Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā)

៧. ពោធិបក្ខិយវគ្គវណ្ណនា

7. Bodhipakkhiyavaggavaṇṇanā

៥៣១-៦៥០. សត្តានំ ផលានំ ហេតុភូតានិ ‘‘ឥមេសំ ខោ, ភិក្ខវេ, បញ្ចន្នំ ឥន្ទ្រិយានំ ភាវិតត្តា’’តិអាទិនា វុត្តានិ, បញ្ចិន្ទ្រិយានិយេវ ផលូបចារេន ‘‘សត្ត ផលានី’’តិ វុត្តានិ។ តានិ ច បុព្ពភាគានិ ‘‘ឥមេសំ, ភិក្ខវេ, បញ្ចន្នំ ឥន្ទ្រិយានំ ភាវិតត្តា…បេ.… សត្តានិសំសា បាដិកង្ខា’’តិ វចនតោ។ តេសន្តិ សត្តានំ ផលានំ។ ‘‘ទ្វិន្នំ ផលានំ អញ្ញតរំ ផល’’ន្តិ ឯវំ អតីតសុត្តេ វុត្តានិ ហេដ្ឋា ទ្វេ ផលានិ នាមាតិ វទន្តិ។ យេហិ បន ឥន្ទ្រិយេហិ អញ្ញត្រ បន អន្តរាបរិនិព្ពាយិំ សេសានិ ផលានិ ហោន្តិ, តានិ ចត្តារិ សបុព្ពភាគានិ លោកុត្តរានីតិ វុត្តំ សិយា។

531-650. Sattānaṃ phalānaṃ hetubhūtāni ‘‘imesaṃ kho, bhikkhave, pañcannaṃ indriyānaṃ bhāvitattā’’tiādinā vuttāni, pañcindriyāniyeva phalūpacārena ‘‘satta phalānī’’ti vuttāni. Tāni ca pubbabhāgāni ‘‘imesaṃ, bhikkhave, pañcannaṃ indriyānaṃ bhāvitattā…pe… sattānisaṃsā pāṭikaṅkhā’’ti vacanato. Tesanti sattānaṃ phalānaṃ. ‘‘Dvinnaṃ phalānaṃ aññataraṃ phala’’nti evaṃ atītasutte vuttāni heṭṭhā dve phalāni nāmāti vadanti. Yehi pana indriyehi aññatra pana antarāparinibbāyiṃ sesāni phalāni honti, tāni cattāri sapubbabhāgāni lokuttarānīti vuttaṃ siyā.

ឥន្ទ្រិយសំយុត្តវណ្ណនា និដ្ឋិតា។

Indriyasaṃyuttavaṇṇanā niṭṭhitā.

Next: ៥. សម្មប្បធានសំយុត្តវណ្ណនា • 5. Sammappadhānasaṃyuttavaṇṇanā

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៧. ពោធិបក្ខិយវគ្គោ • 7. Bodhipakkhiyavaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact