| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೯. ಬೋಧಿಸಿಞ್ಚಕತ್ಥೇರಅಪದಾನವಣ್ಣನಾ
9. Bodhisiñcakattheraapadānavaṇṇanā
ವಿಪಸ್ಸಿಸ್ಸ ಭಗವತೋತಿಆದಿಕಂ ಆಯಸ್ಮತೋ ಬೋಧಿಸಿಞ್ಚಕತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಬುದ್ಧೇಸು ಕತಾಧಿಕಾರೋ ಅನೇಕಾಸು ಜಾತೀಸು ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ವಿಪಸ್ಸಿಸ್ಸ ಭಗವತೋ ಕಾಲೇ ಕುಲಗೇಹೇ ನಿಬ್ಬತ್ತೋ ಸಾಸನೇ ಪಬ್ಬಜಿತ್ವಾ ವತ್ತಪಟಿಪತ್ತಿಯಾ ಸಾಸನಂ ಸೋಭಯನ್ತೋ ಮಹಾಜನೇ ಬೋಧಿಪೂಜಂ ಕುರುಮಾನೇ ದಿಸ್ವಾ ಅನೇಕಾನಿ ಪುಪ್ಫಾನಿ ಸುಗನ್ಧೋದಕಾನಿ ಚ ಗಾಹಾಪೇತ್ವಾ ಪೂಜೇಸಿ। ಸೋ ತೇನ ಪುಞ್ಞೇನ ದೇವಲೋಕೇ ನಿಬ್ಬತ್ತೋ ಛ ಕಾಮಾವಚರಸಮ್ಪತ್ತಿಯೋ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಕುಲಗೇಹೇ ನಿಬ್ಬತ್ತೋ ವುದ್ಧಿಮನ್ವಾಯ ಸದ್ಧಾಜಾತೋ ಪಬ್ಬಜಿತ್ವಾ ನಚಿರಸ್ಸೇವ ಅರಹಾ ಅಹೋಸಿ।
Vipassissa bhagavatotiādikaṃ āyasmato bodhisiñcakattherassa apadānaṃ. Ayampi purimabuddhesu katādhikāro anekāsu jātīsu vivaṭṭūpanissayāni puññāni upacinanto vipassissa bhagavato kāle kulagehe nibbatto sāsane pabbajitvā vattapaṭipattiyā sāsanaṃ sobhayanto mahājane bodhipūjaṃ kurumāne disvā anekāni pupphāni sugandhodakāni ca gāhāpetvā pūjesi. So tena puññena devaloke nibbatto cha kāmāvacarasampattiyo anubhavitvā imasmiṃ buddhuppāde kulagehe nibbatto vuddhimanvāya saddhājāto pabbajitvā nacirasseva arahā ahosi.
೪೬. ಸೋ ಅರಹಾ ಹುತ್ವಾ ಝಾನಫಲಸುಖೇನ ವೀತಿನಾಮೇತ್ವಾ ಪುಬ್ಬಕಮ್ಮಂ ಸರಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ವಿಪಸ್ಸಿಸ್ಸ ಭಗವತೋತಿಆದಿಮಾಹ। ತತ್ಥ ವಿಸೇಸಂ ಪರಮತ್ಥಂ ನಿಬ್ಬಾನಂ ಪಸ್ಸತೀತಿ ವಿಪಸ್ಸೀ, ವಿಸೇಸೇನ ಭಬ್ಬಾಭಬ್ಬಜನೇ ಪಸ್ಸತೀತಿ ವಾ ವಿಪಸ್ಸೀ, ವಿಪಸ್ಸನ್ತೋ ಚತುಸಚ್ಚಂ ಪಸ್ಸನದಕ್ಖನಸೀಲೋತಿ ವಾ ವಿಪಸ್ಸೀ, ತಸ್ಸ ವಿಪಸ್ಸಿಸ್ಸ ಭಗವತೋ ಮಹಾಬೋಧಿಮಹೋ ಅಹೂತಿ ಸಮ್ಬನ್ಧೋ। ತತ್ರಾಪಿ ಮಹಾಬೋಧೀತಿ ಬೋಧಿ ವುಚ್ಚತಿ ಚತೂಸು ಮಗ್ಗೇಸು ಞಾಣಂ, ತಮೇತ್ಥ ನಿಸಿನ್ನೋ ಭಗವಾ ಪಟಿವಿಜ್ಝತೀತಿ ಕಣಿಕಾರಪಾದಪರುಕ್ಖೋಪಿ ಬೋಧಿಚ್ಚೇವ ವುಚ್ಚತಿ, ಮಹಿತೋ ಚ ಸೋ ದೇವಬ್ರಹ್ಮನರಾಸುರೇಹಿ ಬೋಧಿ ಚೇತಿ ಮಹಾಬೋಧಿ, ಮಹತೋ ಬುದ್ಧಸ್ಸ ಭಗವತೋ ಬೋಧೀತಿ ವಾ ಮಹಾಬೋಧಿ, ತಸ್ಸ ಮಹೋ ಪೂಜಾ ಅಹೋಸೀತಿ ಅತ್ಥೋ। ಸೇಸಂ ಸಬ್ಬತ್ಥ ಉತ್ತಾನತ್ಥಮೇವಾತಿ।
46. So arahā hutvā jhānaphalasukhena vītināmetvā pubbakammaṃ saritvā somanassajāto pubbacaritāpadānaṃ pakāsento vipassissa bhagavatotiādimāha. Tattha visesaṃ paramatthaṃ nibbānaṃ passatīti vipassī, visesena bhabbābhabbajane passatīti vā vipassī, vipassanto catusaccaṃ passanadakkhanasīloti vā vipassī, tassa vipassissa bhagavato mahābodhimaho ahūti sambandho. Tatrāpi mahābodhīti bodhi vuccati catūsu maggesu ñāṇaṃ, tamettha nisinno bhagavā paṭivijjhatīti kaṇikārapādaparukkhopi bodhicceva vuccati, mahito ca so devabrahmanarāsurehi bodhi ceti mahābodhi, mahato buddhassa bhagavato bodhīti vā mahābodhi, tassa maho pūjā ahosīti attho. Sesaṃ sabbattha uttānatthamevāti.
ಬೋಧಿಸಿಞ್ಚಕತ್ಥೇರಅಪದಾನವಣ್ಣನಾ ಸಮತ್ತಾ।
Bodhisiñcakattheraapadānavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೯. ಬೋಧಿಸಿಞ್ಚಕತ್ಥೇರಅಪದಾನಂ • 9. Bodhisiñcakattheraapadānaṃ
