| Library / Tipiṭaka / ติปิฎก • Tipiṭaka / ปญฺจปกรณ-มูลฎีกา • Pañcapakaraṇa-mūlaṭīkā |
๓. พฺรหฺมจริยกถา
3. Brahmacariyakathā
๑. สุทฺธพฺรหฺมจริยกถาวณฺณนา
1. Suddhabrahmacariyakathāvaṇṇanā
๒๖๙. ‘‘ปรนิมฺมิตวสวตฺติเทเว อุปาทาย ตทุปรี’’ติ วุตฺตํ, ‘‘ตีหิ, ภิกฺขเว, ฐาเนหี’’ติ (อ. นิ. ๙.๒๑) ปน สุตฺตสฺส วจเนน เหฎฺฐาปิ มคฺคภาวนมฺปิ น อิจฺฉนฺตีติ วิญฺญายติฯ
269. ‘‘Paranimmitavasavattideveupādāya taduparī’’ti vuttaṃ, ‘‘tīhi, bhikkhave, ṭhānehī’’ti (a. ni. 9.21) pana suttassa vacanena heṭṭhāpi maggabhāvanampi na icchantīti viññāyati.
๒๗๐. ‘‘คิหีนเญฺจว เอกจฺจานญฺจ เทวานํ มคฺคปฎิลาภํ สนฺธาย ปฎิเกฺขโป ตเสฺสวา’’ติ วุตฺตํ, ‘‘ยตฺถ นตฺถี’’ติ ปน โอกาสวเสน ปุโฎฺฐ ปุคฺคลวเสน ตสฺส ปฎิเกฺขโป น ยุโตฺตฯ ยทิ จ ตสฺสายํ อธิปฺปาโย, สกวาทินา สมานาธิปฺปายตฺตา น นิคฺคเหตโพฺพฯ
270. ‘‘Gihīnañceva ekaccānañca devānaṃ maggapaṭilābhaṃ sandhāya paṭikkhepo tassevā’’ti vuttaṃ, ‘‘yattha natthī’’ti pana okāsavasena puṭṭho puggalavasena tassa paṭikkhepo na yutto. Yadi ca tassāyaṃ adhippāyo, sakavādinā samānādhippāyattā na niggahetabbo.
๒๗๑. เอกนฺตริกปญฺหาติ ปรวาทีสกวาทีนํ อญฺญมญฺญํ ปญฺหนฺตริกา ปญฺหาฯ
271. Ekantarikapañhāti paravādīsakavādīnaṃ aññamaññaṃ pañhantarikā pañhā.
สุทฺธพฺรหฺมจริยกถาวณฺณนา นิฎฺฐิตาฯ
Suddhabrahmacariyakathāvaṇṇanā niṭṭhitā.
๒. สํสนฺทนพฺรหฺมจริยกถาวณฺณนา
2. Saṃsandanabrahmacariyakathāvaṇṇanā
๒๗๓. รูปาวจรมเคฺคน หิ โส อิธวิหายนิโฎฺฐ นาม ชาโตติ อิทํ ‘‘อิธ ภาวิตมโคฺค หิ อนาคามี อิธวิหายนิโฎฺฐ นาม โหตี’’ติอาทิเกน ลทฺธิกิตฺตเนน กถํ สเมตีติ วิจาเรตพฺพํฯ ปุเพฺพ ปน อนาคามี เอว อนาคามีติ วุโตฺต, อิธ ฌานานาคามิโสตาปนฺนาทิโกติ อธิปฺปาโยฯ อิธ อรหตฺตมคฺคํ ภาเวตฺวา อิเธว ผลํ สจฺฉิกโรนฺตํ ‘‘อิธปรินิพฺพายี’’ติ วทติ, อิธ ปน มคฺคํ ภาเวตฺวา ตตฺถ ผลํ สจฺฉิกโรนฺตํ ‘‘ตตฺถปรินิพฺพายี อรหา’’ติฯ
273. Rūpāvacaramaggena hi so idhavihāyaniṭṭho nāma jātoti idaṃ ‘‘idha bhāvitamaggo hi anāgāmī idhavihāyaniṭṭho nāma hotī’’tiādikena laddhikittanena kathaṃ sametīti vicāretabbaṃ. Pubbe pana anāgāmī eva anāgāmīti vutto, idha jhānānāgāmisotāpannādikoti adhippāyo. Idha arahattamaggaṃ bhāvetvā idheva phalaṃ sacchikarontaṃ ‘‘idhaparinibbāyī’’ti vadati, idha pana maggaṃ bhāvetvā tattha phalaṃ sacchikarontaṃ ‘‘tatthaparinibbāyī arahā’’ti.
สํสนฺทนพฺรหฺมจริยกถาวณฺณนา นิฎฺฐิตาฯ
Saṃsandanabrahmacariyakathāvaṇṇanā niṭṭhitā.
พฺรหฺมจริยกถาวณฺณนา นิฎฺฐิตาฯ
Brahmacariyakathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / ๓. พฺรหฺมจริยกถา • 3. Brahmacariyakathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๓. พฺรหฺมจริยกถา • 3. Brahmacariyakathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๓. พฺรหฺมจริยกถา • 3. Brahmacariyakathā
