| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. බ්‍රහ්‌මචරියසුත්‌තං
5. Brahmacariyasuttaṃ
25. ‘‘නයිදං , භික්‌ඛවෙ, බ්‍රහ්‌මචරියං වුස්‌සති ජනකුහනත්‌ථං, න ජනලපනත්‌ථං, න ලාභසක්‌කාරසිලොකානිසංසත්‌ථං, න ඉතිවාදප්‌පමොක්‌ඛානිසංසත්‌ථං, න ‘ඉති මං ජනො ජානාතූ’ති. අථ ඛො ඉදං, භික්‌ඛවෙ, බ්‍රහ්‌මචරියං වුස්‌සති සංවරත්‌ථං පහානත්‌ථං විරාගත්‌ථං නිරොධත්‌ථ’’න්‌ති.
25. ‘‘Nayidaṃ , bhikkhave, brahmacariyaṃ vussati janakuhanatthaṃ, na janalapanatthaṃ, na lābhasakkārasilokānisaṃsatthaṃ, na itivādappamokkhānisaṃsatthaṃ, na ‘iti maṃ jano jānātū’ti. Atha kho idaṃ, bhikkhave, brahmacariyaṃ vussati saṃvaratthaṃ pahānatthaṃ virāgatthaṃ nirodhattha’’nti.
‘‘සංවරත්‌ථං පහානත්‌ථං, බ්‍රහ්‌මචරියං අනීතිහං;
‘‘Saṃvaratthaṃ pahānatthaṃ, brahmacariyaṃ anītihaṃ;
අදෙසයි සො භගවා, නිබ්‌බානොගධගාමිනං;
Adesayi so bhagavā, nibbānogadhagāminaṃ;
‘‘යෙ ච තං පටිපජ්‌ජන්‌ති, යථා බුද්‌ධෙන දෙසිතං;
‘‘Ye ca taṃ paṭipajjanti, yathā buddhena desitaṃ;
දුක්‌ඛස්‌සන්‌තං කරිස්‌සන්‌ති, සත්‌ථුසාසනකාරිනො’’ති. පඤ්‌චමං;
Dukkhassantaṃ karissanti, satthusāsanakārino’’ti. pañcamaṃ;
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. බ්‍රහ්‌මචරියසුත්‌තවණ්‌ණනා • 5. Brahmacariyasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5. බ්‍රහ්‌මචරියසුත්‌තවණ්‌ණනා • 5. Brahmacariyasuttavaṇṇanā
