| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਬੋਜ੍ਝਙ੍ਗਕਥਾ
3. Bojjhaṅgakathā
੧੭. ਸਾવਤ੍ਥਿਨਿਦਾਨਂ। ‘‘ਸਤ੍ਤਿਮੇ , ਭਿਕ੍ਖવੇ 1, ਬੋਜ੍ਝਙ੍ਗਾ। ਕਤਮੇ ਸਤ੍ਤ? ਸਤਿਸਮ੍ਬੋਜ੍ਝਙ੍ਗੋ , ਧਮ੍ਮવਿਚਯਸਮ੍ਬੋਜ੍ਝਙ੍ਗੋ, વੀਰਿਯਸਮ੍ਬੋਜ੍ਝਙ੍ਗੋ, ਪੀਤਿਸਮ੍ਬੋਜ੍ਝਙ੍ਗੋ, ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ, ਸਮਾਧਿਸਮ੍ਬੋਜ੍ਝਙ੍ਗੋ, ਉਪੇਕ੍ਖਾਸਮ੍ਬੋਜ੍ਝਙ੍ਗੋ – ਇਮੇ ਖੋ, ਭਿਕ੍ਖવੇ, ਸਤ੍ਤ ਬੋਜ੍ਝਙ੍ਗਾ’’।
17. Sāvatthinidānaṃ. ‘‘Sattime , bhikkhave 2, bojjhaṅgā. Katame satta? Satisambojjhaṅgo , dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo – ime kho, bhikkhave, satta bojjhaṅgā’’.
ਬੋਜ੍ਝਙ੍ਗਾਤਿ ਕੇਨਟ੍ਠੇਨ ਬੋਜ੍ਝਙ੍ਗਾ? ਬੋਧਾਯ ਸਂવਤ੍ਤਨ੍ਤੀਤਿ – ਬੋਜ੍ਝਙ੍ਗਾ। ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨੁਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਟਿਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮ੍ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Bojjhaṅgāti kenaṭṭhena bojjhaṅgā? Bodhāya saṃvattantīti – bojjhaṅgā. Bujjhantīti – bojjhaṅgā. Anubujjhantīti – bojjhaṅgā. Paṭibujjhantīti – bojjhaṅgā. Sambujjhantīti – bojjhaṅgā.
ਬੁਜ੍ਝਨਟ੍ਠੇਨ ਬੋਜ੍ਝਙ੍ਗਾ, ਅਨੁਬੁਜ੍ਝਨਟ੍ਠੇਨ ਬੋਜ੍ਝਙ੍ਗਾ, ਪਟਿਬੁਜ੍ਝਨਟ੍ਠੇਨ ਬੋਜ੍ਝਙ੍ਗਾ, ਸਮ੍ਬੁਜ੍ਝਨਟ੍ਠੇਨ ਬੋਜ੍ਝਙ੍ਗਾ।
Bujjhanaṭṭhena bojjhaṅgā, anubujjhanaṭṭhena bojjhaṅgā, paṭibujjhanaṭṭhena bojjhaṅgā, sambujjhanaṭṭhena bojjhaṅgā.
ਬੋਧੇਨ੍ਤੀਤਿ – ਬੋਜ੍ਝਙ੍ਗਾ। ਅਨੁਬੋਧੇਨ੍ਤੀਤਿ – ਬੋਜ੍ਝਙ੍ਗਾ। ਪਟਿਬੋਧੇਨ੍ਤੀਤਿ – ਬੋਜ੍ਝਙ੍ਗਾ। ਸਮ੍ਬੋਧੇਨ੍ਤੀਤਿ – ਬੋਜ੍ਝਙ੍ਗਾ।
Bodhentīti – bojjhaṅgā. Anubodhentīti – bojjhaṅgā. Paṭibodhentīti – bojjhaṅgā. Sambodhentīti – bojjhaṅgā.
ਬੋਧਨਟ੍ਠੇਨ ਬੋਜ੍ਝਙ੍ਗਾ, ਅਨੁਬੋਧਨਟ੍ਠੇਨ ਬੋਜ੍ਝਙ੍ਗਾ, ਪਟਿਬੋਧਨਟ੍ਠੇਨ ਬੋਜ੍ਝਙ੍ਗਾ, ਸਮ੍ਬੋਧਨਟ੍ਠੇਨ ਬੋਜ੍ਝਙ੍ਗਾ।
Bodhanaṭṭhena bojjhaṅgā, anubodhanaṭṭhena bojjhaṅgā, paṭibodhanaṭṭhena bojjhaṅgā, sambodhanaṭṭhena bojjhaṅgā.
ਬੋਧਿਪਕ੍ਖਿਯਟ੍ਠੇਨ ਬੋਜ੍ਝਙ੍ਗਾ, ਅਨੁਬੋਧਿਪਕ੍ਖਿਯਟ੍ਠੇਨ ਬੋਜ੍ਝਙ੍ਗਾ, ਪਟਿਬੋਧਿਪਕ੍ਖਿਯਟ੍ਠੇਨ ਬੋਜ੍ਝਙ੍ਗਾ, ਸਮ੍ਬੋਧਿਪਕ੍ਖਿਯਟ੍ਠੇਨ ਬੋਜ੍ਝਙ੍ਗਾ।
Bodhipakkhiyaṭṭhena bojjhaṅgā, anubodhipakkhiyaṭṭhena bojjhaṅgā, paṭibodhipakkhiyaṭṭhena bojjhaṅgā, sambodhipakkhiyaṭṭhena bojjhaṅgā.
ਬੁਦ੍ਧਿਲਭਨਟ੍ਠੇਨ ਬੋਜ੍ਝਙ੍ਗਾ, ਬੁਦ੍ਧਿਪਟਿਲਭਨਟ੍ਠੇਨ ਬੋਜ੍ਝਙ੍ਗਾ, ਬੁਦ੍ਧਿਰੋਪਨਟ੍ਠੇਨ ਬੋਜ੍ਝਙ੍ਗਾ, ਬੁਦ੍ਧਿਅਭਿਰੋਪਨਟ੍ਠੇਨ ਬੋਜ੍ਝਙ੍ਗਾ, ਬੁਦ੍ਧਿਪਾਪਨਟ੍ਠੇਨ ਬੋਜ੍ਝਙ੍ਗਾ, ਬੁਦ੍ਧਿਸਮ੍ਪਾਪਨਟ੍ਠੇਨ ਬੋਜ੍ਝਙ੍ਗਾ।
Buddhilabhanaṭṭhena bojjhaṅgā, buddhipaṭilabhanaṭṭhena bojjhaṅgā, buddhiropanaṭṭhena bojjhaṅgā, buddhiabhiropanaṭṭhena bojjhaṅgā, buddhipāpanaṭṭhena bojjhaṅgā, buddhisampāpanaṭṭhena bojjhaṅgā.
ਮੂਲਮੂਲਕਾਦਿਦਸਕਂ
Mūlamūlakādidasakaṃ
੧੮. ਮੂਲਟ੍ਠੇਨ ਬੋਜ੍ਝਙ੍ਗਾ, ਮੂਲਚਰਿਯਟ੍ਠੇਨ ਬੋਜ੍ਝਙ੍ਗਾ, ਮੂਲਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, ਮੂਲਪਰਿવਾਰਟ੍ਠੇਨ ਬੋਜ੍ਝਙ੍ਗਾ , ਮੂਲਪਰਿਪੂਰਣਟ੍ਠੇਨ 3 ਬੋਜ੍ਝਙ੍ਗਾ, ਮੂਲਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, ਮੂਲਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, ਮੂਲਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, ਮੂਲਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, ਮੂਲਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
18. Mūlaṭṭhena bojjhaṅgā, mūlacariyaṭṭhena bojjhaṅgā, mūlapariggahaṭṭhena bojjhaṅgā, mūlaparivāraṭṭhena bojjhaṅgā , mūlaparipūraṇaṭṭhena 4 bojjhaṅgā, mūlaparipākaṭṭhena bojjhaṅgā, mūlapaṭisambhidaṭṭhena bojjhaṅgā, mūlapaṭisambhidāpāpanaṭṭhena bojjhaṅgā, mūlapaṭisambhidāya vasībhāvaṭṭhena bojjhaṅgā, mūlapaṭisambhidāya vasībhāvappattānampi bojjhaṅgā.
ਹੇਤੁਟ੍ਠੇਨ ਬੋਜ੍ਝਙ੍ਗਾ, ਹੇਤੁਚਰਿਯਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਰਿવਾਰਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, ਹੇਤੁਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Hetuṭṭhena bojjhaṅgā, hetucariyaṭṭhena bojjhaṅgā, hetupariggahaṭṭhena bojjhaṅgā, hetuparivāraṭṭhena bojjhaṅgā, hetuparipūraṇaṭṭhena bojjhaṅgā, hetuparipākaṭṭhena bojjhaṅgā, hetupaṭisambhidaṭṭhena bojjhaṅgā, hetupaṭisambhidāpāpanaṭṭhena bojjhaṅgā, hetupaṭisambhidāya vasībhāvaṭṭhena bojjhaṅgā, hetupaṭisambhidāya vasībhāvappattānampi bojjhaṅgā.
ਪਚ੍ਚਯਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਚਰਿਯਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਰਿવਾਰਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, ਪਚ੍ਚਯਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Paccayaṭṭhena bojjhaṅgā, paccayacariyaṭṭhena bojjhaṅgā, paccayapariggahaṭṭhena bojjhaṅgā, paccayaparivāraṭṭhena bojjhaṅgā, paccayaparipūraṇaṭṭhena bojjhaṅgā, paccayaparipākaṭṭhena bojjhaṅgā, paccayapaṭisambhidaṭṭhena bojjhaṅgā, paccayapaṭisambhidāpāpanaṭṭhena bojjhaṅgā, paccayapaṭisambhidāya vasībhāvaṭṭhena bojjhaṅgā, paccayapaṭisambhidāya vasībhāvappattānampi bojjhaṅgā.
વਿਸੁਦ੍ਧਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਚਰਿਯਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਰਿવਾਰਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, વਿਸੁਦ੍ਧਿਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Visuddhaṭṭhena bojjhaṅgā, visuddhicariyaṭṭhena bojjhaṅgā, visuddhipariggahaṭṭhena bojjhaṅgā, visuddhiparivāraṭṭhena bojjhaṅgā, visuddhiparipūraṇaṭṭhena bojjhaṅgā, visuddhiparipākaṭṭhena bojjhaṅgā, visuddhipaṭisambhidaṭṭhena bojjhaṅgā, visuddhipaṭisambhidāpāpanaṭṭhena bojjhaṅgā, visuddhipaṭisambhidāya vasībhāvaṭṭhena bojjhaṅgā, visuddhipaṭisambhidāya vasībhāvappattānampi bojjhaṅgā.
ਅਨવਜ੍ਜਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਚਰਿਯਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਰਿવਾਰਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, ਅਨવਜ੍ਜਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Anavajjaṭṭhena bojjhaṅgā, anavajjacariyaṭṭhena bojjhaṅgā, anavajjapariggahaṭṭhena bojjhaṅgā, anavajjaparivāraṭṭhena bojjhaṅgā, anavajjaparipūraṇaṭṭhena bojjhaṅgā, anavajjaparipākaṭṭhena bojjhaṅgā, anavajjapaṭisambhidaṭṭhena bojjhaṅgā, anavajjapaṭisambhidāpāpanaṭṭhena bojjhaṅgā, anavajjapaṭisambhidāya vasībhāvaṭṭhena bojjhaṅgā, anavajjapaṭisambhidāya vasībhāvappattānampi bojjhaṅgā.
ਨੇਕ੍ਖਮ੍ਮਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਚਰਿਯਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਰਿવਾਰਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, ਨੇਕ੍ਖਮ੍ਮਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Nekkhammaṭṭhena bojjhaṅgā, nekkhammacariyaṭṭhena bojjhaṅgā, nekkhammapariggahaṭṭhena bojjhaṅgā, nekkhammaparivāraṭṭhena bojjhaṅgā, nekkhammaparipūraṇaṭṭhena bojjhaṅgā, nekkhammaparipākaṭṭhena bojjhaṅgā, nekkhammapaṭisambhidaṭṭhena bojjhaṅgā, nekkhammapaṭisambhidāpāpanaṭṭhena bojjhaṅgā, nekkhammapaṭisambhidāya vasībhāvaṭṭhena bojjhaṅgā, nekkhammapaṭisambhidāya vasībhāvappattānampi bojjhaṅgā.
વਿਮੁਤ੍ਤਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਚਰਿਯਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਰਿવਾਰਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, વਿਮੁਤ੍ਤਿਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Vimuttaṭṭhena bojjhaṅgā, vimutticariyaṭṭhena bojjhaṅgā, vimuttipariggahaṭṭhena bojjhaṅgā, vimuttiparivāraṭṭhena bojjhaṅgā, vimuttiparipūraṇaṭṭhena bojjhaṅgā, vimuttiparipākaṭṭhena bojjhaṅgā, vimuttipaṭisambhidaṭṭhena bojjhaṅgā, vimuttipaṭisambhidāpāpanaṭṭhena bojjhaṅgā, vimuttipaṭisambhidāya vasībhāvaṭṭhena bojjhaṅgā, vimuttipaṭisambhidāya vasībhāvappattānampi bojjhaṅgā.
ਅਨਾਸવਟ੍ਠੇਨ ਬੋਜ੍ਝਙ੍ਗਾ, ਅਨਾਸવਚਰਿਯਟ੍ਠੇਨ ਬੋਜ੍ਝਙ੍ਗਾ, ਅਨਾਸવਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, ਅਨਾਸવਪਰਿવਾਰਟ੍ਠੇਨ ਬੋਜ੍ਝਙ੍ਗਾ, ਅਨਾਸવਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, ਅਨਾਸવਪਰਿਪਾਕਟ੍ਠੇਨ ਬੋਜ੍ਝਙ੍ਗਾ , ਅਨਾਸવਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, ਅਨਾਸવਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, ਅਨਾਸવਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, ਅਨਾਸવਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Anāsavaṭṭhena bojjhaṅgā, anāsavacariyaṭṭhena bojjhaṅgā, anāsavapariggahaṭṭhena bojjhaṅgā, anāsavaparivāraṭṭhena bojjhaṅgā, anāsavaparipūraṇaṭṭhena bojjhaṅgā, anāsavaparipākaṭṭhena bojjhaṅgā , anāsavapaṭisambhidaṭṭhena bojjhaṅgā, anāsavapaṭisambhidāpāpanaṭṭhena bojjhaṅgā, anāsavapaṭisambhidāya vasībhāvaṭṭhena bojjhaṅgā, anāsavapaṭisambhidāya vasībhāvappattānampi bojjhaṅgā.
વਿવੇਕਟ੍ਠੇਨ ਬੋਜ੍ਝਙ੍ਗਾ, વਿવੇਕਚਰਿਯਟ੍ਠੇਨ ਬੋਜ੍ਝਙ੍ਗਾ, વਿવੇਕਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, વਿવੇਕਪਰਿવਾਰਟ੍ਠੇਨ ਬੋਜ੍ਝਙ੍ਗਾ, વਿવੇਕਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, વਿવੇਕਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, વਿવੇਕਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, વਿવੇਕਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, વਿવੇਕਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, વਿવੇਕਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Vivekaṭṭhena bojjhaṅgā, vivekacariyaṭṭhena bojjhaṅgā, vivekapariggahaṭṭhena bojjhaṅgā, vivekaparivāraṭṭhena bojjhaṅgā, vivekaparipūraṇaṭṭhena bojjhaṅgā, vivekaparipākaṭṭhena bojjhaṅgā, vivekapaṭisambhidaṭṭhena bojjhaṅgā, vivekapaṭisambhidāpāpanaṭṭhena bojjhaṅgā, vivekapaṭisambhidāya vasībhāvaṭṭhena bojjhaṅgā, vivekapaṭisambhidāya vasībhāvappattānampi bojjhaṅgā.
વੋਸਗ੍ਗਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਚਰਿਯਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਰਿਗ੍ਗਹਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਰਿવਾਰਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਰਿਪੂਰਣਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਰਿਪਾਕਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਟਿਸਮ੍ਭਿਦਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਟਿਸਮ੍ਭਿਦਾਪਾਪਨਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਟਿਸਮ੍ਭਿਦਾਯ વਸੀਭਾવਟ੍ਠੇਨ ਬੋਜ੍ਝਙ੍ਗਾ, વੋਸਗ੍ਗਪਟਿਸਮ੍ਭਿਦਾਯ વਸੀਭਾવਪ੍ਪਤ੍ਤਾਨਮ੍ਪਿ ਬੋਜ੍ਝਙ੍ਗਾ।
Vosaggaṭṭhena bojjhaṅgā, vosaggacariyaṭṭhena bojjhaṅgā, vosaggapariggahaṭṭhena bojjhaṅgā, vosaggaparivāraṭṭhena bojjhaṅgā, vosaggaparipūraṇaṭṭhena bojjhaṅgā, vosaggaparipākaṭṭhena bojjhaṅgā, vosaggapaṭisambhidaṭṭhena bojjhaṅgā, vosaggapaṭisambhidāpāpanaṭṭhena bojjhaṅgā, vosaggapaṭisambhidāya vasībhāvaṭṭhena bojjhaṅgā, vosaggapaṭisambhidāya vasībhāvappattānampi bojjhaṅgā.
੧੯. ਮੂਲਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਹੇਤੁਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਚ੍ਚਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਸੁਦ੍ਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨવਜ੍ਜਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨੇਕ੍ਖਮ੍ਮਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਮੁਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਾਸવਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿવੇਕਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ । વੋਸਗ੍ਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
19. Mūlaṭṭhaṃ bujjhantīti – bojjhaṅgā. Hetuṭṭhaṃ bujjhantīti – bojjhaṅgā. Paccayaṭṭhaṃ bujjhantīti – bojjhaṅgā. Visuddhaṭṭhaṃ bujjhantīti – bojjhaṅgā. Anavajjaṭṭhaṃ bujjhantīti – bojjhaṅgā. Nekkhammaṭṭhaṃ bujjhantīti – bojjhaṅgā. Vimuttaṭṭhaṃ bujjhantīti – bojjhaṅgā. Anāsavaṭṭhaṃ bujjhantīti – bojjhaṅgā. Vivekaṭṭhaṃ bujjhantīti – bojjhaṅgā . Vosaggaṭṭhaṃ bujjhantīti – bojjhaṅgā.
ਮੂਲਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਹੇਤੁਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਚ੍ਚਯਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਸੁਦ੍ਧਿਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨવਜ੍ਜਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨੇਕ੍ਖਮ੍ਮਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਮੁਤ੍ਤਿਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਾਸવਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿવੇਕਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੋਸਗ੍ਗਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Mūlacariyaṭṭhaṃ bujjhantīti – bojjhaṅgā. Hetucariyaṭṭhaṃ bujjhantīti – bojjhaṅgā. Paccayacariyaṭṭhaṃ bujjhantīti – bojjhaṅgā. Visuddhicariyaṭṭhaṃ bujjhantīti – bojjhaṅgā. Anavajjacariyaṭṭhaṃ bujjhantīti – bojjhaṅgā. Nekkhammacariyaṭṭhaṃ bujjhantīti – bojjhaṅgā. Vimutticariyaṭṭhaṃ bujjhantīti – bojjhaṅgā. Anāsavacariyaṭṭhaṃ bujjhantīti – bojjhaṅgā. Vivekacariyaṭṭhaṃ bujjhantīti – bojjhaṅgā. Vosaggacariyaṭṭhaṃ bujjhantīti – bojjhaṅgā.
ਮੂਲਪਰਿਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੋਸਗ੍ਗਪਰਿਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮੂਲਪਰਿવਾਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੋਸਗ੍ਗਪਰਿવਾਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮੂਲਪਰਿਪੂਰਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੋਸਗ੍ਗਪਰਿਪੂਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮੂਲਪਰਿਪਾਕਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੋਸਗ੍ਗਪਰਿਪਾਕਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮੂਲਪਟਿਸਮ੍ਭਿਦਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੋਸਗ੍ਗਪਟਿਸਮ੍ਭਿਦਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮੂਲਪਟਿਸਮ੍ਭਿਦਾਪਾਪਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੋਸਗ੍ਗਪਟਿਸਮ੍ਭਿਦਾਪਾਪਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮੂਲਪਟਿਸਮ੍ਭਿਦਾਯ વਸੀਭਾવਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੋਸਗ੍ਗਪਟਿਸਮ੍ਭਿਦਾਯ વਸੀਭਾવਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰…।
Mūlapariggahaṭṭhaṃ bujjhantīti – bojjhaṅgā…pe… vosaggapariggahaṭṭhaṃ bujjhantīti – bojjhaṅgā. Mūlaparivāraṭṭhaṃ bujjhantīti – bojjhaṅgā…pe… vosaggaparivāraṭṭhaṃ bujjhantīti – bojjhaṅgā. Mūlaparipūraṇaṭṭhaṃ bujjhantīti – bojjhaṅgā…pe… vosaggaparipūraṭṭhaṃ bujjhantīti – bojjhaṅgā. Mūlaparipākaṭṭhaṃ bujjhantīti – bojjhaṅgā…pe… vosaggaparipākaṭṭhaṃ bujjhantīti – bojjhaṅgā. Mūlapaṭisambhidaṭṭhaṃ bujjhantīti – bojjhaṅgā…pe… vosaggapaṭisambhidaṭṭhaṃ bujjhantīti – bojjhaṅgā. Mūlapaṭisambhidāpāpanaṭṭhaṃ bujjhantīti – bojjhaṅgā…pe… vosaggapaṭisambhidāpāpanaṭṭhaṃ bujjhantīti – bojjhaṅgā. Mūlapaṭisambhidāya vasībhāvaṭṭhaṃ bujjhantīti – bojjhaṅgā…pe… vosaggapaṭisambhidāya vasībhāvaṭṭhaṃ bujjhantīti – bojjhaṅgā…pe….
ਪਰਿਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਰਿવਾਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਰਿਪੂਰਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਗ੍ਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅવਿਕ੍ਖੇਪਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅવਿਸਾਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਾવਿਲਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਿਞ੍ਜਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੁਪਟ੍ਠਾਨવਸੇਨ ਚਿਤ੍ਤਸ੍ਸ ਠਿਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਆਰਮ੍ਮਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਗੋਚਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਹਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਰਿਚ੍ਚਾਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੁਟ੍ਠਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿવਟ੍ਟਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਨ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਣੀਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਮੁਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਾਸવਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਤਰਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਿਮਿਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਪ੍ਪਣਿਹਿਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸੁਞ੍ਞਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਰਸਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਤਿવਤ੍ਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਯੁਗਨਦ੍ਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਯ੍ਯਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਹੇਤੁਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਦਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਆਧਿਪਤੇਯ੍ਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Pariggahaṭṭhaṃ bujjhantīti – bojjhaṅgā. Parivāraṭṭhaṃ bujjhantīti – bojjhaṅgā. Paripūraṇaṭṭhaṃ bujjhantīti – bojjhaṅgā. Ekaggaṭṭhaṃ bujjhantīti – bojjhaṅgā. Avikkhepaṭṭhaṃ bujjhantīti – bojjhaṅgā. Paggahaṭṭhaṃ bujjhantīti – bojjhaṅgā. Avisāraṭṭhaṃ bujjhantīti – bojjhaṅgā. Anāvilaṭṭhaṃ bujjhantīti – bojjhaṅgā. Aniñjanaṭṭhaṃ bujjhantīti – bojjhaṅgā. Ekattupaṭṭhānavasena cittassa ṭhitaṭṭhaṃ bujjhantīti – bojjhaṅgā. Ārammaṇaṭṭhaṃ bujjhantīti – bojjhaṅgā. Gocaraṭṭhaṃ bujjhantīti – bojjhaṅgā. Pahānaṭṭhaṃ bujjhantīti – bojjhaṅgā. Pariccāgaṭṭhaṃ bujjhantīti – bojjhaṅgā. Vuṭṭhānaṭṭhaṃ bujjhantīti – bojjhaṅgā. Vivaṭṭanaṭṭhaṃ bujjhantīti – bojjhaṅgā. Santaṭṭhaṃ bujjhantīti – bojjhaṅgā. Paṇītaṭṭhaṃ bujjhantīti – bojjhaṅgā. Vimuttaṭṭhaṃ bujjhantīti – bojjhaṅgā. Anāsavaṭṭhaṃ bujjhantīti – bojjhaṅgā. Taraṇaṭṭhaṃ bujjhantīti – bojjhaṅgā. Animittaṭṭhaṃ bujjhantīti – bojjhaṅgā. Appaṇihitaṭṭhaṃ bujjhantīti – bojjhaṅgā. Suññataṭṭhaṃ bujjhantīti – bojjhaṅgā. Ekarasaṭṭhaṃ bujjhantīti – bojjhaṅgā. Anativattanaṭṭhaṃ bujjhantīti – bojjhaṅgā. Yuganaddhaṭṭhaṃ bujjhantīti – bojjhaṅgā. Niyyānaṭṭhaṃ bujjhantīti – bojjhaṅgā. Hetuṭṭhaṃ bujjhantīti – bojjhaṅgā. Dassanaṭṭhaṃ bujjhantīti – bojjhaṅgā. Ādhipateyyaṭṭhaṃ bujjhantīti – bojjhaṅgā.
ਸਮਥਸ੍ਸ ਅવਿਕ੍ਖੇਪਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਪਸ੍ਸਨਾਯ ਅਨੁਪਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮਥવਿਪਸ੍ਸਨਾਨਂ ਏਕਰਸਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਯੁਗਨਦ੍ਧਸ੍ਸ ਅਨਤਿવਤ੍ਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਿਕ੍ਖਾਯ ਸਮਾਦਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਆਰਮ੍ਮਣਸ੍ਸ ਗੋਚਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਲੀਨਸ੍ਸ ਚਿਤ੍ਤਸ੍ਸ ਪਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਉਦ੍ਧਤਸ੍ਸ ਚਿਤ੍ਤਸ੍ਸ ਨਿਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਉਭੋવਿਸੁਦ੍ਧਾਨਂ ਅਜ੍ਝੁਪੇਕ੍ਖਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਸੇਸਾਧਿਗਮਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਉਤ੍ਤਰਿ ਪਟਿવੇਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਚ੍ਚਾਭਿਸਮਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਰੋਧੇ ਪਤਿਟ੍ਠਾਪਕਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Samathassa avikkhepaṭṭhaṃ bujjhantīti – bojjhaṅgā. Vipassanāya anupassanaṭṭhaṃ bujjhantīti – bojjhaṅgā. Samathavipassanānaṃ ekarasaṭṭhaṃ bujjhantīti – bojjhaṅgā. Yuganaddhassa anativattanaṭṭhaṃ bujjhantīti – bojjhaṅgā. Sikkhāya samādānaṭṭhaṃ bujjhantīti – bojjhaṅgā. Ārammaṇassa gocaraṭṭhaṃ bujjhantīti – bojjhaṅgā. Līnassa cittassa paggahaṭṭhaṃ bujjhantīti – bojjhaṅgā. Uddhatassa cittassa niggahaṭṭhaṃ bujjhantīti – bojjhaṅgā. Ubhovisuddhānaṃ ajjhupekkhanaṭṭhaṃ bujjhantīti – bojjhaṅgā. Visesādhigamaṭṭhaṃ bujjhantīti – bojjhaṅgā. Uttari paṭivedhaṭṭhaṃ bujjhantīti – bojjhaṅgā. Saccābhisamayaṭṭhaṃ bujjhantīti – bojjhaṅgā. Nirodhe patiṭṭhāpakaṭṭhaṃ bujjhantīti – bojjhaṅgā.
ਸਦ੍ਧਿਨ੍ਦ੍ਰਿਯਸ੍ਸ ਅਧਿਮੋਕ੍ਖਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਪਞ੍ਞਿਨ੍ਦ੍ਰਿਯਸ੍ਸ ਦਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਦ੍ਧਾਬਲਸ੍ਸ ਅਸ੍ਸਦ੍ਧਿਯੇ ਅਕਮ੍ਪਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਪਞ੍ਞਾਬਲਸ੍ਸ ਅવਿਜ੍ਜਾਯ ਅਕਮ੍ਪਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਤਿਸਮ੍ਬੋਜ੍ਝਙ੍ਗਸ੍ਸ ਉਪਟ੍ਠਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗਸ੍ਸ ਪਟਿਸਙ੍ਖਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮ੍ਮਾਦਿਟ੍ਠਿਯਾ ਦਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਸਮ੍ਮਾਸਮਾਧਿਸ੍ਸ ਅવਿਕ੍ਖੇਪਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Saddhindriyassa adhimokkhaṭṭhaṃ bujjhantīti – bojjhaṅgā…pe… paññindriyassa dassanaṭṭhaṃ bujjhantīti – bojjhaṅgā. Saddhābalassa assaddhiye akampiyaṭṭhaṃ bujjhantīti – bojjhaṅgā…pe… paññābalassa avijjāya akampiyaṭṭhaṃ bujjhantīti – bojjhaṅgā. Satisambojjhaṅgassa upaṭṭhānaṭṭhaṃ bujjhantīti – bojjhaṅgā…pe… upekkhāsambojjhaṅgassa paṭisaṅkhānaṭṭhaṃ bujjhantīti – bojjhaṅgā. Sammādiṭṭhiyā dassanaṭṭhaṃ bujjhantīti – bojjhaṅgā…pe… sammāsamādhissa avikkhepaṭṭhaṃ bujjhantīti – bojjhaṅgā.
ਇਨ੍ਦ੍ਰਿਯਾਨਂ ਆਧਿਪਤੇਯ੍ਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਬਲਾਨਂ ਅਕਮ੍ਪਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਯ੍ਯਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮਗ੍ਗਸ੍ਸ ਹੇਤੁਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਤਿਪਟ੍ਠਾਨਾਨਂ ਉਪਟ੍ਠਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮ੍ਮਪ੍ਪਧਾਨਾਨਂ ਪਦਹਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਇਦ੍ਧਿਪਾਦਾਨਂ ਇਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਚ੍ਚਾਨਂ ਤਥਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਯੋਗਾਨਂਂਂਂਂ ਪਟਿਪ੍ਪਸ੍ਸਦ੍ਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਫਲਾਨਂ ਸਚ੍ਛਿਕਿਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Indriyānaṃ ādhipateyyaṭṭhaṃ bujjhantīti – bojjhaṅgā. Balānaṃ akampiyaṭṭhaṃ bujjhantīti – bojjhaṅgā. Niyyānaṭṭhaṃ bujjhantīti – bojjhaṅgā. Maggassa hetuṭṭhaṃ bujjhantīti – bojjhaṅgā. Satipaṭṭhānānaṃ upaṭṭhānaṭṭhaṃ bujjhantīti – bojjhaṅgā. Sammappadhānānaṃ padahanaṭṭhaṃ bujjhantīti – bojjhaṅgā. Iddhipādānaṃ ijjhanaṭṭhaṃ bujjhantīti – bojjhaṅgā. Saccānaṃ tathaṭṭhaṃ bujjhantīti – bojjhaṅgā. Payogānaṃṃṃṃṃ paṭippassaddhaṭṭhaṃ bujjhantīti – bojjhaṅgā. Phalānaṃ sacchikiriyaṭṭhaṃ bujjhantīti – bojjhaṅgā.
વਿਤਕ੍ਕਸ੍ਸ ਅਭਿਨਿਰੋਪਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਚਾਰਸ੍ਸ ਉਪવਿਚਾਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪੀਤਿਯਾ ਫਰਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸੁਖਸ੍ਸ ਅਭਿਸਨ੍ਦਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਏਕਗ੍ਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Vitakkassa abhiniropanaṭṭhaṃ bujjhantīti – bojjhaṅgā. Vicārassa upavicāraṭṭhaṃ bujjhantīti – bojjhaṅgā. Pītiyā pharaṇaṭṭhaṃ bujjhantīti – bojjhaṅgā. Sukhassa abhisandanaṭṭhaṃ bujjhantīti – bojjhaṅgā. Cittassa ekaggaṭṭhaṃ bujjhantīti – bojjhaṅgā.
ਆવਜ੍ਜਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਞ੍ਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕੋਦਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਭਿਞ੍ਞਾਯ ਞਾਤਟ੍ਠਂ 5 ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਰਿਞ੍ਞਾਯ ਤੀਰਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਹਾਨਸ੍ਸ ਪਰਿਚ੍ਚਾਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਭਾવਨਾਯ ਏਕਰਸਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ । ਸਚ੍ਛਿਕਿਰਿਯਾਯ ਫਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ । ਖਨ੍ਧਾਨਂ ਖਨ੍ਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਧਾਤੂਨਂ ਧਾਤੁਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਆਯਤਨਾਨਂ ਆਯਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਙ੍ਖਤਾਨਂ ਸਙ੍ਖਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਸਙ੍ਖਤਸ੍ਸ ਅਸਙ੍ਖਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Āvajjanaṭṭhaṃ bujjhantīti – bojjhaṅgā. Vijānanaṭṭhaṃ bujjhantīti – bojjhaṅgā. Pajānanaṭṭhaṃ bujjhantīti – bojjhaṅgā. Sañjānanaṭṭhaṃ bujjhantīti – bojjhaṅgā. Ekodaṭṭhaṃ bujjhantīti – bojjhaṅgā. Abhiññāya ñātaṭṭhaṃ 6 bujjhantīti – bojjhaṅgā. Pariññāya tīraṇaṭṭhaṃ bujjhantīti – bojjhaṅgā. Pahānassa pariccāgaṭṭhaṃ bujjhantīti – bojjhaṅgā. Bhāvanāya ekarasaṭṭhaṃ bujjhantīti – bojjhaṅgā . Sacchikiriyāya phassanaṭṭhaṃ bujjhantīti – bojjhaṅgā . Khandhānaṃ khandhaṭṭhaṃ bujjhantīti – bojjhaṅgā. Dhātūnaṃ dhātuṭṭhaṃ bujjhantīti – bojjhaṅgā. Āyatanānaṃ āyatanaṭṭhaṃ bujjhantīti – bojjhaṅgā. Saṅkhatānaṃ saṅkhataṭṭhaṃ bujjhantīti – bojjhaṅgā. Asaṅkhatassa asaṅkhataṭṭhaṃ bujjhantīti – bojjhaṅgā.
ਚਿਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਾਨਨ੍ਤਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ વੁਟ੍ਠਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ વਿવਟ੍ਟਨਟ੍ਠਂ 7 ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਹੇਤੁਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਪਚ੍ਚਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ વਤ੍ਥੁਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਭੂਮਟ੍ਠਂ 8 ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਆਰਮ੍ਮਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਗੋਚਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਗਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਅਭਿਨੀਹਾਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਨਿਯ੍ਯਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਚਿਤ੍ਤਸ੍ਸ ਨਿਸ੍ਸਰਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Cittaṭṭhaṃ bujjhantīti – bojjhaṅgā. Cittānantariyaṭṭhaṃ bujjhantīti – bojjhaṅgā. Cittassa vuṭṭhānaṭṭhaṃ bujjhantīti – bojjhaṅgā. Cittassa vivaṭṭanaṭṭhaṃ 9 bujjhantīti – bojjhaṅgā. Cittassa hetuṭṭhaṃ bujjhantīti – bojjhaṅgā. Cittassa paccayaṭṭhaṃ bujjhantīti – bojjhaṅgā. Cittassa vatthuṭṭhaṃ bujjhantīti – bojjhaṅgā. Cittassa bhūmaṭṭhaṃ 10 bujjhantīti – bojjhaṅgā. Cittassa ārammaṇaṭṭhaṃ bujjhantīti – bojjhaṅgā. Cittassa gocaraṭṭhaṃ bujjhantīti – bojjhaṅgā. Cittassa cariyaṭṭhaṃ bujjhantīti – bojjhaṅgā. Cittassa gataṭṭhaṃ bujjhantīti – bojjhaṅgā. Cittassa abhinīhāraṭṭhaṃ bujjhantīti – bojjhaṅgā. Cittassa niyyānaṭṭhaṃ bujjhantīti – bojjhaṅgā. Cittassa nissaraṇaṭṭhaṃ bujjhantīti – bojjhaṅgā.
ਏਕਤ੍ਤੇ ਆવਜ੍ਜਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ વਿਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸਞ੍ਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਏਕੋਦਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ( ) 11। ਏਕਤ੍ਤੇ ਪਕ੍ਖਨ੍ਦਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਸੀਦਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸਨ੍ਤਿਟ੍ਠਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ વਿਮੁਚ੍ਚਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਏਤਂ ਸਨ੍ਤਨ੍ਤਿ ਪਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਯਾਨੀਕਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ વਤ੍ਥੁਕਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਅਨੁਟ੍ਠਿਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਰਿਚਿਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸੁਸਮਾਰਦ੍ਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ । ਏਕਤ੍ਤੇ ਪਰਿਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਰਿવਾਰਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਰਿਪੂਰਣਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸਮੋਧਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਅਧਿਟ੍ਠਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਆਸੇવਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਭਾવਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਬਹੁਲੀਕਮ੍ਮਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸੁਸਮੁਗ੍ਗਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸੁવਿਮੁਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਬੁਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਅਨੁਬੁਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਟਿਬੁਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸਮ੍ਬੁਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਬੋਧਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਅਨੁਬੋਧਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਟਿਬੋਧਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸਮ੍ਬੁਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਬੋਧਿਪਕ੍ਖਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਅਨੁਬੋਧਿਪਕ੍ਖਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਟਿਬੋਧਿਪਕ੍ਖਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸਮ੍ਬੋਧਿਪਕ੍ਖਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਜੋਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਉਜ੍ਜੋਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਅਨੁਜੋਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਪਟਿਜੋਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਏਕਤ੍ਤੇ ਸਞ੍ਜੋਤਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Ekatte āvajjanaṭṭhaṃ bujjhantīti – bojjhaṅgā. Ekatte vijānanaṭṭhaṃ bujjhantīti – bojjhaṅgā. Ekatte pajānanaṭṭhaṃ bujjhantīti – bojjhaṅgā. Ekatte sañjānanaṭṭhaṃ bujjhantīti – bojjhaṅgā. Ekatte ekodaṭṭhaṃ bujjhantīti – bojjhaṅgā. ( ) 12. Ekatte pakkhandanaṭṭhaṃ bujjhantīti – bojjhaṅgā. Ekatte pasīdanaṭṭhaṃ bujjhantīti – bojjhaṅgā. Ekatte santiṭṭhanaṭṭhaṃ bujjhantīti – bojjhaṅgā. Ekatte vimuccanaṭṭhaṃ bujjhantīti – bojjhaṅgā. Ekatte etaṃ santanti passanaṭṭhaṃ bujjhantīti – bojjhaṅgā. Ekatte yānīkataṭṭhaṃ bujjhantīti – bojjhaṅgā. Ekatte vatthukataṭṭhaṃ bujjhantīti – bojjhaṅgā. Ekatte anuṭṭhitaṭṭhaṃ bujjhantīti – bojjhaṅgā. Ekatte paricitaṭṭhaṃ bujjhantīti – bojjhaṅgā. Ekatte susamāraddhaṭṭhaṃ bujjhantīti – bojjhaṅgā . Ekatte pariggahaṭṭhaṃ bujjhantīti – bojjhaṅgā. Ekatte parivāraṭṭhaṃ bujjhantīti – bojjhaṅgā. Ekatte paripūraṇaṭṭhaṃ bujjhantīti – bojjhaṅgā. Ekatte samodhānaṭṭhaṃ bujjhantīti – bojjhaṅgā. Ekatte adhiṭṭhānaṭṭhaṃ bujjhantīti – bojjhaṅgā. Ekatte āsevanaṭṭhaṃ bujjhantīti – bojjhaṅgā. Ekatte bhāvanaṭṭhaṃ bujjhantīti – bojjhaṅgā. Ekatte bahulīkammaṭṭhaṃ bujjhantīti – bojjhaṅgā. Ekatte susamuggataṭṭhaṃ bujjhantīti – bojjhaṅgā. Ekatte suvimuttaṭṭhaṃ bujjhantīti – bojjhaṅgā. Ekatte bujjhanaṭṭhaṃ bujjhantīti – bojjhaṅgā. Ekatte anubujjhanaṭṭhaṃ bujjhantīti – bojjhaṅgā. Ekatte paṭibujjhanaṭṭhaṃ bujjhantīti – bojjhaṅgā. Ekatte sambujjhanaṭṭhaṃ bujjhantīti – bojjhaṅgā. Ekatte bodhanaṭṭhaṃ bujjhantīti – bojjhaṅgā. Ekatte anubodhanaṭṭhaṃ bujjhantīti – bojjhaṅgā. Ekatte paṭibodhanaṭṭhaṃ bujjhantīti – bojjhaṅgā. Ekatte sambujjhanaṭṭhaṃ bujjhantīti – bojjhaṅgā. Ekatte bodhipakkhiyaṭṭhaṃ bujjhantīti – bojjhaṅgā. Ekatte anubodhipakkhiyaṭṭhaṃ bujjhantīti – bojjhaṅgā. Ekatte paṭibodhipakkhiyaṭṭhaṃ bujjhantīti – bojjhaṅgā. Ekatte sambodhipakkhiyaṭṭhaṃ bujjhantīti – bojjhaṅgā. Ekatte jotanaṭṭhaṃ bujjhantīti – bojjhaṅgā. Ekatte ujjotanaṭṭhaṃ bujjhantīti – bojjhaṅgā. Ekatte anujotanaṭṭhaṃ bujjhantīti – bojjhaṅgā. Ekatte paṭijotanaṭṭhaṃ bujjhantīti – bojjhaṅgā. Ekatte sañjotanaṭṭhaṃ bujjhantīti – bojjhaṅgā.
ਪਤਾਪਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਰੋਚਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ । ਕਿਲੇਸਾਨਂ ਸਨ੍ਤਾਪਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਮਲਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਮਲਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਮ੍ਮਲਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿવੇਕਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿવੇਕਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਰਾਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਰਾਗਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਰੋਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਰੋਧਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੋਸਗ੍ਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੋਸਗ੍ਗਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਮੁਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਮੁਤ੍ਤਿਚਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Patāpanaṭṭhaṃ bujjhantīti – bojjhaṅgā. Virocanaṭṭhaṃ bujjhantīti – bojjhaṅgā . Kilesānaṃ santāpanaṭṭhaṃ bujjhantīti – bojjhaṅgā. Amalaṭṭhaṃ bujjhantīti – bojjhaṅgā. Vimalaṭṭhaṃ bujjhantīti – bojjhaṅgā. Nimmalaṭṭhaṃ bujjhantīti – bojjhaṅgā. Samaṭṭhaṃ bujjhantīti – bojjhaṅgā. Samayaṭṭhaṃ bujjhantīti – bojjhaṅgā. Vivekaṭṭhaṃ bujjhantīti – bojjhaṅgā. Vivekacariyaṭṭhaṃ bujjhantīti – bojjhaṅgā. Virāgaṭṭhaṃ bujjhantīti – bojjhaṅgā. Virāgacariyaṭṭhaṃ bujjhantīti – bojjhaṅgā. Nirodhaṭṭhaṃ bujjhantīti – bojjhaṅgā. Nirodhacariyaṭṭhaṃ bujjhantīti – bojjhaṅgā. Vosaggaṭṭhaṃ bujjhantīti – bojjhaṅgā. Vosaggacariyaṭṭhaṃ bujjhantīti – bojjhaṅgā. Vimuttaṭṭhaṃ bujjhantīti – bojjhaṅgā. Vimutticariyaṭṭhaṃ bujjhantīti – bojjhaṅgā.
ਛਨ੍ਦਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਮੂਲਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਪਾਦਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਪਧਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਇਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਅਧਿਮੋਕ੍ਖਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਪਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਉਪਟ੍ਠਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਅવਿਕ੍ਖੇਪਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਛਨ੍ਦਸ੍ਸ ਦਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Chandaṭṭhaṃ bujjhantīti – bojjhaṅgā. Chandassa mūlaṭṭhaṃ bujjhantīti – bojjhaṅgā. Chandassa pādaṭṭhaṃ bujjhantīti – bojjhaṅgā. Chandassa padhānaṭṭhaṃ bujjhantīti – bojjhaṅgā. Chandassa ijjhanaṭṭhaṃ bujjhantīti – bojjhaṅgā. Chandassa adhimokkhaṭṭhaṃ bujjhantīti – bojjhaṅgā. Chandassa paggahaṭṭhaṃ bujjhantīti – bojjhaṅgā. Chandassa upaṭṭhānaṭṭhaṃ bujjhantīti – bojjhaṅgā. Chandassa avikkhepaṭṭhaṃ bujjhantīti – bojjhaṅgā. Chandassa dassanaṭṭhaṃ bujjhantīti – bojjhaṅgā.
વੀਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਚਿਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… વੀਮਂਸਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਮੂਲਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਪਾਦਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਪਧਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਇਜ੍ਝਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਅਧਿਮੋਕ੍ਖਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਪਗ੍ਗਹਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਉਪਟ੍ਠਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਅવਿਕ੍ਖੇਪਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੀਮਂਸਾਯ ਦਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Vīriyaṭṭhaṃ bujjhantīti – bojjhaṅgā…pe… cittaṭṭhaṃ bujjhantīti – bojjhaṅgā…pe… vīmaṃsaṭṭhaṃ bujjhantīti – bojjhaṅgā. Vīmaṃsāya mūlaṭṭhaṃ bujjhantīti – bojjhaṅgā. Vīmaṃsāya pādaṭṭhaṃ bujjhantīti – bojjhaṅgā. Vīmaṃsāya padhānaṭṭhaṃ bujjhantīti – bojjhaṅgā. Vīmaṃsāya ijjhanaṭṭhaṃ bujjhantīti – bojjhaṅgā. Vīmaṃsāya adhimokkhaṭṭhaṃ bujjhantīti – bojjhaṅgā. Vīmaṃsāya paggahaṭṭhaṃ bujjhantīti – bojjhaṅgā. Vīmaṃsāya upaṭṭhānaṭṭhaṃ bujjhantīti – bojjhaṅgā. Vīmaṃsāya avikkhepaṭṭhaṃ bujjhantīti – bojjhaṅgā. Vīmaṃsāya dassanaṭṭhaṃ bujjhantīti – bojjhaṅgā.
ਦੁਕ੍ਖਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਦੁਕ੍ਖਸ੍ਸ ਪੀਲ਼ਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਦੁਕ੍ਖਸ੍ਸ ਸਙ੍ਖਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਦੁਕ੍ਖਸ੍ਸ ਸਨ੍ਤਾਪਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਦੁਕ੍ਖਸ੍ਸ વਿਪਰਿਣਾਮਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮੁਦਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮੁਦਯਸ੍ਸ ਆਯੂਹਨਟ੍ਠਂ ਨਿਦਾਨਟ੍ਠਂ ਸਞ੍ਞੋਗਟ੍ਠਂ ਪਲਿਬੋਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਰੋਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਰੋਧਸ੍ਸ ਨਿਸ੍ਸਰਣਟ੍ਠਂ વਿવੇਕਟ੍ਠਂ ਅਸਙ੍ਖਤਟ੍ਠਂ ਅਮਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮਗ੍ਗਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮਗ੍ਗਸ੍ਸ ਨਿਯ੍ਯਾਨਟ੍ਠਂ ਹੇਤੁਟ੍ਠਂ ਦਸ੍ਸਨਟ੍ਠਂ ਆਧਿਪਤੇਯ੍ਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Dukkhaṭṭhaṃ bujjhantīti – bojjhaṅgā. Dukkhassa pīḷanaṭṭhaṃ bujjhantīti – bojjhaṅgā. Dukkhassa saṅkhataṭṭhaṃ bujjhantīti – bojjhaṅgā. Dukkhassa santāpaṭṭhaṃ bujjhantīti – bojjhaṅgā. Dukkhassa vipariṇāmaṭṭhaṃ bujjhantīti – bojjhaṅgā. Samudayaṭṭhaṃ bujjhantīti – bojjhaṅgā. Samudayassa āyūhanaṭṭhaṃ nidānaṭṭhaṃ saññogaṭṭhaṃ palibodhaṭṭhaṃ bujjhantīti – bojjhaṅgā. Nirodhaṭṭhaṃ bujjhantīti – bojjhaṅgā. Nirodhassa nissaraṇaṭṭhaṃ vivekaṭṭhaṃ asaṅkhataṭṭhaṃ amataṭṭhaṃ bujjhantīti – bojjhaṅgā. Maggaṭṭhaṃ bujjhantīti – bojjhaṅgā. Maggassa niyyānaṭṭhaṃ hetuṭṭhaṃ dassanaṭṭhaṃ ādhipateyyaṭṭhaṃ bujjhantīti – bojjhaṅgā.
ਤਥਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਤ੍ਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਚ੍ਚਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਟਿવੇਧਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਭਿਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਰਿਜਾਨਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਧਮ੍ਮਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਧਾਤੁਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਞਾਤਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਚ੍ਛਿਕਿਰਿਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਫਸ੍ਸਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਭਿਸਮਯਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Tathaṭṭhaṃ bujjhantīti – bojjhaṅgā. Anattaṭṭhaṃ bujjhantīti – bojjhaṅgā. Saccaṭṭhaṃ bujjhantīti – bojjhaṅgā. Paṭivedhaṭṭhaṃ bujjhantīti – bojjhaṅgā. Abhijānanaṭṭhaṃ bujjhantīti – bojjhaṅgā. Parijānanaṭṭhaṃ bujjhantīti – bojjhaṅgā. Dhammaṭṭhaṃ bujjhantīti – bojjhaṅgā. Dhātuṭṭhaṃ bujjhantīti – bojjhaṅgā. Ñātaṭṭhaṃ bujjhantīti – bojjhaṅgā. Sacchikiriyaṭṭhaṃ bujjhantīti – bojjhaṅgā. Phassanaṭṭhaṃ bujjhantīti – bojjhaṅgā. Abhisamayaṭṭhaṃ bujjhantīti – bojjhaṅgā.
ਨੇਕ੍ਖਮ੍ਮਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਬ੍ਯਾਪਾਦਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਆਲੋਕਸਞ੍ਞਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅવਿਕ੍ਖੇਪਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਧਮ੍ਮવવਤ੍ਥਾਨਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਞਾਣਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਾਮੋਜ੍ਜਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਠਮਂ ਝਾਨਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਅਰਹਤ੍ਤਮਗ੍ਗਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਰਹਤ੍ਤਫਲਸਮਾਪਤ੍ਤਿਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Nekkhammaṃ bujjhantīti – bojjhaṅgā. Abyāpādaṃ bujjhantīti – bojjhaṅgā. Ālokasaññaṃ bujjhantīti – bojjhaṅgā. Avikkhepaṃ bujjhantīti – bojjhaṅgā. Dhammavavatthānaṃ bujjhantīti – bojjhaṅgā. Ñāṇaṃ bujjhantīti – bojjhaṅgā. Pāmojjaṃ bujjhantīti – bojjhaṅgā. Paṭhamaṃ jhānaṃ bujjhantīti – bojjhaṅgā…pe… arahattamaggaṃ bujjhantīti – bojjhaṅgā. Arahattaphalasamāpattiṃ bujjhantīti – bojjhaṅgā.
ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਸ੍ਸਦ੍ਧਿਯੇ ਅਕਮ੍ਪਿਯਟ੍ਠੇਨ ਸਦ੍ਧਾਬਲਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਅવਿਜ੍ਜਾਯ ਅਕਮ੍ਪਿਯਟ੍ਠੇਨ ਪਞ੍ਞਾਬਲਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਉਪਟ੍ਠਾਨਟ੍ਠੇਨ ਸਤਿਸਮ੍ਬੋਜ੍ਝਙ੍ਗਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਪਟਿਸਙ੍ਖਾਨਟ੍ਠੇਨ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Adhimokkhaṭṭhena saddhindriyaṃ bujjhantīti – bojjhaṅgā…pe… dassanaṭṭhena paññindriyaṃ bujjhantīti – bojjhaṅgā. Assaddhiye akampiyaṭṭhena saddhābalaṃ bujjhantīti – bojjhaṅgā…pe… avijjāya akampiyaṭṭhena paññābalaṃ bujjhantīti – bojjhaṅgā. Upaṭṭhānaṭṭhena satisambojjhaṅgaṃ bujjhantīti – bojjhaṅgā…pe… paṭisaṅkhānaṭṭhena upekkhāsambojjhaṅgaṃ bujjhantīti – bojjhaṅgā.
ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਕਮ੍ਪਿਯਟ੍ਠੇਨ ਬਲਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਨਿਯ੍ਯਾਨਟ੍ਠਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਹੇਤੁਟ੍ਠੇਨ ਮਗ੍ਗਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਦਹਨਟ੍ਠੇਨ ਸਮ੍ਮਪ੍ਪਧਾਨਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਇਜ੍ਝਨਟ੍ਠੇਨ ਇਦ੍ਧਿਪਾਦਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਤਥਟ੍ਠੇਨ ਸਚ੍ਚਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅવਿਕ੍ਖੇਪਟ੍ਠੇਨ ਸਮਥਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨੁਪਸ੍ਸਨਟ੍ਠੇ વਿਪਸ੍ਸਨਂ …ਪੇ॰… ਏਕਰਸਟ੍ਠੇਨ ਸਮਥવਿਪਸ੍ਸਨਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਨਤਿવਤ੍ਤਨਟ੍ਠੇਨ ਯੁਗਨਦ੍ਧਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਂવਰਟ੍ਠੇਨ ਸੀਲવਿਸੁਦ੍ਧਿਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅવਿਕ੍ਖੇਪਟ੍ਠੇਨ ਚਿਤ੍ਤવਿਸੁਦ੍ਧਿਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਦਸ੍ਸਨਟ੍ਠੇਨ ਦਿਟ੍ਠਿવਿਸੁਦ੍ਧਿਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮੁਤ੍ਤਟ੍ਠੇਨ વਿਮੋਕ੍ਖਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਟਿવੇਧਟ੍ਠੇਨ વਿਜ੍ਜਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਰਿਚ੍ਚਾਗਟ੍ਠੇਨ વਿਮੁਤ੍ਤਿਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮੁਚ੍ਛੇਦਟ੍ਠੇਨ ਖਯੇ ਞਾਣਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਟਿਪ੍ਪਸ੍ਸਦ੍ਧਟ੍ਠੇਨ ਅਨੁਪ੍ਪਾਦੇ ਞਾਣਂ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Dassanaṭṭhena sammādiṭṭhiṃ bujjhantīti – bojjhaṅgā…pe… avikkhepaṭṭhena sammāsamādhiṃ bujjhantīti – bojjhaṅgā. Ādhipateyyaṭṭhena indriyaṃ bujjhantīti – bojjhaṅgā. Akampiyaṭṭhena balaṃ bujjhantīti – bojjhaṅgā. Niyyānaṭṭhaṃ bujjhantīti – bojjhaṅgā. Hetuṭṭhena maggaṃ bujjhantīti – bojjhaṅgā. Upaṭṭhānaṭṭhena satipaṭṭhānaṃ bujjhantīti – bojjhaṅgā. Padahanaṭṭhena sammappadhānaṃ bujjhantīti – bojjhaṅgā. Ijjhanaṭṭhena iddhipādaṃ bujjhantīti – bojjhaṅgā. Tathaṭṭhena saccaṃ bujjhantīti – bojjhaṅgā. Avikkhepaṭṭhena samathaṃ bujjhantīti – bojjhaṅgā. Anupassanaṭṭhe vipassanaṃ …pe… ekarasaṭṭhena samathavipassanaṃ bujjhantīti – bojjhaṅgā. Anativattanaṭṭhena yuganaddhaṃ bujjhantīti – bojjhaṅgā. Saṃvaraṭṭhena sīlavisuddhiṃ bujjhantīti – bojjhaṅgā. Avikkhepaṭṭhena cittavisuddhiṃ bujjhantīti – bojjhaṅgā. Dassanaṭṭhena diṭṭhivisuddhiṃ bujjhantīti – bojjhaṅgā. Muttaṭṭhena vimokkhaṃ bujjhantīti – bojjhaṅgā. Paṭivedhaṭṭhena vijjaṃ bujjhantīti – bojjhaṅgā. Pariccāgaṭṭhena vimuttiṃ bujjhantīti – bojjhaṅgā. Samucchedaṭṭhena khaye ñāṇaṃ bujjhantīti – bojjhaṅgā. Paṭippassaddhaṭṭhena anuppāde ñāṇaṃ bujjhantīti – bojjhaṅgā.
ਛਨ੍ਦਂ ਮੂਲਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਮਨਸਿਕਾਰਂ ਸਮੁਟ੍ਠਾਨਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਫਸ੍ਸਂ ਸਮੋਧਾਨਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વੇਦਨਂ ਸਮੋਸਰਣਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਮਾਧਿਂ ਪਮੁਖਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਸਤਿਂ ਆਧਿਪਤੇਯ੍ਯਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਪਞ੍ਞਂ ਤਤੁਤ੍ਤਰਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। વਿਮੁਤ੍ਤਿਂ ਸਾਰਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ। ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਬੁਜ੍ਝਨ੍ਤੀਤਿ – ਬੋਜ੍ਝਙ੍ਗਾ।
Chandaṃ mūlaṭṭhena bujjhantīti – bojjhaṅgā. Manasikāraṃ samuṭṭhānaṭṭhena bujjhantīti – bojjhaṅgā. Phassaṃ samodhānaṭṭhena bujjhantīti – bojjhaṅgā. Vedanaṃ samosaraṇaṭṭhena bujjhantīti – bojjhaṅgā. Samādhiṃ pamukhaṭṭhena bujjhantīti – bojjhaṅgā. Satiṃ ādhipateyyaṭṭhena bujjhantīti – bojjhaṅgā. Paññaṃ tatuttaraṭṭhena bujjhantīti – bojjhaṅgā. Vimuttiṃ sāraṭṭhena bujjhantīti – bojjhaṅgā. Amatogadhaṃ nibbānaṃ pariyosānaṭṭhena bujjhantīti – bojjhaṅgā.
੨੦. ਸਾવਤ੍ਥਿਨਿਦਾਨਂ। ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਿਕ੍ਖੂ ਆਮਨ੍ਤੇਸਿ – ‘‘ਆવੁਸੋ ਭਿਕ੍ਖવੋ’’ਤਿ 13। ‘‘ਆવੁਸੋ’’ਤਿ ਖੋ ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਪਚ੍ਚਸ੍ਸੋਸੁਂ। ਆਯਸ੍ਮਾ ਸਾਰਿਪੁਤ੍ਤੋ ਏਤਦવੋਚ –
20. Sāvatthinidānaṃ. Tatra kho āyasmā sāriputto bhikkhū āmantesi – ‘‘āvuso bhikkhavo’’ti 14. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ਸਤ੍ਤਿਮੇ, ਆવੁਸੋ, ਬੋਜ੍ਝਙ੍ਗਾ । ਕਤਮੇ ਸਤ੍ਤ? ਸਤਿਸਮ੍ਬੋਜ੍ਝਙ੍ਗੋ, ਧਮ੍ਮવਿਚਯਸਮ੍ਬੋਜ੍ਝਙ੍ਗੋ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗੋ – ਇਮੇ ਖੋ, ਆવੁਸੋ, ਸਤ੍ਤ ਬੋਜ੍ਝਙ੍ਗਾ। ਇਮੇਸਂ ਖ੍વਾਹਂ, ਆવੁਸੋ, ਸਤ੍ਤਨ੍ਨਂ ਬੋਜ੍ਝਙ੍ਗਾਨਂ ਯੇਨ ਯੇਨ ਬੋਜ੍ਝਙ੍ਗੇਨ ਆਕਙ੍ਖਾਮਿ ਪੁਬ੍ਬਣ੍ਹਸਮਯਂ વਿਹਰਿਤੁਂ, ਤੇਨ ਤੇਨ ਬੋਜ੍ਝਙ੍ਗੇਨ ਪੁਬ੍ਬਣ੍ਹਸਮਯਂ વਿਹਰਾਮਿ। ਯੇਨ ਯੇਨ ਬੋਜ੍ਝਙ੍ਗੇਨ ਆਕਙ੍ਖਾਮਿ ਮਜ੍ਝਨ੍ਹਿਕਸਮਯਂ…ਪੇ॰… ਸਾਯਨ੍ਹਸਮਯਂ વਿਹਰਿਤੁਂ, ਤੇਨ ਤੇਨ ਬੋਜ੍ਝਙ੍ਗੇਨ ਸਾਯਨ੍ਹਸਮਯਂ વਿਹਰਾਮਿ। ਸਤਿਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ, ‘ਆવੁਸੋ, ਹੋਤਿ, ਅਪ੍ਪਮਾਣੋ’ਤਿ ਮੇ ਹੋਤਿ, ‘ਸੁਸਮਾਰਦ੍ਧੋ’ਤਿ ਮੇ ਹੋਤਿ। ਤਿਟ੍ਠਨ੍ਤਞ੍ਚ ਨਂ 15 ‘ਤਿਟ੍ਠਤੀ’ਤਿ ਪਜਾਨਾਮਿ। ਸਚੇਪਿ ਮੇ ਚવਤਿ, ‘ਇਦਪ੍ਪਚ੍ਚਯਾ ਮੇ ਚવਤੀ’ਤਿ ਪਜਾਨਾਮਿ। ਧਮ੍ਮવਿਚਯਸਮ੍ਬੋਜ੍ਝਙ੍ਗੋ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ, ਆવੁਸੋ, ਹੋਤਿ, ‘ਅਪ੍ਪਮਾਣੋ’ਤਿ ਮੇ ਹੋਤਿ, ‘ਸੁਸਮਾਰਦ੍ਧੋ’ਤਿ ਮੇ ਹੋਤਿ। ਤਿਟ੍ਠਨ੍ਤਞ੍ਚ ਨਂ ‘ਤਿਟ੍ਠਤੀ’ਤਿ ਪਜਾਨਾਮਿ। ਸਚੇਪਿ ਮੇ ਚવਤਿ, ‘ਇਦਪ੍ਪਚ੍ਚਯਾ ਮੇ ਚવਤੀ’ਤਿ ਪਜਾਨਾਮਿ।
‘‘Sattime, āvuso, bojjhaṅgā . Katame satta? Satisambojjhaṅgo, dhammavicayasambojjhaṅgo…pe… upekkhāsambojjhaṅgo – ime kho, āvuso, satta bojjhaṅgā. Imesaṃ khvāhaṃ, āvuso, sattannaṃ bojjhaṅgānaṃ yena yena bojjhaṅgena ākaṅkhāmi pubbaṇhasamayaṃ viharituṃ, tena tena bojjhaṅgena pubbaṇhasamayaṃ viharāmi. Yena yena bojjhaṅgena ākaṅkhāmi majjhanhikasamayaṃ…pe… sāyanhasamayaṃ viharituṃ, tena tena bojjhaṅgena sāyanhasamayaṃ viharāmi. Satisambojjhaṅgo iti ce me, ‘āvuso, hoti, appamāṇo’ti me hoti, ‘susamāraddho’ti me hoti. Tiṭṭhantañca naṃ 16 ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi. Dhammavicayasambojjhaṅgo…pe… upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti. Tiṭṭhantañca naṃ ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi.
‘‘ਸੇਯ੍ਯਥਾਪਿ, ਆવੁਸੋ, ਰਞ੍ਞੋ વਾ ਰਾਜਮਹਾਮਤ੍ਤਸ੍ਸ વਾ ਨਾਨਾਰਤ੍ਤਾਨਂ ਦੁਸ੍ਸਾਨਂ ਦੁਸ੍ਸਕਰਣ੍ਡਕੋ ਪੂਰੋ ਅਸ੍ਸ। ਸੋ ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਪੁਬ੍ਬਣ੍ਹਸਮਯਂ ਪਾਰੁਪਿਤੁਂ, ਤਂ ਤਦੇવ ਦੁਸ੍ਸਯੁਗਂ ਪੁਬ੍ਬਣ੍ਹਸਮਯਂ ਪਾਰੁਪੇਯ੍ਯ। ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਮਜ੍ਝਨ੍ਹਿਕਸਮਯਂ…ਪੇ॰… ਸਾਯਨ੍ਹਸਮਯਂ ਪਾਰੁਪਿਤੁਂ, ਤਂ ਤਦੇવ ਦੁਸ੍ਸਯੁਗਂ ਸਾਯਨ੍ਹਸਮਯਂ ਪਾਰੁਪੇਯ੍ਯ। ਏવਮੇવ ਖ੍વਾਹਂ, ਆવੁਸੋ, ਇਮੇਸਂ ਸਤ੍ਤਨ੍ਨਂ ਬੋਜ੍ਝਙ੍ਗਾਨਂ ਯੇਨ ਯੇਨ ਬੋਜ੍ਝਙ੍ਗੇਨ ਆਕਙ੍ਖਾਮਿ ਪੁਬ੍ਬਣ੍ਹਸਮਯਂ વਿਹਰਿਤੁਂ, ਤੇਨ ਤੇਨ ਬੋਜ੍ਝਙ੍ਗੇਨ ਪੁਬ੍ਬਣ੍ਹਸਮਯਂ વਿਹਰਾਮਿ। ਯੇਨ ਯੇਨ ਬੋਜ੍ਝਙ੍ਗੇਨ ਆਕਙ੍ਖਾਮਿ ਮਜ੍ਝਨ੍ਹਿਕਸਮਯਂ…ਪੇ॰… ਸਾਯਨ੍ਹਸਮਯਂ વਿਹਰਿਤੁਂ, ਤੇਨ ਤੇਨ ਬੋਜ੍ਝਙ੍ਗੇਨ ਸਾਯਨ੍ਹਸਮਯਂ વਿਹਰਾਮਿ। ਸਤਿਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ, ਆવੁਸੋ, ਹੋਤਿ, ‘ਅਪ੍ਪਮਾਣੋ’ਤਿ ਮੇ ਹੋਤਿ, ‘ਸੁਸਮਾਰਦ੍ਧੋ’ਤਿ ਮੇ ਹੋਤਿ। ਤਿਟ੍ਠਨ੍ਤਞ੍ਚ ਨਂ ‘ਤਿਟ੍ਠਤੀ’ਤਿ ਪਜਾਨਾਮਿ। ਸਚੇਪਿ ਮੇ ਚવਤਿ, ‘ਇਦਪ੍ਪਚ੍ਚਯਾ ਮੇ ਚવਤੀ’ਤਿ ਪਜਾਨਾਮਿ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ, ਆવੁਸੋ, ਹੋਤਿ, ‘ਅਪ੍ਪਮਾਣੋ’ਤਿ ਮੇ ਹੋਤਿ, ‘ਸੁਸਮਾਰਦ੍ਧੋ’ਤਿ ਮੇ ਹੋਤਿ। ਤਿਟ੍ਠਨ੍ਤਞ੍ਚ ਨਂ ‘ਤਿਟ੍ਠਤੀ’ਤਿ ਪਜਾਨਾਮਿ। ਸਚੇਪਿ ਮੇ ਚવਤਿ, ‘ਇਦਪ੍ਪਚ੍ਚਯਾ ਮੇ ਚવਤੀ’ਤਿ ਪਜਾਨਾਮਿ’’।
‘‘Seyyathāpi, āvuso, rañño vā rājamahāmattassa vā nānārattānaṃ dussānaṃ dussakaraṇḍako pūro assa. So yaññadeva dussayugaṃ ākaṅkheyya pubbaṇhasamayaṃ pārupituṃ, taṃ tadeva dussayugaṃ pubbaṇhasamayaṃ pārupeyya. Yaññadeva dussayugaṃ ākaṅkheyya majjhanhikasamayaṃ…pe… sāyanhasamayaṃ pārupituṃ, taṃ tadeva dussayugaṃ sāyanhasamayaṃ pārupeyya. Evameva khvāhaṃ, āvuso, imesaṃ sattannaṃ bojjhaṅgānaṃ yena yena bojjhaṅgena ākaṅkhāmi pubbaṇhasamayaṃ viharituṃ, tena tena bojjhaṅgena pubbaṇhasamayaṃ viharāmi. Yena yena bojjhaṅgena ākaṅkhāmi majjhanhikasamayaṃ…pe… sāyanhasamayaṃ viharituṃ, tena tena bojjhaṅgena sāyanhasamayaṃ viharāmi. Satisambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti. Tiṭṭhantañca naṃ ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi…pe… upekkhāsambojjhaṅgo iti ce me, āvuso, hoti, ‘appamāṇo’ti me hoti, ‘susamāraddho’ti me hoti. Tiṭṭhantañca naṃ ‘tiṭṭhatī’ti pajānāmi. Sacepi me cavati, ‘idappaccayā me cavatī’ti pajānāmi’’.
ਸੁਤ੍ਤਨ੍ਤਨਿਦ੍ਦੇਸੋ
Suttantaniddeso
੨੧. ਕਥਂ ਸਤਿਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ? ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਸਤਿਸਮ੍ਬੋਜ੍ਝਙ੍ਗੋ। ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ। ਸੇਯ੍ਯਥਾਪਿ ਤੇਲਪ੍ਪਦੀਪਸ੍ਸ ਝਾਯਤੋ ਯਾવਤਾ ਅਚ੍ਚਿ ਤਾવਤਾ વਣ੍ਣੋ, ਯਾવਤਾ વਣ੍ਣੋ ਤਾવਤਾ ਅਚ੍ਚਿ। ਏવਮੇવ ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਸਤਿਸਮ੍ਬੋਜ੍ਝਙ੍ਗੋ। ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ।
21. Kathaṃ satisambojjhaṅgo iti ce me hotīti bojjhaṅgo? Yāvatā nirodhūpaṭṭhāti tāvatā satisambojjhaṅgo. Iti ce me hotīti bojjhaṅgo. Seyyathāpi telappadīpassa jhāyato yāvatā acci tāvatā vaṇṇo, yāvatā vaṇṇo tāvatā acci. Evameva yāvatā nirodhūpaṭṭhāti tāvatā satisambojjhaṅgo. Iti ce me hotīti bojjhaṅgo.
ਕਥਂ ਅਪ੍ਪਮਾਣੋ ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ? ਪਮਾਣਬਦ੍ਧਾ 17 ਕਿਲੇਸਾ, ਸਬ੍ਬੇ ਚ ਪਰਿਯੁਟ੍ਠਾਨਾ, ਯੇ ਚ ਸਙ੍ਖਾਰਾ ਪੋਨੋਭવਿਕਾ ਅਪ੍ਪਮਾਣੋ ਨਿਰੋਧੋ ਅਚਲਟ੍ਠੇਨ ਅਸਙ੍ਖਤਟ੍ਠੇਨ। ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਅਪ੍ਪਮਾਣੋ। ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ।
Kathaṃ appamāṇo iti ce me hotīti bojjhaṅgo? Pamāṇabaddhā 18 kilesā, sabbe ca pariyuṭṭhānā, ye ca saṅkhārā ponobhavikā appamāṇo nirodho acalaṭṭhena asaṅkhataṭṭhena. Yāvatā nirodhūpaṭṭhāti tāvatā appamāṇo. Iti ce me hotīti bojjhaṅgo.
ਕਥਂ ਸੁਸਮਾਰਦ੍ਧੋ ਇਤਿ ਚੇ ਮੇ ਹੋਤੀਤਿ – ਬੋਜ੍ਝਙ੍ਗੋ? વਿਸਮਾ ਕਿਲੇਸਾ, ਸਬ੍ਬੇ ਚ ਪਰਿਯੁਟ੍ਠਾਨਾ, ਯੇ ਚ ਸਙ੍ਖਾਰਾ ਪੋਨੋਭવਿਕਾ, ਸਮਧਮ੍ਮੋ ਨਿਰੋਧੋ ਸਨ੍ਤਟ੍ਠੇਨ ਪਣੀਤਟ੍ਠੇਨ। ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਸੁਸਮਾਰਦ੍ਧੋ ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ।
Kathaṃ susamāraddho iti ce me hotīti – bojjhaṅgo? Visamā kilesā, sabbe ca pariyuṭṭhānā, ye ca saṅkhārā ponobhavikā, samadhammo nirodho santaṭṭhena paṇītaṭṭhena. Yāvatā nirodhūpaṭṭhāti tāvatā susamāraddho iti ce me hotīti bojjhaṅgo.
ਕਥਂ ‘‘ਤਿਟ੍ਠਨ੍ਤਞ੍ਚ ਨਂ ਤਿਟ੍ਠਤੀ’’ਤਿ ਪਜਾਨਾਮਿ; ਸਚੇਪਿ ਚવਤਿ ‘‘ਇਦਪ੍ਪਚ੍ਚਯਾ ਚવਤੀ’’ਤਿ ਪਜਾਨਾਮਿ? ਕਤਿਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ? ਕਤਿਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਚવਤਿ? ਅਟ੍ਠਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ। ਅਟ੍ਠਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਚવਤਿ।
Kathaṃ ‘‘tiṭṭhantañca naṃ tiṭṭhatī’’ti pajānāmi; sacepi cavati ‘‘idappaccayā cavatī’’ti pajānāmi? Katihākārehi satisambojjhaṅgo tiṭṭhati? Katihākārehi satisambojjhaṅgo cavati? Aṭṭhahākārehi satisambojjhaṅgo tiṭṭhati. Aṭṭhahākārehi satisambojjhaṅgo cavati.
ਕਤਮੇਹਿ ਅਟ੍ਠਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ? ਅਨੁਪ੍ਪਾਦਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਉਪ੍ਪਾਦਂ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਅਪ੍ਪવਤ੍ਤਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਪવਤ੍ਤਂ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਅਨਿਮਿਤ੍ਤਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਨਿਮਿਤ੍ਤਂ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਨਿਰੋਧਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਸਙ੍ਖਾਰੇ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ – ਇਮੇਹਿ ਅਟ੍ਠਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ।
Katamehi aṭṭhahākārehi satisambojjhaṅgo tiṭṭhati? Anuppādaṃ āvajjitattā satisambojjhaṅgo tiṭṭhati, uppādaṃ anāvajjitattā satisambojjhaṅgo tiṭṭhati, appavattaṃ āvajjitattā satisambojjhaṅgo tiṭṭhati, pavattaṃ anāvajjitattā satisambojjhaṅgo tiṭṭhati, animittaṃ āvajjitattā satisambojjhaṅgo tiṭṭhati, nimittaṃ anāvajjitattā satisambojjhaṅgo tiṭṭhati, nirodhaṃ āvajjitattā satisambojjhaṅgo tiṭṭhati, saṅkhāre anāvajjitattā satisambojjhaṅgo tiṭṭhati – imehi aṭṭhahākārehi satisambojjhaṅgo tiṭṭhati.
ਕਤਮੇਹਿ ਅਟ੍ਠਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਚવਤਿ? ਉਪ੍ਪਾਦਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ, ਅਨੁਪ੍ਪਾਦਂ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ, ਪવਤ੍ਤਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ, ਅਪ੍ਪવਤ੍ਤਂ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ, ਨਿਮਿਤ੍ਤਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ, ਅਨਿਮਿਤ੍ਤਂ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ, ਸਙ੍ਖਾਰੇ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ, ਨਿਰੋਧਂ ਅਨਾવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਚવਤਿ – ਇਮੇਹਿ ਅਟ੍ਠਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਚવਤਿ। ਏવਂ ‘‘ਤਿਟ੍ਠਨ੍ਤਞ੍ਚ ਨਂ ਤਿਟ੍ਠਤੀ’’ਤਿ ਪਜਾਨਾਮਿ। ਸਚੇਪਿ ਚવਤਿ, ‘‘ਇਦਪ੍ਪਚ੍ਚਯਾ ਮੇ ਚવਤੀ’’ਤਿ ਪਜਾਨਾਮਿ…ਪੇ॰…।
Katamehi aṭṭhahākārehi satisambojjhaṅgo cavati? Uppādaṃ āvajjitattā satisambojjhaṅgo cavati, anuppādaṃ anāvajjitattā satisambojjhaṅgo cavati, pavattaṃ āvajjitattā satisambojjhaṅgo cavati, appavattaṃ anāvajjitattā satisambojjhaṅgo cavati, nimittaṃ āvajjitattā satisambojjhaṅgo cavati, animittaṃ anāvajjitattā satisambojjhaṅgo cavati, saṅkhāre āvajjitattā satisambojjhaṅgo cavati, nirodhaṃ anāvajjitattā satisambojjhaṅgo cavati – imehi aṭṭhahākārehi satisambojjhaṅgo cavati. Evaṃ ‘‘tiṭṭhantañca naṃ tiṭṭhatī’’ti pajānāmi. Sacepi cavati, ‘‘idappaccayā me cavatī’’ti pajānāmi…pe….
ਕਥਂ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ? ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ ਹੋਤੀਤਿ ਬੋਜ੍ਝਙ੍ਗੋ। ਸੇਯ੍ਯਥਾਪਿ ਤੇਲਪ੍ਪਦੀਪਸ੍ਸ ਝਾਯਤੋ ਯਾવਤਾ ਅਚ੍ਚਿ ਤਾવਤਾ વਣ੍ਣੋ, ਯਾવਤਾ વਣ੍ਣੋ ਤਾવਤਾ ਅਚ੍ਚਿ। ਏવਮੇવ ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਇਤਿ ਚੇ ਹੋਤੀਤਿ ਬੋਜ੍ਝਙ੍ਗੋ।
Kathaṃ upekkhāsambojjhaṅgo iti ce me hotīti bojjhaṅgo? Yāvatā nirodhūpaṭṭhāti tāvatā upekkhāsambojjhaṅgo iti ce me hotīti bojjhaṅgo. Seyyathāpi telappadīpassa jhāyato yāvatā acci tāvatā vaṇṇo, yāvatā vaṇṇo tāvatā acci. Evameva yāvatā nirodhūpaṭṭhāti tāvatā upekkhāsambojjhaṅgo iti ce hotīti bojjhaṅgo.
ਕਥਂ ਅਪ੍ਪਮਾਣੋ ਇਤਿ ਚੇ ਹੋਤੀਤਿ ਬੋਜ੍ਝਙ੍ਗੋ? ਪਮਾਣਬਦ੍ਧਾ ਕਿਲੇਸਾ, ਸਬ੍ਬੇ ਚ ਪਰਿਯੁਟ੍ਠਾਨਾ, ਯੇ ਚ ਸਙ੍ਖਾਰਾ ਪੋਨੋਭવਿਕਾ ਅਪ੍ਪਮਾਣੋ ਨਿਰੋਧੋ ਅਚਲਟ੍ਠੇਨ ਅਸਙ੍ਖਤਟ੍ਠੇਨ। ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਅਪ੍ਪਮਾਣੋ ਇਤਿ ਚੇ ਹੋਤੀਤਿ ਬੋਜ੍ਝਙ੍ਗੋ।
Kathaṃ appamāṇo iti ce hotīti bojjhaṅgo? Pamāṇabaddhā kilesā, sabbe ca pariyuṭṭhānā, ye ca saṅkhārā ponobhavikā appamāṇo nirodho acalaṭṭhena asaṅkhataṭṭhena. Yāvatā nirodhūpaṭṭhāti tāvatā appamāṇo iti ce hotīti bojjhaṅgo.
ਕਥਂ ਸੁਸਮਾਰਦ੍ਧੋ ਇਤਿ ਚੇ ਹੋਤੀਤਿ ਬੋਜ੍ਝਙ੍ਗੋ? વਿਸਮਾ ਕਿਲੇਸਾ, ਸਬ੍ਬੇ ਚ ਪਰਿਯੁਟ੍ਠਾਨਾ, ਯੇ ਚ ਸਙ੍ਖਾਰਾ ਪੋਨੋਭવਿਕਾ ਸਮਧਮ੍ਮੋ ਨਿਰੋਧੋ ਸਨ੍ਤਟ੍ਠੇਨ ਪਣੀਤਟ੍ਠੇਨ। ਯਾવਤਾ ਨਿਰੋਧੂਪਟ੍ਠਾਤਿ ਤਾવਤਾ ਸੁਸਮਾਰਦ੍ਧੋ ਇਤਿ ਚੇ ਹੋਤੀਤਿ ਬੋਜ੍ਝਙ੍ਗੋ।
Kathaṃ susamāraddho iti ce hotīti bojjhaṅgo? Visamā kilesā, sabbe ca pariyuṭṭhānā, ye ca saṅkhārā ponobhavikā samadhammo nirodho santaṭṭhena paṇītaṭṭhena. Yāvatā nirodhūpaṭṭhāti tāvatā susamāraddho iti ce hotīti bojjhaṅgo.
ਕਥਂ ‘‘ਤਿਟ੍ਠਨ੍ਤਞ੍ਚ ਨਂ ਤਿਟ੍ਠਤੀ’’ਤਿ ਪਜਾਨਾਮਿ; ਸਚੇਪਿ ਚવਤਿ ‘‘ਇਦਪ੍ਪਚ੍ਚਯਾ ਮੇ ਚવਤੀ’’ਤਿ ਪਜਾਨਾਮਿ? ਕਤਿਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ? ਕਤਿਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ ? ਅਟ੍ਠਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ। ਅਟ੍ਠਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ।
Kathaṃ ‘‘tiṭṭhantañca naṃ tiṭṭhatī’’ti pajānāmi; sacepi cavati ‘‘idappaccayāme cavatī’’ti pajānāmi? Katihākārehi upekkhāsambojjhaṅgo tiṭṭhati? Katihākārehi upekkhāsambojjhaṅgo cavati ? Aṭṭhahākārehi upekkhāsambojjhaṅgo tiṭṭhati. Aṭṭhahākārehi upekkhāsambojjhaṅgo cavati.
ਕਤਮੇਹਿ ਅਟ੍ਠਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ? ਅਨੁਪ੍ਪਾਦਂ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਉਪ੍ਪਾਦਂ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਅਪ੍ਪવਤ੍ਤਂ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਪવਤ੍ਤਂ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਅਨਿਮਿਤ੍ਤਂ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਨਿਮਿਤ੍ਤਂ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਨਿਰੋਧਂ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਸਙ੍ਖਾਰੇ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ – ਇਮੇਹਿ ਅਟ੍ਠਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਤਿਟ੍ਠਤਿ।
Katamehi aṭṭhahākārehi upekkhāsambojjhaṅgo tiṭṭhati? Anuppādaṃ āvajjitattā upekkhāsambojjhaṅgo tiṭṭhati, uppādaṃ anāvajjitattā upekkhāsambojjhaṅgo tiṭṭhati, appavattaṃ āvajjitattā upekkhāsambojjhaṅgo tiṭṭhati, pavattaṃ anāvajjitattā upekkhāsambojjhaṅgo tiṭṭhati, animittaṃ āvajjitattā upekkhāsambojjhaṅgo tiṭṭhati, nimittaṃ anāvajjitattā upekkhāsambojjhaṅgo tiṭṭhati, nirodhaṃ āvajjitattā upekkhāsambojjhaṅgo tiṭṭhati, saṅkhāre anāvajjitattā upekkhāsambojjhaṅgo tiṭṭhati – imehi aṭṭhahākārehi upekkhāsambojjhaṅgo tiṭṭhati.
ਕਤਮੇਹਿ ਅਟ੍ਠਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ? ਉਪ੍ਪਾਦਂ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ, ਅਨੁਪ੍ਪਾਦਂ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ, ਪવਤ੍ਤਂ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ, ਅਪ੍ਪવਤ੍ਤਂ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ, ਨਿਮਿਤ੍ਤਂ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ , ਅਨਿਮਿਤ੍ਤਂ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ, ਸਙ੍ਖਾਰੇ ਆવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ, ਨਿਰੋਧਂ ਅਨਾવਜ੍ਜਿਤਤ੍ਤਾ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ – ਇਮੇਹਿ ਅਟ੍ਠਹਾਕਾਰੇਹਿ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਚવਤਿ। ਏવਂ ‘‘ਤਿਟ੍ਠਨ੍ਤਞ੍ਚ ਨਂ ਤਿਟ੍ਠਤੀ’’ਤਿ ਪਜਾਨਾਮਿ; ਸਚੇਪਿ ਚવਤਿ, ‘‘ਇਦਪ੍ਪਚ੍ਚਯਾ ਮੇ ਚવਤੀ’’ਤਿ ਪਜਾਨਾਮਿ।
Katamehi aṭṭhahākārehi upekkhāsambojjhaṅgo cavati? Uppādaṃ āvajjitattā upekkhāsambojjhaṅgo cavati, anuppādaṃ anāvajjitattā upekkhāsambojjhaṅgo cavati, pavattaṃ āvajjitattā upekkhāsambojjhaṅgo cavati, appavattaṃ anāvajjitattā upekkhāsambojjhaṅgo cavati, nimittaṃ āvajjitattā upekkhāsambojjhaṅgo cavati , animittaṃ anāvajjitattā upekkhāsambojjhaṅgo cavati, saṅkhāre āvajjitattā upekkhāsambojjhaṅgo cavati, nirodhaṃ anāvajjitattā upekkhāsambojjhaṅgo cavati – imehi aṭṭhahākārehi upekkhāsambojjhaṅgo cavati. Evaṃ ‘‘tiṭṭhantañca naṃ tiṭṭhatī’’ti pajānāmi; sacepi cavati, ‘‘idappaccayā me cavatī’’ti pajānāmi.
ਬੋਜ੍ਝਙ੍ਗਕਥਾ ਨਿਟ੍ਠਿਤਾ।
Bojjhaṅgakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā
ਬੋਜ੍ਝਙ੍ਗਕਥਾવਣ੍ਣਨਾ • Bojjhaṅgakathāvaṇṇanā
ਮੂਲਮੂਲਕਾਦਿਦਸਕવਣ੍ਣਨਾ • Mūlamūlakādidasakavaṇṇanā
ਸੁਤ੍ਤਨ੍ਤਨਿਦ੍ਦੇਸવਣ੍ਣਨਾ • Suttantaniddesavaṇṇanā
