| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੫. ਬੋਧਿਰਾਜਕੁਮਾਰਸੁਤ੍ਤવਣ੍ਣਨਾ
5. Bodhirājakumārasuttavaṇṇanā
੩੨੪. ਓਲੋਕਨਕਪਦੁਮਨ੍ਤਿ ਲੀਲਾਅਰવਿਨ੍ਦਂ। ਤਸ੍ਮਾਤਿ ਕੋਕਨਦਸਣ੍ਠਾਨਤ੍ਤਾ ਕੋਕਨਦੋਤਿ ਸਙ੍ਖਂ ਲਭਿ।
324.Olokanakapadumanti līlāaravindaṃ. Tasmāti kokanadasaṇṭhānattā kokanadoti saṅkhaṃ labhi.
੩੨੫. ਯਾવ ਪਚ੍ਛਿਮ…ਪੇ॰… ਫਲਕਂ વੁਤ੍ਤਂ ਤਸ੍ਸ ਸਬ੍ਬਪਚ੍ਛਾ ਸਨ੍ਥਤਤ੍ਤਾ। ਉਪਰਿਮਫਲਗਤਞ੍ਹਿ ਸੋਪਾਨਮਤ੍ਥਕਂ। ਓਲੋਕਨਤ੍ਥਂਯੇવਾਤਿ ਨ ਕੇવਲਂ ਭਗવਤੋ ਆਗਮਨਞ੍ਞੇવ ਓਲੋਕਨਤ੍ਥਂ, ਅਥ ਖੋ ਅਤ੍ਤਨੋ ਪਤ੍ਥਨਾਯ ਸਨ੍ਥਰਾਪਿਤਾਯ ਚੇਲਪਟਿਕਾਯ ਅਕ੍ਕਮਨਸ੍ਸਪਿ।
325.Yāva pacchima…pe… phalakaṃ vuttaṃ tassa sabbapacchā santhatattā. Uparimaphalagatañhi sopānamatthakaṃ. Olokanatthaṃyevāti na kevalaṃ bhagavato āgamanaññeva olokanatthaṃ, atha kho attano patthanāya santharāpitāya celapaṭikāya akkamanassapi.
ਸਕੁਣਪੋਤਕੇਤਿ ਕਾਦਮ੍ਬਟਿਟ੍ਟਿਭਪੁਤ੍ਤਕੇ। ਅਞ੍ਞੋવ ਭવੇਯ੍ਯਾਤਿ ਤਸ੍ਮਿਂ ਅਤ੍ਤਭਾવੇ ਮਾਤੁਗਾਮਤੋ ਅਞ੍ਞੋ ਇਦਾਨਿ ਭਰਿਯਾਭੂਤੋ ਮਾਤੁਗਾਮੋ ਭવੇਯ੍ਯ। ਪੁਤ੍ਤਂ ਲਭੇਯ੍ਯਾਤਿ ਅਤ੍ਤਨੋ ਕਮ੍ਮવਸੇਨ ਪੁਤ੍ਤਂ, ਨੋ ਤਸ੍ਸ। ਉਭੋਹੀਤਿ ਇਮੇਹਿ ਏવ ਉਭੋਹਿ। ਇਮੇਹਿ ਕਾਰਣੇਹੀਤਿ ਤਸ੍ਸ ਰਾਜਕੁਮਾਰਸ੍ਸ ਬੁਦ੍ਧਂ ਪਟਿਚ੍ਚ ਮਿਚ੍ਛਾਗਹਣਂ, ਤਿਤ੍ਥਿਯਾਨਂ ਉਜ੍ਝਾਯਨਂ, ਅਨਾਗਤੇ ਮਨੁਸ੍ਸਾਨਂ ਭਿਕ੍ਖੂਨਂ ਉਦ੍ਦਿਸ੍ਸ વਿਪ੍ਪਟਿਸਾਰੋਤਿ ਇਮੇਹਿ ਤੀਹਿ ਕਾਰਣੇਹਿ। ਪਞ੍ਞਤ੍ਤਨ੍ਤਿ ਸਨ੍ਥਤਂ ਚੇਲਪਟਿਕਂ। ਮਙ੍ਗਲਂ ਇਚ੍ਛਨ੍ਤੀਤਿ ਮਙ੍ਗਲਿਕਾ।
Sakuṇapotaketi kādambaṭiṭṭibhaputtake. Aññova bhaveyyāti tasmiṃ attabhāve mātugāmato añño idāni bhariyābhūto mātugāmo bhaveyya. Puttaṃ labheyyāti attano kammavasena puttaṃ, no tassa. Ubhohīti imehi eva ubhohi. Imehi kāraṇehīti tassa rājakumārassa buddhaṃ paṭicca micchāgahaṇaṃ, titthiyānaṃ ujjhāyanaṃ, anāgate manussānaṃ bhikkhūnaṃ uddissa vippaṭisāroti imehi tīhi kāraṇehi. Paññattanti santhataṃ celapaṭikaṃ. Maṅgalaṃ icchantīti maṅgalikā.
੩੨੬. ਤਤਿਯਂ ਕਾਰਣਨ੍ਤਿ ਇਮਿਨਾ ਭਿਕ੍ਖੂਸੁ વਿਪ੍ਪਟਿਸਾਰਾਨੁਪ੍ਪਾਦਨਮਾਹ। ਯਂ ਕਿਞ੍ਚਿ ਪਰਿਭੁਞ੍ਜਨ-ਸੁਖਂ ਕਾਮਸੁਖਲ੍ਲਿਕਾਨੁਯੋਗੋਤਿ ਅਧਿਪ੍ਪਾਯੇਨ ਕਾਮਸੁਖਲ੍ਲਿਕਾਨੁਯੋਗਸਞ੍ਞੀ ਹੁਤ੍વਾ…ਪੇ॰… ਮਞ੍ਞਮਾਨੋ ਏવਮਾਹ।
326.Tatiyaṃkāraṇanti iminā bhikkhūsu vippaṭisārānuppādanamāha. Yaṃ kiñci paribhuñjana-sukhaṃ kāmasukhallikānuyogoti adhippāyena kāmasukhallikānuyogasaññī hutvā…pe… maññamāno evamāha.
੩੨੭. ਅਥ ਨਂ ਭਗવਾ ਤਤੋ ਮਿਚ੍ਛਾਭਿਨਿવੇਸਤੋ વਿવੇਚੇਤੁਕਾਮੋ ‘‘ਸੋ ਖੋ ਅਹ’’ਨ੍ਤਿਆਦਿਨਾ ਅਤ੍ਤਨੋ ਦੁਕ੍ਕਰਚਰਿਯਂ ਦਸ੍ਸੇਤੁਂ ਆਰਭਿ। ਮਹਾਸਚ੍ਚਕੇ(ਮ॰ ਨਿ॰ ੧.੩੬੪ ਆਦਯੋ) વੁਤ੍ਤਨਯੇਨੇવ વੇਦਿਤਬ੍ਬਂ ‘‘ਸੋ ਖੋ ਅਹ’’ਨ੍ਤਿਆਦਿਪਾਠਸ੍ਸ ਤਤ੍ਥ ਆਗਤਨਿਯਾਮੇਨੇવ ਆਗਤਤ੍ਤਾ। ਪਾਸਰਾਸਿਸੁਤ੍ਤੇ (ਮ॰ ਨਿ॰ ੧.੨੭੨ ਆਦਯੋ) વੁਤ੍ਤਨਯੇਨਾਤਿ ਏਤ੍ਥਾਪਿ ਏਸੇવ ਨਯੋ।
327. Atha naṃ bhagavā tato micchābhinivesato vivecetukāmo ‘‘so kho aha’’ntiādinā attano dukkaracariyaṃ dassetuṃ ārabhi. Mahāsaccake(ma. ni. 1.364 ādayo) vuttanayeneva veditabbaṃ ‘‘so kho aha’’ntiādipāṭhassa tattha āgataniyāmeneva āgatattā. Pāsarāsisutte (ma. ni. 1.272 ādayo) vuttanayenāti etthāpi eseva nayo.
੩੪੩. ਅਙ੍ਕੁਸਂ ਗਣ੍ਹਨ੍ਤਿ ਏਤੇਨ ਤਸ੍ਸ ਗਹਣੇ ਛੇਕੋ ਹੋਤੀਤਿ ਅਙ੍ਕੁਸਗਹਣਸਿਪ੍ਪਂ। ਮੇਘਉਤੁਨ੍ਤਿ ਮੇਘਂ ਪਟਿਚ੍ਚ ਉਪ੍ਪਨ੍ਨਸੀਤਉਤੁਂ। ਪਬ੍ਬਤਉਤੁਨ੍ਤਿ ਪਬ੍ਬਤਂ ਪਟਿਚ੍ਚ ਉਣ੍ਹਉਤੁਂ। ਉਭਯવਸੇਨ ਚ ਤਸ੍ਸ ਤਥਾ ਸੀਤੁਣ੍ਹਉਤੁਤੋ ਏਨੋ ਆਗਤੋਤਿ ਤ-ਕਾਰਸ੍ਸ ਦ-ਕਾਰਂ ਕਤ੍વਾ ਉਦੇਨੋਤਿ ਨਾਮਂ ਅਕਾਸਿ।
343. Aṅkusaṃ gaṇhanti etena tassa gahaṇe cheko hotīti aṅkusagahaṇasippaṃ. Meghautunti meghaṃ paṭicca uppannasītautuṃ. Pabbatautunti pabbataṃ paṭicca uṇhautuṃ. Ubhayavasena ca tassa tathā sītuṇhaututo eno āgatoti ta-kārassa da-kāraṃ katvā udenoti nāmaṃ akāsi.
ਤਾਪਸੋ ਓਗਾਲ਼੍ਹਞਾਣવਸੇਨ ਰਞ੍ਞੋ ਮਤਭਾવਂ ਞਤ੍વਾ। ਆਦਿਤੋ ਪਟ੍ਠਾਯਾਤਿ ਕੋਸਮ੍ਬਿਨਗਰੇ ਪਰਨ੍ਤਪਰਞ੍ਞੋ ਅਗ੍ਗਮਹੇਸਿਭਾવਤੋ ਪਟ੍ਠਾਯ। ਪੁਬ੍ਬੇਤਿ ਸੀਲવਨ੍ਤਕਾਲੇ। ਹਤ੍ਥਿਗਨ੍ਥਨ੍ਤਿ ਹਤ੍ਥੀਨਂ ਅਤ੍ਤਨੋ વਸੇ વਤ੍ਤਾਪਨਸਤ੍ਥਂ। ਤੇਨੇવਸ੍ਸ ਤਂ ਸਿਕ੍ਖਾਪੇਤਿ, ਕਿਚ੍ਚਞ੍ਚ ਇਜ੍ਝਤਿ।
Tāpaso ogāḷhañāṇavasena rañño matabhāvaṃ ñatvā. Ādito paṭṭhāyāti kosambinagare parantaparañño aggamahesibhāvato paṭṭhāya. Pubbeti sīlavantakāle. Hatthiganthanti hatthīnaṃ attano vase vattāpanasatthaṃ. Tenevassa taṃ sikkhāpeti, kiccañca ijjhati.
੩੪੪. ਪਦਹਨਭਾવੋਤਿ ਭਾવਨਾਨੁਯੋਗੋ। ਪਧਾਨੇ વਾ ਨਿਯੁਤ੍ਤੋ ਪਧਾਨਿਯੋ, ਪਧਾਨਿਯਸ੍ਸ ਭਿਕ੍ਖੁਨੋ, ਤਸ੍ਸੇવ ਪਧਾਨਿਯਭਾવਸ੍ਸ ਅਙ੍ਗਾਨਿ ਕਾਰਣਾਨਿ ਪਧਾਨਿਯਙ੍ਗਾਨਿ। ਸਦ੍ਧਾ ਏਤਸ੍ਸ ਅਤ੍ਥੀਤਿ ਸਦ੍ਧੋ। ਕਿਞ੍ਚਾਪਿ ਪਚ੍ਚੇਕਬੋਧਿਸਤ੍ਤਾਨਮ੍ਪਿ ਅਭਿਨੀਹਾਰਤੋ ਪਟ੍ਠਾਯ ਆਗਤਾ ਆਗਮਨਸਦ੍ਧਾ ਏવ, ਮਹਾਬੋਧਿਸਤ੍ਤਾਨਂ ਪਨ ਸਦ੍ਧਾ ਗਰੁਤਰਾਤਿ ਸਾ ਏવ ਗਹਿਤਾ। ਅਚਲਭਾવੇਨ ਓਕਪ੍ਪਨਂ ‘‘ਸਮ੍ਮਾਸਮ੍ਬੁਦ੍ਧੋ ਭਗવਾ, ਸ੍વਾਖ੍ਯਾਤੋ ਧਮ੍ਮੋ, ਸੁਪ੍ਪਟਿਪਨ੍ਨੋ ਸਙ੍ਘੋ’’ਤਿ ਕੇਨਚਿ ਅਕਮ੍ਪਿਯਭਾવੇਨ ਰਤਨਤ੍ਤਯਗੁਣੇ ਓਗਾਹਿਤ੍વਾ ਕਪ੍ਪਨਂ। ਪਸਾਦੁਪ੍ਪਤ੍ਤਿ ਰਤਨਤ੍ਤਯੇ ਪਸੀਦਨਮੇવ। ਬੋਧਿਨ੍ਤਿ ਚਤੁਮਗ੍ਗਞਾਣਨ੍ਤਿ વੁਤ੍ਤਂ ਤਂਨਿਮਿਤ੍ਤਤ੍ਤਾ ਸਬ੍ਬਞ੍ਞੁਤਞ੍ਞਾਣਸ੍ਸ, ਬੋਧੀਤਿ વਾ ਸਮ੍ਮਾਸਮ੍ਬੋਧਿ। ਸਬ੍ਬਞ੍ਞੁਤਞ੍ਞਾਣਪਦਟ੍ਠਾਨਞ੍ਹਿ ਮਗ੍ਗਞਾਣਂ, ਮਗ੍ਗਞਾਣਪਦਟ੍ਠਾਨਞ੍ਚ ਸਬ੍ਬਞ੍ਞੁਤਞ੍ਞਾਣਂ ‘‘ਸਮ੍ਮਾਸਮ੍ਬੋਧੀ’’ਤਿ વੁਚ੍ਚਤਿ। ਨਿਚ੍ਛਿਤਸੁਬੁਦ੍ਧਤਾਯ ਧਮ੍ਮਸ੍ਸ ਸੁਧਮ੍ਮਤਾ ਸਙ੍ਘਸ੍ਸ ਸੁਪ੍ਪਟਿਪਤ੍ਤਿ વਿਨਿਚ੍ਛਿਤਾ ਏવ ਹੋਤੀਤਿ ਆਹ ‘‘ਦੇਸਨਾਸੀਸਮੇવ ਚੇਤ’’ਨ੍ਤਿਆਦਿ। ਤਸ੍ਸ ਪਧਾਨਂ વੀਰਿਯਂ ਇਜ੍ਝਤਿ ਰਤਨਤ੍ਤਯਸਦ੍ਧਾਯ ‘‘ਇਮਾਯ ਪਟਿਪਦਾਯ ਜਰਾਮਰਣਤੋ ਮੁਚ੍ਚਿਸ੍ਸਾਮੀ’’ਤਿ ਪਧਾਨਾਨੁਯੋਗੇ ਅવਂਮੁਖਸਮ੍ਭવਤੋ।
344.Padahanabhāvoti bhāvanānuyogo. Padhāne vā niyutto padhāniyo, padhāniyassa bhikkhuno, tasseva padhāniyabhāvassa aṅgāni kāraṇāni padhāniyaṅgāni. Saddhā etassa atthīti saddho. Kiñcāpi paccekabodhisattānampi abhinīhārato paṭṭhāya āgatā āgamanasaddhā eva, mahābodhisattānaṃ pana saddhā garutarāti sā eva gahitā. Acalabhāvena okappanaṃ ‘‘sammāsambuddho bhagavā, svākhyāto dhammo, suppaṭipanno saṅgho’’ti kenaci akampiyabhāvena ratanattayaguṇe ogāhitvā kappanaṃ. Pasāduppatti ratanattaye pasīdanameva. Bodhinti catumaggañāṇanti vuttaṃ taṃnimittattā sabbaññutaññāṇassa, bodhīti vā sammāsambodhi. Sabbaññutaññāṇapadaṭṭhānañhi maggañāṇaṃ, maggañāṇapadaṭṭhānañca sabbaññutaññāṇaṃ ‘‘sammāsambodhī’’ti vuccati. Nicchitasubuddhatāya dhammassa sudhammatā saṅghassa suppaṭipatti vinicchitā eva hotīti āha ‘‘desanāsīsameva ceta’’ntiādi. Tassa padhānaṃ vīriyaṃ ijjhati ratanattayasaddhāya ‘‘imāya paṭipadāya jarāmaraṇato muccissāmī’’ti padhānānuyoge avaṃmukhasambhavato.
ਅਪ੍ਪਾਬਾਧੋਤਿਆਦਿ ਹੇਟ੍ਠਾ વੁਤ੍ਤਮੇવ। ਅਗੁਣਂ ਪਕਾਸੇਤਾ ਆਯਤਿਂ ਸਂવਰਂ ਆਪਜ੍ਜਿਤਾ ਸਮ੍ਮਾਪਟਿਪਤ੍ਤਿਯਾ વਿਸੋਧਨਤ੍ਥਂ। ਉਦਯਞ੍ਚ ਅਤ੍ਥਞ੍ਚ ਗਨ੍ਤੁਨ੍ਤਿ ‘‘ਅવਿਜ੍ਜਾਸਮੁਦਯਾ’’ਤਿਆਦਿਨਾ ਪਞ੍ਚਨ੍ਨਂ ਉਪਾਦਾਨਕ੍ਖਨ੍ਧਾਨਂ ਉਦਯਞ੍ਚ વਯਞ੍ਚ ਜਾਨਿਤੁਂ। ਤੇਨਾਹ ‘‘ਏਤੇਨਾ’’ਤਿਆਦਿ। ਪਰਿਸੁਦ੍ਧਾਯ ਉਪਕ੍ਕਿਲੇਸવਿਨਿਮੁਤ੍ਤਾਯ। ਨਿਬ੍ਬਿਜ੍ਝਿਤੁਨ੍ਤਿ ਤਦਙ੍ਗવਸੇਨ ਪਜਹਿਤੁਂ ਸਮੁਚ੍ਛੇਦਪ੍ਪਹਾਨਸ੍ਸ ਪਚ੍ਚਯੋ ਭવਿਤੁਂ। ਯਂ ਦੁਕ੍ਖਂ ਖੀਯਤੀਤਿ ਕਿਲੇਸੇਸੁ ਅਪ੍ਪਹੀਨੇਸੁ ਤੇਨ ਤਦੁਪਨਿਸ੍ਸਯਕਮ੍ਮਂ ਪਟਿਚ੍ਚ ਯਂ ਦੁਕ੍ਖਂ ਉਪ੍ਪਜ੍ਜੇਯ੍ਯ, ਤਂ ਸਨ੍ਧਾਯ વੁਤ੍ਤਂ।
Appābādhotiādi heṭṭhā vuttameva. Aguṇaṃ pakāsetā āyatiṃ saṃvaraṃ āpajjitā sammāpaṭipattiyā visodhanatthaṃ. Udayañca atthañca gantunti ‘‘avijjāsamudayā’’tiādinā pañcannaṃ upādānakkhandhānaṃ udayañca vayañca jānituṃ. Tenāha ‘‘etenā’’tiādi. Parisuddhāya upakkilesavinimuttāya. Nibbijjhitunti tadaṅgavasena pajahituṃ samucchedappahānassa paccayo bhavituṃ. Yaṃ dukkhaṃ khīyatīti kilesesu appahīnesu tena tadupanissayakammaṃ paṭicca yaṃ dukkhaṃ uppajjeyya, taṃ sandhāya vuttaṃ.
੩੪੫. ਸੇਸਦਿવਸੇਤਿ ਸਤ੍ਤਦਿવਸਤੋ ਪਟ੍ਠਾਯ ਯਾવ ਦ੍વੇ ਰਤ੍ਤਿਨ੍ਦਿવਾ।
345.Sesadivaseti sattadivasato paṭṭhāya yāva dve rattindivā.
੩੪੬. ਕੁਚ੍ਛਿਸਨ੍ਨਿਸ੍ਸਿਤੋ ਗਬ੍ਭੋ ਨਿਸ੍ਸਯવੋਹਾਰੇਨ ‘‘ਕੁਚ੍ਛੀ’’ਤਿ વੁਚ੍ਚਤਿ, ਸੋ ਏਤਿਸ੍ਸਾ ਅਤ੍ਥੀਤਿ ਕੁਚ੍ਛਿਮਤੀ। ਤੇਨਾਹ ‘‘ਆਪਨ੍ਨਸਤ੍ਤਾ’’ਤਿ। ਆਰਕ੍ਖੋ ਪਨਸ੍ਸ ਪਚ੍ਚੁਪਟ੍ਠਿਤੋ ਹੋਤੀਤਿ ਮਾਤਰਾ ਗਹਿਤਸਰਣਂ ਗਬ੍ਭવੁਟ੍ਠਿਤਸ੍ਸ ਤਸ੍ਸ ਸਰਣਗਮਨਂ ਪવੇਦਯਿਤਸ੍ਸ ਕੁਸਲਂ ਸਰਣਂ ਨਾਮ, ਮਾਤੁ ਕਤਰਕ੍ਖੋ ਪੁਤ੍ਤਸ੍ਸਪਿ ਪਚ੍ਚੁਪਟ੍ਠਿਤੋਤਿ। ਮਹਲ੍ਲਕਕਾਲੇਤਿ વਚਨਤ੍ਥਂ ਜਾਨਨਕਾਲੇ। ਸਾਰੇਨ੍ਤੀਤਿ ਯਥਾਦਿਟ੍ਠਂ ਯਥਾਬਲਂ ਰਤਨਤ੍ਤਯਗੁਣਪਤਿਟ੍ਠਾਪਨવਸੇਨ ਅਸ੍ਸ ਸਾਰੇਨ੍ਤਿ। ਸਲ੍ਲਕ੍ਖੇਤ੍વਾਤਿ વੁਤ੍ਤਮਤ੍ਥਂ ਉਪਧਾਰੇਤ੍વਾ। ਸਰਣਂ ਗਹਿਤਂ ਨਾਮ ਹੋਤਿ ਰਤਨਤ੍ਤਯਸ੍ਸ ਸਰਣਭਾવਸਲ੍ਲਕ੍ਖਣਪੁਬ੍ਬਕਤਨ੍ਨਿਨ੍ਨਚਿਤ੍ਤਭਾવਤੋવ। ਸੇਸਂ ਸੁવਿਞ੍ਞੇਯ੍ਯਮੇવ।
346. Kucchisannissito gabbho nissayavohārena ‘‘kucchī’’ti vuccati, so etissā atthīti kucchimatī. Tenāha ‘‘āpannasattā’’ti. Ārakkho panassa paccupaṭṭhito hotīti mātarā gahitasaraṇaṃ gabbhavuṭṭhitassa tassa saraṇagamanaṃ pavedayitassa kusalaṃ saraṇaṃ nāma, mātu katarakkho puttassapi paccupaṭṭhitoti. Mahallakakāleti vacanatthaṃ jānanakāle. Sārentīti yathādiṭṭhaṃ yathābalaṃ ratanattayaguṇapatiṭṭhāpanavasena assa sārenti. Sallakkhetvāti vuttamatthaṃ upadhāretvā. Saraṇaṃ gahitaṃ nāma hoti ratanattayassa saraṇabhāvasallakkhaṇapubbakatanninnacittabhāvatova. Sesaṃ suviññeyyameva.
ਬੋਧਿਰਾਜਕੁਮਾਰਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Bodhirājakumārasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੫. ਬੋਧਿਰਾਜਕੁਮਾਰਸੁਤ੍ਤਂ • 5. Bodhirājakumārasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੫. ਬੋਧਿਰਾਜਕੁਮਾਰਸੁਤ੍ਤવਣ੍ਣਨਾ • 5. Bodhirājakumārasuttavaṇṇanā
