| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. б̣од̇хирааж̇агумаарасуд̇д̇аван̣н̣анаа
5. Bodhirājakumārasuttavaṇṇanā
324. звам̣ мз суд̇анд̇и б̣од̇хирааж̇агумаарасуд̇д̇ам̣. д̇ад̇т̇а гоганад̣̇од̇и гоганад̣̇ам̣ вужжад̇и бад̣̇умам̣. со жа ман̇г̇алабаасаад̣̇о ологанагабад̣̇умам̣ д̣̇ассзд̇ваа гад̇о, д̇асмаа гоганад̣̇од̇и сан̇кам̣ лабхи.
324.Evaṃme sutanti bodhirājakumārasuttaṃ. Tattha kokanadoti kokanadaṃ vuccati padumaṃ. So ca maṅgalapāsādo olokanakapadumaṃ dassetvā kato, tasmā kokanadoti saṅkhaṃ labhi.
325. яаава бажчимасобаанагал̣звараад̇и зд̇т̇а бажчимасобаанагал̣зваранд̇и батамам̣ собаанапалагам̣ вуд̇д̇ам̣. ад̣̇д̣̇асаа код̇и ологанад̇т̇ам̣язва д̣̇ваарагодтагз тид̇о ад̣̇д̣̇аса. бхаг̇аваа д̇ун̣хий ахосийд̇и ‘‘гисса ну ко ад̇т̇ааяа рааж̇агумаарзна аяам̣ махаасаггааро гад̇о’’д̇и ааваж̇ж̇анд̇о буд̇д̇абад̇т̇анааяа гад̇абхаавам̣ ан̃н̃ааси. со хи рааж̇агумааро абуд̇д̇аго, суд̇ан̃жаанзна ахоси – ‘‘б̣уд̣̇д̇хаанам̣ гира ад̇хигаарам̣ гад̇ваа манасаа ижчид̇ам̣ лабханд̇ий’’д̇и. со – ‘‘сажаахам̣ буд̇д̇ам̣ лабхиссаами, саммаасамб̣уд̣̇д̇хо мама жзлаббадигам̣ аггамиссад̇и. но жз лабхиссаами, на аггамиссад̇ий’’д̇и бад̇т̇анам̣ гад̇ваа сант̇араабзси. ат̇а бхаг̇аваа ‘‘ниб̣б̣ад̇д̇иссад̇и ну ко зд̇асса буд̇д̇о’’д̇и ааваж̇ж̇зд̇ваа ‘‘на ниб̣б̣ад̇д̇иссад̇ий’’д̇и ад̣̇д̣̇аса.
325.Yāva pacchimasopānakaḷevarāti ettha pacchimasopānakaḷevaranti paṭhamaṃ sopānaphalakaṃ vuttaṃ. Addasākhoti olokanatthaṃyeva dvārakoṭṭhake ṭhito addasa. Bhagavā tuṇhī ahosīti ‘‘kissa nu kho atthāya rājakumārena ayaṃ mahāsakkāro kato’’ti āvajjanto puttapatthanāya katabhāvaṃ aññāsi. So hi rājakumāro aputtako, sutañcānena ahosi – ‘‘buddhānaṃ kira adhikāraṃ katvā manasā icchitaṃ labhantī’’ti. So – ‘‘sacāhaṃ puttaṃ labhissāmi, sammāsambuddho mama celappaṭikaṃ akkamissati. No ce labhissāmi, na akkamissatī’’ti patthanaṃ katvā santharāpesi. Atha bhagavā ‘‘nibbattissati nu kho etassa putto’’ti āvajjetvā ‘‘na nibbattissatī’’ti addasa.
буб̣б̣з гира со згасмим̣ д̣̇ийбз васамаано самажчанд̣̇зна сагун̣абод̇агз каад̣̇и. сажасса маад̇уг̇аамо ан̃н̃ова бхавзяяа, буд̇д̇ам̣ лабхзяяа. убхохи бана самаанажчанд̣̇зхи худ̇ваа баабагаммам̣ гад̇ам̣, д̇знасса буд̇д̇о на ниб̣б̣ад̇д̇иссад̇ийд̇и ан̃н̃ааси. д̣̇уссз бана агганд̇з – ‘‘б̣уд̣̇д̇хаанам̣ ад̇хигаарам̣ гад̇ваа бад̇т̇ид̇абад̇т̇ид̇ам̣ лабханд̇ийд̇и логз ануссаво, маяаа жа махааабхинийхааро гад̇о, на жа буд̇д̇ам̣ лабхаами, д̇ужчам̣ ид̣̇ам̣ важана’’нд̇и мижчааг̇ахан̣ам̣ г̇ан̣хзяяа. д̇ид̇т̇ияааби – ‘‘над̇т̇и саман̣аанам̣ агад̇д̇аб̣б̣ам̣ наама, жзлаббадигам̣ мад̣̇д̣̇анд̇аа аахин̣д̣анд̇ий’’д̇и уж̇жхааязяяум̣ . зд̇арахи жа аггаманд̇зсу б̣ахуу бхигкуу баражид̇д̇авид̣̇уно, д̇з бхаб̣б̣ам̣ ж̇аанид̇ваа аггамиссанд̇и, абхаб̣б̣ам̣ ж̇аанид̇ваа на аггамиссанд̇и. анааг̇ад̇з бана убаниссаяо манд̣̇о бхависсад̇и, анааг̇ад̇ам̣ на ж̇ааниссанд̇и. д̇зсу аггаманд̇зсу сажз бад̇т̇ид̇ам̣ иж̇жхиссад̇и, ижжзд̇ам̣ гусалам̣ . но жз иж̇жхиссад̇и, – ‘‘буб̣б̣з бхигкусан̇гхасса абхинийхаарам̣ гад̇ваа ижчид̇ижчид̇ам̣ лабханд̇и, д̇ам̣ ид̣̇аани на лабханд̇и . д̇зязва ман̃н̃з бхигкуу бадибад̇д̇ибуурагаа ахзсум̣, имз бадибад̇д̇им̣ буурзд̇ум̣ на саггонд̇ий’’д̇и мануссаа виббадисаарино бхависсанд̇ийд̇и имзхи гааран̣зхи бхаг̇аваа аггамид̇ум̣ анижчанд̇о д̇ун̣хий ахоси. сигкаабад̣̇ам̣ бан̃н̃абзси ‘‘на, бхигкавз, жзлаббадигаа аггамид̇аб̣б̣аа’’д̇и (жуул̣ава. 268). ман̇г̇алад̇т̇ааяа бан̃н̃ад̇д̇ам̣ анаггаманд̇зсу бана аггаманад̇т̇ааяа анубан̃н̃ад̇д̇им̣ табзси – ‘‘г̇ихий, бхигкавз, ман̇г̇алигаа, ануж̇аанаами, бхигкавз, г̇ихийнам̣ ман̇г̇алад̇т̇ааяаа’’д̇и (жуул̣ава. 268).
Pubbe kira so ekasmiṃ dīpe vasamāno samacchandena sakuṇapotake khādi. Sacassa mātugāmo aññova bhaveyya, puttaṃ labheyya. Ubhohi pana samānacchandehi hutvā pāpakammaṃ kataṃ, tenassa putto na nibbattissatīti aññāsi. Dusse pana akkante – ‘‘buddhānaṃ adhikāraṃ katvā patthitapatthitaṃ labhantīti loke anussavo, mayā ca mahāabhinīhāro kato, na ca puttaṃ labhāmi, tucchaṃ idaṃ vacana’’nti micchāgahaṇaṃ gaṇheyya. Titthiyāpi – ‘‘natthi samaṇānaṃ akattabbaṃ nāma, celappaṭikaṃ maddantā āhiṇḍantī’’ti ujjhāyeyyuṃ . Etarahi ca akkamantesu bahū bhikkhū paracittaviduno, te bhabbaṃ jānitvā akkamissanti, abhabbaṃ jānitvā na akkamissanti. Anāgate pana upanissayo mando bhavissati, anāgataṃ na jānissanti. Tesu akkamantesu sace patthitaṃ ijjhissati, iccetaṃ kusalaṃ . No ce ijjhissati, – ‘‘pubbe bhikkhusaṅghassa abhinīhāraṃ katvā icchiticchitaṃ labhanti, taṃ idāni na labhanti . Teyeva maññe bhikkhū paṭipattipūrakā ahesuṃ, ime paṭipattiṃ pūretuṃ na sakkontī’’ti manussā vippaṭisārino bhavissantīti imehi kāraṇehi bhagavā akkamituṃ anicchanto tuṇhī ahosi. Sikkhāpadaṃ paññapesi ‘‘na, bhikkhave, celappaṭikā akkamitabbā’’ti (cūḷava. 268). Maṅgalatthāya paññattaṃ anakkamantesu pana akkamanatthāya anupaññattiṃ ṭhapesi – ‘‘gihī, bhikkhave, maṅgalikā, anujānāmi, bhikkhave, gihīnaṃ maṅgalatthāyā’’ti (cūḷava. 268).
326. бажчимам̣ ж̇анад̇ам̣ д̇ат̇ааг̇ад̇о анугамбад̇ийд̇и ид̣̇ам̣ т̇зро вуд̇д̇зсу гааран̣зсу д̇ад̇ияам̣ гааран̣ам̣ санд̇хааяааха. на ко сукзна суканд̇и гасмаа ааха? гаамасукаллигаануяог̇асан̃н̃ий худ̇ваа саммаасамб̣уд̣̇д̇хо на аггами, д̇асмаа ахамби сад̇т̇аараа самаанажчанд̣̇о бхависсаамийд̇и ман̃н̃амаано звамааха.
326.Pacchimaṃ janataṃ tathāgato anukampatīti idaṃ thero vuttesu kāraṇesu tatiyaṃ kāraṇaṃ sandhāyāha. Na kho sukhena sukhanti kasmā āha? Kāmasukhallikānuyogasaññī hutvā sammāsambuddho na akkami, tasmā ahampi satthārā samānacchando bhavissāmīti maññamāno evamāha.
327. со ко аханд̇иаад̣̇и ‘‘яаава рад̇д̇ияаа бажчимз яаамз’’д̇и д̇аава махаасажжагз (ма. ни. 1.364 аад̣̇аяо) вуд̇д̇анаязна взд̣̇ид̇аб̣б̣ам̣. д̇ад̇о барам̣ яаава бан̃жаваг̇г̇ияаанам̣ аасавагкаяаа баасараасисуд̇д̇з (ма. ни. 1.272 аад̣̇аяо) вуд̇д̇анаязна взд̣̇ид̇аб̣б̣ам̣.
327.So kho ahantiādi ‘‘yāva rattiyā pacchime yāme’’ti tāva mahāsaccake (ma. ni. 1.364 ādayo) vuttanayena veditabbaṃ. Tato paraṃ yāva pañcavaggiyānaṃ āsavakkhayā pāsarāsisutte (ma. ni. 1.272 ādayo) vuttanayena veditabbaṃ.
343. ан̇гусаг̇аяхз сиббзд̇и ан̇гусаг̇ахан̣асиббз. гусало аханд̇и чзго ахам̣. гасса банааяам̣ санд̇игз сиббам̣ уг̇г̇ан̣хийд̇и? бид̇у санд̇игз, бид̇аабисса бид̇у санд̇игзва уг̇г̇ан̣хи. госамб̣ияам̣ гира баранд̇абарааж̇аа наама раж̇ж̇ам̣ гаарзси. рааж̇амахзсий г̇арубхаараа аагаасад̇алз ран̃н̃аа сад̣̇д̇хим̣ б̣аалаад̇абам̣ д̇аббамаанаа рад̇д̇агамб̣алам̣ баарубид̇ваа нисиннаа ход̇и, зго хад̇т̇илин̇г̇асагун̣о ‘‘мам̣сабзсий’’д̇и ман̃н̃амаано г̇ахзд̇ваа аагаасам̣ багканд̣̇и. саа ‘‘чад̣д̣зяяа ма’’нд̇и бхаязна ниссад̣̇д̣̇аа ахоси, со д̇ам̣ баб̣б̣ад̇абаад̣̇з ругкавидабз табзси. саа баан̣иссарам̣ гаронд̇ий махаасад̣̇д̣̇амагааси. сагун̣о балааяи, д̇ассаа д̇ад̇т̇зва г̇аб̣бхавудтаанам̣ ахоси. д̇ияаамарад̇д̇им̣ д̣̇звз вассанд̇з гамб̣алам̣ баарубид̇ваа нисийд̣̇и. д̇ад̇о жа авид̣̇уурз д̇аабасо васад̇и. со д̇ассаа сад̣̇д̣̇зна арун̣з уг̇г̇ад̇з ругкамуулам̣ ааг̇ад̇о ж̇аад̇им̣ бужчид̇ваа ниссзн̣им̣ б̣анд̇хид̇ваа од̇аарзд̇ваа ад̇д̇ано васанадтаанам̣ нзд̇ваа яааг̇ум̣ бааязси. д̣̇аарагасса мзгхауд̇ун̃жа баб̣б̣ад̇ауд̇ун̃жа г̇ахзд̇ваа ж̇аад̇ад̇д̇аа уд̣̇знод̇и наамам̣ агааси. д̇аабасо палаапалаани аахарид̇ваа д̣̇взби ж̇анз босзси.
343.Aṅkusagayhe sippeti aṅkusagahaṇasippe. Kusalo ahanti cheko ahaṃ. Kassa panāyaṃ santike sippaṃ uggaṇhīti? Pitu santike, pitāpissa pitu santikeva uggaṇhi. Kosambiyaṃ kira parantaparājā nāma rajjaṃ kāresi. Rājamahesī garubhārā ākāsatale raññā saddhiṃ bālātapaṃ tappamānā rattakambalaṃ pārupitvā nisinnā hoti, eko hatthiliṅgasakuṇo ‘‘maṃsapesī’’ti maññamāno gahetvā ākāsaṃ pakkhandi. Sā ‘‘chaḍḍeyya ma’’nti bhayena nissaddā ahosi, so taṃ pabbatapāde rukkhaviṭape ṭhapesi. Sā pāṇissaraṃ karontī mahāsaddamakāsi. Sakuṇo palāyi, tassā tattheva gabbhavuṭṭhānaṃ ahosi. Tiyāmarattiṃ deve vassante kambalaṃ pārupitvā nisīdi. Tato ca avidūre tāpaso vasati. So tassā saddena aruṇe uggate rukkhamūlaṃ āgato jātiṃ pucchitvā nisseṇiṃ bandhitvā otāretvā attano vasanaṭṭhānaṃ netvā yāguṃ pāyesi. Dārakassa meghautuñca pabbatautuñca gahetvā jātattā udenoti nāmaṃ akāsi. Tāpaso phalāphalāni āharitvā dvepi jane posesi.
саа згад̣̇ивасам̣ д̇аабасасса ааг̇аманавзлааяа бажжуг̇г̇аманам̣ гад̇ваа ид̇т̇игуд̇д̇ам̣ д̣̇ассзд̇ваа д̇аабасам̣ сийлабхзд̣̇ам̣ аабаад̣̇зси. д̇зсам̣ згад̇о васанд̇аанам̣ гаалз г̇ажчанд̇з баранд̇абарааж̇аа гаалам̣ агааси. д̇аабасо рад̇д̇ибхааг̇з нагкад̇д̇ам̣ ологзд̇ваа ран̃н̃о мад̇абхаавам̣ н̃ад̇ваа – ‘‘д̇уяхам̣ рааж̇аа мад̇о, буд̇д̇о д̇з гим̣ ид̇ха васид̇ум̣ ижчад̇и, уд̣̇ааху бзд̇д̇игз раж̇ж̇з чад̇д̇ам̣ уссаабзд̇у’’нд̇и бужчи. саа буд̇д̇асса аад̣̇ид̇о бадтааяа саб̣б̣ам̣ бавад̇д̇им̣ аажигкид̇ваа чад̇д̇ам̣ уссаабзд̇угаамад̇ан̃жасса н̃ад̇ваа д̇аабасасса аарожзси. д̇аабасо жа хад̇т̇иг̇ант̇асиббам̣ ж̇аанаад̇и, гуд̇онзна лад̣̇д̇хам̣? саггасса санд̇игаа. буб̣б̣з гирасса сагго убадтаанам̣ ааг̇анд̇ваа ‘‘гзна гиламат̇аа’’д̇и бужчи. со ‘‘хад̇т̇ибариссаяо ад̇т̇ий’’д̇и аарожзси. д̇асса сагго хад̇т̇иг̇ант̇ан̃жзва вийн̣аган̃жа д̣̇ад̇ваа ‘‘балаабзд̇угаамад̇ааяа сад̇и имам̣ д̇анд̇им̣ ваад̣̇зд̇ваа имам̣ силогам̣ вад̣̇зяяаат̇а, баггосид̇угаамад̇ааяа сад̇и имам̣ силогам̣ вад̣̇зяяаат̇аа’’д̇и ааха. д̇аабасо д̇ам̣ сиббам̣ гумаарасса ад̣̇ааси. со згам̣ вадаругкам̣ абхирухид̇ваа хад̇т̇ийсу ааг̇ад̇зсу д̇анд̇им̣ ваад̣̇зд̇ваа силогам̣ вад̣̇ад̇и, хад̇т̇ий бхийд̇аа балааяим̣су.
Sā ekadivasaṃ tāpasassa āgamanavelāya paccuggamanaṃ katvā itthikuttaṃ dassetvā tāpasaṃ sīlabhedaṃ āpādesi. Tesaṃ ekato vasantānaṃ kāle gacchante parantaparājā kālaṃ akāsi. Tāpaso rattibhāge nakkhattaṃ oloketvā rañño matabhāvaṃ ñatvā – ‘‘tuyhaṃ rājā mato, putto te kiṃ idha vasituṃ icchati, udāhu pettike rajje chattaṃ ussāpetu’’nti pucchi. Sā puttassa ādito paṭṭhāya sabbaṃ pavattiṃ ācikkhitvā chattaṃ ussāpetukāmatañcassa ñatvā tāpasassa ārocesi. Tāpaso ca hatthiganthasippaṃ jānāti, kutonena laddhaṃ? Sakkassa santikā. Pubbe kirassa sakko upaṭṭhānaṃ āgantvā ‘‘kena kilamathā’’ti pucchi. So ‘‘hatthiparissayo atthī’’ti ārocesi. Tassa sakko hatthiganthañceva vīṇakañca datvā ‘‘palāpetukāmatāya sati imaṃ tantiṃ vādetvā imaṃ silokaṃ vadeyyātha, pakkositukāmatāya sati imaṃ silokaṃ vadeyyāthā’’ti āha. Tāpaso taṃ sippaṃ kumārassa adāsi. So ekaṃ vaṭarukkhaṃ abhiruhitvā hatthīsu āgatesu tantiṃ vādetvā silokaṃ vadati, hatthī bhītā palāyiṃsu.
со сиббасса аанубхаавам̣ н̃ад̇ваа бунад̣̇ивасз баггосанасиббам̣ баяож̇зси. ж̇здтагахад̇т̇ий ааг̇анд̇ваа канд̇хам̣ убанаамзси. со д̇асса канд̇хаг̇ад̇о яуд̣̇д̇хасамад̇т̇з д̇арун̣ахад̇т̇ий ужжинид̇ваа гамб̣алан̃жа муд̣̇д̣̇иган̃жа г̇ахзд̇ваа маад̇аабид̇аро ванд̣̇ид̇ваа нигканд̇о анубуб̣б̣зна д̇ам̣ д̇ам̣ г̇аамам̣ бависид̇ваа – ‘‘ахам̣ ран̃н̃о буд̇д̇о, самбад̇д̇им̣ ад̇т̇игаа ааг̇ажчанд̇уу’’д̇и ж̇анасан̇г̇ахам̣ гад̇ваа наг̇арам̣ бариваарзд̇ваа – ‘‘ахам̣ ран̃н̃о буд̇д̇о, маяхам̣ чад̇д̇ам̣ д̣̇зт̇аа’’д̇и асад̣̇д̣̇аханд̇аанам̣ гамб̣алан̃жа муд̣̇д̣̇иган̃жа д̣̇ассзд̇ваа чад̇д̇ам̣ уссаабзси. со хад̇т̇ивид̇д̇аго худ̇ваа ‘‘асугадтаанз сунд̣̇аро хад̇т̇ий ад̇т̇ий’’д̇и вуд̇д̇з г̇анд̇ваа г̇ан̣хаад̇и. жан̣д̣абаж̇ж̇од̇о ‘‘д̇асса санд̇игз сиббам̣ г̇ан̣хиссаамий’’д̇и гадтахад̇т̇им̣ баяож̇зд̇ваа д̇асса анд̇о яод̇хз нисийд̣̇аабзд̇ваа д̇ам̣ хад̇т̇им̣ г̇ахан̣ад̇т̇ааяа ааг̇ад̇ам̣ г̇ан̣хид̇ваа д̇асса санд̇игз сиббам̣ г̇ахан̣ад̇т̇ааяа д̇хийд̇арам̣ уяяож̇зси. со д̇ааяа сад̣̇д̇хим̣ сам̣ваасам̣ габбзд̇ваа д̇ам̣ г̇ахзд̇ваа ад̇д̇ано наг̇арам̣язва аг̇амааси. д̇ассаа гужчияам̣ уббанно аяам̣ б̣од̇хирааж̇агумааро ад̇д̇ано бид̇у санд̇игз сиббам̣ уг̇г̇ан̣хи.
So sippassa ānubhāvaṃ ñatvā punadivase pakkosanasippaṃ payojesi. Jeṭṭhakahatthī āgantvā khandhaṃ upanāmesi. So tassa khandhagato yuddhasamatthe taruṇahatthī uccinitvā kambalañca muddikañca gahetvā mātāpitaro vanditvā nikkhanto anupubbena taṃ taṃ gāmaṃ pavisitvā – ‘‘ahaṃ rañño putto, sampattiṃ atthikā āgacchantū’’ti janasaṅgahaṃ katvā nagaraṃ parivāretvā – ‘‘ahaṃ rañño putto, mayhaṃ chattaṃ dethā’’ti asaddahantānaṃ kambalañca muddikañca dassetvā chattaṃ ussāpesi. So hatthivittako hutvā ‘‘asukaṭṭhāne sundaro hatthī atthī’’ti vutte gantvā gaṇhāti. Caṇḍapajjoto ‘‘tassa santike sippaṃ gaṇhissāmī’’ti kaṭṭhahatthiṃ payojetvā tassa anto yodhe nisīdāpetvā taṃ hatthiṃ gahaṇatthāya āgataṃ gaṇhitvā tassa santike sippaṃ gahaṇatthāya dhītaraṃ uyyojesi. So tāya saddhiṃ saṃvāsaṃ kappetvā taṃ gahetvā attano nagaraṃyeva agamāsi. Tassā kucchiyaṃ uppanno ayaṃ bodhirājakumāro attano pitu santike sippaṃ uggaṇhi.
344. бад̇хаанияан̇г̇аанийд̇и бад̇хаанам̣ вужжад̇и бад̣̇аханабхааво, бад̇хаанамасса ад̇т̇ийд̇и бад̇хаанияо. бад̇хаанияасса бхигкуно ан̇г̇аанийд̇и бад̇хаанияан̇г̇аани. сад̣̇д̇ход̇и сад̣̇д̇хааяа саманнааг̇ад̇о. саа банзсаа ааг̇аманасад̣̇д̇хаа ад̇хиг̇амасад̣̇д̇хаа огаббанасад̣̇д̇хаа басаад̣̇асад̣̇д̇хаад̇и жад̇уб̣б̣ид̇хаа. д̇ад̇т̇а саб̣б̣ан̃н̃уб̣од̇хисад̇д̇аанам̣ сад̣̇д̇хаа абхинийхаарад̇о бадтааяа ааг̇ад̇ад̇д̇аа ааг̇аманасад̣̇д̇хаа наама. арияасаавагаанам̣ бадивзд̇хзна ад̇хиг̇ад̇ад̇д̇аа ад̇хиг̇амасад̣̇д̇хаа наама. б̣уд̣̇д̇хо д̇хаммо сан̇гход̇и вуд̇д̇з ажалабхаавзна огаббанам̣ огаббанасад̣̇д̇хаа наама. басаад̣̇уббад̇д̇и басаад̣̇асад̣̇д̇хаа наама, ид̇ха бана огаббанасад̣̇д̇хаа ад̇хиббзд̇аа. б̣од̇хинд̇и жад̇умаг̇г̇ан̃аан̣ам̣. д̇ам̣ суббадивид̣̇д̇хам̣ д̇ат̇ааг̇ад̇знаад̇и сад̣̇д̣̇ахад̇и, д̣̇зсанаасийсамзва жзд̇ам̣, иминаа бана ан̇г̇зна д̇ийсуби рад̇анзсу сад̣̇д̇хаа ад̇хиббзд̇аа. яасса хи б̣уд̣̇д̇хаад̣̇ийсу басаад̣̇о б̣алаваа, д̇асса бад̇хаанам̣ вийрияам̣ иж̇жхад̇и.
344.Padhāniyaṅgānīti padhānaṃ vuccati padahanabhāvo, padhānamassa atthīti padhāniyo. Padhāniyassa bhikkhuno aṅgānīti padhāniyaṅgāni. Saddhoti saddhāya samannāgato. Sā panesā āgamanasaddhā adhigamasaddhā okappanasaddhā pasādasaddhāti catubbidhā. Tattha sabbaññubodhisattānaṃ saddhā abhinīhārato paṭṭhāya āgatattā āgamanasaddhā nāma. Ariyasāvakānaṃ paṭivedhena adhigatattā adhigamasaddhā nāma. Buddho dhammo saṅghoti vutte acalabhāvena okappanaṃ okappanasaddhā nāma. Pasāduppatti pasādasaddhā nāma, idha pana okappanasaddhā adhippetā. Bodhinti catumaggañāṇaṃ. Taṃ suppaṭividdhaṃ tathāgatenāti saddahati, desanāsīsameva cetaṃ, iminā pana aṅgena tīsupi ratanesu saddhā adhippetā. Yassa hi buddhādīsu pasādo balavā, tassa padhānaṃ vīriyaṃ ijjhati.
аббааб̣аад̇ход̇и арог̇о. аббаад̇ан̇год̇и нид̣̇д̣̇угко. самавзбаагинияаад̇и самавибаажанияаа. г̇ахан̣ияаад̇и гаммаж̇ад̇зж̇од̇хаад̇уяаа. наад̇исийд̇ааяа наажжун̣хааяаад̇и ад̇исийд̇аг̇ахан̣иго хи сийд̇абхийруу ход̇и, ажжун̣хаг̇ахан̣иго ун̣хабхийруу, д̇зсам̣ бад̇хаанам̣ на иж̇жхад̇и. маж̇жхимаг̇ахан̣игасса иж̇жхад̇и. д̇знааха ‘‘маж̇жхимааяа бад̇хаанагкамааяаа’’д̇и. яат̇аабхууд̇ам̣ ад̇д̇аанам̣ аавигад̇д̇аад̇и яат̇аабхууд̇ам̣ ад̇д̇ано аг̇ун̣ам̣ багаасзд̇аа. уд̣̇аяад̇т̇аг̇ааминияаад̇и уд̣̇аяан̃жа ад̇т̇ан̃жа г̇анд̇ум̣ барижчинд̣̇ид̇ум̣ самад̇т̇ааяа, зд̇зна бан̃н̃аасалагкан̣абариг̇г̇аахигам̣ уд̣̇аяаб̣б̣аяан̃аан̣ам̣ вуд̇д̇ам̣. арияааяаад̇и барисуд̣̇д̇хааяа. ниб̣б̣зд̇хигааяаад̇и аниб̣б̣ид̣̇д̇хабуб̣б̣з лобхагканд̇хаад̣̇аяо ниб̣б̣иж̇жхид̇ум̣ самад̇т̇ааяа. саммаад̣̇угкагкаяаг̇ааминияаад̇и д̇ад̣̇ан̇г̇авасзна гилзсаанам̣ бахийнад̇д̇аа яам̣ д̣̇угкам̣ кийяад̇и, д̇асса д̣̇угкасса каяаг̇ааминияаа. ид̇и саб̣б̣зхиби имзхи бад̣̇зхи вибассанаабан̃н̃аава гат̇ид̇аа. д̣̇уббан̃н̃асса хи бад̇хаанам̣ на иж̇жхад̇и. имаани жа бан̃жа бад̇хаанияан̇г̇аани логияаанзва взд̣̇ид̇аб̣б̣аани.
Appābādhoti arogo. Appātaṅkoti niddukkho. Samavepākiniyāti samavipācaniyā. Gahaṇiyāti kammajatejodhātuyā. Nātisītāya nāccuṇhāyāti atisītagahaṇiko hi sītabhīrū hoti, accuṇhagahaṇiko uṇhabhīrū, tesaṃ padhānaṃ na ijjhati. Majjhimagahaṇikassa ijjhati. Tenāha ‘‘majjhimāya padhānakkhamāyā’’ti. Yathābhūtaṃ attānaṃ āvikattāti yathābhūtaṃ attano aguṇaṃ pakāsetā. Udayatthagāminiyāti udayañca atthañca gantuṃ paricchindituṃ samatthāya, etena paññāsalakkhaṇapariggāhikaṃ udayabbayañāṇaṃ vuttaṃ. Ariyāyāti parisuddhāya. Nibbedhikāyāti anibbiddhapubbe lobhakkhandhādayo nibbijjhituṃ samatthāya. Sammādukkhakkhayagāminiyāti tadaṅgavasena kilesānaṃ pahīnattā yaṃ dukkhaṃ khīyati, tassa dukkhassa khayagāminiyā. Iti sabbehipi imehi padehi vipassanāpaññāva kathitā. Duppaññassa hi padhānaṃ na ijjhati. Imāni ca pañca padhāniyaṅgāni lokiyāneva veditabbāni.
345. сааяаманусидто баад̇о висзсам̣ ад̇хиг̇амиссад̇ийд̇и ад̇т̇ан̇г̇ад̇з суурияз анусидто арун̣уг̇г̇аманз висзсам̣ ад̇хиг̇амиссад̇и. баад̇аманусидто сааяанд̇и арун̣уг̇г̇аманз анусидто суурияад̇т̇ан̇г̇аманавзлааяам̣. аяан̃жа бана д̣̇зсанаа нзяяабуг̇г̇алавасзна вуд̇д̇аа. д̣̇анд̇хабан̃н̃о хи нзяяабуг̇г̇ало сад̇д̇ахи д̣̇ивасзхи арахад̇д̇ам̣ баабун̣аад̇и, д̇игкабан̃н̃о згад̣̇ивасзна, сзсад̣̇ивасз маж̇жхимабан̃н̃аавасзна взд̣̇ид̇аб̣б̣ам̣. ахо б̣уд̣̇д̇хо ахо д̇хаммо ахо д̇хаммасса сваагкаад̇ад̇аад̇и яасмаа б̣уд̣̇д̇хад̇хаммаанам̣ ул̣аарад̇ааяа д̇хаммасса жа сваагкаад̇ад̇ааяа баад̇о гаммадтаанам̣ гат̇аабзд̇ваа сааяам̣ арахад̇д̇ам̣ баабун̣аад̇и, д̇асмаа басам̣санд̇о звамааха. яад̇ра хи наамаад̇и вимхаяад̇т̇з нибаад̇о.
345.Sāyamanusiṭṭhopāto visesaṃ adhigamissatīti atthaṅgate sūriye anusiṭṭho aruṇuggamane visesaṃ adhigamissati. Pātamanusiṭṭho sāyanti aruṇuggamane anusiṭṭho sūriyatthaṅgamanavelāyaṃ. Ayañca pana desanā neyyapuggalavasena vuttā. Dandhapañño hi neyyapuggalo sattahi divasehi arahattaṃ pāpuṇāti, tikkhapañño ekadivasena, sesadivase majjhimapaññāvasena veditabbaṃ. Aho buddho aho dhammo aho dhammassa svākkhātatāti yasmā buddhadhammānaṃ uḷāratāya dhammassa ca svākkhātatāya pāto kammaṭṭhānaṃ kathāpetvā sāyaṃ arahattaṃ pāpuṇāti, tasmā pasaṃsanto evamāha. Yatra hi nāmāti vimhayatthe nipāto.
346. гужчимад̇ийд̇и аабаннасад̇д̇аа. яо мз аяам̣, бханд̇з, гужчиг̇ад̇од̇и гим̣ банзвам̣ саран̣ам̣ г̇ахид̇ам̣ ход̇ийд̇и. на ход̇и. ажид̇д̇агасаран̣аг̇аманам̣ наама над̇т̇и, аарагко банасса бажжубадтид̇ова ход̇и. ат̇а нам̣ яад̣̇аа махаллагагаалз маад̇аабид̇аро, – ‘‘д̇аад̇а, гужчиг̇ад̇амзва д̇ам̣ саран̣ам̣ г̇ан̣хаабаяимхаа’’д̇и саарзнд̇и, со жа саллагкзд̇ваа ‘‘ахам̣ саран̣ам̣ г̇ад̇о убаасаго’’д̇и сад̇им̣ уббаад̣̇зд̇и, д̇ад̣̇аа саран̣ам̣ г̇ахид̇ам̣ наама ход̇и. сзсам̣ саб̣б̣ад̇т̇а уд̇д̇аанамзваад̇и.
346.Kucchimatīti āpannasattā. Yo me ayaṃ, bhante, kucchigatoti kiṃ panevaṃ saraṇaṃ gahitaṃ hotīti. Na hoti. Acittakasaraṇagamanaṃ nāma natthi, ārakkho panassa paccupaṭṭhitova hoti. Atha naṃ yadā mahallakakāle mātāpitaro, – ‘‘tāta, kucchigatameva taṃ saraṇaṃ gaṇhāpayimhā’’ti sārenti, so ca sallakkhetvā ‘‘ahaṃ saraṇaṃ gato upāsako’’ti satiṃ uppādeti, tadā saraṇaṃ gahitaṃ nāma hoti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
б̣од̇хирааж̇агумаарасуд̇д̇аван̣н̣анаа нидтид̇аа.
Bodhirājakumārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. б̣од̇хирааж̇агумаарасуд̇д̇ам̣ • 5. Bodhirājakumārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. б̣од̇хирааж̇агумаарасуд̇д̇аван̣н̣анаа • 5. Bodhirājakumārasuttavaṇṇanā
