| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. б̣ож̇жхан̇г̇асуд̇д̇ам̣
6. Bojjhaṅgasuttaṃ
26. ‘‘сад̇д̇а во, бхигкавз, абарихаанияз д̇хаммз д̣̇зсзссаами. д̇ам̣ сун̣аат̇а, саад̇хугам̣ манаси гарот̇а…бз… гад̇амз жа, бхигкавз, сад̇д̇а абарихаанияаа д̇хаммаа? яаавагийван̃жа, бхигкавз, бхигкуу сад̇исамб̣ож̇жхан̇г̇ам̣ бхаавзссанд̇и; вуд̣̇д̇хиязва, бхигкавз, бхигкуунам̣ баадиган̇каа, но барихаани.
26. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā? Yāvakīvañca, bhikkhave, bhikkhū satisambojjhaṅgaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘яаавагийван̃жа, бхигкавз, бхигкуу д̇хаммавижаяасамб̣ож̇жхан̇г̇ам̣ бхаавзссанд̇и…бз… вийрияасамб̣ож̇жхан̇г̇ам̣ бхаавзссанд̇и… бийд̇исамб̣ож̇жхан̇г̇ам̣ бхаавзссанд̇и… бассад̣̇д̇хисамб̣ож̇жхан̇г̇ам̣ бхаавзссанд̇и… самаад̇хисамб̣ож̇жхан̇г̇ам̣ бхаавзссанд̇и… убзгкаасамб̣ож̇жхан̇г̇ам̣ бхаавзссанд̇и; вуд̣̇д̇хиязва, бхигкавз, бхигкуунам̣ баадиган̇каа, но барихаани. ‘‘яаавагийван̃жа, бхигкавз, имз сад̇д̇а абарихаанияаа д̇хаммаа бхигкуусу тассанд̇и, имзсу жа сад̇д̇асу абарихааниязсу д̇хаммзсу бхигкуу санд̣̇иссиссанд̇и; вуд̣̇д̇хиязва, бхигкавз, бхигкуунам̣ баадиган̇каа, но барихааний’’д̇и. чадтам̣.
‘‘Yāvakīvañca, bhikkhave, bhikkhū dhammavicayasambojjhaṅgaṃ bhāvessanti…pe… vīriyasambojjhaṅgaṃ bhāvessanti… pītisambojjhaṅgaṃ bhāvessanti… passaddhisambojjhaṅgaṃ bhāvessanti… samādhisambojjhaṅgaṃ bhāvessanti… upekkhāsambojjhaṅgaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Chaṭṭhaṃ.
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-6. д̣̇уд̇ияасад̇д̇агасуд̇д̇аад̣̇иван̣н̣анаа • 4-6. Dutiyasattakasuttādivaṇṇanā
