| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
махааваг̇г̇а-дийгаа
Mahāvagga-ṭīkā
1. махааканд̇хагам̣
1. Mahākhandhakaṃ
б̣од̇хигат̇ааван̣н̣анаа
Bodhikathāvaṇṇanā
ид̣̇аани убхад̇овибхан̇г̇аананд̇арам̣ сан̇г̇ахамааробид̇асса махааваг̇г̇ажуул̣аваг̇г̇асан̇г̇ахид̇асса канд̇хагасса ад̇т̇асам̣ван̣н̣анам̣ аарабхид̇угаамо ‘‘убхиннам̣ баад̇имогкаана’’нд̇иаад̣̇имааха. д̇ад̇т̇а убхиннам̣ баад̇имогкаананд̇и убхиннам̣ баад̇имогкавибхан̇г̇аанам̣. баад̇имогкаг̇г̇ахан̣зна хзд̇т̇а д̇зсам̣ вибхан̇г̇о абхзд̣̇зна г̇ахид̇о. яам̣ канд̇хагам̣ сан̇г̇ааяим̣сууд̇и самб̣анд̇хо. канд̇хаанам̣ самуухо канд̇хаго, канд̇хаанам̣ ваа багаасанад̇о д̣̇ийбанад̇о канд̇хаго. ‘‘канд̇хаа’’д̇и жзд̇т̇а баб̣б̣аж̇ж̇убасамбад̣̇аад̣̇ивинаяагаммасан̇каад̇аа жаарид̇д̇аваарид̇д̇асигкаабад̣̇асан̇каад̇аа жа бан̃н̃ад̇д̇ияо ад̇хиббзд̇аа. баб̣б̣аж̇ж̇аад̣̇ийни хи бхаг̇авад̇аа бан̃н̃ад̇д̇ад̇д̇аа ‘‘бан̃н̃ад̇д̇ияо’’д̇и вужжанд̇и. бан̃н̃ад̇д̇ияан̃жа канд̇хасад̣̇д̣̇о д̣̇иссад̇и ‘‘д̣̇ааругканд̇хо аг̇г̇игканд̇хо’’д̇иаад̣̇ийсу вияа. абижа бхааг̇араасадтад̇аабзд̇т̇а яуж̇ж̇ад̇иязва д̇аасам̣ бан̃н̃ад̇д̇ийнам̣ бхааг̇ад̇о раасид̇о жа вибхад̇д̇ад̇д̇аа. канд̇хаговид̣̇аад̇и бан̃н̃ад̇д̇ибхааг̇араасадтавасзна канд̇хадтз говид̣̇аа.
Idāni ubhatovibhaṅgānantaraṃ saṅgahamāropitassa mahāvaggacūḷavaggasaṅgahitassa khandhakassa atthasaṃvaṇṇanaṃ ārabhitukāmo ‘‘ubhinnaṃ pātimokkhāna’’ntiādimāha. Tattha ubhinnaṃ pātimokkhānanti ubhinnaṃ pātimokkhavibhaṅgānaṃ. Pātimokkhaggahaṇena hettha tesaṃ vibhaṅgo abhedena gahito. Yaṃ khandhakaṃ saṅgāyiṃsūti sambandho. Khandhānaṃ samūho khandhako, khandhānaṃ vā pakāsanato dīpanato khandhako. ‘‘Khandhā’’ti cettha pabbajjupasampadādivinayakammasaṅkhātā cārittavārittasikkhāpadasaṅkhātā ca paññattiyo adhippetā. Pabbajjādīni hi bhagavatā paññattattā ‘‘paññattiyo’’ti vuccanti. Paññattiyañca khandhasaddo dissati ‘‘dārukkhandho aggikkhandho’’tiādīsu viya. Apica bhāgarāsaṭṭhatāpettha yujjatiyeva tāsaṃ paññattīnaṃ bhāgato rāsito ca vibhattattā. Khandhakovidāti paññattibhāgarāsaṭṭhavasena khandhaṭṭhe kovidā.
бад̣̇абхааж̇анийяз язсам̣ бад̣̇аанам̣ ад̇т̇аа язхи адтагат̇аанаязхи багаасид̇аад̇и яож̇зд̇аб̣б̣ам̣. д̇з жз буна вад̣̇зяяаамаад̇и д̇з жз адтагат̇аанаяз бунаби вад̣̇зяяаама. ат̇а ваа бад̣̇абхааж̇анийяз язсам̣ бад̣̇аанам̣ яз ад̇т̇аа хздтаа багаасид̇аа, д̇з жз ад̇т̇з буна вад̣̇зяяаамаад̇и яож̇зд̇аб̣б̣ам̣. имасмим̣ багкз хи-сад̣̇д̣̇о бад̣̇абууран̣з д̣̇адтаб̣б̣о. барияосаананд̇и сам̣ван̣н̣анаабарияосаанам̣. уд̇д̇аанаа жзва яз ад̇т̇аад̇и яз ад̇т̇аа буб̣б̣з абагаасид̇ааби уд̇д̇аанаа аг̇амбхийраа.
Padabhājanīye yesaṃ padānaṃ atthā yehi aṭṭhakathānayehi pakāsitāti yojetabbaṃ. Te ce puna vadeyyāmāti te ce aṭṭhakathānaye punapi vadeyyāma. Atha vā padabhājanīye yesaṃ padānaṃ ye atthā heṭṭhā pakāsitā, te ce atthe puna vadeyyāmāti yojetabbaṃ. Imasmiṃ pakkhe hi-saddo padapūraṇe daṭṭhabbo. Pariyosānanti saṃvaṇṇanāpariyosānaṃ. Uttānā ceva ye atthāti ye atthā pubbe apakāsitāpi uttānā agambhīrā.
1. висзсагааран̣ам̣ над̇т̇ийд̇и ‘‘язна самаязна ааяасмад̇о саарибуд̇д̇ад̇т̇зрасса сигкаабад̣̇абан̃н̃ад̇д̇ияаажанахзд̇убхууд̇о баривид̇агго уд̣̇абаад̣̇и, д̇зна самаязнаа’’д̇иаад̣̇инаа вуд̇д̇агааран̣ам̣ вияа ид̇ха висзсагааран̣ам̣ над̇т̇и. аяамабхилаабод̇и ‘‘д̇зна самаязнаа’’д̇и аяамабхилаабо. гим̣ банзд̇асса важанз баяож̇ананд̇и яад̣̇и висзсагааран̣ам̣ над̇т̇и, зд̇асса важанз гим̣ баяож̇ананд̇и ад̇хиббааяо. нид̣̇аанад̣̇ассанам̣ баяож̇ананд̇и яож̇зд̇аб̣б̣ам̣. д̇амзва вибхаавзд̇ум̣ ‘‘яаа хи бхаг̇авад̇аа’’д̇иаад̣̇и вуд̇д̇ам̣.
1.Visesakāraṇaṃ natthīti ‘‘yena samayena āyasmato sāriputtattherassa sikkhāpadapaññattiyācanahetubhūto parivitakko udapādi, tena samayenā’’tiādinā vuttakāraṇaṃ viya idha visesakāraṇaṃ natthi. Ayamabhilāpoti ‘‘tena samayenā’’ti ayamabhilāpo. Kiṃ panetassa vacane payojananti yadi visesakāraṇaṃ natthi, etassa vacane kiṃ payojananti adhippāyo. Nidānadassanaṃ payojananti yojetabbaṃ. Tameva vibhāvetuṃ ‘‘yā hi bhagavatā’’tiādi vuttaṃ.
махаавзлаа вияа махаавзлаа, вибулаваалугабун̃ж̇ад̇ааяа маханд̇о взлаад̇адо вияаад̇и ад̇т̇о. д̇знааха ‘‘маханд̇з ваалигараасимхийд̇и ад̇т̇о’’д̇и. уру мару сигад̇аа ваалугаа ван̣н̣у ваалигаад̇и имз сад̣̇д̣̇аа самаанад̇т̇аа, б̣яан̃ж̇анамзва наанам̣. д̇знааха ‘‘урууд̇и ваалигаа вужжад̇ий’’д̇и.
Mahāvelā viya mahāvelā, vipulavālukapuñjatāya mahanto velātaṭo viyāti attho. Tenāha ‘‘mahante vālikarāsimhīti attho’’ti. Uru maru sikatā vālukā vaṇṇu vālikāti ime saddā samānatthā, byañjanameva nānaṃ. Tenāha ‘‘urūti vālikā vuccatī’’ti.
ид̇о бадтааяа жа –
Ito paṭṭhāya ca –
яасмаа суд̇д̇анд̇абаал̣ийнам̣, ад̇т̇о сан̇кзбаван̣н̣ид̇о;
Yasmā suttantapāḷīnaṃ, attho saṅkhepavaṇṇito;
д̇асмаа маяам̣ гариссаама, д̇аасам̣ ад̇т̇асса д̣̇ийбанам̣.
Tasmā mayaṃ karissāma, tāsaṃ atthassa dīpanaṃ.
наж̇ж̇аад̇и (уд̣̇аа. адта. 1) над̣̇ад̇и санд̣̇ад̇ийд̇и над̣̇ий, д̇ассаа наж̇ж̇аа, над̣̇ияаа ниннаг̇ааяаад̇и ад̇т̇о. нзран̃ж̇арааяаад̇и ‘‘нзлан̃ж̇алааяаа’’д̇и вад̇д̇аб̣б̣з ла-гаарасса ра-гаарам̣ гад̇ваа ‘‘нзран̃ж̇арааяаа’’д̇и вуд̇д̇ам̣, гад̣̇д̣̇амасзваалабан̣агаад̣̇ид̣̇осарахид̇асалилааяаад̇и ад̇т̇о. гзжи ‘‘нийлам̣ж̇алааяаад̇и вад̇д̇аб̣б̣з нзран̃ж̇арааяаад̇и вуд̇д̇а’’нд̇и вад̣̇анд̇и, наамамзва ваа зд̇ам̣ д̇ассаа над̣̇ияаад̇и взд̣̇ид̇аб̣б̣ам̣. д̇ассаа над̣̇ияаа д̇ийрз яад̇т̇а бхаг̇аваа вихааси, д̇ам̣ д̣̇ассзд̇ум̣ ‘‘б̣од̇хиругкамуулз’’д̇и вуд̇д̇ам̣. ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇и (жуул̣ава. каг̇г̇ависаан̣асуд̇д̇анид̣̇д̣̇зса 121) зд̇т̇а маг̇г̇ан̃аан̣ам̣ б̣од̇хийд̇и вуд̇д̇ам̣, ‘‘баббод̇и б̣од̇хим̣ варабхууримзд̇хасо’’д̇и (д̣̇ий. ни. 3.217) зд̇т̇а саб̣б̣ан̃н̃уд̇ан̃н̃аан̣ам̣. д̇ад̣̇убхаяамби б̣од̇хим̣ бхаг̇аваа зд̇т̇а бад̇д̇од̇и ругкоби ‘‘б̣од̇хиругко’’д̇взва наамам̣ лабхи. ат̇а ваа сад̇д̇а б̣ож̇жхан̇г̇з б̣уж̇жхад̇ийд̇и бхаг̇аваа б̣од̇хи. д̇зна б̣уж̇жханд̇зна санниссид̇ад̇д̇аа со ругко ‘‘б̣од̇хиругко’’д̇и наамам̣ лабхи. адтагат̇ааяам̣ бана згад̣̇зсзнзва ад̇т̇ам̣ д̣̇ассзд̇ум̣ ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇иаад̣̇и вуд̇д̇ам̣. муулзд̇и самийбз. батамаабхисамб̣уд̣̇д̇ход̇и анунаасигалобзнааяам̣ нид̣̇д̣̇зсод̇и ааха ‘‘батамам̣ абхисамб̣уд̣̇д̇хо’’д̇и. батаманд̇и жа бхааванабум̣саганид̣̇д̣̇зсо, д̇асмаа абхисамб̣уд̣̇д̇хо худ̇ваа саб̣б̣абатамам̣ б̣од̇хиругкамуулз вихарад̇ийд̇и звамзд̇т̇а самб̣анд̇хо взд̣̇ид̇аб̣б̣о.
Najjāti (udā. aṭṭha. 1) nadati sandatīti nadī, tassā najjā, nadiyā ninnagāyāti attho. Nerañjarāyāti ‘‘nelañjalāyā’’ti vattabbe la-kārassa ra-kāraṃ katvā ‘‘nerañjarāyā’’ti vuttaṃ, kaddamasevālapaṇakādidosarahitasalilāyāti attho. Keci ‘‘nīlaṃjalāyāti vattabbe nerañjarāyāti vutta’’nti vadanti, nāmameva vā etaṃ tassā nadiyāti veditabbaṃ. Tassā nadiyā tīre yattha bhagavā vihāsi, taṃ dassetuṃ ‘‘bodhirukkhamūle’’ti vuttaṃ. ‘‘Bodhi vuccati catūsu maggesu ñāṇa’’nti (cūḷava. khaggavisāṇasuttaniddesa 121) ettha maggañāṇaṃ bodhīti vuttaṃ, ‘‘pappoti bodhiṃ varabhūrimedhaso’’ti (dī. ni. 3.217) ettha sabbaññutaññāṇaṃ. Tadubhayampi bodhiṃ bhagavā ettha pattoti rukkhopi ‘‘bodhirukkho’’tveva nāmaṃ labhi. Atha vā satta bojjhaṅge bujjhatīti bhagavā bodhi. Tena bujjhantena sannissitattā so rukkho ‘‘bodhirukkho’’ti nāmaṃ labhi. Aṭṭhakathāyaṃ pana ekadeseneva atthaṃ dassetuṃ ‘‘bodhi vuccati catūsu maggesu ñāṇa’’ntiādi vuttaṃ. Mūleti samīpe. Paṭhamābhisambuddhoti anunāsikalopenāyaṃ niddesoti āha ‘‘paṭhamaṃ abhisambuddho’’ti. Paṭhamanti ca bhāvanapuṃsakaniddeso, tasmā abhisambuddho hutvā sabbapaṭhamaṃ bodhirukkhamūle viharatīti evamettha sambandho veditabbo.
ат̇а ко бхаг̇аваад̇и зд̇т̇а ат̇аад̇и д̇асмим̣ самаязд̇и звамад̇т̇о г̇ахзд̇аб̣б̣о анзгад̇т̇ад̇д̇аа нибаад̇аанам̣, яасмим̣ самаяз абхисамб̣уд̣̇д̇хо худ̇ваа б̣од̇хиругкамуулз вихарад̇и, д̇асмим̣ самаязд̇и ад̇т̇о. д̇знзва уд̣̇аанабаал̣ияам̣ (уд̣̇аа. 2) ‘‘д̇зна ко бана самаязна бхаг̇аваа сад̇д̇аахам̣ згабаллан̇гзна нисинно ход̇и вимуд̇д̇исукабадисам̣взд̣̇ий’’д̇и вуд̇д̇ам̣. ат̇аад̇и ваа бажчаад̇и имасмим̣ ад̇т̇з нибаад̇о, д̇асмаа абхисамб̣од̇хид̇о бажчаад̇и звамад̇т̇о г̇ахзд̇аб̣б̣о. код̇и бад̣̇абууран̣з нибаад̇о. сад̇д̇а ахаани сад̇д̇аахам̣. ажжанд̇асам̣яог̇з жзд̇ам̣ убаяог̇аважанам̣. яасмаа бхаг̇аваа д̇ам̣ сад̇д̇аахам̣ ниранд̇арад̇ааяа ажжанд̇амзва паласамаабад̇д̇исукзна вихааси, д̇асмаа ‘‘сад̇д̇ааха’’нд̇и ажжанд̇асам̣яог̇авасзна убаяог̇аважанам̣ вуд̇д̇ам̣. згабаллан̇гзнаад̇и висаакабун̣н̣амааяа анад̇т̇ан̇г̇ад̇зязва суурияз абарааж̇ид̇абаллан̇гавасзна важ̇ираасанз нисиннагаалад̇о бадтааяа сагимби анудтахид̇ваа яат̇аабхуж̇ид̇зна згзнзва баллан̇гзна.
Athakho bhagavāti ettha athāti tasmiṃ samayeti evamattho gahetabbo anekatthattā nipātānaṃ, yasmiṃ samaye abhisambuddho hutvā bodhirukkhamūle viharati, tasmiṃ samayeti attho. Teneva udānapāḷiyaṃ (udā. 2) ‘‘tena kho pana samayena bhagavā sattāhaṃ ekapallaṅkena nisinno hoti vimuttisukhapaṭisaṃvedī’’ti vuttaṃ. Athāti vā pacchāti imasmiṃ atthe nipāto, tasmā abhisambodhito pacchāti evamattho gahetabbo. Khoti padapūraṇe nipāto. Satta ahāni sattāhaṃ. Accantasaṃyoge cetaṃ upayogavacanaṃ. Yasmā bhagavā taṃ sattāhaṃ nirantaratāya accantameva phalasamāpattisukhena vihāsi, tasmā ‘‘sattāha’’nti accantasaṃyogavasena upayogavacanaṃ vuttaṃ. Ekapallaṅkenāti visākhapuṇṇamāya anatthaṅgateyeva sūriye aparājitapallaṅkavasena vajirāsane nisinnakālato paṭṭhāya sakimpi anuṭṭhahitvā yathābhujitena ekeneva pallaṅkena.
вимуд̇д̇исукабадисам̣взд̣̇ийд̇и зд̇т̇а д̇ад̣̇ан̇г̇авигкамбханасамужчзд̣̇абадиббассад̣̇д̇хиниссаран̣авимуд̇д̇ийсу бан̃жасу бадиббассад̣̇д̇хивимуд̇д̇исан̇каад̇аа бхаг̇авад̇о палавимуд̇д̇и ад̇хиббзд̇аад̇и ааха ‘‘вимуд̇д̇исукам̣ паласамаабад̇д̇исукам̣ бадисам̣взд̣̇аяамаано’’д̇и. вимуд̇д̇ийд̇и жа убаггилзсзхи бадиббассад̣̇д̇хивасзна жид̇д̇асса вимуд̇д̇абхааво, жид̇д̇амзва ваа д̇ат̇аа вимуд̇д̇ам̣ взд̣̇ид̇аб̣б̣ам̣. д̇ааяа вимуд̇д̇ияаа ж̇аад̇ам̣, самбаяуд̇д̇ам̣ ваа сукам̣ вимуд̇д̇исукам̣. ‘‘яааяам̣, бханд̇з, убзгкаа санд̇з сукз вуд̇д̇аа бхаг̇авад̇аа’’д̇и (ма. ни. 2.88) важанад̇о убзгкааби жзд̇т̇а сукамижжзва взд̣̇ид̇аб̣б̣аа. д̇ат̇аа хи вуд̇д̇ам̣ саммохавинод̣̇анияам̣ (вибха. адта. 232) ‘‘убзгкаа бана санд̇ад̇д̇аа, сукамижжзва бхаасид̇аа’’д̇и. бхаг̇аваа хи жад̇уд̇т̇аж̇жхаанигам̣ арахад̇д̇апаласамаабад̇д̇им̣ самаабаж̇ж̇ад̇и, на ид̇арам̣. ат̇а ваа ‘‘д̇зсам̣ вуубасамо суко’’д̇иаад̣̇ийсу (д̣̇ий. ни. 2.221, 272) яат̇аа сан̇каарад̣̇угкавуубасамо ‘‘суко’’д̇и вужжад̇и, звам̣ сагалагилзсад̣̇угкуубасамабхаавад̇о аг̇г̇апалз лаб̣бхамаанаа бадиббассад̣̇д̇хивимуд̇д̇и зва ид̇ха ‘‘сука’’нд̇и взд̣̇ид̇аб̣б̣аа.
Vimuttisukhapaṭisaṃvedīti ettha tadaṅgavikkhambhanasamucchedapaṭippassaddhinissaraṇavimuttīsu pañcasu paṭippassaddhivimuttisaṅkhātā bhagavato phalavimutti adhippetāti āha ‘‘vimuttisukhaṃ phalasamāpattisukhaṃ paṭisaṃvedayamāno’’ti. Vimuttīti ca upakkilesehi paṭippassaddhivasena cittassa vimuttabhāvo, cittameva vā tathā vimuttaṃ veditabbaṃ. Tāya vimuttiyā jātaṃ, sampayuttaṃ vā sukhaṃ vimuttisukhaṃ. ‘‘Yāyaṃ, bhante, upekkhā sante sukhe vuttā bhagavatā’’ti (ma. ni. 2.88) vacanato upekkhāpi cettha sukhamicceva veditabbā. Tathā hi vuttaṃ sammohavinodaniyaṃ (vibha. aṭṭha. 232) ‘‘upekkhā pana santattā, sukhamicceva bhāsitā’’ti. Bhagavā hi catutthajjhānikaṃ arahattaphalasamāpattiṃ samāpajjati, na itaraṃ. Atha vā ‘‘tesaṃ vūpasamo sukho’’tiādīsu (dī. ni. 2.221, 272) yathā saṅkhāradukkhavūpasamo ‘‘sukho’’ti vuccati, evaṃ sakalakilesadukkhūpasamabhāvato aggaphale labbhamānā paṭippassaddhivimutti eva idha ‘‘sukha’’nti veditabbā.
ат̇аад̇и ад̇хигаарад̇т̇з нибаад̇о, код̇и бад̣̇абууран̣з. д̇зсу ад̇хигаарад̇т̇зна ‘‘ат̇аа’’д̇и иминаа вимуд̇д̇исукабадисам̣взд̣̇анад̇о ан̃н̃ам̣ ад̇хигаарам̣ д̣̇ассзд̇и. го банзсод̇и? бадижжасамауббаад̣̇аманасигааро. рад̇д̇ияаад̇и аваяавасамб̣анд̇хз саамиважанам̣. батаманд̇и ажжанд̇асам̣яог̇ад̇т̇з убаяог̇аважанам̣ . бхаг̇аваа хи д̇ассаа рад̇д̇ияаа сагаламби батамам̣ яаамам̣ д̇знзва манасигаарзна яуд̇д̇о ахосийд̇и.
Athāti adhikāratthe nipāto, khoti padapūraṇe. Tesu adhikāratthena ‘‘athā’’ti iminā vimuttisukhapaṭisaṃvedanato aññaṃ adhikāraṃ dasseti. Ko panesoti? Paṭiccasamauppādamanasikāro. Rattiyāti avayavasambandhe sāmivacanaṃ. Paṭhamanti accantasaṃyogatthe upayogavacanaṃ . Bhagavā hi tassā rattiyā sakalampi paṭhamaṃ yāmaṃ teneva manasikārena yutto ahosīti.
бажжаяаагааранд̇и авиж̇ж̇аад̣̇ибажжаяад̇хаммам̣. бадижжаад̇и бадимукам̣ г̇анд̇ваа, гааран̣асаамаг̇г̇им̣ абадигкибид̇ваад̇и ад̇т̇о. бадимукаг̇аманан̃жа бажжаяасса гааран̣асаамаг̇г̇ияаа ан̇г̇абхаавзна паласса уббаад̣̇анамзва. абадигкибид̇ваад̇и бана винаа д̇ааяа гааран̣асаамаг̇г̇ияаа ан̇г̇абхаавам̣ аг̇анд̇ваа саяамзва на уббаад̣̇зд̇ийд̇и ад̇т̇о. зд̇зна гааран̣аб̣ахуд̇аа д̣̇ассид̇аа. авиж̇ж̇аад̣̇изгзгахзд̇усийсзна хи хзд̇усамуухо нид̣̇д̣̇идто. сахид̇зд̇и самуд̣̇ид̇з, авиниб̣бхуд̇д̇зд̇и ад̇т̇о. авиж̇ж̇аад̣̇иго хи бажжаяад̇хаммо сахид̇зязва ан̃н̃аман̃н̃ам̣ авиниб̣бхог̇авуд̇д̇ид̇хаммз уббаад̣̇зд̇и. иминаа бажжаяуббаннад̇хаммаб̣ахуд̇аа д̣̇ассид̇аа. убхаязнаби ‘‘згам̣ на згад̇о’’д̇иаад̣̇инаяо (вибха. адта. 226 сан̇каарабад̣̇анид̣̇д̣̇зса; висуд̣̇д̇хи. 2.617) д̣̇ийбид̇о ход̇и. згад̇о хи гааран̣ад̇о на ид̇ха гин̃жи згам̣ паламад̇т̇и, на анзгам̣, нааби анзгзхи гааран̣зхи згам̣, анзгзхи бана гааран̣зхи анзгамзва ход̇и. д̇ат̇аа хи анзгзхи уд̇убат̇авийб̣ийж̇асалиласан̇каад̇зхи гааран̣зхи анзгамзва руубаг̇анд̇харасаад̣̇иан̇гурасан̇каад̇ам̣ паламуббаж̇ж̇амаанам̣ д̣̇иссад̇и. яам̣ банзд̇ам̣ ‘‘авиж̇ж̇аабажжаяаа сан̇каараа, сан̇каарабажжаяаа вин̃н̃аан̣а’’нд̇и згзгахзд̇упалад̣̇ийбанам̣ гад̇ам̣, д̇ад̇т̇а баяож̇анам̣ на виж̇ж̇ад̇и.
Paccayākāranti avijjādipaccayadhammaṃ. Paṭiccāti paṭimukhaṃ gantvā, kāraṇasāmaggiṃ apaṭikkhipitvāti attho. Paṭimukhagamanañca paccayassa kāraṇasāmaggiyā aṅgabhāvena phalassa uppādanameva. Apaṭikkhipitvāti pana vinā tāya kāraṇasāmaggiyā aṅgabhāvaṃ agantvā sayameva na uppādetīti attho. Etena kāraṇabahutā dassitā. Avijjādiekekahetusīsena hi hetusamūho niddiṭṭho. Sahiteti samudite, avinibbhutteti attho. Avijjādiko hi paccayadhammo sahiteyeva aññamaññaṃ avinibbhogavuttidhamme uppādeti. Iminā paccayuppannadhammabahutā dassitā. Ubhayenapi ‘‘ekaṃ na ekato’’tiādinayo (vibha. aṭṭha. 226 saṅkhārapadaniddesa; visuddhi. 2.617) dīpito hoti. Ekato hi kāraṇato na idha kiñci ekaṃ phalamatthi, na anekaṃ, nāpi anekehi kāraṇehi ekaṃ, anekehi pana kāraṇehi anekameva hoti. Tathā hi anekehi utupathavībījasalilasaṅkhātehi kāraṇehi anekameva rūpagandharasādiaṅkurasaṅkhātaṃ phalamuppajjamānaṃ dissati. Yaṃ panetaṃ ‘‘avijjāpaccayā saṅkhārā, saṅkhārapaccayā viññāṇa’’nti ekekahetuphaladīpanaṃ kataṃ, tattha payojanaṃ na vijjati.
бхаг̇аваа хи гад̇т̇ажи бад̇хаанад̇д̇аа гад̇т̇ажи баагадад̇д̇аа гад̇т̇ажи асаад̇хааран̣ад̇д̇аа д̣̇зсанаавилаасасса жа взнзяяаанан̃жа ануруубад̇о згамзва хзд̇ум̣ ваа палам̣ ваа д̣̇ийбзд̇и. ‘‘пассабажжаяаа взд̣̇анаа’’д̇и хи згамзва хзд̇ум̣ палан̃жааха. пассо хи взд̣̇анааяа бад̇хаанахзд̇у яат̇аапассам̣ взд̣̇анаававад̇т̇аанад̇о. взд̣̇анаа жа пассасса бад̇хаанапалам̣ яат̇аавзд̣̇анам̣ пассававад̇т̇аанад̇о. ‘‘сзмхасамудтаанаа ааб̣аад̇хаа’’д̇и (махаани. 5) баагадад̇д̇аа згам̣ хзд̇ум̣ ааха. баагадо хи зд̇т̇а сзмхо, на гаммаад̣̇аяо. ‘‘яз гзжи, бхигкавз, агусалаа д̇хаммаа, саб̣б̣зд̇з аяонисоманасигаарамуулагаа’’д̇и асаад̇хааран̣ад̇д̇аа згам̣ хзд̇ум̣ ааха. асаад̇хааран̣о хи аяонисоманасигааро агусалаанам̣, саад̇хааран̣аани вад̇т̇аарамман̣аад̣̇ийнийд̇и. д̇асмаа авиж̇ж̇аа д̇аавзд̇т̇а виж̇ж̇амаанзсуби ан̃н̃зсу вад̇т̇аарамман̣асахаж̇аад̇ад̇хаммаад̣̇ийсу сан̇каарагааран̣зсу ‘‘ассаад̣̇аанубассино д̇ан̣хаа бавад̣дхад̇ий’’д̇и (сам̣. ни. 2.52) жа ‘‘авиж̇ж̇аасамуд̣̇аяаа аасавасамуд̣̇аяо’’д̇и (ма. ни. 1.104) жа важанад̇о ан̃н̃зсамби д̇ан̣хаад̣̇ийнам̣ сан̇каарахзд̇уунам̣ хзд̇ууд̇и бад̇хаанад̇д̇аа, ‘‘авид̣̇ваа, бхигкавз, авиж̇ж̇ааг̇ад̇о бун̃н̃аабхисан̇каарамби абхисан̇карод̇ий’’д̇и баагадад̇д̇аа асаад̇хааран̣ад̇д̇аа жа сан̇каараанам̣ хзд̇убхаавзна д̣̇ийбид̇аад̇и взд̣̇ид̇аб̣б̣аа. звам̣ саб̣б̣ад̇т̇а згзгахзд̇упалад̣̇ийбанз яат̇аасамбхавам̣ наяо нзд̇аб̣б̣о. д̇знааху бораан̣аа –
Bhagavā hi katthaci padhānattā katthaci pākaṭattā katthaci asādhāraṇattā desanāvilāsassa ca veneyyānañca anurūpato ekameva hetuṃ vā phalaṃ vā dīpeti. ‘‘Phassapaccayā vedanā’’ti hi ekameva hetuṃ phalañcāha. Phasso hi vedanāya padhānahetu yathāphassaṃ vedanāvavatthānato. Vedanā ca phassassa padhānaphalaṃ yathāvedanaṃ phassavavatthānato. ‘‘Semhasamuṭṭhānā ābādhā’’ti (mahāni. 5) pākaṭattā ekaṃ hetuṃ āha. Pākaṭo hi ettha semho, na kammādayo. ‘‘Ye keci, bhikkhave, akusalā dhammā, sabbete ayonisomanasikāramūlakā’’ti asādhāraṇattā ekaṃ hetuṃ āha. Asādhāraṇo hi ayonisomanasikāro akusalānaṃ, sādhāraṇāni vatthārammaṇādīnīti. Tasmā avijjā tāvettha vijjamānesupi aññesu vatthārammaṇasahajātadhammādīsu saṅkhārakāraṇesu ‘‘assādānupassino taṇhā pavaḍḍhatī’’ti (saṃ. ni. 2.52) ca ‘‘avijjāsamudayā āsavasamudayo’’ti (ma. ni. 1.104) ca vacanato aññesampi taṇhādīnaṃ saṅkhārahetūnaṃ hetūti padhānattā, ‘‘avidvā, bhikkhave, avijjāgato puññābhisaṅkhārampi abhisaṅkharotī’’ti pākaṭattā asādhāraṇattā ca saṅkhārānaṃ hetubhāvena dīpitāti veditabbā. Evaṃ sabbattha ekekahetuphaladīpane yathāsambhavaṃ nayo netabbo. Tenāhu porāṇā –
‘‘згам̣ на згад̇о ид̇ха, наанзгаманзгад̇оби но згам̣;
‘‘Ekaṃ na ekato idha, nānekamanekatopi no ekaṃ;
паламад̇т̇и ад̇т̇и бана зга-хзд̇упалад̣̇ийбанз ад̇т̇о’’д̇и.
Phalamatthi atthi pana eka-hetuphaladīpane attho’’ti.
бажжзд̇умарахад̇ийд̇и бадижжо. яо хи нам̣ бажжзд̇и абхисамзд̇и, д̇асса ажжанд̇амзва д̣̇угкавуубасамааяа сам̣вад̇д̇ад̇и. саммаа саха жа уббаад̣̇зд̇ийд̇и самуббаад̣̇о. бажжаяад̇хаммо хи ад̇д̇ано палам̣ уббаад̣̇знд̇о самбун̣н̣амзва уббаад̣̇зд̇и, на вигалам̣. яз жа д̇хаммз уббаад̣̇зд̇и, д̇з саб̣б̣з сахзва уббаад̣̇зд̇и, на згзгам̣. ид̇и бадижжо жа со самуббаад̣̇о жаад̇и бадижжасамуббаад̣̇од̇и звамбзд̇т̇а ад̇т̇о д̣̇адтаб̣б̣о. вид̇т̇аарод̇и бадижжасамуббаад̣̇абад̣̇аван̣н̣анаабабан̃жо. маяамби д̇ам̣ ад̇ибабан̃жабхаяаа ид̇ха на д̣̇ассаяиссаама, звам̣ барад̇о вагкамаанамби вид̇т̇аарам̣. ануломабадиломанд̇и бхааванабум̣саганид̣̇д̣̇зсо ‘‘висамам̣ жанд̣̇имасуурияаа баривад̇д̇анд̇ий’’д̇иаад̣̇ийсу (а. ни. 4.70) вияа. свзваад̇и со зва бажжаяаагааро. буриманаязна ваа вуд̇д̇од̇и ‘‘авиж̇ж̇аабажжаяаа сан̇каараа’’д̇иаад̣̇инаа наязна вуд̇д̇о бажжаяаагааро. бавад̇д̇ияаад̇и сам̣саараббавад̇д̇ияаа. манаси агаасийд̇и яо яо бажжаяад̇хаммо яасса яасса бажжаяуббаннад̇хаммасса яат̇аа яат̇аа хзд̇убажжаяаад̣̇инаа бажжаяабхаавзна бажжаяо ход̇и, д̇ам̣ саб̣б̣ам̣ авибарийд̇ам̣ абарихаабзд̇ваа анавасзсад̇о бажжавзгкан̣авасзна жид̇д̇з агаасийд̇и ад̇т̇о.
Paccetumarahatīti paṭicco. Yo hi naṃ pacceti abhisameti, tassa accantameva dukkhavūpasamāya saṃvattati. Sammā saha ca uppādetīti samuppādo. Paccayadhammo hi attano phalaṃ uppādento sampuṇṇameva uppādeti, na vikalaṃ. Ye ca dhamme uppādeti, te sabbe saheva uppādeti, na ekekaṃ. Iti paṭicco ca so samuppādo cāti paṭiccasamuppādoti evampettha attho daṭṭhabbo. Vitthāroti paṭiccasamuppādapadavaṇṇanāpapañco. Mayampi taṃ atipapañcabhayā idha na dassayissāma, evaṃ parato vakkhamānampi vitthāraṃ. Anulomapaṭilomanti bhāvanapuṃsakaniddeso ‘‘visamaṃ candimasūriyā parivattantī’’tiādīsu (a. ni. 4.70) viya. Svevāti so eva paccayākāro. Purimanayena vā vuttoti ‘‘avijjāpaccayā saṅkhārā’’tiādinā nayena vutto paccayākāro. Pavattiyāti saṃsārappavattiyā. Manasi akāsīti yo yo paccayadhammo yassa yassa paccayuppannadhammassa yathā yathā hetupaccayādinā paccayabhāvena paccayo hoti, taṃ sabbaṃ aviparītaṃ aparihāpetvā anavasesato paccavekkhaṇavasena citte akāsīti attho.
авиж̇ж̇аабажжаяаад̇иаад̣̇ийсу (вибха. адта. 225; висуд̣̇д̇хи. 2.586-587; уд̣̇аа. адта. 1) авинд̣̇ияам̣ гааяад̣̇ужжарид̇аад̣̇им̣ винд̣̇ад̇ийд̇и авиж̇ж̇аа, винд̣̇ияам̣ гааяасужарид̇аад̣̇им̣ на винд̣̇ад̇ийд̇и авиж̇ж̇аа, д̇хаммаанам̣ авибарийд̇асабхаавам̣ авид̣̇ид̇ам̣ гарод̇ийд̇и авиж̇ж̇аа, анд̇авирахид̇з сам̣саарз бхаваад̣̇ийсу сад̇д̇з ж̇аваабзд̇ийд̇и авиж̇ж̇аа, авиж̇ж̇амаанзсу ж̇авад̇и, виж̇ж̇амаанзсу на ж̇авад̇ийд̇и авиж̇ж̇аа, виж̇ж̇аабадибагкаад̇и ваа авиж̇ж̇аа. саа ‘‘д̣̇угкз ан̃н̃аан̣а’’нд̇иаад̣̇инаа жад̇уб̣б̣ид̇хаа взд̣̇ид̇аб̣б̣аа. бадижжа нам̣ на винаа палам̣ зд̇и уббаж̇ж̇ад̇и жзва бавад̇д̇ад̇и жаад̇и бажжаяо, убагаарадто ваа бажжаяо. авиж̇ж̇аа жа саа бажжаяо жаад̇и авиж̇ж̇аабажжаяо , д̇асмаа авиж̇ж̇аабажжаяаа. сан̇каронд̇ийд̇и сан̇каараа, логияаа гусалаагусалажзд̇анаа. д̇з бун̃н̃аабун̃н̃аанзн̃жаабхисан̇кааравасзна д̇ивид̇хаа взд̣̇ид̇аб̣б̣аа. виж̇аанаад̇ийд̇и вин̃н̃аан̣ам̣, д̇ам̣ логияавибаагавин̃н̃аан̣авасзна б̣аад̇д̇им̣савид̇хам̣. намад̇ийд̇и наамам̣, взд̣̇анаад̣̇игканд̇хад̇д̇аяам̣. руббад̇ийд̇и руубам̣, бхууд̇аруубам̣ жагкаад̣̇иубаад̣̇ааруубан̃жа. ааяад̇анд̇и, ааяад̇ан̃жа сам̣саарад̣̇угкам̣ наяад̇ийд̇и ааяад̇анам̣ . пусад̇ийд̇и пассо. взд̣̇аяад̇ийд̇и взд̣̇анаа. ид̣̇амби д̣̇ваяам̣ д̣̇вааравасзна чаб̣б̣ид̇хам̣, вибаагавасзна г̇ахан̣з б̣аад̇д̇им̣савид̇хам̣. д̇ассад̇и барид̇ассад̇ийд̇и д̇ан̣хаа, саа гаамад̇ан̣хаад̣̇ивасзна сан̇кзбад̇о д̇ивид̇хаа, вид̇т̇аарад̇о адтасад̇авид̇хаа жа. убаад̣̇ияад̇ийд̇и убаад̣̇аанам̣, д̇ам̣ гаамубаад̣̇аанаад̣̇ивасазна жад̇уб̣б̣ид̇хам̣.
Avijjāpaccayātiādīsu (vibha. aṭṭha. 225; visuddhi. 2.586-587; udā. aṭṭha. 1) avindiyaṃ kāyaduccaritādiṃ vindatīti avijjā, vindiyaṃ kāyasucaritādiṃ na vindatīti avijjā, dhammānaṃ aviparītasabhāvaṃ aviditaṃ karotīti avijjā, antavirahite saṃsāre bhavādīsu satte javāpetīti avijjā, avijjamānesu javati, vijjamānesu na javatīti avijjā, vijjāpaṭipakkhāti vā avijjā. Sā ‘‘dukkhe aññāṇa’’ntiādinā catubbidhā veditabbā. Paṭicca naṃ na vinā phalaṃ eti uppajjati ceva pavattati cāti paccayo, upakāraṭṭho vā paccayo. Avijjā ca sā paccayo cāti avijjāpaccayo , tasmā avijjāpaccayā. Saṅkharontīti saṅkhārā, lokiyā kusalākusalacetanā. Te puññāpuññāneñcābhisaṅkhāravasena tividhā veditabbā. Vijānātīti viññāṇaṃ, taṃ lokiyavipākaviññāṇavasena bāttiṃsavidhaṃ. Namatīti nāmaṃ, vedanādikkhandhattayaṃ. Ruppatīti rūpaṃ, bhūtarūpaṃ cakkhādiupādārūpañca. Āyatanti, āyatañca saṃsāradukkhaṃ nayatīti āyatanaṃ. Phusatīti phasso. Vedayatīti vedanā. Idampi dvayaṃ dvāravasena chabbidhaṃ, vipākavasena gahaṇe bāttiṃsavidhaṃ. Tassati paritassatīti taṇhā, sā kāmataṇhādivasena saṅkhepato tividhā, vitthārato aṭṭhasatavidhā ca. Upādiyatīti upādānaṃ, taṃ kāmupādānādivasaena catubbidhaṃ.
бхавад̇и бхааваяад̇и жаад̇и бхаво, со гаммобабад̇д̇ибхзд̣̇ад̇о д̣̇увид̇хо. ж̇ананам̣ ж̇аад̇и. ж̇ийран̣ам̣ ж̇араа. маранд̇и д̇знаад̇и маран̣ам̣. сожанам̣ сого. барид̣̇званам̣ барид̣̇зво. д̣̇угкаяад̇ийд̇и д̣̇угкам̣. уббаад̣̇адтид̇ивасзна д̣̇взд̇хаа канад̇ийд̇и ваа д̣̇угкам̣. д̣̇умманасса бхааво д̣̇оманассам̣. бхусо ааяаасо убааяаасо. самбхаванд̇ийд̇и ниб̣б̣ад̇д̇анд̇и. на гзвалан̃жа согаад̣̇ийхзва, ат̇а ко саб̣б̣абад̣̇зхи ‘‘самбхаванд̇ий’’д̇и бад̣̇асса яож̇анаа гаад̇аб̣б̣аа. зван̃хи авиж̇ж̇аабажжаяаа сан̇каараа самбхаванд̇ийд̇и бажжаяабажжаяуббаннававад̇т̇аанам̣ д̣̇ассид̇ам̣ ход̇и. д̇знзвааха ‘‘авиж̇ж̇аабажжаяаа сан̇каараа самбхаванд̇ийд̇и иминаа наязна саб̣б̣абад̣̇зсу ад̇т̇о взд̣̇ид̇аб̣б̣о’’д̇и. звамзд̇асса…бз… самуд̣̇аяо ход̇ийд̇и зд̇т̇а бана аяамад̇т̇о. званд̇и нид̣̇д̣̇идтанаяанид̣̇ассанам̣. д̇зна авиж̇ж̇аад̣̇ийхзва гааран̣зхи, на иссараниммаанаад̣̇ийхийд̇и д̣̇ассзд̇и. зд̇ассаад̇и яат̇аавуд̇д̇асса. гзвалассаад̇и асаммиссасса, сагаласса ваа. д̣̇угкагканд̇хассаад̇и д̣̇угкасамуухасса, на сад̇д̇асса нааби субхасукаад̣̇ийнам̣. самуд̣̇аяо ход̇ийд̇и ниб̣б̣ад̇д̇и самбхавад̇и.
Bhavati bhāvayati cāti bhavo, so kammopapattibhedato duvidho. Jananaṃ jāti. Jīraṇaṃ jarā. Maranti tenāti maraṇaṃ. Socanaṃ soko. Paridevanaṃ paridevo. Dukkhayatīti dukkhaṃ. Uppādaṭṭhitivasena dvedhā khanatīti vā dukkhaṃ. Dummanassa bhāvo domanassaṃ. Bhuso āyāso upāyāso. Sambhavantīti nibbattanti. Na kevalañca sokādīheva, atha kho sabbapadehi ‘‘sambhavantī’’ti padassa yojanā kātabbā. Evañhi avijjāpaccayā saṅkhārā sambhavantīti paccayapaccayuppannavavatthānaṃ dassitaṃ hoti. Tenevāha ‘‘avijjāpaccayā saṅkhārā sambhavantīti iminā nayena sabbapadesu attho veditabbo’’ti. Evametassa…pe… samudayo hotīti ettha pana ayamattho. Evanti niddiṭṭhanayanidassanaṃ. Tena avijjādīheva kāraṇehi, na issaranimmānādīhīti dasseti. Etassāti yathāvuttassa. Kevalassāti asammissassa, sakalassa vā. Dukkhakkhandhassāti dukkhasamūhassa, na sattassa nāpi subhasukhādīnaṃ. Samudayo hotīti nibbatti sambhavati.
ажжанд̇амзва сан̇каарзхи вираж̇ж̇ад̇и зд̇знаад̇и вирааг̇о, арияамаг̇г̇од̇и ааха ‘‘вирааг̇асан̇каад̇зна маг̇г̇знаа’’д̇и. асзсам̣ нирод̇хаа асзсанирод̇хаа, асзсзд̇ваа ниссзсзд̇ваа нирод̇хаа самужчинд̣̇анаа анусаяаббахаанавасзна аг̇г̇амаг̇г̇зна авиж̇ж̇ааяа ажжанд̇асамуг̇гхаад̇ад̇од̇и ад̇т̇о. яад̣̇иби хздтимамаг̇г̇зхиби бахийяамаанаа авиж̇ж̇аа ажжанд̇асамуг̇гхаад̇авасзнзва бахийяад̇и, д̇ат̇ааби на анавасзсад̇о бахийяад̇и. абааяаг̇аманийяаа хи авиж̇ж̇аа батамамаг̇г̇зна бахийяад̇и, д̇ат̇аа сагид̣̇зва имасмим̣ логз саб̣б̣ад̇т̇а жа анарияабхуумияам̣ убабад̇д̇ияаа бажжаяабхууд̇аа авиж̇ж̇аа яат̇ааггамам̣ д̣̇уд̇ияад̇ад̇ияамаг̇г̇зхи бахийяад̇и, на ид̇араад̇и, арахад̇д̇амаг̇г̇знзва бана саа анавасзсам̣ бахийяад̇ийд̇и. ануббаад̣̇анирод̇хо ход̇ийд̇и саб̣б̣зсам̣ сан̇каараанам̣ анавасзсам̣ ануббаад̣̇анирод̇хо ход̇и. хздтимзна хи маг̇г̇ад̇д̇аязна гзжи сан̇каараа нируж̇жханд̇и, гзжи на нируж̇жханд̇и авиж̇ж̇ааяа саавасзсанирод̇хаа, аг̇г̇амаг̇г̇зна банассаа анавасзсанирод̇хаа на гзжи сан̇каараа на нируж̇жханд̇ийд̇и. звам̣ нируд̣̇д̇хаананд̇и звам̣ ануббаад̣̇анирод̇хзна нируд̣̇д̇хаанам̣. гзвала-сад̣̇д̣̇о ниравасзсаваажаго жа ход̇и ‘‘гзвалаа ан̇г̇амаг̇ад̇хаа’’д̇иаад̣̇ийсу. асаммиссаваажаго жа ‘‘гзвалаа саалаяо’’д̇иаад̣̇ийсу. д̇асмаа убхаяат̇ааби ад̇т̇ам̣ вад̣̇ад̇и ‘‘сагаласса, суд̣̇д̇хасса ваа’’д̇и. д̇ад̇т̇а сагалассаад̇и анавасзсасса саб̣б̣абхаваад̣̇иг̇ад̇асса. сад̇д̇авирахид̇ассаад̇и барабаригаббид̇аж̇ийварахид̇асса.
Accantameva saṅkhārehi virajjati etenāti virāgo, ariyamaggoti āha ‘‘virāgasaṅkhātena maggenā’’ti. Asesaṃ nirodhā asesanirodhā, asesetvā nissesetvā nirodhā samucchindanā anusayappahānavasena aggamaggena avijjāya accantasamugghātatoti attho. Yadipi heṭṭhimamaggehipi pahīyamānā avijjā accantasamugghātavaseneva pahīyati, tathāpi na anavasesato pahīyati. Apāyagamanīyā hi avijjā paṭhamamaggena pahīyati, tathā sakideva imasmiṃ loke sabbattha ca anariyabhūmiyaṃ upapattiyā paccayabhūtā avijjā yathākkamaṃ dutiyatatiyamaggehi pahīyati, na itarāti, arahattamaggeneva pana sā anavasesaṃ pahīyatīti. Anuppādanirodho hotīti sabbesaṃ saṅkhārānaṃ anavasesaṃ anuppādanirodho hoti. Heṭṭhimena hi maggattayena keci saṅkhārā nirujjhanti, keci na nirujjhanti avijjāya sāvasesanirodhā, aggamaggena panassā anavasesanirodhā na keci saṅkhārā na nirujjhantīti. Evaṃ niruddhānanti evaṃ anuppādanirodhena niruddhānaṃ. Kevala-saddo niravasesavācako ca hoti ‘‘kevalā aṅgamagadhā’’tiādīsu. Asammissavācako ca ‘‘kevalā sālayo’’tiādīsu. Tasmā ubhayathāpi atthaṃ vadati ‘‘sakalassa, suddhassa vā’’ti. Tattha sakalassāti anavasesassa sabbabhavādigatassa. Sattavirahitassāti paraparikappitajīvarahitassa.
абижзд̇т̇а гин̃жааби ‘‘авиж̇ж̇аанирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо’’д̇и зд̇д̇аавад̇ааби сагаласса д̣̇угкагканд̇хасса анавасзсад̇о нирод̇хо вуд̇д̇о ход̇и, д̇ат̇ааби яат̇аа ануломз яасса яасса бажжаяад̇хаммасса ад̇т̇ид̇ааяа яо яо бажжаяуббаннад̇хаммо на нируж̇жхад̇и бавад̇д̇ад̇и зваад̇и имасса ад̇т̇асса д̣̇ассанад̇т̇ам̣ ‘‘авиж̇ж̇аабажжаяаа сан̇каараа…бз… самуд̣̇аяо ход̇ий’’д̇и вуд̇д̇ам̣. звам̣ д̇аббадибагкад̇о д̇асса д̇асса бажжаяасса абхаавз со со бажжаяуббаннад̇хаммо нируж̇жхад̇и на бавад̇д̇ад̇ийд̇и д̣̇ассанад̇т̇ам̣ ид̇ха ‘‘авиж̇ж̇аанирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, вин̃н̃аан̣анирод̇хаа наамаруубанирод̇хо…бз… д̣̇угкагканд̇хасса нирод̇хо ход̇ий’’д̇и вуд̇д̇ам̣, на бана ануломз вияа гаалад̇д̇аяабарияаабаннасса д̣̇угкагканд̇хасса нирод̇хад̣̇ассанад̇т̇ам̣. анааг̇ад̇ассзва хи арияамаг̇г̇абхааванааяа асад̇и уббаж̇ж̇анаарахасса д̣̇угкагканд̇хасса арияамаг̇г̇абхааванааяа нирод̇хо ижчид̇од̇и аяамби висзсо взд̣̇ид̇аб̣б̣о.
Apicettha kiñcāpi ‘‘avijjānirodhā saṅkhāranirodho, saṅkhāranirodhā viññāṇanirodho’’ti ettāvatāpi sakalassa dukkhakkhandhassa anavasesato nirodho vutto hoti, tathāpi yathā anulome yassa yassa paccayadhammassa atthitāya yo yo paccayuppannadhammo na nirujjhati pavattati evāti imassa atthassa dassanatthaṃ ‘‘avijjāpaccayā saṅkhārā…pe… samudayo hotī’’ti vuttaṃ. Evaṃ tappaṭipakkhato tassa tassa paccayassa abhāve so so paccayuppannadhammo nirujjhati na pavattatīti dassanatthaṃ idha ‘‘avijjānirodhā saṅkhāranirodho, saṅkhāranirodhā viññāṇanirodho, viññāṇanirodhā nāmarūpanirodho…pe… dukkhakkhandhassa nirodho hotī’’ti vuttaṃ, na pana anulome viya kālattayapariyāpannassa dukkhakkhandhassa nirodhadassanatthaṃ. Anāgatasseva hi ariyamaggabhāvanāya asati uppajjanārahassa dukkhakkhandhassa ariyamaggabhāvanāya nirodho icchitoti ayampi viseso veditabbo.
яад̣̇аа хавзд̇и зд̇т̇а хавзд̇и б̣яад̇д̇анд̇и имасмим̣ ад̇т̇з нибаад̇о. гзжи бана ‘‘хавзд̇и аахавз яуд̣̇д̇хз’’д̇и ад̇т̇ам̣ вад̣̇анд̇и, ‘‘яод̇хзт̇а маарам̣ бан̃н̃аавуд̇хзнаа’’д̇и (д̇ха. ба. 40) хи важанад̇о гилзсамаарзна яуж̇жханасамаязд̇и д̇зсам̣ ад̇хиббааяо. аарамман̣уубаниж̇жхааналагкан̣знаад̇и аарамман̣уубаниж̇жхаанасабхаавзна. лагкан̣уубаниж̇жхааналагкан̣знаад̇и зд̇т̇ааби зсзва наяо. д̇ад̇т̇а аарамман̣уубаниж̇жхаанам̣ наама адта самаабад̇д̇ияо гасин̣аарамман̣асса убаниж̇жхааяанад̇о. лагкан̣уубаниж̇жхаанам̣ наама вибассанаамаг̇г̇апалаани. вибассанаа хи д̇ийн̣и лагкан̣аани убаниж̇жхааяад̇ийд̇и лагкан̣уубаниж̇жхаанам̣, маг̇г̇о вибассанааяа ааг̇ад̇агижжам̣ саад̇хзд̇ийд̇и лагкан̣уубаниж̇жхаанам̣, палам̣ д̇ат̇алагкан̣ам̣ нирод̇хасажжам̣ убаниж̇жхааяад̇ийд̇и лагкан̣уубаниж̇жхаанам̣. но галло бан̃ход̇и аяуд̇д̇о бан̃хо, д̣̇уббан̃хо зсод̇и ад̇т̇о. аад̣̇исад̣̇д̣̇зна –
Yadā haveti ettha haveti byattanti imasmiṃ atthe nipāto. Keci pana ‘‘haveti āhave yuddhe’’ti atthaṃ vadanti, ‘‘yodhetha māraṃ paññāvudhenā’’ti (dha. pa. 40) hi vacanato kilesamārena yujjhanasamayeti tesaṃ adhippāyo. Ārammaṇūpanijjhānalakkhaṇenāti ārammaṇūpanijjhānasabhāvena. Lakkhaṇūpanijjhānalakkhaṇenāti etthāpi eseva nayo. Tattha ārammaṇūpanijjhānaṃ nāma aṭṭha samāpattiyo kasiṇārammaṇassa upanijjhāyanato. Lakkhaṇūpanijjhānaṃ nāma vipassanāmaggaphalāni. Vipassanā hi tīṇi lakkhaṇāni upanijjhāyatīti lakkhaṇūpanijjhānaṃ, maggo vipassanāya āgatakiccaṃ sādhetīti lakkhaṇūpanijjhānaṃ, phalaṃ tathalakkhaṇaṃ nirodhasaccaṃ upanijjhāyatīti lakkhaṇūpanijjhānaṃ. No kallo pañhoti ayutto pañho, duppañho esoti attho. Ādisaddena –
‘‘пусад̇ийд̇и ахам̣ на вад̣̇аами. пусад̇ийд̇и жаахам̣ вад̣̇зяяам̣, д̇ад̇расса галло бан̃хо ‘го ну ко, бханд̇з, пусад̇ий’д̇и? зван̃жаахам̣ на вад̣̇аами, звам̣ мам̣ авад̣̇анд̇ам̣ яо звам̣ бужчзяяа ‘гим̣бажжаяаа ну ко, бханд̇з, пассо’д̇и, зса галло бан̃хо. д̇ад̇ра галлам̣ взяяаагаран̣ам̣ ‘сал̣ааяад̇анабажжаяаа пассо, пассабажжаяаа взд̣̇анаа’д̇и. го ну ко, бханд̇з, взд̣̇аяад̇ийд̇и? но галло бан̃ход̇и бхаг̇аваа авожа, взд̣̇аяад̇ийд̇и ахам̣ на вад̣̇аами, взд̣̇аяад̇ийд̇и жаахам̣ вад̣̇зяяам̣, д̇ад̇расса галло бан̃хо ‘го ну ко, бханд̇з, взд̣̇аяад̇ий’д̇и? зван̃жаахам̣ на вад̣̇аами. звам̣ мам̣ авад̣̇анд̇ам̣ яо звам̣ бужчзяяа ‘гим̣бажжаяаа ну ко, бханд̇з, взд̣̇анаа’д̇и, зса галло бан̃хо. д̇ад̇ра галлам̣ взяяаагаран̣ам̣ ‘пассабажжаяаа взд̣̇анаа, взд̣̇анаабажжаяаа д̇ан̣хаа’’’д̇и (сам̣. ни. 2.12) –
‘‘Phusatīti ahaṃ na vadāmi. Phusatīti cāhaṃ vadeyyaṃ, tatrassa kallo pañho ‘ko nu kho, bhante, phusatī’ti? Evañcāhaṃ na vadāmi, evaṃ maṃ avadantaṃ yo evaṃ puccheyya ‘kiṃpaccayā nu kho, bhante, phasso’ti, esa kallo pañho. Tatra kallaṃ veyyākaraṇaṃ ‘saḷāyatanapaccayā phasso, phassapaccayā vedanā’ti. Ko nu kho, bhante, vedayatīti? No kallo pañhoti bhagavā avoca, vedayatīti ahaṃ na vadāmi, vedayatīti cāhaṃ vadeyyaṃ, tatrassa kallo pañho ‘ko nu kho, bhante, vedayatī’ti? Evañcāhaṃ na vadāmi. Evaṃ maṃ avadantaṃ yo evaṃ puccheyya ‘kiṃpaccayā nu kho, bhante, vedanā’ti, esa kallo pañho. Tatra kallaṃ veyyākaraṇaṃ ‘phassapaccayā vedanā, vedanāpaccayā taṇhā’’’ti (saṃ. ni. 2.12) –
звамаад̣̇им̣ баал̣исзсам̣ сан̇г̇ан̣хаад̇и.
Evamādiṃ pāḷisesaṃ saṅgaṇhāti.
аад̣̇инаа жа наязнаад̇и зд̇т̇а аад̣̇и-сад̣̇д̣̇зна бана ‘‘гад̇амаа ну ко, бханд̇з, ж̇аад̇и, гасса жа банааяам̣ ж̇аад̇ийд̇и. ‘но галло бан̃хо’д̇и бхаг̇аваа авожаа’’д̇и звамаад̣̇им̣ сан̇г̇ан̣хаад̇и. нану жзд̇т̇а ‘‘гад̇амам̣ ну ко, бханд̇з, ж̇араамаран̣а’’нд̇и (сам̣. ни. 2.35) ид̣̇ам̣ субужчид̇анд̇и? гин̃жааби субужчид̇ам̣, яат̇аа бана сад̇асахассаг̇гханагз суван̣н̣ат̇аалагз вад̣дхид̇асса субхож̇анасса мад̇т̇агз аамалагамад̇д̇з г̇уут̇абин̣д̣з табид̇з саб̣б̣ам̣ бхож̇анам̣ д̣̇уб̣бхож̇анам̣ ход̇и чад̣д̣зд̇аб̣б̣ам̣, звамзва ‘‘гасса жа банид̣̇ам̣ ж̇араамаран̣а’’нд̇и иминаа сад̇д̇уубалад̣̇д̇хиваад̣̇абад̣̇зна г̇уут̇абин̣д̣зна д̇ам̣ бхож̇анам̣ д̣̇уб̣бхож̇анам̣ вияа аяамби саб̣б̣о д̣̇уббан̃хо ж̇аад̇од̇и.
Ādinā ca nayenāti ettha ādi-saddena pana ‘‘katamā nu kho, bhante, jāti, kassa ca panāyaṃ jātīti. ‘No kallo pañho’ti bhagavā avocā’’ti evamādiṃ saṅgaṇhāti. Nanu cettha ‘‘katamaṃ nu kho, bhante, jarāmaraṇa’’nti (saṃ. ni. 2.35) idaṃ supucchitanti? Kiñcāpi supucchitaṃ, yathā pana satasahassagghanake suvaṇṇathālake vaḍḍhitassa subhojanassa matthake āmalakamatte gūthapiṇḍe ṭhapite sabbaṃ bhojanaṃ dubbhojanaṃ hoti chaḍḍetabbaṃ, evameva ‘‘kassa ca panidaṃ jarāmaraṇa’’nti iminā sattūpaladdhivādapadena gūthapiṇḍena taṃ bhojanaṃ dubbhojanaṃ viya ayampi sabbo duppañho jātoti.
сол̣аса ган̇каад̇и ‘‘ахосим̣ ну ко ахам̣ ад̇ийд̇амад̣̇д̇хаанам̣, на ну ко ахосим̣, гим̣ ну ко ахосим̣, гат̇ам̣ ну ко ахосим̣, гим̣ худ̇ваа гим̣ ахосим̣ ну ко ахам̣ ад̇ийд̇амад̣̇д̇хаанам̣, бхависсаами ну ко ахам̣ анааг̇ад̇амад̣̇д̇хаанам̣, на ну ко бхависсаами, гим̣ ну ко бхависсаами, гат̇ам̣ ну ко бхависсаами, гим̣ худ̇ваа гим̣ бхависсаами ну ко ахам̣ анааг̇ад̇амад̣̇д̇хаанам̣, ахам̣ ну косми, но ну косми, гим̣ ну косми, гат̇ам̣ ну косми, аяам̣ ну ко сад̇д̇о гуд̇о ааг̇ад̇о, со гухим̣ г̇аамий бхависсад̇ий’’д̇и (сам̣. ни. 2.20; ма. ни. 1.18) звамааг̇ад̇аа ад̇ийд̇аанааг̇ад̇абажжуббаннависаяаа сол̣асавид̇хаа ган̇каа.
Soḷasa kaṅkhāti ‘‘ahosiṃ nu kho ahaṃ atītamaddhānaṃ, na nu kho ahosiṃ, kiṃ nu kho ahosiṃ, kathaṃ nu kho ahosiṃ, kiṃ hutvā kiṃ ahosiṃ nu kho ahaṃ atītamaddhānaṃ, bhavissāmi nu kho ahaṃ anāgatamaddhānaṃ, na nu kho bhavissāmi, kiṃ nu kho bhavissāmi, kathaṃ nu kho bhavissāmi, kiṃ hutvā kiṃ bhavissāmi nu kho ahaṃ anāgatamaddhānaṃ, ahaṃ nu khosmi, no nu khosmi, kiṃ nu khosmi, kathaṃ nu khosmi, ayaṃ nu kho satto kuto āgato, so kuhiṃ gāmī bhavissatī’’ti (saṃ. ni. 2.20; ma. ni. 1.18) evamāgatā atītānāgatapaccuppannavisayā soḷasavidhā kaṅkhā.
д̇ад̇т̇а (ма. ни. адта. 1.18; сам̣. ни. адта. 2.2.20) ахосим̣ ну ко, на ну код̇и сассад̇аагааран̃жа ад̇хижжасамуббад̇д̇иаагааран̃жа ниссааяа ад̇ийд̇з ад̇д̇ано виж̇ж̇амаанад̇ан̃жа авиж̇ж̇амаанад̇ан̃жа ган̇кад̇и, гим̣ гааран̣анд̇и на вад̇д̇аб̣б̣ам̣. уммад̇д̇аго вияа хи б̣аалабут̇уж̇ж̇ано яат̇аа д̇ат̇аа ваа бавад̇д̇ад̇и. абижа аяонисоманасигаароязвзд̇т̇а гааран̣ам̣. звам̣ аяонисоманасигаарасса бана гим̣ гааран̣анд̇и? свзва бут̇уж̇ж̇анабхааво арияаанам̣ ад̣̇ассанаад̣̇ийни ваа. нану жа бут̇уж̇ж̇аноби яонисо манаси гарод̇ийд̇и. го ваа звамааха ‘‘на манаси гарод̇ий’’д̇и. на бана д̇ад̇т̇а бут̇уж̇ж̇анабхааво гааран̣ам̣, сад̣̇д̇хаммасаванагаляаан̣амид̇д̇аад̣̇ийни д̇ад̇т̇а гааран̣аани . на хи мажчамам̣саад̣̇ийни ад̇д̇ано багад̇ияаа суг̇анд̇хаани, абхисан̇каарабажжаяаа бана суг̇анд̇хааниби хонд̇и.
Tattha (ma. ni. aṭṭha. 1.18; saṃ. ni. aṭṭha. 2.2.20) ahosiṃ nu kho, na nu khoti sassatākārañca adhiccasamuppattiākārañca nissāya atīte attano vijjamānatañca avijjamānatañca kaṅkhati, kiṃ kāraṇanti na vattabbaṃ. Ummattako viya hi bālaputhujjano yathā tathā vā pavattati. Apica ayonisomanasikāroyevettha kāraṇaṃ. Evaṃ ayonisomanasikārassa pana kiṃ kāraṇanti? Sveva puthujjanabhāvo ariyānaṃ adassanādīni vā. Nanu ca puthujjanopi yoniso manasi karotīti. Ko vā evamāha ‘‘na manasi karotī’’ti. Na pana tattha puthujjanabhāvo kāraṇaṃ, saddhammasavanakalyāṇamittādīni tattha kāraṇāni . Na hi macchamaṃsādīni attano pakatiyā sugandhāni, abhisaṅkhārapaccayā pana sugandhānipi honti.
гим̣ ну ко ахосинд̇и ж̇аад̇илин̇г̇убабад̇д̇ияо ниссааяа ‘‘кад̇д̇ияо ну ко ахосим̣, б̣раахман̣авзссасуд̣̇д̣̇аг̇ахадтабаб̣б̣аж̇ид̇ад̣̇звамануссаанам̣ ан̃н̃ад̇аро’’д̇и ган̇кад̇и.
Kiṃ nu kho ahosinti jātiliṅgupapattiyo nissāya ‘‘khattiyo nu kho ahosiṃ, brāhmaṇavessasuddagahaṭṭhapabbajitadevamanussānaṃ aññataro’’ti kaṅkhati.
гат̇ам̣ ну код̇и сан̣таанаагаарам̣ ниссааяа ‘‘д̣̇ийгхо ну ко ахосим̣, рассаод̣̇аад̇аган̣хаббамаан̣игааббамаан̣игаад̣̇ийнам̣ ан̃н̃ад̇аро’’д̇и ган̇кад̇и. гзжи бана ‘‘иссараниммаанаад̣̇им̣ ниссааяа ‘гзна ну ко гааран̣зна ахоси’нд̇и хзд̇уд̇о ган̇кад̇ий’’д̇и вад̣̇анд̇и.
Kathaṃ nu khoti saṇṭhānākāraṃ nissāya ‘‘dīgho nu kho ahosiṃ, rassaodātakaṇhappamāṇikaappamāṇikādīnaṃ aññataro’’ti kaṅkhati. Keci pana ‘‘issaranimmānādiṃ nissāya ‘kena nu kho kāraṇena ahosi’nti hetuto kaṅkhatī’’ti vadanti.
гим̣ худ̇ваа гим̣ ахосинд̇и ж̇аад̇иаад̣̇ийни ниссааяа ‘‘кад̇д̇ияо худ̇ваа ну ко б̣раахман̣о ахосим̣…бз… д̣̇зво худ̇ваа мануссо’’д̇и ад̇д̇ано барамбарам̣ ган̇кад̇и. саб̣б̣ад̇т̇зва бана ад̣̇д̇хаананд̇и гаалаад̇хиважанамзд̇ам̣, д̇ан̃жа бхуммад̇т̇з убаяог̇аважанам̣ д̣̇адтаб̣б̣ам̣.
Kiṃ hutvā kiṃ ahosinti jātiādīni nissāya ‘‘khattiyo hutvā nu kho brāhmaṇo ahosiṃ…pe… devo hutvā manusso’’ti attano paramparaṃ kaṅkhati. Sabbattheva pana addhānanti kālādhivacanametaṃ, tañca bhummatthe upayogavacanaṃ daṭṭhabbaṃ.
бхависсаами ну ко, на ну код̇и сассад̇аагааран̃жа ужчзд̣̇аагааран̃жа ниссааяа анааг̇ад̇з ад̇д̇ано виж̇ж̇амаанад̇ан̃жа авиж̇ж̇амаанад̇ан̃жа ган̇кад̇и. сзсамзд̇т̇а вуд̇д̇анаяамзва.
Bhavissāmi nu kho, na nu khoti sassatākārañca ucchedākārañca nissāya anāgate attano vijjamānatañca avijjamānatañca kaṅkhati. Sesamettha vuttanayameva.
ахам̣ ну космийд̇и ад̇д̇ано ад̇т̇ибхаавам̣ ган̇кад̇и. яуд̇д̇ам̣ банзд̇анд̇и? яуд̇д̇ам̣ аяуд̇д̇анд̇и гаа зд̇т̇а жинд̇аа. абижзд̇т̇а ид̣̇ам̣ вад̇т̇умби уд̣̇аахаранд̇и, жуул̣амаад̇ааяа гира буд̇д̇о мун̣д̣о, махаамаад̇ааяа буд̇д̇о амун̣д̣о. д̇ам̣ суд̇д̇ам̣ мун̣д̣зсум̣. со удтааяа ‘‘ахам̣ ну ко жуул̣амаад̇ааяа буд̇д̇о’’д̇и жинд̇зси. звам̣ ‘‘ахам̣ ну космий’’д̇и ган̇каа ход̇и.
Ahaṃnu khosmīti attano atthibhāvaṃ kaṅkhati. Yuttaṃ panetanti? Yuttaṃ ayuttanti kā ettha cintā. Apicettha idaṃ vatthumpi udāharanti, cūḷamātāya kira putto muṇḍo, mahāmātāya putto amuṇḍo. Taṃ suttaṃ muṇḍesuṃ. So uṭṭhāya ‘‘ahaṃ nu kho cūḷamātāya putto’’ti cintesi. Evaṃ ‘‘ahaṃ nu khosmī’’ti kaṅkhā hoti.
но ну космийд̇и ад̇д̇ано над̇т̇ибхаавам̣ ган̇кад̇и. д̇ад̇рааби ид̣̇ам̣ вад̇т̇у – зго гира мажчз г̇ан̣ханд̇о уд̣̇агз жирадтаанзна сийд̇ибхууд̇ам̣ ад̇д̇ано уурум̣ ‘‘мажчо’’д̇и жинд̇зд̇ваа бахари. абаро сусаанабассз кзд̇д̇ам̣ рагканд̇о бхийд̇о сан̇гудид̇о саяи. со бадиб̣уж̇жхид̇ваа ад̇д̇ано ж̇ан̣н̣угаани ‘‘д̣̇вз яагкаа’’д̇и жинд̇зд̇ваа бахари, звам̣ ‘‘но ну космий’’д̇и ган̇кад̇и.
No nu khosmīti attano natthibhāvaṃ kaṅkhati. Tatrāpi idaṃ vatthu – eko kira macche gaṇhanto udake ciraṭṭhānena sītibhūtaṃ attano ūruṃ ‘‘maccho’’ti cintetvā pahari. Aparo susānapasse khettaṃ rakkhanto bhīto saṅkuṭito sayi. So paṭibujjhitvā attano jaṇṇukāni ‘‘dve yakkhā’’ti cintetvā pahari, evaṃ ‘‘no nu khosmī’’ti kaṅkhati.
гим̣ ну космийд̇и кад̇д̇ияова самаано ад̇д̇ано кад̇д̇ияабхаавам̣ ган̇кад̇и ган̣н̣о вияа сууд̇абуд̇д̇асан̃н̃ий. зса наяо сзсзсу. д̣̇зво бана самаано д̣̇звабхаавам̣ аж̇аананд̇о наама над̇т̇и. соби бана ‘‘ахам̣ руубий ну ко аруубий ну ко’’д̇иаад̣̇инаа наязна ган̇кад̇и. кад̇д̇ияаад̣̇аяо гасмаа на ж̇аананд̇ийд̇и жз? аббажжагкаа д̇зсам̣ д̇ад̇т̇а д̇ад̇т̇а гулз уббад̇д̇и. г̇ахадтааби жа баад̇алигаад̣̇аяо баб̣б̣аж̇ид̇асан̃н̃ино. баб̣б̣аж̇ид̇ааби ‘‘губбам̣ ну ко мз гамма’’нд̇иаад̣̇инаа наязна г̇ахадтасан̃н̃ино. мануссааби жа згажжз рааж̇аано вияа ад̇д̇ани д̣̇звасан̃н̃ино хонд̇и.
Kiṃ nu khosmīti khattiyova samāno attano khattiyabhāvaṃ kaṅkhati kaṇṇo viya sūtaputtasaññī. Esa nayo sesesu. Devo pana samāno devabhāvaṃ ajānanto nāma natthi. Sopi pana ‘‘ahaṃ rūpī nu kho arūpī nu kho’’tiādinā nayena kaṅkhati. Khattiyādayo kasmā na jānantīti ce? Appaccakkhā tesaṃ tattha tattha kule uppatti. Gahaṭṭhāpi ca pātalikādayo pabbajitasaññino. Pabbajitāpi ‘‘kuppaṃ nu kho me kamma’’ntiādinā nayena gahaṭṭhasaññino. Manussāpi ca ekacce rājāno viya attani devasaññino honti.
гат̇ам̣ ну космийд̇и вуд̇д̇анаяамзва. гзвалан̃хзд̇т̇а аб̣бханд̇арз ж̇ийво наама ад̇т̇ийд̇и г̇ахзд̇ваа д̇асса сан̣таанаагаарам̣ ниссааяа ‘‘д̣̇ийгхо ну косми, рассажад̇урассачал̣ам̣саадтам̣сасол̣асам̣саад̣̇ийнам̣ ан̃н̃ад̇араббагааро’’д̇и ган̇канд̇о ‘‘гат̇ам̣ ну космий’’д̇и ган̇кад̇ийд̇и взд̣̇ид̇аб̣б̣о. сарийрасан̣таанам̣ бана бажжуббаннам̣ аж̇аананд̇о наама над̇т̇и.
Kathaṃ nu khosmīti vuttanayameva. Kevalañhettha abbhantare jīvo nāma atthīti gahetvā tassa saṇṭhānākāraṃ nissāya ‘‘dīgho nu khosmi, rassacaturassachaḷaṃsaaṭṭhaṃsasoḷasaṃsādīnaṃ aññatarappakāro’’ti kaṅkhanto ‘‘kathaṃ nu khosmī’’ti kaṅkhatīti veditabbo. Sarīrasaṇṭhānaṃ pana paccuppannaṃ ajānanto nāma natthi.
гуд̇о ааг̇ад̇о, со гухим̣ г̇аамий бхависсад̇ийд̇и ад̇д̇абхаавасса ааг̇ад̇иг̇ад̇идтаанам̣ ган̇кад̇и.
Kuto āgato, so kuhiṃ gāmī bhavissatīti attabhāvassa āgatigatiṭṭhānaṃ kaṅkhati.
вабаяанд̇ийд̇и виабаяанд̇и, игааралобзнааяам̣ нид̣̇д̣̇зсо. б̣яабаяанд̇ийд̇и вуд̇д̇ам̣ ход̇и. д̇знааха ‘‘вабаяанд̇и абаг̇ажчанд̇ий’’д̇и. абаг̇аманан̃жа ануббад̇д̇инирод̇хавасзнаад̇и ааха ‘‘нируж̇жханд̇ий’’д̇и.
Vapayantīti viapayanti, ikāralopenāyaṃ niddeso. Byapayantīti vuttaṃ hoti. Tenāha ‘‘vapayanti apagacchantī’’ti. Apagamanañca anuppattinirodhavasenāti āha ‘‘nirujjhantī’’ti.
3. гад̣̇аа банасса б̣од̇хибагкияад̇хаммаа жад̇усажжад̇хаммаа ваа баад̇убхаванд̇и уббаж̇ж̇анд̇и багаасанд̇ийд̇и? вибассанаамаг̇г̇ан̃аан̣зсу бавад̇д̇амаанзсу. д̇ад̇т̇а вибассанаан̃аан̣з д̇аава вибассанаан̃аан̣асамбаяуд̇д̇аа сад̇иаад̣̇аяо вибассанаан̃аан̣ан̃жа яат̇аарахам̣ ад̇д̇ано ад̇д̇ано висаязсу д̇ад̣̇ан̇г̇аббахаанавасзна субхасан̃н̃аад̣̇игз баж̇аханд̇аа гааяаанубассанаад̣̇ивасзна висум̣ висум̣ уббаж̇ж̇анд̇и. маг̇г̇агкан̣з бана д̇з ниб̣б̣аанамааламб̣ид̇ваа самужчзд̣̇авасзна бадибагкз баж̇аханд̇аа жад̇уусуби арияасажжзсу асаммохабадивзд̇хасаад̇ханавасзна сагид̣̇зва уббаж̇ж̇анд̇и. звам̣ д̇аавзд̇т̇а б̣од̇хибагкияад̇хаммаанам̣ уббаж̇ж̇анадтзна баад̇убхааво взд̣̇ид̇аб̣б̣о. арияасажжад̇хаммаанам̣ бана логияаанам̣ вибассанаагкан̣з вибассанааяа аарамман̣агаран̣авасзна логуд̇д̇араанам̣ д̇ад̣̇ад̇химуд̇д̇ад̇аавасзна маг̇г̇агкан̣з нирод̇хасажжасса аарамман̣аабхисамаяавасзна саб̣б̣зсамби гижжаабхисамаяавасзна баагадабхаавад̇о багаасанадтзна баад̇убхааво взд̣̇ид̇аб̣б̣о.
3. Kadā panassa bodhipakkhiyadhammā catusaccadhammā vā pātubhavanti uppajjanti pakāsantīti? Vipassanāmaggañāṇesu pavattamānesu. Tattha vipassanāñāṇe tāva vipassanāñāṇasampayuttā satiādayo vipassanāñāṇañca yathārahaṃ attano attano visayesu tadaṅgappahānavasena subhasaññādike pajahantā kāyānupassanādivasena visuṃ visuṃ uppajjanti. Maggakkhaṇe pana te nibbānamālambitvā samucchedavasena paṭipakkhe pajahantā catūsupi ariyasaccesu asammohapaṭivedhasādhanavasena sakideva uppajjanti. Evaṃ tāvettha bodhipakkhiyadhammānaṃ uppajjanaṭṭhena pātubhāvo veditabbo. Ariyasaccadhammānaṃ pana lokiyānaṃ vipassanākkhaṇe vipassanāya ārammaṇakaraṇavasena lokuttarānaṃ tadadhimuttatāvasena maggakkhaṇe nirodhasaccassa ārammaṇābhisamayavasena sabbesampi kiccābhisamayavasena pākaṭabhāvato pakāsanaṭṭhena pātubhāvo veditabbo.
ид̇и бхаг̇аваа сад̇иби саб̣б̣аагаарзна саб̣б̣ад̇хаммаанам̣ ад̇д̇ано н̃аан̣асса баагадабхаавз бадижжасамуббаад̣̇амукзна вибассанаабхинивзсасса гад̇ад̇д̇аа нибун̣аг̇амбхийрасуд̣̇уд̣̇д̣̇асад̇ааяа бажжаяаагаарасса д̇ам̣ бажжавзгкид̇ваа уббаннаб̣алавасоманассо бадибагкасамужчзд̣̇авибхааванзна сад̣̇д̇хим̣ ад̇д̇ано д̇ад̣̇абхисамаяаанубхаавад̣̇ийбагамзвзд̇т̇а уд̣̇аанам̣ уд̣̇аанзси.
Iti bhagavā satipi sabbākārena sabbadhammānaṃ attano ñāṇassa pākaṭabhāve paṭiccasamuppādamukhena vipassanābhinivesassa katattā nipuṇagambhīrasududdasatāya paccayākārassa taṃ paccavekkhitvā uppannabalavasomanasso paṭipakkhasamucchedavibhāvanena saddhiṃ attano tadabhisamayānubhāvadīpakamevettha udānaṃ udānesi.
‘‘гаамаа д̇з батамаа сзнаа’’д̇иаад̣̇инаа наязна вуд̇д̇аббагаарам̣ маарасзнанд̇и –
‘‘Kāmāte paṭhamā senā’’tiādinā nayena vuttappakāraṃ mārasenanti –
‘‘гаамаа д̇з батамаа сзнаа, д̣̇уд̇ияаа арад̇и вужжад̇и;
‘‘Kāmā te paṭhamā senā, dutiyā arati vuccati;
д̇ад̇ияаа куббибаасаа д̇з, жад̇уд̇т̇ий д̇ан̣хаа бавужжад̇и.
Tatiyā khuppipāsā te, catutthī taṇhā pavuccati.
‘‘бан̃жамий т̇инамид̣̇д̇хам̣ д̇з, чадтаа бхийруу бавужжад̇и;
‘‘Pañcamī thinamiddhaṃ te, chaṭṭhā bhīrū pavuccati;
сад̇д̇амий вижигижчаа д̇з, магко т̇амбхо жа адтамаа.
Sattamī vicikicchā te, makkho thambho ca aṭṭhamā.
‘‘лаабхо силого саггааро, мижчаалад̣̇д̇хо жа яо яасо;
‘‘Lābho siloko sakkāro, micchāladdho ca yo yaso;
яо жад̇д̇аанам̣ самуггам̣сз, барз жа аваж̇аанад̇и.
Yo cattānaṃ samukkaṃse, pare ca avajānati.
‘‘зсаа намужи д̇з сзнаа, ган̣хассаабхиббахаариний;
‘‘Esā namuci te senā, kaṇhassābhippahārinī;
на нам̣ асууро ж̇инаад̇и, ж̇зд̇ваа жа лабхад̇з сука’’нд̇и. (су. ни. 438-441; махаани. 28) –
Na naṃ asūro jināti, jetvā ca labhate sukha’’nti. (su. ni. 438-441; mahāni. 28) –
иминаа наязна вуд̇д̇аббагаарам̣ маарасзнам̣.
Iminā nayena vuttappakāraṃ mārasenaṃ.
д̇ад̇т̇а (су. ни. адта. 2.439-41; махаани. адта. 28) яасмаа аад̣̇ид̇ова аг̇аарияабхууд̇з сад̇д̇з вад̇т̇угаамзсу гилзсагаамаа мохаяанд̇и, д̇з абхибхуяяа анаг̇аарияабхаавам̣ убаг̇ад̇аанам̣ банд̇зсу ваа сзнаасанзсу ан̃н̃ад̇аран̃н̃ад̇арзсу ваа ад̇хигусалзсу д̇хаммзсу арад̇и уббаж̇ж̇ад̇и. вуд̇д̇амби жзд̇ам̣ ‘‘баб̣б̣аж̇ид̇зна ко, аавусо, абхирад̇и д̣̇уггараа’’д̇и (сам̣. ни. 4.331). д̇ад̇о д̇з барабадиб̣ад̣̇д̇хаж̇ийвигад̇д̇аа куббибаасаа б̣аад̇хад̇и, д̇ааяа б̣аад̇хид̇аанам̣ бариязсана д̇ан̣хаа жид̇д̇ам̣ гиламаяад̇и, ат̇а нзсам̣ гиланд̇ажид̇д̇аанам̣ т̇инамид̣̇д̇хам̣ оггамад̇и, д̇ад̇о висзсаманад̇хиг̇ажчанд̇аанам̣ д̣̇урабхисамбхавзсу аран̃н̃аванабад̇т̇зсу сзнаасанзсу вихарад̇ам̣ уд̇раасасан̃н̃ид̇аа бхийру ж̇ааяад̇и, д̇зсам̣ уссан̇гид̇абарисан̇гид̇аанам̣ д̣̇ийгхарад̇д̇ам̣ вивзгарасаманассаад̣̇аяамаанаанам̣ вихарад̇ам̣ ‘‘на сияаа ну ко зса маг̇г̇о’’д̇и бадибад̇д̇ияам̣ вижигижчаа уббаж̇ж̇ад̇и, д̇ам̣ винод̣̇зд̇ваа вихарад̇ам̣ аббамад̇д̇агзна висзсаад̇хиг̇амзна маанамагкат̇амбхаа ж̇ааяанд̇и, д̇зби винод̣̇зд̇ваа вихарад̇ам̣ д̇ад̇о ад̇хигад̇арам̣ висзсаад̇хиг̇амам̣ ниссааяа лаабхасаггаарасилогаа уббаж̇ж̇анд̇и, лаабхаад̣̇имужчид̇аа д̇хаммабад̇ируубагаани багаасзнд̇аа мижчааяасам̣ ад̇хиг̇анд̇ваа д̇ад̇т̇а тид̇аа ж̇аад̇иаад̣̇ийхи ад̇д̇аанам̣ уггам̣сзнд̇и барам̣ вамбхзнд̇и, д̇асмаа гаамаад̣̇ийнам̣ батамасзнаад̣̇ибхааво взд̣̇ид̇аб̣б̣о.
Tattha (su. ni. aṭṭha. 2.439-41; mahāni. aṭṭha. 28) yasmā āditova agāriyabhūte satte vatthukāmesu kilesakāmā mohayanti, te abhibhuyya anagāriyabhāvaṃ upagatānaṃ pantesu vā senāsanesu aññataraññataresu vā adhikusalesu dhammesu arati uppajjati. Vuttampi cetaṃ ‘‘pabbajitena kho, āvuso, abhirati dukkarā’’ti (saṃ. ni. 4.331). Tato te parapaṭibaddhajīvikattā khuppipāsā bādhati, tāya bādhitānaṃ pariyesana taṇhā cittaṃ kilamayati, atha nesaṃ kilantacittānaṃ thinamiddhaṃ okkamati, tato visesamanadhigacchantānaṃ durabhisambhavesu araññavanapatthesu senāsanesu viharataṃ utrāsasaññitā bhīru jāyati, tesaṃ ussaṅkitaparisaṅkitānaṃ dīgharattaṃ vivekarasamanassādayamānānaṃ viharataṃ ‘‘na siyā nu kho esa maggo’’ti paṭipattiyaṃ vicikicchā uppajjati, taṃ vinodetvā viharataṃ appamattakena visesādhigamena mānamakkhathambhā jāyanti, tepi vinodetvā viharataṃ tato adhikataraṃ visesādhigamaṃ nissāya lābhasakkārasilokā uppajjanti, lābhādimucchitā dhammapatirūpakāni pakāsentā micchāyasaṃ adhigantvā tattha ṭhitā jātiādīhi attānaṃ ukkaṃsenti paraṃ vambhenti, tasmā kāmādīnaṃ paṭhamasenādibhāvo veditabbo.
звамзд̇ам̣ д̣̇асавид̇хам̣ сзнам̣ уд̣̇д̣̇исид̇ваа яасмаа саа ган̣хад̇хаммасаманнааг̇ад̇ад̇д̇аа ган̣хасса намужино убагаарааяа сам̣вад̇д̇ад̇и, д̇асмаа нам̣ ‘‘д̇ава сзнаа’’д̇и нид̣̇д̣̇исанд̇зна ‘‘зсаа намужи д̇з сзнаа, ган̣хассаабхиббахаариний’’д̇и вуд̇д̇ам̣. д̇ад̇т̇а абхиббахааринийд̇и саман̣аб̣раахман̣аанам̣ гхаад̇аний ниббот̇аний, анд̇арааяагарийд̇и ад̇т̇о. на нам̣ асууро ж̇инаад̇и, ж̇зд̇ваа жа лабхад̇з суканд̇и звам̣ д̇ава сзнам̣ асууро гааяз жа ж̇ийвид̇з жа саабзгко бурисо на ж̇инаад̇и, сууро бана ж̇инаад̇и, ж̇зд̇ваа жа маг̇г̇асукам̣ паласукан̃жа ад̇хиг̇ажчад̇ийд̇и ад̇т̇о. соби б̣раахман̣од̇и соби кийн̣аасаваб̣раахман̣о.
Evametaṃ dasavidhaṃ senaṃ uddisitvā yasmā sā kaṇhadhammasamannāgatattā kaṇhassa namucino upakārāya saṃvattati, tasmā naṃ ‘‘tava senā’’ti niddisantena ‘‘esā namuci te senā, kaṇhassābhippahārinī’’ti vuttaṃ. Tattha abhippahārinīti samaṇabrāhmaṇānaṃ ghātanī nippothanī, antarāyakarīti attho. Na naṃ asūro jināti, jetvā ca labhate sukhanti evaṃ tava senaṃ asūro kāye ca jīvite ca sāpekkho puriso na jināti, sūro pana jināti, jetvā ca maggasukhaṃ phalasukhañca adhigacchatīti attho. Sopi brāhmaṇoti sopi khīṇāsavabrāhmaṇo.
ид̣̇аани ‘‘д̇зна ко бана самаязна бхаг̇аваа сад̇д̇аахам̣ згабаллан̇гзна нисинно ход̇и вимуд̇д̇исукабадисам̣взд̣̇ий. ат̇а ко бхаг̇аваа д̇асса сад̇д̇аахасса ажжаязна д̇амхаа самаад̇химхаа вудтахид̇ваа рад̇д̇ияаа батамам̣ яаамам̣ бадижжасамуббаад̣̇ам̣ ануломам̣ саад̇хугам̣ манасаагааси. рад̇д̇ияаа маж̇жхимам̣ яаамам̣ бадижжасамуббаад̣̇ам̣ бадиломам̣ саад̇хугам̣ манасаагааси. рад̇д̇ияаа бажчимам̣ яаамам̣ бадижжасамуббаад̣̇ам̣ ануломабадиломам̣ саад̇хугам̣ манасаагаасий’’д̇и звам̣ вуд̇д̇ааяа уд̣̇аанабаал̣ияаа (уд̣̇аа. 1) имиссаа жа канд̇хагабаал̣ияаа авирод̇хам̣ д̣̇ассзд̇ум̣ ‘‘уд̣̇аанз банаа’’д̇иаад̣̇и аарад̣̇д̇хам̣. зд̇т̇а д̇асса васзнаад̇и д̇асса бажжаяаагаарабаж̇аананасса бажжаяагкаяаад̇хиг̇амасса жа васзна. згзгамзва годтаасанд̇и ануломабадиломзсу згзгамзва годтаасам̣. баадибад̣̇арад̇д̇ияаа звам̣ манасаагаасийд̇и рад̇д̇ияаа д̇ийсуби яаамзсу ануломабадиломам̣язва манасаагааси. бхаг̇аваа гира табзд̇ваа рад̇анагхарасад̇д̇аахам̣ сзсзсу часу сад̇д̇аахзсу анд̇аранд̇араа д̇хаммам̣ бажжавзгкид̇ваа язбхуяязна вимуд̇д̇исукабадисам̣взд̣̇ий вихааси, рад̇анагхарасад̇д̇аахз бана абхид̇хаммабавижаяавасзнзва вихааси. д̇асмаа анд̇аранд̇араа д̇хаммабажжавзгкан̣авасзна уббаад̣̇ид̇аманасигаарзсу баадибад̣̇арад̇д̇ияаа уббаад̣̇ид̇ам̣ манасигаарам̣ санд̇хааяа имиссам̣ канд̇хагабаал̣ияам̣ звам̣ вуд̇д̇анд̇и ад̇хиббааяо.
Idāni ‘‘tena kho pana samayena bhagavā sattāhaṃ ekapallaṅkena nisinno hoti vimuttisukhapaṭisaṃvedī. Atha kho bhagavā tassa sattāhassa accayena tamhā samādhimhā vuṭṭhahitvā rattiyā paṭhamaṃ yāmaṃ paṭiccasamuppādaṃ anulomaṃ sādhukaṃ manasākāsi. Rattiyā majjhimaṃ yāmaṃ paṭiccasamuppādaṃ paṭilomaṃ sādhukaṃ manasākāsi. Rattiyā pacchimaṃ yāmaṃ paṭiccasamuppādaṃ anulomapaṭilomaṃ sādhukaṃ manasākāsī’’ti evaṃ vuttāya udānapāḷiyā (udā. 1) imissā ca khandhakapāḷiyā avirodhaṃ dassetuṃ ‘‘udāne panā’’tiādi āraddhaṃ. Ettha tassa vasenāti tassa paccayākārapajānanassa paccayakkhayādhigamassa ca vasena. Ekekameva koṭṭhāsanti anulomapaṭilomesu ekekameva koṭṭhāsaṃ. Pāṭipadarattiyā evaṃ manasākāsīti rattiyā tīsupi yāmesu anulomapaṭilomaṃyeva manasākāsi. Bhagavā kira ṭhapetvā ratanagharasattāhaṃ sesesu chasu sattāhesu antarantarā dhammaṃ paccavekkhitvā yebhuyyena vimuttisukhapaṭisaṃvedī vihāsi, ratanagharasattāhe pana abhidhammapavicayavaseneva vihāsi. Tasmā antarantarā dhammapaccavekkhaṇavasena uppāditamanasikāresu pāṭipadarattiyā uppāditaṃ manasikāraṃ sandhāya imissaṃ khandhakapāḷiyaṃ evaṃ vuttanti adhippāyo.
б̣од̇хигат̇ааван̣н̣анаа нидтид̇аа.
Bodhikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 1. б̣од̇хигат̇аа • 1. Bodhikathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣од̇хигат̇аа • Bodhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣од̇хигат̇ааван̣н̣анаа • Bodhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. б̣од̇хигат̇аа • 1. Bodhikathā
