| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
3. б̣ож̇жхан̇г̇агат̇аа
3. Bojjhaṅgakathā
б̣ож̇жхан̇г̇агат̇ааван̣н̣анаа
Bojjhaṅgakathāvaṇṇanā
17. ид̣̇аани сажжаббадивзд̇хасид̣̇д̇хам̣ б̣ож̇жхан̇г̇ависзсам̣ д̣̇ассзнд̇зна гат̇ид̇ааяа суд̇д̇анд̇абуб̣б̣ан̇г̇амааяа б̣ож̇жхан̇г̇агат̇ааяа абуб̣б̣ад̇т̇аануван̣н̣анаа. д̇ад̇т̇а суд̇д̇анд̇з д̇аава б̣ож̇жхан̇г̇аад̇и б̣од̇хияаа, б̣од̇хисса ваа ан̇г̇аад̇и б̣ож̇жхан̇г̇аа. гим̣ вуд̇д̇ам̣ ход̇и (сам̣. ни. адта. 3.5.182) – яаа хи аяам̣ д̇хаммасаамаг̇г̇ий, яааяа логуд̇д̇арамаг̇г̇агкан̣з уббаж̇ж̇амаанааяа лийнуд̣̇д̇хажжабад̇идтаанааяууханагаамасукад̇д̇агиламат̇аануяог̇аужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇ааяа сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇ааяа д̇хаммасаамаг̇г̇ияаа арияасааваго б̣уж̇жхад̇ийд̇и гад̇ваа б̣од̇хийд̇и вужжад̇и, б̣уж̇жхад̇ийд̇и гилзсасанд̇аананид̣̇д̣̇ааяа вудтахад̇и, жад̇д̇аари ваа арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и вуд̇д̇ам̣ ход̇и. яат̇ааха – ‘‘сад̇д̇а б̣ож̇жхан̇г̇з бхаавзд̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо’’д̇и (сам̣. ни. 5.378; д̣̇ий. ни. 3.143). д̇ассаа д̇хаммасаамаг̇г̇ийсан̇каад̇ааяа б̣од̇хияаа ан̇г̇аад̇и б̣ож̇жхан̇г̇аа жхаанан̇г̇амаг̇г̇ан̇г̇аад̣̇аяо вияа. яобзса яат̇аавуд̇д̇аббагаарааяа зд̇ааяа д̇хаммасаамаг̇г̇ияаа б̣уж̇жхад̇ийд̇и гад̇ваа арияасааваго б̣од̇хийд̇и вужжад̇и, д̇асса б̣од̇хисса ан̇г̇аад̇иби б̣ож̇жхан̇г̇аа сзнан̇г̇арат̇ан̇г̇аад̣̇аяо вияа. д̇знааху адтагат̇аажарияаа ‘‘б̣уж̇жханагасса буг̇г̇аласса ан̇г̇аад̇и б̣ож̇жхан̇г̇аа’’д̇и. сад̇исамб̣ож̇жхан̇г̇аад̣̇ийнам̣ ад̇т̇о абхин̃н̃зяяанид̣̇д̣̇зсз вуд̇д̇о.
17. Idāni saccappaṭivedhasiddhaṃ bojjhaṅgavisesaṃ dassentena kathitāya suttantapubbaṅgamāya bojjhaṅgakathāya apubbatthānuvaṇṇanā. Tattha suttante tāva bojjhaṅgāti bodhiyā, bodhissa vā aṅgāti bojjhaṅgā. Kiṃ vuttaṃ hoti (saṃ. ni. aṭṭha. 3.5.182) – yā hi ayaṃ dhammasāmaggī, yāya lokuttaramaggakkhaṇe uppajjamānāya līnuddhaccapatiṭṭhānāyūhanakāmasukhattakilamathānuyogaucchedasassatābhinivesādīnaṃ anekesaṃ upaddavānaṃ paṭipakkhabhūtāya satidhammavicayavīriyapītipassaddhisamādhiupekkhāsaṅkhātāya dhammasāmaggiyā ariyasāvako bujjhatīti katvā bodhīti vuccati, bujjhatīti kilesasantānaniddāya vuṭṭhahati, cattāri vā ariyasaccāni paṭivijjhati, nibbānameva vā sacchikarotīti vuttaṃ hoti. Yathāha – ‘‘satta bojjhaṅge bhāvetvā anuttaraṃ sammāsambodhiṃ abhisambuddho’’ti (saṃ. ni. 5.378; dī. ni. 3.143). Tassā dhammasāmaggīsaṅkhātāya bodhiyā aṅgāti bojjhaṅgā jhānaṅgamaggaṅgādayo viya. Yopesa yathāvuttappakārāya etāya dhammasāmaggiyā bujjhatīti katvā ariyasāvako bodhīti vuccati, tassa bodhissa aṅgātipi bojjhaṅgā senaṅgarathaṅgādayo viya. Tenāhu aṭṭhakathācariyā ‘‘bujjhanakassa puggalassa aṅgāti bojjhaṅgā’’ti. Satisambojjhaṅgādīnaṃ attho abhiññeyyaniddese vutto.
б̣ож̇жхан̇г̇ад̇т̇анид̣̇д̣̇зсз б̣од̇хааяа сам̣вад̇д̇анд̇ийд̇и б̣уж̇жханад̇т̇ааяа сам̣вад̇д̇анд̇и. гасса б̣уж̇жханад̇т̇ааяа? маг̇г̇апалзхи ниб̣б̣аанасса бажжавзгкан̣ааяа гад̇агижжасса б̣уж̇жханад̇т̇ааяа, маг̇г̇зна ваа гилзсанид̣̇д̣̇аад̇о баб̣уж̇жханад̇т̇ааяа палзна баб̣уд̣̇д̇хабхаавад̇т̇ааяаабийд̇и вуд̇д̇ам̣ ход̇и. б̣алававибассанааяаби б̣ож̇жхан̇г̇аа б̣од̇хааяа сам̣вад̇д̇анд̇и . д̇асмаа аяам̣ вибассанаамаг̇г̇апалаб̣ож̇жхан̇г̇аанам̣ саад̇хааран̣ад̇т̇о. д̇ийсуби хи таанзсу б̣од̇хааяа ниб̣б̣аанабадивзд̇хааяа сам̣вад̇д̇анд̇и. зд̇зна б̣од̇хияаа ан̇г̇аад̇и б̣ож̇жхан̇г̇аад̇и вуд̇д̇ам̣ ход̇и. б̣уж̇жханд̇ийд̇и б̣ож̇жхан̇г̇аад̇иаад̣̇ийхи бан̃жахи жад̇уггзхи вуд̇д̇аанам̣ б̣ож̇жхан̇г̇аанам̣ уббад̇д̇идтаанам̣ абхин̃н̃зяяанид̣̇д̣̇зсз вуд̇д̇ам̣. аби жа б̣уж̇жханд̇ийд̇и б̣ож̇жхан̇г̇аанам̣ сагижжагаран̣з самад̇т̇абхаавад̣̇ассанад̇т̇ам̣ гад̇д̇унид̣̇д̣̇зсо . б̣уж̇жханадтзнаад̇и сагижжагаран̣асамад̇т̇ад̇д̇зби сад̇и гад̇д̇уно абхаавад̣̇ассанад̇т̇ам̣ бхааванид̣̇д̣̇зсо. б̣од̇хзнд̇ийд̇и б̣ож̇жхан̇г̇абхааванааяа б̣уж̇жханд̇аанам̣ яог̇ийнам̣ баяож̇агад̇д̇аа б̣ож̇жхан̇г̇аанам̣ хзд̇угад̇д̇унид̣̇д̣̇зсо. б̣од̇ханадтзнаад̇и батамам̣ вуд̇д̇анаязнзва баяож̇агахзд̇угад̇д̇унаа бхааванид̣̇д̣̇зсо. зд̇зхи б̣од̇хияаа ан̇г̇аа б̣ож̇жхан̇г̇аад̇и вуд̇д̇ам̣ ход̇и. б̣од̇хибагкияадтзнаад̇и б̣уж̇жханадтзна б̣од̇хийд̇и лад̣̇д̇ханаамасса яог̇исса багкз бхавад̇д̇аа. аяамзд̇зсам̣ яог̇ино убагаарагад̇д̇анид̣̇д̣̇зсо. зд̇зхи б̣од̇хисса ан̇г̇аад̇и б̣ож̇жхан̇г̇аад̇и вуд̇д̇ам̣ ход̇и. б̣уд̣̇д̇хилабханадтзнаад̇иаад̣̇игз чаггз б̣уд̣̇д̇хилабханадтзнаад̇и яог̇ааважарзна б̣уд̣̇д̇хияаа баабун̣анадтзна. робанадтзнаад̇и сад̇д̇аанам̣ бад̇идтаабанадтзна . баабанадтзнаад̇и бад̇идтаабид̇ааяа нидтаабанадтзна. имз вибассанааб̣ож̇жхан̇г̇аа бад̇и-абхи-сам̣-ид̇и д̇ийхи убасаг̇г̇зхи висзсид̇аа маг̇г̇апалаб̣ож̇жхан̇г̇аад̇и вад̣̇анд̇и. саб̣б̣зсамби д̇хаммавохаарзна нид̣̇д̣̇идтаанам̣ б̣ож̇жхан̇г̇аанам̣ б̣од̇хияаа ан̇г̇аад̇и б̣ож̇жхан̇г̇аад̇и вуд̇д̇ам̣ ход̇ийд̇и взд̣̇ид̇аб̣б̣ам̣.
Bojjhaṅgatthaniddese bodhāya saṃvattantīti bujjhanatthāya saṃvattanti. Kassa bujjhanatthāya? Maggaphalehi nibbānassa paccavekkhaṇāya katakiccassa bujjhanatthāya, maggena vā kilesaniddāto pabujjhanatthāya phalena pabuddhabhāvatthāyāpīti vuttaṃ hoti. Balavavipassanāyapi bojjhaṅgā bodhāya saṃvattanti . Tasmā ayaṃ vipassanāmaggaphalabojjhaṅgānaṃ sādhāraṇattho. Tīsupi hi ṭhānesu bodhāya nibbānapaṭivedhāya saṃvattanti. Etena bodhiyā aṅgāti bojjhaṅgāti vuttaṃ hoti. Bujjhantīti bojjhaṅgātiādīhi pañcahi catukkehi vuttānaṃ bojjhaṅgānaṃ uppattiṭṭhānaṃ abhiññeyyaniddese vuttaṃ. Api ca bujjhantīti bojjhaṅgānaṃ sakiccakaraṇe samatthabhāvadassanatthaṃ kattuniddeso . Bujjhanaṭṭhenāti sakiccakaraṇasamatthattepi sati kattuno abhāvadassanatthaṃ bhāvaniddeso. Bodhentīti bojjhaṅgabhāvanāya bujjhantānaṃ yogīnaṃ payojakattā bojjhaṅgānaṃ hetukattuniddeso. Bodhanaṭṭhenāti paṭhamaṃ vuttanayeneva payojakahetukattunā bhāvaniddeso. Etehi bodhiyā aṅgā bojjhaṅgāti vuttaṃ hoti. Bodhipakkhiyaṭṭhenāti bujjhanaṭṭhena bodhīti laddhanāmassa yogissa pakkhe bhavattā. Ayametesaṃ yogino upakārakattaniddeso. Etehi bodhissa aṅgāti bojjhaṅgāti vuttaṃ hoti. Buddhilabhanaṭṭhenātiādike chakke buddhilabhanaṭṭhenāti yogāvacarena buddhiyā pāpuṇanaṭṭhena. Ropanaṭṭhenāti sattānaṃ patiṭṭhāpanaṭṭhena . Pāpanaṭṭhenāti patiṭṭhāpitāya niṭṭhāpanaṭṭhena. Ime vipassanābojjhaṅgā pati-abhi-saṃ-iti tīhi upasaggehi visesitā maggaphalabojjhaṅgāti vadanti. Sabbesampi dhammavohārena niddiṭṭhānaṃ bojjhaṅgānaṃ bodhiyā aṅgāti bojjhaṅgāti vuttaṃ hotīti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 3. б̣ож̇жхан̇г̇агат̇аа • 3. Bojjhaṅgakathā
