| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. โพธิสิญฺจกเตฺถรอปทานํ
9. Bodhisiñcakattheraapadānaṃ
๔๖.
46.
‘‘วิปสฺสิสฺส ภควโต, มหาโพธิมโห อหุ;
‘‘Vipassissa bhagavato, mahābodhimaho ahu;
ปพฺพชฺชุปคโต สโนฺต, อุปคจฺฉิํ อหํ ตทาฯ
Pabbajjupagato santo, upagacchiṃ ahaṃ tadā.
๔๗.
47.
‘‘กุสุโมทกมาทาย , โพธิยา โอกิริํ อหํ;
‘‘Kusumodakamādāya , bodhiyā okiriṃ ahaṃ;
โมจยิสฺสติ โน มุโตฺต, นิพฺพาเปสฺสติ นิพฺพุโตฯ
Mocayissati no mutto, nibbāpessati nibbuto.
๔๘.
48.
‘‘เอกนวุติโต กเปฺป, ยํ โพธิมภิสิญฺจยิํ;
‘‘Ekanavutito kappe, yaṃ bodhimabhisiñcayiṃ;
ทุคฺคติํ นาภิชานามิ, โพธิสิญฺจายิทํ ผลํฯ
Duggatiṃ nābhijānāmi, bodhisiñcāyidaṃ phalaṃ.
๔๙.
49.
‘‘เตตฺติํเส วตฺตมานมฺหิ, กเปฺป อาสุํ ชนาธิปา;
‘‘Tettiṃse vattamānamhi, kappe āsuṃ janādhipā;
อุทกเสจนา นาม, อเฎฺฐเต จกฺกวตฺติโนฯ
Udakasecanā nāma, aṭṭhete cakkavattino.
๕๐.
50.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา โพธิสิญฺจโก เถโร อิมา คาถาโย อภาสิตฺถาติฯ
Itthaṃ sudaṃ āyasmā bodhisiñcako thero imā gāthāyo abhāsitthāti.
โพธิสิญฺจกเตฺถรสฺสาปทานํ นวมํฯ
Bodhisiñcakattherassāpadānaṃ navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. โพธิสิญฺจกเตฺถรอปทานวณฺณนา • 9. Bodhisiñcakattheraapadānavaṇṇanā
