| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਬੋਜ੍ਝਙ੍ਗਪਞ੍ਹੋ
6. Bojjhaṅgapañho
੬. ਰਾਜਾ ਆਹ ‘‘ਕਤਿ ਨੁ ਖੋ, ਭਨ੍ਤੇ ਨਾਗਸੇਨ, ਬੋਜ੍ਝਙ੍ਗਾ’’ਤਿ? ‘‘ਸਤ੍ਤ ਖੋ, ਮਹਾਰਾਜ, ਬੋਜ੍ਝਙ੍ਗਾ’’ਤਿ। ‘‘ਕਤਿਹਿ ਪਨ, ਭਨ੍ਤੇ, ਬੋਜ੍ਝਙ੍ਗੇਹਿ ਬੁਜ੍ਝਤੀ’’ਤਿ? ‘‘ਏਕੇਨ ਖੋ, ਮਹਾਰਾਜ, ਬੋਜ੍ਝਙ੍ਗੇਨ ਬੁਜ੍ਝਤਿ ਧਮ੍ਮવਿਚਯਸਮ੍ਬੋਜ੍ਝਙ੍ਗੇਨਾ’’ਤਿ। ‘‘ਅਥ ਕਿਸ੍ਸ ਨੁ ਖੋ, ਭਨ੍ਤੇ, વੁਚ੍ਚਨ੍ਤਿ ‘ਸਤ੍ਤ ਬੋਜ੍ਝਙ੍ਗਾ’’’ਤਿ? ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਅਸਿ ਕੋਸਿਯਾ ਪਕ੍ਖਿਤ੍ਤੋ ਅਗ੍ਗਹਿਤੋ ਹਤ੍ਥੇਨ ਉਸ੍ਸਹਤਿ ਛੇਜ੍ਜਂ ਛਿਨ੍ਦਿਤੁ’’ਨ੍ਤਿ। ‘‘ਨ ਹਿ, ਭਨ੍ਤੇ’’ਤਿ। ‘‘ਏવਮੇવ ਖੋ, ਮਹਾਰਾਜ, ਧਮ੍ਮવਿਚਯਸਮ੍ਬੋਜ੍ਝਙ੍ਗੇਨ વਿਨਾ ਛਹਿ ਬੋਜ੍ਝਙ੍ਗੇਹਿ ਨ ਬੁਜ੍ਝਤੀ’’ਤਿ।
6. Rājā āha ‘‘kati nu kho, bhante nāgasena, bojjhaṅgā’’ti? ‘‘Satta kho, mahārāja, bojjhaṅgā’’ti. ‘‘Katihi pana, bhante, bojjhaṅgehi bujjhatī’’ti? ‘‘Ekena kho, mahārāja, bojjhaṅgena bujjhati dhammavicayasambojjhaṅgenā’’ti. ‘‘Atha kissa nu kho, bhante, vuccanti ‘satta bojjhaṅgā’’’ti? ‘‘Taṃ kiṃ maññasi, mahārāja, asi kosiyā pakkhitto aggahito hatthena ussahati chejjaṃ chinditu’’nti. ‘‘Na hi, bhante’’ti. ‘‘Evameva kho, mahārāja, dhammavicayasambojjhaṅgena vinā chahi bojjhaṅgehi na bujjhatī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਬੋਜ੍ਝਙ੍ਗਪਞ੍ਹੋ ਛਟ੍ਠੋ।
Bojjhaṅgapañho chaṭṭho.
