| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. б̣од̇хисин̃жагад̇т̇зраабад̣̇аанаван̣н̣анаа
9. Bodhisiñcakattheraapadānavaṇṇanā
вибассисса бхаг̇авад̇од̇иаад̣̇игам̣ ааяасмад̇о б̣од̇хисин̃жагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгаасу ж̇аад̇ийсу виваддуубаниссаяаани бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇о саасанз баб̣б̣аж̇ид̇ваа вад̇д̇абадибад̇д̇ияаа саасанам̣ собхаяанд̇о махааж̇анз б̣од̇хибууж̇ам̣ гурумаанз д̣̇исваа анзгаани бубпаани суг̇анд̇ход̣̇агаани жа г̇аахаабзд̇ваа бууж̇зси. со д̇зна бун̃н̃зна д̣̇звалогз ниб̣б̣ад̇д̇о ча гаамааважарасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хааж̇аад̇о баб̣б̣аж̇ид̇ваа нажирассзва арахаа ахоси.
Vipassissa bhagavatotiādikaṃ āyasmato bodhisiñcakattherassa apadānaṃ. Ayampi purimabuddhesu katādhikāro anekāsu jātīsu vivaṭṭūpanissayāni puññāni upacinanto vipassissa bhagavato kāle kulagehe nibbatto sāsane pabbajitvā vattapaṭipattiyā sāsanaṃ sobhayanto mahājane bodhipūjaṃ kurumāne disvā anekāni pupphāni sugandhodakāni ca gāhāpetvā pūjesi. So tena puññena devaloke nibbatto cha kāmāvacarasampattiyo anubhavitvā imasmiṃ buddhuppāde kulagehe nibbatto vuddhimanvāya saddhājāto pabbajitvā nacirasseva arahā ahosi.
46. со арахаа худ̇ваа жхаанапаласукзна вийд̇инаамзд̇ваа буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о вибассисса бхаг̇авад̇од̇иаад̣̇имааха. д̇ад̇т̇а висзсам̣ барамад̇т̇ам̣ ниб̣б̣аанам̣ бассад̇ийд̇и вибассий, висзсзна бхаб̣б̣аабхаб̣б̣аж̇анз бассад̇ийд̇и ваа вибассий, вибассанд̇о жад̇усажжам̣ бассанад̣̇агканасийлод̇и ваа вибассий, д̇асса вибассисса бхаг̇авад̇о махааб̣од̇химахо ахууд̇и самб̣анд̇хо. д̇ад̇рааби махааб̣од̇хийд̇и б̣од̇хи вужжад̇и жад̇уусу маг̇г̇зсу н̃аан̣ам̣, д̇амзд̇т̇а нисинно бхаг̇аваа бадивиж̇жхад̇ийд̇и ган̣игаарабаад̣̇абаругкоби б̣од̇хижжзва вужжад̇и, махид̇о жа со д̣̇зваб̣рахманараасурзхи б̣од̇хи жзд̇и махааб̣од̇хи, махад̇о б̣уд̣̇д̇хасса бхаг̇авад̇о б̣од̇хийд̇и ваа махааб̣од̇хи, д̇асса махо бууж̇аа ахосийд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
46. So arahā hutvā jhānaphalasukhena vītināmetvā pubbakammaṃ saritvā somanassajāto pubbacaritāpadānaṃ pakāsento vipassissa bhagavatotiādimāha. Tattha visesaṃ paramatthaṃ nibbānaṃ passatīti vipassī, visesena bhabbābhabbajane passatīti vā vipassī, vipassanto catusaccaṃ passanadakkhanasīloti vā vipassī, tassa vipassissa bhagavato mahābodhimaho ahūti sambandho. Tatrāpi mahābodhīti bodhi vuccati catūsu maggesu ñāṇaṃ, tamettha nisinno bhagavā paṭivijjhatīti kaṇikārapādaparukkhopi bodhicceva vuccati, mahito ca so devabrahmanarāsurehi bodhi ceti mahābodhi, mahato buddhassa bhagavato bodhīti vā mahābodhi, tassa maho pūjā ahosīti attho. Sesaṃ sabbattha uttānatthamevāti.
б̣од̇хисин̃жагад̇т̇зраабад̣̇аанаван̣н̣анаа самад̇д̇аа.
Bodhisiñcakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. б̣од̇хисин̃жагад̇т̇зраабад̣̇аанам̣ • 9. Bodhisiñcakattheraapadānaṃ
