| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. பொ³ஜ்ஜ²ங்க³ஸுத்தங்
2. Bojjhaṅgasuttaṃ
978. ‘‘ஆனாபானஸ்ஸதி, பி⁴க்க²வே, பா⁴விதா ப³ஹுலீகதா மஹப்ப²லா ஹோதி மஹானிஸங்ஸா. கத²ங் பா⁴விதா ச, பி⁴க்க²வே, ஆனாபானஸ்ஸதி கத²ங் ப³ஹுலீகதா மஹப்ப²லா ஹோதி மஹானிஸங்ஸா? இத⁴, பி⁴க்க²வே, பி⁴க்கு² ஆனாபானஸ்ஸதிஸஹக³தங் ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங், ஆனாபானஸ்ஸதிஸஹக³தங் த⁴ம்மவிசயஸம்பொ³ஜ்ஜ²ங்க³ங் பா⁴வேதி…பே॰… ஆனாபானஸ்ஸதிஸஹக³தங் உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் பா⁴விதா கோ², பி⁴க்க²வே, ஆனாபானஸ்ஸதி ஏவங் ப³ஹுலீகதா மஹப்ப²லா ஹோதி மஹானிஸங்ஸா’’தி. து³தியங்.
978. ‘‘Ānāpānassati, bhikkhave, bhāvitā bahulīkatā mahapphalā hoti mahānisaṃsā. Kathaṃ bhāvitā ca, bhikkhave, ānāpānassati kathaṃ bahulīkatā mahapphalā hoti mahānisaṃsā? Idha, bhikkhave, bhikkhu ānāpānassatisahagataṃ satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ, ānāpānassatisahagataṃ dhammavicayasambojjhaṅgaṃ bhāveti…pe… ānāpānassatisahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ bhāvitā kho, bhikkhave, ānāpānassati evaṃ bahulīkatā mahapphalā hoti mahānisaṃsā’’ti. Dutiyaṃ.
