| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৯. বোধিসিঞ্চকত্থেরঅপদানং
9. Bodhisiñcakattheraapadānaṃ
৪৬.
46.
‘‘ৰিপস্সিস্স ভগৰতো, মহাবোধিমহো অহু।
‘‘Vipassissa bhagavato, mahābodhimaho ahu;
পব্বজ্জুপগতো সন্তো, উপগচ্ছিং অহং তদা॥
Pabbajjupagato santo, upagacchiṃ ahaṃ tadā.
৪৭.
47.
‘‘কুসুমোদকমাদায , বোধিযা ওকিরিং অহং।
‘‘Kusumodakamādāya , bodhiyā okiriṃ ahaṃ;
মোচযিস্সতি নো মুত্তো, নিব্বাপেস্সতি নিব্বুতো॥
Mocayissati no mutto, nibbāpessati nibbuto.
৪৮.
48.
‘‘একনৰুতিতো কপ্পে, যং বোধিমভিসিঞ্চযিং।
‘‘Ekanavutito kappe, yaṃ bodhimabhisiñcayiṃ;
দুগ্গতিং নাভিজানামি, বোধিসিঞ্চাযিদং ফলং॥
Duggatiṃ nābhijānāmi, bodhisiñcāyidaṃ phalaṃ.
৪৯.
49.
‘‘তেত্তিংসে ৰত্তমানম্হি, কপ্পে আসুং জনাধিপা।
‘‘Tettiṃse vattamānamhi, kappe āsuṃ janādhipā;
উদকসেচনা নাম, অট্ঠেতে চক্কৰত্তিনো॥
Udakasecanā nāma, aṭṭhete cakkavattino.
৫০.
50.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা বোধিসিঞ্চকো থেরো ইমা গাথাযো অভাসিত্থাতি।
Itthaṃ sudaṃ āyasmā bodhisiñcako thero imā gāthāyo abhāsitthāti.
বোধিসিঞ্চকত্থেরস্সাপদানং নৰমং।
Bodhisiñcakattherassāpadānaṃ navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৯. বোধিসিঞ্চকত্থেরঅপদানৰণ্ণনা • 9. Bodhisiñcakattheraapadānavaṇṇanā
