| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяабидагз
Vinayapiṭake
махааваг̇г̇абаал̣и
Mahāvaggapāḷi
1. махааканд̇хаго
1. Mahākhandhako
1. б̣од̇хигат̇аа
1. Bodhikathā
1. 1 д̇зна самаязна б̣уд̣̇д̇хо бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз б̣од̇хиругкамуулз батамаабхисамб̣уд̣̇д̇хо. ат̇а ко бхаг̇аваа б̣од̇хиругкамуулз сад̇д̇аахам̣ згабаллан̇гзна нисийд̣̇и вимуд̇д̇исукабадисам̣взд̣̇ий 2. ат̇а ко бхаг̇аваа рад̇д̇ияаа батамам̣ яаамам̣ бадижжасамуббаад̣̇ам̣ ануломабадиломам̣ манасаагааси – ‘‘авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и – звамзд̇асса гзваласса д̣̇угкагканд̇хасса самуд̣̇аяо ход̇и. ‘‘авиж̇ж̇ааяад̇взва асзсавирааг̇анирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, вин̃н̃аан̣анирод̇хаа наамаруубанирод̇хо, наамаруубанирод̇хаа сал̣ааяад̇ананирод̇хо, сал̣ааяад̇ананирод̇хаа пассанирод̇хо, пассанирод̇хаа взд̣̇анаанирод̇хо, взд̣̇анаанирод̇хаа д̇ан̣хаанирод̇хо, д̇ан̣хаанирод̇хаа убаад̣̇аананирод̇хо , убаад̣̇аананирод̇хаа бхаванирод̇хо, бхаванирод̇хаа ж̇аад̇инирод̇хо, ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и – звамзд̇асса гзваласса д̣̇угкагканд̇хасса нирод̇хо ход̇ий’’д̇и.
1.3 Tena samayena buddho bhagavā uruvelāyaṃ viharati najjā nerañjarāya tīre bodhirukkhamūle paṭhamābhisambuddho. Atha kho bhagavā bodhirukkhamūle sattāhaṃ ekapallaṅkena nisīdi vimuttisukhapaṭisaṃvedī 4. Atha kho bhagavā rattiyā paṭhamaṃ yāmaṃ paṭiccasamuppādaṃ anulomapaṭilomaṃ manasākāsi – ‘‘avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti – evametassa kevalassa dukkhakkhandhassa samudayo hoti. ‘‘Avijjāyatveva asesavirāganirodhā saṅkhāranirodho, saṅkhāranirodhā viññāṇanirodho, viññāṇanirodhā nāmarūpanirodho, nāmarūpanirodhā saḷāyatananirodho, saḷāyatananirodhā phassanirodho, phassanirodhā vedanānirodho, vedanānirodhā taṇhānirodho, taṇhānirodhā upādānanirodho , upādānanirodhā bhavanirodho, bhavanirodhā jātinirodho, jātinirodhā jarāmaraṇaṃ sokaparidevadukkhadomanassupāyāsā nirujjhanti – evametassa kevalassa dukkhakkhandhassa nirodho hotī’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яад̣̇аа хавз баад̇убхаванд̇и д̇хаммаа;
‘‘Yadā have pātubhavanti dhammā;
аад̇аабино жхааяад̇о б̣раахман̣асса;
Ātāpino jhāyato brāhmaṇassa;
ат̇асса ган̇каа вабаяанд̇и саб̣б̣аа;
Athassa kaṅkhā vapayanti sabbā;
яад̇о баж̇аанаад̇и сахзд̇уд̇хамма’’нд̇и.
Yato pajānāti sahetudhamma’’nti.
2. 5 ат̇а ко бхаг̇аваа рад̇д̇ияаа маж̇жхимам̣ яаамам̣ бадижжасамуббаад̣̇ам̣ ануломабадиломам̣ манасаагааси – ‘‘авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣…бз… звамзд̇асса гзваласса д̣̇угкагканд̇хасса самуд̣̇аяо ход̇ий…бз… нирод̇хо ход̇ий’’д̇и.
2.6 Atha kho bhagavā rattiyā majjhimaṃ yāmaṃ paṭiccasamuppādaṃ anulomapaṭilomaṃ manasākāsi – ‘‘avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ…pe… evametassa kevalassa dukkhakkhandhassa samudayo hotī…pe… nirodho hotī’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яад̣̇аа хавз баад̇убхаванд̇и д̇хаммаа;
‘‘Yadā have pātubhavanti dhammā;
аад̇аабино жхааяад̇о б̣раахман̣асса;
Ātāpino jhāyato brāhmaṇassa;
ат̇асса ган̇каа вабаяанд̇и саб̣б̣аа;
Athassa kaṅkhā vapayanti sabbā;
яад̇о каяам̣ бажжаяаанам̣ авзд̣̇ий’’д̇и.
Yato khayaṃ paccayānaṃ avedī’’ti.
3. 7 ат̇а ко бхаг̇аваа рад̇д̇ияаа бажчимам̣ яаамам̣ бадижжасамуббаад̣̇ам̣ ануломабадиломам̣ манасаагааси – ‘‘авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и…бз… нирод̇хо ход̇ий’’д̇и.
3.8 Atha kho bhagavā rattiyā pacchimaṃ yāmaṃ paṭiccasamuppādaṃ anulomapaṭilomaṃ manasākāsi – ‘‘avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ…pe… evametassa kevalassa dukkhakkhandhassa samudayo hoti…pe… nirodho hotī’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яад̣̇аа хавз баад̇убхаванд̇и д̇хаммаа;
‘‘Yadā have pātubhavanti dhammā;
аад̇аабино жхааяад̇о б̣раахман̣асса;
Ātāpino jhāyato brāhmaṇassa;
вид̇хуубаяам̣ д̇идтад̇и маарасзнам̣;
Vidhūpayaṃ tiṭṭhati mārasenaṃ;
б̣од̇хигат̇аа нидтид̇аа.
Bodhikathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣од̇хигат̇аа • Bodhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. б̣од̇хигат̇аа • 1. Bodhikathā
