| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๖. โพชฺฌงฺคปโญฺห
6. Bojjhaṅgapañho
๖. ราชา อาห ‘‘กติ นุ โข, ภเนฺต นาคเสน, โพชฺฌงฺคา’’ติ? ‘‘สตฺต โข, มหาราช, โพชฺฌงฺคา’’ติฯ ‘‘กติหิ ปน, ภเนฺต, โพชฺฌเงฺคหิ พุชฺฌตี’’ติ? ‘‘เอเกน โข, มหาราช, โพชฺฌเงฺคน พุชฺฌติ ธมฺมวิจยสโมฺพชฺฌเงฺคนา’’ติฯ ‘‘อถ กิสฺส นุ โข, ภเนฺต, วุจฺจนฺติ ‘สตฺต โพชฺฌงฺคา’’’ติ? ‘‘ตํ กิํ มญฺญสิ, มหาราช, อสิ โกสิยา ปกฺขิโตฺต อคฺคหิโต หเตฺถน อุสฺสหติ เฉชฺชํ ฉินฺทิตุ’’นฺติฯ ‘‘น หิ, ภเนฺต’’ติฯ ‘‘เอวเมว โข, มหาราช, ธมฺมวิจยสโมฺพชฺฌเงฺคน วินา ฉหิ โพชฺฌเงฺคหิ น พุชฺฌตี’’ติฯ
6. Rājā āha ‘‘kati nu kho, bhante nāgasena, bojjhaṅgā’’ti? ‘‘Satta kho, mahārāja, bojjhaṅgā’’ti. ‘‘Katihi pana, bhante, bojjhaṅgehi bujjhatī’’ti? ‘‘Ekena kho, mahārāja, bojjhaṅgena bujjhati dhammavicayasambojjhaṅgenā’’ti. ‘‘Atha kissa nu kho, bhante, vuccanti ‘satta bojjhaṅgā’’’ti? ‘‘Taṃ kiṃ maññasi, mahārāja, asi kosiyā pakkhitto aggahito hatthena ussahati chejjaṃ chinditu’’nti. ‘‘Na hi, bhante’’ti. ‘‘Evameva kho, mahārāja, dhammavicayasambojjhaṅgena vinā chahi bojjhaṅgehi na bujjhatī’’ti.
‘‘กโลฺลสิ, ภเนฺต นาคเสนา’’ติฯ
‘‘Kallosi, bhante nāgasenā’’ti.
โพชฺฌงฺคปโญฺห ฉโฎฺฐฯ
Bojjhaṅgapañho chaṭṭho.
