| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
3. б̣ож̇жхан̇г̇авааро
3. Bojjhaṅgavāro
25. саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – сад̇им̣ убадтаабзд̇и. сад̇исамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
25. Sabbe sattā averino hontu, khemino hontu, sukhino hontūti – satiṃ upaṭṭhāpeti. Satisambojjhaṅgaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – бан̃н̃ааяа бавижинаад̇и. д̇хаммавижаяасамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – paññāya pavicināti. Dhammavicayasambojjhaṅgaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – вийрияам̣ баг̇г̇ан̣хаад̇и. вийрияасамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – vīriyaṃ paggaṇhāti. Vīriyasambojjhaṅgaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – барил̣аахам̣ бадиббассамбхзд̇и. бийд̇исамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – pariḷāhaṃ paṭippassambheti. Pītisambojjhaṅgaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – д̣̇удтуллам̣ бадиббассамбхзд̇и. бассад̣̇д̇хисамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – duṭṭhullaṃ paṭippassambheti. Passaddhisambojjhaṅgaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – жид̇д̇ам̣ самаад̣̇ахад̇и. самаад̇хисамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – cittaṃ samādahati. Samādhisambojjhaṅgaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – н̃аан̣зна гилзсз бадисан̇каад̇и. убзгкаасамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – ñāṇena kilese paṭisaṅkhāti. Upekkhāsambojjhaṅgaparibhāvitā hoti mettācetovimutti.
имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа аасзванаа хонд̇и. имзхи сад̇д̇ахи б̣ож̇жхан̇г̇зхи мзд̇д̇аажзд̇овимуд̇д̇и аасзвийяад̇и. имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа бхааванаа хонд̇и. имзхи сад̇д̇ахи б̣ож̇жхан̇г̇зхи мзд̇д̇аажзд̇овимуд̇д̇и бхаавийяад̇и. имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа б̣ахулийгад̇аа хонд̇и. имзхи сад̇д̇ахи б̣ож̇жхан̇г̇зхи мзд̇д̇аажзд̇овимуд̇д̇и б̣ахулийгарийяад̇и. имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа алан̇гаараа хонд̇и. имзхи сад̇д̇ахи б̣ож̇жхан̇г̇зхи мзд̇д̇аажзд̇овимуд̇д̇и сваалан̇гад̇аа ход̇и. имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа баригкаараа хонд̇и. имзхи сад̇д̇ахи б̣ож̇жхан̇г̇зхи мзд̇д̇аажзд̇овимуд̇д̇и субаригкад̇аа ход̇и. имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа бариваараа хонд̇и. имзхи сад̇д̇ахи б̣ож̇жхан̇г̇зхи мзд̇д̇аажзд̇овимуд̇д̇и субаривуд̇аа ход̇и. имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа аасзванаа хонд̇и, бхааванаа хонд̇и, б̣ахулийгад̇аа хонд̇и, алан̇гаараа хонд̇и, баригкаараа хонд̇и, бариваараа хонд̇и, баарибуурий хонд̇и, сахаг̇ад̇аа хонд̇и, сахаж̇аад̇аа хонд̇и, сам̣садтаа хонд̇и, самбаяуд̇д̇аа хонд̇и, багканд̣̇анаа хонд̇и, басийд̣̇анаа хонд̇и, санд̇идтанаа хонд̇и, вимужжанаа хонд̇и, ‘‘зд̇ам̣ санд̇а’’нд̇и пассанаа хонд̇и, яаанийгад̇аа хонд̇и, вад̇т̇угад̇аа хонд̇и, анудтид̇аа хонд̇и, барижид̇аа хонд̇и, сусамаарад̣̇д̇хаа хонд̇и, субхаавид̇аа хонд̇и, сваад̇хидтид̇аа хонд̇и, сусамуг̇г̇ад̇аа хонд̇и, сувимуд̇д̇аа хонд̇и, ниб̣б̣ад̇д̇знд̇и ж̇од̇знд̇и бад̇аабзнд̇и.
Ime satta bojjhaṅgā mettāya cetovimuttiyā āsevanā honti. Imehi sattahi bojjhaṅgehi mettācetovimutti āsevīyati. Ime satta bojjhaṅgā mettāya cetovimuttiyā bhāvanā honti. Imehi sattahi bojjhaṅgehi mettācetovimutti bhāvīyati. Ime satta bojjhaṅgā mettāya cetovimuttiyā bahulīkatā honti. Imehi sattahi bojjhaṅgehi mettācetovimutti bahulīkarīyati. Ime satta bojjhaṅgā mettāya cetovimuttiyā alaṅkārā honti. Imehi sattahi bojjhaṅgehi mettācetovimutti svālaṅkatā hoti. Ime satta bojjhaṅgā mettāya cetovimuttiyā parikkhārā honti. Imehi sattahi bojjhaṅgehi mettācetovimutti suparikkhatā hoti. Ime satta bojjhaṅgā mettāya cetovimuttiyā parivārā honti. Imehi sattahi bojjhaṅgehi mettācetovimutti suparivutā hoti. Ime satta bojjhaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti, nibbattenti jotenti patāpenti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 2-4. б̣алаад̣̇иваарад̇д̇аяаван̣н̣анаа • 2-4. Balādivārattayavaṇṇanā
