| Library / Tipiṭaka / तिपिटक • Tipiṭaka / पञ्चपकरण-मूलटीका • Pañcapakaraṇa-mūlaṭīkā |
३. ब्रह्मचरियकथा
3. Brahmacariyakathā
१. सुद्धब्रह्मचरियकथावण्णना
1. Suddhabrahmacariyakathāvaṇṇanā
२६९. ‘‘परनिम्मितवसवत्तिदेवे उपादाय तदुपरी’’ति वुत्तं, ‘‘तीहि, भिक्खवे, ठानेही’’ति (अ॰ नि॰ ९.२१) पन सुत्तस्स वचनेन हेट्ठापि मग्गभावनम्पि न इच्छन्तीति विञ्ञायति।
269. ‘‘Paranimmitavasavattideveupādāya taduparī’’ti vuttaṃ, ‘‘tīhi, bhikkhave, ṭhānehī’’ti (a. ni. 9.21) pana suttassa vacanena heṭṭhāpi maggabhāvanampi na icchantīti viññāyati.
२७०. ‘‘गिहीनञ्चेव एकच्चानञ्च देवानं मग्गपटिलाभं सन्धाय पटिक्खेपो तस्सेवा’’ति वुत्तं, ‘‘यत्थ नत्थी’’ति पन ओकासवसेन पुट्ठो पुग्गलवसेन तस्स पटिक्खेपो न युत्तो। यदि च तस्सायं अधिप्पायो, सकवादिना समानाधिप्पायत्ता न निग्गहेतब्बो।
270. ‘‘Gihīnañceva ekaccānañca devānaṃ maggapaṭilābhaṃ sandhāya paṭikkhepo tassevā’’ti vuttaṃ, ‘‘yattha natthī’’ti pana okāsavasena puṭṭho puggalavasena tassa paṭikkhepo na yutto. Yadi ca tassāyaṃ adhippāyo, sakavādinā samānādhippāyattā na niggahetabbo.
२७१. एकन्तरिकपञ्हाति परवादीसकवादीनं अञ्ञमञ्ञं पञ्हन्तरिका पञ्हा।
271. Ekantarikapañhāti paravādīsakavādīnaṃ aññamaññaṃ pañhantarikā pañhā.
सुद्धब्रह्मचरियकथावण्णना निट्ठिता।
Suddhabrahmacariyakathāvaṇṇanā niṭṭhitā.
२. संसन्दनब्रह्मचरियकथावण्णना
2. Saṃsandanabrahmacariyakathāvaṇṇanā
२७३. रूपावचरमग्गेन हि सो इधविहायनिट्ठो नाम जातोति इदं ‘‘इध भावितमग्गो हि अनागामी इधविहायनिट्ठो नाम होती’’तिआदिकेन लद्धिकित्तनेन कथं समेतीति विचारेतब्बं। पुब्बे पन अनागामी एव अनागामीति वुत्तो, इध झानानागामिसोतापन्नादिकोति अधिप्पायो। इध अरहत्तमग्गं भावेत्वा इधेव फलं सच्छिकरोन्तं ‘‘इधपरिनिब्बायी’’ति वदति, इध पन मग्गं भावेत्वा तत्थ फलं सच्छिकरोन्तं ‘‘तत्थपरिनिब्बायी अरहा’’ति।
273. Rūpāvacaramaggena hi so idhavihāyaniṭṭho nāma jātoti idaṃ ‘‘idha bhāvitamaggo hi anāgāmī idhavihāyaniṭṭho nāma hotī’’tiādikena laddhikittanena kathaṃ sametīti vicāretabbaṃ. Pubbe pana anāgāmī eva anāgāmīti vutto, idha jhānānāgāmisotāpannādikoti adhippāyo. Idha arahattamaggaṃ bhāvetvā idheva phalaṃ sacchikarontaṃ ‘‘idhaparinibbāyī’’ti vadati, idha pana maggaṃ bhāvetvā tattha phalaṃ sacchikarontaṃ ‘‘tatthaparinibbāyī arahā’’ti.
संसन्दनब्रह्मचरियकथावण्णना निट्ठिता।
Saṃsandanabrahmacariyakathāvaṇṇanā niṭṭhitā.
ब्रह्मचरियकथावण्णना निट्ठिता।
Brahmacariyakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / ३. ब्रह्मचरियकथा • 3. Brahmacariyakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ३. ब्रह्मचरियकथा • 3. Brahmacariyakathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ३. ब्रह्मचरियकथा • 3. Brahmacariyakathā
