| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. ப்³ரஹ்மசரியஸுத்தவண்ணனா
5. Brahmacariyasuttavaṇṇanā
25. பஞ்சமே ஜனகுஹனத்த²ந்தி தீஹி குஹனவத்தூ²ஹி ஜனஸ்ஸ குஹனத்தா²ய. ந ஜனலபனத்த²ந்தி ந ஜனஸ்ஸ உபலாபனத்த²ங். ந லாப⁴ஸக்காரஸிலோகானிஸங்ஸத்த²ந்தி ந சீவராதி³து²திவசனத்த²ங். ந இதிவாத³ப்பமொக்கா²னிஸங்ஸத்த²ந்தி ந தேன தேன காரணேன கதவாதா³னிஸங்ஸத்த²ங், ந வாத³ஸ்ஸ பமொக்கா²னிஸங்ஸத்த²ங். ந இதி மங் ஜனோ ஜானாதூதி ந ‘‘ஏவங் கிர ஏஸ பி⁴க்கு², ஏவங் கிர ஏஸ பி⁴க்கூ²’’தி ஜனஸ்ஸ ஜானநத்தா²ய. ஸங்வரத்த²ந்தி பஞ்சஹி ஸங்வரேஹி ஸங்வரணத்தா²ய. பஹானத்த²ந்தி தீஹி பஹானேஹி பஜஹனத்தா²ய. விராக³த்த²ந்தி ராகா³தீ³னங் விரஜ்ஜனத்தா²ய. நிரோத⁴த்த²ந்தி தேஸங்யேவ நிருஜ்ஜ²னத்தா²ய. அனீதிஹந்தி இதிஹபரிவஜ்ஜிதங், அபரபத்தியந்தி அத்தோ². நிப்³பா³னோக³த⁴கா³மினந்தி நிப்³பா³னஸ்ஸ அந்தோகா³மினங். மக்³க³ப்³ரஹ்மசரியஞ்ஹி நிப்³பா³னங் ஆரம்மணங் கரித்வா நிப்³பா³னஸ்ஸ அந்தோயேவ வத்ததி பவத்ததி. படிபஜ்ஜந்தீதி து³வித⁴ம்பி படிபஜ்ஜந்தி. இமஸ்மிங் ஸுத்தே வட்டவிவட்டங் கதெ²த்வா கா³தா²ஸு விவட்டமேவ கதி²தங்.
25. Pañcame janakuhanatthanti tīhi kuhanavatthūhi janassa kuhanatthāya. Na janalapanatthanti na janassa upalāpanatthaṃ. Na lābhasakkārasilokānisaṃsatthanti na cīvarādithutivacanatthaṃ. Na itivādappamokkhānisaṃsatthanti na tena tena kāraṇena katavādānisaṃsatthaṃ, na vādassa pamokkhānisaṃsatthaṃ. Na iti maṃ jano jānātūti na ‘‘evaṃ kira esa bhikkhu, evaṃ kira esa bhikkhū’’ti janassa jānanatthāya. Saṃvaratthanti pañcahi saṃvarehi saṃvaraṇatthāya. Pahānatthanti tīhi pahānehi pajahanatthāya. Virāgatthanti rāgādīnaṃ virajjanatthāya. Nirodhatthanti tesaṃyeva nirujjhanatthāya. Anītihanti itihaparivajjitaṃ, aparapattiyanti attho. Nibbānogadhagāminanti nibbānassa antogāminaṃ. Maggabrahmacariyañhi nibbānaṃ ārammaṇaṃ karitvā nibbānassa antoyeva vattati pavattati. Paṭipajjantīti duvidhampi paṭipajjanti. Imasmiṃ sutte vaṭṭavivaṭṭaṃ kathetvā gāthāsu vivaṭṭameva kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. ப்³ரஹ்மசரியஸுத்தங் • 5. Brahmacariyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. ப்³ரஹ்மசரியஸுத்தவண்ணனா • 5. Brahmacariyasuttavaṇṇanā
