| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
3. б̣рахмажарияагат̇аа
3. Brahmacariyakathā
1. суд̣̇д̇хаб̣рахмажарияагат̇ааван̣н̣анаа
1. Suddhabrahmacariyakathāvaṇṇanā
269. ‘‘бараниммид̇авасавад̇д̇ид̣̇звз убаад̣̇ааяа д̇ад̣̇убарий’’д̇и вуд̇д̇ам̣, ‘‘д̇ийхи, бхигкавз, таанзхий’’д̇и (а. ни. 9.21) бана суд̇д̇асса важанзна хздтааби маг̇г̇абхааванамби на ижчанд̇ийд̇и вин̃н̃ааяад̇и.
269. ‘‘Paranimmitavasavattideveupādāya taduparī’’ti vuttaṃ, ‘‘tīhi, bhikkhave, ṭhānehī’’ti (a. ni. 9.21) pana suttassa vacanena heṭṭhāpi maggabhāvanampi na icchantīti viññāyati.
270. ‘‘г̇ихийнан̃жзва згажжаанан̃жа д̣̇зваанам̣ маг̇г̇абадилаабхам̣ санд̇хааяа бадигкзбо д̇ассзваа’’д̇и вуд̇д̇ам̣, ‘‘яад̇т̇а над̇т̇ий’’д̇и бана огаасавасзна будто буг̇г̇алавасзна д̇асса бадигкзбо на яуд̇д̇о. яад̣̇и жа д̇ассааяам̣ ад̇хиббааяо, сагаваад̣̇инаа самаанаад̇хиббааяад̇д̇аа на ниг̇г̇ахзд̇аб̣б̣о.
270. ‘‘Gihīnañceva ekaccānañca devānaṃ maggapaṭilābhaṃ sandhāya paṭikkhepo tassevā’’ti vuttaṃ, ‘‘yattha natthī’’ti pana okāsavasena puṭṭho puggalavasena tassa paṭikkhepo na yutto. Yadi ca tassāyaṃ adhippāyo, sakavādinā samānādhippāyattā na niggahetabbo.
271. зганд̇аригабан̃хаад̇и бараваад̣̇ийсагаваад̣̇ийнам̣ ан̃н̃аман̃н̃ам̣ бан̃ханд̇аригаа бан̃хаа.
271. Ekantarikapañhāti paravādīsakavādīnaṃ aññamaññaṃ pañhantarikā pañhā.
суд̣̇д̇хаб̣рахмажарияагат̇ааван̣н̣анаа нидтид̇аа.
Suddhabrahmacariyakathāvaṇṇanā niṭṭhitā.
2. сам̣санд̣̇анаб̣рахмажарияагат̇ааван̣н̣анаа
2. Saṃsandanabrahmacariyakathāvaṇṇanā
273. руубааважарамаг̇г̇зна хи со ид̇хавихааяанидто наама ж̇аад̇од̇и ид̣̇ам̣ ‘‘ид̇ха бхаавид̇амаг̇г̇о хи анааг̇аамий ид̇хавихааяанидто наама ход̇ий’’д̇иаад̣̇игзна лад̣̇д̇хигид̇д̇анзна гат̇ам̣ самзд̇ийд̇и вижаарзд̇аб̣б̣ам̣. буб̣б̣з бана анааг̇аамий зва анааг̇аамийд̇и вуд̇д̇о, ид̇ха жхаанаанааг̇аамисод̇аабаннаад̣̇игод̇и ад̇хиббааяо. ид̇ха арахад̇д̇амаг̇г̇ам̣ бхаавзд̇ваа ид̇хзва палам̣ сажчигаронд̇ам̣ ‘‘ид̇хабариниб̣б̣ааяий’’д̇и вад̣̇ад̇и, ид̇ха бана маг̇г̇ам̣ бхаавзд̇ваа д̇ад̇т̇а палам̣ сажчигаронд̇ам̣ ‘‘д̇ад̇т̇абариниб̣б̣ааяий арахаа’’д̇и.
273. Rūpāvacaramaggena hi so idhavihāyaniṭṭho nāma jātoti idaṃ ‘‘idha bhāvitamaggo hi anāgāmī idhavihāyaniṭṭho nāma hotī’’tiādikena laddhikittanena kathaṃ sametīti vicāretabbaṃ. Pubbe pana anāgāmī eva anāgāmīti vutto, idha jhānānāgāmisotāpannādikoti adhippāyo. Idha arahattamaggaṃ bhāvetvā idheva phalaṃ sacchikarontaṃ ‘‘idhaparinibbāyī’’ti vadati, idha pana maggaṃ bhāvetvā tattha phalaṃ sacchikarontaṃ ‘‘tatthaparinibbāyī arahā’’ti.
сам̣санд̣̇анаб̣рахмажарияагат̇ааван̣н̣анаа нидтид̇аа.
Saṃsandanabrahmacariyakathāvaṇṇanā niṭṭhitā.
б̣рахмажарияагат̇ааван̣н̣анаа нидтид̇аа.
Brahmacariyakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 3. б̣рахмажарияагат̇аа • 3. Brahmacariyakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. б̣рахмажарияагат̇аа • 3. Brahmacariyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. б̣рахмажарияагат̇аа • 3. Brahmacariyakathā
