б̣од̇хигат̇ааван̣н̣анаа

Bodhikathāvaṇṇanā

махааваг̇г̇з убхиннам̣ баад̇имогкаананд̇и убхиннам̣ баад̇имогкавибхан̇г̇аанам̣. яам̣ канд̇хагам̣ сан̇г̇ааяим̣сууд̇и самб̣анд̇хо. канд̇хаанам̣ самуухо, канд̇хаанам̣ ваа багаасанад̇о канд̇хаго. канд̇хаад̇и жзд̇т̇а баб̣б̣аж̇ж̇аад̣̇ижаарид̇д̇аваарид̇д̇асигкаабад̣̇абан̃н̃ад̇д̇исамуухо ад̇хиббзд̇о. бад̣̇абхааж̇анийяз язсам̣ бад̣̇аанам̣ ад̇т̇аа язхи адтагат̇аанаязхи багаасид̇аад̇и яож̇анаа. ат̇а ваа яз ад̇т̇аад̇и яож̇зд̇аб̣б̣ам̣. хи-сад̣̇д̣̇о жзд̇т̇а бад̣̇абууран̣з д̣̇адтаб̣б̣о.

Mahāvagge ubhinnaṃ pātimokkhānanti ubhinnaṃ pātimokkhavibhaṅgānaṃ. Yaṃ khandhakaṃ saṅgāyiṃsūti sambandho. Khandhānaṃ samūho, khandhānaṃ vā pakāsanato khandhako. Khandhāti cettha pabbajjādicārittavārittasikkhāpadapaññattisamūho adhippeto. Padabhājanīye yesaṃ padānaṃ atthā yehi aṭṭhakathānayehi pakāsitāti yojanā. Atha vā ye atthāti yojetabbaṃ. Hi-saddo cettha padapūraṇe daṭṭhabbo.

1. висзсагааран̣анд̇и ‘‘язна самаязна ааяасмад̇о саарибуд̇д̇ад̇т̇зрасса сигкаабад̣̇абан̃н̃ад̇д̇ияаажанахзд̇убхууд̇о баривид̇агго уд̣̇абаад̣̇и, д̇зна самаязнаа’’д̇иаад̣̇инаа вуд̇д̇агааран̣ам̣ вияа висзсагааран̣ам̣ бхуммаважананивад̇д̇анагагааран̣анд̇и ад̇т̇о. зд̇ассаад̇и абхисамб̣од̇хид̇о бадтааяа сад̇т̇у жарияаавибхааванасса винаяабан̃н̃ад̇д̇ияам̣ гим̣ баяож̇анам̣? яад̣̇и висзсагааран̣ам̣ над̇т̇ийд̇и ад̇хиббааяо. нид̣̇аанад̣̇ассанам̣ баяож̇ананд̇и яож̇анаа. нид̣̇аананд̇ижзд̇т̇а сигкаабад̣̇абан̃н̃ад̇д̇ихзд̇убхууд̇ам̣ вад̇т̇убуг̇г̇алаад̣̇игааран̣ам̣ ад̇хиббзд̇ам̣, на бан̃н̃ад̇д̇идтаанамзва. д̇знааха ‘‘яаа хий’’д̇иаад̣̇и.

1.Visesakāraṇanti ‘‘yena samayena āyasmato sāriputtattherassa sikkhāpadapaññattiyācanahetubhūto parivitakko udapādi, tena samayenā’’tiādinā vuttakāraṇaṃ viya visesakāraṇaṃ bhummavacananivattanakakāraṇanti attho. Etassāti abhisambodhito paṭṭhāya satthu cariyāvibhāvanassa vinayapaññattiyaṃ kiṃ payojanaṃ? Yadi visesakāraṇaṃ natthīti adhippāyo. Nidānadassanaṃ payojananti yojanā. Nidānanticettha sikkhāpadapaññattihetubhūtaṃ vatthupuggalādikāraṇaṃ adhippetaṃ, na paññattiṭṭhānameva. Tenāha ‘‘yā hī’’tiādi.

урувзлааяанд̇и зд̇т̇а уру-сад̣̇д̣̇о маханд̇аваажий. взлаа-сад̣̇д̣̇о д̇ийрабарияааяо. уннад̇ад̇д̇аад̣̇инаа взлаа вияа взлаа. уру маханд̇ий взлаа урувзлаа, д̇ассам̣. д̇знааха ‘‘махаавзлааяа’’нд̇иаад̣̇и. марияаад̣̇аад̇и сийлаад̣̇иг̇ун̣асиймаа. бад̇д̇абудзнаад̇и д̇аалаад̣̇ийнам̣ бан̣н̣абудзна.

Uruvelāyanti ettha uru-saddo mahantavācī. Velā-saddo tīrapariyāyo. Unnatattādinā velā viya velā. Uru mahantī velā uruvelā, tassaṃ. Tenāha ‘‘mahāvelāya’’ntiādi. Mariyādāti sīlādiguṇasīmā. Pattapuṭenāti tālādīnaṃ paṇṇapuṭena.

‘‘батамаабхисамб̣уд̣̇д̇хо’’д̇и анунаасигалобзнааяам̣ нид̣̇д̣̇зсод̇и ааха ‘‘батамам̣ абхисамб̣уд̣̇д̇хо’’д̇и. батаманд̇и жа бхааванабум̣саганид̣̇д̣̇зсо. д̇асмаа абхисамб̣уд̣̇д̇хо худ̇ваа саб̣б̣абатамам̣ б̣од̇хиругкамуулз вихарад̇ийд̇и яож̇анаа д̣̇адтаб̣б̣аа.

‘‘Paṭhamābhisambuddho’’ti anunāsikalopenāyaṃ niddesoti āha ‘‘paṭhamaṃ abhisambuddho’’ti. Paṭhamanti ca bhāvanapuṃsakaniddeso. Tasmā abhisambuddho hutvā sabbapaṭhamaṃ bodhirukkhamūle viharatīti yojanā daṭṭhabbā.

баал̣ияам̣ ат̇а код̇и зд̇т̇а ат̇аад̇и зд̇асмим̣ самаязд̇и ад̇т̇о анзгад̇т̇ад̇д̇аа нибаад̇аанам̣. сад̇д̇ааханд̇и ажжанд̇асам̣яог̇з зд̇ам̣ убаяог̇аважанам̣. ат̇а код̇и ад̇хигааранд̇арад̣̇ассанз нибаад̇о. д̇зна вимуд̇д̇исукабадисам̣взд̣̇анам̣ бахааяа бадижжасамуббаад̣̇аманасигаарз ад̇хигад̇абхаавам̣ д̣̇ассзд̇и. бадижжаад̇и бадимукам̣ г̇анд̇ваа, ан̃н̃аман̃н̃ам̣ абзгкид̇ваад̇и ад̇т̇о. зд̇зна гааран̣аб̣ахуд̇аа д̣̇ассид̇аа. сахид̇зд̇и гаарияаб̣ахуд̇аа. ануломанд̇и бхааванабум̣саганид̣̇д̣̇зсо. свзваад̇и со зва бажжаяаагааро. буриманаязна ваа вуд̇д̇од̇и ‘‘авиж̇ж̇аабажжаяаа сан̇каараа’’д̇иаад̣̇инаа наязна вуд̇д̇о бажжаяаагааро. бавад̇д̇ияаад̇и сам̣саараббавад̇д̇ияаа.

Pāḷiyaṃ atha khoti ettha athāti etasmiṃ samayeti attho anekatthattā nipātānaṃ. Sattāhanti accantasaṃyoge etaṃ upayogavacanaṃ. Atha khoti adhikārantaradassane nipāto. Tena vimuttisukhapaṭisaṃvedanaṃ pahāya paṭiccasamuppādamanasikāre adhikatabhāvaṃ dasseti. Paṭiccāti paṭimukhaṃ gantvā, aññamaññaṃ apekkhitvāti attho. Etena kāraṇabahutā dassitā. Sahiteti kāriyabahutā. Anulomanti bhāvanapuṃsakaniddeso. Svevāti so eva paccayākāro. Purimanayena vā vuttoti ‘‘avijjāpaccayā saṅkhārā’’tiādinā nayena vutto paccayākāro. Pavattiyāti saṃsārappavattiyā.

баал̣ияам̣ ‘‘авиж̇ж̇аабажжаяаа’’д̇иаад̣̇ийсу д̣̇угкаад̣̇ийсу ан̃н̃аан̣ам̣ авиж̇ж̇аа. логияагусалаагусалажзд̇анаа сан̇каараа. логияавибаагамзва вин̃н̃аан̣ам̣. логияавзд̣̇анаад̣̇игканд̇хад̇д̇аяам̣ наамам̣, бхууд̇убаад̣̇ааяабхзд̣̇ам̣ руубам̣. басаад̣̇авин̃н̃аан̣абхзд̣̇ам̣ сал̣ааяад̇анам̣. вибаагабхууд̇о саб̣б̣о пассо, взд̣̇анаа жа. рааг̇о д̇ан̣хаа. б̣алаварааг̇о, д̇ивид̇хаа жа д̣̇идти убаад̣̇аанам̣. бхаво бана д̣̇увид̇хо гаммабхаво, убабад̇д̇ибхаво жа. д̇ад̇т̇а гаммабхаво саасавагусалаагусалажзд̇анаава, убабад̇д̇ибхаво убаад̣̇иннагагканд̇хаа. д̇зсам̣ убабад̇д̇и ж̇аад̇и. бааго ж̇араа. бхзд̣̇о маран̣ам̣. д̇з зва ниссааяа сожанам̣ сого. ганд̣̇анам̣ барид̣̇зво. д̣̇угкам̣ гааяигам̣. д̣̇оманассам̣ жзд̇асигам̣. ад̇ивияа сого убааяаасо.

Pāḷiyaṃ ‘‘avijjāpaccayā’’tiādīsu dukkhādīsu aññāṇaṃ avijjā. Lokiyakusalākusalacetanā saṅkhārā. Lokiyavipākameva viññāṇaṃ. Lokiyavedanādikkhandhattayaṃ nāmaṃ, bhūtupādāyabhedaṃ rūpaṃ. Pasādaviññāṇabhedaṃ saḷāyatanaṃ. Vipākabhūto sabbo phasso, vedanā ca. Rāgo taṇhā. Balavarāgo, tividhā ca diṭṭhi upādānaṃ. Bhavo pana duvidho kammabhavo, upapattibhavo ca. Tattha kammabhavo sāsavakusalākusalacetanāva, upapattibhavo upādinnakakkhandhā. Tesaṃ upapatti jāti. Pāko jarā. Bhedo maraṇaṃ. Te eva nissāya socanaṃ soko. Kandanaṃ paridevo. Dukkhaṃ kāyikaṃ. Domanassaṃ cetasikaṃ. Ativiya soko upāyāso.

бажжзган̃жа самбхавад̇и-сад̣̇д̣̇о яож̇зд̇аб̣б̣о. д̇знааха ‘‘иминаа наязнаа’’д̇иаад̣̇и. ‘‘д̣̇угкараасиссаа’’д̇и иминаа на сад̇д̇асса. нааби субхасукаад̣̇ийнанд̇и д̣̇ассзд̇и.

Paccekañca sambhavati-saddo yojetabbo. Tenāha ‘‘iminā nayenā’’tiādi. ‘‘Dukkharāsissā’’ti iminā na sattassa. Nāpi subhasukhādīnanti dasseti.

хавзд̇и б̣яад̇д̇анд̇и имасмим̣ ад̇т̇з нибаад̇о. ‘‘ануломабажжаяаагаарабадивзд̇хасаад̇хагаа б̣од̇хибагкияад̇хаммаа’’д̇и ид̣̇ам̣ батамаваарз гин̃жааби ‘‘авиж̇ж̇ааяад̇взва асзсавирааг̇анирод̇хаа’’д̇иаад̣̇инаа бадиломабажжаяаагаароби ааг̇ад̇о, д̇ат̇ааби ‘‘яад̇о баж̇аанаад̇и сахзд̇уд̇хамма’’нд̇и ануломабажжаяаагаарабадивзд̇хассзва гааран̣ад̇д̇зна вуд̇д̇анд̇и. яат̇аа жзд̇т̇а, звам̣ д̣̇уд̇ияаваарзби ‘‘яад̇о каяам̣ бажжаяаанам̣ авзд̣̇ий’’д̇и г̇аат̇ааяа вуд̇д̇ад̇д̇аа ‘‘бажжаяаанам̣ каяасан̇каад̇а’’нд̇иаад̣̇и вуд̇д̇анд̇и взд̣̇ид̇аб̣б̣ам̣. но галло бан̃ход̇и аяуд̇д̇о на б̣яаагаад̇аб̣б̣о, авиж̇ж̇амаанам̣ ад̇д̇аанам̣ сид̣̇д̇хам̣ гад̇ваа ‘‘го пусад̇ий’’д̇и д̇асса гирияааяа будтад̇д̇аа ‘‘го ван̃жхаабуд̇д̇о пусад̇ий’’д̇иаад̣̇и вияаад̇и ад̇хиббааяо. сол̣аса ган̇каад̇и ‘‘ахосим̣ ну ко ахамад̇ийд̇амад̣̇д̇хаанам̣, нану ко ахосим̣, гим̣ ну ко ахосим̣, гат̇ам̣ ну ко ахосим̣, гим̣ худ̇ваа гим̣ ахосим̣ ну ко ахамад̇ийд̇амад̣̇д̇хаанам̣, бхависсаами ну ко ахам̣ анааг̇ад̇амад̣̇д̇хаанам̣, нану ко бхависсаами, гим̣ ну ко бхависсаами, гат̇ам̣ ну ко бхависсаами, гим̣ худ̇ваа гим̣ бхависсаами ну ко ахам̣ анааг̇ад̇амад̣̇д̇хаанам̣, ахам̣ ну косми, но ну косми, гим̣ ну косми, гат̇ам̣ ну косми, аяам̣ ну ко сад̇д̇о гуд̇о ааг̇ад̇о, со гухим̣ г̇аамий бхависсад̇ий’’д̇и (ма. ни. 1.18; сам̣. ни. 2.20) звам̣ ааг̇ад̇аа ад̇ийд̇з бан̃жа, анааг̇ад̇з бан̃жа, бажжуббаннз чаад̇и сол̣асавид̇хаа ган̇каа.

Haveti byattanti imasmiṃ atthe nipāto. ‘‘Anulomapaccayākārapaṭivedhasādhakā bodhipakkhiyadhammā’’ti idaṃ paṭhamavāre kiñcāpi ‘‘avijjāyatveva asesavirāganirodhā’’tiādinā paṭilomapaccayākāropi āgato, tathāpi ‘‘yato pajānāti sahetudhamma’’nti anulomapaccayākārapaṭivedhasseva kāraṇattena vuttanti. Yathā cettha, evaṃ dutiyavārepi ‘‘yato khayaṃ paccayānaṃ avedī’’ti gāthāya vuttattā ‘‘paccayānaṃ khayasaṅkhāta’’ntiādi vuttanti veditabbaṃ. No kallo pañhoti ayutto na byākātabbo, avijjamānaṃ attānaṃ siddhaṃ katvā ‘‘ko phusatī’’ti tassa kiriyāya puṭṭhattā ‘‘ko vañjhāputto phusatī’’tiādi viyāti adhippāyo. Soḷasa kaṅkhāti ‘‘ahosiṃ nu kho ahamatītamaddhānaṃ, nanu kho ahosiṃ, kiṃ nu kho ahosiṃ, kathaṃ nu kho ahosiṃ, kiṃ hutvā kiṃ ahosiṃ nu kho ahamatītamaddhānaṃ, bhavissāmi nu kho ahaṃ anāgatamaddhānaṃ, nanu kho bhavissāmi, kiṃ nu kho bhavissāmi, kathaṃ nu kho bhavissāmi, kiṃ hutvā kiṃ bhavissāmi nu kho ahaṃ anāgatamaddhānaṃ, ahaṃ nu khosmi, no nu khosmi, kiṃ nu khosmi, kathaṃ nu khosmi, ayaṃ nu kho satto kuto āgato, so kuhiṃ gāmī bhavissatī’’ti (ma. ni. 1.18; saṃ. ni. 2.20) evaṃ āgatā atīte pañca, anāgate pañca, paccuppanne chāti soḷasavidhā kaṅkhā.

д̇ад̇т̇а гим̣ ну код̇и мануссад̣̇зваад̣̇ийсу, кад̇д̇ияаад̣̇ийсу ваа ан̃н̃ад̇арам̣ ниссааяа ган̇кад̇и. гат̇ам̣ ну код̇и бана сан̣таанаагаараад̣̇ийсу иссараад̣̇иж̇анагам̣, гааран̣ам̣ ваа ниссааяа. гим̣ худ̇ваа гим̣ ахосинд̇и жа мануссаад̣̇ийсу батамам̣ гим̣ худ̇ваа бажчаа гим̣ ахосинд̇и ган̇кад̇и. ахам̣ ну космийд̇иаад̣̇и ид̣̇аани ад̇д̇ано виж̇ж̇амаанаавиж̇ж̇амаанад̇ам̣, саруубабагаараад̣̇иган̃жа ган̇кад̇и. вабаяанд̇ийд̇и виабаяанд̇и б̣яабаг̇ажчанд̇и. д̇знааха ‘‘абаг̇ажчанд̇и нируж̇жханд̇ий’’д̇и.

Tattha kiṃ nu khoti manussadevādīsu, khattiyādīsu vā aññataraṃ nissāya kaṅkhati. Kathaṃ nu khoti pana saṇṭhānākārādīsu issarādijanakaṃ, kāraṇaṃ vā nissāya. Kiṃ hutvā kiṃ ahosinti ca manussādīsu paṭhamaṃ kiṃ hutvā pacchā kiṃ ahosinti kaṅkhati. Ahaṃ nu khosmītiādi idāni attano vijjamānāvijjamānataṃ, sarūpapakārādikañca kaṅkhati. Vapayantīti viapayanti byapagacchanti. Tenāha ‘‘apagacchanti nirujjhantī’’ti.

3. д̇асса васзнаад̇и д̇асса бажжаяаагаарабаж̇аананасса, бажжаяагкаяаад̇хиг̇амасса жа васзна. згзгамзва годтаасанд̇и ануломабадиломад̇о згзгамзва годтаасам̣. баадибад̣̇арад̇д̇ияаа звам̣ манасаагаасийд̇и рад̇д̇ияаа д̇ийсуби яаамзсу звам̣ ид̇ха канд̇хагабаал̣ияаа ааг̇ад̇анаязна ануломабадиломам̣язва манасаагааси.

3.Tassa vasenāti tassa paccayākārapajānanassa, paccayakkhayādhigamassa ca vasena. Ekekameva koṭṭhāsanti anulomapaṭilomato ekekameva koṭṭhāsaṃ. Pāṭipadarattiyā evaṃ manasākāsīti rattiyā tīsupi yāmesu evaṃ idha khandhakapāḷiyā āgatanayena anulomapaṭilomaṃyeva manasākāsi.

Next: аж̇абаалагат̇ааван̣н̣анаа • Ajapālakathāvaṇṇanā

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 1. б̣од̇хигат̇аа • 1. Bodhikathā

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣од̇хигат̇аа • Bodhikathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣од̇хигат̇ааван̣н̣анаа • Bodhikathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣од̇хигат̇ааван̣н̣анаа • Bodhikathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. б̣од̇хигат̇аа • 1. Bodhikathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact