| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. б̣од̇хисад̇д̇ад̇хаммад̇аабан̃хо
4. Bodhisattadhammatāpañho
4. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа д̇хаммад̇аад̇хаммабарияааяз ‘буб̣б̣зва б̣од̇хисад̇д̇аанам̣ маад̇аабид̇аро нияад̇аа хонд̇и, б̣од̇хи нияад̇аа ход̇и, аг̇г̇асаавагаа нияад̇аа хонд̇и, буд̇д̇о нияад̇о ход̇и, убадтааго нияад̇о ход̇ий’д̇и. буна жа д̇умхз бхан̣ат̇а ‘д̇усид̇з гааяз тид̇о б̣од̇хисад̇д̇о адта махаавилоганаани вилогзд̇и, гаалам̣ вилогзд̇и, д̣̇ийбам̣ вилогзд̇и, д̣̇зсам̣ вилогзд̇и, гулам̣ вилогзд̇и, ж̇анзд̇д̇им̣ вилогзд̇и, ааяум̣ вилогзд̇и, маасам̣ вилогзд̇и, нзгкаммам̣ вилогзд̇ий’д̇и. бханд̇з нааг̇асзна, абарибаггз н̃аан̣з б̣уж̇жханам̣ над̇т̇и, барибаггз н̃аан̣з на саггаа нимзсанд̇арамби ааг̇амзд̇ум̣, анад̇иггаманийяам̣ барибаггамаанасам̣. гасмаа б̣од̇хисад̇д̇о гаалам̣ вилогзхи ‘гамхи гаалз уббаж̇ж̇аамий’д̇и. абарибаггз н̃аан̣з б̣уж̇жханам̣ над̇т̇и, барибаггз н̃аан̣з на саггаа нимзсанд̇арамби ааг̇амзд̇ум̣, гасмаа б̣од̇хисад̇д̇о гулам̣ вилогзд̇и ‘гумхи гулз уббаж̇ж̇аамий’д̇и. яад̣̇и, бханд̇з нааг̇асзна, буб̣б̣зва б̣од̇хисад̇д̇асса маад̇аабид̇аро нияад̇аа, д̇зна хи ‘гулам̣ вилогзд̇ий’д̇и яам̣ важанам̣, д̇ам̣ мижчаа. яад̣̇и гулам̣ вилогзд̇и, д̇зна хи ‘буб̣б̣зва б̣од̇хисад̇д̇асса маад̇аабид̇аро нияад̇аа’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
4. ‘‘Bhante nāgasena, bhāsitampetaṃ bhagavatā dhammatādhammapariyāye ‘pubbeva bodhisattānaṃ mātāpitaro niyatā honti, bodhi niyatā hoti, aggasāvakā niyatā honti, putto niyato hoti, upaṭṭhāko niyato hotī’ti. Puna ca tumhe bhaṇatha ‘tusite kāye ṭhito bodhisatto aṭṭha mahāvilokanāni viloketi, kālaṃ viloketi, dīpaṃ viloketi, desaṃ viloketi, kulaṃ viloketi, janettiṃ viloketi, āyuṃ viloketi, māsaṃ viloketi, nekkhammaṃ viloketī’ti. Bhante nāgasena, aparipakke ñāṇe bujjhanaṃ natthi, paripakke ñāṇe na sakkā nimesantarampi āgametuṃ, anatikkamanīyaṃ paripakkamānasaṃ. Kasmā bodhisatto kālaṃ vilokehi ‘kamhi kāle uppajjāmī’ti. Aparipakke ñāṇe bujjhanaṃ natthi, paripakke ñāṇe na sakkā nimesantarampi āgametuṃ, kasmā bodhisatto kulaṃ viloketi ‘kumhi kule uppajjāmī’ti. Yadi, bhante nāgasena, pubbeva bodhisattassa mātāpitaro niyatā, tena hi ‘kulaṃ viloketī’ti yaṃ vacanaṃ, taṃ micchā. Yadi kulaṃ viloketi, tena hi ‘pubbeva bodhisattassa mātāpitaro niyatā’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘нияад̇аа, махаарааж̇а, буб̣б̣зва б̣од̇хисад̇д̇асса маад̇аабид̇аро, гулан̃жа б̣од̇хисад̇д̇о вилогзд̇и. гинд̇и бана гулам̣ вилогзд̇и ‘яз мз маад̇аабид̇аро, д̇з кад̇д̇ияаа уд̣̇ааху б̣раахман̣аа’д̇и. звам̣ гулам̣ вилогзд̇и.
‘‘Niyatā, mahārāja, pubbeva bodhisattassa mātāpitaro, kulañca bodhisatto viloketi. Kinti pana kulaṃ viloketi ‘ye me mātāpitaro, te khattiyā udāhu brāhmaṇā’ti. Evaṃ kulaṃ viloketi.
‘‘адтаннам̣, махаарааж̇а, буб̣б̣зва анааг̇ад̇ам̣ ологзд̇аб̣б̣ам̣ ход̇и. гад̇амзсам̣ адтаннам̣? ваан̣иж̇асса, махаарааж̇а, буб̣б̣зва виггаяабхан̣д̣ам̣ ологзд̇аб̣б̣ам̣ ход̇и, хад̇т̇инааг̇асса буб̣б̣зва сон̣д̣ааяа анааг̇ад̇о маг̇г̇о ологзд̇аб̣б̣о ход̇и, саагадигасса буб̣б̣зва анааг̇ад̇ам̣ д̇ид̇т̇ам̣ ологзд̇аб̣б̣ам̣ ход̇и, нияаамагасса буб̣б̣зва анааг̇ад̇ам̣ д̇ийрам̣ ологзд̇ваа нааваа бзсзд̇аб̣б̣аа ход̇и, бхисаггасса буб̣б̣зва ааяум̣ ологзд̇ваа аад̇уро убасан̇гамид̇аб̣б̣о ход̇и, уд̇д̇арасзд̇усса буб̣б̣зва т̇ираат̇ирабхаавам̣ ж̇аанид̇ваа абхирухид̇аб̣б̣ам̣ ход̇и, бхигкусса буб̣б̣зва анааг̇ад̇ам̣ гаалам̣ бажжавзгкид̇ваа бхож̇анам̣ бхун̃ж̇ид̇аб̣б̣ам̣ ход̇и, б̣од̇хисад̇д̇аанам̣ буб̣б̣зва гулам̣ ологзд̇аб̣б̣ам̣ ход̇и ‘кад̇д̇ияагулам̣ ваа б̣раахман̣агулам̣ ваа’д̇и. имзсам̣ ко, махаарааж̇а, адтаннам̣ буб̣б̣зва анааг̇ад̇ам̣ ологзд̇аб̣б̣ам̣ ход̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Aṭṭhannaṃ, mahārāja, pubbeva anāgataṃ oloketabbaṃ hoti. Katamesaṃ aṭṭhannaṃ? Vāṇijassa, mahārāja, pubbeva vikkayabhaṇḍaṃ oloketabbaṃ hoti, hatthināgassa pubbeva soṇḍāya anāgato maggo oloketabbo hoti, sākaṭikassa pubbeva anāgataṃ titthaṃ oloketabbaṃ hoti, niyāmakassa pubbeva anāgataṃ tīraṃ oloketvā nāvā pesetabbā hoti, bhisakkassa pubbeva āyuṃ oloketvā āturo upasaṅkamitabbo hoti, uttarasetussa pubbeva thirāthirabhāvaṃ jānitvā abhiruhitabbaṃ hoti, bhikkhussa pubbeva anāgataṃ kālaṃ paccavekkhitvā bhojanaṃ bhuñjitabbaṃ hoti, bodhisattānaṃ pubbeva kulaṃ oloketabbaṃ hoti ‘khattiyakulaṃ vā brāhmaṇakulaṃ vā’ti. Imesaṃ kho, mahārāja, aṭṭhannaṃ pubbeva anāgataṃ oloketabbaṃ hotī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
б̣од̇хисад̇д̇ад̇хаммад̇аабан̃хо жад̇уд̇т̇о.
Bodhisattadhammatāpañho catuttho.
