| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੩. ਬ੍ਰਹ੍ਮਚਰਿਯਕਥਾ
3. Brahmacariyakathā
੧. ਸੁਦ੍ਧਬ੍ਰਹ੍ਮਚਰਿਯਕਥਾવਣ੍ਣਨਾ
1. Suddhabrahmacariyakathāvaṇṇanā
੨੬੯. ‘‘ਪਰਨਿਮ੍ਮਿਤવਸવਤ੍ਤਿਦੇવੇ ਉਪਾਦਾਯ ਤਦੁਪਰੀ’’ਤਿ વੁਤ੍ਤਂ, ‘‘ਤੀਹਿ, ਭਿਕ੍ਖવੇ, ਠਾਨੇਹੀ’’ਤਿ (ਅ॰ ਨਿ॰ ੯.੨੧) ਪਨ ਸੁਤ੍ਤਸ੍ਸ વਚਨੇਨ ਹੇਟ੍ਠਾਪਿ ਮਗ੍ਗਭਾવਨਮ੍ਪਿ ਨ ਇਚ੍ਛਨ੍ਤੀਤਿ વਿਞ੍ਞਾਯਤਿ।
269. ‘‘Paranimmitavasavattideveupādāya taduparī’’ti vuttaṃ, ‘‘tīhi, bhikkhave, ṭhānehī’’ti (a. ni. 9.21) pana suttassa vacanena heṭṭhāpi maggabhāvanampi na icchantīti viññāyati.
੨੭੦. ‘‘ਗਿਹੀਨਞ੍ਚੇવ ਏਕਚ੍ਚਾਨਞ੍ਚ ਦੇવਾਨਂ ਮਗ੍ਗਪਟਿਲਾਭਂ ਸਨ੍ਧਾਯ ਪਟਿਕ੍ਖੇਪੋ ਤਸ੍ਸੇવਾ’’ਤਿ વੁਤ੍ਤਂ, ‘‘ਯਤ੍ਥ ਨਤ੍ਥੀ’’ਤਿ ਪਨ ਓਕਾਸવਸੇਨ ਪੁਟ੍ਠੋ ਪੁਗ੍ਗਲવਸੇਨ ਤਸ੍ਸ ਪਟਿਕ੍ਖੇਪੋ ਨ ਯੁਤ੍ਤੋ। ਯਦਿ ਚ ਤਸ੍ਸਾਯਂ ਅਧਿਪ੍ਪਾਯੋ, ਸਕવਾਦਿਨਾ ਸਮਾਨਾਧਿਪ੍ਪਾਯਤ੍ਤਾ ਨ ਨਿਗ੍ਗਹੇਤਬ੍ਬੋ।
270. ‘‘Gihīnañceva ekaccānañca devānaṃ maggapaṭilābhaṃ sandhāya paṭikkhepo tassevā’’ti vuttaṃ, ‘‘yattha natthī’’ti pana okāsavasena puṭṭho puggalavasena tassa paṭikkhepo na yutto. Yadi ca tassāyaṃ adhippāyo, sakavādinā samānādhippāyattā na niggahetabbo.
੨੭੧. ਏਕਨ੍ਤਰਿਕਪਞ੍ਹਾਤਿ ਪਰવਾਦੀਸਕવਾਦੀਨਂ ਅਞ੍ਞਮਞ੍ਞਂ ਪਞ੍ਹਨ੍ਤਰਿਕਾ ਪਞ੍ਹਾ।
271. Ekantarikapañhāti paravādīsakavādīnaṃ aññamaññaṃ pañhantarikā pañhā.
ਸੁਦ੍ਧਬ੍ਰਹ੍ਮਚਰਿਯਕਥਾવਣ੍ਣਨਾ ਨਿਟ੍ਠਿਤਾ।
Suddhabrahmacariyakathāvaṇṇanā niṭṭhitā.
੨. ਸਂਸਨ੍ਦਨਬ੍ਰਹ੍ਮਚਰਿਯਕਥਾવਣ੍ਣਨਾ
2. Saṃsandanabrahmacariyakathāvaṇṇanā
੨੭੩. ਰੂਪਾવਚਰਮਗ੍ਗੇਨ ਹਿ ਸੋ ਇਧવਿਹਾਯਨਿਟ੍ਠੋ ਨਾਮ ਜਾਤੋਤਿ ਇਦਂ ‘‘ਇਧ ਭਾવਿਤਮਗ੍ਗੋ ਹਿ ਅਨਾਗਾਮੀ ਇਧવਿਹਾਯਨਿਟ੍ਠੋ ਨਾਮ ਹੋਤੀ’’ਤਿਆਦਿਕੇਨ ਲਦ੍ਧਿਕਿਤ੍ਤਨੇਨ ਕਥਂ ਸਮੇਤੀਤਿ વਿਚਾਰੇਤਬ੍ਬਂ। ਪੁਬ੍ਬੇ ਪਨ ਅਨਾਗਾਮੀ ਏવ ਅਨਾਗਾਮੀਤਿ વੁਤ੍ਤੋ, ਇਧ ਝਾਨਾਨਾਗਾਮਿਸੋਤਾਪਨ੍ਨਾਦਿਕੋਤਿ ਅਧਿਪ੍ਪਾਯੋ। ਇਧ ਅਰਹਤ੍ਤਮਗ੍ਗਂ ਭਾવੇਤ੍વਾ ਇਧੇવ ਫਲਂ ਸਚ੍ਛਿਕਰੋਨ੍ਤਂ ‘‘ਇਧਪਰਿਨਿਬ੍ਬਾਯੀ’’ਤਿ વਦਤਿ, ਇਧ ਪਨ ਮਗ੍ਗਂ ਭਾવੇਤ੍વਾ ਤਤ੍ਥ ਫਲਂ ਸਚ੍ਛਿਕਰੋਨ੍ਤਂ ‘‘ਤਤ੍ਥਪਰਿਨਿਬ੍ਬਾਯੀ ਅਰਹਾ’’ਤਿ।
273. Rūpāvacaramaggena hi so idhavihāyaniṭṭho nāma jātoti idaṃ ‘‘idha bhāvitamaggo hi anāgāmī idhavihāyaniṭṭho nāma hotī’’tiādikena laddhikittanena kathaṃ sametīti vicāretabbaṃ. Pubbe pana anāgāmī eva anāgāmīti vutto, idha jhānānāgāmisotāpannādikoti adhippāyo. Idha arahattamaggaṃ bhāvetvā idheva phalaṃ sacchikarontaṃ ‘‘idhaparinibbāyī’’ti vadati, idha pana maggaṃ bhāvetvā tattha phalaṃ sacchikarontaṃ ‘‘tatthaparinibbāyī arahā’’ti.
ਸਂਸਨ੍ਦਨਬ੍ਰਹ੍ਮਚਰਿਯਕਥਾવਣ੍ਣਨਾ ਨਿਟ੍ਠਿਤਾ।
Saṃsandanabrahmacariyakathāvaṇṇanā niṭṭhitā.
ਬ੍ਰਹ੍ਮਚਰਿਯਕਥਾવਣ੍ਣਨਾ ਨਿਟ੍ਠਿਤਾ।
Brahmacariyakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / ੩. ਬ੍ਰਹ੍ਮਚਰਿਯਕਥਾ • 3. Brahmacariyakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੩. ਬ੍ਰਹ੍ਮਚਰਿਯਕਥਾ • 3. Brahmacariyakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩. ਬ੍ਰਹ੍ਮਚਰਿਯਕਥਾ • 3. Brahmacariyakathā
