| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. б̣рахмажарияасуд̇д̇аван̣н̣анаа
5. Brahmacariyasuttavaṇṇanā
25. бан̃жамз ж̇анагуханад̇т̇анд̇и д̇ийхи гуханавад̇т̇уухи ж̇анасса гуханад̇т̇ааяа. на ж̇аналабанад̇т̇анд̇и на ж̇анасса убалаабанад̇т̇ам̣. на лаабхасаггаарасилогаанисам̣сад̇т̇анд̇и на жийвараад̣̇ит̇уд̇иважанад̇т̇ам̣. на ид̇иваад̣̇аббамогкаанисам̣сад̇т̇анд̇и на д̇зна д̇зна гааран̣зна гад̇аваад̣̇аанисам̣сад̇т̇ам̣, на ваад̣̇асса бамогкаанисам̣сад̇т̇ам̣. на ид̇и мам̣ ж̇ано ж̇аанаад̇ууд̇и на ‘‘звам̣ гира зса бхигку, звам̣ гира зса бхигкуу’’д̇и ж̇анасса ж̇аананад̇т̇ааяа. сам̣варад̇т̇анд̇и бан̃жахи сам̣варзхи сам̣варан̣ад̇т̇ааяа. бахаанад̇т̇анд̇и д̇ийхи бахаанзхи баж̇аханад̇т̇ааяа. вирааг̇ад̇т̇анд̇и рааг̇аад̣̇ийнам̣ вираж̇ж̇анад̇т̇ааяа. нирод̇хад̇т̇анд̇и д̇зсам̣язва нируж̇жханад̇т̇ааяа. анийд̇иханд̇и ид̇ихабариваж̇ж̇ид̇ам̣, абарабад̇д̇ияанд̇и ад̇т̇о. ниб̣б̣ааног̇ад̇хаг̇ааминанд̇и ниб̣б̣аанасса анд̇ог̇ааминам̣. маг̇г̇аб̣рахмажарияан̃хи ниб̣б̣аанам̣ аарамман̣ам̣ гарид̇ваа ниб̣б̣аанасса анд̇оязва вад̇д̇ад̇и бавад̇д̇ад̇и. бадибаж̇ж̇анд̇ийд̇и д̣̇увид̇хамби бадибаж̇ж̇анд̇и. имасмим̣ суд̇д̇з ваддавиваддам̣ гат̇зд̇ваа г̇аат̇аасу виваддамзва гат̇ид̇ам̣.
25. Pañcame janakuhanatthanti tīhi kuhanavatthūhi janassa kuhanatthāya. Na janalapanatthanti na janassa upalāpanatthaṃ. Na lābhasakkārasilokānisaṃsatthanti na cīvarādithutivacanatthaṃ. Na itivādappamokkhānisaṃsatthanti na tena tena kāraṇena katavādānisaṃsatthaṃ, na vādassa pamokkhānisaṃsatthaṃ. Na iti maṃ jano jānātūti na ‘‘evaṃ kira esa bhikkhu, evaṃ kira esa bhikkhū’’ti janassa jānanatthāya. Saṃvaratthanti pañcahi saṃvarehi saṃvaraṇatthāya. Pahānatthanti tīhi pahānehi pajahanatthāya. Virāgatthanti rāgādīnaṃ virajjanatthāya. Nirodhatthanti tesaṃyeva nirujjhanatthāya. Anītihanti itihaparivajjitaṃ, aparapattiyanti attho. Nibbānogadhagāminanti nibbānassa antogāminaṃ. Maggabrahmacariyañhi nibbānaṃ ārammaṇaṃ karitvā nibbānassa antoyeva vattati pavattati. Paṭipajjantīti duvidhampi paṭipajjanti. Imasmiṃ sutte vaṭṭavivaṭṭaṃ kathetvā gāthāsu vivaṭṭameva kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. б̣рахмажарияасуд̇д̇ам̣ • 5. Brahmacariyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. б̣рахмажарияасуд̇д̇аван̣н̣анаа • 5. Brahmacariyasuttavaṇṇanā
