| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਬੋਜ੍ਝਙ੍ਗવਾਰੋ
3. Bojjhaṅgavāro
੨੫. ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਸਤਿਂ ਉਪਟ੍ਠਾਪੇਤਿ। ਸਤਿਸਮ੍ਬੋਜ੍ਝਙ੍ਗਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
25. Sabbe sattā averino hontu, khemino hontu, sukhino hontūti – satiṃ upaṭṭhāpeti. Satisambojjhaṅgaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਪਞ੍ਞਾਯ ਪવਿਚਿਨਾਤਿ। ਧਮ੍ਮવਿਚਯਸਮ੍ਬੋਜ੍ਝਙ੍ਗਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – paññāya pavicināti. Dhammavicayasambojjhaṅgaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – વੀਰਿਯਂ ਪਗ੍ਗਣ੍ਹਾਤਿ। વੀਰਿਯਸਮ੍ਬੋਜ੍ਝਙ੍ਗਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – vīriyaṃ paggaṇhāti. Vīriyasambojjhaṅgaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਪਰਿਲ਼ਾਹਂ ਪਟਿਪ੍ਪਸ੍ਸਮ੍ਭੇਤਿ। ਪੀਤਿਸਮ੍ਬੋਜ੍ਝਙ੍ਗਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – pariḷāhaṃ paṭippassambheti. Pītisambojjhaṅgaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਦੁਟ੍ਠੁਲ੍ਲਂ ਪਟਿਪ੍ਪਸ੍ਸਮ੍ਭੇਤਿ। ਪਸ੍ਸਦ੍ਧਿਸਮ੍ਬੋਜ੍ਝਙ੍ਗਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – duṭṭhullaṃ paṭippassambheti. Passaddhisambojjhaṅgaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਚਿਤ੍ਤਂ ਸਮਾਦਹਤਿ। ਸਮਾਧਿਸਮ੍ਬੋਜ੍ਝਙ੍ਗਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – cittaṃ samādahati. Samādhisambojjhaṅgaparibhāvitā hoti mettācetovimutti.
ਸਬ੍ਬੇ ਸਤ੍ਤਾ ਅવੇਰਿਨੋ ਹੋਨ੍ਤੁ, ਖੇਮਿਨੋ ਹੋਨ੍ਤੁ, ਸੁਖਿਨੋ ਹੋਨ੍ਤੂਤਿ – ਞਾਣੇਨ ਕਿਲੇਸੇ ਪਟਿਸਙ੍ਖਾਤਿ। ਉਪੇਕ੍ਖਾਸਮ੍ਬੋਜ੍ਝਙ੍ਗਪਰਿਭਾવਿਤਾ ਹੋਤਿ ਮੇਤ੍ਤਾਚੇਤੋવਿਮੁਤ੍ਤਿ।
Sabbe sattā averino hontu, khemino hontu, sukhino hontūti – ñāṇena kilese paṭisaṅkhāti. Upekkhāsambojjhaṅgaparibhāvitā hoti mettācetovimutti.
ਇਮੇ ਸਤ੍ਤ ਬੋਜ੍ਝਙ੍ਗਾ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਆਸੇવਨਾ ਹੋਨ੍ਤਿ। ਇਮੇਹਿ ਸਤ੍ਤਹਿ ਬੋਜ੍ਝਙ੍ਗੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਆਸੇવੀਯਤਿ। ਇਮੇ ਸਤ੍ਤ ਬੋਜ੍ਝਙ੍ਗਾ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਭਾવਨਾ ਹੋਨ੍ਤਿ। ਇਮੇਹਿ ਸਤ੍ਤਹਿ ਬੋਜ੍ਝਙ੍ਗੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਭਾવੀਯਤਿ। ਇਮੇ ਸਤ੍ਤ ਬੋਜ੍ਝਙ੍ਗਾ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਬਹੁਲੀਕਤਾ ਹੋਨ੍ਤਿ। ਇਮੇਹਿ ਸਤ੍ਤਹਿ ਬੋਜ੍ਝਙ੍ਗੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਬਹੁਲੀਕਰੀਯਤਿ। ਇਮੇ ਸਤ੍ਤ ਬੋਜ੍ਝਙ੍ਗਾ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਅਲਙ੍ਕਾਰਾ ਹੋਨ੍ਤਿ। ਇਮੇਹਿ ਸਤ੍ਤਹਿ ਬੋਜ੍ਝਙ੍ਗੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਸ੍વਾਲਙ੍ਕਤਾ ਹੋਤਿ। ਇਮੇ ਸਤ੍ਤ ਬੋਜ੍ਝਙ੍ਗਾ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਪਰਿਕ੍ਖਾਰਾ ਹੋਨ੍ਤਿ। ਇਮੇਹਿ ਸਤ੍ਤਹਿ ਬੋਜ੍ਝਙ੍ਗੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਸੁਪਰਿਕ੍ਖਤਾ ਹੋਤਿ। ਇਮੇ ਸਤ੍ਤ ਬੋਜ੍ਝਙ੍ਗਾ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਪਰਿવਾਰਾ ਹੋਨ੍ਤਿ। ਇਮੇਹਿ ਸਤ੍ਤਹਿ ਬੋਜ੍ਝਙ੍ਗੇਹਿ ਮੇਤ੍ਤਾਚੇਤੋવਿਮੁਤ੍ਤਿ ਸੁਪਰਿવੁਤਾ ਹੋਤਿ। ਇਮੇ ਸਤ੍ਤ ਬੋਜ੍ਝਙ੍ਗਾ ਮੇਤ੍ਤਾਯ ਚੇਤੋવਿਮੁਤ੍ਤਿਯਾ ਆਸੇવਨਾ ਹੋਨ੍ਤਿ, ਭਾવਨਾ ਹੋਨ੍ਤਿ, ਬਹੁਲੀਕਤਾ ਹੋਨ੍ਤਿ, ਅਲਙ੍ਕਾਰਾ ਹੋਨ੍ਤਿ, ਪਰਿਕ੍ਖਾਰਾ ਹੋਨ੍ਤਿ, ਪਰਿવਾਰਾ ਹੋਨ੍ਤਿ, ਪਾਰਿਪੂਰੀ ਹੋਨ੍ਤਿ, ਸਹਗਤਾ ਹੋਨ੍ਤਿ, ਸਹਜਾਤਾ ਹੋਨ੍ਤਿ, ਸਂਸਟ੍ਠਾ ਹੋਨ੍ਤਿ, ਸਮ੍ਪਯੁਤ੍ਤਾ ਹੋਨ੍ਤਿ, ਪਕ੍ਖਨ੍ਦਨਾ ਹੋਨ੍ਤਿ, ਪਸੀਦਨਾ ਹੋਨ੍ਤਿ, ਸਨ੍ਤਿਟ੍ਠਨਾ ਹੋਨ੍ਤਿ, વਿਮੁਚ੍ਚਨਾ ਹੋਨ੍ਤਿ, ‘‘ਏਤਂ ਸਨ੍ਤ’’ਨ੍ਤਿ ਫਸ੍ਸਨਾ ਹੋਨ੍ਤਿ, ਯਾਨੀਕਤਾ ਹੋਨ੍ਤਿ, વਤ੍ਥੁਕਤਾ ਹੋਨ੍ਤਿ, ਅਨੁਟ੍ਠਿਤਾ ਹੋਨ੍ਤਿ, ਪਰਿਚਿਤਾ ਹੋਨ੍ਤਿ, ਸੁਸਮਾਰਦ੍ਧਾ ਹੋਨ੍ਤਿ, ਸੁਭਾવਿਤਾ ਹੋਨ੍ਤਿ, ਸ੍વਾਧਿਟ੍ਠਿਤਾ ਹੋਨ੍ਤਿ, ਸੁਸਮੁਗ੍ਗਤਾ ਹੋਨ੍ਤਿ, ਸੁવਿਮੁਤ੍ਤਾ ਹੋਨ੍ਤਿ, ਨਿਬ੍ਬਤ੍ਤੇਨ੍ਤਿ ਜੋਤੇਨ੍ਤਿ ਪਤਾਪੇਨ੍ਤਿ।
Ime satta bojjhaṅgā mettāya cetovimuttiyā āsevanā honti. Imehi sattahi bojjhaṅgehi mettācetovimutti āsevīyati. Ime satta bojjhaṅgā mettāya cetovimuttiyā bhāvanā honti. Imehi sattahi bojjhaṅgehi mettācetovimutti bhāvīyati. Ime satta bojjhaṅgā mettāya cetovimuttiyā bahulīkatā honti. Imehi sattahi bojjhaṅgehi mettācetovimutti bahulīkarīyati. Ime satta bojjhaṅgā mettāya cetovimuttiyā alaṅkārā honti. Imehi sattahi bojjhaṅgehi mettācetovimutti svālaṅkatā hoti. Ime satta bojjhaṅgā mettāya cetovimuttiyā parikkhārā honti. Imehi sattahi bojjhaṅgehi mettācetovimutti suparikkhatā hoti. Ime satta bojjhaṅgā mettāya cetovimuttiyā parivārā honti. Imehi sattahi bojjhaṅgehi mettācetovimutti suparivutā hoti. Ime satta bojjhaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti, nibbattenti jotenti patāpenti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨-੪. ਬਲਾਦਿવਾਰਤ੍ਤਯવਣ੍ਣਨਾ • 2-4. Balādivārattayavaṇṇanā
