| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৩. ব্রহ্মচরিযকথা
3. Brahmacariyakathā
১. সুদ্ধব্রহ্মচরিযকথাৰণ্ণনা
1. Suddhabrahmacariyakathāvaṇṇanā
২৬৯. ‘‘পরনিম্মিতৰসৰত্তিদেৰে উপাদায তদুপরী’’তি ৰুত্তং, ‘‘তীহি, ভিক্খৰে, ঠানেহী’’তি (অ॰ নি॰ ৯.২১) পন সুত্তস্স ৰচনেন হেট্ঠাপি মগ্গভাৰনম্পি ন ইচ্ছন্তীতি ৰিঞ্ঞাযতি।
269. ‘‘Paranimmitavasavattideveupādāya taduparī’’ti vuttaṃ, ‘‘tīhi, bhikkhave, ṭhānehī’’ti (a. ni. 9.21) pana suttassa vacanena heṭṭhāpi maggabhāvanampi na icchantīti viññāyati.
২৭০. ‘‘গিহীনঞ্চেৰ একচ্চানঞ্চ দেৰানং মগ্গপটিলাভং সন্ধায পটিক্খেপো তস্সেৰা’’তি ৰুত্তং, ‘‘যত্থ নত্থী’’তি পন ওকাসৰসেন পুট্ঠো পুগ্গলৰসেন তস্স পটিক্খেপো ন যুত্তো। যদি চ তস্সাযং অধিপ্পাযো, সকৰাদিনা সমানাধিপ্পাযত্তা ন নিগ্গহেতব্বো।
270. ‘‘Gihīnañceva ekaccānañca devānaṃ maggapaṭilābhaṃ sandhāya paṭikkhepo tassevā’’ti vuttaṃ, ‘‘yattha natthī’’ti pana okāsavasena puṭṭho puggalavasena tassa paṭikkhepo na yutto. Yadi ca tassāyaṃ adhippāyo, sakavādinā samānādhippāyattā na niggahetabbo.
২৭১. একন্তরিকপঞ্হাতি পরৰাদীসকৰাদীনং অঞ্ঞমঞ্ঞং পঞ্হন্তরিকা পঞ্হা।
271. Ekantarikapañhāti paravādīsakavādīnaṃ aññamaññaṃ pañhantarikā pañhā.
সুদ্ধব্রহ্মচরিযকথাৰণ্ণনা নিট্ঠিতা।
Suddhabrahmacariyakathāvaṇṇanā niṭṭhitā.
২. সংসন্দনব্রহ্মচরিযকথাৰণ্ণনা
2. Saṃsandanabrahmacariyakathāvaṇṇanā
২৭৩. রূপাৰচরমগ্গেন হি সো ইধৰিহাযনিট্ঠো নাম জাতোতি ইদং ‘‘ইধ ভাৰিতমগ্গো হি অনাগামী ইধৰিহাযনিট্ঠো নাম হোতী’’তিআদিকেন লদ্ধিকিত্তনেন কথং সমেতীতি ৰিচারেতব্বং। পুব্বে পন অনাগামী এৰ অনাগামীতি ৰুত্তো, ইধ ঝানানাগামিসোতাপন্নাদিকোতি অধিপ্পাযো। ইধ অরহত্তমগ্গং ভাৰেত্ৰা ইধেৰ ফলং সচ্ছিকরোন্তং ‘‘ইধপরিনিব্বাযী’’তি ৰদতি, ইধ পন মগ্গং ভাৰেত্ৰা তত্থ ফলং সচ্ছিকরোন্তং ‘‘তত্থপরিনিব্বাযী অরহা’’তি।
273. Rūpāvacaramaggena hi so idhavihāyaniṭṭho nāma jātoti idaṃ ‘‘idha bhāvitamaggo hi anāgāmī idhavihāyaniṭṭho nāma hotī’’tiādikena laddhikittanena kathaṃ sametīti vicāretabbaṃ. Pubbe pana anāgāmī eva anāgāmīti vutto, idha jhānānāgāmisotāpannādikoti adhippāyo. Idha arahattamaggaṃ bhāvetvā idheva phalaṃ sacchikarontaṃ ‘‘idhaparinibbāyī’’ti vadati, idha pana maggaṃ bhāvetvā tattha phalaṃ sacchikarontaṃ ‘‘tatthaparinibbāyī arahā’’ti.
সংসন্দনব্রহ্মচরিযকথাৰণ্ণনা নিট্ঠিতা।
Saṃsandanabrahmacariyakathāvaṇṇanā niṭṭhitā.
ব্রহ্মচরিযকথাৰণ্ণনা নিট্ঠিতা।
Brahmacariyakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / ৩. ব্রহ্মচরিযকথা • 3. Brahmacariyakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৩. ব্রহ্মচরিযকথা • 3. Brahmacariyakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. ব্রহ্মচরিযকথা • 3. Brahmacariyakathā
