| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. б̣од̇хирааж̇агумаарасуд̇д̇ам̣
5. Bodhirājakumārasuttaṃ
324. звам̣ мз суд̇ам̣ – згам̣ самаяам̣ бхаг̇аваа бхаг̇г̇зсу вихарад̇и сусумаараг̇ирз бхзсагал̣ааванз миг̇ад̣̇ааяз. д̇зна ко бана самаязна б̣од̇хисса рааж̇агумаарасса гоганад̣̇о 1 наама баасаад̣̇о ажирагаарид̇о ход̇и анаж̇жхаавудто саман̣зна ваа б̣раахман̣зна ваа гзнажи ваа мануссабхууд̇зна. ат̇а ко б̣од̇хи рааж̇агумааро сан̃ж̇игаабуд̇д̇ам̣ маан̣авам̣ ааманд̇зси – ‘‘зхи д̇вам̣, самма сан̃ж̇игаабуд̇д̇а, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇а, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘б̣од̇хи, бханд̇з, рааж̇агумааро бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘ад̇хиваасзд̇у гира, бханд̇з, бхаг̇аваа б̣од̇хисса рааж̇агумаарасса сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’’д̇и. ‘‘звам̣, бхо’’д̇и ко сан̃ж̇игаабуд̇д̇о маан̣аво б̣од̇хисса рааж̇агумаарасса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сан̃ж̇игаабуд̇д̇о маан̣аво бхаг̇аванд̇ам̣ зд̇ад̣̇авожа – ‘‘б̣од̇хи ко 2 рааж̇агумааро бход̇о г̇од̇амасса баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и. зван̃жа вад̣̇зд̇и – ‘ад̇хиваасзд̇у гира бхавам̣ г̇од̇амо б̣од̇хисса рааж̇агумаарасса сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’’д̇и. ад̇хиваасзси бхаг̇аваа д̇ун̣хийбхаавзна. ат̇а ко сан̃ж̇игаабуд̇д̇о маан̣аво бхаг̇авад̇о ад̇хиваасанам̣ вид̣̇ид̇ваа удтааяаасанаа язна б̣од̇хи рааж̇агумааро д̇знубасан̇гами; убасан̇гамид̇ваа б̣од̇хим̣ рааж̇агумаарам̣ зд̇ад̣̇авожа – ‘‘авожумха бход̇о важанзна д̇ам̣ бхаванд̇ам̣ г̇од̇амам̣ – ‘б̣од̇хи ко рааж̇агумааро бход̇о г̇од̇амасса баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и. зван̃жа вад̣̇зд̇и – ад̇хиваасзд̇у гира бхавам̣ г̇од̇амо б̣од̇хисса рааж̇агумаарасса сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’д̇и. ад̇хивудтан̃жа бана саман̣зна г̇од̇амзнаа’’д̇и.
324. Evaṃ me sutaṃ – ekaṃ samayaṃ bhagavā bhaggesu viharati susumāragire bhesakaḷāvane migadāye. Tena kho pana samayena bodhissa rājakumārassa kokanado 3 nāma pāsādo acirakārito hoti anajjhāvuṭṭho samaṇena vā brāhmaṇena vā kenaci vā manussabhūtena. Atha kho bodhi rājakumāro sañjikāputtaṃ māṇavaṃ āmantesi – ‘‘ehi tvaṃ, samma sañjikāputta, yena bhagavā tenupasaṅkama; upasaṅkamitvā mama vacanena bhagavato pāde sirasā vanda, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘bodhi, bhante, rājakumāro bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘adhivāsetu kira, bhante, bhagavā bodhissa rājakumārassa svātanāya bhattaṃ saddhiṃ bhikkhusaṅghenā’’’ti. ‘‘Evaṃ, bho’’ti kho sañjikāputto māṇavo bodhissa rājakumārassa paṭissutvā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sañjikāputto māṇavo bhagavantaṃ etadavoca – ‘‘bodhi kho 4 rājakumāro bhoto gotamassa pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati. Evañca vadeti – ‘adhivāsetu kira bhavaṃ gotamo bodhissa rājakumārassa svātanāya bhattaṃ saddhiṃ bhikkhusaṅghenā’’’ti. Adhivāsesi bhagavā tuṇhībhāvena. Atha kho sañjikāputto māṇavo bhagavato adhivāsanaṃ viditvā uṭṭhāyāsanā yena bodhi rājakumāro tenupasaṅkami; upasaṅkamitvā bodhiṃ rājakumāraṃ etadavoca – ‘‘avocumha bhoto vacanena taṃ bhavantaṃ gotamaṃ – ‘bodhi kho rājakumāro bhoto gotamassa pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati. Evañca vadeti – adhivāsetu kira bhavaṃ gotamo bodhissa rājakumārassa svātanāya bhattaṃ saddhiṃ bhikkhusaṅghenā’ti. Adhivuṭṭhañca pana samaṇena gotamenā’’ti.
325. ат̇а ко б̣од̇хи рааж̇агумааро д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа, гоганад̣̇ан̃жа баасаад̣̇ам̣ од̣̇аад̇зхи д̣̇уссзхи сант̇араабзд̇ваа яаава бажчимасобаанагал̣звараа 5, сан̃ж̇игаабуд̇д̇ам̣ маан̣авам̣ ааманд̇зси – ‘‘зхи д̇вам̣, самма сан̃ж̇игаабуд̇д̇а, язна бхаг̇аваа д̇знубасан̇гама; убасан̇гамид̇ваа бхаг̇авад̇о гаалам̣ аарожзхи – ‘гаало, бханд̇з, нидтид̇ам̣ бхад̇д̇а’’’нд̇и. ‘‘звам̣, бхо’’д̇и ко сан̃ж̇игаабуд̇д̇о маан̣аво б̣од̇хисса рааж̇агумаарасса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇авад̇о гаалам̣ аарожзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна б̣од̇хисса рааж̇агумаарасса нивзсанам̣ д̇знубасан̇гами. д̇зна ко бана самаязна б̣од̇хи рааж̇агумааро б̣ахид̣̇ваарагодтагз тид̇о ход̇и бхаг̇аванд̇ам̣ ааг̇амаяамаано. ад̣̇д̣̇асаа ко б̣од̇хи рааж̇агумааро бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана бажжуг̇г̇анд̇ваа бхаг̇аванд̇ам̣ абхиваад̣̇зд̇ваа бурагкад̇ваа язна гоганад̣̇о баасаад̣̇о д̇знубасан̇гами. ат̇а ко бхаг̇аваа бажчимам̣ собаанагал̣зварам̣ ниссааяа адтааси. ат̇а ко б̣од̇хи рааж̇агумааро бхаг̇аванд̇ам̣ зд̇ад̣̇авожа – ‘‘абхирухад̇у 6, бханд̇з, бхаг̇аваа д̣̇уссаани, абхирухад̇у суг̇ад̇о д̣̇уссаани; яам̣ мама асса д̣̇ийгхарад̇д̇ам̣ хид̇ааяа сукааяаа’’д̇и. звам̣ вуд̇д̇з, бхаг̇аваа д̇ун̣хий ахоси. д̣̇уд̇ияамби ко…бз… д̇ад̇ияамби ко б̣од̇хи рааж̇агумааро бхаг̇аванд̇ам̣ зд̇ад̣̇авожа – ‘‘абхирухад̇у, бханд̇з, бхаг̇аваа. д̣̇уссаани, абхирухад̇у суг̇ад̇о д̣̇уссаани; яам̣ мама асса д̣̇ийгхарад̇д̇ам̣ хид̇ааяа сукааяаа’’д̇и.
325. Atha kho bodhi rājakumāro tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā, kokanadañca pāsādaṃ odātehi dussehi santharāpetvā yāva pacchimasopānakaḷevarā 7, sañjikāputtaṃ māṇavaṃ āmantesi – ‘‘ehi tvaṃ, samma sañjikāputta, yena bhagavā tenupasaṅkama; upasaṅkamitvā bhagavato kālaṃ ārocehi – ‘kālo, bhante, niṭṭhitaṃ bhatta’’’nti. ‘‘Evaṃ, bho’’ti kho sañjikāputto māṇavo bodhissa rājakumārassa paṭissutvā yena bhagavā tenupasaṅkami; upasaṅkamitvā bhagavato kālaṃ ārocesi – ‘‘kālo, bho gotama, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena bodhissa rājakumārassa nivesanaṃ tenupasaṅkami. Tena kho pana samayena bodhi rājakumāro bahidvārakoṭṭhake ṭhito hoti bhagavantaṃ āgamayamāno. Addasā kho bodhi rājakumāro bhagavantaṃ dūratova āgacchantaṃ. Disvāna paccuggantvā bhagavantaṃ abhivādetvā purakkhatvā yena kokanado pāsādo tenupasaṅkami. Atha kho bhagavā pacchimaṃ sopānakaḷevaraṃ nissāya aṭṭhāsi. Atha kho bodhi rājakumāro bhagavantaṃ etadavoca – ‘‘abhiruhatu 8, bhante, bhagavā dussāni, abhiruhatu sugato dussāni; yaṃ mama assa dīgharattaṃ hitāya sukhāyā’’ti. Evaṃ vutte, bhagavā tuṇhī ahosi. Dutiyampi kho…pe… tatiyampi kho bodhi rājakumāro bhagavantaṃ etadavoca – ‘‘abhiruhatu, bhante, bhagavā. Dussāni, abhiruhatu sugato dussāni; yaṃ mama assa dīgharattaṃ hitāya sukhāyā’’ti.
326. ат̇а ко бхаг̇аваа ааяасманд̇ам̣ аананд̣̇ам̣ абалогзси. ат̇а ко ааяасмаа аананд̣̇о б̣од̇хим̣ рааж̇агумаарам̣ зд̇ад̣̇авожа – ‘‘сам̣харад̇у, рааж̇агумаара, д̣̇уссаани; на бхаг̇аваа жзлабадигам̣ 9 аггамиссад̇и. бажчимам̣ ж̇анад̇ам̣ д̇ат̇ааг̇ад̇о анугамбад̇ий’’д̇и 10. ат̇а ко б̣од̇хи рааж̇агумааро д̣̇уссаани сам̣хараабзд̇ваа убаригоганад̣̇абаасаад̣̇з 11 аасанаани бан̃н̃абзси. ат̇а ко бхаг̇аваа гоганад̣̇ам̣ баасаад̣̇ам̣ абхирухид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко б̣од̇хи рааж̇агумааро б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко б̣од̇хи рааж̇агумааро бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко б̣од̇хи рааж̇агумааро бхаг̇аванд̇ам̣ зд̇ад̣̇авожа – ‘‘маяхам̣ ко, бханд̇з, звам̣ ход̇и – ‘на ко сукзна сукам̣ ад̇хиг̇анд̇аб̣б̣ам̣, д̣̇угкзна ко сукам̣ ад̇хиг̇анд̇аб̣б̣а’’’нд̇и.
326. Atha kho bhagavā āyasmantaṃ ānandaṃ apalokesi. Atha kho āyasmā ānando bodhiṃ rājakumāraṃ etadavoca – ‘‘saṃharatu, rājakumāra, dussāni; na bhagavā celapaṭikaṃ 12 akkamissati. Pacchimaṃ janataṃ tathāgato anukampatī’’ti 13. Atha kho bodhi rājakumāro dussāni saṃharāpetvā uparikokanadapāsāde 14 āsanāni paññapesi. Atha kho bhagavā kokanadaṃ pāsādaṃ abhiruhitvā paññatte āsane nisīdi saddhiṃ bhikkhusaṅghena. Atha kho bodhi rājakumāro buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho bodhi rājakumāro bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho bodhi rājakumāro bhagavantaṃ etadavoca – ‘‘mayhaṃ kho, bhante, evaṃ hoti – ‘na kho sukhena sukhaṃ adhigantabbaṃ, dukkhena kho sukhaṃ adhigantabba’’’nti.
327. ‘‘маяхамби ко, рааж̇агумаара, буб̣б̣зва самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘на ко сукзна сукам̣ ад̇хиг̇анд̇аб̣б̣ам̣, д̣̇угкзна ко сукам̣ ад̇хиг̇анд̇аб̣б̣а’нд̇и. со ко ахам̣, рааж̇агумаара, абарзна самаязна д̣̇ахарова самаано сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа агаамагаанам̣ маад̇аабид̇уунам̣ ассумукаанам̣ руд̣̇анд̇аанам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇им̣. со звам̣ баб̣б̣аж̇ид̇о самаано гим̣гусалаг̇авзсий 15 ануд̇д̇арам̣ санд̇иварабад̣̇ам̣ бариязсамаано язна аал̣ааро гаалаамо д̇знубасан̇гамим̣; убасан̇гамид̇ваа аал̣аарам̣ гаалаамам̣ зд̇ад̣̇авожам̣ – ‘ижчаамахам̣, аавусо гаалаама, имасмим̣ д̇хаммавинаяз б̣рахмажарияам̣ жарид̇у’нд̇и. звам̣ вуд̇д̇з, рааж̇агумаара, аал̣ааро гаалаамо мам̣ зд̇ад̣̇авожа – ‘вихарад̇ааяасмаа, д̇аад̣̇исо аяам̣ д̇хаммо яад̇т̇а вин̃н̃уу бурисо нажирассзва сагам̣ аажарияагам̣ саяам̣ абхин̃н̃аа сажчигад̇ваа убасамбаж̇ж̇а вихарзяяаа’д̇и. со ко ахам̣, рааж̇агумаара, нажирассзва киббамзва д̇ам̣ д̇хаммам̣ барияаабун̣им̣. со ко ахам̣, рааж̇агумаара, д̇аавад̇агзнзва одтабахад̇амад̇д̇зна лабид̇алаабанамад̇д̇зна н̃аан̣аваад̣̇ан̃жа вад̣̇аами, т̇зраваад̣̇ан̃жа ж̇аанаами бассаамийд̇и жа бадиж̇аанаами, ахан̃жзва ан̃н̃з жа. д̇асса маяхам̣, рааж̇агумаара, зд̇ад̣̇ахоси – ‘на ко аал̣ааро гаалаамо имам̣ д̇хаммам̣ гзвалам̣ сад̣̇д̇хаамад̇д̇агзна саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зд̇и; ад̣̇д̇хаа аал̣ааро гаалаамо имам̣ д̇хаммам̣ ж̇аанам̣ бассам̣ вихарад̇ий’д̇и.
327. ‘‘Mayhampi kho, rājakumāra, pubbeva sambodhā anabhisambuddhassa bodhisattasseva sato etadahosi – ‘na kho sukhena sukhaṃ adhigantabbaṃ, dukkhena kho sukhaṃ adhigantabba’nti. So kho ahaṃ, rājakumāra, aparena samayena daharova samāno susukāḷakeso bhadrena yobbanena samannāgato paṭhamena vayasā akāmakānaṃ mātāpitūnaṃ assumukhānaṃ rudantānaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajiṃ. So evaṃ pabbajito samāno kiṃkusalagavesī 16 anuttaraṃ santivarapadaṃ pariyesamāno yena āḷāro kālāmo tenupasaṅkamiṃ; upasaṅkamitvā āḷāraṃ kālāmaṃ etadavocaṃ – ‘icchāmahaṃ, āvuso kālāma, imasmiṃ dhammavinaye brahmacariyaṃ caritu’nti. Evaṃ vutte, rājakumāra, āḷāro kālāmo maṃ etadavoca – ‘viharatāyasmā, tādiso ayaṃ dhammo yattha viññū puriso nacirasseva sakaṃ ācariyakaṃ sayaṃ abhiññā sacchikatvā upasampajja vihareyyā’ti. So kho ahaṃ, rājakumāra, nacirasseva khippameva taṃ dhammaṃ pariyāpuṇiṃ. So kho ahaṃ, rājakumāra, tāvatakeneva oṭṭhapahatamattena lapitalāpanamattena ñāṇavādañca vadāmi, theravādañca jānāmi passāmīti ca paṭijānāmi, ahañceva aññe ca. Tassa mayhaṃ, rājakumāra, etadahosi – ‘na kho āḷāro kālāmo imaṃ dhammaṃ kevalaṃ saddhāmattakena sayaṃ abhiññā sacchikatvā upasampajja viharāmīti pavedeti; addhā āḷāro kālāmo imaṃ dhammaṃ jānaṃ passaṃ viharatī’ti.
‘‘ат̇а кваахам̣, рааж̇агумаара, язна аал̣ааро гаалаамо д̇знубасан̇гамим̣; убасан̇гамид̇ваа аал̣аарам̣ гаалаамам̣ зд̇ад̣̇авожам̣ – ‘гид̇д̇аавад̇аа но, аавусо гаалаама, имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зсий’д̇и 17? звам̣ вуд̇д̇з, рааж̇агумаара, аал̣ааро гаалаамо аагин̃жан̃н̃ааяад̇анам̣ бавзд̣̇зси. д̇асса маяхам̣, рааж̇агумаара, зд̇ад̣̇ахоси – ‘на ко аал̣аарассзва гаалаамасса ад̇т̇и сад̣̇д̇хаа, маяхам̣бад̇т̇и сад̣̇д̇хаа; на ко аал̣аарассзва гаалаамасса ад̇т̇и вийрияам̣…бз… сад̇и… самаад̇хи… бан̃н̃аа, маяхам̣бад̇т̇и бан̃н̃аа. яам̣нуунаахам̣ яам̣ д̇хаммам̣ аал̣ааро гаалаамо саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зд̇и д̇асса д̇хаммасса сажчигирияааяа бад̣̇ахзяяа’нд̇и. со ко ахам̣, рааж̇агумаара, нажирассзва киббамзва д̇ам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихаасим̣. ат̇а кваахам̣, рааж̇агумаара, язна аал̣ааро гаалаамо д̇знубасан̇гамим̣; убасан̇гамид̇ваа аал̣аарам̣ гаалаамам̣ зд̇ад̣̇авожам̣ – ‘зд̇д̇аавад̇аа но, аавусо гаалаама, имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зсий’д̇и? ‘зд̇д̇аавад̇аа ко ахам̣, аавусо, имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇змий’д̇и. ‘ахамби ко, аавусо, зд̇д̇аавад̇аа имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамий’д̇и. ‘лаабхаа но, аавусо, сулад̣̇д̇хам̣ но, аавусо, яз маяам̣ ааяасманд̇ам̣ д̇аад̣̇исам̣ саб̣рахмажаарим̣ бассаама . ид̇и яаахам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зми, д̇ам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси. яам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси, д̇амахам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зми. ид̇и яаахам̣ д̇хаммам̣ ж̇аанаами д̇ам̣ д̇вам̣ д̇хаммам̣ ж̇аанааси; яам̣ д̇вам̣ д̇хаммам̣ ж̇аанааси д̇амахам̣ д̇хаммам̣ ж̇аанаами. ид̇и яаад̣̇исо ахам̣, д̇аад̣̇исо д̇увам̣; яаад̣̇исо д̇увам̣ д̇аад̣̇исо ахам̣. зхи д̣̇аани, аавусо, убхова санд̇аа имам̣ г̇ан̣ам̣ барихараамаа’д̇и. ид̇и ко, рааж̇агумаара, аал̣ааро гаалаамо аажарияо мз самаано (ад̇д̇ано) 18 анд̇зваасим̣ мам̣ самаанам̣ ад̇д̇анаа 19 самасамам̣ табзси, ул̣аарааяа жа мам̣ бууж̇ааяа бууж̇зси. д̇асса маяхам̣, рааж̇агумаара, зд̇ад̣̇ахоси – ‘нааяам̣ д̇хаммо ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и, яаавад̣̇зва аагин̃жан̃н̃ааяад̇ануубабад̇д̇ияаа’д̇и . со ко ахам̣, рааж̇агумаара, д̇ам̣ д̇хаммам̣ аналан̇гарид̇ваа д̇асмаа д̇хаммаа ниб̣б̣иж̇ж̇а абаггамим̣.
‘‘Atha khvāhaṃ, rājakumāra, yena āḷāro kālāmo tenupasaṅkamiṃ; upasaṅkamitvā āḷāraṃ kālāmaṃ etadavocaṃ – ‘kittāvatā no, āvuso kālāma, imaṃ dhammaṃ sayaṃ abhiññā sacchikatvā upasampajja viharāmīti pavedesī’ti 20? Evaṃ vutte, rājakumāra, āḷāro kālāmo ākiñcaññāyatanaṃ pavedesi. Tassa mayhaṃ, rājakumāra, etadahosi – ‘na kho āḷārasseva kālāmassa atthi saddhā, mayhaṃpatthi saddhā; na kho āḷārasseva kālāmassa atthi vīriyaṃ…pe… sati… samādhi… paññā, mayhaṃpatthi paññā. Yaṃnūnāhaṃ yaṃ dhammaṃ āḷāro kālāmo sayaṃ abhiññā sacchikatvā upasampajja viharāmīti pavedeti tassa dhammassa sacchikiriyāya padaheyya’nti. So kho ahaṃ, rājakumāra, nacirasseva khippameva taṃ dhammaṃ sayaṃ abhiññā sacchikatvā upasampajja vihāsiṃ. Atha khvāhaṃ, rājakumāra, yena āḷāro kālāmo tenupasaṅkamiṃ; upasaṅkamitvā āḷāraṃ kālāmaṃ etadavocaṃ – ‘ettāvatā no, āvuso kālāma, imaṃ dhammaṃ sayaṃ abhiññā sacchikatvā upasampajja pavedesī’ti? ‘Ettāvatā kho ahaṃ, āvuso, imaṃ dhammaṃ sayaṃ abhiññā sacchikatvā upasampajja pavedemī’ti. ‘Ahampi kho, āvuso, ettāvatā imaṃ dhammaṃ sayaṃ abhiññā sacchikatvā upasampajja viharāmī’ti. ‘Lābhā no, āvuso, suladdhaṃ no, āvuso, ye mayaṃ āyasmantaṃ tādisaṃ sabrahmacāriṃ passāma . Iti yāhaṃ dhammaṃ sayaṃ abhiññā sacchikatvā upasampajja pavedemi, taṃ tvaṃ dhammaṃ sayaṃ abhiññā sacchikatvā upasampajja viharasi. Yaṃ tvaṃ dhammaṃ sayaṃ abhiññā sacchikatvā upasampajja viharasi, tamahaṃ dhammaṃ sayaṃ abhiññā sacchikatvā upasampajja pavedemi. Iti yāhaṃ dhammaṃ jānāmi taṃ tvaṃ dhammaṃ jānāsi; yaṃ tvaṃ dhammaṃ jānāsi tamahaṃ dhammaṃ jānāmi. Iti yādiso ahaṃ, tādiso tuvaṃ; yādiso tuvaṃ tādiso ahaṃ. Ehi dāni, āvuso, ubhova santā imaṃ gaṇaṃ pariharāmā’ti. Iti kho, rājakumāra, āḷāro kālāmo ācariyo me samāno (attano) 21 antevāsiṃ maṃ samānaṃ attanā 22 samasamaṃ ṭhapesi, uḷārāya ca maṃ pūjāya pūjesi. Tassa mayhaṃ, rājakumāra, etadahosi – ‘nāyaṃ dhammo nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati, yāvadeva ākiñcaññāyatanūpapattiyā’ti . So kho ahaṃ, rājakumāra, taṃ dhammaṃ analaṅkaritvā tasmā dhammā nibbijja apakkamiṃ.
328. ‘‘со ко ахам̣, рааж̇агумаара, гим̣гусалаг̇авзсий ануд̇д̇арам̣ санд̇иварабад̣̇ам̣ бариязсамаано язна уд̣̇аго 23 раамабуд̇д̇о д̇знубасан̇гамим̣; убасан̇гамид̇ваа уд̣̇агам̣ раамабуд̇д̇ам̣ зд̇ад̣̇авожам̣ – ‘ижчаамахам̣, аавусо 24, имасмим̣ д̇хаммавинаяз б̣рахмажарияам̣ жарид̇у’нд̇и. звам̣ вуд̇д̇з, рааж̇агумаара, уд̣̇аго раамабуд̇д̇о мам̣ зд̇ад̣̇авожа – ‘вихарад̇ааяасмаа, д̇аад̣̇исо аяам̣ д̇хаммо яад̇т̇а вин̃н̃уу бурисо нажирассзва сагам̣ аажарияагам̣ саяам̣ абхин̃н̃аа сажчигад̇ваа убасамбаж̇ж̇а вихарзяяаа’д̇и. со ко ахам̣, рааж̇агумаара, нажирассзва киббамзва д̇ам̣ д̇хаммам̣ барияаабун̣им̣. со ко ахам̣, рааж̇агумаара, д̇аавад̇агзнзва одтабахад̇амад̇д̇зна лабид̇алаабанамад̇д̇зна н̃аан̣аваад̣̇ан̃жа вад̣̇аами, т̇зраваад̣̇ан̃жа ж̇аанаами бассаамийд̇и жа бадиж̇аанаами, ахан̃жзва ан̃н̃з жа. д̇асса маяхам̣, рааж̇агумаара, зд̇ад̣̇ахоси – ‘на ко раамо имам̣ д̇хаммам̣ гзвалам̣ сад̣̇д̇хаамад̇д̇агзна саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зси; ад̣̇д̇хаа раамо имам̣ д̇хаммам̣ ж̇аанам̣ бассам̣ вихаасий’д̇и. ат̇а кваахам̣, рааж̇агумаара, язна уд̣̇аго раамабуд̇д̇о д̇знубасан̇гамим̣; убасан̇гамид̇ваа уд̣̇агам̣ раамабуд̇д̇ам̣ зд̇ад̣̇авожам̣ – ‘гид̇д̇аавад̇аа но, аавусо, раамо имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зсий’д̇и? звам̣ вуд̇д̇з, рааж̇агумаара, уд̣̇аго раамабуд̇д̇о нзвасан̃н̃аанаасан̃н̃ааяад̇анам̣ бавзд̣̇зси. д̇асса маяхам̣, рааж̇агумаара, зд̇ад̣̇ахоси – ‘на ко раамассзва ахоси сад̣̇д̇хаа, маяхам̣бад̇т̇и сад̣̇д̇хаа; на ко раамассзва ахоси вийрияам̣…бз… сад̇и… самаад̇хи… бан̃н̃аа, маяхам̣бад̇т̇и бан̃н̃аа. яам̣нуунаахам̣ яам̣ д̇хаммам̣ раамо саяам̣ абхин̃н̃аа сажчигад̇ваа убасамбаж̇ж̇а вихараамийд̇и бавзд̣̇зд̇и д̇асса д̇хаммасса сажчигирияааяа бад̣̇ахзяяа’нд̇и. со ко ахам̣, рааж̇агумаара, нажирассзва киббамзва д̇ам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихаасим̣.
328. ‘‘So kho ahaṃ, rājakumāra, kiṃkusalagavesī anuttaraṃ santivarapadaṃ pariyesamāno yena udako 25 rāmaputto tenupasaṅkamiṃ; upasaṅkamitvā udakaṃ rāmaputtaṃ etadavocaṃ – ‘icchāmahaṃ, āvuso 26, imasmiṃ dhammavinaye brahmacariyaṃ caritu’nti. Evaṃ vutte, rājakumāra, udako rāmaputto maṃ etadavoca – ‘viharatāyasmā, tādiso ayaṃ dhammo yattha viññū puriso nacirasseva sakaṃ ācariyakaṃ sayaṃ abhiññā sacchikatvā upasampajja vihareyyā’ti. So kho ahaṃ, rājakumāra, nacirasseva khippameva taṃ dhammaṃ pariyāpuṇiṃ. So kho ahaṃ, rājakumāra, tāvatakeneva oṭṭhapahatamattena lapitalāpanamattena ñāṇavādañca vadāmi, theravādañca jānāmi passāmīti ca paṭijānāmi, ahañceva aññe ca. Tassa mayhaṃ, rājakumāra, etadahosi – ‘na kho rāmo imaṃ dhammaṃ kevalaṃ saddhāmattakena sayaṃ abhiññā sacchikatvā upasampajja viharāmīti pavedesi; addhā rāmo imaṃ dhammaṃ jānaṃ passaṃ vihāsī’ti. Atha khvāhaṃ, rājakumāra, yena udako rāmaputto tenupasaṅkamiṃ; upasaṅkamitvā udakaṃ rāmaputtaṃ etadavocaṃ – ‘kittāvatā no, āvuso, rāmo imaṃ dhammaṃ sayaṃ abhiññā sacchikatvā upasampajja viharāmīti pavedesī’ti? Evaṃ vutte, rājakumāra, udako rāmaputto nevasaññānāsaññāyatanaṃ pavedesi. Tassa mayhaṃ, rājakumāra, etadahosi – ‘na kho rāmasseva ahosi saddhā, mayhaṃpatthi saddhā; na kho rāmasseva ahosi vīriyaṃ…pe… sati… samādhi… paññā, mayhaṃpatthi paññā. Yaṃnūnāhaṃ yaṃ dhammaṃ rāmo sayaṃ abhiññā sacchikatvā upasampajja viharāmīti pavedeti tassa dhammassa sacchikiriyāya padaheyya’nti. So kho ahaṃ, rājakumāra, nacirasseva khippameva taṃ dhammaṃ sayaṃ abhiññā sacchikatvā upasampajja vihāsiṃ.
‘‘ат̇а кваахам̣, рааж̇агумаара, язна уд̣̇аго раамабуд̇д̇о д̇знубасан̇гамим̣; убасан̇гамид̇ваа уд̣̇агам̣ раамабуд̇д̇ам̣ зд̇ад̣̇авожам̣ – ‘зд̇д̇аавад̇аа но, аавусо, раамо имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зсий’д̇и? ‘зд̇д̇аавад̇аа ко, аавусо, раамо имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а бавзд̣̇зсий’д̇и. ‘ахамби ко, аавусо, зд̇д̇аавад̇аа имам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараамий’д̇и. ‘лаабхаа но, аавусо, сулад̣̇д̇хам̣ но, аавусо, яз маяам̣ ааяасманд̇ам̣ д̇аад̣̇исам̣ саб̣рахмажаарим̣ бассаама. ид̇и яам̣ д̇хаммам̣ раамо саяам̣ абхин̃н̃аа сажчигад̇ваа убасамбаж̇ж̇а бавзд̣̇зси д̇ам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси. яам̣ д̇вам̣ д̇хаммам̣ саяам̣ абхин̃н̃аа сажчигад̇ваа убасамбаж̇ж̇а вихараси д̇ам̣ д̇хаммам̣ раамо саяам̣ абхин̃н̃аа сажчигад̇ваа убасамбаж̇ж̇а бавзд̣̇зси. ид̇и яам̣ д̇хаммам̣ раамо абхин̃н̃ааси д̇ам̣ д̇вам̣ д̇хаммам̣ ж̇аанааси; яам̣ д̇вам̣ д̇хаммам̣ ж̇аанааси д̇ам̣ д̇хаммам̣ раамо абхин̃н̃ааси. ид̇и яаад̣̇исо раамо ахоси д̇аад̣̇исо д̇увам̣, яаад̣̇исо д̇увам̣ д̇аад̣̇исо раамо ахоси. зхи д̣̇аани, аавусо, д̇увам̣ имам̣ г̇ан̣ам̣ барихараа’д̇и. ид̇и ко, рааж̇агумаара, уд̣̇аго раамабуд̇д̇о саб̣рахмажаарий мз самаано аажарияадтаанз мам̣ табзси, ул̣аарааяа жа мам̣ бууж̇ааяа бууж̇зси. д̇асса маяхам̣, рааж̇агумаара, зд̇ад̣̇ахоси – ‘нааяам̣ д̇хаммо ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и, яаавад̣̇зва нзвасан̃н̃аанаасан̃н̃ааяад̇ануубабад̇д̇ияаа’д̇и. со ко ахам̣, рааж̇агумаара, д̇ам̣ д̇хаммам̣ аналан̇гарид̇ваа д̇асмаа д̇хаммаа ниб̣б̣иж̇ж̇а абаггамим̣.
‘‘Atha khvāhaṃ, rājakumāra, yena udako rāmaputto tenupasaṅkamiṃ; upasaṅkamitvā udakaṃ rāmaputtaṃ etadavocaṃ – ‘ettāvatā no, āvuso, rāmo imaṃ dhammaṃ sayaṃ abhiññā sacchikatvā upasampajja pavedesī’ti? ‘Ettāvatā kho, āvuso, rāmo imaṃ dhammaṃ sayaṃ abhiññā sacchikatvā upasampajja pavedesī’ti. ‘Ahampi kho, āvuso, ettāvatā imaṃ dhammaṃ sayaṃ abhiññā sacchikatvā upasampajja viharāmī’ti. ‘Lābhā no, āvuso, suladdhaṃ no, āvuso, ye mayaṃ āyasmantaṃ tādisaṃ sabrahmacāriṃ passāma. Iti yaṃ dhammaṃ rāmo sayaṃ abhiññā sacchikatvā upasampajja pavedesi taṃ tvaṃ dhammaṃ sayaṃ abhiññā sacchikatvā upasampajja viharasi. Yaṃ tvaṃ dhammaṃ sayaṃ abhiññā sacchikatvā upasampajja viharasi taṃ dhammaṃ rāmo sayaṃ abhiññā sacchikatvā upasampajja pavedesi. Iti yaṃ dhammaṃ rāmo abhiññāsi taṃ tvaṃ dhammaṃ jānāsi; yaṃ tvaṃ dhammaṃ jānāsi taṃ dhammaṃ rāmo abhiññāsi. Iti yādiso rāmo ahosi tādiso tuvaṃ, yādiso tuvaṃ tādiso rāmo ahosi. Ehi dāni, āvuso, tuvaṃ imaṃ gaṇaṃ pariharā’ti. Iti kho, rājakumāra, udako rāmaputto sabrahmacārī me samāno ācariyaṭṭhāne maṃ ṭhapesi, uḷārāya ca maṃ pūjāya pūjesi. Tassa mayhaṃ, rājakumāra, etadahosi – ‘nāyaṃ dhammo nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati, yāvadeva nevasaññānāsaññāyatanūpapattiyā’ti. So kho ahaṃ, rājakumāra, taṃ dhammaṃ analaṅkaritvā tasmā dhammā nibbijja apakkamiṃ.
329. ‘‘со ко ахам̣, рааж̇агумаара, гим̣гусалаг̇авзсий ануд̇д̇арам̣ санд̇иварабад̣̇ам̣ бариязсамаано, маг̇ад̇хзсу анубуб̣б̣зна жааригам̣ жарамаано, язна урувзлаа сзнааниг̇амо д̇ад̣̇авасарим̣. д̇ад̇т̇ад̣̇д̣̇асам̣ раман̣ийяам̣ бхуумибхааг̇ам̣, баасаад̣̇иган̃жа ванасан̣д̣ам̣, над̣̇ийн̃жа санд̣̇анд̇им̣ сзд̇агам̣ субад̇ид̇т̇ам̣, раман̣ийяам̣ саманд̇аа жа г̇ожараг̇аамам̣. д̇асса маяхам̣, рааж̇агумаара, зд̇ад̣̇ахоси – ‘раман̣ийяо вад̇а, бхо, бхуумибхааг̇о, баасаад̣̇иго жа ванасан̣д̣о, над̣̇ин̃жа санд̣̇анд̇им̣ сзд̇агаа субад̇ид̇т̇аа , раман̣ийяаа саманд̇аа 27 жа г̇ожараг̇аамо. алам̣ вад̇ид̣̇ам̣ гулабуд̇д̇асса бад̇хаанад̇т̇игасса бад̇хаанааяаа’д̇и. со ко ахам̣, рааж̇агумаара, д̇ад̇т̇зва нисийд̣̇им̣ – ‘аламид̣̇ам̣ бад̇хаанааяаа’д̇и. абиссу мам̣, рааж̇агумаара, д̇иссо убамаа бадибхам̣су анажчарияаа буб̣б̣з ассуд̇абуб̣б̣аа.
329. ‘‘So kho ahaṃ, rājakumāra, kiṃkusalagavesī anuttaraṃ santivarapadaṃ pariyesamāno, magadhesu anupubbena cārikaṃ caramāno, yena uruvelā senānigamo tadavasariṃ. Tatthaddasaṃ ramaṇīyaṃ bhūmibhāgaṃ, pāsādikañca vanasaṇḍaṃ, nadīñca sandantiṃ setakaṃ supatitthaṃ, ramaṇīyaṃ samantā ca gocaragāmaṃ. Tassa mayhaṃ, rājakumāra, etadahosi – ‘ramaṇīyo vata, bho, bhūmibhāgo, pāsādiko ca vanasaṇḍo, nadiñca sandantiṃ setakā supatitthā , ramaṇīyā samantā 28 ca gocaragāmo. Alaṃ vatidaṃ kulaputtassa padhānatthikassa padhānāyā’ti. So kho ahaṃ, rājakumāra, tattheva nisīdiṃ – ‘alamidaṃ padhānāyā’ti. Apissu maṃ, rājakumāra, tisso upamā paṭibhaṃsu anacchariyā pubbe assutapubbā.
‘‘сзяяат̇ааби, рааж̇агумаара, аллам̣ гадтам̣ саснзхам̣ уд̣̇агз нигкид̇д̇ам̣. ат̇а бурисо ааг̇ажчзяяа уд̇д̇арааран̣им̣ аад̣̇ааяа – ‘аг̇г̇им̣ абхиниб̣б̣ад̇д̇зссаами, д̇зж̇о баад̇угариссаамий’д̇и. д̇ам̣ гим̣ ман̃н̃аси, рааж̇агумаара, аби ну со бурисо амум̣ аллам̣ гадтам̣ саснзхам̣ уд̣̇агз нигкид̇д̇ам̣ уд̇д̇арааран̣им̣ аад̣̇ааяа абхимант̇знд̇о 29 аг̇г̇им̣ абхиниб̣б̣ад̇д̇зяяа, д̇зж̇о баад̇угарзяяаа’’д̇и? ‘‘но хид̣̇ам̣, бханд̇з. д̇ам̣ гисса хзд̇у? ад̣̇ун̃хи, бханд̇з, аллам̣ гадтам̣ саснзхам̣ д̇ан̃жа бана уд̣̇агз нигкид̇д̇ам̣, яаавад̣̇зва жа бана со бурисо гиламат̇асса вигхаад̇асса бхааг̇ий ассаа’’д̇и. ‘‘звамзва ко, рааж̇агумаара, яз хи гзжи саман̣аа ваа б̣раахман̣аа ваа гааязна жзва жид̇д̇зна жа гаамзхи авуубагадтаа вихаранд̇и, яо жа нзсам̣ гаамзсу гаамажчанд̣̇о гаамаснзхо гаамамужчаа гаамабибаасаа гаамабарил̣аахо со жа аж̇жхад̇д̇ам̣ на суббахийно ход̇и, на суббадиббассад̣̇д̇хо. обаггамигаа жзби д̇з бхонд̇о саман̣аб̣раахман̣аа д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и, абхаб̣б̣аава д̇з н̃аан̣ааяа д̣̇ассанааяа ануд̇д̇арааяа самб̣од̇хааяа. но жзби д̇з бхонд̇о саман̣аб̣раахман̣аа обаггамигаа д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и, абхаб̣б̣аава д̇з н̃аан̣ааяа д̣̇ассанааяа ануд̇д̇арааяа самб̣од̇хааяа. аяам̣ ко мам̣, рааж̇агумаара, батамаа убамаа бадибхааси анажчарияаа буб̣б̣з ассуд̇абуб̣б̣аа.
‘‘Seyyathāpi, rājakumāra, allaṃ kaṭṭhaṃ sasnehaṃ udake nikkhittaṃ. Atha puriso āgaccheyya uttarāraṇiṃ ādāya – ‘aggiṃ abhinibbattessāmi, tejo pātukarissāmī’ti. Taṃ kiṃ maññasi, rājakumāra, api nu so puriso amuṃ allaṃ kaṭṭhaṃ sasnehaṃ udake nikkhittaṃ uttarāraṇiṃ ādāya abhimanthento 30 aggiṃ abhinibbatteyya, tejo pātukareyyā’’ti? ‘‘No hidaṃ, bhante. Taṃ kissa hetu? Aduñhi, bhante, allaṃ kaṭṭhaṃ sasnehaṃ tañca pana udake nikkhittaṃ, yāvadeva ca pana so puriso kilamathassa vighātassa bhāgī assā’’ti. ‘‘Evameva kho, rājakumāra, ye hi keci samaṇā vā brāhmaṇā vā kāyena ceva cittena ca kāmehi avūpakaṭṭhā viharanti, yo ca nesaṃ kāmesu kāmacchando kāmasneho kāmamucchā kāmapipāsā kāmapariḷāho so ca ajjhattaṃ na suppahīno hoti, na suppaṭippassaddho. Opakkamikā cepi te bhonto samaṇabrāhmaṇā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya. No cepi te bhonto samaṇabrāhmaṇā opakkamikā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya. Ayaṃ kho maṃ, rājakumāra, paṭhamā upamā paṭibhāsi anacchariyā pubbe assutapubbā.
330. ‘‘абарааби ко мам̣, рааж̇агумаара, д̣̇уд̇ияаа убамаа бадибхааси анажчарияаа буб̣б̣з ассуд̇абуб̣б̣аа. сзяяат̇ааби, рааж̇агумаара, аллам̣ гадтам̣ саснзхам̣ аарагаа уд̣̇агаа т̇алз нигкид̇д̇ам̣. ат̇а бурисо ааг̇ажчзяяа уд̇д̇арааран̣им̣ аад̣̇ааяа – ‘аг̇г̇им̣ абхиниб̣б̣ад̇д̇зссаами, д̇зж̇о баад̇угариссаамий’д̇и. д̇ам̣ гим̣ ман̃н̃аси, рааж̇агумаара, аби ну со бурисо амум̣ аллам̣ гадтам̣ саснзхам̣ аарагаа уд̣̇агаа т̇алз нигкид̇д̇ам̣ уд̇д̇арааран̣им̣ аад̣̇ааяа абхимант̇знд̇о аг̇г̇им̣ абхиниб̣б̣ад̇д̇зяяа , д̇зж̇о баад̇угарзяяаа’’д̇и? ‘‘но хид̣̇ам̣, бханд̇з. д̇ам̣ гисса хзд̇у? ад̣̇ун̃хи, бханд̇з, аллам̣ гадтам̣ саснзхам̣ гин̃жааби аарагаа уд̣̇агаа т̇алз нигкид̇д̇ам̣, яаавад̣̇зва жа бана со бурисо гиламат̇асса вигхаад̇асса бхааг̇ий ассаа’’д̇и. ‘‘звамзва ко, рааж̇агумаара, яз хи гзжи саман̣аа ваа б̣раахман̣аа ваа гааязна жзва жид̇д̇зна жа гаамзхи вуубагадтаа вихаранд̇и, яо жа нзсам̣ гаамзсу гаамажчанд̣̇о гаамаснзхо гаамамужчаа гаамабибаасаа гаамабарил̣аахо со жа аж̇жхад̇д̇ам̣ на суббахийно ход̇и, на суббадиббассад̣̇д̇хо. обаггамигаа жзби д̇з бхонд̇о саман̣аб̣раахман̣аа д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и, абхаб̣б̣аава д̇з н̃аан̣ааяа д̣̇ассанааяа ануд̇д̇арааяа самб̣од̇хааяа. но жзби д̇з бхонд̇о саман̣аб̣раахман̣аа обаггамигаа д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и, абхаб̣б̣аава д̇з н̃аан̣ааяа д̣̇ассанааяа ануд̇д̇арааяа самб̣од̇хааяа. аяам̣ ко мам̣, рааж̇агумаара, д̣̇уд̇ияаа убамаа бадибхааси анажчарияаа буб̣б̣з ассуд̇абуб̣б̣аа.
330. ‘‘Aparāpi kho maṃ, rājakumāra, dutiyā upamā paṭibhāsi anacchariyā pubbe assutapubbā. Seyyathāpi, rājakumāra, allaṃ kaṭṭhaṃ sasnehaṃ ārakā udakā thale nikkhittaṃ. Atha puriso āgaccheyya uttarāraṇiṃ ādāya – ‘aggiṃ abhinibbattessāmi, tejo pātukarissāmī’ti. Taṃ kiṃ maññasi, rājakumāra, api nu so puriso amuṃ allaṃ kaṭṭhaṃ sasnehaṃ ārakā udakā thale nikkhittaṃ uttarāraṇiṃ ādāya abhimanthento aggiṃ abhinibbatteyya , tejo pātukareyyā’’ti? ‘‘No hidaṃ, bhante. Taṃ kissa hetu? Aduñhi, bhante, allaṃ kaṭṭhaṃ sasnehaṃ kiñcāpi ārakā udakā thale nikkhittaṃ, yāvadeva ca pana so puriso kilamathassa vighātassa bhāgī assā’’ti. ‘‘Evameva kho, rājakumāra, ye hi keci samaṇā vā brāhmaṇā vā kāyena ceva cittena ca kāmehi vūpakaṭṭhā viharanti, yo ca nesaṃ kāmesu kāmacchando kāmasneho kāmamucchā kāmapipāsā kāmapariḷāho so ca ajjhattaṃ na suppahīno hoti, na suppaṭippassaddho. Opakkamikā cepi te bhonto samaṇabrāhmaṇā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya. No cepi te bhonto samaṇabrāhmaṇā opakkamikā dukkhā tibbā kharā kaṭukā vedanā vedayanti, abhabbāva te ñāṇāya dassanāya anuttarāya sambodhāya. Ayaṃ kho maṃ, rājakumāra, dutiyā upamā paṭibhāsi anacchariyā pubbe assutapubbā.
331. ‘‘абарааби ко мам̣, рааж̇агумаара, д̇ад̇ияаа убамаа бадибхааси анажчарияаа буб̣б̣з ассуд̇абуб̣б̣аа. сзяяат̇ааби, рааж̇агумаара, сугкам̣ гадтам̣ гол̣аабам̣ аарагаа уд̣̇агаа т̇алз нигкид̇д̇ам̣. ат̇а бурисо ааг̇ажчзяяа уд̇д̇арааран̣им̣ аад̣̇ааяа – ‘аг̇г̇им̣ абхиниб̣б̣ад̇д̇зссаами, д̇зж̇о баад̇угариссаамий’д̇и. д̇ам̣ гим̣ ман̃н̃аси, рааж̇агумаара, аби ну со бурисо амум̣ сугкам̣ гадтам̣ гол̣аабам̣ аарагаа уд̣̇агаа т̇алз нигкид̇д̇ам̣ уд̇д̇арааран̣им̣ аад̣̇ааяа абхимант̇знд̇о аг̇г̇им̣ абхиниб̣б̣ад̇д̇зяяа, д̇зж̇о баад̇угарзяяаа’’д̇и? ‘‘звам̣, бханд̇з’’. д̇ам̣ гисса хзд̇у? ад̣̇ун̃хи, бханд̇з, сугкам̣ гадтам̣ гол̣аабам̣, д̇ан̃жа бана аарагаа уд̣̇агаа т̇алз нигкид̇д̇а’’нд̇и. ‘‘звамзва ко, рааж̇агумаара, яз хи гзжи саман̣аа ваа б̣раахман̣аа ваа гааязна жзва жид̇д̇зна жа гаамзхи вуубагадтаа вихаранд̇и, яо жа нзсам̣ гаамзсу гаамажчанд̣̇о гаамаснзхо гаамамужчаа гаамабибаасаа гаамабарил̣аахо со жа аж̇жхад̇д̇ам̣ суббахийно ход̇и суббадиббассад̣̇д̇хо. обаггамигаа жзби д̇з бхонд̇о саман̣аб̣раахман̣аа д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и, бхаб̣б̣аава д̇з н̃аан̣ааяа д̣̇ассанааяа ануд̇д̇арааяа самб̣од̇хааяа. но жзби д̇з бхонд̇о саман̣аб̣раахман̣аа обаггамигаа д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и, бхаб̣б̣аава д̇з н̃аан̣ааяа д̣̇ассанааяа ануд̇д̇арааяа самб̣од̇хааяа. аяам̣ ко мам̣, рааж̇агумаара, д̇ад̇ияаа убамаа бадибхааси анажчарияаа буб̣б̣з ассуд̇абуб̣б̣аа. имаа ко мам̣, рааж̇агумаара, д̇иссо убамаа бадибхам̣су анажчарияаа буб̣б̣з ассуд̇абуб̣б̣аа.
331. ‘‘Aparāpi kho maṃ, rājakumāra, tatiyā upamā paṭibhāsi anacchariyā pubbe assutapubbā. Seyyathāpi, rājakumāra, sukkhaṃ kaṭṭhaṃ koḷāpaṃ ārakā udakā thale nikkhittaṃ. Atha puriso āgaccheyya uttarāraṇiṃ ādāya – ‘aggiṃ abhinibbattessāmi, tejo pātukarissāmī’ti. Taṃ kiṃ maññasi, rājakumāra, api nu so puriso amuṃ sukkhaṃ kaṭṭhaṃ koḷāpaṃ ārakā udakā thale nikkhittaṃ uttarāraṇiṃ ādāya abhimanthento aggiṃ abhinibbatteyya, tejo pātukareyyā’’ti? ‘‘Evaṃ, bhante’’. Taṃ kissa hetu? Aduñhi, bhante, sukkhaṃ kaṭṭhaṃ koḷāpaṃ, tañca pana ārakā udakā thale nikkhitta’’nti. ‘‘Evameva kho, rājakumāra, ye hi keci samaṇā vā brāhmaṇā vā kāyena ceva cittena ca kāmehi vūpakaṭṭhā viharanti, yo ca nesaṃ kāmesu kāmacchando kāmasneho kāmamucchā kāmapipāsā kāmapariḷāho so ca ajjhattaṃ suppahīno hoti suppaṭippassaddho. Opakkamikā cepi te bhonto samaṇabrāhmaṇā dukkhā tibbā kharā kaṭukā vedanā vedayanti, bhabbāva te ñāṇāya dassanāya anuttarāya sambodhāya. No cepi te bhonto samaṇabrāhmaṇā opakkamikā dukkhā tibbā kharā kaṭukā vedanā vedayanti, bhabbāva te ñāṇāya dassanāya anuttarāya sambodhāya. Ayaṃ kho maṃ, rājakumāra, tatiyā upamā paṭibhāsi anacchariyā pubbe assutapubbā. Imā kho maṃ, rājakumāra, tisso upamā paṭibhaṃsu anacchariyā pubbe assutapubbā.
332. ‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ д̣̇анд̇збхид̣̇анд̇амаад̇хааяа 31, ж̇ивхааяа д̇аалум̣ аахажжа, жзд̇асаа жид̇д̇ам̣ абхиниг̇г̇ан̣хзяяам̣ абхиниббийл̣зяяам̣ абхисанд̇аабзяяа’нд̇и. со ко ахам̣, рааж̇агумаара, д̣̇анд̇збхид̣̇анд̇амаад̇хааяа, ж̇ивхааяа д̇аалум̣ аахажжа, жзд̇асаа жид̇д̇ам̣ абхиниг̇г̇ан̣хаами абхиниббийл̣зми абхисанд̇аабзми. д̇асса маяхам̣, рааж̇агумаара, д̣̇анд̇збхид̣̇анд̇амаад̇хааяа, ж̇ивхааяа д̇аалум̣ аахажжа, жзд̇асаа жид̇д̇ам̣ абхиниг̇г̇ан̣хад̇о абхиниббийл̣аяад̇о абхисанд̇аабаяад̇о гажчзхи сзд̣̇аа мужжанд̇и. сзяяат̇ааби, рааж̇агумаара, б̣алаваа бурисо д̣̇уб̣б̣алад̇арам̣ бурисам̣ сийсз ваа г̇ахзд̇ваа канд̇хз ваа г̇ахзд̇ваа абхиниг̇г̇ан̣хзяяа абхиниббийл̣зяяа абхисанд̇аабзяяа; звамзва ко мз, рааж̇агумаара, д̣̇анд̇збхид̣̇анд̇амаад̇хааяа, ж̇ивхааяа д̇аалум̣ аахажжа, жзд̇асаа жид̇д̇ам̣ абхиниг̇г̇ан̣хад̇о абхиниббийл̣аяад̇о абхисанд̇аабаяад̇о гажчзхи сзд̣̇аа мужжанд̇и. аарад̣̇д̇хам̣ ко бана мз, рааж̇агумаара, вийрияам̣ ход̇и асаллийнам̣, убадтид̇аа сад̇и асаммудтаа, саарад̣̇д̇хо жа бана мз гааяо ход̇и аббадиббассад̣̇д̇хо, д̇знзва д̣̇угкаббад̇хаанзна бад̇хаанаабхид̇уннасса сад̇о.
332. ‘‘Tassa mayhaṃ, rājakumāra, etadahosi – ‘yaṃnūnāhaṃ dantebhidantamādhāya 32, jivhāya tāluṃ āhacca, cetasā cittaṃ abhiniggaṇheyyaṃ abhinippīḷeyyaṃ abhisantāpeyya’nti. So kho ahaṃ, rājakumāra, dantebhidantamādhāya, jivhāya tāluṃ āhacca, cetasā cittaṃ abhiniggaṇhāmi abhinippīḷemi abhisantāpemi. Tassa mayhaṃ, rājakumāra, dantebhidantamādhāya, jivhāya tāluṃ āhacca, cetasā cittaṃ abhiniggaṇhato abhinippīḷayato abhisantāpayato kacchehi sedā muccanti. Seyyathāpi, rājakumāra, balavā puriso dubbalataraṃ purisaṃ sīse vā gahetvā khandhe vā gahetvā abhiniggaṇheyya abhinippīḷeyya abhisantāpeyya; evameva kho me, rājakumāra, dantebhidantamādhāya, jivhāya tāluṃ āhacca, cetasā cittaṃ abhiniggaṇhato abhinippīḷayato abhisantāpayato kacchehi sedā muccanti. Āraddhaṃ kho pana me, rājakumāra, vīriyaṃ hoti asallīnaṃ, upaṭṭhitā sati asammuṭṭhā, sāraddho ca pana me kāyo hoti appaṭippassaddho, teneva dukkhappadhānena padhānābhitunnassa sato.
333. ‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ аббаан̣агам̣язва жхаанам̣ жхааязяяа’нд̇и. со ко ахам̣, рааж̇агумаара, мукад̇о жа наасад̇о жа ассаасабассаасз убарунд̇хим̣. д̇асса маяхам̣, рааж̇агумаара, мукад̇о жа наасад̇о жа ассаасабассаасзсу убаруд̣̇д̇хзсу ган̣н̣асод̇зхи ваад̇аанам̣ нигкаманд̇аанам̣ ад̇химад̇д̇о сад̣̇д̣̇о ход̇и. сзяяат̇ааби наама гаммаараг̇аг̇г̇арияаа д̇хамамаанааяа ад̇химад̇д̇о сад̣̇д̣̇о ход̇и, звамзва ко мз, рааж̇агумаара, мукад̇о жа наасад̇о жа ассаасабассаасзсу убаруд̣̇д̇хзсу ган̣н̣асод̇зхи ваад̇аанам̣ нигкаманд̇аанам̣ ад̇химад̇д̇о сад̣̇д̣̇о ход̇и. аарад̣̇д̇хам̣ ко бана мз, рааж̇агумаара, вийрияам̣ ход̇и асаллийнам̣, убадтид̇аа сад̇и асаммудтаа, саарад̣̇д̇хо жа бана мз гааяо ход̇и аббадиббассад̣̇д̇хо, д̇знзва д̣̇угкаббад̇хаанзна бад̇хаанаабхид̇уннасса сад̇о.
333. ‘‘Tassa mayhaṃ, rājakumāra, etadahosi – ‘yaṃnūnāhaṃ appāṇakaṃyeva jhānaṃ jhāyeyya’nti. So kho ahaṃ, rājakumāra, mukhato ca nāsato ca assāsapassāse uparundhiṃ. Tassa mayhaṃ, rājakumāra, mukhato ca nāsato ca assāsapassāsesu uparuddhesu kaṇṇasotehi vātānaṃ nikkhamantānaṃ adhimatto saddo hoti. Seyyathāpi nāma kammāragaggariyā dhamamānāya adhimatto saddo hoti, evameva kho me, rājakumāra, mukhato ca nāsato ca assāsapassāsesu uparuddhesu kaṇṇasotehi vātānaṃ nikkhamantānaṃ adhimatto saddo hoti. Āraddhaṃ kho pana me, rājakumāra, vīriyaṃ hoti asallīnaṃ, upaṭṭhitā sati asammuṭṭhā, sāraddho ca pana me kāyo hoti appaṭippassaddho, teneva dukkhappadhānena padhānābhitunnassa sato.
‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ аббаан̣агам̣язва жхаанам̣ жхааязяяа’нд̇и. со ко ахам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасз убарунд̇хим̣. д̇асса маяхам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇аа ваад̇аа муд̣̇д̇хани уухананд̇и 33. сзяяат̇ааби, рааж̇агумаара, б̣алаваа бурисо д̇ин̣хзна сикарзна муд̣̇д̇хани абхимад̇т̇зяяа 34, звамзва ко мз, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇аа ваад̇аа муд̣̇д̇хани уухананд̇и. аарад̣̇д̇хам̣ ко бана мз, рааж̇агумаара, вийрияам̣ ход̇и асаллийнам̣, убадтид̇аа сад̇и асаммудтаа, саарад̣̇д̇хо жа бана мз гааяо ход̇и аббадиббассад̣̇д̇хо, д̇знзва д̣̇угкаббад̇хаанзна бад̇хаанаабхид̇уннасса сад̇о.
‘‘Tassa mayhaṃ, rājakumāra, etadahosi – ‘yaṃnūnāhaṃ appāṇakaṃyeva jhānaṃ jhāyeyya’nti. So kho ahaṃ, rājakumāra, mukhato ca nāsato ca kaṇṇato ca assāsapassāse uparundhiṃ. Tassa mayhaṃ, rājakumāra, mukhato ca nāsato ca kaṇṇato ca assāsapassāsesu uparuddhesu adhimattā vātā muddhani ūhananti 35. Seyyathāpi, rājakumāra, balavā puriso tiṇhena sikharena muddhani abhimattheyya 36, evameva kho me, rājakumāra, mukhato ca nāsato ca kaṇṇato ca assāsapassāsesu uparuddhesu adhimattā vātā muddhani ūhananti. Āraddhaṃ kho pana me, rājakumāra, vīriyaṃ hoti asallīnaṃ, upaṭṭhitā sati asammuṭṭhā, sāraddho ca pana me kāyo hoti appaṭippassaddho, teneva dukkhappadhānena padhānābhitunnassa sato.
‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ аббаан̣агам̣язва жхаанам̣ жхааязяяа’нд̇и. со ко ахам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасз убарунд̇хим̣. д̇асса маяхам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇аа сийсз сийсавзд̣̇анаа хонд̇и. сзяяат̇ааби, рааж̇агумаара, б̣алаваа бурисо д̣̇ал̣хзна варад̇д̇агкан̣д̣зна 37 сийсз сийсавзтам̣ д̣̇ад̣̇зяяа; звамзва ко мз, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇аа сийсз сийсавзд̣̇анаа хонд̇и. аарад̣̇д̇хам̣ ко бана мз, рааж̇агумаара, вийрияам̣ ход̇и асаллийнам̣, убадтид̇аа сад̇и асаммудтаа, саарад̣̇д̇хо жа бана мз гааяо ход̇и аббадиббассад̣̇д̇хо, д̇знзва д̣̇угкаббад̇хаанзна бад̇хаанаабхид̇уннасса сад̇о.
‘‘Tassa mayhaṃ, rājakumāra, etadahosi – ‘yaṃnūnāhaṃ appāṇakaṃyeva jhānaṃ jhāyeyya’nti. So kho ahaṃ, rājakumāra, mukhato ca nāsato ca kaṇṇato ca assāsapassāse uparundhiṃ. Tassa mayhaṃ, rājakumāra, mukhato ca nāsato ca kaṇṇato ca assāsapassāsesu uparuddhesu adhimattā sīse sīsavedanā honti. Seyyathāpi, rājakumāra, balavā puriso daḷhena varattakkhaṇḍena 38 sīse sīsaveṭhaṃ dadeyya; evameva kho me, rājakumāra, mukhato ca nāsato ca kaṇṇato ca assāsapassāsesu uparuddhesu adhimattā sīse sīsavedanā honti. Āraddhaṃ kho pana me, rājakumāra, vīriyaṃ hoti asallīnaṃ, upaṭṭhitā sati asammuṭṭhā, sāraddho ca pana me kāyo hoti appaṭippassaddho, teneva dukkhappadhānena padhānābhitunnassa sato.
‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ аббаан̣агам̣язва жхаанам̣ жхааязяяа’нд̇и. со ко ахам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасз убарунд̇хим̣. д̇асса маяхам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇аа ваад̇аа гужчим̣ бариганд̇анд̇и. сзяяат̇ааби, рааж̇агумаара, д̣̇агко г̇огхаад̇аго ваа г̇огхаад̇аганд̇зваасий ваа д̇ин̣хзна г̇овиганд̇анзна гужчим̣ бариганд̇зяяа, звамзва ко мз, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇аа , ваад̇аа гужчим̣ бариганд̇анд̇и. аарад̣̇д̇хам̣ ко бана мз, рааж̇агумаара, вийрияам̣ ход̇и асаллийнам̣, убадтид̇аа сад̇и асаммудтаа, саарад̣̇д̇хо жа бана мз гааяо ход̇и аббадиббассад̣̇д̇хо, д̇знзва д̣̇угкаббад̇хаанзна бад̇хаанаабхид̇уннасса сад̇о.
‘‘Tassa mayhaṃ, rājakumāra, etadahosi – ‘yaṃnūnāhaṃ appāṇakaṃyeva jhānaṃ jhāyeyya’nti. So kho ahaṃ, rājakumāra, mukhato ca nāsato ca kaṇṇato ca assāsapassāse uparundhiṃ. Tassa mayhaṃ, rājakumāra, mukhato ca nāsato ca kaṇṇato ca assāsapassāsesu uparuddhesu adhimattā vātā kucchiṃ parikantanti. Seyyathāpi, rājakumāra, dakkho goghātako vā goghātakantevāsī vā tiṇhena govikantanena kucchiṃ parikanteyya, evameva kho me, rājakumāra, mukhato ca nāsato ca kaṇṇato ca assāsapassāsesu uparuddhesu adhimattā , vātā kucchiṃ parikantanti. Āraddhaṃ kho pana me, rājakumāra, vīriyaṃ hoti asallīnaṃ, upaṭṭhitā sati asammuṭṭhā, sāraddho ca pana me kāyo hoti appaṭippassaddho, teneva dukkhappadhānena padhānābhitunnassa sato.
‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ аббаан̣агам̣язва жхаанам̣ жхааязяяа’нд̇и. со ко ахам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасз убарунд̇хим̣. д̇асса маяхам̣, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇о гааяасмим̣ д̣аахо ход̇и. сзяяат̇ааби, рааж̇агумаара, д̣̇вз б̣алаванд̇о бурисаа д̣̇уб̣б̣алад̇арам̣ бурисам̣ наанааб̣аахаасу г̇ахзд̇ваа ан̇г̇аарагаасуяаа санд̇аабзяяум̣ самбарид̇аабзяяум̣, звамзва ко мз, рааж̇агумаара, мукад̇о жа наасад̇о жа ган̣н̣ад̇о жа ассаасабассаасзсу убаруд̣̇д̇хзсу ад̇химад̇д̇о гааяасмим̣ д̣аахо ход̇и. аарад̣̇д̇хам̣ ко бана мз, рааж̇агумаара, вийрияам̣ ход̇и асаллийнам̣, убадтид̇аа сад̇и асаммудтаа, саарад̣̇д̇хо жа бана мз гааяо ход̇и аббадиббассад̣̇д̇хо, д̇знзва д̣̇угкаббад̇хаанзна бад̇хаанаабхид̇уннасса сад̇о.
‘‘Tassa mayhaṃ, rājakumāra, etadahosi – ‘yaṃnūnāhaṃ appāṇakaṃyeva jhānaṃ jhāyeyya’nti. So kho ahaṃ, rājakumāra, mukhato ca nāsato ca kaṇṇato ca assāsapassāse uparundhiṃ. Tassa mayhaṃ, rājakumāra, mukhato ca nāsato ca kaṇṇato ca assāsapassāsesu uparuddhesu adhimatto kāyasmiṃ ḍāho hoti. Seyyathāpi, rājakumāra, dve balavanto purisā dubbalataraṃ purisaṃ nānābāhāsu gahetvā aṅgārakāsuyā santāpeyyuṃ samparitāpeyyuṃ, evameva kho me, rājakumāra, mukhato ca nāsato ca kaṇṇato ca assāsapassāsesu uparuddhesu adhimatto kāyasmiṃ ḍāho hoti. Āraddhaṃ kho pana me, rājakumāra, vīriyaṃ hoti asallīnaṃ, upaṭṭhitā sati asammuṭṭhā, sāraddho ca pana me kāyo hoti appaṭippassaddho, teneva dukkhappadhānena padhānābhitunnassa sato.
‘‘абиссу мам̣, рааж̇агумаара, д̣̇звад̇аа д̣̇исваа звамаахам̣су – ‘гаалан̇гад̇о саман̣о г̇од̇амо’д̇и. згажжаа д̣̇звад̇аа звамаахам̣су – ‘на гаалан̇гад̇о саман̣о г̇од̇амо, аби жа гаалан̇гарод̇ий’д̇и. згажжаа д̣̇звад̇аа звамаахам̣су – ‘на гаалан̇гад̇о саман̣о г̇од̇амо, нааби гаалан̇гарод̇и . арахам̣ саман̣о г̇од̇амо. вихаарод̇взва со 39 арахад̇о зваруубо ход̇ий’д̇и 40.
‘‘Apissu maṃ, rājakumāra, devatā disvā evamāhaṃsu – ‘kālaṅkato samaṇo gotamo’ti. Ekaccā devatā evamāhaṃsu – ‘na kālaṅkato samaṇo gotamo, api ca kālaṅkarotī’ti. Ekaccā devatā evamāhaṃsu – ‘na kālaṅkato samaṇo gotamo, nāpi kālaṅkaroti . Arahaṃ samaṇo gotamo. Vihārotveva so 41 arahato evarūpo hotī’ti 42.
334. ‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ саб̣б̣асо аахаарубажчзд̣̇ааяа бадибаж̇ж̇зяяа’нд̇и. ат̇а ко мам̣, рааж̇агумаара, д̣̇звад̇аа убасан̇гамид̇ваа зд̇ад̣̇авожум̣ – ‘маа ко д̇вам̣, маариса, саб̣б̣асо аахаарубажчзд̣̇ааяа бадибаж̇ж̇и. сажз ко д̇вам̣, маариса, саб̣б̣асо аахаарубажчзд̣̇ааяа бадибаж̇ж̇иссаси, д̇асса д̇з маяам̣ д̣̇иб̣б̣ам̣ ож̇ам̣ ломагуубзхи аж̇жхохаарзссаама 43, д̇ааяа д̇вам̣ яаабзссасий’д̇и. д̇асса маяхам̣, рааж̇агумаара, зд̇ад̣̇ахоси – ‘ахан̃жзва ко бана саб̣б̣асо аж̇аж̇ж̇ид̇ам̣ 44 бадиж̇аанзяяам̣. имаа жа мз д̣̇звад̇аа д̣̇иб̣б̣ам̣ ож̇ам̣ ломагуубзхи аж̇жхохаарзяяум̣ 45, д̇ааяа жаахам̣ яаабзяяам̣, д̇ам̣ мамасса мусаа’д̇и. со ко ахам̣, рааж̇агумаара, д̇аа д̣̇звад̇аа бажжаажигкаами. ‘хала’нд̇и вад̣̇аами.
334. ‘‘Tassa mayhaṃ, rājakumāra, etadahosi – ‘yaṃnūnāhaṃ sabbaso āhārupacchedāya paṭipajjeyya’nti. Atha kho maṃ, rājakumāra, devatā upasaṅkamitvā etadavocuṃ – ‘mā kho tvaṃ, mārisa, sabbaso āhārupacchedāya paṭipajji. Sace kho tvaṃ, mārisa, sabbaso āhārupacchedāya paṭipajjissasi, tassa te mayaṃ dibbaṃ ojaṃ lomakūpehi ajjhohāressāma 46, tāya tvaṃ yāpessasī’ti. Tassa mayhaṃ, rājakumāra, etadahosi – ‘ahañceva kho pana sabbaso ajajjitaṃ 47 paṭijāneyyaṃ. Imā ca me devatā dibbaṃ ojaṃ lomakūpehi ajjhohāreyyuṃ 48, tāya cāhaṃ yāpeyyaṃ, taṃ mamassa musā’ti. So kho ahaṃ, rājakumāra, tā devatā paccācikkhāmi. ‘Hala’nti vadāmi.
‘‘д̇асса маяхам̣, рааж̇агумаара, зд̇ад̣̇ахоси – ‘яам̣нуунаахам̣ т̇огам̣ т̇огам̣ аахаарам̣ аахаарзяяам̣ басад̇ам̣ басад̇ам̣, яад̣̇и ваа муг̇г̇аяуусам̣ яад̣̇и ваа гулад̇т̇аяуусам̣ яад̣̇и ваа гал̣ааяаяуусам̣ яад̣̇и ваа харзн̣угаяууса’нд̇и. со ко ахам̣, рааж̇агумаара, т̇огам̣ т̇огам̣ аахаарам̣ аахаарзсим̣ басад̇ам̣ басад̇ам̣, яад̣̇и ваа муг̇г̇аяуусам̣ яад̣̇и ваа гулад̇т̇аяуусам̣ яад̣̇и ваа гал̣ааяаяуусам̣ яад̣̇и ваа харзн̣угаяуусам̣. д̇асса маяхам̣, рааж̇агумаара, т̇огам̣ т̇огам̣ аахаарам̣ аахаараяад̇о басад̇ам̣ басад̇ам̣, яад̣̇и ваа муг̇г̇аяуусам̣ яад̣̇и ваа гулад̇т̇аяуусам̣ яад̣̇и ваа гал̣ааяаяуусам̣ яад̣̇и ваа харзн̣угаяуусам̣, ад̇химад̇д̇агасимаанам̣ бад̇д̇о гааяо ход̇и. сзяяат̇ааби наама аасийд̇игабаб̣б̣аани ваа гаал̣абаб̣б̣аани ваа, звамзвассу мз ан̇г̇абажжан̇г̇аани бхаванд̇и д̇ааязваббаахаарад̇ааяа. сзяяат̇ааби наама одтабад̣̇ам̣, звамзвассу мз аанисад̣̇ам̣ ход̇и д̇ааязваббаахаарад̇ааяа. сзяяат̇ааби наама вадданаавал̣ий, звамзвассу мз бидтиган̣даго ун̣н̣ад̇ааванад̇о ход̇и д̇ааязваббаахаарад̇ааяа. сзяяат̇ааби наама ж̇арасаалааяа г̇обаанасияо олуг̇г̇авилуг̇г̇аа бхаванд̇и, звамзвассу мз паасул̣ияо олуг̇г̇авилуг̇г̇аа бхаванд̇и д̇ааязваббаахаарад̇ааяа. сзяяат̇ааби наама г̇амбхийрз уд̣̇абаанз уд̣̇агад̇аарагаа г̇амбхийраг̇ад̇аа огкааяигаа д̣̇иссанд̇и, звамзвассу мз агкигуубзсу агкид̇аарагаа г̇амбхийраг̇ад̇аа огкааяигаа д̣̇иссанд̇и д̇ааязваббаахаарад̇ааяа. сзяяат̇ааби наама д̇ид̇д̇агаалааб̣у аамагажчинно ваад̇аад̇абзна сам̣пудид̇о 49 ход̇и саммилаад̇о, звамзвассу мз сийсажчави сам̣пудид̇аа ход̇и саммилаад̇аа д̇ааязваббаахаарад̇ааяа. со ко ахам̣, рааж̇агумаара, ‘уд̣̇аражчавим̣ баримасиссаамий’д̇и бидтиган̣дагам̣язва бариг̇г̇ан̣хаами, ‘бидтиган̣дагам̣ баримасиссаамий’д̇и уд̣̇аражчавим̣язва бариг̇г̇ан̣хаами. яаавассу мз, рааж̇агумаара, уд̣̇аражчави бидтиган̣дагам̣ аллийнаа ход̇и д̇ааязваббаахаарад̇ааяа. со ко ахам̣, рааж̇агумаара, ‘важжам̣ ваа муд̇д̇ам̣ ваа гариссаамий’д̇и д̇ад̇т̇зва авагуж̇ж̇о бабад̇аами д̇ааязваббаахаарад̇ааяа. со ко ахам̣, рааж̇агумаара, имамзва гааяам̣ ассаасзнд̇о баан̣инаа г̇ад̇д̇аани анумаж̇ж̇аами. д̇асса маяхам̣, рааж̇агумаара, баан̣инаа г̇ад̇д̇аани анумаж̇ж̇ад̇о бууд̇имуулаани ломаани гааяасмаа бабад̇анд̇и д̇ааязваббаахаарад̇ааяа. абиссу мам̣, рааж̇агумаара, мануссаа д̣̇исваа звамаахам̣су – ‘гаал̣о саман̣о г̇од̇амо’д̇и, згажжз мануссаа звамаахам̣су – ‘на гаал̣о саман̣о г̇од̇амо, саамо саман̣о г̇од̇амо’д̇и. згажжз мануссаа звамаахам̣су – ‘на гаал̣о саман̣о г̇од̇амо, наби саамо, ман̇г̇уражчави саман̣о г̇од̇амо’д̇и. яаавассу мз, рааж̇агумаара, д̇аава барисуд̣̇д̇хо чавиван̣н̣о барияод̣̇аад̇о убахад̇о ход̇и д̇ааязваббаахаарад̇ааяа.
‘‘Tassa mayhaṃ, rājakumāra, etadahosi – ‘yaṃnūnāhaṃ thokaṃ thokaṃ āhāraṃ āhāreyyaṃ pasataṃ pasataṃ, yadi vā muggayūsaṃ yadi vā kulatthayūsaṃ yadi vā kaḷāyayūsaṃ yadi vā hareṇukayūsa’nti. So kho ahaṃ, rājakumāra, thokaṃ thokaṃ āhāraṃ āhāresiṃ pasataṃ pasataṃ, yadi vā muggayūsaṃ yadi vā kulatthayūsaṃ yadi vā kaḷāyayūsaṃ yadi vā hareṇukayūsaṃ. Tassa mayhaṃ, rājakumāra, thokaṃ thokaṃ āhāraṃ āhārayato pasataṃ pasataṃ, yadi vā muggayūsaṃ yadi vā kulatthayūsaṃ yadi vā kaḷāyayūsaṃ yadi vā hareṇukayūsaṃ, adhimattakasimānaṃ patto kāyo hoti. Seyyathāpi nāma āsītikapabbāni vā kāḷapabbāni vā, evamevassu me aṅgapaccaṅgāni bhavanti tāyevappāhāratāya. Seyyathāpi nāma oṭṭhapadaṃ, evamevassu me ānisadaṃ hoti tāyevappāhāratāya. Seyyathāpi nāma vaṭṭanāvaḷī, evamevassu me piṭṭhikaṇṭako uṇṇatāvanato hoti tāyevappāhāratāya. Seyyathāpi nāma jarasālāya gopānasiyo oluggaviluggā bhavanti, evamevassu me phāsuḷiyo oluggaviluggā bhavanti tāyevappāhāratāya. Seyyathāpi nāma gambhīre udapāne udakatārakā gambhīragatā okkhāyikā dissanti, evamevassu me akkhikūpesu akkhitārakā gambhīragatā okkhāyikā dissanti tāyevappāhāratāya. Seyyathāpi nāma tittakālābu āmakacchinno vātātapena saṃphuṭito 50 hoti sammilāto, evamevassu me sīsacchavi saṃphuṭitā hoti sammilātā tāyevappāhāratāya. So kho ahaṃ, rājakumāra, ‘udaracchaviṃ parimasissāmī’ti piṭṭhikaṇṭakaṃyeva pariggaṇhāmi, ‘piṭṭhikaṇṭakaṃ parimasissāmī’ti udaracchaviṃyeva pariggaṇhāmi. Yāvassu me, rājakumāra, udaracchavi piṭṭhikaṇṭakaṃ allīnā hoti tāyevappāhāratāya. So kho ahaṃ, rājakumāra, ‘vaccaṃ vā muttaṃ vā karissāmī’ti tattheva avakujjo papatāmi tāyevappāhāratāya. So kho ahaṃ, rājakumāra, imameva kāyaṃ assāsento pāṇinā gattāni anumajjāmi. Tassa mayhaṃ, rājakumāra, pāṇinā gattāni anumajjato pūtimūlāni lomāni kāyasmā papatanti tāyevappāhāratāya. Apissu maṃ, rājakumāra, manussā disvā evamāhaṃsu – ‘kāḷo samaṇo gotamo’ti, ekacce manussā evamāhaṃsu – ‘na kāḷo samaṇo gotamo, sāmo samaṇo gotamo’ti. Ekacce manussā evamāhaṃsu – ‘na kāḷo samaṇo gotamo, napi sāmo, maṅguracchavi samaṇo gotamo’ti. Yāvassu me, rājakumāra, tāva parisuddho chavivaṇṇo pariyodāto upahato hoti tāyevappāhāratāya.
335. ‘‘д̇асса маяхам̣, рааж̇агумаара, зд̇ад̣̇ахоси – ‘яз ко гзжи ад̇ийд̇амад̣̇д̇хаанам̣ саман̣аа ваа б̣раахман̣аа ваа обаггамигаа д̣̇угкаа д̇иб̣б̣аа 51 караа гадугаа взд̣̇анаа взд̣̇аяим̣су, зд̇аавабарамам̣ наяид̇о бхияяо. язби хи гзжи анааг̇ад̇амад̣̇д̇хаанам̣ саман̣аа ваа б̣раахман̣аа ваа обаггамигаа д̣̇угкаа д̇иб̣б̣аа караа гадугаа взд̣̇анаа взд̣̇аяиссанд̇и, зд̇аавабарамам̣ наяид̇о бхияяо. язби хи гзжи зд̇арахи саман̣аа ваа б̣раахман̣аа ваа обаггамигаа д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и, зд̇аавабарамам̣ наяид̇о бхияяо. на ко банаахам̣ имааяа гадугааяа д̣̇уггарагааригааяа ад̇хиг̇ажчаами уд̇д̇аримануссад̇хаммаа аламарияан̃аан̣ад̣̇ассанависзсам̣; сияаа ну ко ан̃н̃о маг̇г̇о б̣од̇хааяаа’д̇и. д̇асса маяхам̣, рааж̇агумаара, зд̇ад̣̇ахоси – ‘абхиж̇аанаами ко банаахам̣ бид̇у саггасса гамманд̇з сийд̇ааяа ж̇амб̣ужчааяааяа нисинно вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарид̇аа; сияаа ну ко зсо маг̇г̇о б̣од̇хааяаа’д̇и. д̇асса маяхам̣, рааж̇агумаара, сад̇аанусаари вин̃н̃аан̣ам̣ ахоси – ‘зсзва маг̇г̇о б̣од̇хааяаа’д̇и. д̇асса маяхам̣, рааж̇агумаара, зд̇ад̣̇ахоси – ‘гим̣ ну ко ахам̣ д̇асса сукасса бхааяаами яам̣ д̇ам̣ сукам̣ ан̃н̃ад̇рзва гаамзхи ан̃н̃ад̇ра агусалзхи д̇хаммзхий’д̇и? д̇асса маяхам̣, рааж̇агумаара, зд̇ад̣̇ахоси – ‘на ко ахам̣ д̇асса сукасса бхааяаами яам̣ д̇ам̣ сукам̣ ан̃н̃ад̇рзва гаамзхи ан̃н̃ад̇ра агусалзхи д̇хаммзхий’д̇и.
335. ‘‘Tassa mayhaṃ, rājakumāra, etadahosi – ‘ye kho keci atītamaddhānaṃ samaṇā vā brāhmaṇā vā opakkamikā dukkhā tibbā 52 kharā kaṭukā vedanā vedayiṃsu, etāvaparamaṃ nayito bhiyyo. Yepi hi keci anāgatamaddhānaṃ samaṇā vā brāhmaṇā vā opakkamikā dukkhā tibbā kharā kaṭukā vedanā vedayissanti, etāvaparamaṃ nayito bhiyyo. Yepi hi keci etarahi samaṇā vā brāhmaṇā vā opakkamikā dukkhā tibbā kharā kaṭukā vedanā vedayanti, etāvaparamaṃ nayito bhiyyo. Na kho panāhaṃ imāya kaṭukāya dukkarakārikāya adhigacchāmi uttarimanussadhammā alamariyañāṇadassanavisesaṃ; siyā nu kho añño maggo bodhāyā’ti. Tassa mayhaṃ, rājakumāra, etadahosi – ‘abhijānāmi kho panāhaṃ pitu sakkassa kammante sītāya jambucchāyāya nisinno vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharitā; siyā nu kho eso maggo bodhāyā’ti. Tassa mayhaṃ, rājakumāra, satānusāri viññāṇaṃ ahosi – ‘eseva maggo bodhāyā’ti. Tassa mayhaṃ, rājakumāra, etadahosi – ‘kiṃ nu kho ahaṃ tassa sukhassa bhāyāmi yaṃ taṃ sukhaṃ aññatreva kāmehi aññatra akusalehi dhammehī’ti? Tassa mayhaṃ, rājakumāra, etadahosi – ‘na kho ahaṃ tassa sukhassa bhāyāmi yaṃ taṃ sukhaṃ aññatreva kāmehi aññatra akusalehi dhammehī’ti.
‘‘д̇асса маяхам̣, рааж̇агумаара, зд̇ад̣̇ахоси – ‘на ко д̇ам̣ сугарам̣ сукам̣ ад̇хиг̇анд̇ум̣ звам̣ ад̇химад̇д̇агасимаанам̣ бад̇д̇агааязна. яам̣нуунаахам̣ ол̣ааригам̣ аахаарам̣ аахаарзяяам̣ од̣̇анагуммааса’нд̇и. со ко ахам̣, рааж̇агумаара, ол̣ааригам̣ аахаарам̣ аахаарзсим̣ од̣̇анагуммаасам̣. д̇зна ко бана мам̣, рааж̇агумаара, самаязна бан̃жаваг̇г̇ияаа бхигкуу бажжубадтид̇аа хонд̇и – ‘яам̣ ко саман̣о г̇од̇амо д̇хаммам̣ ад̇хиг̇амиссад̇и д̇ам̣ но аарожзссад̇ий’д̇и. яад̇о ко ахам̣, рааж̇агумаара, ол̣ааригам̣ аахаарам̣ аахаарзсим̣ од̣̇анагуммаасам̣, ат̇а мз д̇з бан̃жаваг̇г̇ияаа бхигкуу ниб̣б̣иж̇ж̇а баггамим̣су – ‘б̣аахуллиго 53 саман̣о г̇од̇амо бад̇хаанавиб̣бханд̇о, аавад̇д̇о б̣аахуллааяаа’д̇и.
‘‘Tassa mayhaṃ, rājakumāra, etadahosi – ‘na kho taṃ sukaraṃ sukhaṃ adhigantuṃ evaṃ adhimattakasimānaṃ pattakāyena. Yaṃnūnāhaṃ oḷārikaṃ āhāraṃ āhāreyyaṃ odanakummāsa’nti. So kho ahaṃ, rājakumāra, oḷārikaṃ āhāraṃ āhāresiṃ odanakummāsaṃ. Tena kho pana maṃ, rājakumāra, samayena pañcavaggiyā bhikkhū paccupaṭṭhitā honti – ‘yaṃ kho samaṇo gotamo dhammaṃ adhigamissati taṃ no ārocessatī’ti. Yato kho ahaṃ, rājakumāra, oḷārikaṃ āhāraṃ āhāresiṃ odanakummāsaṃ, atha me te pañcavaggiyā bhikkhū nibbijja pakkamiṃsu – ‘bāhulliko 54 samaṇo gotamo padhānavibbhanto, āvatto bāhullāyā’ti.
336. ‘‘со ко ахам̣, рааж̇агумаара, ол̣ааригам̣ аахаарам̣ аахаарзд̇ваа б̣алам̣ г̇ахзд̇ваа вивижжзва гаамзхи…бз… батамам̣ жхаанам̣ убасамбаж̇ж̇а вихаасим̣. вид̇аггавижаараанам̣ вуубасамаа… д̣̇уд̇ияам̣ жхаанам̣… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихаасим̣. со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзсим̣. со анзгавихид̇ам̣ буб̣б̣зниваасам̣ ануссараами, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссараами. аяам̣ ко мз, рааж̇агумаара, рад̇д̇ияаа батамз яаамз батамаа виж̇ж̇аа ад̇хиг̇ад̇аа, авиж̇ж̇аа вихад̇аа, виж̇ж̇аа уббаннаа; д̇амо вихад̇о, аалого уббанно – яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
336. ‘‘So kho ahaṃ, rājakumāra, oḷārikaṃ āhāraṃ āhāretvā balaṃ gahetvā vivicceva kāmehi…pe… paṭhamaṃ jhānaṃ upasampajja vihāsiṃ. Vitakkavicārānaṃ vūpasamā… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja vihāsiṃ. So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmesiṃ. So anekavihitaṃ pubbenivāsaṃ anussarāmi, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarāmi. Ayaṃ kho me, rājakumāra, rattiyā paṭhame yāme paṭhamā vijjā adhigatā, avijjā vihatā, vijjā uppannā; tamo vihato, āloko uppanno – yathā taṃ appamattassa ātāpino pahitattassa viharato.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзсим̣. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаами …бз… аяам̣ ко мз, рааж̇агумаара, рад̇д̇ияаа маж̇жхимз яаамз д̣̇уд̇ияаа виж̇ж̇аа ад̇хиг̇ад̇аа, авиж̇ж̇аа вихад̇аа, виж̇ж̇аа уббаннаа; д̇амо вихад̇о, аалого уббанно – яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmesiṃ. So dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāmi …pe… ayaṃ kho me, rājakumāra, rattiyā majjhime yāme dutiyā vijjā adhigatā, avijjā vihatā, vijjā uppannā; tamo vihato, āloko uppanno – yathā taṃ appamattassa ātāpino pahitattassa viharato.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзсим̣. со ‘ид̣̇ам̣ д̣̇угка’нд̇и яат̇аабхууд̇ам̣ аб̣бхан̃н̃аасим̣…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣; ‘имз аасаваа’д̇и яат̇аабхууд̇ам̣ аб̣бхан̃н̃аасим̣…бз… ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ аб̣бхан̃н̃аасим̣. д̇асса мз звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжид̇т̇а, бхаваасавааби жид̇д̇ам̣ вимужжид̇т̇а, авиж̇ж̇аасавааби жид̇д̇ам̣ вимужжид̇т̇а. вимуд̇д̇асмим̣ вимуд̇д̇амид̇и н̃аан̣ам̣ ахоси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃аасим̣. аяам̣ ко мз, рааж̇агумаара, рад̇д̇ияаа бажчимз яаамз д̇ад̇ияаа виж̇ж̇аа ад̇хиг̇ад̇аа, авиж̇ж̇аа вихад̇аа, виж̇ж̇аа уббаннаа; д̇амо вихад̇о, аалого уббанно – яат̇аа д̇ам̣ аббамад̇д̇асса аад̇аабино бахид̇ад̇д̇асса вихарад̇о.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmesiṃ. So ‘idaṃ dukkha’nti yathābhūtaṃ abbhaññāsiṃ…pe… ‘ayaṃ dukkhanirodhagāminī paṭipadā’ti yathābhūtaṃ abbhaññāsiṃ; ‘ime āsavā’ti yathābhūtaṃ abbhaññāsiṃ…pe… ‘ayaṃ āsavanirodhagāminī paṭipadā’ti yathābhūtaṃ abbhaññāsiṃ. Tassa me evaṃ jānato evaṃ passato kāmāsavāpi cittaṃ vimuccittha, bhavāsavāpi cittaṃ vimuccittha, avijjāsavāpi cittaṃ vimuccittha. Vimuttasmiṃ vimuttamiti ñāṇaṃ ahosi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsiṃ. Ayaṃ kho me, rājakumāra, rattiyā pacchime yāme tatiyā vijjā adhigatā, avijjā vihatā, vijjā uppannā; tamo vihato, āloko uppanno – yathā taṃ appamattassa ātāpino pahitattassa viharato.
337. ‘‘д̇асса маяхам̣, рааж̇агумаара, зд̇ад̣̇ахоси – ‘ад̇хиг̇ад̇о ко мяааяам̣ д̇хаммо г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо. аалаяараамаа ко банааяам̣ баж̇аа аалаяарад̇аа аалаяасаммуд̣̇ид̇аа. аалаяараамааяа ко бана баж̇ааяа аалаяарад̇ааяа аалаяасаммуд̣̇ид̇ааяа д̣̇уд̣̇д̣̇асам̣ ид̣̇ам̣ таанам̣ яад̣̇ид̣̇ам̣ – ид̣̇аббажжаяад̇аабадижжасамуббаад̣̇о. ид̣̇амби ко таанам̣ д̣̇уд̣̇д̣̇асам̣ – яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аанам̣ . ахан̃жзва ко бана д̇хаммам̣ д̣̇зсзяяам̣, барз жа мз на ааж̇аанзяяум̣, со мамасса гиламат̇о, саа мамасса вихзсаа’д̇и. абиссу мам̣, рааж̇агумаара, имаа анажчарияаа г̇аат̇ааяо бадибхам̣су буб̣б̣з ассуд̇абуб̣б̣аа –
337. ‘‘Tassa mayhaṃ, rājakumāra, etadahosi – ‘adhigato kho myāyaṃ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo. Ālayarāmā kho panāyaṃ pajā ālayaratā ālayasammuditā. Ālayarāmāya kho pana pajāya ālayaratāya ālayasammuditāya duddasaṃ idaṃ ṭhānaṃ yadidaṃ – idappaccayatāpaṭiccasamuppādo. Idampi kho ṭhānaṃ duddasaṃ – yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ . Ahañceva kho pana dhammaṃ deseyyaṃ, pare ca me na ājāneyyuṃ, so mamassa kilamatho, sā mamassa vihesā’ti. Apissu maṃ, rājakumāra, imā anacchariyā gāthāyo paṭibhaṃsu pubbe assutapubbā –
‘гижчзна мз ад̇хиг̇ад̇ам̣, халам̣ д̣̇аани багаасид̇ум̣;
‘Kicchena me adhigataṃ, halaṃ dāni pakāsituṃ;
рааг̇ад̣̇осабарзд̇зхи, нааяам̣ д̇хаммо сусамб̣уд̇хо.
Rāgadosaparetehi, nāyaṃ dhammo susambudho.
‘бадисод̇аг̇аамим̣ нибун̣ам̣, г̇амбхийрам̣ д̣̇уд̣̇д̣̇асам̣ ан̣ум̣;
‘Paṭisotagāmiṃ nipuṇaṃ, gambhīraṃ duddasaṃ aṇuṃ;
рааг̇арад̇д̇аа на д̣̇агканд̇и, д̇амоканд̇хзна аавудаа’ 55 д̇и.
Rāgarattā na dakkhanti, tamokhandhena āvuṭā’ 56 ti.
‘‘ид̇иха мз, рааж̇агумаара, бадисан̃жигкад̇о аббоссуггад̇ааяа жид̇д̇ам̣ намад̇и но д̇хаммад̣̇зсанааяа.
‘‘Itiha me, rājakumāra, paṭisañcikkhato appossukkatāya cittaṃ namati no dhammadesanāya.
338. ‘‘ат̇а ко, рааж̇агумаара, б̣рахмуно сахамбад̇исса мама жзд̇асаа жзд̇обаривид̇аггаман̃н̃ааяа зд̇ад̣̇ахоси – ‘нассад̇и вад̇а, бхо, лого; винассад̇и вад̇а, бхо, лого. яад̇ра хи наама д̇ат̇ааг̇ад̇асса арахад̇о саммаасамб̣уд̣̇д̇хасса аббоссуггад̇ааяа жид̇д̇ам̣ намад̇и 57 но д̇хаммад̣̇зсанааяаа’д̇и. ат̇а ко, рааж̇агумаара, б̣рахмаа сахамбад̇и – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа басаарид̇ам̣ ваа б̣аахам̣ самин̃ж̇зяяа, звамзва – б̣рахмалогз анд̇арахид̇о мама бурад̇о баад̇урахоси. ат̇а ко, рааж̇агумаара, б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа язнаахам̣ д̇знан̃ж̇алим̣ бан̣аамзд̇ваа мам̣ зд̇ад̣̇авожа – ‘д̣̇зсзд̇у, бханд̇з, бхаг̇аваа д̇хаммам̣, д̣̇зсзд̇у суг̇ад̇о д̇хаммам̣. санд̇и сад̇д̇аа аббараж̇агкаж̇аад̇игаа ассаванад̇ааяа д̇хаммасса барихааяанд̇и; бхависсанд̇и д̇хаммасса ан̃н̃аад̇ааро’д̇и . ид̣̇амавожа, рааж̇агумаара, б̣рахмаа сахамбад̇и; ид̣̇ам̣ вад̇ваа ат̇аабарам̣ зд̇ад̣̇авожа –
338. ‘‘Atha kho, rājakumāra, brahmuno sahampatissa mama cetasā cetoparivitakkamaññāya etadahosi – ‘nassati vata, bho, loko; vinassati vata, bho, loko. Yatra hi nāma tathāgatassa arahato sammāsambuddhassa appossukkatāya cittaṃ namati 58 no dhammadesanāyā’ti. Atha kho, rājakumāra, brahmā sahampati – seyyathāpi nāma balavā puriso samiñjitaṃ vā bāhaṃ pasāreyya pasāritaṃ vā bāhaṃ samiñjeyya, evameva – brahmaloke antarahito mama purato pāturahosi. Atha kho, rājakumāra, brahmā sahampati ekaṃsaṃ uttarāsaṅgaṃ karitvā yenāhaṃ tenañjaliṃ paṇāmetvā maṃ etadavoca – ‘desetu, bhante, bhagavā dhammaṃ, desetu sugato dhammaṃ. Santi sattā apparajakkhajātikā assavanatāya dhammassa parihāyanti; bhavissanti dhammassa aññātāro’ti . Idamavoca, rājakumāra, brahmā sahampati; idaṃ vatvā athāparaṃ etadavoca –
‘баад̇урахоси маг̇ад̇хзсу буб̣б̣з,
‘Pāturahosi magadhesu pubbe,
д̇хаммо асуд̣̇д̇хо самалзхи жинд̇ид̇о;
Dhammo asuddho samalehi cintito;
сун̣анд̇у д̇хаммам̣ вималзнаануб̣уд̣̇д̇хам̣.
Suṇantu dhammaṃ vimalenānubuddhaṃ.
‘сзлз яат̇аа баб̣б̣ад̇амуд̣̇д̇ханидтид̇о,
‘Sele yathā pabbatamuddhaniṭṭhito,
яат̇ааби бассз ж̇анад̇ам̣ саманд̇ад̇о;
Yathāpi passe janataṃ samantato;
д̇ат̇уубамам̣ д̇хаммамаяам̣ сумзд̇ха,
Tathūpamaṃ dhammamayaṃ sumedha,
баасаад̣̇амааруяха саманд̇ажагку.
Pāsādamāruyha samantacakkhu.
авзгкассу ж̇аад̇иж̇араабхибхууд̇ам̣;
Avekkhassu jātijarābhibhūtaṃ;
удтзхи вийра, виж̇ид̇асан̇г̇аама,
Uṭṭhehi vīra, vijitasaṅgāma,
ан̃н̃аад̇ааро бхависсанд̇ий’д̇и.
Aññātāro bhavissantī’ti.
339. ‘‘ат̇а кваахам̣, рааж̇агумаара, б̣рахмуно жа аж̇жхзсанам̣ вид̣̇ид̇ваа сад̇д̇зсу жа гаарун̃н̃ад̇ам̣ бадижжа б̣уд̣̇д̇хажагкунаа логам̣ вологзсим̣. ад̣̇д̣̇асам̣ ко ахам̣, рааж̇агумаара, б̣уд̣̇д̇хажагкунаа логам̣ вологзнд̇о сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз аббзгажжз баралогаваж̇ж̇абхаяад̣̇ассаавинз 67 вихаранд̇з, аббзгажжз на баралогаваж̇ж̇абхаяад̣̇ассаавинз вихаранд̇з. сзяяат̇ааби наама уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇онимуг̇г̇абосийни, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани самод̣̇агам̣ тид̇аани, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаа ажжуг̇г̇амма тид̇аани 68 анубалид̇д̇аани уд̣̇агзна, звамзва ко ахам̣, рааж̇агумаара, б̣уд̣̇д̇хажагкунаа логам̣ вологзнд̇о ад̣̇д̣̇асам̣ сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз, аббзгажжз баралогаваж̇ж̇абхаяад̣̇ассаавинз вихаранд̇з, аббзгажжз на баралогаваж̇ж̇абхаяад̣̇ассаавинз вихаранд̇з. ат̇а кваахам̣, рааж̇агумаара, б̣рахмаанам̣ сахамбад̇им̣ г̇аат̇ааяа бажжабхаасим̣ –
339. ‘‘Atha khvāhaṃ, rājakumāra, brahmuno ca ajjhesanaṃ viditvā sattesu ca kāruññataṃ paṭicca buddhacakkhunā lokaṃ volokesiṃ. Addasaṃ kho ahaṃ, rājakumāra, buddhacakkhunā lokaṃ volokento satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvine 69 viharante, appekacce na paralokavajjabhayadassāvine viharante. Seyyathāpi nāma uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni antonimuggaposīni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni samodakaṃ ṭhitāni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakā accuggamma ṭhitāni 70 anupalittāni udakena, evameva kho ahaṃ, rājakumāra, buddhacakkhunā lokaṃ volokento addasaṃ satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye, appekacce paralokavajjabhayadassāvine viharante, appekacce na paralokavajjabhayadassāvine viharante. Atha khvāhaṃ, rājakumāra, brahmānaṃ sahampatiṃ gāthāya paccabhāsiṃ –
‘абааруд̇аа д̇зсам̣ амад̇асса д̣̇ваараа,
‘Apārutā tesaṃ amatassa dvārā,
яз сод̇аванд̇о бамун̃жанд̇у сад̣̇д̇хам̣;
Ye sotavanto pamuñcantu saddhaṃ;
вихим̣сасан̃н̃ий баг̇ун̣ам̣ на бхаасим̣,
Vihiṃsasaññī paguṇaṃ na bhāsiṃ,
д̇хаммам̣ бан̣ийд̇ам̣ мануж̇зсу б̣рахмз’д̇и.
Dhammaṃ paṇītaṃ manujesu brahme’ti.
340. ‘‘ат̇а ко, рааж̇агумаара, б̣рахмаа сахамбад̇и ‘гад̇аавагаасо комхи бхаг̇авад̇аа д̇хаммад̣̇зсанааяаа’д̇и мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
340. ‘‘Atha kho, rājakumāra, brahmā sahampati ‘katāvakāso khomhi bhagavatā dhammadesanāyā’ti maṃ abhivādetvā padakkhiṇaṃ katvā tatthevantaradhāyi.
‘‘д̇асса маяхам̣, рааж̇агумаара, зд̇ад̣̇ахоси – ‘гасса ну ко ахам̣ батамам̣ д̇хаммам̣ д̣̇зсзяяам̣? го имам̣ д̇хаммам̣ киббамзва ааж̇ааниссад̇ий’д̇и? д̇асса маяхам̣, рааж̇агумаара, зд̇ад̣̇ахоси – ‘аяам̣ ко аал̣ааро гаалаамо бан̣д̣ид̇о вияад̇д̇о мзд̇хаавий д̣̇ийгхарад̇д̇ам̣ аббараж̇агкаж̇аад̇иго. яам̣нуунаахам̣ аал̣аарасса гаалаамасса батамам̣ д̇хаммам̣ д̣̇зсзяяам̣; со имам̣ д̇хаммам̣ киббамзва ааж̇ааниссад̇ий’д̇и. ат̇а ко мам̣, рааж̇агумаара, д̣̇звад̇аа убасан̇гамид̇ваа зд̇ад̣̇авожа – ‘сад̇д̇аахагаалан̇гад̇о, бханд̇з, аал̣ааро гаалаамо’д̇и. н̃аан̣ан̃жа бана мз д̣̇ассанам̣ уд̣̇абаад̣̇и – ‘сад̇д̇аахагаалан̇гад̇о аал̣ааро гаалаамо’д̇и. д̇асса маяхам̣, рааж̇агумаара, зд̇ад̣̇ахоси – ‘махааж̇аанияо ко аал̣ааро гаалаамо. сажз хи со имам̣ д̇хаммам̣ сун̣зяяа, киббамзва ааж̇аанзяяаа’д̇и. д̇асса маяхам̣, рааж̇агумаара, зд̇ад̣̇ахоси – ‘гасса ну ко ахам̣ батамам̣ д̇хаммам̣ д̣̇зсзяяам̣? го имам̣ д̇хаммам̣ киббамзва ааж̇ааниссад̇ий’д̇и? д̇асса маяхам̣, рааж̇агумаара, зд̇ад̣̇ахоси – ‘аяам̣ ко уд̣̇аго раамабуд̇д̇о бан̣д̣ид̇о вияад̇д̇о мзд̇хаавий д̣̇ийгхарад̇д̇ам̣ аббараж̇агкаж̇аад̇иго. яам̣нуунаахам̣ уд̣̇агасса раамабуд̇д̇асса батамам̣ д̇хаммам̣ д̣̇зсзяяам̣; со имам̣ д̇хаммам̣ киббамзва ааж̇ааниссад̇ий’д̇и. ат̇а ко мам̣, рааж̇агумаара, д̣̇звад̇аа убасан̇гамид̇ваа зд̇ад̣̇авожа – ‘абхид̣̇осагаалан̇гад̇о, бханд̇з, уд̣̇аго раамабуд̇д̇о’д̇и. н̃аан̣ан̃жа бана мз д̣̇ассанам̣ уд̣̇абаад̣̇и – ‘абхид̣̇осагаалан̇гад̇о уд̣̇аго раамабуд̇д̇о’д̇и. д̇асса маяхам̣, рааж̇агумаара, зд̇ад̣̇ахоси – ‘махааж̇аанияо ко уд̣̇аго раамабуд̇д̇о. сажз хи со имам̣ д̇хаммам̣ сун̣зяяа, киббамзва ааж̇аанзяяаа’д̇и.
‘‘Tassa mayhaṃ, rājakumāra, etadahosi – ‘kassa nu kho ahaṃ paṭhamaṃ dhammaṃ deseyyaṃ? Ko imaṃ dhammaṃ khippameva ājānissatī’ti? Tassa mayhaṃ, rājakumāra, etadahosi – ‘ayaṃ kho āḷāro kālāmo paṇḍito viyatto medhāvī dīgharattaṃ apparajakkhajātiko. Yaṃnūnāhaṃ āḷārassa kālāmassa paṭhamaṃ dhammaṃ deseyyaṃ; so imaṃ dhammaṃ khippameva ājānissatī’ti. Atha kho maṃ, rājakumāra, devatā upasaṅkamitvā etadavoca – ‘sattāhakālaṅkato, bhante, āḷāro kālāmo’ti. Ñāṇañca pana me dassanaṃ udapādi – ‘sattāhakālaṅkato āḷāro kālāmo’ti. Tassa mayhaṃ, rājakumāra, etadahosi – ‘mahājāniyo kho āḷāro kālāmo. Sace hi so imaṃ dhammaṃ suṇeyya, khippameva ājāneyyā’ti. Tassa mayhaṃ, rājakumāra, etadahosi – ‘kassa nu kho ahaṃ paṭhamaṃ dhammaṃ deseyyaṃ? Ko imaṃ dhammaṃ khippameva ājānissatī’ti? Tassa mayhaṃ, rājakumāra, etadahosi – ‘ayaṃ kho udako rāmaputto paṇḍito viyatto medhāvī dīgharattaṃ apparajakkhajātiko. Yaṃnūnāhaṃ udakassa rāmaputtassa paṭhamaṃ dhammaṃ deseyyaṃ; so imaṃ dhammaṃ khippameva ājānissatī’ti. Atha kho maṃ, rājakumāra, devatā upasaṅkamitvā etadavoca – ‘abhidosakālaṅkato, bhante, udako rāmaputto’ti. Ñāṇañca pana me dassanaṃ udapādi – ‘abhidosakālaṅkato udako rāmaputto’ti. Tassa mayhaṃ, rājakumāra, etadahosi – ‘mahājāniyo kho udako rāmaputto. Sace hi so imaṃ dhammaṃ suṇeyya, khippameva ājāneyyā’ti.
341. ‘‘д̇асса маяхам̣, рааж̇агумаара, зд̇ад̣̇ахоси – ‘гасса ну ко ахам̣ батамам̣ д̇хаммам̣ д̣̇зсзяяам̣? го имам̣ д̇хаммам̣ киббамзва ааж̇ааниссад̇ий’д̇и? д̇асса маяхам̣, рааж̇агумаара, зд̇ад̣̇ахоси – ‘б̣ахугаараа ко мз бан̃жаваг̇г̇ияаа бхигкуу яз мам̣ бад̇хаанабахид̇ад̇д̇ам̣ убадтахим̣су. яам̣нуунаахам̣ бан̃жаваг̇г̇ияаанам̣ бхигкуунам̣ батамам̣ д̇хаммам̣ д̣̇зсзяяа’нд̇и. д̇асса маяхам̣, рааж̇агумаара, зд̇ад̣̇ахоси – ‘гахам̣ ну ко зд̇арахи бан̃жаваг̇г̇ияаа бхигкуу вихаранд̇ий’д̇и. ад̣̇д̣̇асам̣ кваахам̣, рааж̇агумаара, д̣̇иб̣б̣зна жагкунаа висуд̣̇д̇хзна ад̇игганд̇амаанусагзна бан̃жаваг̇г̇ияз бхигкуу б̣аараан̣асияам̣ вихаранд̇з исибад̇анз миг̇ад̣̇ааяз. ат̇а кваахам̣, рааж̇агумаара, урувзлааяам̣ яат̇аабхиранд̇ам̣ вихарид̇ваа язна б̣аараан̣асий д̇зна жааригам̣ баггамим̣.
341. ‘‘Tassa mayhaṃ, rājakumāra, etadahosi – ‘kassa nu kho ahaṃ paṭhamaṃ dhammaṃ deseyyaṃ? Ko imaṃ dhammaṃ khippameva ājānissatī’ti? Tassa mayhaṃ, rājakumāra, etadahosi – ‘bahukārā kho me pañcavaggiyā bhikkhū ye maṃ padhānapahitattaṃ upaṭṭhahiṃsu. Yaṃnūnāhaṃ pañcavaggiyānaṃ bhikkhūnaṃ paṭhamaṃ dhammaṃ deseyya’nti. Tassa mayhaṃ, rājakumāra, etadahosi – ‘kahaṃ nu kho etarahi pañcavaggiyā bhikkhū viharantī’ti. Addasaṃ khvāhaṃ, rājakumāra, dibbena cakkhunā visuddhena atikkantamānusakena pañcavaggiye bhikkhū bārāṇasiyaṃ viharante isipatane migadāye. Atha khvāhaṃ, rājakumāra, uruvelāyaṃ yathābhirantaṃ viharitvā yena bārāṇasī tena cārikaṃ pakkamiṃ.
‘‘ад̣̇д̣̇асаа ко мам̣, рааж̇агумаара, убаго ааж̇ийваго анд̇араа жа г̇аяам̣ анд̇араа жа б̣од̇хим̣ ад̣̇д̇хаанамаг̇г̇аббадибаннам̣ . д̣̇исваана мам̣ зд̇ад̣̇авожа – ‘виббасаннаани ко д̇з, аавусо, инд̣̇рияаани, барисуд̣̇д̇хо чавиван̣н̣о барияод̣̇аад̇о. гам̣си д̇вам̣, аавусо, уд̣̇д̣̇исса баб̣б̣аж̇ид̇о? го ваа д̇з сад̇т̇аа? гасса ваа д̇вам̣ д̇хаммам̣ рожзсий’д̇и? звам̣ вуд̇д̇з, ахам̣, рааж̇агумаара, убагам̣ ааж̇ийвагам̣ г̇аат̇аахи аж̇жхабхаасим̣ –
‘‘Addasā kho maṃ, rājakumāra, upako ājīvako antarā ca gayaṃ antarā ca bodhiṃ addhānamaggappaṭipannaṃ . Disvāna maṃ etadavoca – ‘vippasannāni kho te, āvuso, indriyāni, parisuddho chavivaṇṇo pariyodāto. Kaṃsi tvaṃ, āvuso, uddissa pabbajito? Ko vā te satthā? Kassa vā tvaṃ dhammaṃ rocesī’ti? Evaṃ vutte, ahaṃ, rājakumāra, upakaṃ ājīvakaṃ gāthāhi ajjhabhāsiṃ –
‘саб̣б̣аабхибхуу саб̣б̣авид̣̇уухамасми,
‘Sabbābhibhū sabbavidūhamasmi,
саб̣б̣зсу д̇хаммзсу ануубалид̇д̇о;
Sabbesu dhammesu anūpalitto;
саб̣б̣ан̃ж̇ахо д̇ан̣хаагкаяз вимуд̇д̇о,
Sabbañjaho taṇhākkhaye vimutto,
саяам̣ абхин̃н̃ааяа гамуд̣̇д̣̇исзяяам̣.
Sayaṃ abhiññāya kamuddiseyyaṃ.
‘на мз аажарияо ад̇т̇и, сад̣̇исо мз на виж̇ж̇ад̇и;
‘Na me ācariyo atthi, sadiso me na vijjati;
сад̣̇звагасмим̣ логасмим̣, над̇т̇и мз бадибуг̇г̇ало.
Sadevakasmiṃ lokasmiṃ, natthi me paṭipuggalo.
‘ахан̃хи арахаа логз, ахам̣ сад̇т̇аа ануд̇д̇аро;
‘Ahañhi arahā loke, ahaṃ satthā anuttaro;
згомхи саммаасамб̣уд̣̇д̇хо, сийд̇ибхууд̇осми ниб̣б̣уд̇о.
Ekomhi sammāsambuddho, sītibhūtosmi nibbuto.
‘д̇хаммажаггам̣ бавад̇д̇зд̇ум̣, г̇ажчаами гаасинам̣ бурам̣;
‘Dhammacakkaṃ pavattetuṃ, gacchāmi kāsinaṃ puraṃ;
‘яат̇аа ко д̇вам̣, аавусо, бадиж̇аанааси арахаси ананд̇аж̇ино’д̇и.
‘Yathā kho tvaṃ, āvuso, paṭijānāsi arahasi anantajino’ti.
‘маад̣̇исаа вз ж̇инаа хонд̇и, яз бад̇д̇аа аасавагкаяам̣;
‘Mādisā ve jinā honti, ye pattā āsavakkhayaṃ;
ж̇ид̇аа мз баабагаа д̇хаммаа, д̇асмаахамубага 75 ж̇ино’д̇и.
Jitā me pāpakā dhammā, tasmāhamupaka 76 jino’ti.
‘‘звам̣ вуд̇д̇з, рааж̇агумаара, убаго ааж̇ийваго ‘хубзяяабаавусо’д̇и 77 вад̇ваа сийсам̣ огамбзд̇ваа уммаг̇г̇ам̣ г̇ахзд̇ваа баггаами.
‘‘Evaṃ vutte, rājakumāra, upako ājīvako ‘hupeyyapāvuso’ti 78 vatvā sīsaṃ okampetvā ummaggaṃ gahetvā pakkāmi.
342. ‘‘ат̇а кваахам̣, рааж̇агумаара, анубуб̣б̣зна жааригам̣ жарамаано язна б̣аараан̣асий исибад̇анам̣ миг̇ад̣̇ааяо язна бан̃жаваг̇г̇ияаа бхигкуу д̇знубасан̇гамим̣. ад̣̇д̣̇асам̣су ко мам̣, рааж̇агумаара, бан̃жаваг̇г̇ияаа бхигкуу д̣̇уурад̇ова ааг̇ажчанд̇ам̣. д̣̇исваана ан̃н̃аман̃н̃ам̣ сан̣табзсум̣ – ‘аяам̣ ко, аавусо, саман̣о г̇од̇амо ааг̇ажчад̇и б̣аахуллиго бад̇хаанавиб̣бханд̇о аавад̇д̇о б̣аахуллааяа. со нзва абхиваад̣̇зд̇аб̣б̣о, на бажжудтаад̇аб̣б̣о, наасса бад̇д̇ажийварам̣ бадиг̇г̇ахзд̇аб̣б̣ам̣; аби жа ко аасанам̣ табзд̇аб̣б̣ам̣ – сажз со ааган̇киссад̇и нисийд̣̇иссад̇ий’д̇и. яат̇аа яат̇аа ко ахам̣, рааж̇агумаара, бан̃жаваг̇г̇ияз бхигкуу убасан̇гамим̣ 79, д̇ат̇аа д̇ат̇аа бан̃жаваг̇г̇ияаа бхигкуу наасагким̣су сагааяа гад̇игааяа сан̣таад̇ум̣. аббзгажжз мам̣ бажжуг̇г̇анд̇ваа бад̇д̇ажийварам̣ бадиг̇г̇ахзсум̣. аббзгажжз аасанам̣ бан̃н̃абзсум̣. аббзгажжз баад̣̇од̣̇агам̣ убадтабзсум̣. аби жа ко мам̣ наамзна жа аавусоваад̣̇зна жа самуд̣̇аажаранд̇и. звам̣ вуд̇д̇з, ахам̣, рааж̇агумаара, бан̃жаваг̇г̇ияз бхигкуу зд̇ад̣̇авожам̣ – ‘маа, бхигкавз, д̇ат̇ааг̇ад̇ам̣ наамзна жа аавусоваад̣̇зна жа самуд̣̇аажарат̇а 80; арахам̣, бхигкавз, д̇ат̇ааг̇ад̇о саммаасамб̣уд̣̇д̇хо. од̣̇ахат̇а, бхигкавз, сод̇ам̣. амад̇амад̇хиг̇ад̇ам̣. ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и. звам̣ вуд̇д̇з, рааж̇агумаара, бан̃жаваг̇г̇ияаа бхигкуу мам̣ зд̇ад̣̇авожум̣ – ‘д̇ааяаби ко д̇вам̣, аавусо г̇од̇ама, ирияааяа 81 д̇ааяа бадибад̣̇ааяа д̇ааяа д̣̇уггарагааригааяа нааж̇жхаг̇амаа уд̇д̇аримануссад̇хаммаа аламарияан̃аан̣ад̣̇ассанависзсам̣; гим̣ бана д̇вам̣ зд̇арахи б̣аахуллиго бад̇хаанавиб̣бханд̇о аавад̇д̇о б̣аахуллааяа ад̇хиг̇амиссаси уд̇д̇аримануссад̇хаммаа аламарияан̃аан̣ад̣̇ассанависзса’нд̇и? звам̣ вуд̇д̇з, ахам̣, рааж̇агумаара, бан̃жаваг̇г̇ияз бхигкуу зд̇ад̣̇авожам̣ – ‘на, бхигкавз, д̇ат̇ааг̇ад̇о б̣аахуллиго на бад̇хаанавиб̣бханд̇о на аавад̇д̇о б̣аахуллааяа. арахам̣, бхигкавз, д̇ат̇ааг̇ад̇о саммаасамб̣уд̣̇д̇хо. од̣̇ахат̇а, бхигкавз, сод̇ам̣. амад̇амад̇хиг̇ад̇ам̣. ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и. д̣̇уд̇ияамби ко, рааж̇агумаара, бан̃жаваг̇г̇ияаа бхигкуу мам̣ зд̇ад̣̇авожум̣ – ‘д̇ааяаби ко д̇вам̣, аавусо г̇од̇ама, ирияааяа д̇ааяа бадибад̣̇ааяа д̇ааяа д̣̇уггарагааригааяа нааж̇жхаг̇амаа уд̇д̇аримануссад̇хаммаа аламарияан̃аан̣ад̣̇ассанависзсам̣; гим̣ бана д̇вам̣ зд̇арахи б̣аахуллиго бад̇хаанавиб̣бханд̇о аавад̇д̇о б̣аахуллааяа ад̇хиг̇амиссаси уд̇д̇аримануссад̇хаммаа аламарияан̃аан̣ад̣̇ассанависзса’нд̇и? д̣̇уд̇ияамби ко ахам̣, рааж̇агумаара, бан̃жаваг̇г̇ияз бхигкуу зд̇ад̣̇авожам̣ – ‘на, бхигкавз, д̇ат̇ааг̇ад̇о б̣аахуллиго на бад̇хаанавиб̣бханд̇о на аавад̇д̇о б̣аахуллааяа. арахам̣, бхигкавз, д̇ат̇ааг̇ад̇о саммаасамб̣уд̣̇д̇хо. од̣̇ахат̇а, бхигкавз, сод̇ам̣. амад̇амад̇хиг̇ад̇ам̣. ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и . д̇ад̇ияамби ко, рааж̇агумаара, бан̃жаваг̇г̇ияаа бхигкуу мам̣ зд̇ад̣̇авожум̣ – ‘д̇ааяаби ко д̇вам̣, аавусо г̇од̇ама, ирияааяа д̇ааяа бадибад̣̇ааяа д̇ааяа д̣̇уггарагааригааяа нааж̇жхаг̇амаа уд̇д̇аримануссад̇хаммаа аламарияан̃аан̣ад̣̇ассанависзсам̣; гим̣ бана д̇вам̣ зд̇арахи б̣аахуллиго бад̇хаанавиб̣бханд̇о аавад̇д̇о б̣аахуллааяа ад̇хиг̇амиссаси уд̇д̇аримануссад̇хаммаа аламарияан̃аан̣ад̣̇ассанависзса’нд̇и? звам̣ вуд̇д̇з , ахам̣, рааж̇агумаара, бан̃жаваг̇г̇ияз бхигкуу зд̇ад̣̇авожам̣ – ‘абхиж̇аанаат̇а мз но д̇умхз, бхигкавз, ид̇о буб̣б̣з зваруубам̣ бабхаавид̇амзд̇а’нд̇и 82? ‘но хзд̇ам̣, бханд̇з’. ‘арахам̣, бхигкавз, д̇ат̇ааг̇ад̇о саммаасамб̣уд̣̇д̇хо. од̣̇ахат̇а, бхигкавз, сод̇ам̣. амад̇амад̇хиг̇ад̇ам̣. ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’д̇и.
342. ‘‘Atha khvāhaṃ, rājakumāra, anupubbena cārikaṃ caramāno yena bārāṇasī isipatanaṃ migadāyo yena pañcavaggiyā bhikkhū tenupasaṅkamiṃ. Addasaṃsu kho maṃ, rājakumāra, pañcavaggiyā bhikkhū dūratova āgacchantaṃ. Disvāna aññamaññaṃ saṇṭhapesuṃ – ‘ayaṃ kho, āvuso, samaṇo gotamo āgacchati bāhulliko padhānavibbhanto āvatto bāhullāya. So neva abhivādetabbo, na paccuṭṭhātabbo, nāssa pattacīvaraṃ paṭiggahetabbaṃ; api ca kho āsanaṃ ṭhapetabbaṃ – sace so ākaṅkhissati nisīdissatī’ti. Yathā yathā kho ahaṃ, rājakumāra, pañcavaggiye bhikkhū upasaṅkamiṃ 83, tathā tathā pañcavaggiyā bhikkhū nāsakkhiṃsu sakāya katikāya saṇṭhātuṃ. Appekacce maṃ paccuggantvā pattacīvaraṃ paṭiggahesuṃ. Appekacce āsanaṃ paññapesuṃ. Appekacce pādodakaṃ upaṭṭhapesuṃ. Api ca kho maṃ nāmena ca āvusovādena ca samudācaranti. Evaṃ vutte, ahaṃ, rājakumāra, pañcavaggiye bhikkhū etadavocaṃ – ‘mā, bhikkhave, tathāgataṃ nāmena ca āvusovādena ca samudācaratha 84; arahaṃ, bhikkhave, tathāgato sammāsambuddho. Odahatha, bhikkhave, sotaṃ. Amatamadhigataṃ. Ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’ti. Evaṃ vutte, rājakumāra, pañcavaggiyā bhikkhū maṃ etadavocuṃ – ‘tāyapi kho tvaṃ, āvuso gotama, iriyāya 85 tāya paṭipadāya tāya dukkarakārikāya nājjhagamā uttarimanussadhammā alamariyañāṇadassanavisesaṃ; kiṃ pana tvaṃ etarahi bāhulliko padhānavibbhanto āvatto bāhullāya adhigamissasi uttarimanussadhammā alamariyañāṇadassanavisesa’nti? Evaṃ vutte, ahaṃ, rājakumāra, pañcavaggiye bhikkhū etadavocaṃ – ‘na, bhikkhave, tathāgato bāhulliko na padhānavibbhanto na āvatto bāhullāya. Arahaṃ, bhikkhave, tathāgato sammāsambuddho. Odahatha, bhikkhave, sotaṃ. Amatamadhigataṃ. Ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’ti. Dutiyampi kho, rājakumāra, pañcavaggiyā bhikkhū maṃ etadavocuṃ – ‘tāyapi kho tvaṃ, āvuso gotama, iriyāya tāya paṭipadāya tāya dukkarakārikāya nājjhagamā uttarimanussadhammā alamariyañāṇadassanavisesaṃ; kiṃ pana tvaṃ etarahi bāhulliko padhānavibbhanto āvatto bāhullāya adhigamissasi uttarimanussadhammā alamariyañāṇadassanavisesa’nti? Dutiyampi kho ahaṃ, rājakumāra, pañcavaggiye bhikkhū etadavocaṃ – ‘na, bhikkhave, tathāgato bāhulliko na padhānavibbhanto na āvatto bāhullāya. Arahaṃ, bhikkhave, tathāgato sammāsambuddho. Odahatha, bhikkhave, sotaṃ. Amatamadhigataṃ. Ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’ti . Tatiyampi kho, rājakumāra, pañcavaggiyā bhikkhū maṃ etadavocuṃ – ‘tāyapi kho tvaṃ, āvuso gotama, iriyāya tāya paṭipadāya tāya dukkarakārikāya nājjhagamā uttarimanussadhammā alamariyañāṇadassanavisesaṃ; kiṃ pana tvaṃ etarahi bāhulliko padhānavibbhanto āvatto bāhullāya adhigamissasi uttarimanussadhammā alamariyañāṇadassanavisesa’nti? Evaṃ vutte , ahaṃ, rājakumāra, pañcavaggiye bhikkhū etadavocaṃ – ‘abhijānātha me no tumhe, bhikkhave, ito pubbe evarūpaṃ pabhāvitameta’nti 86? ‘No hetaṃ, bhante’. ‘Arahaṃ, bhikkhave, tathāgato sammāsambuddho. Odahatha, bhikkhave, sotaṃ. Amatamadhigataṃ. Ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’ti.
‘‘асагким̣ ко ахам̣, рааж̇агумаара, бан̃жаваг̇г̇ияз бхигкуу сан̃н̃аабзд̇ум̣. д̣̇взби суд̣̇ам̣, рааж̇агумаара, бхигкуу овад̣̇аами. д̇аяо бхигкуу бин̣д̣ааяа жаранд̇и. яам̣ д̇аяо бхигкуу бин̣д̣ааяа жарид̇ваа аахаранд̇и, д̇зна чаб̣б̣аг̇г̇ияаа 87 яаабзма. д̇аяоби суд̣̇ам̣, рааж̇агумаара, бхигкуу овад̣̇аами, д̣̇вз бхигкуу бин̣д̣ааяа жаранд̇и. яам̣ д̣̇вз бхигкуу бин̣д̣ааяа жарид̇ваа аахаранд̇и д̇зна чаб̣б̣аг̇г̇ияаа яаабзма.
‘‘Asakkhiṃ kho ahaṃ, rājakumāra, pañcavaggiye bhikkhū saññāpetuṃ. Dvepi sudaṃ, rājakumāra, bhikkhū ovadāmi. Tayo bhikkhū piṇḍāya caranti. Yaṃ tayo bhikkhū piṇḍāya caritvā āharanti, tena chabbaggiyā 88 yāpema. Tayopi sudaṃ, rājakumāra, bhikkhū ovadāmi, dve bhikkhū piṇḍāya caranti. Yaṃ dve bhikkhū piṇḍāya caritvā āharanti tena chabbaggiyā yāpema.
343. ‘‘ат̇а ко, рааж̇агумаара, бан̃жаваг̇г̇ияаа бхигкуу маяаа звам̣ овад̣̇ияамаанаа звам̣ анусаасияамаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарим̣суу’’д̇и. звам̣ вуд̇д̇з, б̣од̇хи рааж̇агумааро бхаг̇аванд̇ам̣ зд̇ад̣̇авожа – ‘‘гийва жирзна ну ко, бханд̇з, бхигку д̇ат̇ааг̇ад̇ам̣ винааяагам̣ 89 лабхамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяаа’’д̇и? ‘‘д̇зна хи, рааж̇агумаара, д̇ам̣язвзд̇т̇а бадибужчиссаами. яат̇аа д̇з камзяяа, д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, рааж̇агумаара, гусало д̇вам̣ хад̇т̇ааруул̣хз 90 ан̇гусаг̇аяхз 91 сиббз’’д̇и? ‘‘звам̣, бханд̇з, гусало ахам̣ хад̇т̇ааруул̣хз ан̇гусаг̇аяхз сиббз’’д̇и . ‘‘д̇ам̣ гим̣ ман̃н̃аси, рааж̇агумаара, ид̇ха бурисо ааг̇ажчзяяа – ‘б̣од̇хи рааж̇агумааро хад̇т̇ааруул̣хам̣ ан̇гусаг̇аяхам̣ сиббам̣ ж̇аанаад̇и; д̇ассаахам̣ санд̇игз хад̇т̇ааруул̣хам̣ ан̇гусаг̇аяхам̣ сиббам̣ сигкиссаамий’д̇и. со жасса ассад̣̇д̇хо; яаавад̇агам̣ сад̣̇д̇хзна бад̇д̇аб̣б̣ам̣ д̇ам̣ на самбаабун̣зяяа. со жасса б̣ахвааб̣аад̇хо; яаавад̇агам̣ аббааб̣аад̇хзна бад̇д̇аб̣б̣ам̣ д̇ам̣ на самбаабун̣зяяа. со жасса сато мааяаавий; яаавад̇агам̣ асатзна амааяаавинаа бад̇д̇аб̣б̣ам̣ д̇ам̣ на самбаабун̣зяяа. со жасса гусийд̇о; яаавад̇агам̣ аарад̣̇д̇хавийриязна бад̇д̇аб̣б̣ам̣ д̇ам̣ на самбаабун̣зяяа. со жасса д̣̇уббан̃н̃о; яаавад̇агам̣ бан̃н̃авад̇аа бад̇д̇аб̣б̣ам̣ д̇ам̣ на самбаабун̣зяяа. д̇ам̣ гим̣ ман̃н̃аси, рааж̇агумаара, аби ну со бурисо д̇ава санд̇игз хад̇т̇ааруул̣хам̣ ан̇гусаг̇аяхам̣ сиббам̣ сигкзяяаа’’д̇и? ‘‘згамзгзнааби, бханд̇з, ан̇г̇зна саманнааг̇ад̇о со бурисо на мама санд̇игз хад̇т̇ааруул̣хам̣ ан̇гусаг̇аяхам̣ сиббам̣ сигкзяяа, го бана ваад̣̇о бан̃жахан̇г̇зхий’’д̇и!
343. ‘‘Atha kho, rājakumāra, pañcavaggiyā bhikkhū mayā evaṃ ovadiyamānā evaṃ anusāsiyamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihariṃsū’’ti. Evaṃ vutte, bodhi rājakumāro bhagavantaṃ etadavoca – ‘‘kīva cirena nu kho, bhante, bhikkhu tathāgataṃ vināyakaṃ 92 labhamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyyā’’ti? ‘‘Tena hi, rājakumāra, taṃyevettha paṭipucchissāmi. Yathā te khameyya, tathā naṃ byākareyyāsi. Taṃ kiṃ maññasi, rājakumāra, kusalo tvaṃ hatthārūḷhe 93 aṅkusagayhe 94 sippe’’ti? ‘‘Evaṃ, bhante, kusalo ahaṃ hatthārūḷhe aṅkusagayhe sippe’’ti . ‘‘Taṃ kiṃ maññasi, rājakumāra, idha puriso āgaccheyya – ‘bodhi rājakumāro hatthārūḷhaṃ aṅkusagayhaṃ sippaṃ jānāti; tassāhaṃ santike hatthārūḷhaṃ aṅkusagayhaṃ sippaṃ sikkhissāmī’ti. So cassa assaddho; yāvatakaṃ saddhena pattabbaṃ taṃ na sampāpuṇeyya. So cassa bahvābādho; yāvatakaṃ appābādhena pattabbaṃ taṃ na sampāpuṇeyya. So cassa saṭho māyāvī; yāvatakaṃ asaṭhena amāyāvinā pattabbaṃ taṃ na sampāpuṇeyya. So cassa kusīto; yāvatakaṃ āraddhavīriyena pattabbaṃ taṃ na sampāpuṇeyya. So cassa duppañño; yāvatakaṃ paññavatā pattabbaṃ taṃ na sampāpuṇeyya. Taṃ kiṃ maññasi, rājakumāra, api nu so puriso tava santike hatthārūḷhaṃ aṅkusagayhaṃ sippaṃ sikkheyyā’’ti? ‘‘Ekamekenāpi, bhante, aṅgena samannāgato so puriso na mama santike hatthārūḷhaṃ aṅkusagayhaṃ sippaṃ sikkheyya, ko pana vādo pañcahaṅgehī’’ti!
344. ‘‘д̇ам̣ гим̣ ман̃н̃аси, рааж̇агумаара, ид̇ха бурисо ааг̇ажчзяяа – ‘б̣од̇хи рааж̇агумааро хад̇т̇ааруул̣хам̣ ан̇гусаг̇аяхам̣ сиббам̣ ж̇аанаад̇и; д̇ассаахам̣ санд̇игз хад̇т̇ааруул̣хам̣ ан̇гусаг̇аяхам̣ сиббам̣ сигкиссаамий’д̇и. со жасса сад̣̇д̇хо; яаавад̇агам̣ сад̣̇д̇хзна бад̇д̇аб̣б̣ам̣ д̇ам̣ самбаабун̣зяяа. со жасса аббааб̣аад̇хо; яаавад̇агам̣ аббааб̣аад̇хзна бад̇д̇аб̣б̣ам̣ д̇ам̣ самбаабун̣зяяа. со жасса асато амааяаавий; яаавад̇агам̣ асатзна амааяаавинаа бад̇д̇аб̣б̣ам̣ д̇ам̣ самбаабун̣зяяа. со жасса аарад̣̇д̇хавийрияо; яаавад̇агам̣ аарад̣̇д̇хавийриязна бад̇д̇аб̣б̣ам̣ д̇ам̣ самбаабун̣зяяа. со жасса бан̃н̃аваа; яаавад̇агам̣ бан̃н̃авад̇аа бад̇д̇аб̣б̣ам̣ д̇ам̣ самбаабун̣зяяа. д̇ам̣ гим̣ ман̃н̃аси, рааж̇агумаара, аби ну со бурисо д̇ава санд̇игз хад̇т̇ааруул̣хам̣ ан̇гусаг̇аяхам̣ сиббам̣ сигкзяяаа’’д̇и? ‘‘згамзгзнааби, бханд̇з, ан̇г̇зна саманнааг̇ад̇о со бурисо мама санд̇игз хад̇т̇ааруул̣хам̣ ан̇гусаг̇аяхам̣ сиббам̣ сигкзяяа, го бана ваад̣̇о бан̃жахан̇г̇зхий’’д̇и! ‘‘звамзва ко, рааж̇агумаара, бан̃жимаани бад̇хаанияан̇г̇аани. гад̇амаани бан̃жа? ид̇ха, рааж̇агумаара, бхигку сад̣̇д̇хо ход̇и; сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и; аббааб̣аад̇хо ход̇и аббаад̇ан̇го самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа маж̇жхимааяа бад̇хаанагкамааяа; асато ход̇и амааяаавий яат̇аабхууд̇ам̣ ад̇д̇аанам̣ аавигад̇д̇аа сад̇т̇ари ваа вин̃н̃уусу ваа саб̣рахмажаарийсу ; аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу; бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаад̣̇угкагкаяаг̇ааминияаа. имаани ко, рааж̇агумаара, бан̃жа бад̇хаанияан̇г̇аани.
344. ‘‘Taṃ kiṃ maññasi, rājakumāra, idha puriso āgaccheyya – ‘bodhi rājakumāro hatthārūḷhaṃ aṅkusagayhaṃ sippaṃ jānāti; tassāhaṃ santike hatthārūḷhaṃ aṅkusagayhaṃ sippaṃ sikkhissāmī’ti. So cassa saddho; yāvatakaṃ saddhena pattabbaṃ taṃ sampāpuṇeyya. So cassa appābādho; yāvatakaṃ appābādhena pattabbaṃ taṃ sampāpuṇeyya. So cassa asaṭho amāyāvī; yāvatakaṃ asaṭhena amāyāvinā pattabbaṃ taṃ sampāpuṇeyya. So cassa āraddhavīriyo; yāvatakaṃ āraddhavīriyena pattabbaṃ taṃ sampāpuṇeyya. So cassa paññavā; yāvatakaṃ paññavatā pattabbaṃ taṃ sampāpuṇeyya. Taṃ kiṃ maññasi, rājakumāra, api nu so puriso tava santike hatthārūḷhaṃ aṅkusagayhaṃ sippaṃ sikkheyyā’’ti? ‘‘Ekamekenāpi, bhante, aṅgena samannāgato so puriso mama santike hatthārūḷhaṃ aṅkusagayhaṃ sippaṃ sikkheyya, ko pana vādo pañcahaṅgehī’’ti! ‘‘Evameva kho, rājakumāra, pañcimāni padhāniyaṅgāni. Katamāni pañca? Idha, rājakumāra, bhikkhu saddho hoti; saddahati tathāgatassa bodhiṃ – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti; appābādho hoti appātaṅko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya; asaṭho hoti amāyāvī yathābhūtaṃ attānaṃ āvikattā satthari vā viññūsu vā sabrahmacārīsu ; āraddhavīriyo viharati akusalānaṃ dhammānaṃ pahānāya kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu; paññavā hoti udayatthagāminiyā paññāya samannāgato ariyāya nibbedhikāya sammādukkhakkhayagāminiyā. Imāni kho, rājakumāra, pañca padhāniyaṅgāni.
345. ‘‘имзхи , рааж̇агумаара, бан̃жахи бад̇хаанияан̇г̇зхи саманнааг̇ад̇о бхигку д̇ат̇ааг̇ад̇ам̣ винааяагам̣ лабхамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа сад̇д̇а вассаани. д̇идтанд̇у, рааж̇агумаара, сад̇д̇а вассаани. имзхи бан̃жахи бад̇хаанияан̇г̇зхи саманнааг̇ад̇о бхигку д̇ат̇ааг̇ад̇ам̣ винааяагам̣ лабхамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа чаб̣б̣ассаани… бан̃жа вассаани… жад̇д̇аари вассаани… д̇ийн̣и вассаани… д̣̇вз вассаани… згам̣ вассам̣. д̇идтад̇у, рааж̇агумаара, згам̣ вассам̣. имзхи бан̃жахи бад̇хаанияан̇г̇зхи саманнааг̇ад̇о бхигку д̇ат̇ааг̇ад̇ам̣ винааяагам̣ лабхамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа сад̇д̇а маасаани. д̇идтанд̇у, рааж̇агумаара, сад̇д̇а маасаани. имзхи бан̃жахи бад̇хаанияан̇г̇зхи саманнааг̇ад̇о бхигку д̇ат̇ааг̇ад̇ам̣ винааяагам̣ лабхамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа ча маасаани… бан̃жа маасаани… жад̇д̇аари маасаани… д̇ийн̣и маасаани… д̣̇вз маасаани… згам̣ маасам̣… ад̣дхамаасам̣. д̇идтад̇у, рааж̇агумаара, ад̣дхамаасо. имзхи бан̃жахи бад̇хаанияан̇г̇зхи саманнааг̇ад̇о бхигку д̇ат̇ааг̇ад̇ам̣ винааяагам̣ лабхамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа сад̇д̇а рад̇д̇инд̣̇иваани. д̇идтанд̇у, рааж̇агумаара, сад̇д̇а рад̇д̇инд̣̇иваани. имзхи бан̃жахи бад̇хаанияан̇г̇зхи саманнааг̇ад̇о бхигку д̇ат̇ааг̇ад̇ам̣ винааяагам̣ лабхамаано – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа ча рад̇д̇инд̣̇иваани… бан̃жа рад̇д̇инд̣̇иваани… жад̇д̇аари рад̇д̇инд̣̇иваани… д̇ийн̣и рад̇д̇инд̣̇иваани… д̣̇вз рад̇д̇инд̣̇иваани… згам̣ рад̇д̇инд̣̇ивам̣. д̇идтад̇у, рааж̇агумаара, зго рад̇д̇инд̣̇иво. имзхи бан̃жахи бад̇хаанияан̇г̇зхи саманнааг̇ад̇о бхигку д̇ат̇ааг̇ад̇ам̣ винааяагам̣ лабхамаано сааяаманусидто баад̇о висзсам̣ ад̇хиг̇амиссад̇и, баад̇аманусидто сааяам̣ висзсам̣ ад̇хиг̇амиссад̇ий’’д̇и. звам̣ вуд̇д̇з, б̣од̇хи рааж̇агумааро бхаг̇аванд̇ам̣ зд̇ад̣̇авожа – ‘‘ахо б̣уд̣̇д̇хо, ахо д̇хаммо, ахо д̇хаммасса сваагкаад̇ад̇аа! яад̇ра хи наама сааяаманусидто баад̇о висзсам̣ ад̇хиг̇амиссад̇и, баад̇аманусидто сааяам̣ висзсам̣ ад̇хиг̇амиссад̇ий’’д̇и!
345. ‘‘Imehi , rājakumāra, pañcahi padhāniyaṅgehi samannāgato bhikkhu tathāgataṃ vināyakaṃ labhamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyya satta vassāni. Tiṭṭhantu, rājakumāra, satta vassāni. Imehi pañcahi padhāniyaṅgehi samannāgato bhikkhu tathāgataṃ vināyakaṃ labhamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyya chabbassāni… pañca vassāni… cattāri vassāni… tīṇi vassāni… dve vassāni… ekaṃ vassaṃ. Tiṭṭhatu, rājakumāra, ekaṃ vassaṃ. Imehi pañcahi padhāniyaṅgehi samannāgato bhikkhu tathāgataṃ vināyakaṃ labhamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyya satta māsāni. Tiṭṭhantu, rājakumāra, satta māsāni. Imehi pañcahi padhāniyaṅgehi samannāgato bhikkhu tathāgataṃ vināyakaṃ labhamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyya cha māsāni… pañca māsāni… cattāri māsāni… tīṇi māsāni… dve māsāni… ekaṃ māsaṃ… aḍḍhamāsaṃ. Tiṭṭhatu, rājakumāra, aḍḍhamāso. Imehi pañcahi padhāniyaṅgehi samannāgato bhikkhu tathāgataṃ vināyakaṃ labhamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyya satta rattindivāni. Tiṭṭhantu, rājakumāra, satta rattindivāni. Imehi pañcahi padhāniyaṅgehi samannāgato bhikkhu tathāgataṃ vināyakaṃ labhamāno – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihareyya cha rattindivāni… pañca rattindivāni… cattāri rattindivāni… tīṇi rattindivāni… dve rattindivāni… ekaṃ rattindivaṃ. Tiṭṭhatu, rājakumāra, eko rattindivo. Imehi pañcahi padhāniyaṅgehi samannāgato bhikkhu tathāgataṃ vināyakaṃ labhamāno sāyamanusiṭṭho pāto visesaṃ adhigamissati, pātamanusiṭṭho sāyaṃ visesaṃ adhigamissatī’’ti. Evaṃ vutte, bodhi rājakumāro bhagavantaṃ etadavoca – ‘‘aho buddho, aho dhammo, aho dhammassa svākkhātatā! Yatra hi nāma sāyamanusiṭṭho pāto visesaṃ adhigamissati, pātamanusiṭṭho sāyaṃ visesaṃ adhigamissatī’’ti!
346. звам̣ вуд̇д̇з, сан̃ж̇игаабуд̇д̇о маан̣аво б̣од̇хим̣ рааж̇агумаарам̣ зд̇ад̣̇авожа – ‘‘звамзва банааяам̣ бхавам̣ б̣од̇хи – ‘ахо б̣уд̣̇д̇хо, ахо д̇хаммо, ахо д̇хаммасса сваагкаад̇ад̇аа’д̇и жа вад̣̇зд̇и 95; ат̇а жа бана на д̇ам̣ бхаванд̇ам̣ г̇од̇амам̣ саран̣ам̣ г̇ажчад̇и д̇хамман̃жа бхигкусан̇гхан̃жаа’’д̇и. ‘‘маа хзвам̣, самма сан̃ж̇игаабуд̇д̇а, аважа; маа хзвам̣, самма сан̃ж̇игаабуд̇д̇а, аважа. саммукаа мзд̇ам̣, самма сан̃ж̇игаабуд̇д̇а, аяяааяа суд̇ам̣, саммукаа бадиг̇г̇ахид̇ам̣’’. ‘‘згамид̣̇ам̣, самма сан̃ж̇игаабуд̇д̇а, самаяам̣ бхаг̇аваа госамб̣ияам̣ вихарад̇и гхосид̇аараамз. ат̇а ко мз аяяаа гужчимад̇ий язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннаа ко мз аяяаа бхаг̇аванд̇ам̣ зд̇ад̣̇авожа – ‘яо мз аяам̣, бханд̇з, гужчиг̇ад̇о гумаараго ваа гумааригаа ваа со бхаг̇аванд̇ам̣ саран̣ам̣ г̇ажчад̇и д̇хамман̃жа бхигкусан̇гхан̃жа. убаасагам̣ д̇ам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’нд̇и. згамид̣̇ам̣, самма сан̃ж̇игаабуд̇д̇а, самаяам̣ бхаг̇аваа ид̇хзва бхаг̇г̇зсу вихарад̇и сусумаараг̇ирз бхзсагал̣ааванз миг̇ад̣̇ааяз. ат̇а ко мам̣ д̇хаад̇и ан̇гзна харид̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко мам̣ д̇хаад̇и бхаг̇аванд̇ам̣ зд̇ад̣̇авожа – ‘аяам̣ , бханд̇з, б̣од̇хи рааж̇агумааро бхаг̇аванд̇ам̣ саран̣ам̣ г̇ажчад̇и д̇хамман̃жа бхигкусан̇гхан̃жа. убаасагам̣ д̇ам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’нд̇и. зсаахам̣, самма сан̃ж̇игаабуд̇д̇а, д̇ад̇ияагамби бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
346. Evaṃ vutte, sañjikāputto māṇavo bodhiṃ rājakumāraṃ etadavoca – ‘‘evameva panāyaṃ bhavaṃ bodhi – ‘aho buddho, aho dhammo, aho dhammassa svākkhātatā’ti ca vadeti 96; atha ca pana na taṃ bhavantaṃ gotamaṃ saraṇaṃ gacchati dhammañca bhikkhusaṅghañcā’’ti. ‘‘Mā hevaṃ, samma sañjikāputta, avaca; mā hevaṃ, samma sañjikāputta, avaca. Sammukhā metaṃ, samma sañjikāputta, ayyāya sutaṃ, sammukhā paṭiggahitaṃ’’. ‘‘Ekamidaṃ, samma sañjikāputta, samayaṃ bhagavā kosambiyaṃ viharati ghositārāme. Atha kho me ayyā kucchimatī yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnā kho me ayyā bhagavantaṃ etadavoca – ‘yo me ayaṃ, bhante, kucchigato kumārako vā kumārikā vā so bhagavantaṃ saraṇaṃ gacchati dhammañca bhikkhusaṅghañca. Upāsakaṃ taṃ bhagavā dhāretu ajjatagge pāṇupetaṃ saraṇaṃ gata’nti. Ekamidaṃ, samma sañjikāputta, samayaṃ bhagavā idheva bhaggesu viharati susumāragire bhesakaḷāvane migadāye. Atha kho maṃ dhāti aṅkena haritvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho maṃ dhāti bhagavantaṃ etadavoca – ‘ayaṃ , bhante, bodhi rājakumāro bhagavantaṃ saraṇaṃ gacchati dhammañca bhikkhusaṅghañca. Upāsakaṃ taṃ bhagavā dhāretu ajjatagge pāṇupetaṃ saraṇaṃ gata’nti. Esāhaṃ, samma sañjikāputta, tatiyakampi bhagavantaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti.
б̣од̇хирааж̇агумаарасуд̇д̇ам̣ нидтид̇ам̣ бан̃жамам̣.
Bodhirājakumārasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. б̣од̇хирааж̇агумаарасуд̇д̇аван̣н̣анаа • 5. Bodhirājakumārasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. б̣од̇хирааж̇агумаарасуд̇д̇аван̣н̣анаа • 5. Bodhirājakumārasuttavaṇṇanā
