| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. б̣од̇хирааж̇агумаарасуд̇д̇аван̣н̣анаа
5. Bodhirājakumārasuttavaṇṇanā
324. ологанагабад̣̇уманд̇и лийлаааравинд̣̇ам̣. д̇асмаад̇и гоганад̣̇асан̣таанад̇д̇аа гоганад̣̇од̇и сан̇кам̣ лабхи.
324.Olokanakapadumanti līlāaravindaṃ. Tasmāti kokanadasaṇṭhānattā kokanadoti saṅkhaṃ labhi.
325. яаава бажчима…бз… палагам̣ вуд̇д̇ам̣ д̇асса саб̣б̣абажчаа сант̇ад̇ад̇д̇аа. убаримапалаг̇ад̇ан̃хи собаанамад̇т̇агам̣. ологанад̇т̇ам̣язваад̇и на гзвалам̣ бхаг̇авад̇о ааг̇аманан̃н̃зва ологанад̇т̇ам̣, ат̇а ко ад̇д̇ано бад̇т̇анааяа сант̇араабид̇ааяа жзлабадигааяа аггаманассаби.
325.Yāva pacchima…pe… phalakaṃ vuttaṃ tassa sabbapacchā santhatattā. Uparimaphalagatañhi sopānamatthakaṃ. Olokanatthaṃyevāti na kevalaṃ bhagavato āgamanaññeva olokanatthaṃ, atha kho attano patthanāya santharāpitāya celapaṭikāya akkamanassapi.
сагун̣абод̇агзд̇и гаад̣̇амб̣адиддибхабуд̇д̇агз. ан̃н̃ова бхавзяяаад̇и д̇асмим̣ ад̇д̇абхаавз маад̇уг̇аамад̇о ан̃н̃о ид̣̇аани бхарияаабхууд̇о маад̇уг̇аамо бхавзяяа. буд̇д̇ам̣ лабхзяяаад̇и ад̇д̇ано гаммавасзна буд̇д̇ам̣, но д̇асса. убхохийд̇и имзхи зва убхохи. имзхи гааран̣зхийд̇и д̇асса рааж̇агумаарасса б̣уд̣̇д̇хам̣ бадижжа мижчааг̇ахан̣ам̣, д̇ид̇т̇ияаанам̣ уж̇жхааяанам̣, анааг̇ад̇з мануссаанам̣ бхигкуунам̣ уд̣̇д̣̇исса виббадисаарод̇и имзхи д̇ийхи гааран̣зхи. бан̃н̃ад̇д̇анд̇и сант̇ад̇ам̣ жзлабадигам̣. ман̇г̇алам̣ ижчанд̇ийд̇и ман̇г̇алигаа.
Sakuṇapotaketi kādambaṭiṭṭibhaputtake. Aññova bhaveyyāti tasmiṃ attabhāve mātugāmato añño idāni bhariyābhūto mātugāmo bhaveyya. Puttaṃ labheyyāti attano kammavasena puttaṃ, no tassa. Ubhohīti imehi eva ubhohi. Imehi kāraṇehīti tassa rājakumārassa buddhaṃ paṭicca micchāgahaṇaṃ, titthiyānaṃ ujjhāyanaṃ, anāgate manussānaṃ bhikkhūnaṃ uddissa vippaṭisāroti imehi tīhi kāraṇehi. Paññattanti santhataṃ celapaṭikaṃ. Maṅgalaṃ icchantīti maṅgalikā.
326. д̇ад̇ияам̣ гааран̣анд̇и иминаа бхигкуусу виббадисаараануббаад̣̇анамааха. яам̣ гин̃жи барибхун̃ж̇ана-сукам̣ гаамасукаллигаануяог̇од̇и ад̇хиббааязна гаамасукаллигаануяог̇асан̃н̃ий худ̇ваа…бз… ман̃н̃амаано звамааха.
326.Tatiyaṃkāraṇanti iminā bhikkhūsu vippaṭisārānuppādanamāha. Yaṃ kiñci paribhuñjana-sukhaṃ kāmasukhallikānuyogoti adhippāyena kāmasukhallikānuyogasaññī hutvā…pe… maññamāno evamāha.
327. ат̇а нам̣ бхаг̇аваа д̇ад̇о мижчаабхинивзсад̇о вивзжзд̇угаамо ‘‘со ко аха’’нд̇иаад̣̇инаа ад̇д̇ано д̣̇уггаражарияам̣ д̣̇ассзд̇ум̣ аарабхи. махаасажжагз(ма. ни. 1.364 аад̣̇аяо) вуд̇д̇анаязнзва взд̣̇ид̇аб̣б̣ам̣ ‘‘со ко аха’’нд̇иаад̣̇ибаатасса д̇ад̇т̇а ааг̇ад̇анияаамзнзва ааг̇ад̇ад̇д̇аа. баасараасисуд̇д̇з (ма. ни. 1.272 аад̣̇аяо) вуд̇д̇анаязнаад̇и зд̇т̇ааби зсзва наяо.
327. Atha naṃ bhagavā tato micchābhinivesato vivecetukāmo ‘‘so kho aha’’ntiādinā attano dukkaracariyaṃ dassetuṃ ārabhi. Mahāsaccake(ma. ni. 1.364 ādayo) vuttanayeneva veditabbaṃ ‘‘so kho aha’’ntiādipāṭhassa tattha āgataniyāmeneva āgatattā. Pāsarāsisutte (ma. ni. 1.272 ādayo) vuttanayenāti etthāpi eseva nayo.
343. ан̇гусам̣ г̇ан̣ханд̇и зд̇зна д̇асса г̇ахан̣з чзго ход̇ийд̇и ан̇гусаг̇ахан̣асиббам̣. мзгхауд̇унд̇и мзгхам̣ бадижжа уббаннасийд̇ауд̇ум̣. баб̣б̣ад̇ауд̇унд̇и баб̣б̣ад̇ам̣ бадижжа ун̣хауд̇ум̣. убхаяавасзна жа д̇асса д̇ат̇аа сийд̇ун̣хауд̇уд̇о зно ааг̇ад̇од̇и д̇а-гаарасса д̣̇а-гаарам̣ гад̇ваа уд̣̇знод̇и наамам̣ агааси.
343. Aṅkusaṃ gaṇhanti etena tassa gahaṇe cheko hotīti aṅkusagahaṇasippaṃ. Meghautunti meghaṃ paṭicca uppannasītautuṃ. Pabbatautunti pabbataṃ paṭicca uṇhautuṃ. Ubhayavasena ca tassa tathā sītuṇhaututo eno āgatoti ta-kārassa da-kāraṃ katvā udenoti nāmaṃ akāsi.
д̇аабасо ог̇аал̣хан̃аан̣авасзна ран̃н̃о мад̇абхаавам̣ н̃ад̇ваа. аад̣̇ид̇о бадтааяаад̇и госамб̣инаг̇арз баранд̇абаран̃н̃о аг̇г̇амахзсибхаавад̇о бадтааяа. буб̣б̣зд̇и сийлаванд̇агаалз. хад̇т̇иг̇ант̇анд̇и хад̇т̇ийнам̣ ад̇д̇ано васз вад̇д̇аабанасад̇т̇ам̣. д̇знзвасса д̇ам̣ сигкаабзд̇и, гижжан̃жа иж̇жхад̇и.
Tāpaso ogāḷhañāṇavasena rañño matabhāvaṃ ñatvā. Ādito paṭṭhāyāti kosambinagare parantaparañño aggamahesibhāvato paṭṭhāya. Pubbeti sīlavantakāle. Hatthiganthanti hatthīnaṃ attano vase vattāpanasatthaṃ. Tenevassa taṃ sikkhāpeti, kiccañca ijjhati.
344. бад̣̇аханабхаавод̇и бхааванаануяог̇о. бад̇хаанз ваа нияуд̇д̇о бад̇хаанияо, бад̇хаанияасса бхигкуно, д̇ассзва бад̇хаанияабхаавасса ан̇г̇аани гааран̣аани бад̇хаанияан̇г̇аани. сад̣̇д̇хаа зд̇асса ад̇т̇ийд̇и сад̣̇д̇хо. гин̃жааби бажжзгаб̣од̇хисад̇д̇аанамби абхинийхаарад̇о бадтааяа ааг̇ад̇аа ааг̇аманасад̣̇д̇хаа зва, махааб̣од̇хисад̇д̇аанам̣ бана сад̣̇д̇хаа г̇аруд̇араад̇и саа зва г̇ахид̇аа. ажалабхаавзна огаббанам̣ ‘‘саммаасамб̣уд̣̇д̇хо бхаг̇аваа, сваакяаад̇о д̇хаммо, суббадибанно сан̇гхо’’д̇и гзнажи агамбияабхаавзна рад̇анад̇д̇аяаг̇ун̣з ог̇аахид̇ваа габбанам̣. басаад̣̇уббад̇д̇и рад̇анад̇д̇аяз басийд̣̇анамзва. б̣од̇хинд̇и жад̇умаг̇г̇ан̃аан̣анд̇и вуд̇д̇ам̣ д̇ам̣нимид̇д̇ад̇д̇аа саб̣б̣ан̃н̃уд̇ан̃н̃аан̣асса, б̣од̇хийд̇и ваа саммаасамб̣од̇хи. саб̣б̣ан̃н̃уд̇ан̃н̃аан̣абад̣̇адтаанан̃хи маг̇г̇ан̃аан̣ам̣, маг̇г̇ан̃аан̣абад̣̇адтаанан̃жа саб̣б̣ан̃н̃уд̇ан̃н̃аан̣ам̣ ‘‘саммаасамб̣од̇хий’’д̇и вужжад̇и. нижчид̇асуб̣уд̣̇д̇хад̇ааяа д̇хаммасса суд̇хаммад̇аа сан̇гхасса суббадибад̇д̇и винижчид̇аа зва ход̇ийд̇и ааха ‘‘д̣̇зсанаасийсамзва жзд̇а’’нд̇иаад̣̇и. д̇асса бад̇хаанам̣ вийрияам̣ иж̇жхад̇и рад̇анад̇д̇аяасад̣̇д̇хааяа ‘‘имааяа бадибад̣̇ааяа ж̇араамаран̣ад̇о мужжиссаамий’’д̇и бад̇хаанаануяог̇з авам̣мукасамбхавад̇о.
344.Padahanabhāvoti bhāvanānuyogo. Padhāne vā niyutto padhāniyo, padhāniyassa bhikkhuno, tasseva padhāniyabhāvassa aṅgāni kāraṇāni padhāniyaṅgāni. Saddhā etassa atthīti saddho. Kiñcāpi paccekabodhisattānampi abhinīhārato paṭṭhāya āgatā āgamanasaddhā eva, mahābodhisattānaṃ pana saddhā garutarāti sā eva gahitā. Acalabhāvena okappanaṃ ‘‘sammāsambuddho bhagavā, svākhyāto dhammo, suppaṭipanno saṅgho’’ti kenaci akampiyabhāvena ratanattayaguṇe ogāhitvā kappanaṃ. Pasāduppatti ratanattaye pasīdanameva. Bodhinti catumaggañāṇanti vuttaṃ taṃnimittattā sabbaññutaññāṇassa, bodhīti vā sammāsambodhi. Sabbaññutaññāṇapadaṭṭhānañhi maggañāṇaṃ, maggañāṇapadaṭṭhānañca sabbaññutaññāṇaṃ ‘‘sammāsambodhī’’ti vuccati. Nicchitasubuddhatāya dhammassa sudhammatā saṅghassa suppaṭipatti vinicchitā eva hotīti āha ‘‘desanāsīsameva ceta’’ntiādi. Tassa padhānaṃ vīriyaṃ ijjhati ratanattayasaddhāya ‘‘imāya paṭipadāya jarāmaraṇato muccissāmī’’ti padhānānuyoge avaṃmukhasambhavato.
аббааб̣аад̇ход̇иаад̣̇и хздтаа вуд̇д̇амзва. аг̇ун̣ам̣ багаасзд̇аа ааяад̇им̣ сам̣варам̣ аабаж̇ж̇ид̇аа саммаабадибад̇д̇ияаа висод̇ханад̇т̇ам̣. уд̣̇аяан̃жа ад̇т̇ан̃жа г̇анд̇унд̇и ‘‘авиж̇ж̇аасамуд̣̇аяаа’’д̇иаад̣̇инаа бан̃жаннам̣ убаад̣̇аанагканд̇хаанам̣ уд̣̇аяан̃жа ваяан̃жа ж̇аанид̇ум̣. д̇знааха ‘‘зд̇знаа’’д̇иаад̣̇и. барисуд̣̇д̇хааяа убаггилзсавинимуд̇д̇ааяа. ниб̣б̣иж̇жхид̇унд̇и д̇ад̣̇ан̇г̇авасзна баж̇ахид̇ум̣ самужчзд̣̇аббахаанасса бажжаяо бхавид̇ум̣. яам̣ д̣̇угкам̣ кийяад̇ийд̇и гилзсзсу аббахийнзсу д̇зна д̇ад̣̇убаниссаяагаммам̣ бадижжа яам̣ д̣̇угкам̣ уббаж̇ж̇зяяа, д̇ам̣ санд̇хааяа вуд̇д̇ам̣.
Appābādhotiādi heṭṭhā vuttameva. Aguṇaṃ pakāsetā āyatiṃ saṃvaraṃ āpajjitā sammāpaṭipattiyā visodhanatthaṃ. Udayañca atthañca gantunti ‘‘avijjāsamudayā’’tiādinā pañcannaṃ upādānakkhandhānaṃ udayañca vayañca jānituṃ. Tenāha ‘‘etenā’’tiādi. Parisuddhāya upakkilesavinimuttāya. Nibbijjhitunti tadaṅgavasena pajahituṃ samucchedappahānassa paccayo bhavituṃ. Yaṃ dukkhaṃ khīyatīti kilesesu appahīnesu tena tadupanissayakammaṃ paṭicca yaṃ dukkhaṃ uppajjeyya, taṃ sandhāya vuttaṃ.
345. сзсад̣̇ивасзд̇и сад̇д̇ад̣̇ивасад̇о бадтааяа яаава д̣̇вз рад̇д̇инд̣̇иваа.
345.Sesadivaseti sattadivasato paṭṭhāya yāva dve rattindivā.
346. гужчисанниссид̇о г̇аб̣бхо ниссаяавохаарзна ‘‘гужчий’’д̇и вужжад̇и, со зд̇иссаа ад̇т̇ийд̇и гужчимад̇ий. д̇знааха ‘‘аабаннасад̇д̇аа’’д̇и. аарагко банасса бажжубадтид̇о ход̇ийд̇и маад̇араа г̇ахид̇асаран̣ам̣ г̇аб̣бхавудтид̇асса д̇асса саран̣аг̇аманам̣ бавзд̣̇аяид̇асса гусалам̣ саран̣ам̣ наама, маад̇у гад̇арагко буд̇д̇ассаби бажжубадтид̇од̇и. махаллагагаалзд̇и важанад̇т̇ам̣ ж̇аананагаалз. саарзнд̇ийд̇и яат̇аад̣̇идтам̣ яат̇ааб̣алам̣ рад̇анад̇д̇аяаг̇ун̣абад̇идтаабанавасзна асса саарзнд̇и. саллагкзд̇ваад̇и вуд̇д̇амад̇т̇ам̣ убад̇хаарзд̇ваа. саран̣ам̣ г̇ахид̇ам̣ наама ход̇и рад̇анад̇д̇аяасса саран̣абхаавасаллагкан̣абуб̣б̣агад̇анниннажид̇д̇абхаавад̇ова. сзсам̣ сувин̃н̃зяяамзва.
346. Kucchisannissito gabbho nissayavohārena ‘‘kucchī’’ti vuccati, so etissā atthīti kucchimatī. Tenāha ‘‘āpannasattā’’ti. Ārakkho panassa paccupaṭṭhito hotīti mātarā gahitasaraṇaṃ gabbhavuṭṭhitassa tassa saraṇagamanaṃ pavedayitassa kusalaṃ saraṇaṃ nāma, mātu katarakkho puttassapi paccupaṭṭhitoti. Mahallakakāleti vacanatthaṃ jānanakāle. Sārentīti yathādiṭṭhaṃ yathābalaṃ ratanattayaguṇapatiṭṭhāpanavasena assa sārenti. Sallakkhetvāti vuttamatthaṃ upadhāretvā. Saraṇaṃ gahitaṃ nāma hoti ratanattayassa saraṇabhāvasallakkhaṇapubbakatanninnacittabhāvatova. Sesaṃ suviññeyyameva.
б̣од̇хирааж̇агумаарасуд̇д̇аван̣н̣анааяа лийнад̇т̇аббагаасанаа самад̇д̇аа.
Bodhirājakumārasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. б̣од̇хирааж̇агумаарасуд̇д̇ам̣ • 5. Bodhirājakumārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. б̣од̇хирааж̇агумаарасуд̇д̇аван̣н̣анаа • 5. Bodhirājakumārasuttavaṇṇanā
