| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
10. б̣ож̇жхан̇г̇авибхан̇г̇о
10. Bojjhaṅgavibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
батаманаяаван̣н̣анаа
Paṭhamanayavaṇṇanā
466. бад̇идтаанам̣ ид̇ха сам̣саарз авадтаанам̣, д̇асса муулам̣ гилзсаад̇и ааха ‘‘гилзсавасзна бад̇идтаана’’нд̇и. бад̇идтаанааяа бана б̣яаабаараабад̇д̇и гамманд̇и вуд̇д̇ам̣ ‘‘абхисан̇кааравасзна ааяууханаа’’д̇и. яасмаа гилзсзсу д̇ан̣хаад̣̇идтияо д̇ан̣хаад̣̇идтижарид̇аанам̣ висзсад̇о сам̣сааранааяигаа, гилзсасахид̇амзва жа гаммам̣ бад̇идтаанааяа ход̇и, на гзвалам̣, д̇асмаа вуд̇д̇ам̣ ‘‘д̇ан̣хаад̣̇идтийхи…бз… ааяууханаа’’д̇и. д̇ат̇аа д̇ан̣хааяа бхавассаад̣̇абхаавад̇о, д̣̇идтияаа вибхаваабхинанд̣̇анабхууд̇ааяа вибхаваабхисан̇каран̣абхаавад̇о ‘‘д̇ан̣хаавасзна бад̇идтаанам̣, д̣̇идтивасзна ааяууханаа’’д̇и вуд̇д̇ам̣. д̣̇идтийсуби анд̇омукаббавад̇д̇ааяа бхавад̣̇идтияаа висзсад̇о сам̣саарз авадтаанам̣, яад̇о олийяанаад̇и вужжад̇ийд̇и ааха ‘‘сассад̇ад̣̇идтияаа бад̇идтаана’’нд̇и. б̣ахимукаббавад̇д̇ааби вибхавад̣̇идти бхаваабхисан̇каран̣ам̣ наад̇ивад̇д̇ад̇ийд̇и вуд̇д̇ам̣ ‘‘ужчзд̣̇ад̣̇идтияаа ааяууханаа’’д̇и. лаяаабад̇д̇и яат̇аарад̣̇д̇хасса аарамбхасса анидтаанам̣ анд̇осан̇гожабхаавад̇од̇и ааха ‘‘лийнавасзна бад̇идтаана’’нд̇и. уд̣̇д̇хад̇аабад̇д̇и анубааяабхууд̇аа б̣яаабаараабад̇д̇и асан̇гожабхаавад̇од̇и вуд̇д̇ам̣ ‘‘уд̣̇д̇хажжавасзна ааяууханаа’’д̇и. д̇ат̇аа госаж̇ж̇абагкигад̇д̇аа жа гаамасукаануяог̇асса уд̣̇д̇хажжабагкигад̇д̇аа жа ад̇д̇агиламат̇аануяог̇асса д̇ад̣̇убхаяавасзна бад̇идтаанааяууханаа вуд̇д̇аа, ид̇арам̣ вуд̇д̇анаяаанусаарзна взд̣̇ид̇аб̣б̣ам̣. ид̇хаад̇и имиссаа саммохавинод̣̇анияаа. авуд̇д̇аананд̇и ‘‘гилзсавасзна бад̇идтаана’’нд̇иаад̣̇ийнам̣ васзна взд̣̇ид̇аб̣б̣аа бад̇идтаанааяууханаад̇и яож̇анаа.
466. Patiṭṭhānaṃ idha saṃsāre avaṭṭhānaṃ, tassa mūlaṃ kilesāti āha ‘‘kilesavasena patiṭṭhāna’’nti. Patiṭṭhānāya pana byāpārāpatti kammanti vuttaṃ ‘‘abhisaṅkhāravasena āyūhanā’’ti. Yasmā kilesesu taṇhādiṭṭhiyo taṇhādiṭṭhicaritānaṃ visesato saṃsāranāyikā, kilesasahitameva ca kammaṃ patiṭṭhānāya hoti, na kevalaṃ, tasmā vuttaṃ ‘‘taṇhādiṭṭhīhi…pe… āyūhanā’’ti. Tathā taṇhāya bhavassādabhāvato, diṭṭhiyā vibhavābhinandanabhūtāya vibhavābhisaṅkharaṇabhāvato ‘‘taṇhāvasena patiṭṭhānaṃ, diṭṭhivasena āyūhanā’’ti vuttaṃ. Diṭṭhīsupi antomukhappavattāya bhavadiṭṭhiyā visesato saṃsāre avaṭṭhānaṃ, yato olīyanāti vuccatīti āha ‘‘sassatadiṭṭhiyā patiṭṭhāna’’nti. Bahimukhappavattāpi vibhavadiṭṭhi bhavābhisaṅkharaṇaṃ nātivattatīti vuttaṃ ‘‘ucchedadiṭṭhiyā āyūhanā’’ti. Layāpatti yathāraddhassa ārambhassa aniṭṭhānaṃ antosaṅkocabhāvatoti āha ‘‘līnavasena patiṭṭhāna’’nti. Uddhatāpatti anupāyabhūtā byāpārāpatti asaṅkocabhāvatoti vuttaṃ ‘‘uddhaccavasena āyūhanā’’ti. Tathā kosajjapakkhikattā ca kāmasukhānuyogassa uddhaccapakkhikattā ca attakilamathānuyogassa tadubhayavasena patiṭṭhānāyūhanā vuttā, itaraṃ vuttanayānusārena veditabbaṃ. Idhāti imissā sammohavinodaniyā. Avuttānanti ‘‘kilesavasena patiṭṭhāna’’ntiādīnaṃ vasena veditabbā patiṭṭhānāyūhanāti yojanā.
самаббавад̇д̇з д̇хаммзд̇и лийнуд̣̇д̇хажжавирахзна самаббавад̇д̇з самбаяуд̇д̇ад̇хаммз. бадисан̃жигкад̇ийд̇и бад̇ируубам̣ сан̇галзд̇и г̇ан̣зд̇и д̇улзд̇и. д̇знааха ‘‘убабад̇д̇ид̇о игкад̇ий’’д̇и. д̇ад̣̇аагаарод̇и бадисан̇каанаагааро убабад̇д̇ид̇о игканаагааро. зван̃жа гад̇ваад̇и бадисан̇каанасабхаавад̇д̇аа зва убзгкаасамб̣ож̇жхан̇г̇асса. бажчимабажчимагааран̣абхаавод̇и бажчимасса бажчимасса гааран̣абхааво. буримам̣ буриман̃хи бажчимасса бажчимасса висзсабажжаяод̇и.
Samappavatte dhammeti līnuddhaccavirahena samappavatte sampayuttadhamme. Paṭisañcikkhatīti patirūpaṃ saṅkaleti gaṇeti tuleti. Tenāha ‘‘upapattito ikkhatī’’ti. Tadākāroti paṭisaṅkhānākāro upapattito ikkhanākāro. Evañca katvāti paṭisaṅkhānasabhāvattā eva upekkhāsambojjhaṅgassa. Pacchimapacchimakāraṇabhāvoti pacchimassa pacchimassa kāraṇabhāvo. Purimaṃ purimañhi pacchimassa pacchimassa visesapaccayoti.
467. авибарийд̇агааяаад̣̇исабхааваг̇г̇ахан̣асамад̇т̇ад̇ааяа б̣алавад̇ий зва сад̇и. бан̃н̃аа г̇ахид̇аа сад̇инзбаггзнаад̇и ад̇т̇о. звам̣жид̇д̇од̇и звам̣ лаабхасаггаарасилогасанниссид̇ажид̇д̇о. жирагад̇авад̇д̇аад̣̇ивасзнаад̇и жирагад̇авад̇д̇аад̣̇исийсзна. ‘‘вуд̇д̇о’’д̇и иминааби ‘‘гад̇ваа ааха гааяавин̃н̃ад̇д̇им̣…бз… годтааса’’нд̇и яож̇анаа.
467. Aviparītakāyādisabhāvaggahaṇasamatthatāya balavatī eva sati. Paññā gahitā satinepakkenāti attho. Evaṃcittoti evaṃ lābhasakkārasilokasannissitacitto. Cirakatavattādivasenāti cirakatavattādisīsena. ‘‘Vutto’’ti imināpi ‘‘katvā āha kāyaviññattiṃ…pe… koṭṭhāsa’’nti yojanā.
барзсанд̇и на ананд̇араанам̣. саб̣б̣зсам̣…бз… яож̇зд̇аб̣б̣аа ‘‘саб̣б̣з б̣ож̇жхан̇г̇аа саб̣б̣зсам̣ бажжаяависзсаа хонд̇иязваа’’д̇и. гаамзд̇ийд̇и гаамо, ассаад̣̇анавасзна аамасад̇ийд̇и аамисам̣, гаамова аамисанд̇и гаамаамисам̣, гилзсагаамо. вад̇т̇угаамо бана аамасийяад̇ийд̇и аамисам̣. звам̣ сзсад̣̇ваяамби. д̇зсу логийяанд̇и зд̇т̇а сукависзсаад̇и лого, убабад̇д̇ивисзсо. ваддам̣ сам̣сааро. гаамассаад̣̇авасзна бавад̇д̇о лобхо гаамаамисам̣. бхавависзсабад̇т̇анаавасзна бавад̇д̇о логаамисам̣. вибхаво наама гимад̇т̇ияо, го ваа д̇ам̣ абхибад̇т̇зяяаад̇и ваддаануг̇зд̇хабхууд̇о лобхо ваддаамисанд̇и жа вад̣̇анд̇и. д̇ад̣̇аарамман̣анд̇и д̇ассаа д̇ан̣хааяа аарамман̣ам̣, руубаад̣̇и. логад̇хаммаа лаабхаад̣̇аяо. вуд̇д̇аавасзсаа саб̣б̣аава д̇ан̣хаа сам̣саараж̇анаго рааг̇о.
Paresanti na anantarānaṃ. Sabbesaṃ…pe… yojetabbā ‘‘sabbe bojjhaṅgā sabbesaṃ paccayavisesā hontiyevā’’ti. Kāmetīti kāmo, assādanavasena āmasatīti āmisaṃ, kāmova āmisanti kāmāmisaṃ, kilesakāmo. Vatthukāmo pana āmasīyatīti āmisaṃ. Evaṃ sesadvayampi. Tesu lokīyanti ettha sukhavisesāti loko, upapattiviseso. Vaṭṭaṃ saṃsāro. Kāmassādavasena pavatto lobho kāmāmisaṃ. Bhavavisesapatthanāvasena pavatto lokāmisaṃ. Vibhavo nāma kimatthiyo, ko vā taṃ abhipattheyyāti vaṭṭānugedhabhūto lobho vaṭṭāmisanti ca vadanti. Tadārammaṇanti tassā taṇhāya ārammaṇaṃ, rūpādi. Lokadhammā lābhādayo. Vuttāvasesā sabbāva taṇhā saṃsārajanako rāgo.
батаманаяаван̣н̣анаа нидтид̇аа.
Paṭhamanayavaṇṇanā niṭṭhitā.
д̣̇уд̇ияанаяаван̣н̣анаа
Dutiyanayavaṇṇanā
468-9. саб̣б̣з сад̇д̇аад̇и гаамабхаваад̣̇ийсу, сан̃н̃ийбхаваад̣̇ийсу, згавогаарабхаваад̣̇ийсу жа саб̣б̣абхавзсу саб̣б̣з сад̇д̇аа. аахаарад̇о тид̇и зд̇зсанд̇и аахаарадтид̇игаа, бажжаяадтид̇игаа. язна бажжаязна д̇з д̇идтанд̇и, со згова д̇хаммо н̃аад̇абарин̃н̃аасан̇каад̇ааяа ‘‘аахаарадтид̇игаа’’д̇и абхин̃н̃ааяа абхин̃н̃зяяо. д̣̇вз д̇хаад̇уяод̇и сан̇кад̇аасан̇кад̇ад̇хаад̇уяо. д̇иссо д̇хаад̇уяод̇и гаамад̇хаад̇уруубад̇хаад̇уаруубад̇хаад̇уяо. бан̃жа вимуд̇д̇ааяад̇анаанийд̇и ‘‘ид̇ха, бхигкавз, бхигкуно сад̇т̇аа д̇хаммам̣ д̣̇зсзд̇и ан̃н̃ад̇аро ваа г̇арудтаанияо’’д̇иаад̣̇инаа (д̣̇ий. ни. 3.322, 355; а. ни. 5.26) ааг̇ад̇аани вимужжанагааран̣аани. ануд̇д̇арияаанийд̇и д̣̇ассанаануд̇д̇арияаад̣̇ийни ча ануд̇д̇арияаани. нид̣̇д̣̇асавад̇т̇уунийд̇и язхи гааран̣зхи нид̣̇д̣̇асо ход̇и, д̇аани нид̣̇д̣̇асавад̇т̇ууни наама. д̣̇зсанаамад̇д̇ан̃жзд̇ам̣. кийн̣аасаво хи д̣̇асавассо худ̇ваа бариниб̣б̣уд̇о буна д̣̇асавассо на ход̇и. на гзвалан̃жа д̣̇асавассо, нававассоби…бз… згамухуд̇д̇игоби на ход̇иязва буна бадисанд̇хияаа абхааваа, адтуббад̇д̇ивасзна банзвам̣ вуд̇д̇ам̣. д̇аани бана ‘‘ид̇ха, бхигку, сигкаасамаад̣̇аанз д̇иб̣б̣ажчанд̣̇о ход̇ий’’д̇иаад̣̇инаа (д̣̇ий. ни. 3.331) суд̇д̇з ааг̇ад̇ааниязва. ‘‘саммаад̣̇идтисса бурисабуг̇г̇аласса мижчаад̣̇идти ниж̇ж̇ин̣н̣аа ход̇ий’’д̇иаад̣̇ийни (д̣̇ий. ни. 3.360; а. ни. 10.106) д̣̇аса ниж̇ж̇аравад̇т̇ууни. канд̇хаад̣̇аяод̇и канд̇хааяад̇анад̇хаад̇аад̣̇аяо. винанд̇хананд̇и ‘‘бхаваад̣̇ивинанд̇ханадтзна ваанам̣ вужжад̇и д̇ан̣хаа’’д̇и д̣̇ассзд̇и. г̇амананд̇и ассаад̣̇анавасзна аарамман̣з бавад̇д̇имааха. д̇зна вуд̇д̇ам̣ ‘‘бияаруубасаад̇аруубзсуу’’д̇и.
468-9. Sabbe sattāti kāmabhavādīsu, saññībhavādīsu, ekavokārabhavādīsu ca sabbabhavesu sabbe sattā. Āhārato ṭhiti etesanti āhāraṭṭhitikā, paccayaṭṭhitikā. Yena paccayena te tiṭṭhanti, so ekova dhammo ñātapariññāsaṅkhātāya ‘‘āhāraṭṭhitikā’’ti abhiññāya abhiññeyyo. Dve dhātuyoti saṅkhatāsaṅkhatadhātuyo. Tisso dhātuyoti kāmadhāturūpadhātuarūpadhātuyo. Pañca vimuttāyatanānīti ‘‘idha, bhikkhave, bhikkhuno satthā dhammaṃ deseti aññataro vā garuṭṭhāniyo’’tiādinā (dī. ni. 3.322, 355; a. ni. 5.26) āgatāni vimuccanakāraṇāni. Anuttariyānīti dassanānuttariyādīni cha anuttariyāni. Niddasavatthūnīti yehi kāraṇehi niddaso hoti, tāni niddasavatthūni nāma. Desanāmattañcetaṃ. Khīṇāsavo hi dasavasso hutvā parinibbuto puna dasavasso na hoti. Na kevalañca dasavasso, navavassopi…pe… ekamuhuttikopi na hotiyeva puna paṭisandhiyā abhāvā, aṭṭhuppattivasena panevaṃ vuttaṃ. Tāni pana ‘‘idha, bhikkhu, sikkhāsamādāne tibbacchando hotī’’tiādinā (dī. ni. 3.331) sutte āgatāniyeva. ‘‘Sammādiṭṭhissa purisapuggalassa micchādiṭṭhi nijjiṇṇā hotī’’tiādīni (dī. ni. 3.360; a. ni. 10.106) dasa nijjaravatthūni. Khandhādayoti khandhāyatanadhātādayo. Vinandhananti ‘‘bhavādivinandhanaṭṭhena vānaṃ vuccati taṇhā’’ti dasseti. Gamananti assādanavasena ārammaṇe pavattimāha. Tena vuttaṃ ‘‘piyarūpasātarūpesū’’ti.
вибассанаасахаг̇ад̇анд̇и взд̣̇ид̇аб̣б̣ам̣ вин̃н̃ад̇д̇исамудтаабагад̇д̇аа. ‘‘маг̇г̇ам̣ аббад̇д̇ам̣ гааяигам̣ вийрияа’’нд̇и висзсзд̇ваа вуд̇д̇ад̇д̇аа бана логуд̇д̇аравийрияамби барияааязна гааяигам̣ наама ад̇т̇ийд̇и д̣̇ийбид̇ам̣ ход̇и.
Vipassanāsahagatanti veditabbaṃ viññattisamuṭṭhāpakattā. ‘‘Maggaṃ appattaṃ kāyikaṃ vīriya’’nti visesetvā vuttattā pana lokuttaravīriyampi pariyāyena kāyikaṃ nāma atthīti dīpitaṃ hoti.
руубааважарз бийд̇исамб̣ож̇жхан̇г̇од̇и на вужжад̇ийд̇и ааха ‘‘руубааважарз…бз… бадигкид̇д̇аа’’д̇и. яат̇аа вибассанаасахаг̇ад̇аа бийд̇и барияааязна ‘‘бийд̇исамб̣ож̇жхан̇г̇о’’д̇и вужжад̇и, звам̣ руубааважарз бийд̇и ниб̣б̣зд̇хабхааг̇ияаа вад̇д̇аб̣б̣аа сияаа. звам̣ лаб̣бхамаанааби алаб̣бхамаанам̣ убаад̣̇ааяа на вуд̇д̇аа. ‘‘авид̇аггаавижаараа’’д̇и висзсанам̣ санд̇абан̣ийд̇ааяа бийд̇ияаа д̣̇ассанад̇т̇ам̣. б̣ож̇жхан̇г̇абхууд̇аад̇и барияааяаб̣ож̇жхан̇г̇абхууд̇аа. авид̇аггаавижааро бийд̇и…бз… на вуд̇д̇о савид̇аггасавижаарад̇д̇аа д̇асса. на хи гаамааважараа авид̇аггаавижаараа бийд̇и ад̇т̇и.
Rūpāvacare pītisambojjhaṅgoti na vuccatīti āha ‘‘rūpāvacare…pe… paṭikkhittā’’ti. Yathā vipassanāsahagatā pīti pariyāyena ‘‘pītisambojjhaṅgo’’ti vuccati, evaṃ rūpāvacare pīti nibbedhabhāgiyā vattabbā siyā. Evaṃ labbhamānāpi alabbhamānaṃ upādāya na vuttā. ‘‘Avitakkaavicārā’’ti visesanaṃ santapaṇītāya pītiyā dassanatthaṃ. Bojjhaṅgabhūtāti pariyāyabojjhaṅgabhūtā. Avitakkaavicāro pīti…pe… na vutto savitakkasavicārattā tassa. Na hi kāmāvacarā avitakkaavicārā pīti atthi.
ид̇ха вуд̇д̇о барияааязнаад̇и ад̇т̇о. маг̇г̇абадивзд̇хаануломанад̇о вибассанааяа вияа баад̣̇агаж̇жхаанзсуби сад̇иаад̣̇аяо ‘‘б̣ож̇жхан̇г̇аа’’д̇взва вужжанд̇ийд̇и ааха ‘‘ниб̣б̣зд̇хабхааг̇ияад̇д̇аа на бадигкибид̇аб̣б̣о’’д̇и. звам̣ гасин̣аж̇жхаанаад̣̇ийсу б̣ож̇жхан̇г̇з уд̣̇д̇харанд̇аанам̣ ад̇хиббааяам̣ вад̇ваа ануд̣̇д̇харанд̇аанам̣ ад̇хиббааяам̣ вад̇д̇ум̣ ‘‘ануд̣̇д̇харанд̇аа банаа’’д̇иаад̣̇имааха. д̇з хи аасаннзганд̇агижжаниб̣б̣ад̇д̇ийхи вибассанаагкан̣з б̣ож̇жхан̇г̇з уд̣̇д̇харанд̇и, на жхаанагкан̣з д̇ад̣̇абхаавад̇о. д̇знааха ‘‘вибассанаагижжасса вияа…бз… на уд̣̇д̇харанд̇ий’’д̇и. гасин̣аниссанд̣̇о аруубаанийд̇и ааха ‘‘д̇ад̣̇ааяад̇д̇ааний’’д̇и.
Idha vutto pariyāyenāti attho. Maggapaṭivedhānulomanato vipassanāya viya pādakajjhānesupi satiādayo ‘‘bojjhaṅgā’’tveva vuccantīti āha ‘‘nibbedhabhāgiyattā na paṭikkhipitabbo’’ti. Evaṃ kasiṇajjhānādīsu bojjhaṅge uddharantānaṃ adhippāyaṃ vatvā anuddharantānaṃ adhippāyaṃ vattuṃ ‘‘anuddharantā panā’’tiādimāha. Te hi āsannekantakiccanibbattīhi vipassanākkhaṇe bojjhaṅge uddharanti, na jhānakkhaṇe tadabhāvato. Tenāha ‘‘vipassanākiccassa viya…pe… na uddharantī’’ti. Kasiṇanissando arūpānīti āha ‘‘tadāyattānī’’ti.
д̣̇уд̇ияанаяаван̣н̣анаа нидтид̇аа.
Dutiyanayavaṇṇanā niṭṭhitā.
д̇ад̇ияанаяаван̣н̣анаа
Tatiyanayavaṇṇanā
470-1. воссаж̇ж̇анам̣ бахаанам̣ воссаг̇г̇о, воссаж̇ж̇анам̣ ваа виссадтабхааво нираасан̇гаануббавзсод̇и ааха ‘‘воссаг̇г̇асад̣̇д̣̇о…бз… д̣̇увид̇хад̇аа вуд̇д̇аа’’д̇и. вибассанаагкан̣з д̇ад̣̇ан̇г̇ад̇анниннаббагаарзна, маг̇г̇агкан̣з самужчзд̣̇ад̇ад̣̇аарамман̣агаран̣аббагаарзна.
470-1. Vossajjanaṃ pahānaṃ vossaggo, vossajjanaṃ vā vissaṭṭhabhāvo nirāsaṅkānuppavesoti āha ‘‘vossaggasaddo…pe… duvidhatā vuttā’’ti. Vipassanākkhaṇe tadaṅgatanninnappakārena, maggakkhaṇe samucchedatadārammaṇakaraṇappakārena.
д̇ад̇ияанаяаван̣н̣анаа нидтид̇аа.
Tatiyanayavaṇṇanā niṭṭhitā.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
472. убзгканамубзгкаасамб̣ож̇жхан̇г̇асса сабхааво, со жа самаад̇хивийрияасамб̣ож̇жхан̇г̇о вияа самбаяуд̇д̇аанам̣ уунаад̇хигабхааваб̣яаавадо ахуд̇ваа д̇зсам̣ ануунаанад̇хигабхаавз маж̇жхад̇д̇аагаараббавад̇д̇ийд̇и имамад̇т̇ам̣ ааха ‘‘убзгканавасзнаа’’д̇иаад̣̇инаа. д̇ад̇т̇а убабад̇д̇ид̇о игкананд̇и бадисан̇каанамааха.
472. Upekkhanamupekkhāsambojjhaṅgassa sabhāvo, so ca samādhivīriyasambojjhaṅgo viya sampayuttānaṃ ūnādhikabhāvabyāvaṭo ahutvā tesaṃ anūnānadhikabhāve majjhattākārappavattīti imamatthaṃ āha ‘‘upekkhanavasenā’’tiādinā. Tattha upapattito ikkhananti paṭisaṅkhānamāha.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
б̣ож̇жхан̇г̇авибхан̇г̇аван̣н̣анаа нидтид̇аа.
Bojjhaṅgavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 10. б̣ож̇жхан̇г̇авибхан̇г̇о • 10. Bojjhaṅgavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 10. б̣ож̇жхан̇г̇авибхан̇г̇о • 10. Bojjhaṅgavibhaṅgo
