| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. බොධිසිඤ්‌චකත්‌ථෙරඅපදානං
9. Bodhisiñcakattheraapadānaṃ
46.
46.
‘‘විපස්‌සිස්‌ස භගවතො, මහාබොධිමහො අහු;
‘‘Vipassissa bhagavato, mahābodhimaho ahu;
පබ්‌බජ්‌ජුපගතො සන්‌තො, උපගච්‌ඡිං අහං තදා.
Pabbajjupagato santo, upagacchiṃ ahaṃ tadā.
47.
47.
‘‘කුසුමොදකමාදාය , බොධියා ඔකිරිං අහං;
‘‘Kusumodakamādāya , bodhiyā okiriṃ ahaṃ;
මොචයිස්‌සති නො මුත්‌තො, නිබ්‌බාපෙස්‌සති නිබ්‌බුතො.
Mocayissati no mutto, nibbāpessati nibbuto.
48.
48.
‘‘එකනවුතිතො කප්‌පෙ, යං බොධිමභිසිඤ්‌චයිං;
‘‘Ekanavutito kappe, yaṃ bodhimabhisiñcayiṃ;
දුග්‌ගතිං නාභිජානාමි, බොධිසිඤ්‌චායිදං ඵලං.
Duggatiṃ nābhijānāmi, bodhisiñcāyidaṃ phalaṃ.
49.
49.
‘‘තෙත්‌තිංසෙ වත්‌තමානම්‌හි, කප්‌පෙ ආසුං ජනාධිපා;
‘‘Tettiṃse vattamānamhi, kappe āsuṃ janādhipā;
උදකසෙචනා නාම, අට්‌ඨෙතෙ චක්‌කවත්‌තිනො.
Udakasecanā nāma, aṭṭhete cakkavattino.
50.
50.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා බොධිසිඤ්‌චකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā bodhisiñcako thero imā gāthāyo abhāsitthāti.
බොධිසිඤ්‌චකත්‌ථෙරස්‌සාපදානං නවමං.
Bodhisiñcakattherassāpadānaṃ navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 9. බොධිසිඤ්‌චකත්‌ථෙරඅපදානවණ්‌ණනා • 9. Bodhisiñcakattheraapadānavaṇṇanā
