| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
3. பொ³ஜ்ஜ²ங்க³கதா²
3. Bojjhaṅgakathā
17. ஸாவத்தி²னிதா³னங். ‘‘ஸத்திமே , பி⁴க்க²வே 1, பொ³ஜ்ஜ²ங்கா³. கதமே ஸத்த? ஸதிஸம்பொ³ஜ்ஜ²ங்கோ³ , த⁴ம்மவிசயஸம்பொ³ஜ்ஜ²ங்கோ³, வீரியஸம்பொ³ஜ்ஜ²ங்கோ³, பீதிஸம்பொ³ஜ்ஜ²ங்கோ³, பஸ்ஸத்³தி⁴ஸம்பொ³ஜ்ஜ²ங்கோ³, ஸமாதி⁴ஸம்பொ³ஜ்ஜ²ங்கோ³, உபெக்கா²ஸம்பொ³ஜ்ஜ²ங்கோ³ – இமே கோ², பி⁴க்க²வே, ஸத்த பொ³ஜ்ஜ²ங்கா³’’.
17. Sāvatthinidānaṃ. ‘‘Sattime , bhikkhave 2, bojjhaṅgā. Katame satta? Satisambojjhaṅgo , dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo – ime kho, bhikkhave, satta bojjhaṅgā’’.
பொ³ஜ்ஜ²ங்கா³தி கேனட்டே²ன பொ³ஜ்ஜ²ங்கா³? போ³தா⁴ய ஸங்வத்தந்தீதி – பொ³ஜ்ஜ²ங்கா³. பு³ஜ்ஜ²ந்தீதி – பொ³ஜ்ஜ²ங்கா³. அனுபு³ஜ்ஜ²ந்தீதி – பொ³ஜ்ஜ²ங்கா³. படிபு³ஜ்ஜ²ந்தீதி – பொ³ஜ்ஜ²ங்கா³. ஸம்பு³ஜ்ஜ²ந்தீதி – பொ³ஜ்ஜ²ங்கா³.
Bojjhaṅgāti kenaṭṭhena bojjhaṅgā? Bodhāya saṃvattantīti – bojjhaṅgā. Bujjhantīti – bojjhaṅgā. Anubujjhantīti – bojjhaṅgā. Paṭibujjhantīti – bojjhaṅgā. Sambujjhantīti – bojjhaṅgā.
பு³ஜ்ஜ²னட்டே²ன பொ³ஜ்ஜ²ங்கா³, அனுபு³ஜ்ஜ²னட்டே²ன பொ³ஜ்ஜ²ங்கா³, படிபு³ஜ்ஜ²னட்டே²ன பொ³ஜ்ஜ²ங்கா³, ஸம்பு³ஜ்ஜ²னட்டே²ன பொ³ஜ்ஜ²ங்கா³.
Bujjhanaṭṭhena bojjhaṅgā, anubujjhanaṭṭhena bojjhaṅgā, paṭibujjhanaṭṭhena bojjhaṅgā, sambujjhanaṭṭhena bojjhaṅgā.
போ³தெ⁴ந்தீதி – பொ³ஜ்ஜ²ங்கா³. அனுபோ³தெ⁴ந்தீதி – பொ³ஜ்ஜ²ங்கா³. படிபோ³தெ⁴ந்தீதி – பொ³ஜ்ஜ²ங்கா³. ஸம்போ³தெ⁴ந்தீதி – பொ³ஜ்ஜ²ங்கா³.
Bodhentīti – bojjhaṅgā. Anubodhentīti – bojjhaṅgā. Paṭibodhentīti – bojjhaṅgā. Sambodhentīti – bojjhaṅgā.
போ³த⁴னட்டே²ன பொ³ஜ்ஜ²ங்கா³, அனுபோ³த⁴னட்டே²ன பொ³ஜ்ஜ²ங்கா³, படிபோ³த⁴னட்டே²ன பொ³ஜ்ஜ²ங்கா³, ஸம்போ³த⁴னட்டே²ன பொ³ஜ்ஜ²ங்கா³.
Bodhanaṭṭhena bojjhaṅgā, anubodhanaṭṭhena bojjhaṅgā, paṭibodhanaṭṭhena bojjhaṅgā, sambodhanaṭṭhena bojjhaṅgā.
போ³தி⁴பக்கி²யட்டே²ன பொ³ஜ்ஜ²ங்கா³, அனுபோ³தி⁴பக்கி²யட்டே²ன பொ³ஜ்ஜ²ங்கா³, படிபோ³தி⁴பக்கி²யட்டே²ன பொ³ஜ்ஜ²ங்கா³, ஸம்போ³தி⁴பக்கி²யட்டே²ன பொ³ஜ்ஜ²ங்கா³.
Bodhipakkhiyaṭṭhena bojjhaṅgā, anubodhipakkhiyaṭṭhena bojjhaṅgā, paṭibodhipakkhiyaṭṭhena bojjhaṅgā, sambodhipakkhiyaṭṭhena bojjhaṅgā.
பு³த்³தி⁴லப⁴னட்டே²ன பொ³ஜ்ஜ²ங்கா³, பு³த்³தி⁴படிலப⁴னட்டே²ன பொ³ஜ்ஜ²ங்கா³, பு³த்³தி⁴ரோபனட்டே²ன பொ³ஜ்ஜ²ங்கா³, பு³த்³தி⁴அபி⁴ரோபனட்டே²ன பொ³ஜ்ஜ²ங்கா³, பு³த்³தி⁴பாபனட்டே²ன பொ³ஜ்ஜ²ங்கா³, பு³த்³தி⁴ஸம்பாபனட்டே²ன பொ³ஜ்ஜ²ங்கா³.
Buddhilabhanaṭṭhena bojjhaṅgā, buddhipaṭilabhanaṭṭhena bojjhaṅgā, buddhiropanaṭṭhena bojjhaṅgā, buddhiabhiropanaṭṭhena bojjhaṅgā, buddhipāpanaṭṭhena bojjhaṅgā, buddhisampāpanaṭṭhena bojjhaṅgā.
மூலமூலகாதி³த³ஸகங்
Mūlamūlakādidasakaṃ
18. மூலட்டே²ன பொ³ஜ்ஜ²ங்கா³, மூலசரியட்டே²ன பொ³ஜ்ஜ²ங்கா³, மூலபரிக்³க³ஹட்டே²ன பொ³ஜ்ஜ²ங்கா³, மூலபரிவாரட்டே²ன பொ³ஜ்ஜ²ங்கா³ , மூலபரிபூரணட்டே²ன 3 பொ³ஜ்ஜ²ங்கா³, மூலபரிபாகட்டே²ன பொ³ஜ்ஜ²ங்கா³, மூலபடிஸம்பி⁴த³ட்டே²ன பொ³ஜ்ஜ²ங்கா³, மூலபடிஸம்பி⁴தா³பாபனட்டே²ன பொ³ஜ்ஜ²ங்கா³, மூலபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, மூலபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
18. Mūlaṭṭhena bojjhaṅgā, mūlacariyaṭṭhena bojjhaṅgā, mūlapariggahaṭṭhena bojjhaṅgā, mūlaparivāraṭṭhena bojjhaṅgā , mūlaparipūraṇaṭṭhena 4 bojjhaṅgā, mūlaparipākaṭṭhena bojjhaṅgā, mūlapaṭisambhidaṭṭhena bojjhaṅgā, mūlapaṭisambhidāpāpanaṭṭhena bojjhaṅgā, mūlapaṭisambhidāya vasībhāvaṭṭhena bojjhaṅgā, mūlapaṭisambhidāya vasībhāvappattānampi bojjhaṅgā.
ஹேதுட்டே²ன பொ³ஜ்ஜ²ங்கா³, ஹேதுசரியட்டே²ன பொ³ஜ்ஜ²ங்கா³, ஹேதுபரிக்³க³ஹட்டே²ன பொ³ஜ்ஜ²ங்கா³, ஹேதுபரிவாரட்டே²ன பொ³ஜ்ஜ²ங்கா³, ஹேதுபரிபூரணட்டே²ன பொ³ஜ்ஜ²ங்கா³, ஹேதுபரிபாகட்டே²ன பொ³ஜ்ஜ²ங்கா³, ஹேதுபடிஸம்பி⁴த³ட்டே²ன பொ³ஜ்ஜ²ங்கா³, ஹேதுபடிஸம்பி⁴தா³பாபனட்டே²ன பொ³ஜ்ஜ²ங்கா³, ஹேதுபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, ஹேதுபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Hetuṭṭhena bojjhaṅgā, hetucariyaṭṭhena bojjhaṅgā, hetupariggahaṭṭhena bojjhaṅgā, hetuparivāraṭṭhena bojjhaṅgā, hetuparipūraṇaṭṭhena bojjhaṅgā, hetuparipākaṭṭhena bojjhaṅgā, hetupaṭisambhidaṭṭhena bojjhaṅgā, hetupaṭisambhidāpāpanaṭṭhena bojjhaṅgā, hetupaṭisambhidāya vasībhāvaṭṭhena bojjhaṅgā, hetupaṭisambhidāya vasībhāvappattānampi bojjhaṅgā.
பச்சயட்டே²ன பொ³ஜ்ஜ²ங்கா³, பச்சயசரியட்டே²ன பொ³ஜ்ஜ²ங்கா³, பச்சயபரிக்³க³ஹட்டே²ன பொ³ஜ்ஜ²ங்கா³, பச்சயபரிவாரட்டே²ன பொ³ஜ்ஜ²ங்கா³, பச்சயபரிபூரணட்டே²ன பொ³ஜ்ஜ²ங்கா³, பச்சயபரிபாகட்டே²ன பொ³ஜ்ஜ²ங்கா³, பச்சயபடிஸம்பி⁴த³ட்டே²ன பொ³ஜ்ஜ²ங்கா³, பச்சயபடிஸம்பி⁴தா³பாபனட்டே²ன பொ³ஜ்ஜ²ங்கா³, பச்சயபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, பச்சயபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Paccayaṭṭhena bojjhaṅgā, paccayacariyaṭṭhena bojjhaṅgā, paccayapariggahaṭṭhena bojjhaṅgā, paccayaparivāraṭṭhena bojjhaṅgā, paccayaparipūraṇaṭṭhena bojjhaṅgā, paccayaparipākaṭṭhena bojjhaṅgā, paccayapaṭisambhidaṭṭhena bojjhaṅgā, paccayapaṭisambhidāpāpanaṭṭhena bojjhaṅgā, paccayapaṭisambhidāya vasībhāvaṭṭhena bojjhaṅgā, paccayapaṭisambhidāya vasībhāvappattānampi bojjhaṅgā.
விஸுத்³த⁴ட்டே²ன பொ³ஜ்ஜ²ங்கா³, விஸுத்³தி⁴சரியட்டே²ன பொ³ஜ்ஜ²ங்கா³, விஸுத்³தி⁴பரிக்³க³ஹட்டே²ன பொ³ஜ்ஜ²ங்கா³, விஸுத்³தி⁴பரிவாரட்டே²ன பொ³ஜ்ஜ²ங்கா³, விஸுத்³தி⁴பரிபூரணட்டே²ன பொ³ஜ்ஜ²ங்கா³, விஸுத்³தி⁴பரிபாகட்டே²ன பொ³ஜ்ஜ²ங்கா³, விஸுத்³தி⁴படிஸம்பி⁴த³ட்டே²ன பொ³ஜ்ஜ²ங்கா³, விஸுத்³தி⁴படிஸம்பி⁴தா³பாபனட்டே²ன பொ³ஜ்ஜ²ங்கா³, விஸுத்³தி⁴படிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, விஸுத்³தி⁴படிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Visuddhaṭṭhena bojjhaṅgā, visuddhicariyaṭṭhena bojjhaṅgā, visuddhipariggahaṭṭhena bojjhaṅgā, visuddhiparivāraṭṭhena bojjhaṅgā, visuddhiparipūraṇaṭṭhena bojjhaṅgā, visuddhiparipākaṭṭhena bojjhaṅgā, visuddhipaṭisambhidaṭṭhena bojjhaṅgā, visuddhipaṭisambhidāpāpanaṭṭhena bojjhaṅgā, visuddhipaṭisambhidāya vasībhāvaṭṭhena bojjhaṅgā, visuddhipaṭisambhidāya vasībhāvappattānampi bojjhaṅgā.
அனவஜ்ஜட்டே²ன பொ³ஜ்ஜ²ங்கா³, அனவஜ்ஜசரியட்டே²ன பொ³ஜ்ஜ²ங்கா³, அனவஜ்ஜபரிக்³க³ஹட்டே²ன பொ³ஜ்ஜ²ங்கா³, அனவஜ்ஜபரிவாரட்டே²ன பொ³ஜ்ஜ²ங்கா³, அனவஜ்ஜபரிபூரணட்டே²ன பொ³ஜ்ஜ²ங்கா³, அனவஜ்ஜபரிபாகட்டே²ன பொ³ஜ்ஜ²ங்கா³, அனவஜ்ஜபடிஸம்பி⁴த³ட்டே²ன பொ³ஜ்ஜ²ங்கா³, அனவஜ்ஜபடிஸம்பி⁴தா³பாபனட்டே²ன பொ³ஜ்ஜ²ங்கா³, அனவஜ்ஜபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, அனவஜ்ஜபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Anavajjaṭṭhena bojjhaṅgā, anavajjacariyaṭṭhena bojjhaṅgā, anavajjapariggahaṭṭhena bojjhaṅgā, anavajjaparivāraṭṭhena bojjhaṅgā, anavajjaparipūraṇaṭṭhena bojjhaṅgā, anavajjaparipākaṭṭhena bojjhaṅgā, anavajjapaṭisambhidaṭṭhena bojjhaṅgā, anavajjapaṭisambhidāpāpanaṭṭhena bojjhaṅgā, anavajjapaṭisambhidāya vasībhāvaṭṭhena bojjhaṅgā, anavajjapaṭisambhidāya vasībhāvappattānampi bojjhaṅgā.
நெக்க²ம்மட்டே²ன பொ³ஜ்ஜ²ங்கா³, நெக்க²ம்மசரியட்டே²ன பொ³ஜ்ஜ²ங்கா³, நெக்க²ம்மபரிக்³க³ஹட்டே²ன பொ³ஜ்ஜ²ங்கா³, நெக்க²ம்மபரிவாரட்டே²ன பொ³ஜ்ஜ²ங்கா³, நெக்க²ம்மபரிபூரணட்டே²ன பொ³ஜ்ஜ²ங்கா³, நெக்க²ம்மபரிபாகட்டே²ன பொ³ஜ்ஜ²ங்கா³, நெக்க²ம்மபடிஸம்பி⁴த³ட்டே²ன பொ³ஜ்ஜ²ங்கா³, நெக்க²ம்மபடிஸம்பி⁴தா³பாபனட்டே²ன பொ³ஜ்ஜ²ங்கா³, நெக்க²ம்மபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, நெக்க²ம்மபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Nekkhammaṭṭhena bojjhaṅgā, nekkhammacariyaṭṭhena bojjhaṅgā, nekkhammapariggahaṭṭhena bojjhaṅgā, nekkhammaparivāraṭṭhena bojjhaṅgā, nekkhammaparipūraṇaṭṭhena bojjhaṅgā, nekkhammaparipākaṭṭhena bojjhaṅgā, nekkhammapaṭisambhidaṭṭhena bojjhaṅgā, nekkhammapaṭisambhidāpāpanaṭṭhena bojjhaṅgā, nekkhammapaṭisambhidāya vasībhāvaṭṭhena bojjhaṅgā, nekkhammapaṭisambhidāya vasībhāvappattānampi bojjhaṅgā.
விமுத்தட்டே²ன பொ³ஜ்ஜ²ங்கா³, விமுத்திசரியட்டே²ன பொ³ஜ்ஜ²ங்கா³, விமுத்திபரிக்³க³ஹட்டே²ன பொ³ஜ்ஜ²ங்கா³, விமுத்திபரிவாரட்டே²ன பொ³ஜ்ஜ²ங்கா³, விமுத்திபரிபூரணட்டே²ன பொ³ஜ்ஜ²ங்கா³, விமுத்திபரிபாகட்டே²ன பொ³ஜ்ஜ²ங்கா³, விமுத்திபடிஸம்பி⁴த³ட்டே²ன பொ³ஜ்ஜ²ங்கா³, விமுத்திபடிஸம்பி⁴தா³பாபனட்டே²ன பொ³ஜ்ஜ²ங்கா³, விமுத்திபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, விமுத்திபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Vimuttaṭṭhena bojjhaṅgā, vimutticariyaṭṭhena bojjhaṅgā, vimuttipariggahaṭṭhena bojjhaṅgā, vimuttiparivāraṭṭhena bojjhaṅgā, vimuttiparipūraṇaṭṭhena bojjhaṅgā, vimuttiparipākaṭṭhena bojjhaṅgā, vimuttipaṭisambhidaṭṭhena bojjhaṅgā, vimuttipaṭisambhidāpāpanaṭṭhena bojjhaṅgā, vimuttipaṭisambhidāya vasībhāvaṭṭhena bojjhaṅgā, vimuttipaṭisambhidāya vasībhāvappattānampi bojjhaṅgā.
அனாஸவட்டே²ன பொ³ஜ்ஜ²ங்கா³, அனாஸவசரியட்டே²ன பொ³ஜ்ஜ²ங்கா³, அனாஸவபரிக்³க³ஹட்டே²ன பொ³ஜ்ஜ²ங்கா³, அனாஸவபரிவாரட்டே²ன பொ³ஜ்ஜ²ங்கா³, அனாஸவபரிபூரணட்டே²ன பொ³ஜ்ஜ²ங்கா³, அனாஸவபரிபாகட்டே²ன பொ³ஜ்ஜ²ங்கா³ , அனாஸவபடிஸம்பி⁴த³ட்டே²ன பொ³ஜ்ஜ²ங்கா³, அனாஸவபடிஸம்பி⁴தா³பாபனட்டே²ன பொ³ஜ்ஜ²ங்கா³, அனாஸவபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, அனாஸவபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Anāsavaṭṭhena bojjhaṅgā, anāsavacariyaṭṭhena bojjhaṅgā, anāsavapariggahaṭṭhena bojjhaṅgā, anāsavaparivāraṭṭhena bojjhaṅgā, anāsavaparipūraṇaṭṭhena bojjhaṅgā, anāsavaparipākaṭṭhena bojjhaṅgā , anāsavapaṭisambhidaṭṭhena bojjhaṅgā, anāsavapaṭisambhidāpāpanaṭṭhena bojjhaṅgā, anāsavapaṭisambhidāya vasībhāvaṭṭhena bojjhaṅgā, anāsavapaṭisambhidāya vasībhāvappattānampi bojjhaṅgā.
விவேகட்டே²ன பொ³ஜ்ஜ²ங்கா³, விவேகசரியட்டே²ன பொ³ஜ்ஜ²ங்கா³, விவேகபரிக்³க³ஹட்டே²ன பொ³ஜ்ஜ²ங்கா³, விவேகபரிவாரட்டே²ன பொ³ஜ்ஜ²ங்கா³, விவேகபரிபூரணட்டே²ன பொ³ஜ்ஜ²ங்கா³, விவேகபரிபாகட்டே²ன பொ³ஜ்ஜ²ங்கா³, விவேகபடிஸம்பி⁴த³ட்டே²ன பொ³ஜ்ஜ²ங்கா³, விவேகபடிஸம்பி⁴தா³பாபனட்டே²ன பொ³ஜ்ஜ²ங்கா³, விவேகபடிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, விவேகபடிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Vivekaṭṭhena bojjhaṅgā, vivekacariyaṭṭhena bojjhaṅgā, vivekapariggahaṭṭhena bojjhaṅgā, vivekaparivāraṭṭhena bojjhaṅgā, vivekaparipūraṇaṭṭhena bojjhaṅgā, vivekaparipākaṭṭhena bojjhaṅgā, vivekapaṭisambhidaṭṭhena bojjhaṅgā, vivekapaṭisambhidāpāpanaṭṭhena bojjhaṅgā, vivekapaṭisambhidāya vasībhāvaṭṭhena bojjhaṅgā, vivekapaṭisambhidāya vasībhāvappattānampi bojjhaṅgā.
வோஸக்³க³ட்டே²ன பொ³ஜ்ஜ²ங்கா³, வோஸக்³க³சரியட்டே²ன பொ³ஜ்ஜ²ங்கா³, வோஸக்³க³பரிக்³க³ஹட்டே²ன பொ³ஜ்ஜ²ங்கா³, வோஸக்³க³பரிவாரட்டே²ன பொ³ஜ்ஜ²ங்கா³, வோஸக்³க³பரிபூரணட்டே²ன பொ³ஜ்ஜ²ங்கா³, வோஸக்³க³பரிபாகட்டே²ன பொ³ஜ்ஜ²ங்கா³, வோஸக்³க³படிஸம்பி⁴த³ட்டே²ன பொ³ஜ்ஜ²ங்கா³, வோஸக்³க³படிஸம்பி⁴தா³பாபனட்டே²ன பொ³ஜ்ஜ²ங்கா³, வோஸக்³க³படிஸம்பி⁴தா³ய வஸீபா⁴வட்டே²ன பொ³ஜ்ஜ²ங்கா³, வோஸக்³க³படிஸம்பி⁴தா³ய வஸீபா⁴வப்பத்தானம்பி பொ³ஜ்ஜ²ங்கா³.
Vosaggaṭṭhena bojjhaṅgā, vosaggacariyaṭṭhena bojjhaṅgā, vosaggapariggahaṭṭhena bojjhaṅgā, vosaggaparivāraṭṭhena bojjhaṅgā, vosaggaparipūraṇaṭṭhena bojjhaṅgā, vosaggaparipākaṭṭhena bojjhaṅgā, vosaggapaṭisambhidaṭṭhena bojjhaṅgā, vosaggapaṭisambhidāpāpanaṭṭhena bojjhaṅgā, vosaggapaṭisambhidāya vasībhāvaṭṭhena bojjhaṅgā, vosaggapaṭisambhidāya vasībhāvappattānampi bojjhaṅgā.
19. மூலட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஹேதுட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பச்சயட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விஸுத்³த⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனவஜ்ஜட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நெக்க²ம்மட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விமுத்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனாஸவட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விவேகட்ட²ங் பு³ஜ்ஜ²ந்தீதி – பொ³ஜ்ஜ²ங்கா³ . வோஸக்³க³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
19. Mūlaṭṭhaṃ bujjhantīti – bojjhaṅgā. Hetuṭṭhaṃ bujjhantīti – bojjhaṅgā. Paccayaṭṭhaṃ bujjhantīti – bojjhaṅgā. Visuddhaṭṭhaṃ bujjhantīti – bojjhaṅgā. Anavajjaṭṭhaṃ bujjhantīti – bojjhaṅgā. Nekkhammaṭṭhaṃ bujjhantīti – bojjhaṅgā. Vimuttaṭṭhaṃ bujjhantīti – bojjhaṅgā. Anāsavaṭṭhaṃ bujjhantīti – bojjhaṅgā. Vivekaṭṭhaṃ bujjhantīti – bojjhaṅgā . Vosaggaṭṭhaṃ bujjhantīti – bojjhaṅgā.
மூலசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஹேதுசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பச்சயசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விஸுத்³தி⁴சரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனவஜ்ஜசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நெக்க²ம்மசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விமுத்திசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனாஸவசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விவேகசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வோஸக்³க³சரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Mūlacariyaṭṭhaṃ bujjhantīti – bojjhaṅgā. Hetucariyaṭṭhaṃ bujjhantīti – bojjhaṅgā. Paccayacariyaṭṭhaṃ bujjhantīti – bojjhaṅgā. Visuddhicariyaṭṭhaṃ bujjhantīti – bojjhaṅgā. Anavajjacariyaṭṭhaṃ bujjhantīti – bojjhaṅgā. Nekkhammacariyaṭṭhaṃ bujjhantīti – bojjhaṅgā. Vimutticariyaṭṭhaṃ bujjhantīti – bojjhaṅgā. Anāsavacariyaṭṭhaṃ bujjhantīti – bojjhaṅgā. Vivekacariyaṭṭhaṃ bujjhantīti – bojjhaṅgā. Vosaggacariyaṭṭhaṃ bujjhantīti – bojjhaṅgā.
மூலபரிக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வோஸக்³க³பரிக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மூலபரிவாரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வோஸக்³க³பரிவாரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மூலபரிபூரணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வோஸக்³க³பரிபூரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மூலபரிபாகட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வோஸக்³க³பரிபாகட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மூலபடிஸம்பி⁴த³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வோஸக்³க³படிஸம்பி⁴த³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மூலபடிஸம்பி⁴தா³பாபனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வோஸக்³க³படிஸம்பி⁴தா³பாபனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மூலபடிஸம்பி⁴தா³ய வஸீபா⁴வட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வோஸக்³க³படிஸம்பி⁴தா³ய வஸீபா⁴வட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰….
Mūlapariggahaṭṭhaṃ bujjhantīti – bojjhaṅgā…pe… vosaggapariggahaṭṭhaṃ bujjhantīti – bojjhaṅgā. Mūlaparivāraṭṭhaṃ bujjhantīti – bojjhaṅgā…pe… vosaggaparivāraṭṭhaṃ bujjhantīti – bojjhaṅgā. Mūlaparipūraṇaṭṭhaṃ bujjhantīti – bojjhaṅgā…pe… vosaggaparipūraṭṭhaṃ bujjhantīti – bojjhaṅgā. Mūlaparipākaṭṭhaṃ bujjhantīti – bojjhaṅgā…pe… vosaggaparipākaṭṭhaṃ bujjhantīti – bojjhaṅgā. Mūlapaṭisambhidaṭṭhaṃ bujjhantīti – bojjhaṅgā…pe… vosaggapaṭisambhidaṭṭhaṃ bujjhantīti – bojjhaṅgā. Mūlapaṭisambhidāpāpanaṭṭhaṃ bujjhantīti – bojjhaṅgā…pe… vosaggapaṭisambhidāpāpanaṭṭhaṃ bujjhantīti – bojjhaṅgā. Mūlapaṭisambhidāya vasībhāvaṭṭhaṃ bujjhantīti – bojjhaṅgā…pe… vosaggapaṭisambhidāya vasībhāvaṭṭhaṃ bujjhantīti – bojjhaṅgā…pe….
பரிக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பரிவாரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பரிபூரணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகக்³க³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அவிக்கே²பட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அவிஸாரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனாவிலட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனிஞ்ஜனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்துபட்டா²னவஸேன சித்தஸ்ஸ டி²தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஆரம்மணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. கோ³சரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பஹானட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பரிச்சாக³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வுட்டா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விவட்டனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸந்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பணீதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விமுத்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனாஸவட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. தரணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனிமித்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அப்பணிஹிதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸுஞ்ஞதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகரஸட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனதிவத்தனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. யுக³னத்³த⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிய்யானட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஹேதுட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. த³ஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஆதி⁴பதெய்யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Pariggahaṭṭhaṃ bujjhantīti – bojjhaṅgā. Parivāraṭṭhaṃ bujjhantīti – bojjhaṅgā. Paripūraṇaṭṭhaṃ bujjhantīti – bojjhaṅgā. Ekaggaṭṭhaṃ bujjhantīti – bojjhaṅgā. Avikkhepaṭṭhaṃ bujjhantīti – bojjhaṅgā. Paggahaṭṭhaṃ bujjhantīti – bojjhaṅgā. Avisāraṭṭhaṃ bujjhantīti – bojjhaṅgā. Anāvilaṭṭhaṃ bujjhantīti – bojjhaṅgā. Aniñjanaṭṭhaṃ bujjhantīti – bojjhaṅgā. Ekattupaṭṭhānavasena cittassa ṭhitaṭṭhaṃ bujjhantīti – bojjhaṅgā. Ārammaṇaṭṭhaṃ bujjhantīti – bojjhaṅgā. Gocaraṭṭhaṃ bujjhantīti – bojjhaṅgā. Pahānaṭṭhaṃ bujjhantīti – bojjhaṅgā. Pariccāgaṭṭhaṃ bujjhantīti – bojjhaṅgā. Vuṭṭhānaṭṭhaṃ bujjhantīti – bojjhaṅgā. Vivaṭṭanaṭṭhaṃ bujjhantīti – bojjhaṅgā. Santaṭṭhaṃ bujjhantīti – bojjhaṅgā. Paṇītaṭṭhaṃ bujjhantīti – bojjhaṅgā. Vimuttaṭṭhaṃ bujjhantīti – bojjhaṅgā. Anāsavaṭṭhaṃ bujjhantīti – bojjhaṅgā. Taraṇaṭṭhaṃ bujjhantīti – bojjhaṅgā. Animittaṭṭhaṃ bujjhantīti – bojjhaṅgā. Appaṇihitaṭṭhaṃ bujjhantīti – bojjhaṅgā. Suññataṭṭhaṃ bujjhantīti – bojjhaṅgā. Ekarasaṭṭhaṃ bujjhantīti – bojjhaṅgā. Anativattanaṭṭhaṃ bujjhantīti – bojjhaṅgā. Yuganaddhaṭṭhaṃ bujjhantīti – bojjhaṅgā. Niyyānaṭṭhaṃ bujjhantīti – bojjhaṅgā. Hetuṭṭhaṃ bujjhantīti – bojjhaṅgā. Dassanaṭṭhaṃ bujjhantīti – bojjhaṅgā. Ādhipateyyaṭṭhaṃ bujjhantīti – bojjhaṅgā.
ஸமத²ஸ்ஸ அவிக்கே²பட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விபஸ்ஸனாய அனுபஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸமத²விபஸ்ஸனானங் ஏகரஸட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. யுக³னத்³த⁴ஸ்ஸ அனதிவத்தனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸிக்கா²ய ஸமாதா³னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஆரம்மணஸ்ஸ கோ³சரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. லீனஸ்ஸ சித்தஸ்ஸ பக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. உத்³த⁴தஸ்ஸ சித்தஸ்ஸ நிக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. உபோ⁴விஸுத்³தா⁴னங் அஜ்ஜு²பெக்க²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விஸேஸாதி⁴க³மட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. உத்தரி படிவேத⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸச்சாபி⁴ஸமயட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிரோதே⁴ பதிட்டா²பகட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Samathassa avikkhepaṭṭhaṃ bujjhantīti – bojjhaṅgā. Vipassanāya anupassanaṭṭhaṃ bujjhantīti – bojjhaṅgā. Samathavipassanānaṃ ekarasaṭṭhaṃ bujjhantīti – bojjhaṅgā. Yuganaddhassa anativattanaṭṭhaṃ bujjhantīti – bojjhaṅgā. Sikkhāya samādānaṭṭhaṃ bujjhantīti – bojjhaṅgā. Ārammaṇassa gocaraṭṭhaṃ bujjhantīti – bojjhaṅgā. Līnassa cittassa paggahaṭṭhaṃ bujjhantīti – bojjhaṅgā. Uddhatassa cittassa niggahaṭṭhaṃ bujjhantīti – bojjhaṅgā. Ubhovisuddhānaṃ ajjhupekkhanaṭṭhaṃ bujjhantīti – bojjhaṅgā. Visesādhigamaṭṭhaṃ bujjhantīti – bojjhaṅgā. Uttari paṭivedhaṭṭhaṃ bujjhantīti – bojjhaṅgā. Saccābhisamayaṭṭhaṃ bujjhantīti – bojjhaṅgā. Nirodhe patiṭṭhāpakaṭṭhaṃ bujjhantīti – bojjhaṅgā.
ஸத்³தி⁴ந்த்³ரியஸ்ஸ அதி⁴மொக்க²ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… பஞ்ஞிந்த்³ரியஸ்ஸ த³ஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸத்³தா⁴ப³லஸ்ஸ அஸ்ஸத்³தி⁴யே அகம்பியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… பஞ்ஞாப³லஸ்ஸ அவிஜ்ஜாய அகம்பியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸதிஸம்பொ³ஜ்ஜ²ங்க³ஸ்ஸ உபட்டா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… உபெக்கா²ஸம்பொ³ஜ்ஜ²ங்க³ஸ்ஸ படிஸங்கா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸம்மாதி³ட்டி²யா த³ஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… ஸம்மாஸமாதி⁴ஸ்ஸ அவிக்கே²பட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Saddhindriyassa adhimokkhaṭṭhaṃ bujjhantīti – bojjhaṅgā…pe… paññindriyassa dassanaṭṭhaṃ bujjhantīti – bojjhaṅgā. Saddhābalassa assaddhiye akampiyaṭṭhaṃ bujjhantīti – bojjhaṅgā…pe… paññābalassa avijjāya akampiyaṭṭhaṃ bujjhantīti – bojjhaṅgā. Satisambojjhaṅgassa upaṭṭhānaṭṭhaṃ bujjhantīti – bojjhaṅgā…pe… upekkhāsambojjhaṅgassa paṭisaṅkhānaṭṭhaṃ bujjhantīti – bojjhaṅgā. Sammādiṭṭhiyā dassanaṭṭhaṃ bujjhantīti – bojjhaṅgā…pe… sammāsamādhissa avikkhepaṭṭhaṃ bujjhantīti – bojjhaṅgā.
இந்த்³ரியானங் ஆதி⁴பதெய்யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ப³லானங் அகம்பியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிய்யானட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மக்³க³ஸ்ஸ ஹேதுட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸதிபட்டா²னானங் உபட்டா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸம்மப்பதா⁴னானங் பத³ஹனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. இத்³தி⁴பாதா³னங் இஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸச்சானங் தத²ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பயோகா³னங்ங்ங்ங்ங் படிப்பஸ்ஸத்³த⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ப²லானங் ஸச்சி²கிரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Indriyānaṃ ādhipateyyaṭṭhaṃ bujjhantīti – bojjhaṅgā. Balānaṃ akampiyaṭṭhaṃ bujjhantīti – bojjhaṅgā. Niyyānaṭṭhaṃ bujjhantīti – bojjhaṅgā. Maggassa hetuṭṭhaṃ bujjhantīti – bojjhaṅgā. Satipaṭṭhānānaṃ upaṭṭhānaṭṭhaṃ bujjhantīti – bojjhaṅgā. Sammappadhānānaṃ padahanaṭṭhaṃ bujjhantīti – bojjhaṅgā. Iddhipādānaṃ ijjhanaṭṭhaṃ bujjhantīti – bojjhaṅgā. Saccānaṃ tathaṭṭhaṃ bujjhantīti – bojjhaṅgā. Payogānaṃṃṃṃṃ paṭippassaddhaṭṭhaṃ bujjhantīti – bojjhaṅgā. Phalānaṃ sacchikiriyaṭṭhaṃ bujjhantīti – bojjhaṅgā.
விதக்கஸ்ஸ அபி⁴னிரோபனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விசாரஸ்ஸ உபவிசாரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பீதியா ப²ரணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸுக²ஸ்ஸ அபி⁴ஸந்த³னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ ஏகக்³க³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Vitakkassa abhiniropanaṭṭhaṃ bujjhantīti – bojjhaṅgā. Vicārassa upavicāraṭṭhaṃ bujjhantīti – bojjhaṅgā. Pītiyā pharaṇaṭṭhaṃ bujjhantīti – bojjhaṅgā. Sukhassa abhisandanaṭṭhaṃ bujjhantīti – bojjhaṅgā. Cittassa ekaggaṭṭhaṃ bujjhantīti – bojjhaṅgā.
ஆவஜ்ஜனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸஞ்ஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகோத³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அபி⁴ஞ்ஞாய ஞாதட்ட²ங் 5 பு³ஜ்ஜ²ந்தீதி – பொ³ஜ்ஜ²ங்கா³. பரிஞ்ஞாய தீரணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பஹானஸ்ஸ பரிச்சாக³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பா⁴வனாய ஏகரஸட்ட²ங் பு³ஜ்ஜ²ந்தீதி – பொ³ஜ்ஜ²ங்கா³ . ஸச்சி²கிரியாய ப²ஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³ . க²ந்தா⁴னங் க²ந்த⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. தா⁴தூனங் தா⁴துட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஆயதனானங் ஆயதனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸங்க²தானங் ஸங்க²தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அஸங்க²தஸ்ஸ அஸங்க²தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Āvajjanaṭṭhaṃ bujjhantīti – bojjhaṅgā. Vijānanaṭṭhaṃ bujjhantīti – bojjhaṅgā. Pajānanaṭṭhaṃ bujjhantīti – bojjhaṅgā. Sañjānanaṭṭhaṃ bujjhantīti – bojjhaṅgā. Ekodaṭṭhaṃ bujjhantīti – bojjhaṅgā. Abhiññāya ñātaṭṭhaṃ 6 bujjhantīti – bojjhaṅgā. Pariññāya tīraṇaṭṭhaṃ bujjhantīti – bojjhaṅgā. Pahānassa pariccāgaṭṭhaṃ bujjhantīti – bojjhaṅgā. Bhāvanāya ekarasaṭṭhaṃ bujjhantīti – bojjhaṅgā . Sacchikiriyāya phassanaṭṭhaṃ bujjhantīti – bojjhaṅgā . Khandhānaṃ khandhaṭṭhaṃ bujjhantīti – bojjhaṅgā. Dhātūnaṃ dhātuṭṭhaṃ bujjhantīti – bojjhaṅgā. Āyatanānaṃ āyatanaṭṭhaṃ bujjhantīti – bojjhaṅgā. Saṅkhatānaṃ saṅkhataṭṭhaṃ bujjhantīti – bojjhaṅgā. Asaṅkhatassa asaṅkhataṭṭhaṃ bujjhantīti – bojjhaṅgā.
சித்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தானந்தரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ வுட்டா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ விவட்டனட்ட²ங் 7 பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ ஹேதுட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ பச்சயட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ வத்து²ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ பூ⁴மட்ட²ங் 8 பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ ஆரம்மணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ கோ³சரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ சரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ க³தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ அபி⁴னீஹாரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ நிய்யானட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. சித்தஸ்ஸ நிஸ்ஸரணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Cittaṭṭhaṃ bujjhantīti – bojjhaṅgā. Cittānantariyaṭṭhaṃ bujjhantīti – bojjhaṅgā. Cittassa vuṭṭhānaṭṭhaṃ bujjhantīti – bojjhaṅgā. Cittassa vivaṭṭanaṭṭhaṃ 9 bujjhantīti – bojjhaṅgā. Cittassa hetuṭṭhaṃ bujjhantīti – bojjhaṅgā. Cittassa paccayaṭṭhaṃ bujjhantīti – bojjhaṅgā. Cittassa vatthuṭṭhaṃ bujjhantīti – bojjhaṅgā. Cittassa bhūmaṭṭhaṃ 10 bujjhantīti – bojjhaṅgā. Cittassa ārammaṇaṭṭhaṃ bujjhantīti – bojjhaṅgā. Cittassa gocaraṭṭhaṃ bujjhantīti – bojjhaṅgā. Cittassa cariyaṭṭhaṃ bujjhantīti – bojjhaṅgā. Cittassa gataṭṭhaṃ bujjhantīti – bojjhaṅgā. Cittassa abhinīhāraṭṭhaṃ bujjhantīti – bojjhaṅgā. Cittassa niyyānaṭṭhaṃ bujjhantīti – bojjhaṅgā. Cittassa nissaraṇaṭṭhaṃ bujjhantīti – bojjhaṅgā.
ஏகத்தே ஆவஜ்ஜனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே விஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே பஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸஞ்ஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஏகோத³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ( ) 11. ஏகத்தே பக்க²ந்த³னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே பஸீத³னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸந்திட்ட²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே விமுச்சனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஏதங் ஸந்தந்தி பஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே யானீகதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே வத்து²கதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே அனுட்டி²தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே பரிசிதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸுஸமாரத்³த⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³ . ஏகத்தே பரிக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே பரிவாரட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே பரிபூரணட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸமோதா⁴னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே அதி⁴ட்டா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஆஸேவனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே பா⁴வனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ப³ஹுலீகம்மட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸுஸமுக்³க³தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸுவிமுத்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே பு³ஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே அனுபு³ஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே படிபு³ஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸம்பு³ஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே போ³த⁴னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே அனுபோ³த⁴னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே படிபோ³த⁴னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸம்பு³ஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே போ³தி⁴பக்கி²யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே அனுபோ³தி⁴பக்கி²யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே படிபோ³தி⁴பக்கி²யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸம்போ³தி⁴பக்கி²யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஜோதனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே உஜ்ஜோதனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே அனுஜோதனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே படிஜோதனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஏகத்தே ஸஞ்ஜோதனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Ekatte āvajjanaṭṭhaṃ bujjhantīti – bojjhaṅgā. Ekatte vijānanaṭṭhaṃ bujjhantīti – bojjhaṅgā. Ekatte pajānanaṭṭhaṃ bujjhantīti – bojjhaṅgā. Ekatte sañjānanaṭṭhaṃ bujjhantīti – bojjhaṅgā. Ekatte ekodaṭṭhaṃ bujjhantīti – bojjhaṅgā. ( ) 12. Ekatte pakkhandanaṭṭhaṃ bujjhantīti – bojjhaṅgā. Ekatte pasīdanaṭṭhaṃ bujjhantīti – bojjhaṅgā. Ekatte santiṭṭhanaṭṭhaṃ bujjhantīti – bojjhaṅgā. Ekatte vimuccanaṭṭhaṃ bujjhantīti – bojjhaṅgā. Ekatte etaṃ santanti passanaṭṭhaṃ bujjhantīti – bojjhaṅgā. Ekatte yānīkataṭṭhaṃ bujjhantīti – bojjhaṅgā. Ekatte vatthukataṭṭhaṃ bujjhantīti – bojjhaṅgā. Ekatte anuṭṭhitaṭṭhaṃ bujjhantīti – bojjhaṅgā. Ekatte paricitaṭṭhaṃ bujjhantīti – bojjhaṅgā. Ekatte susamāraddhaṭṭhaṃ bujjhantīti – bojjhaṅgā . Ekatte pariggahaṭṭhaṃ bujjhantīti – bojjhaṅgā. Ekatte parivāraṭṭhaṃ bujjhantīti – bojjhaṅgā. Ekatte paripūraṇaṭṭhaṃ bujjhantīti – bojjhaṅgā. Ekatte samodhānaṭṭhaṃ bujjhantīti – bojjhaṅgā. Ekatte adhiṭṭhānaṭṭhaṃ bujjhantīti – bojjhaṅgā. Ekatte āsevanaṭṭhaṃ bujjhantīti – bojjhaṅgā. Ekatte bhāvanaṭṭhaṃ bujjhantīti – bojjhaṅgā. Ekatte bahulīkammaṭṭhaṃ bujjhantīti – bojjhaṅgā. Ekatte susamuggataṭṭhaṃ bujjhantīti – bojjhaṅgā. Ekatte suvimuttaṭṭhaṃ bujjhantīti – bojjhaṅgā. Ekatte bujjhanaṭṭhaṃ bujjhantīti – bojjhaṅgā. Ekatte anubujjhanaṭṭhaṃ bujjhantīti – bojjhaṅgā. Ekatte paṭibujjhanaṭṭhaṃ bujjhantīti – bojjhaṅgā. Ekatte sambujjhanaṭṭhaṃ bujjhantīti – bojjhaṅgā. Ekatte bodhanaṭṭhaṃ bujjhantīti – bojjhaṅgā. Ekatte anubodhanaṭṭhaṃ bujjhantīti – bojjhaṅgā. Ekatte paṭibodhanaṭṭhaṃ bujjhantīti – bojjhaṅgā. Ekatte sambujjhanaṭṭhaṃ bujjhantīti – bojjhaṅgā. Ekatte bodhipakkhiyaṭṭhaṃ bujjhantīti – bojjhaṅgā. Ekatte anubodhipakkhiyaṭṭhaṃ bujjhantīti – bojjhaṅgā. Ekatte paṭibodhipakkhiyaṭṭhaṃ bujjhantīti – bojjhaṅgā. Ekatte sambodhipakkhiyaṭṭhaṃ bujjhantīti – bojjhaṅgā. Ekatte jotanaṭṭhaṃ bujjhantīti – bojjhaṅgā. Ekatte ujjotanaṭṭhaṃ bujjhantīti – bojjhaṅgā. Ekatte anujotanaṭṭhaṃ bujjhantīti – bojjhaṅgā. Ekatte paṭijotanaṭṭhaṃ bujjhantīti – bojjhaṅgā. Ekatte sañjotanaṭṭhaṃ bujjhantīti – bojjhaṅgā.
பதாபனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விரோசனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³ . கிலேஸானங் ஸந்தாபனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அமலட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விமலட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிம்மலட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸமட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸமயட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விவேகட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விவேகசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விராக³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விராக³சரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிரோத⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிரோத⁴சரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வோஸக்³க³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வோஸக்³க³சரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விமுத்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. விமுத்திசரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Patāpanaṭṭhaṃ bujjhantīti – bojjhaṅgā. Virocanaṭṭhaṃ bujjhantīti – bojjhaṅgā . Kilesānaṃ santāpanaṭṭhaṃ bujjhantīti – bojjhaṅgā. Amalaṭṭhaṃ bujjhantīti – bojjhaṅgā. Vimalaṭṭhaṃ bujjhantīti – bojjhaṅgā. Nimmalaṭṭhaṃ bujjhantīti – bojjhaṅgā. Samaṭṭhaṃ bujjhantīti – bojjhaṅgā. Samayaṭṭhaṃ bujjhantīti – bojjhaṅgā. Vivekaṭṭhaṃ bujjhantīti – bojjhaṅgā. Vivekacariyaṭṭhaṃ bujjhantīti – bojjhaṅgā. Virāgaṭṭhaṃ bujjhantīti – bojjhaṅgā. Virāgacariyaṭṭhaṃ bujjhantīti – bojjhaṅgā. Nirodhaṭṭhaṃ bujjhantīti – bojjhaṅgā. Nirodhacariyaṭṭhaṃ bujjhantīti – bojjhaṅgā. Vosaggaṭṭhaṃ bujjhantīti – bojjhaṅgā. Vosaggacariyaṭṭhaṃ bujjhantīti – bojjhaṅgā. Vimuttaṭṭhaṃ bujjhantīti – bojjhaṅgā. Vimutticariyaṭṭhaṃ bujjhantīti – bojjhaṅgā.
ச²ந்த³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ மூலட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ பாத³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ பதா⁴னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ இஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ அதி⁴மொக்க²ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ பக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ உபட்டா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ அவிக்கே²பட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ச²ந்த³ஸ்ஸ த³ஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Chandaṭṭhaṃ bujjhantīti – bojjhaṅgā. Chandassa mūlaṭṭhaṃ bujjhantīti – bojjhaṅgā. Chandassa pādaṭṭhaṃ bujjhantīti – bojjhaṅgā. Chandassa padhānaṭṭhaṃ bujjhantīti – bojjhaṅgā. Chandassa ijjhanaṭṭhaṃ bujjhantīti – bojjhaṅgā. Chandassa adhimokkhaṭṭhaṃ bujjhantīti – bojjhaṅgā. Chandassa paggahaṭṭhaṃ bujjhantīti – bojjhaṅgā. Chandassa upaṭṭhānaṭṭhaṃ bujjhantīti – bojjhaṅgā. Chandassa avikkhepaṭṭhaṃ bujjhantīti – bojjhaṅgā. Chandassa dassanaṭṭhaṃ bujjhantīti – bojjhaṅgā.
வீரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… சித்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… வீமங்ஸட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய மூலட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய பாத³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய பதா⁴னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய இஜ்ஜ²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய அதி⁴மொக்க²ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய பக்³க³ஹட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய உபட்டா²னட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய அவிக்கே²பட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. வீமங்ஸாய த³ஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Vīriyaṭṭhaṃ bujjhantīti – bojjhaṅgā…pe… cittaṭṭhaṃ bujjhantīti – bojjhaṅgā…pe… vīmaṃsaṭṭhaṃ bujjhantīti – bojjhaṅgā. Vīmaṃsāya mūlaṭṭhaṃ bujjhantīti – bojjhaṅgā. Vīmaṃsāya pādaṭṭhaṃ bujjhantīti – bojjhaṅgā. Vīmaṃsāya padhānaṭṭhaṃ bujjhantīti – bojjhaṅgā. Vīmaṃsāya ijjhanaṭṭhaṃ bujjhantīti – bojjhaṅgā. Vīmaṃsāya adhimokkhaṭṭhaṃ bujjhantīti – bojjhaṅgā. Vīmaṃsāya paggahaṭṭhaṃ bujjhantīti – bojjhaṅgā. Vīmaṃsāya upaṭṭhānaṭṭhaṃ bujjhantīti – bojjhaṅgā. Vīmaṃsāya avikkhepaṭṭhaṃ bujjhantīti – bojjhaṅgā. Vīmaṃsāya dassanaṭṭhaṃ bujjhantīti – bojjhaṅgā.
து³க்க²ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. து³க்க²ஸ்ஸ பீளனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. து³க்க²ஸ்ஸ ஸங்க²தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. து³க்க²ஸ்ஸ ஸந்தாபட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. து³க்க²ஸ்ஸ விபரிணாமட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸமுத³யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸமுத³யஸ்ஸ ஆயூஹனட்ட²ங் நிதா³னட்ட²ங் ஸஞ்ஞோக³ட்ட²ங் பலிபோ³த⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிரோத⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. நிரோத⁴ஸ்ஸ நிஸ்ஸரணட்ட²ங் விவேகட்ட²ங் அஸங்க²தட்ட²ங் அமதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மக்³க³ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. மக்³க³ஸ்ஸ நிய்யானட்ட²ங் ஹேதுட்ட²ங் த³ஸ்ஸனட்ட²ங் ஆதி⁴பதெய்யட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Dukkhaṭṭhaṃ bujjhantīti – bojjhaṅgā. Dukkhassa pīḷanaṭṭhaṃ bujjhantīti – bojjhaṅgā. Dukkhassa saṅkhataṭṭhaṃ bujjhantīti – bojjhaṅgā. Dukkhassa santāpaṭṭhaṃ bujjhantīti – bojjhaṅgā. Dukkhassa vipariṇāmaṭṭhaṃ bujjhantīti – bojjhaṅgā. Samudayaṭṭhaṃ bujjhantīti – bojjhaṅgā. Samudayassa āyūhanaṭṭhaṃ nidānaṭṭhaṃ saññogaṭṭhaṃ palibodhaṭṭhaṃ bujjhantīti – bojjhaṅgā. Nirodhaṭṭhaṃ bujjhantīti – bojjhaṅgā. Nirodhassa nissaraṇaṭṭhaṃ vivekaṭṭhaṃ asaṅkhataṭṭhaṃ amataṭṭhaṃ bujjhantīti – bojjhaṅgā. Maggaṭṭhaṃ bujjhantīti – bojjhaṅgā. Maggassa niyyānaṭṭhaṃ hetuṭṭhaṃ dassanaṭṭhaṃ ādhipateyyaṭṭhaṃ bujjhantīti – bojjhaṅgā.
தத²ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அனத்தட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸச்சட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. படிவேத⁴ட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அபி⁴ஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. பரிஜானநட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. த⁴ம்மட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. தா⁴துட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஞாதட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஸச்சி²கிரியட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ப²ஸ்ஸனட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. அபி⁴ஸமயட்ட²ங் பு³ஜ்ஜ²ந்தீதி – பொ³ஜ்ஜ²ங்கா³.
Tathaṭṭhaṃ bujjhantīti – bojjhaṅgā. Anattaṭṭhaṃ bujjhantīti – bojjhaṅgā. Saccaṭṭhaṃ bujjhantīti – bojjhaṅgā. Paṭivedhaṭṭhaṃ bujjhantīti – bojjhaṅgā. Abhijānanaṭṭhaṃ bujjhantīti – bojjhaṅgā. Parijānanaṭṭhaṃ bujjhantīti – bojjhaṅgā. Dhammaṭṭhaṃ bujjhantīti – bojjhaṅgā. Dhātuṭṭhaṃ bujjhantīti – bojjhaṅgā. Ñātaṭṭhaṃ bujjhantīti – bojjhaṅgā. Sacchikiriyaṭṭhaṃ bujjhantīti – bojjhaṅgā. Phassanaṭṭhaṃ bujjhantīti – bojjhaṅgā. Abhisamayaṭṭhaṃ bujjhantīti – bojjhaṅgā.
நெக்க²ம்மங் பு³ஜ்ஜ²ந்தீதி – பொ³ஜ்ஜ²ங்கா³. அப்³யாபாத³ங் பு³ஜ்ஜ²ந்தீதி – பொ³ஜ்ஜ²ங்கா³. ஆலோகஸஞ்ஞங் பு³ஜ்ஜ²ந்தீதி – பொ³ஜ்ஜ²ங்கா³. அவிக்கே²பங் பு³ஜ்ஜ²ந்தீதி – பொ³ஜ்ஜ²ங்கா³. த⁴ம்மவவத்தா²னங் பு³ஜ்ஜ²ந்தீதி – பொ³ஜ்ஜ²ங்கா³. ஞாணங் பு³ஜ்ஜ²ந்தீதி – பொ³ஜ்ஜ²ங்கா³. பாமோஜ்ஜங் பு³ஜ்ஜ²ந்தீதி – பொ³ஜ்ஜ²ங்கா³. பட²மங் ஜா²னங் பு³ஜ்ஜ²ந்தீதி – பொ³ஜ்ஜ²ங்கா³…பே॰… அரஹத்தமக்³க³ங் பு³ஜ்ஜ²ந்தீதி – பொ³ஜ்ஜ²ங்கா³. அரஹத்தப²லஸமாபத்திங் பு³ஜ்ஜ²ந்தீதி – பொ³ஜ்ஜ²ங்கா³.
Nekkhammaṃ bujjhantīti – bojjhaṅgā. Abyāpādaṃ bujjhantīti – bojjhaṅgā. Ālokasaññaṃ bujjhantīti – bojjhaṅgā. Avikkhepaṃ bujjhantīti – bojjhaṅgā. Dhammavavatthānaṃ bujjhantīti – bojjhaṅgā. Ñāṇaṃ bujjhantīti – bojjhaṅgā. Pāmojjaṃ bujjhantīti – bojjhaṅgā. Paṭhamaṃ jhānaṃ bujjhantīti – bojjhaṅgā…pe… arahattamaggaṃ bujjhantīti – bojjhaṅgā. Arahattaphalasamāpattiṃ bujjhantīti – bojjhaṅgā.
அதி⁴மொக்க²ட்டே²ன ஸத்³தி⁴ந்த்³ரியங் பு³ஜ்ஜ²ந்தீதி – பொ³ஜ்ஜ²ங்கா³…பே॰… த³ஸ்ஸனட்டே²ன பஞ்ஞிந்த்³ரியங் பு³ஜ்ஜ²ந்தீதி – பொ³ஜ்ஜ²ங்கா³. அஸ்ஸத்³தி⁴யே அகம்பியட்டே²ன ஸத்³தா⁴ப³லங் பு³ஜ்ஜ²ந்தீதி – பொ³ஜ்ஜ²ங்கா³…பே॰… அவிஜ்ஜாய அகம்பியட்டே²ன பஞ்ஞாப³லங் பு³ஜ்ஜ²ந்தீதி – பொ³ஜ்ஜ²ங்கா³. உபட்டா²னட்டே²ன ஸதிஸம்பொ³ஜ்ஜ²ங்க³ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… படிஸங்கா²னட்டே²ன உபெக்கா²ஸம்பொ³ஜ்ஜ²ங்க³ங் பு³ஜ்ஜ²ந்தீதி – பொ³ஜ்ஜ²ங்கா³.
Adhimokkhaṭṭhena saddhindriyaṃ bujjhantīti – bojjhaṅgā…pe… dassanaṭṭhena paññindriyaṃ bujjhantīti – bojjhaṅgā. Assaddhiye akampiyaṭṭhena saddhābalaṃ bujjhantīti – bojjhaṅgā…pe… avijjāya akampiyaṭṭhena paññābalaṃ bujjhantīti – bojjhaṅgā. Upaṭṭhānaṭṭhena satisambojjhaṅgaṃ bujjhantīti – bojjhaṅgā…pe… paṭisaṅkhānaṭṭhena upekkhāsambojjhaṅgaṃ bujjhantīti – bojjhaṅgā.
த³ஸ்ஸனட்டே²ன ஸம்மாதி³ட்டி²ங் பு³ஜ்ஜ²ந்தீதி – பொ³ஜ்ஜ²ங்கா³…பே॰… அவிக்கே²பட்டே²ன ஸம்மாஸமாதி⁴ங் பு³ஜ்ஜ²ந்தீதி – பொ³ஜ்ஜ²ங்கா³. ஆதி⁴பதெய்யட்டே²ன இந்த்³ரியங் பு³ஜ்ஜ²ந்தீதி – பொ³ஜ்ஜ²ங்கா³. அகம்பியட்டே²ன ப³லங் பு³ஜ்ஜ²ந்தீதி – பொ³ஜ்ஜ²ங்கா³. நிய்யானட்ட²ங் பு³ஜ்ஜ²ந்தீதி – பொ³ஜ்ஜ²ங்கா³. ஹேதுட்டே²ன மக்³க³ங் பு³ஜ்ஜ²ந்தீதி – பொ³ஜ்ஜ²ங்கா³. உபட்டா²னட்டே²ன ஸதிபட்டா²னங் பு³ஜ்ஜ²ந்தீதி – பொ³ஜ்ஜ²ங்கா³. பத³ஹனட்டே²ன ஸம்மப்பதா⁴னங் பு³ஜ்ஜ²ந்தீதி – பொ³ஜ்ஜ²ங்கா³. இஜ்ஜ²னட்டே²ன இத்³தி⁴பாத³ங் பு³ஜ்ஜ²ந்தீதி – பொ³ஜ்ஜ²ங்கா³. தத²ட்டே²ன ஸச்சங் பு³ஜ்ஜ²ந்தீதி – பொ³ஜ்ஜ²ங்கா³. அவிக்கே²பட்டே²ன ஸமத²ங் பு³ஜ்ஜ²ந்தீதி – பொ³ஜ்ஜ²ங்கா³. அனுபஸ்ஸனட்டே² விபஸ்ஸனங் …பே॰… ஏகரஸட்டே²ன ஸமத²விபஸ்ஸனங் பு³ஜ்ஜ²ந்தீதி – பொ³ஜ்ஜ²ங்கா³. அனதிவத்தனட்டே²ன யுக³னத்³த⁴ங் பு³ஜ்ஜ²ந்தீதி – பொ³ஜ்ஜ²ங்கா³. ஸங்வரட்டே²ன ஸீலவிஸுத்³தி⁴ங் பு³ஜ்ஜ²ந்தீதி – பொ³ஜ்ஜ²ங்கா³. அவிக்கே²பட்டே²ன சித்தவிஸுத்³தி⁴ங் பு³ஜ்ஜ²ந்தீதி – பொ³ஜ்ஜ²ங்கா³. த³ஸ்ஸனட்டே²ன தி³ட்டி²விஸுத்³தி⁴ங் பு³ஜ்ஜ²ந்தீதி – பொ³ஜ்ஜ²ங்கா³. முத்தட்டே²ன விமொக்க²ங் பு³ஜ்ஜ²ந்தீதி – பொ³ஜ்ஜ²ங்கா³. படிவேத⁴ட்டே²ன விஜ்ஜங் பு³ஜ்ஜ²ந்தீதி – பொ³ஜ்ஜ²ங்கா³. பரிச்சாக³ட்டே²ன விமுத்திங் பு³ஜ்ஜ²ந்தீதி – பொ³ஜ்ஜ²ங்கா³. ஸமுச்சே²த³ட்டே²ன க²யே ஞாணங் பு³ஜ்ஜ²ந்தீதி – பொ³ஜ்ஜ²ங்கா³. படிப்பஸ்ஸத்³த⁴ட்டே²ன அனுப்பாதே³ ஞாணங் பு³ஜ்ஜ²ந்தீதி – பொ³ஜ்ஜ²ங்கா³.
Dassanaṭṭhena sammādiṭṭhiṃ bujjhantīti – bojjhaṅgā…pe… avikkhepaṭṭhena sammāsamādhiṃ bujjhantīti – bojjhaṅgā. Ādhipateyyaṭṭhena indriyaṃ bujjhantīti – bojjhaṅgā. Akampiyaṭṭhena balaṃ bujjhantīti – bojjhaṅgā. Niyyānaṭṭhaṃ bujjhantīti – bojjhaṅgā. Hetuṭṭhena maggaṃ bujjhantīti – bojjhaṅgā. Upaṭṭhānaṭṭhena satipaṭṭhānaṃ bujjhantīti – bojjhaṅgā. Padahanaṭṭhena sammappadhānaṃ bujjhantīti – bojjhaṅgā. Ijjhanaṭṭhena iddhipādaṃ bujjhantīti – bojjhaṅgā. Tathaṭṭhena saccaṃ bujjhantīti – bojjhaṅgā. Avikkhepaṭṭhena samathaṃ bujjhantīti – bojjhaṅgā. Anupassanaṭṭhe vipassanaṃ …pe… ekarasaṭṭhena samathavipassanaṃ bujjhantīti – bojjhaṅgā. Anativattanaṭṭhena yuganaddhaṃ bujjhantīti – bojjhaṅgā. Saṃvaraṭṭhena sīlavisuddhiṃ bujjhantīti – bojjhaṅgā. Avikkhepaṭṭhena cittavisuddhiṃ bujjhantīti – bojjhaṅgā. Dassanaṭṭhena diṭṭhivisuddhiṃ bujjhantīti – bojjhaṅgā. Muttaṭṭhena vimokkhaṃ bujjhantīti – bojjhaṅgā. Paṭivedhaṭṭhena vijjaṃ bujjhantīti – bojjhaṅgā. Pariccāgaṭṭhena vimuttiṃ bujjhantīti – bojjhaṅgā. Samucchedaṭṭhena khaye ñāṇaṃ bujjhantīti – bojjhaṅgā. Paṭippassaddhaṭṭhena anuppāde ñāṇaṃ bujjhantīti – bojjhaṅgā.
ச²ந்த³ங் மூலட்டே²ன பு³ஜ்ஜ²ந்தீதி – பொ³ஜ்ஜ²ங்கா³. மனஸிகாரங் ஸமுட்டா²னட்டே²ன பு³ஜ்ஜ²ந்தீதி – பொ³ஜ்ஜ²ங்கா³. ப²ஸ்ஸங் ஸமோதா⁴னட்டே²ன பு³ஜ்ஜ²ந்தீதி – பொ³ஜ்ஜ²ங்கா³. வேத³னங் ஸமோஸரணட்டே²ன பு³ஜ்ஜ²ந்தீதி – பொ³ஜ்ஜ²ங்கா³. ஸமாதி⁴ங் பமுக²ட்டே²ன பு³ஜ்ஜ²ந்தீதி – பொ³ஜ்ஜ²ங்கா³. ஸதிங் ஆதி⁴பதெய்யட்டே²ன பு³ஜ்ஜ²ந்தீதி – பொ³ஜ்ஜ²ங்கா³. பஞ்ஞங் ததுத்தரட்டே²ன பு³ஜ்ஜ²ந்தீதி – பொ³ஜ்ஜ²ங்கா³. விமுத்திங் ஸாரட்டே²ன பு³ஜ்ஜ²ந்தீதி – பொ³ஜ்ஜ²ங்கா³. அமதோக³த⁴ங் நிப்³பா³னங் பரியோஸானட்டே²ன பு³ஜ்ஜ²ந்தீதி – பொ³ஜ்ஜ²ங்கா³.
Chandaṃ mūlaṭṭhena bujjhantīti – bojjhaṅgā. Manasikāraṃ samuṭṭhānaṭṭhena bujjhantīti – bojjhaṅgā. Phassaṃ samodhānaṭṭhena bujjhantīti – bojjhaṅgā. Vedanaṃ samosaraṇaṭṭhena bujjhantīti – bojjhaṅgā. Samādhiṃ pamukhaṭṭhena bujjhantīti – bojjhaṅgā. Satiṃ ādhipateyyaṭṭhena bujjhantīti – bojjhaṅgā. Paññaṃ tatuttaraṭṭhena bujjhantīti – bojjhaṅgā. Vimuttiṃ sāraṭṭhena bujjhantīti – bojjhaṅgā. Amatogadhaṃ nibbānaṃ pariyosānaṭṭhena bujjhantīti – bojjhaṅgā.
20. ஸாவத்தி²னிதா³னங். தத்ர கோ² ஆயஸ்மா ஸாரிபுத்தோ பி⁴க்கூ² ஆமந்தேஸி – ‘‘ஆவுஸோ பி⁴க்க²வோ’’தி 13. ‘‘ஆவுஸோ’’தி கோ² தே பி⁴க்கூ² ஆயஸ்மதோ ஸாரிபுத்தஸ்ஸ பச்சஸ்ஸோஸுங். ஆயஸ்மா ஸாரிபுத்தோ ஏதத³வோச –
20. Sāvatthinidānaṃ. Tatra kho āyasmā sāriputto bhikkhū āmantesi – ‘‘āvuso bhikkhavo’’ti 14. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ஸத்திமே, ஆவுஸோ, பொ³ஜ்ஜ²ங்கா³ . கதமே ஸத்த? ஸதிஸம்பொ³ஜ்ஜ²ங்கோ³, த⁴ம்மவிசயஸம்பொ³ஜ்ஜ²ங்கோ³…பே॰… உபெக்கா²ஸம்பொ³ஜ்ஜ²ங்கோ³ – இமே கோ², ஆவுஸோ, ஸத்த பொ³ஜ்ஜ²ங்கா³. இமேஸங் க்²வாஹங், ஆவுஸோ, ஸத்தன்னங் பொ³ஜ்ஜ²ங்கா³னங் யேன யேன பொ³ஜ்ஜ²ங்கே³ன ஆகங்கா²மி புப்³ப³ண்ஹஸமயங் விஹரிதுங், தேன தேன பொ³ஜ்ஜ²ங்கே³ன புப்³ப³ண்ஹஸமயங் விஹராமி. யேன யேன பொ³ஜ்ஜ²ங்கே³ன ஆகங்கா²மி மஜ்ஜ²ன்ஹிகஸமயங்…பே॰… ஸாயன்ஹஸமயங் விஹரிதுங், தேன தேன பொ³ஜ்ஜ²ங்கே³ன ஸாயன்ஹஸமயங் விஹராமி. ஸதிஸம்பொ³ஜ்ஜ²ங்கோ³ இதி சே மே, ‘ஆவுஸோ, ஹோதி, அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நங் 15 ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி. த⁴ம்மவிசயஸம்பொ³ஜ்ஜ²ங்கோ³…பே॰… உபெக்கா²ஸம்பொ³ஜ்ஜ²ங்கோ³ இதி சே மே, ஆவுஸோ, ஹோதி, ‘அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நங் ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி.
‘‘Sattime, āvuso, bojjhaṅgā . Katame satta? Satisambojjhaṅgo, dhammavicayasambojjhaṅgo…pe… upekkhāsambojjhaṅgo – ime kho, āvuso, satta bojjhaṅgā. Imesaṃ khvāhaṃ, āvuso, sattannaṃ bojjhaṅgānaṃ yena yena bojjhaṅgena ākaṅkhāmi pubbaṇhasamayaṃ viharituṃ, tena tena bojjhaṅgena pubbaṇhasamayaṃ viharāmi. Yena yena bojjhaṅgena ākaṅkhāmi majjhanhikasamayaṃ…pe… sāyanhasamayaṃ viharituṃ, tena tena bojjhaṅgena sāyanhasamayaṃ viharāmi. Satisambojjhaṅgo iti ce me, ‘āvuso, hoti, appamāṇo’ti me hoti, ‘susamāraddho’ti me hoti. Tiṭṭhantañca naṃ 16 ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi. Dhammavicayasambojjhaṅgo…pe… upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti. Tiṭṭhantañca naṃ ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi.
‘‘ஸெய்யதா²பி, ஆவுஸோ, ரஞ்ஞோ வா ராஜமஹாமத்தஸ்ஸ வா நானாரத்தானங் து³ஸ்ஸானங் து³ஸ்ஸகரண்ட³கோ பூரோ அஸ்ஸ. ஸோ யஞ்ஞதே³வ து³ஸ்ஸயுக³ங் ஆகங்கெ²ய்ய புப்³ப³ண்ஹஸமயங் பாருபிதுங், தங் ததே³வ து³ஸ்ஸயுக³ங் புப்³ப³ண்ஹஸமயங் பாருபெய்ய. யஞ்ஞதே³வ து³ஸ்ஸயுக³ங் ஆகங்கெ²ய்ய மஜ்ஜ²ன்ஹிகஸமயங்…பே॰… ஸாயன்ஹஸமயங் பாருபிதுங், தங் ததே³வ து³ஸ்ஸயுக³ங் ஸாயன்ஹஸமயங் பாருபெய்ய. ஏவமேவ க்²வாஹங், ஆவுஸோ, இமேஸங் ஸத்தன்னங் பொ³ஜ்ஜ²ங்கா³னங் யேன யேன பொ³ஜ்ஜ²ங்கே³ன ஆகங்கா²மி புப்³ப³ண்ஹஸமயங் விஹரிதுங், தேன தேன பொ³ஜ்ஜ²ங்கே³ன புப்³ப³ண்ஹஸமயங் விஹராமி. யேன யேன பொ³ஜ்ஜ²ங்கே³ன ஆகங்கா²மி மஜ்ஜ²ன்ஹிகஸமயங்…பே॰… ஸாயன்ஹஸமயங் விஹரிதுங், தேன தேன பொ³ஜ்ஜ²ங்கே³ன ஸாயன்ஹஸமயங் விஹராமி. ஸதிஸம்பொ³ஜ்ஜ²ங்கோ³ இதி சே மே, ஆவுஸோ, ஹோதி, ‘அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நங் ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி…பே॰… உபெக்கா²ஸம்பொ³ஜ்ஜ²ங்கோ³ இதி சே மே, ஆவுஸோ, ஹோதி, ‘அப்பமாணோ’தி மே ஹோதி, ‘ஸுஸமாரத்³தோ⁴’தி மே ஹோதி. திட்ட²ந்தஞ்ச நங் ‘திட்ட²தீ’தி பஜானாமி. ஸசேபி மே சவதி, ‘இத³ப்பச்சயா மே சவதீ’தி பஜானாமி’’.
‘‘Seyyathāpi, āvuso, rañño vā rājamahāmattassa vā nānārattānaṃ dussānaṃ dussakaraṇḍako pūro assa. So yaññadeva dussayugaṃ ākaṅkheyya pubbaṇhasamayaṃ pārupituṃ, taṃ tadeva dussayugaṃ pubbaṇhasamayaṃ pārupeyya. Yaññadeva dussayugaṃ ākaṅkheyya majjhanhikasamayaṃ…pe… sāyanhasamayaṃ pārupituṃ, taṃ tadeva dussayugaṃ sāyanhasamayaṃ pārupeyya. Evameva khvāhaṃ, āvuso, imesaṃ sattannaṃ bojjhaṅgānaṃ yena yena bojjhaṅgena ākaṅkhāmi pubbaṇhasamayaṃ viharituṃ, tena tena bojjhaṅgena pubbaṇhasamayaṃ viharāmi. Yena yena bojjhaṅgena ākaṅkhāmi majjhanhikasamayaṃ…pe… sāyanhasamayaṃ viharituṃ, tena tena bojjhaṅgena sāyanhasamayaṃ viharāmi. Satisambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti. Tiṭṭhantañca naṃ ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi…pe… upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti. Tiṭṭhantañca naṃ ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi’’.
ஸுத்தந்தனித்³தே³ஸோ
Suttantaniddeso
21. கத²ங் ஸதிஸம்பொ³ஜ்ஜ²ங்கோ³ இதி சே மே ஹோதீதி பொ³ஜ்ஜ²ங்கோ³? யாவதா நிரோதூ⁴பட்டா²தி தாவதா ஸதிஸம்பொ³ஜ்ஜ²ங்கோ³. இதி சே மே ஹோதீதி பொ³ஜ்ஜ²ங்கோ³. ஸெய்யதா²பி தேலப்பதீ³பஸ்ஸ ஜா²யதோ யாவதா அச்சி தாவதா வண்ணோ, யாவதா வண்ணோ தாவதா அச்சி. ஏவமேவ யாவதா நிரோதூ⁴பட்டா²தி தாவதா ஸதிஸம்பொ³ஜ்ஜ²ங்கோ³. இதி சே மே ஹோதீதி பொ³ஜ்ஜ²ங்கோ³.
21. Kathaṃ satisambojjhaṅgo iti ce me hotīti bojjhaṅgo? Yāvatā nirodhūpaṭṭhāti tāvatā satisambojjhaṅgo. Iti ce me hotīti bojjhaṅgo. Seyyathāpi telappadīpassa jhāyato yāvatā acci tāvatā vaṇṇo, yāvatā vaṇṇo tāvatā acci. Evameva yāvatā nirodhūpaṭṭhāti tāvatā satisambojjhaṅgo. Iti ce me hotīti bojjhaṅgo.
கத²ங் அப்பமாணோ இதி சே மே ஹோதீதி பொ³ஜ்ஜ²ங்கோ³? பமாணப³த்³தா⁴ 17 கிலேஸா, ஸப்³பே³ ச பரியுட்டா²னா, யே ச ஸங்கா²ரா போனோப⁴விகா அப்பமாணோ நிரோதோ⁴ அசலட்டே²ன அஸங்க²தட்டே²ன. யாவதா நிரோதூ⁴பட்டா²தி தாவதா அப்பமாணோ. இதி சே மே ஹோதீதி பொ³ஜ்ஜ²ங்கோ³.
Kathaṃ appamāṇo iti ce me hotīti bojjhaṅgo? Pamāṇabaddhā 18 kilesā, sabbe ca pariyuṭṭhānā, ye ca saṅkhārā ponobhavikā appamāṇo nirodho acalaṭṭhena asaṅkhataṭṭhena. Yāvatā nirodhūpaṭṭhāti tāvatā appamāṇo. Iti ce me hotīti bojjhaṅgo.
கத²ங் ஸுஸமாரத்³தோ⁴ இதி சே மே ஹோதீதி – பொ³ஜ்ஜ²ங்கோ³? விஸமா கிலேஸா, ஸப்³பே³ ச பரியுட்டா²னா, யே ச ஸங்கா²ரா போனோப⁴விகா, ஸமத⁴ம்மோ நிரோதோ⁴ ஸந்தட்டே²ன பணீதட்டே²ன. யாவதா நிரோதூ⁴பட்டா²தி தாவதா ஸுஸமாரத்³தோ⁴ இதி சே மே ஹோதீதி பொ³ஜ்ஜ²ங்கோ³.
Kathaṃ susamāraddho iti ce me hotīti – bojjhaṅgo? Visamā kilesā, sabbe ca pariyuṭṭhānā, ye ca saṅkhārā ponobhavikā, samadhammo nirodho santaṭṭhena paṇītaṭṭhena. Yāvatā nirodhūpaṭṭhāti tāvatā susamāraddho iti ce me hotīti bojjhaṅgo.
கத²ங் ‘‘திட்ட²ந்தஞ்ச நங் திட்ட²தீ’’தி பஜானாமி; ஸசேபி சவதி ‘‘இத³ப்பச்சயா சவதீ’’தி பஜானாமி? கதிஹாகாரேஹி ஸதிஸம்பொ³ஜ்ஜ²ங்கோ³ திட்ட²தி? கதிஹாகாரேஹி ஸதிஸம்பொ³ஜ்ஜ²ங்கோ³ சவதி? அட்ட²ஹாகாரேஹி ஸதிஸம்பொ³ஜ்ஜ²ங்கோ³ திட்ட²தி. அட்ட²ஹாகாரேஹி ஸதிஸம்பொ³ஜ்ஜ²ங்கோ³ சவதி.
Kathaṃ ‘‘tiṭṭhantañca naṃ tiṭṭhatī’’ti pajānāmi; sacepi cavati ‘‘idappaccayā cavatī’’ti pajānāmi? Katihākārehi satisambojjhaṅgo tiṭṭhati? Katihākārehi satisambojjhaṅgo cavati? Aṭṭhahākārehi satisambojjhaṅgo tiṭṭhati. Aṭṭhahākārehi satisambojjhaṅgo cavati.
கதமேஹி அட்ட²ஹாகாரேஹி ஸதிஸம்பொ³ஜ்ஜ²ங்கோ³ திட்ட²தி? அனுப்பாத³ங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, உப்பாத³ங் அனாவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, அப்பவத்தங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, பவத்தங் அனாவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, அனிமித்தங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, நிமித்தங் அனாவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, நிரோத⁴ங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி, ஸங்கா²ரே அனாவஜ்ஜிதத்தா ஸதிஸம்பொ³ஜ்ஜ²ங்கோ³ திட்ட²தி – இமேஹி அட்ட²ஹாகாரேஹி ஸதிஸம்பொ³ஜ்ஜ²ங்கோ³ திட்ட²தி.
Katamehi aṭṭhahākārehi satisambojjhaṅgo tiṭṭhati? Anuppādaṃ āvajjitattā satisambojjhaṅgo tiṭṭhati, uppādaṃ anāvajjitattā satisambojjhaṅgo tiṭṭhati, appavattaṃ āvajjitattā satisambojjhaṅgo tiṭṭhati, pavattaṃ anāvajjitattā satisambojjhaṅgo tiṭṭhati, animittaṃ āvajjitattā satisambojjhaṅgo tiṭṭhati, nimittaṃ anāvajjitattā satisambojjhaṅgo tiṭṭhati, nirodhaṃ āvajjitattā satisambojjhaṅgo tiṭṭhati, saṅkhāre anāvajjitattā satisambojjhaṅgo tiṭṭhati – imehi aṭṭhahākārehi satisambojjhaṅgo tiṭṭhati.
கதமேஹி அட்ட²ஹாகாரேஹி ஸதிஸம்பொ³ஜ்ஜ²ங்கோ³ சவதி? உப்பாத³ங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ சவதி, அனுப்பாத³ங் அனாவஜ்ஜிதத்தா ஸதிஸம்பொ³ஜ்ஜ²ங்கோ³ சவதி, பவத்தங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ சவதி, அப்பவத்தங் அனாவஜ்ஜிதத்தா ஸதிஸம்பொ³ஜ்ஜ²ங்கோ³ சவதி, நிமித்தங் ஆவஜ்ஜிதத்தா ஸதிஸம்பொ³ஜ்ஜ²ங்கோ³ சவதி, அனிமித்தங் அனாவஜ்ஜிதத்தா ஸதிஸம்பொ³ஜ்ஜ²ங்கோ³ சவதி, ஸங்கா²ரே ஆவஜ்ஜிதத்தா ஸதிஸம்பொ³ஜ்ஜ²ங்கோ³ சவதி, நிரோத⁴ங் அனாவஜ்ஜிதத்தா ஸதிஸம்பொ³ஜ்ஜ²ங்கோ³ சவதி – இமேஹி அட்ட²ஹாகாரேஹி ஸதிஸம்பொ³ஜ்ஜ²ங்கோ³ சவதி. ஏவங் ‘‘திட்ட²ந்தஞ்ச நங் திட்ட²தீ’’தி பஜானாமி. ஸசேபி சவதி, ‘‘இத³ப்பச்சயா மே சவதீ’’தி பஜானாமி…பே॰….
Katamehi aṭṭhahākārehi satisambojjhaṅgo cavati? Uppādaṃ āvajjitattā satisambojjhaṅgo cavati, anuppādaṃ anāvajjitattā satisambojjhaṅgo cavati, pavattaṃ āvajjitattā satisambojjhaṅgo cavati, appavattaṃ anāvajjitattā satisambojjhaṅgo cavati, nimittaṃ āvajjitattā satisambojjhaṅgo cavati, animittaṃ anāvajjitattā satisambojjhaṅgo cavati, saṅkhāre āvajjitattā satisambojjhaṅgo cavati, nirodhaṃ anāvajjitattā satisambojjhaṅgo cavati – imehi aṭṭhahākārehi satisambojjhaṅgo cavati. Evaṃ ‘‘tiṭṭhantañca naṃ tiṭṭhatī’’ti pajānāmi. Sacepi cavati, ‘‘idappaccayā me cavatī’’ti pajānāmi…pe….
கத²ங் உபெக்கா²ஸம்பொ³ஜ்ஜ²ங்கோ³ இதி சே மே ஹோதீதி பொ³ஜ்ஜ²ங்கோ³? யாவதா நிரோதூ⁴பட்டா²தி தாவதா உபெக்கா²ஸம்பொ³ஜ்ஜ²ங்கோ³ இதி சே மே ஹோதீதி பொ³ஜ்ஜ²ங்கோ³. ஸெய்யதா²பி தேலப்பதீ³பஸ்ஸ ஜா²யதோ யாவதா அச்சி தாவதா வண்ணோ, யாவதா வண்ணோ தாவதா அச்சி. ஏவமேவ யாவதா நிரோதூ⁴பட்டா²தி தாவதா உபெக்கா²ஸம்பொ³ஜ்ஜ²ங்கோ³ இதி சே ஹோதீதி பொ³ஜ்ஜ²ங்கோ³.
Kathaṃ upekkhāsambojjhaṅgo iti ce me hotīti bojjhaṅgo? Yāvatā nirodhūpaṭṭhāti tāvatā upekkhāsambojjhaṅgo iti ce me hotīti bojjhaṅgo. Seyyathāpi telappadīpassa jhāyato yāvatā acci tāvatā vaṇṇo, yāvatā vaṇṇo tāvatā acci. Evameva yāvatā nirodhūpaṭṭhāti tāvatā upekkhāsambojjhaṅgo iti ce hotīti bojjhaṅgo.
கத²ங் அப்பமாணோ இதி சே ஹோதீதி பொ³ஜ்ஜ²ங்கோ³? பமாணப³த்³தா⁴ கிலேஸா, ஸப்³பே³ ச பரியுட்டா²னா, யே ச ஸங்கா²ரா போனோப⁴விகா அப்பமாணோ நிரோதோ⁴ அசலட்டே²ன அஸங்க²தட்டே²ன. யாவதா நிரோதூ⁴பட்டா²தி தாவதா அப்பமாணோ இதி சே ஹோதீதி பொ³ஜ்ஜ²ங்கோ³.
Kathaṃ appamāṇo iti ce hotīti bojjhaṅgo? Pamāṇabaddhā kilesā, sabbe ca pariyuṭṭhānā, ye ca saṅkhārā ponobhavikā appamāṇo nirodho acalaṭṭhena asaṅkhataṭṭhena. Yāvatā nirodhūpaṭṭhāti tāvatā appamāṇo iti ce hotīti bojjhaṅgo.
கத²ங் ஸுஸமாரத்³தோ⁴ இதி சே ஹோதீதி பொ³ஜ்ஜ²ங்கோ³? விஸமா கிலேஸா, ஸப்³பே³ ச பரியுட்டா²னா, யே ச ஸங்கா²ரா போனோப⁴விகா ஸமத⁴ம்மோ நிரோதோ⁴ ஸந்தட்டே²ன பணீதட்டே²ன. யாவதா நிரோதூ⁴பட்டா²தி தாவதா ஸுஸமாரத்³தோ⁴ இதி சே ஹோதீதி பொ³ஜ்ஜ²ங்கோ³.
Kathaṃ susamāraddho iti ce hotīti bojjhaṅgo? Visamā kilesā, sabbe ca pariyuṭṭhānā, ye ca saṅkhārā ponobhavikā samadhammo nirodho santaṭṭhena paṇītaṭṭhena. Yāvatā nirodhūpaṭṭhāti tāvatā susamāraddho iti ce hotīti bojjhaṅgo.
கத²ங் ‘‘திட்ட²ந்தஞ்ச நங் திட்ட²தீ’’தி பஜானாமி; ஸசேபி சவதி ‘‘இத³ப்பச்சயா மே சவதீ’’தி பஜானாமி? கதிஹாகாரேஹி உபெக்கா²ஸம்பொ³ஜ்ஜ²ங்கோ³ திட்ட²தி? கதிஹாகாரேஹி உபெக்கா²ஸம்பொ³ஜ்ஜ²ங்கோ³ சவதி ? அட்ட²ஹாகாரேஹி உபெக்கா²ஸம்பொ³ஜ்ஜ²ங்கோ³ திட்ட²தி. அட்ட²ஹாகாரேஹி உபெக்கா²ஸம்பொ³ஜ்ஜ²ங்கோ³ சவதி.
Kathaṃ ‘‘tiṭṭhantañca naṃ tiṭṭhatī’’ti pajānāmi; sacepi cavati ‘‘idappaccayāme cavatī’’ti pajānāmi? Katihākārehi upekkhāsambojjhaṅgo tiṭṭhati? Katihākārehi upekkhāsambojjhaṅgo cavati ? Aṭṭhahākārehi upekkhāsambojjhaṅgo tiṭṭhati. Aṭṭhahākārehi upekkhāsambojjhaṅgo cavati.
கதமேஹி அட்ட²ஹாகாரேஹி உபெக்கா²ஸம்பொ³ஜ்ஜ²ங்கோ³ திட்ட²தி? அனுப்பாத³ங் ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி, உப்பாத³ங் அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி, அப்பவத்தங் ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி, பவத்தங் அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி, அனிமித்தங் ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி, நிமித்தங் அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி, நிரோத⁴ங் ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி, ஸங்கா²ரே அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ திட்ட²தி – இமேஹி அட்ட²ஹாகாரேஹி உபெக்கா²ஸம்பொ³ஜ்ஜ²ங்கோ³ திட்ட²தி.
Katamehi aṭṭhahākārehi upekkhāsambojjhaṅgo tiṭṭhati? Anuppādaṃ āvajjitattā upekkhāsambojjhaṅgo tiṭṭhati, uppādaṃ anāvajjitattā upekkhāsambojjhaṅgo tiṭṭhati, appavattaṃ āvajjitattā upekkhāsambojjhaṅgo tiṭṭhati, pavattaṃ anāvajjitattā upekkhāsambojjhaṅgo tiṭṭhati, animittaṃ āvajjitattā upekkhāsambojjhaṅgo tiṭṭhati, nimittaṃ anāvajjitattā upekkhāsambojjhaṅgo tiṭṭhati, nirodhaṃ āvajjitattā upekkhāsambojjhaṅgo tiṭṭhati, saṅkhāre anāvajjitattā upekkhāsambojjhaṅgo tiṭṭhati – imehi aṭṭhahākārehi upekkhāsambojjhaṅgo tiṭṭhati.
கதமேஹி அட்ட²ஹாகாரேஹி உபெக்கா²ஸம்பொ³ஜ்ஜ²ங்கோ³ சவதி? உப்பாத³ங் ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி, அனுப்பாத³ங் அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி, பவத்தங் ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி, அப்பவத்தங் அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி, நிமித்தங் ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி , அனிமித்தங் அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி, ஸங்கா²ரே ஆவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி, நிரோத⁴ங் அனாவஜ்ஜிதத்தா உபெக்கா²ஸம்பொ³ஜ்ஜ²ங்கோ³ சவதி – இமேஹி அட்ட²ஹாகாரேஹி உபெக்கா²ஸம்பொ³ஜ்ஜ²ங்கோ³ சவதி. ஏவங் ‘‘திட்ட²ந்தஞ்ச நங் திட்ட²தீ’’தி பஜானாமி; ஸசேபி சவதி, ‘‘இத³ப்பச்சயா மே சவதீ’’தி பஜானாமி.
Katamehi aṭṭhahākārehi upekkhāsambojjhaṅgo cavati? Uppādaṃ āvajjitattā upekkhāsambojjhaṅgo cavati, anuppādaṃ anāvajjitattā upekkhāsambojjhaṅgo cavati, pavattaṃ āvajjitattā upekkhāsambojjhaṅgo cavati, appavattaṃ anāvajjitattā upekkhāsambojjhaṅgo cavati, nimittaṃ āvajjitattā upekkhāsambojjhaṅgo cavati , animittaṃ anāvajjitattā upekkhāsambojjhaṅgo cavati, saṅkhāre āvajjitattā upekkhāsambojjhaṅgo cavati, nirodhaṃ anāvajjitattā upekkhāsambojjhaṅgo cavati – imehi aṭṭhahākārehi upekkhāsambojjhaṅgo cavati. Evaṃ ‘‘tiṭṭhantañca naṃ tiṭṭhatī’’ti pajānāmi; sacepi cavati, ‘‘idappaccayā me cavatī’’ti pajānāmi.
பொ³ஜ்ஜ²ங்க³கதா² நிட்டி²தா.
Bojjhaṅgakathā niṭṭhitā.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā
பொ³ஜ்ஜ²ங்க³கதா²வண்ணனா • Bojjhaṅgakathāvaṇṇanā
மூலமூலகாதி³த³ஸகவண்ணனா • Mūlamūlakādidasakavaṇṇanā
ஸுத்தந்தனித்³தே³ஸவண்ணனா • Suttantaniddesavaṇṇanā
