| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၆. ဗောဇ္ဈင္ဂပဉ္ဟော
6. Bojjhaṅgapañho
၆. ရာဇာ အာဟ ‘‘ကတိ နု ခော, ဘန္တေ နာဂသေန, ဗောဇ္ဈင္ဂာ’’တိ? ‘‘သတ္တ ခော, မဟာရာဇ, ဗောဇ္ဈင္ဂာ’’တိ။ ‘‘ကတိဟိ ပန, ဘန္တေ, ဗောဇ္ဈင္ဂေဟိ ဗုဇ္ဈတီ’’တိ? ‘‘ဧကေန ခော, မဟာရာဇ, ဗောဇ္ဈင္ဂေန ဗုဇ္ဈတိ ဓမ္မဝိစယသမ္ဗောဇ္ဈင္ဂေနာ’’တိ။ ‘‘အထ ကိသ္သ နု ခော, ဘန္တေ, ဝုစ္စန္တိ ‘သတ္တ ဗောဇ္ဈင္ဂာ’’’တိ? ‘‘တံ ကိံ မညသိ, မဟာရာဇ, အသိ ကောသိယာ ပက္ခိတ္တော အဂ္ဂဟိတော ဟတ္ထေန ဥသ္သဟတိ ဆေဇ္ဇံ ဆိန္ဒိတု’’န္တိ။ ‘‘န ဟိ, ဘန္တေ’’တိ။ ‘‘ဧဝမေဝ ခော, မဟာရာဇ, ဓမ္မဝိစယသမ္ဗောဇ္ဈင္ဂေန ဝိနာ ဆဟိ ဗောဇ္ဈင္ဂေဟိ န ဗုဇ္ဈတီ’’တိ။
6. Rājā āha ‘‘kati nu kho, bhante nāgasena, bojjhaṅgā’’ti? ‘‘Satta kho, mahārāja, bojjhaṅgā’’ti. ‘‘Katihi pana, bhante, bojjhaṅgehi bujjhatī’’ti? ‘‘Ekena kho, mahārāja, bojjhaṅgena bujjhati dhammavicayasambojjhaṅgenā’’ti. ‘‘Atha kissa nu kho, bhante, vuccanti ‘satta bojjhaṅgā’’’ti? ‘‘Taṃ kiṃ maññasi, mahārāja, asi kosiyā pakkhitto aggahito hatthena ussahati chejjaṃ chinditu’’nti. ‘‘Na hi, bhante’’ti. ‘‘Evameva kho, mahārāja, dhammavicayasambojjhaṅgena vinā chahi bojjhaṅgehi na bujjhatī’’ti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
ဗောဇ္ဈင္ဂပဉ္ဟော ဆဋ္ဌော။
Bojjhaṅgapañho chaṭṭho.
