| Library / Tipiṭaka / д̇ибидага • Tipiṭaka / вибхан̇г̇абаал̣и • Vibhaṅgapāḷi |
10. б̣ож̇жхан̇г̇авибхан̇г̇о
10. Bojjhaṅgavibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
466. сад̇д̇а б̣ож̇жхан̇г̇аа – сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о, вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о.
466. Satta bojjhaṅgā – satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
467. д̇ад̇т̇а гад̇амо сад̇исамб̣ож̇жхан̇г̇о? ид̇ха бхигку сад̇имаа ход̇и барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ход̇и ануссарид̇аа – аяам̣ вужжад̇и ‘‘сад̇исамб̣ож̇жхан̇г̇о’’.
467. Tattha katamo satisambojjhaṅgo? Idha bhikkhu satimā hoti paramena satinepakkena samannāgato, cirakatampi cirabhāsitampi saritā hoti anussaritā – ayaṃ vuccati ‘‘satisambojjhaṅgo’’.
со д̇ат̇аа сад̇о вихаранд̇о д̇ам̣ д̇хаммам̣ бан̃н̃ааяа бавижинад̇и бавижарад̇и баривиймам̣самаабаж̇ж̇ад̇и – аяам̣ вужжад̇и ‘‘д̇хаммавижаяасамб̣ож̇жхан̇г̇о’’.
So tathā sato viharanto taṃ dhammaṃ paññāya pavicinati pavicarati parivīmaṃsamāpajjati – ayaṃ vuccati ‘‘dhammavicayasambojjhaṅgo’’.
д̇асса д̇ам̣ д̇хаммам̣ бан̃н̃ааяа бавижинад̇о бавижарад̇о баривиймам̣самаабаж̇ж̇ад̇о аарад̣̇д̇хам̣ ход̇и вийрияам̣ асаллийнам̣ – аяам̣ вужжад̇и ‘‘вийрияасамб̣ож̇жхан̇г̇о’’.
Tassa taṃ dhammaṃ paññāya pavicinato pavicarato parivīmaṃsamāpajjato āraddhaṃ hoti vīriyaṃ asallīnaṃ – ayaṃ vuccati ‘‘vīriyasambojjhaṅgo’’.
аарад̣̇д̇хавийрияасса уббаж̇ж̇ад̇и бийд̇и нираамисаа – аяам̣ вужжад̇и ‘‘бийд̇исамб̣ож̇жхан̇г̇о’’.
Āraddhavīriyassa uppajjati pīti nirāmisā – ayaṃ vuccati ‘‘pītisambojjhaṅgo’’.
бийд̇иманасса гааяоби бассамбхад̇и, жид̇д̇амби бассамбхад̇и – аяам̣ вужжад̇и ‘‘бассад̣̇д̇хисамб̣ож̇жхан̇г̇о’’.
Pītimanassa kāyopi passambhati, cittampi passambhati – ayaṃ vuccati ‘‘passaddhisambojjhaṅgo’’.
бассад̣̇д̇хагааяасса сукино жид̇д̇ам̣ самаад̇хияад̇и – аяам̣ вужжад̇и ‘‘самаад̇хисамб̣ож̇жхан̇г̇о’’ .
Passaddhakāyassa sukhino cittaṃ samādhiyati – ayaṃ vuccati ‘‘samādhisambojjhaṅgo’’ .
со д̇ат̇аа самаахид̇ам̣ жид̇д̇ам̣ саад̇хугам̣ аж̇жхубзгкид̇аа ход̇и – аяам̣ вужжад̇и ‘‘убзгкаасамб̣ож̇жхан̇г̇о’’.
So tathā samāhitaṃ cittaṃ sādhukaṃ ajjhupekkhitā hoti – ayaṃ vuccati ‘‘upekkhāsambojjhaṅgo’’.
468. сад̇д̇а б̣ож̇жхан̇г̇аа – сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о, вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о.
468. Satta bojjhaṅgā – satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
469. д̇ад̇т̇а гад̇амо сад̇исамб̣ож̇жхан̇г̇о? ад̇т̇и аж̇жхад̇д̇ам̣ д̇хаммзсу сад̇и, ад̇т̇и б̣ахид̣̇д̇хаа д̇хаммзсу сад̇и. яад̣̇аби аж̇жхад̇д̇ам̣ д̇хаммзсу сад̇и д̇ад̣̇аби сад̇исамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. яад̣̇аби б̣ахид̣̇д̇хаа д̇хаммзсу сад̇и д̇ад̣̇аби сад̇исамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
469. Tattha katamo satisambojjhaṅgo? Atthi ajjhattaṃ dhammesu sati, atthi bahiddhā dhammesu sati. Yadapi ajjhattaṃ dhammesu sati tadapi satisambojjhaṅgo abhiññāya sambodhāya nibbānāya saṃvattati. Yadapi bahiddhā dhammesu sati tadapi satisambojjhaṅgo abhiññāya sambodhāya nibbānāya saṃvattati.
д̇ад̇т̇а гад̇амо д̇хаммавижаяасамб̣ож̇жхан̇г̇о? ад̇т̇и аж̇жхад̇д̇ам̣ д̇хаммзсу бавижаяо, ад̇т̇и б̣ахид̣̇д̇хаа д̇хаммзсу бавижаяо. яад̣̇аби аж̇жхад̇д̇ам̣ д̇хаммзсу бавижаяо д̇ад̣̇аби д̇хаммавижаяасамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. яад̣̇аби б̣ахид̣̇д̇хаа д̇хаммзсу бавижаяо д̇ад̣̇аби д̇хаммавижаяасамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
Tattha katamo dhammavicayasambojjhaṅgo? Atthi ajjhattaṃ dhammesu pavicayo, atthi bahiddhā dhammesu pavicayo. Yadapi ajjhattaṃ dhammesu pavicayo tadapi dhammavicayasambojjhaṅgo abhiññāya sambodhāya nibbānāya saṃvattati. Yadapi bahiddhā dhammesu pavicayo tadapi dhammavicayasambojjhaṅgo abhiññāya sambodhāya nibbānāya saṃvattati.
д̇ад̇т̇а гад̇амо вийрияасамб̣ож̇жхан̇г̇о? ад̇т̇и гааяигам̣ вийрияам̣, ад̇т̇и жзд̇асигам̣ вийрияам̣. яад̣̇аби гааяигам̣ вийрияам̣ д̇ад̣̇аби вийрияасамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. яад̣̇аби жзд̇асигам̣ вийрияам̣ д̇ад̣̇аби вийрияасамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и .
Tattha katamo vīriyasambojjhaṅgo? Atthi kāyikaṃ vīriyaṃ, atthi cetasikaṃ vīriyaṃ. Yadapi kāyikaṃ vīriyaṃ tadapi vīriyasambojjhaṅgo abhiññāya sambodhāya nibbānāya saṃvattati. Yadapi cetasikaṃ vīriyaṃ tadapi vīriyasambojjhaṅgo abhiññāya sambodhāya nibbānāya saṃvattati .
д̇ад̇т̇а гад̇амо бийд̇исамб̣ож̇жхан̇г̇о? ад̇т̇и савид̇аггасавижаараа бийд̇и, ад̇т̇и авид̇аггаавижаараа бийд̇и. яад̣̇аби савид̇аггасавижаараа бийд̇и д̇ад̣̇аби бийд̇исамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. яад̣̇аби авид̇аггаавижаараа бийд̇и д̇ад̣̇аби бийд̇исамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
Tattha katamo pītisambojjhaṅgo? Atthi savitakkasavicārā pīti, atthi avitakkaavicārā pīti. Yadapi savitakkasavicārā pīti tadapi pītisambojjhaṅgo abhiññāya sambodhāya nibbānāya saṃvattati. Yadapi avitakkaavicārā pīti tadapi pītisambojjhaṅgo abhiññāya sambodhāya nibbānāya saṃvattati.
д̇ад̇т̇а гад̇амо бассад̣̇д̇хисамб̣ож̇жхан̇г̇о? ад̇т̇и гааяабассад̣̇д̇хи 1, ад̇т̇и жид̇д̇абассад̣̇д̇хи 2. яад̣̇аби гааяабассад̣̇д̇хи д̇ад̣̇аби бассад̣̇д̇хисамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. яад̣̇аби жид̇д̇абассад̣̇д̇хи д̇ад̣̇аби бассад̣̇д̇хисамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
д̇ад̇т̇а гад̇амо самаад̇хисамб̣ож̇жхан̇г̇о? ад̇т̇и савид̇агго савижааро самаад̇хи, ад̇т̇и авид̇агго авижааро самаад̇хи. яад̣̇аби савид̇агго савижааро самаад̇хи д̇ад̣̇аби самаад̇хисамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. яад̣̇аби авид̇агго авижааро самаад̇хи д̇ад̣̇аби самаад̇хисамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
Tattha katamo samādhisambojjhaṅgo? Atthi savitakko savicāro samādhi, atthi avitakko avicāro samādhi. Yadapi savitakko savicāro samādhi tadapi samādhisambojjhaṅgo abhiññāya sambodhāya nibbānāya saṃvattati. Yadapi avitakko avicāro samādhi tadapi samādhisambojjhaṅgo abhiññāya sambodhāya nibbānāya saṃvattati.
д̇ад̇т̇а гад̇амо убзгкаасамб̣ож̇жхан̇г̇о? ад̇т̇и аж̇жхад̇д̇ам̣ д̇хаммзсу убзгкаа, ад̇т̇и б̣ахид̣̇д̇хаа д̇хаммзсу убзгкаа. яад̣̇аби аж̇жхад̇д̇ам̣ д̇хаммзсу убзгкаа д̇ад̣̇аби убзгкаасамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. яад̣̇аби б̣ахид̣̇д̇хаа д̇хаммзсу убзгкаа д̇ад̣̇аби убзгкаасамб̣ож̇жхан̇г̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
Tattha katamo upekkhāsambojjhaṅgo? Atthi ajjhattaṃ dhammesu upekkhā, atthi bahiddhā dhammesu upekkhā. Yadapi ajjhattaṃ dhammesu upekkhā tadapi upekkhāsambojjhaṅgo abhiññāya sambodhāya nibbānāya saṃvattati. Yadapi bahiddhā dhammesu upekkhā tadapi upekkhāsambojjhaṅgo abhiññāya sambodhāya nibbānāya saṃvattati.
470. сад̇д̇а б̣ож̇жхан̇г̇аа – сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о, вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о.
470. Satta bojjhaṅgā – satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
471. д̇ад̇т̇а гад̇амо сад̇исамб̣ож̇жхан̇г̇о? ид̇ха бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣, д̇хаммавижаяасамб̣ож̇жхан̇г̇ам̣ бхаавзд̇и…бз… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣.
471. Tattha katamo satisambojjhaṅgo? Idha bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ, dhammavicayasambojjhaṅgaṃ bhāveti…pe… vīriyasambojjhaṅgaṃ bhāveti… pītisambojjhaṅgaṃ bhāveti… passaddhisambojjhaṅgaṃ bhāveti… samādhisambojjhaṅgaṃ bhāveti… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.
суд̇д̇анд̇абхааж̇анийяам̣.
Suttantabhājanīyaṃ.
2. абхид̇хаммабхааж̇анийяам̣
2. Abhidhammabhājanīyaṃ
472. сад̇д̇а б̣ож̇жхан̇г̇аа – сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о, вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о.
472. Satta bojjhaṅgā – satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
473. д̇ад̇т̇а гад̇амз сад̇д̇а б̣ож̇жхан̇г̇аа? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз сад̇д̇а б̣ож̇жхан̇г̇аа хонд̇и – сад̇исамб̣ож̇жхан̇г̇о…бз… убзгкаасамб̣ож̇жхан̇г̇о.
473. Tattha katame satta bojjhaṅgā? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, tasmiṃ samaye satta bojjhaṅgā honti – satisambojjhaṅgo…pe… upekkhāsambojjhaṅgo.
474. д̇ад̇т̇а гад̇амо сад̇исамб̣ож̇жхан̇г̇о? яаа сад̇и ануссад̇и…бз… саммаасад̇и сад̇исамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘сад̇исамб̣ож̇жхан̇г̇о’’.
474. Tattha katamo satisambojjhaṅgo? Yā sati anussati…pe… sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘satisambojjhaṅgo’’.
д̇ад̇т̇а гад̇амо д̇хаммавижаяасамб̣ож̇жхан̇г̇о? яаа бан̃н̃аа баж̇аананаа…бз… амохо д̇хаммавижаяо саммаад̣̇идти д̇хаммавижаяасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘д̇хаммавижаяасамб̣ож̇жхан̇г̇о’’.
Tattha katamo dhammavicayasambojjhaṅgo? Yā paññā pajānanā…pe… amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ vuccati ‘‘dhammavicayasambojjhaṅgo’’.
д̇ад̇т̇а гад̇амо вийрияасамб̣ож̇жхан̇г̇о? яо жзд̇асиго вийрияаарамбхо…бз… саммаавааяаамо вийрияасамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘вийрияасамб̣ож̇жхан̇г̇о’’.
Tattha katamo vīriyasambojjhaṅgo? Yo cetasiko vīriyārambho…pe… sammāvāyāmo vīriyasambojjhaṅgo maggaṅgaṃ maggapariyāpannaṃ – ayaṃ vuccati ‘‘vīriyasambojjhaṅgo’’.
д̇ад̇т̇а гад̇амо бийд̇исамб̣ож̇жхан̇г̇о? яаа бийд̇и баамож̇ж̇ам̣ аамод̣̇анаа бамод̣̇анаа хаасо бахаасо вид̇д̇и од̣̇аг̇яам̣ 5 ад̇д̇аманад̇аа жид̇д̇асса бийд̇исамб̣ож̇жхан̇г̇о – аяам̣ вужжад̇и ‘‘бийд̇исамб̣ож̇жхан̇г̇о’’.
Tattha katamo pītisambojjhaṅgo? Yā pīti pāmojjaṃ āmodanā pamodanā hāso pahāso vitti odagyaṃ 6 attamanatā cittassa pītisambojjhaṅgo – ayaṃ vuccati ‘‘pītisambojjhaṅgo’’.
д̇ад̇т̇а гад̇амо бассад̣̇д̇хисамб̣ож̇жхан̇г̇о? яаа взд̣̇анаагканд̇хасса сан̃н̃аагканд̇хасса сан̇каарагканд̇хасса вин̃н̃аан̣агканд̇хасса бассад̣̇д̇хи бадиббассад̣̇д̇хи бассамбханаа бадиббассамбханаа бадиббассамбхид̇ад̇д̇ам̣ бассад̣̇д̇хисамб̣ож̇жхан̇г̇о – аяам̣ вужжад̇и ‘‘бассад̣̇д̇хисамб̣ож̇жхан̇г̇о’’.
Tattha katamo passaddhisambojjhaṅgo? Yā vedanākkhandhassa saññākkhandhassa saṅkhārakkhandhassa viññāṇakkhandhassa passaddhi paṭippassaddhi passambhanā paṭippassambhanā paṭippassambhitattaṃ passaddhisambojjhaṅgo – ayaṃ vuccati ‘‘passaddhisambojjhaṅgo’’.
д̇ад̇т̇а гад̇амо самаад̇хисамб̣ож̇жхан̇г̇о? яаа жид̇д̇асса тид̇и…бз… саммаасамаад̇хи самаад̇хисамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘самаад̇хисамб̣ож̇жхан̇г̇о’’.
Tattha katamo samādhisambojjhaṅgo? Yā cittassa ṭhiti…pe… sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ vuccati ‘‘samādhisambojjhaṅgo’’.
д̇ад̇т̇а гад̇амо убзгкаасамб̣ож̇жхан̇г̇о? яаа убзгкаа убзгканаа аж̇жхубзгканаа маж̇жхад̇д̇ад̇аа жид̇д̇асса убзгкаасамб̣ож̇жхан̇г̇о – аяам̣ вужжад̇и ‘‘убзгкаасамб̣ож̇жхан̇г̇о’’. имз вужжанд̇и сад̇д̇а б̣ож̇жхан̇г̇аа. авасзсаа д̇хаммаа сад̇д̇ахи б̣ож̇жхан̇г̇зхи самбаяуд̇д̇аа.
Tattha katamo upekkhāsambojjhaṅgo? Yā upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘upekkhāsambojjhaṅgo’’. Ime vuccanti satta bojjhaṅgā. Avasesā dhammā sattahi bojjhaṅgehi sampayuttā.
475. сад̇д̇а б̣ож̇жхан̇г̇аа – сад̇исамб̣ож̇жхан̇г̇о…бз… убзгкаасамб̣ож̇жхан̇г̇о.
475. Satta bojjhaṅgā – satisambojjhaṅgo…pe… upekkhāsambojjhaṅgo.
476. д̇ад̇т̇а гад̇амо сад̇исамб̣ож̇жхан̇г̇о? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, яаа д̇асмим̣ самаяз сад̇и ануссад̇и саммаасад̇и сад̇исамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘сад̇исамб̣ож̇жхан̇г̇о’’. авасзсаа д̇хаммаа сад̇исамб̣ож̇жхан̇г̇асамбаяуд̇д̇аа…бз… авасзсаа д̇хаммаа д̇хаммавижаяасамб̣ож̇жхан̇г̇асамбаяуд̇д̇аа…бз… авасзсаа д̇хаммаа вийрияасамб̣ож̇жхан̇г̇асамбаяуд̇д̇аа…бз… авасзсаа д̇хаммаа бийд̇исамб̣ож̇жхан̇г̇асамбаяуд̇д̇аа…бз… авасзсаа д̇хаммаа бассад̣̇д̇хисамб̣ож̇жхан̇г̇асамбаяуд̇д̇аа…бз… авасзсаа д̇хаммаа самаад̇хисамб̣ож̇жхан̇г̇асамбаяуд̇д̇аа.
476. Tattha katamo satisambojjhaṅgo? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, yā tasmiṃ samaye sati anussati sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘satisambojjhaṅgo’’. Avasesā dhammā satisambojjhaṅgasampayuttā…pe… avasesā dhammā dhammavicayasambojjhaṅgasampayuttā…pe… avasesā dhammā vīriyasambojjhaṅgasampayuttā…pe… avasesā dhammā pītisambojjhaṅgasampayuttā…pe… avasesā dhammā passaddhisambojjhaṅgasampayuttā…pe… avasesā dhammā samādhisambojjhaṅgasampayuttā.
д̇ад̇т̇а гад̇амо убзгкаасамб̣ож̇жхан̇г̇о? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, яаа д̇асмим̣ самаяз убзгкаа убзгканаа аж̇жхубзгканаа маж̇жхад̇д̇ад̇аа жид̇д̇асса убзгкаасамб̣ож̇жхан̇г̇о – аяам̣ вужжад̇и ‘‘убзгкаасамб̣ож̇жхан̇г̇о’’. авасзсаа д̇хаммаа убзгкаасамб̣ож̇жхан̇г̇асамбаяуд̇д̇аа.
Tattha katamo upekkhāsambojjhaṅgo? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, yā tasmiṃ samaye upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘upekkhāsambojjhaṅgo’’. Avasesā dhammā upekkhāsambojjhaṅgasampayuttā.
477. сад̇д̇а б̣ож̇жхан̇г̇аа – сад̇исамб̣ож̇жхан̇г̇о…бз… убзгкаасамб̣ож̇жхан̇г̇о.
477. Satta bojjhaṅgā – satisambojjhaṅgo…pe… upekkhāsambojjhaṅgo.
478. д̇ад̇т̇а гад̇амз сад̇д̇а б̣ож̇жхан̇г̇аа? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи …бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, яо д̇асмим̣ самаяз пассо ход̇и…бз… авигкзбо ход̇и – имз д̇хаммаа гусалаа. д̇ассзва логуд̇д̇арасса гусаласса жхаанасса гад̇ад̇д̇аа бхаавид̇ад̇д̇аа вибаагам̣ вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣ сун̃н̃ад̇ам̣, д̇асмим̣ самаяз сад̇д̇а б̣ож̇жхан̇г̇аа хонд̇и – сад̇исамб̣ож̇жхан̇г̇о…бз… убзгкаасамб̣ож̇жхан̇г̇о.
478. Tattha katame satta bojjhaṅgā? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi …pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, yo tasmiṃ samaye phasso hoti…pe… avikkhepo hoti – ime dhammā kusalā. Tasseva lokuttarassa kusalassa jhānassa katattā bhāvitattā vipākaṃ vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ, tasmiṃ samaye satta bojjhaṅgā honti – satisambojjhaṅgo…pe… upekkhāsambojjhaṅgo.
479. д̇ад̇т̇а гад̇амо сад̇исамб̣ож̇жхан̇г̇о? яаа сад̇и ануссад̇и…бз… саммаасад̇и сад̇исамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘сад̇исамб̣ож̇жхан̇г̇о’’…бз….
479. Tattha katamo satisambojjhaṅgo? Yā sati anussati…pe… sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘satisambojjhaṅgo’’…pe….
д̇ад̇т̇а гад̇амо убзгкаасамб̣ож̇жхан̇г̇о? яаа убзгкаа убзгканаа аж̇жхубзгканаа маж̇жхад̇д̇ад̇аа жид̇д̇асса убзгкаасамб̣ож̇жхан̇г̇о – аяам̣ вужжад̇и ‘‘убзгкаасамб̣ож̇жхан̇г̇о’’. имз вужжанд̇и ‘‘сад̇д̇а б̣ож̇жхан̇г̇аа’’. авасзсаа д̇хаммаа сад̇д̇ахи б̣ож̇жхан̇г̇зхи самбаяуд̇д̇аа.
Tattha katamo upekkhāsambojjhaṅgo? Yā upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘upekkhāsambojjhaṅgo’’. Ime vuccanti ‘‘satta bojjhaṅgā’’. Avasesā dhammā sattahi bojjhaṅgehi sampayuttā.
480. сад̇д̇а б̣ож̇жхан̇г̇аа – сад̇исамб̣ож̇жхан̇г̇о…бз… убзгкаасамб̣ож̇жхан̇г̇о.
480. Satta bojjhaṅgā – satisambojjhaṅgo…pe… upekkhāsambojjhaṅgo.
481. д̇ад̇т̇а гад̇амо сад̇исамб̣ож̇жхан̇г̇о? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз пассо ход̇и…бз… авигкзбо ход̇и. имз д̇хаммаа гусалаа. д̇ассзва логуд̇д̇арасса гусаласса жхаанасса гад̇ад̇д̇аа бхаавид̇ад̇д̇аа вибаагам̣ вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, яаа д̇асмим̣ самаяз сад̇и ануссад̇и саммаасад̇и сад̇исамб̣ож̇жхан̇г̇о маг̇г̇ан̇г̇ам̣ маг̇г̇абарияаабаннам̣ – аяам̣ вужжад̇и ‘‘сад̇исамб̣ож̇жхан̇г̇о’’. авасзсаа д̇хаммаа сад̇исамб̣ож̇жхан̇г̇асамбаяуд̇д̇аа…бз… авасзсаа д̇хаммаа д̇хаммавижаяасамб̣ож̇жхан̇г̇асамбаяуд̇д̇аа …бз… авасзсаа д̇хаммаа вийрияасамб̣ож̇жхан̇г̇асамбаяуд̇д̇аа…бз… авасзсаа д̇хаммаа бийд̇исамб̣ож̇жхан̇г̇асамбаяуд̇д̇аа…бз… авасзсаа д̇хаммаа бассад̣̇д̇хисамб̣ож̇жхан̇г̇асамбаяуд̇д̇аа…бз… авасзсаа д̇хаммаа самаад̇хисамб̣ож̇жхан̇г̇асамбаяуд̇д̇аа.
481. Tattha katamo satisambojjhaṅgo? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, tasmiṃ samaye phasso hoti…pe… avikkhepo hoti. Ime dhammā kusalā. Tasseva lokuttarassa kusalassa jhānassa katattā bhāvitattā vipākaṃ vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, yā tasmiṃ samaye sati anussati sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘satisambojjhaṅgo’’. Avasesā dhammā satisambojjhaṅgasampayuttā…pe… avasesā dhammā dhammavicayasambojjhaṅgasampayuttā …pe… avasesā dhammā vīriyasambojjhaṅgasampayuttā…pe… avasesā dhammā pītisambojjhaṅgasampayuttā…pe… avasesā dhammā passaddhisambojjhaṅgasampayuttā…pe… avasesā dhammā samādhisambojjhaṅgasampayuttā.
д̇ад̇т̇а гад̇амо убзгкаасамб̣ож̇жхан̇г̇о? ид̇ха бхигку яасмим̣ самаяз логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа батамааяа бхуумияаа бад̇д̇ияаа вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣, д̇асмим̣ самаяз пассо ход̇и…бз… авигкзбо ход̇и. имз д̇хаммаа гусалаа. д̇ассзва логуд̇д̇арасса гусаласса жхаанасса гад̇ад̇д̇аа бхаавид̇ад̇д̇аа вибаагам̣ вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и д̣̇угкабадибад̣̇ам̣ д̣̇анд̇хаабхин̃н̃ам̣ сун̃н̃ад̇ам̣, яаа д̇асмим̣ самаяз убзгкаа убзгканаа аж̇жхубзгканаа маж̇жхад̇д̇ад̇аа жид̇д̇асса убзгкаасамб̣ож̇жхан̇г̇о – аяам̣ вужжад̇и ‘‘убзгкаасамб̣ож̇жхан̇г̇о’’ . авасзсаа д̇хаммаа убзгкаасамб̣ож̇жхан̇г̇асамбаяуд̇д̇аа.
Tattha katamo upekkhāsambojjhaṅgo? Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ, tasmiṃ samaye phasso hoti…pe… avikkhepo hoti. Ime dhammā kusalā. Tasseva lokuttarassa kusalassa jhānassa katattā bhāvitattā vipākaṃ vivicceva kāmehi…pe… paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ, yā tasmiṃ samaye upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘upekkhāsambojjhaṅgo’’ . Avasesā dhammā upekkhāsambojjhaṅgasampayuttā.
абхид̇хаммабхааж̇анийяам̣.
Abhidhammabhājanīyaṃ.
3. бан̃хаабужчагам̣
3. Pañhāpucchakaṃ
482. сад̇д̇а б̣ож̇жхан̇г̇аа – сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о, вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о.
482. Satta bojjhaṅgā – satisambojjhaṅgo, dhammavicayasambojjhaṅgo, vīriyasambojjhaṅgo, pītisambojjhaṅgo, passaddhisambojjhaṅgo, samādhisambojjhaṅgo, upekkhāsambojjhaṅgo.
483. сад̇д̇аннам̣ б̣ож̇жхан̇г̇аанам̣ гад̇и гусалаа, гад̇и агусалаа, гад̇и аб̣яаагад̇аа…бз… гад̇и саран̣аа, гад̇и аран̣аа?
483. Sattannaṃ bojjhaṅgānaṃ kati kusalā, kati akusalā, kati abyākatā…pe… kati saraṇā, kati araṇā?
1. д̇игам̣
1. Tikaṃ
484. сияаа гусалаа, сияаа аб̣яаагад̇аа. бийд̇исамб̣ож̇жхан̇г̇о сукааяа взд̣̇анааяа самбаяуд̇д̇о; ча б̣ож̇жхан̇г̇аа сияаа сукааяа взд̣̇анааяа самбаяуд̇д̇аа, сияаа ад̣̇угкамасукааяа взд̣̇анааяа самбаяуд̇д̇аа. сияаа вибаагаа, сияаа вибаагад̇хаммад̇хаммаа. анубаад̣̇иннаанубаад̣̇аанияаа. асам̣гилидтаасам̣гилзсигаа. сияаа савид̇аггасавижаараа, сияаа авид̇аггавижаарамад̇д̇аа, сияаа авид̇аггаавижаараа. бийд̇исамб̣ож̇жхан̇г̇о на бийд̇исахаг̇ад̇о, сукасахаг̇ад̇о, на убзгкаасахаг̇ад̇о; ча б̣ож̇жхан̇г̇аа сияаа бийд̇исахаг̇ад̇аа, сияаа сукасахаг̇ад̇аа, сияаа убзгкаасахаг̇ад̇аа. нзва д̣̇ассанзна на бхааванааяа бахаад̇аб̣б̣аа. нзва д̣̇ассанзна на бхааванааяа бахаад̇аб̣б̣ахзд̇угаа. сияаа абажаяаг̇аамино, сияаа нзваажаяаг̇ааминаабажаяаг̇аамино. сияаа сзгкаа, сияаа асзгкаа. аббамаан̣аа. аббамаан̣аарамман̣аа. бан̣ийд̇аа. сияаа саммад̇д̇анияад̇аа , сияаа анияад̇аа. на маг̇г̇аарамман̣аа, сияаа маг̇г̇ахзд̇угаа, сияаа маг̇г̇аад̇хибад̇ино; сияаа на вад̇д̇аб̣б̣аа маг̇г̇ахзд̇угаад̇иби, маг̇г̇аад̇хибад̇инод̇иби. сияаа уббаннаа, сияаа ануббаннаа, сияаа уббаад̣̇ино. сияаа ад̇ийд̇аа, сияаа анааг̇ад̇аа, сияаа бажжуббаннаа. на вад̇д̇аб̣б̣аа ад̇ийд̇аарамман̣аад̇иби, анааг̇ад̇аарамман̣аад̇иби, бажжуббаннаарамман̣аад̇иби. сияаа аж̇жхад̇д̇аа, сияаа б̣ахид̣̇д̇хаа, сияаа аж̇жхад̇д̇аб̣ахид̣̇д̇хаа. б̣ахид̣̇д̇хаарамман̣аа. анид̣̇ассанааббадигхаа.
484. Siyā kusalā, siyā abyākatā. Pītisambojjhaṅgo sukhāya vedanāya sampayutto; cha bojjhaṅgā siyā sukhāya vedanāya sampayuttā, siyā adukkhamasukhāya vedanāya sampayuttā. Siyā vipākā, siyā vipākadhammadhammā. Anupādinnaanupādāniyā. Asaṃkiliṭṭhaasaṃkilesikā. Siyā savitakkasavicārā, siyā avitakkavicāramattā, siyā avitakkaavicārā. Pītisambojjhaṅgo na pītisahagato, sukhasahagato, na upekkhāsahagato; cha bojjhaṅgā siyā pītisahagatā, siyā sukhasahagatā, siyā upekkhāsahagatā. Neva dassanena na bhāvanāya pahātabbā. Neva dassanena na bhāvanāya pahātabbahetukā. Siyā apacayagāmino, siyā nevācayagāmināpacayagāmino. Siyā sekkhā, siyā asekkhā. Appamāṇā. Appamāṇārammaṇā. Paṇītā. Siyā sammattaniyatā , siyā aniyatā. Na maggārammaṇā, siyā maggahetukā, siyā maggādhipatino; siyā na vattabbā maggahetukātipi, maggādhipatinotipi. Siyā uppannā, siyā anuppannā, siyā uppādino. Siyā atītā, siyā anāgatā, siyā paccuppannā. Na vattabbā atītārammaṇātipi, anāgatārammaṇātipi, paccuppannārammaṇātipi. Siyā ajjhattā, siyā bahiddhā, siyā ajjhattabahiddhā. Bahiddhārammaṇā. Anidassanaappaṭighā.
2. д̣̇угам̣
2. Dukaṃ
485. д̇хаммавижаяасамб̣ож̇жхан̇г̇о хзд̇у, ча б̣ож̇жхан̇г̇аа хзд̇усамбаяуд̇д̇аа. д̇хаммавижаяасамб̣ож̇жхан̇г̇о хзд̇у жзва сахзд̇уго жа, ча б̣ож̇жхан̇г̇аа на вад̇д̇аб̣б̣аа хзд̇уу жзва сахзд̇угаа жаад̇и, сахзд̇угаа жзва на жа хзд̇уу. д̇хаммавижаяасамб̣ож̇жхан̇г̇о хзд̇у жзва хзд̇усамбаяуд̇д̇о жа, ча б̣ож̇жхан̇г̇аа на вад̇д̇аб̣б̣аа хзд̇уу жзва хзд̇усамбаяуд̇д̇аа жаад̇и, хзд̇усамбаяуд̇д̇аа жзва на жа хзд̇уу. ча б̣ож̇жхан̇г̇аа на хзд̇уу сахзд̇угаа, д̇хаммавижаяасамб̣ож̇жхан̇г̇о на вад̇д̇аб̣б̣о на хзд̇усахзд̇угод̇иби, на хзд̇уахзд̇угод̇иби. саббажжаяаа. сан̇кад̇аа. анид̣̇ассанаа. аббадигхаа. аруубаа. логуд̇д̇араа. гзнажи вин̃н̃зяяаа, гзнажи на вин̃н̃зяяаа. но аасаваа. анаасаваа аасававиббаяуд̇д̇аа. на вад̇д̇аб̣б̣аа аасаваа жзва саасаваа жаад̇иби, саасаваа жзва но жа аасаваад̇иби. аасаваа жзва аасавасамбаяуд̇д̇аа жаад̇иби, аасавасамбаяуд̇д̇аа жзва но жа аасаваад̇иби. аасававиббаяуд̇д̇аа. анаасаваа. но сам̣яож̇анаа…бз… но г̇ант̇аа…бз… но огхаа…бз… но яог̇аа…бз… но нийваран̣аа…бз… но бараамаасаа…бз… саарамман̣аа. но жид̇д̇аа. жзд̇асигаа. жид̇д̇асамбаяуд̇д̇аа. жид̇д̇асам̣садтаа . жид̇д̇асамудтаанаа. жид̇д̇асахабхуно. жид̇д̇аанубаривад̇д̇ино. жид̇д̇асам̣садтасамудтаанаа. жид̇д̇асам̣садтасамудтаанасахабхуно. жид̇д̇асам̣садтасамудтаанаанубаривад̇д̇ино. б̣аахираа. но убаад̣̇аа. анубаад̣̇иннаа. но убаад̣̇аанаа…бз… но гилзсаа…бз… на д̣̇ассанзна бахаад̇аб̣б̣аа. на бхааванааяа бахаад̇аб̣б̣аа. на д̣̇ассанзна бахаад̇аб̣б̣ахзд̇угаа. на бхааванааяа бахаад̇аб̣б̣ахзд̇угаа. сияаа савид̇аггаа, сияаа авид̇аггаа. сияаа савижаараа, сияаа авижаараа.
485. Dhammavicayasambojjhaṅgo hetu, cha bojjhaṅgā hetusampayuttā. Dhammavicayasambojjhaṅgo hetu ceva sahetuko ca, cha bojjhaṅgā na vattabbā hetū ceva sahetukā cāti, sahetukā ceva na ca hetū. Dhammavicayasambojjhaṅgo hetu ceva hetusampayutto ca, cha bojjhaṅgā na vattabbā hetū ceva hetusampayuttā cāti, hetusampayuttā ceva na ca hetū. Cha bojjhaṅgā na hetū sahetukā, dhammavicayasambojjhaṅgo na vattabbo na hetusahetukotipi, na hetuahetukotipi. Sappaccayā. Saṅkhatā. Anidassanā. Appaṭighā. Arūpā. Lokuttarā. Kenaci viññeyyā, kenaci na viññeyyā. No āsavā. Anāsavā āsavavippayuttā. Na vattabbā āsavā ceva sāsavā cātipi, sāsavā ceva no ca āsavātipi. Āsavā ceva āsavasampayuttā cātipi, āsavasampayuttā ceva no ca āsavātipi. Āsavavippayuttā. Anāsavā. No saṃyojanā…pe… no ganthā…pe… no oghā…pe… no yogā…pe… no nīvaraṇā…pe… no parāmāsā…pe… sārammaṇā. No cittā. Cetasikā. Cittasampayuttā. Cittasaṃsaṭṭhā . Cittasamuṭṭhānā. Cittasahabhuno. Cittānuparivattino. Cittasaṃsaṭṭhasamuṭṭhānā. Cittasaṃsaṭṭhasamuṭṭhānasahabhuno. Cittasaṃsaṭṭhasamuṭṭhānānuparivattino. Bāhirā. No upādā. Anupādinnā. No upādānā…pe… no kilesā…pe… na dassanena pahātabbā. Na bhāvanāya pahātabbā. Na dassanena pahātabbahetukā. Na bhāvanāya pahātabbahetukā. Siyā savitakkā, siyā avitakkā. Siyā savicārā, siyā avicārā.
бийд̇исамб̣ож̇жхан̇г̇о аббийд̇иго, ча б̣ож̇жхан̇г̇аа сияаа саббийд̇игаа, сияаа аббийд̇игаа. бийд̇исамб̣ож̇жхан̇г̇о на бийд̇исахаг̇ад̇о, ча б̣ож̇жхан̇г̇аа сияаа бийд̇исахаг̇ад̇аа, сияаа на бийд̇исахаг̇ад̇аа. бийд̇исамб̣ож̇жхан̇г̇о сукасахаг̇ад̇о, ча б̣ож̇жхан̇г̇аа сияаа сукасахаг̇ад̇аа, сияаа на сукасахаг̇ад̇аа. бийд̇исамб̣ож̇жхан̇г̇о на убзгкаасахаг̇ад̇о, ча б̣ож̇жхан̇г̇аа сияаа убзгкаасахаг̇ад̇аа, сияаа на убзгкаасахаг̇ад̇аа. на гаамааважараа. на руубааважараа. на аруубааважараа. абарияаабаннаа. сияаа нияяаанигаа, сияаа анияяаанигаа. сияаа нияад̇аа, сияаа анияад̇аа. ануд̇д̇араа. аран̣аад̇и.
Pītisambojjhaṅgo appītiko, cha bojjhaṅgā siyā sappītikā, siyā appītikā. Pītisambojjhaṅgo na pītisahagato, cha bojjhaṅgā siyā pītisahagatā, siyā na pītisahagatā. Pītisambojjhaṅgo sukhasahagato, cha bojjhaṅgā siyā sukhasahagatā, siyā na sukhasahagatā. Pītisambojjhaṅgo na upekkhāsahagato, cha bojjhaṅgā siyā upekkhāsahagatā, siyā na upekkhāsahagatā. Na kāmāvacarā. Na rūpāvacarā. Na arūpāvacarā. Apariyāpannā. Siyā niyyānikā, siyā aniyyānikā. Siyā niyatā, siyā aniyatā. Anuttarā. Araṇāti.
бан̃хаабужчагам̣.
Pañhāpucchakaṃ.
б̣ож̇жхан̇г̇авибхан̇г̇о нидтид̇о.
Bojjhaṅgavibhaṅgo niṭṭhito.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 10. б̣ож̇жхан̇г̇авибхан̇г̇о • 10. Bojjhaṅgavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 10. б̣ож̇жхан̇г̇авибхан̇г̇о • 10. Bojjhaṅgavibhaṅgo
