇о – яад̣̇аа хавз баад̇убхаванд̇и д̇хаммаа аад̇аабино жхааяад̇о б̣раахман̣асса, д̇ад̣̇аа со б̣раахман̣о д̇зхи ваа уббаннзхи б̣од̇хибагкияад̇хаммзхи, яасса ваа арияамаг̇г̇асса жад̇усажжад̇хаммаа баад̇убхууд̇аа, д̇зна арияамаг̇г̇зна вид̇хуубаяам̣ д̇идтад̇и маарасзнам̣ ‘‘гаамаа д̇з батамаа сзнаа’’д̇иаад̣̇инаа наязна вуд̇д̇аббагаарам̣ маарасзнам̣ вид̇хуубаяанд̇о вид̇хамзнд̇о вид̣̇д̇хам̣сзнд̇о д̇идтад̇и. гат̇ам̣? суурияова обхаасаяаманд̇алигкам̣, яат̇аа суурияо аб̣бхуг̇г̇ад̇о ад̇д̇ано бабхааяа анд̇алигкам̣ обхаасзнд̇ова анд̇хагаарам̣ вид̇хамзнд̇о д̇идтад̇и, звам̣ соби б̣раахман̣о д̇зхи д̇хаммзхи д̇зна ваа маг̇г̇зна сажжаани бадивиж̇жханд̇ова маарасзнам̣ вид̇хуубаяанд̇о д̇идтад̇ийд̇и.
3. Tatiyavāre – imaṃ udānaṃ udānesīti imaṃ yena maggena so dukkhakkhandhassa samudayanirodhasaṅkhāto attho kiccavasena ca ārammaṇakiriyāya ca vidito, tassa ariyamaggassa ānubhāvadīpakaṃ vuttappakāraṃ udānaṃ udānesīti attho. Tatrāpāyaṃ saṅkhepattho – yadā have pātubhavanti dhammā ātāpino jhāyato brāhmaṇassa, tadā so brāhmaṇo tehi vā uppannehi bodhipakkhiyadhammehi, yassa vā ariyamaggassa catusaccadhammā pātubhūtā, tena ariyamaggena vidhūpayaṃ tiṭṭhati mārasenaṃ ‘‘kāmā te paṭhamā senā’’tiādinā nayena vuttappakāraṃ mārasenaṃ vidhūpayanto vidhamento viddhaṃsento tiṭṭhati. Kathaṃ? Sūriyova obhāsayamantalikkhaṃ, yathā sūriyo abbhuggato attano pabhāya antalikkhaṃ obhāsentova andhakāraṃ vidhamento tiṭṭhati, evaṃ sopi brāhmaṇo tehi dhammehi tena vā maggena saccāni paṭivijjhantova mārasenaṃ vidhūpayanto tiṭṭhatīti.
звамзд̇т̇а батамам̣ уд̣̇аанам̣ бажжаяаагаарабажжавзгкан̣авасзна, д̣̇уд̇ияам̣ ниб̣б̣аанабажжавзгкан̣авасзна , д̇ад̇ияам̣ маг̇г̇абажжавзгкан̣авасзна уббаннанд̇и взд̣̇ид̇аб̣б̣ам̣. уд̣̇аанз бана ‘‘рад̇д̇ияаа батамам̣ яаамам̣ бадижжасамуббаад̣̇ам̣ ануломам̣, д̣̇уд̇ияам̣ яаамам̣ бадиломам̣, д̇ад̇ияам̣ яаамам̣ ануломабадилома’’нд̇и вуд̇д̇ам̣; д̇ам̣ сад̇д̇аахасса ажжаязна ‘‘свз аасанаа вудтахиссаамий’’д̇и рад̇д̇им̣ уббаад̣̇ид̇аманасигаарам̣ санд̇хааяа вуд̇д̇ам̣. д̇ад̣̇аа хи бхаг̇аваа яасса бажжаяаагаарабаж̇аананасса жа бажжаяагкаяаад̇хиг̇амасса жа аанубхаавад̣̇ийбигаа буримаа д̣̇вз уд̣̇аанаг̇аат̇аа, д̇асса васзна згзгамзва годтаасам̣ батамаяааман̃жа маж̇жхимаяааман̃жа манасаагааси, ид̇ха бана баадибад̣̇арад̇д̇ияаа звам̣ манасаагааси. бхаг̇аваа хи висаакабун̣н̣амааяа рад̇д̇ияаа батамаяаамз буб̣б̣зниваасам̣ ануссари, маж̇жхимаяаамз д̣̇иб̣б̣ажагкум̣ висод̇хзси, бажчимаяаамз бадижжасамуббаад̣̇ам̣ ануломабадиломам̣ манаси гад̇ваа ‘‘ид̣̇аани арун̣о уг̇г̇амиссад̇ий’’д̇и саб̣б̣ан̃н̃уд̇ам̣ баабун̣и. саб̣б̣ан̃н̃уд̇аббад̇д̇исамананд̇арамзва жа арун̣о уг̇г̇ажчи. д̇ад̇о д̇ам̣ д̣̇ивасам̣ д̇знзва баллан̇гзна вийд̇инаамзд̇ваа самбад̇д̇ааяа баадибад̣̇арад̇д̇ияаа д̇ийсу яаамзсу звам̣ манаси гад̇ваа имаани уд̣̇аанаани уд̣̇аанзси. ид̇и баадибад̣̇арад̇д̇ияаа звам̣ манаси гад̇ваа д̇ам̣ ‘‘б̣од̇хиругкамуулз сад̇д̇аахам̣ згабаллан̇гзна нисийд̣̇ий’’д̇и звам̣ вуд̇д̇асад̇д̇аахам̣ д̇ад̇т̇зва вийд̇инаамзси.
Evamettha paṭhamaṃ udānaṃ paccayākārapaccavekkhaṇavasena, dutiyaṃ nibbānapaccavekkhaṇavasena , tatiyaṃ maggapaccavekkhaṇavasena uppannanti veditabbaṃ. Udāne pana ‘‘rattiyā paṭhamaṃ yāmaṃ paṭiccasamuppādaṃ anulomaṃ, dutiyaṃ yāmaṃ paṭilomaṃ, tatiyaṃ yāmaṃ anulomapaṭiloma’’nti vuttaṃ; taṃ sattāhassa accayena ‘‘sve āsanā vuṭṭhahissāmī’’ti rattiṃ uppāditamanasikāraṃ sandhāya vuttaṃ. Tadā hi bhagavā yassa paccayākārapajānanassa ca paccayakkhayādhigamassa ca ānubhāvadīpikā purimā dve udānagāthā, tassa vasena ekekameva koṭṭhāsaṃ paṭhamayāmañca majjhimayāmañca manasākāsi, idha pana pāṭipadarattiyā evaṃ manasākāsi. Bhagavā hi visākhapuṇṇamāya rattiyā paṭhamayāme pubbenivāsaṃ anussari, majjhimayāme dibbacakkhuṃ visodhesi, pacchimayāme paṭiccasamuppādaṃ anulomapaṭilomaṃ manasi katvā ‘‘idāni aruṇo uggamissatī’’ti sabbaññutaṃ pāpuṇi. Sabbaññutappattisamanantarameva ca aruṇo uggacchi. Tato taṃ divasaṃ teneva pallaṅkena vītināmetvā sampattāya pāṭipadarattiyā tīsu yāmesu evaṃ manasi katvā imāni udānāni udānesi. Iti pāṭipadarattiyā evaṃ manasi katvā taṃ ‘‘bodhirukkhamūle sattāhaṃ ekapallaṅkena nisīdī’’ti evaṃ vuttasattāhaṃ tattheva vītināmesi.
б̣од̇хигат̇аа нидтид̇аа.
Bodhikathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 1. б̣од̇хигат̇аа • 1. Bodhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. б̣од̇хигат̇аа • 1. Bodhikathā
