| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. б̣рахмажарияасуд̇д̇аван̣н̣анаа
5. Brahmacariyasuttavaṇṇanā
25. бан̃жамз наяид̣̇анд̇и зд̇т̇а на-ид̇и бадисзд̇хз нибаад̇о, д̇асса ‘‘вуссад̇ий’’д̇и иминаа самб̣анд̇хо ‘‘на вуссад̇ий’’д̇и, яа-гааро бад̣̇асанд̇хигаро. ид̣̇ам̣-сад̣̇д̣̇о ‘‘згамид̣̇аахам̣, бхигкавз, самаяам̣ уггадтааяам̣ вихараами субхаг̇аванз сааларааж̇амуулз’’д̇иаад̣̇ийсу (д̣̇ий. ни. 2.91; ма. ни. 1.501) нибаад̇амад̇д̇ам̣, ‘‘ид̣̇ам̣ ко д̇ам̣, бхигкавз, аббамад̇д̇агам̣ сийламад̇д̇ага’’нд̇иаад̣̇ийсу (д̣̇ий. ни. 1.27) яат̇аавуд̇д̇з аасаннабажжагкз ааг̇ад̇о.
25. Pañcame nayidanti ettha na-iti paṭisedhe nipāto, tassa ‘‘vussatī’’ti iminā sambandho ‘‘na vussatī’’ti, ya-kāro padasandhikaro. Idaṃ-saddo ‘‘ekamidāhaṃ, bhikkhave, samayaṃ ukkaṭṭhāyaṃ viharāmi subhagavane sālarājamūle’’tiādīsu (dī. ni. 2.91; ma. ni. 1.501) nipātamattaṃ, ‘‘idaṃ kho taṃ, bhikkhave, appamattakaṃ sīlamattaka’’ntiādīsu (dī. ni. 1.27) yathāvutte āsannapaccakkhe āgato.
‘‘ид̣̇ан̃хи д̇ам̣ ж̇зд̇аванам̣, исисан̇гханисзвид̇ам̣;
‘‘Idañhi taṃ jetavanaṃ, isisaṅghanisevitaṃ;
аавуд̇т̇ам̣ д̇хаммарааж̇зна, бийд̇исан̃ж̇ананам̣ мамаа’’д̇и. (ма. ни. 3.387-388; сам̣. ни. 1.48, 101) –
Āvutthaṃ dhammarājena, pītisañjananaṃ mamā’’ti. (ma. ni. 3.387-388; saṃ. ni. 1.48, 101) –
аад̣̇ийсу вагкамаанз аасаннабажжагкз. ид̇хааби вагкамаанзязва аасаннабажжагкз д̣̇адтаб̣б̣о.
Ādīsu vakkhamāne āsannapaccakkhe. Idhāpi vakkhamāneyeva āsannapaccakkhe daṭṭhabbo.
б̣рахмажарияа-сад̣̇д̣̇о –
Brahmacariya-saddo –
‘‘гим̣ д̇з вад̇ам̣ гим̣ бана б̣рахмажарияам̣,
‘‘Kiṃ te vataṃ kiṃ pana brahmacariyaṃ,
гисса сужин̣н̣асса аяам̣ вибааго;
Kissa suciṇṇassa ayaṃ vipāko;
ид̣̇д̇хий ж̇уд̇ий б̣алавийрияуубабад̇д̇и,
Iddhī jutī balavīriyūpapatti,
ид̣̇ан̃жа д̇з нааг̇а махаавимаанам̣.
Idañca te nāga mahāvimānaṃ.
‘‘ахан̃жа бхарияаа жа мануссалогз,
‘‘Ahañca bhariyā ca manussaloke,
сад̣̇д̇хаа убхо д̣̇аанабад̇ий ахумхаа;
Saddhā ubho dānapatī ahumhā;
обаанабхууд̇ам̣ мз гхарам̣ д̇ад̣̇ааси,
Opānabhūtaṃ me gharaṃ tadāsi,
санд̇аббид̇аа саман̣аб̣раахман̣аа жа.
Santappitā samaṇabrāhmaṇā ca.
‘‘д̇ам̣ мз вад̇ам̣ д̇ам̣ бана б̣рахмажарияам̣,
‘‘Taṃ me vataṃ taṃ pana brahmacariyaṃ,
д̇асса сужин̣н̣асса аяам̣ вибааго;
Tassa suciṇṇassa ayaṃ vipāko;
ид̣̇д̇хий ж̇уд̇ий б̣алавийрияуубабад̇д̇и,
Iddhī jutī balavīriyūpapatti,
ид̣̇ан̃жа мз вийра махаавимаана’’нд̇и. –
Idañca me vīra mahāvimāna’’nti. –
имасмим̣ бун̣н̣агаж̇аад̇агз (ж̇аа. 2.22.1595) д̣̇аанз ааг̇ад̇о.
Imasmiṃ puṇṇakajātake (jā. 2.22.1595) dāne āgato.
‘‘гзна баан̣и гаамад̣̇ад̣̇о, гзна баан̣и мад̇хуссаво;
‘‘Kena pāṇi kāmadado, kena pāṇi madhussavo;
гзна д̇з б̣рахмажариязна, бун̃н̃ам̣ баан̣имхи иж̇жхад̇ий’’д̇и. –
Kena te brahmacariyena, puññaṃ pāṇimhi ijjhatī’’ti. –
имасмим̣ ан̇гурабзд̇авад̇т̇усмим̣ (бз. ва. 275, 277) взяяааважжз.
Imasmiṃ aṅkurapetavatthusmiṃ (pe. va. 275, 277) veyyāvacce.
‘‘звам̣ ко д̇ам̣, бхигкавз, д̇ид̇д̇ирияам̣ наама б̣рахмажарияам̣ ахосий’’д̇и имасмим̣ д̇ид̇д̇ираж̇аад̇агз (жуул̣ава. 311) бан̃жасигкаабад̣̇асийлз.
‘‘Evaṃ kho taṃ, bhikkhave, tittiriyaṃ nāma brahmacariyaṃ ahosī’’ti imasmiṃ tittirajātake (cūḷava. 311) pañcasikkhāpadasīle.
‘‘д̇ам̣ ко бана мз, бан̃жасика, б̣рахмажарияам̣ нзва ниб̣б̣ид̣̇ааяа на вирааг̇ааяа…бз… яаавад̣̇зва б̣рахмалогуубабад̇д̇ияаа’’д̇и имасмим̣ махааг̇овинд̣̇асуд̇д̇з (д̣̇ий. ни. 2.329) б̣рахмавихаарз.
‘‘Taṃ kho pana me, pañcasikha, brahmacariyaṃ neva nibbidāya na virāgāya…pe… yāvadeva brahmalokūpapattiyā’’ti imasmiṃ mahāgovindasutte (dī. ni. 2.329) brahmavihāre.
‘‘барз аб̣рахмажаарий бхависсанд̇и, маяамзд̇т̇а б̣рахмажаарий бхависсаамаа’’д̇и имасмим̣ саллзкасуд̇д̇з (ма. ни. 1.83) мзт̇унавирад̇ияам̣.
‘‘Pare abrahmacārī bhavissanti, mayamettha brahmacārī bhavissāmā’’ti imasmiṃ sallekhasutte (ma. ni. 1.83) methunaviratiyaṃ.
‘‘маяан̃жа бхарияаа наад̇иггамаама,
‘‘Mayañca bhariyā nātikkamāma,
амхз жа бхарияаа наад̇иггаманд̇и;
Amhe ca bhariyā nātikkamanti;
ан̃н̃ад̇ра д̇аахи б̣рахмажарияам̣ жараама,
Aññatra tāhi brahmacariyaṃ carāma,
д̇асмаа хи амхам̣ д̣̇ахараа на мийяарз’’д̇и. –
Tasmā hi amhaṃ daharā na mīyare’’ti. –
имасмим̣ махаад̇хаммабаалаж̇аад̇агз (ж̇аа. 1.10.97) сад̣̇аарасанд̇осз.
Imasmiṃ mahādhammapālajātake (jā. 1.10.97) sadārasantose.
‘‘абхиж̇аанаами ко банаахам̣, саарибуд̇д̇а, жад̇уран̇г̇асаманнааг̇ад̇ам̣ б̣рахмажарияам̣ жарид̇аа, д̇абассий суд̣̇ам̣ хомий’’д̇и ломахам̣сасуд̇д̇з (ма. ни. 1.155) вийрияз.
‘‘Abhijānāmi kho panāhaṃ, sāriputta, caturaṅgasamannāgataṃ brahmacariyaṃ caritā, tapassī sudaṃ homī’’ti lomahaṃsasutte (ma. ni. 1.155) vīriye.
‘‘хийнзна б̣рахмажариязна, кад̇д̇ияз убабаж̇ж̇ад̇и;
‘‘Hīnena brahmacariyena, khattiye upapajjati;
маж̇жхимзна жа д̣̇звад̇д̇ам̣, уд̇д̇амзна висуж̇жхад̇ий’’д̇и. –
Majjhimena ca devattaṃ, uttamena visujjhatī’’ti. –
нимиж̇аад̇агз (ж̇аа. 2.22.429) ад̇д̇ад̣̇аманавасзна гад̇з адтан̇г̇игз убосат̇з.
Nimijātake (jā. 2.22.429) attadamanavasena kate aṭṭhaṅgike uposathe.
‘‘ид̣̇ам̣ ко бана мз, бан̃жасика, б̣рахмажарияам̣ зганд̇аниб̣б̣ид̣̇ааяа вирааг̇ааяа…бз… аяамзва арияо адтан̇г̇иго маг̇г̇о’’д̇и махааг̇овинд̣̇асуд̇д̇зязва (д̣̇ий. ни. 2.329) арияамаг̇г̇з.
‘‘Idaṃ kho pana me, pañcasikha, brahmacariyaṃ ekantanibbidāya virāgāya…pe… ayameva ariyo aṭṭhaṅgiko maggo’’ti mahāgovindasutteyeva (dī. ni. 2.329) ariyamagge.
‘‘д̇аяид̣̇ам̣ б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇а’’нд̇и баасаад̣̇игасуд̇д̇з (д̣̇ий. ни. 3.174) сигкад̇д̇аяасан̇г̇ахид̇з сагаласмим̣ саасанз. ид̇хааби арияамаг̇г̇з саасанз жа вад̇д̇ад̇и.
‘‘Tayidaṃ brahmacariyaṃ iddhañceva phītañca vitthārikaṃ bāhujaññaṃ puthubhūtaṃ yāva devamanussehi suppakāsita’’nti pāsādikasutte (dī. ni. 3.174) sikkhattayasaṅgahite sakalasmiṃ sāsane. Idhāpi ariyamagge sāsane ca vattati.
вуссад̇ийд̇и вусийяад̇и, жарийяад̇ийд̇и ад̇т̇о. ж̇анагуханад̇т̇анд̇и ‘‘ахо аяяо сийлаваа вад̇д̇асамбанно аббижчо санд̇удто махид̣̇д̇хиго махаанубхааво’’д̇иаад̣̇инаа ж̇анасса сад̇д̇алогасса вимхаабанад̇т̇ам̣. гзжи бана ‘‘гуханад̇т̇анд̇и баабижчасса ижчаабагад̇асса сад̇о сааманд̇аж̇аббанаирияаабат̇аниссид̇абажжаяабадисзванасан̇каад̇зна д̇ивид̇хзна гуханавад̇т̇унаа гухагабхаавзна ж̇анасса вимхаабанад̇т̇а’’нд̇и вад̣̇анд̇и. ид̇хааби аяамзвад̇т̇о д̣̇ассид̇о. д̇знзвааха ‘‘д̇ийхи гуханавад̇т̇уухи ж̇анасса гуханад̇т̇ааяаа’’д̇и, ж̇анасса вимхаабанад̇т̇ааяаад̇и ад̇т̇о. ж̇аналаабанад̇т̇анд̇и ‘‘зваруубасса наама аяяасса д̣̇иннам̣ махабпалам̣ бхависсад̇ий’’д̇и басаннажид̇д̇зхи ‘‘гзнад̇т̇о, гим̣ аахарийяад̇уу’’д̇и вад̣̇аабанад̇т̇ам̣. ‘‘ж̇аналабанад̇т̇а’’нд̇иби батанд̇и, д̇асса баабижчасса сад̇о бажжаяад̇т̇ам̣ баригат̇обхаасаад̣̇ивасзна лабанабхаавзна убалаабагабхаавзна ж̇анасса лабанад̇т̇анд̇и ад̇т̇о. д̇знзвааха ‘‘на ж̇аналабанад̇т̇анд̇и на ж̇анасса убалаабанад̇т̇а’’нд̇и.
Vussatīti vusīyati, carīyatīti attho. Janakuhanatthanti ‘‘aho ayyo sīlavā vattasampanno appiccho santuṭṭho mahiddhiko mahānubhāvo’’tiādinā janassa sattalokassa vimhāpanatthaṃ. Keci pana ‘‘kuhanatthanti pāpicchassa icchāpakatassa sato sāmantajappanairiyāpathanissitapaccayapaṭisevanasaṅkhātena tividhena kuhanavatthunā kuhakabhāvena janassa vimhāpanattha’’nti vadanti. Idhāpi ayamevattho dassito. Tenevāha ‘‘tīhi kuhanavatthūhi janassa kuhanatthāyā’’ti, janassa vimhāpanatthāyāti attho. Janalāpanatthanti ‘‘evarūpassa nāma ayyassa dinnaṃ mahapphalaṃ bhavissatī’’ti pasannacittehi ‘‘kenattho, kiṃ āharīyatū’’ti vadāpanatthaṃ. ‘‘Janalapanattha’’ntipi paṭhanti, tassa pāpicchassa sato paccayatthaṃ parikathobhāsādivasena lapanabhāvena upalāpakabhāvena janassa lapanatthanti attho. Tenevāha ‘‘na janalapanatthanti na janassa upalāpanattha’’nti.
на ид̇иваад̣̇аббамогкаанисам̣сад̇т̇анд̇и зд̇т̇а ‘‘на лаабхасаггаарасилогаанисам̣сад̇т̇а’’нд̇иби батанд̇и. д̇ад̇т̇а явааяам̣ ‘‘ааган̇кзяяа жз, бхигкавз, бхигку ‘лаабхий ассам̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’нд̇и, сийлзсвзвасса барибуурагаарий’’д̇и (ма. ни. 1.65) сийлаанисам̣сабхаавзна вуд̇д̇о жад̇убажжаяалаабхо жа. жад̇уннам̣ бажжаяаанам̣ саггажжад̣̇аанасан̇каад̇о аад̣̇араб̣ахумаанаг̇аругаран̣асан̇каад̇о жа саггааро, яо жа ‘‘сийласамбанно б̣ахуссуд̇о суд̇ад̇харо аарад̣̇д̇хавийрияо’’д̇иаад̣̇инаа наязна уг̇г̇ажчанагат̇уд̇игхосасан̇каад̇о силого б̣рахмажарияам̣ васанд̇аанам̣ д̣̇идтад̇хаммиго аанисам̣со, д̇ад̣̇ад̇т̇анд̇и ад̇т̇о. гзжи бана ‘‘лаабхасаггаарасилогаанисам̣сад̇т̇анд̇и баабижчассзва сад̇о лаабхаад̣̇иг̇аруд̇ааяа лаабхасаггаарасилогасан̇каад̇асса аанисам̣сасса уд̣̇аяасса нибпаад̣̇анад̇т̇а’’нд̇и звамад̇т̇ам̣ вад̣̇анд̇и.
Na itivādappamokkhānisaṃsatthanti ettha ‘‘na lābhasakkārasilokānisaṃsattha’’ntipi paṭhanti. Tattha yvāyaṃ ‘‘ākaṅkheyya ce, bhikkhave, bhikkhu ‘lābhī assaṃ cīvarapiṇḍapātasenāsanagilānapaccayabhesajjaparikkhārāna’nti, sīlesvevassa paripūrakārī’’ti (ma. ni. 1.65) sīlānisaṃsabhāvena vutto catupaccayalābho ca. Catunnaṃ paccayānaṃ sakkaccadānasaṅkhāto ādarabahumānagarukaraṇasaṅkhāto ca sakkāro, yo ca ‘‘sīlasampanno bahussuto sutadharo āraddhavīriyo’’tiādinā nayena uggacchanakathutighosasaṅkhāto siloko brahmacariyaṃ vasantānaṃ diṭṭhadhammiko ānisaṃso, tadatthanti attho. Keci pana ‘‘lābhasakkārasilokānisaṃsatthanti pāpicchasseva sato lābhādigarutāya lābhasakkārasilokasaṅkhātassa ānisaṃsassa udayassa nipphādanattha’’nti evamatthaṃ vadanti.
на ид̇и мам̣ ж̇ано ж̇аанаад̇ууд̇и звам̣ б̣рахмажарияаваасз сад̇и ‘‘сийлаваа галяаан̣ад̇хаммо’’д̇иаад̣̇инаа мам̣ лого ж̇аанаад̇у самбхаавзд̇ууд̇и ад̇д̇ано санд̇аг̇ун̣авасзна самбхааванад̇т̇амби на ид̣̇ам̣ б̣рахмажарияам̣ вуссад̇ийд̇и самб̣анд̇хо. гзжи бана ‘‘баабижчасса сад̇о асанд̇аг̇ун̣асамбхааванаад̇хиббааязна ‘ид̇и звам̣г̇ун̣од̇и мам̣ лого ж̇аанаад̇уу’д̇и на ид̣̇ам̣ б̣рахмажарияам̣ вуссад̇ий’’д̇и звамзд̇т̇а ад̇т̇ам̣ вад̣̇анд̇и. саб̣б̣ад̇т̇ааби банзд̇т̇а буримо буримоязва ад̇т̇авигаббо сунд̣̇арад̇аро.
Naiti maṃ jano jānātūti evaṃ brahmacariyavāse sati ‘‘sīlavā kalyāṇadhammo’’tiādinā maṃ loko jānātu sambhāvetūti attano santaguṇavasena sambhāvanatthampi na idaṃ brahmacariyaṃ vussatīti sambandho. Keci pana ‘‘pāpicchassa sato asantaguṇasambhāvanādhippāyena ‘iti evaṃguṇoti maṃ loko jānātū’ti na idaṃ brahmacariyaṃ vussatī’’ti evamettha atthaṃ vadanti. Sabbatthāpi panettha purimo purimoyeva atthavikappo sundarataro.
ат̇а код̇и зд̇т̇а ат̇аад̇и ан̃н̃ад̇т̇з нибаад̇о, код̇и авад̇хааран̣з. д̇зна гуханаад̣̇ид̇о ан̃н̃ад̣̇ад̇т̇ам̣язва ид̣̇ам̣, бхигкавз, б̣рахмажарияам̣ вуссад̇ийд̇и д̣̇ассзд̇и. ид̣̇аани д̇ам̣ баяож̇анам̣ д̣̇ассзнд̇о ‘‘сам̣варад̇т̇ам̣ бахаанад̇т̇а’’нд̇и ааха. д̇ад̇т̇а бан̃жавид̇хо сам̣варо – баад̇имогкасам̣варо, сад̇исам̣варо, н̃аан̣асам̣варо, канд̇исам̣варо, вийрияасам̣варод̇и. ‘‘ид̇и иминаа баад̇имогкасам̣варзна убзд̇о ход̇и самубзд̇о’’д̇иаад̣̇инаа (вибха. 511) наязна ааг̇ад̇о аяам̣ баад̇имогкасам̣варо, сийласам̣варод̇иби вужжад̇и. ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и (ма. ни. 1.295; сам̣. ни. 4.239; а. ни. 3.16) ааг̇ад̇о аяам̣ сад̇исам̣варо.
Atha khoti ettha athāti aññatthe nipāto, khoti avadhāraṇe. Tena kuhanādito aññadatthaṃyeva idaṃ, bhikkhave, brahmacariyaṃ vussatīti dasseti. Idāni taṃ payojanaṃ dassento ‘‘saṃvaratthaṃ pahānattha’’nti āha. Tattha pañcavidho saṃvaro – pātimokkhasaṃvaro, satisaṃvaro, ñāṇasaṃvaro, khantisaṃvaro, vīriyasaṃvaroti. ‘‘Iti iminā pātimokkhasaṃvarena upeto hoti samupeto’’tiādinā (vibha. 511) nayena āgato ayaṃ pātimokkhasaṃvaro, sīlasaṃvarotipi vuccati. ‘‘Rakkhati cakkhundriyaṃ, cakkhundriye saṃvaraṃ āpajjatī’’ti (ma. ni. 1.295; saṃ. ni. 4.239; a. ni. 3.16) āgato ayaṃ satisaṃvaro.
‘‘яаани сод̇аани логасмим̣, сад̇и д̇зсам̣ нивааран̣ам̣;
‘‘Yāni sotāni lokasmiṃ, sati tesaṃ nivāraṇaṃ;
сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и. (су. ни. 1041; жуул̣ани. аж̇ид̇амаан̣авабужчаанид̣̇д̣̇зсо 4; нзд̇д̇и. 4.11, 45) –
Sotānaṃ saṃvaraṃ brūmi, paññāyete pidhīyare’’ti. (su. ni. 1041; cūḷani. ajitamāṇavapucchāniddeso 4; netti. 4.11, 45) –
ааг̇ад̇о аяам̣ н̃аан̣асам̣варо. ‘‘камо ход̇и сийд̇асса ун̣хассаа’’д̇иаад̣̇инаа (ма. ни. 1.24; а. ни. 4.114; 6.58) наязна ааг̇ад̇о аяам̣ канд̇исам̣варо.
Āgato ayaṃ ñāṇasaṃvaro. ‘‘Khamo hoti sītassa uṇhassā’’tiādinā (ma. ni. 1.24; a. ni. 4.114; 6.58) nayena āgato ayaṃ khantisaṃvaro.
‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.26; а. ни. 4.114; 6.58) наязна ааг̇ад̇о аяам̣ вийрияасам̣варо.
‘‘Uppannaṃ kāmavitakkaṃ nādhivāsetī’’tiādinā (ma. ni. 1.26; a. ni. 4.114; 6.58) nayena āgato ayaṃ vīriyasaṃvaro.
ад̇т̇ад̇о бана баан̣аад̇ибаад̇аад̣̇ийнам̣ баж̇аханавасзна вад̇д̇аббадивад̇д̇аанам̣ бууран̣авасзна жа бавад̇д̇аа жзд̇анаа жзва вирад̇и жа. сан̇кзбад̇о саб̣б̣о гааяаважийсам̣яамо, вид̇т̇аарад̇о сад̇д̇аннам̣ аабад̇д̇игканд̇хаанам̣ авийд̇иггамо сийласам̣варо. сад̇и зва сад̇исам̣варо, сад̇иббад̇хаанаа ваа гусалаа канд̇хаа. н̃аан̣амзва н̃аан̣асам̣варо. ад̇хиваасанавасзна ад̣̇осо, ад̣̇осаббад̇хаанаа ваа д̇ат̇аабавад̇д̇аа гусалаа канд̇хаа канд̇исам̣варо, бан̃н̃аад̇и згз. гаамавид̇аггаад̣̇ийнам̣ абхибхаванавасзна бавад̇д̇ам̣ вийрияамзва вийрияасам̣варо. д̇зсу батамо гааяад̣̇ужжарид̇аад̣̇ийсу д̣̇уссийласса сам̣варан̣ад̇о сам̣варо, д̣̇уд̇ияо мудтассажжасса , д̇ад̇ияо ан̃н̃аан̣асса, жад̇уд̇т̇о агканд̇ияаа, бан̃жамо госаж̇ж̇асса сам̣варан̣ад̇о бид̣̇аханад̇о сам̣варод̇и взд̣̇ид̇аб̣б̣о. звамзд̇асса сам̣варасса ад̇т̇ааяа сам̣варад̇т̇ам̣ сам̣варанибпаад̣̇анад̇т̇анд̇и ад̇т̇о.
Atthato pana pāṇātipātādīnaṃ pajahanavasena vattappaṭivattānaṃ pūraṇavasena ca pavattā cetanā ceva virati ca. Saṅkhepato sabbo kāyavacīsaṃyamo, vitthārato sattannaṃ āpattikkhandhānaṃ avītikkamo sīlasaṃvaro. Sati eva satisaṃvaro, satippadhānā vā kusalā khandhā. Ñāṇameva ñāṇasaṃvaro. Adhivāsanavasena adoso, adosappadhānā vā tathāpavattā kusalā khandhā khantisaṃvaro, paññāti eke. Kāmavitakkādīnaṃ abhibhavanavasena pavattaṃ vīriyameva vīriyasaṃvaro. Tesu paṭhamo kāyaduccaritādīsu dussīlassa saṃvaraṇato saṃvaro, dutiyo muṭṭhassaccassa , tatiyo aññāṇassa, catuttho akkhantiyā, pañcamo kosajjassa saṃvaraṇato pidahanato saṃvaroti veditabbo. Evametassa saṃvarassa atthāya saṃvaratthaṃ saṃvaranipphādanatthanti attho.
д̇ийхи бахаанзхийд̇и д̇ад̣̇ан̇г̇авигкамбханасамужчзд̣̇асан̇каад̇зхи д̇ийхи бахаанзхи. бан̃жавид̇хаббахаанамби ид̇ха вад̇д̇ум̣ ваддад̇иязва. бан̃жавид̇хан̃хи бахаанам̣ д̇ад̣̇ан̇г̇авигкамбханасамужчзд̣̇аббадиббассад̣̇д̇хиниссаран̣авасзна. д̇ад̇т̇а яам̣ д̣̇ийбаалогзнзва д̇амасса бадибагкабхаавад̇о алобхаад̣̇ийхи лобхаад̣̇игасса наамаруубабарижчзд̣̇аад̣̇ивибассанаан̃аан̣зхи д̇асса д̇асса анад̇т̇асса бахаанам̣, сзяяат̇ид̣̇ам̣ – барижжааг̇зна лобхаад̣̇ималасса, сийлзна баан̣аад̇ибаад̇аад̣̇ид̣̇уссийляасса, сад̣̇д̇хаад̣̇ийхи ассад̣̇д̇хияаад̣̇игасса, наамаруубававад̇т̇аанзна саггааяад̣̇идтияаа, бажжаяабариг̇г̇ахзна ахзд̇увисамахзд̇уд̣̇идтийнам̣, д̇ассзва абарабхааг̇зна ган̇каавид̇аран̣зна гат̇ам̣гат̇ийбхаавасса, галаабасаммасанзна ахам̣мамаад̇и г̇аахасса, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанзна абхирад̇исан̃н̃ааяа, мужжид̇угамяад̇аан̃аан̣зна амужжид̇угамяад̇ааяа, убзгкаан̃аан̣зна анубзгкааяа, ануломзна д̇хаммадтид̇ияам̣ ниб̣б̣аанз жа бадиломабхаавасса, г̇од̇рабхунаа сан̇кааранимид̇д̇аг̇г̇аахасса бахаанам̣, зд̇ам̣ д̇ад̣̇ан̇г̇аббахаанам̣ наама.
Tīhi pahānehīti tadaṅgavikkhambhanasamucchedasaṅkhātehi tīhi pahānehi. Pañcavidhappahānampi idha vattuṃ vaṭṭatiyeva. Pañcavidhañhi pahānaṃ tadaṅgavikkhambhanasamucchedappaṭippassaddhinissaraṇavasena. Tattha yaṃ dīpālokeneva tamassa paṭipakkhabhāvato alobhādīhi lobhādikassa nāmarūpaparicchedādivipassanāñāṇehi tassa tassa anatthassa pahānaṃ, seyyathidaṃ – pariccāgena lobhādimalassa, sīlena pāṇātipātādidussīlyassa, saddhādīhi assaddhiyādikassa, nāmarūpavavatthānena sakkāyadiṭṭhiyā, paccayapariggahena ahetuvisamahetudiṭṭhīnaṃ, tasseva aparabhāgena kaṅkhāvitaraṇena kathaṃkathībhāvassa, kalāpasammasanena ahaṃmamāti gāhassa, maggāmaggavavatthānena amagge maggasaññāya, udayadassanena ucchedadiṭṭhiyā, vayadassanena sassatadiṭṭhiyā, bhayadassanena sabhaye abhayasaññāya, ādīnavadassanena assādasaññāya, nibbidānupassanena abhiratisaññāya, muccitukamyatāñāṇena amuccitukamyatāya, upekkhāñāṇena anupekkhāya, anulomena dhammaṭṭhitiyaṃ nibbāne ca paṭilomabhāvassa, gotrabhunā saṅkhāranimittaggāhassa pahānaṃ, etaṃ tadaṅgappahānaṃ nāma.
яам̣ бана убажаараббанаабхзд̣̇зна самаад̇хинаа бавад̇д̇ибхааванивааран̣ад̇о гхадаббахаарзнзва уд̣̇агабидтз сзвааласса, д̇зсам̣ д̇зсам̣ нийваран̣аад̣̇ид̇хаммаанам̣ бахаанам̣, зд̇ам̣ вигкамбханаббахаанам̣ наама. яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о ад̇д̇ано санд̇аанз ‘‘д̣̇идтиг̇ад̇аанам̣ бахаанааяаа’’д̇иаад̣̇инаа (д̇ха. са. 277; вибха. 628) наязна вуд̇д̇асса самуд̣̇аяабагкияасса гилзсаг̇ахан̣асса ажжанд̇ам̣ аббавад̇д̇ибхаавзна самужчинд̣̇анам̣, зд̇ам̣ самужчзд̣̇аббахаанам̣ наама. яам̣ бана палагкан̣з бадиббассад̣̇д̇хад̇т̇ам̣ гилзсаанам̣, зд̇ам̣ бадиббассад̣̇д̇хиббахаанам̣ наама. яам̣ саб̣б̣асан̇кад̇аниссадад̇д̇аа бахийнасаб̣б̣асан̇кад̇ам̣ ниб̣б̣аанам̣, зд̇ам̣ ниссаран̣аббахаанам̣ наама . д̇асса бан̃жавид̇хассаби д̇ат̇аа д̇ат̇аа рааг̇аад̣̇игилзсаанам̣ бадиниссаж̇ж̇анадтзна самад̇иггаманадтзна ваа бахаанасса ад̇т̇ааяа, бахаанасаад̇ханад̇т̇анд̇и звамзд̇т̇а ад̇т̇о д̣̇адтаб̣б̣о.
Yaṃ pana upacārappanābhedena samādhinā pavattibhāvanivāraṇato ghaṭappahāreneva udakapiṭṭhe sevālassa, tesaṃ tesaṃ nīvaraṇādidhammānaṃ pahānaṃ, etaṃ vikkhambhanappahānaṃ nāma. Yaṃ catunnaṃ ariyamaggānaṃ bhāvitattā taṃtaṃmaggavato attano santāne ‘‘diṭṭhigatānaṃ pahānāyā’’tiādinā (dha. sa. 277; vibha. 628) nayena vuttassa samudayapakkhiyassa kilesagahaṇassa accantaṃ appavattibhāvena samucchindanaṃ, etaṃ samucchedappahānaṃ nāma. Yaṃ pana phalakkhaṇe paṭippassaddhatthaṃ kilesānaṃ, etaṃ paṭippassaddhippahānaṃ nāma. Yaṃ sabbasaṅkhatanissaṭattā pahīnasabbasaṅkhataṃ nibbānaṃ, etaṃ nissaraṇappahānaṃ nāma . Tassa pañcavidhassapi tathā tathā rāgādikilesānaṃ paṭinissajjanaṭṭhena samatikkamanaṭṭhena vā pahānassa atthāya, pahānasādhanatthanti evamettha attho daṭṭhabbo.
д̇ад̇т̇а сам̣варзна гилзсаанам̣ жид̇д̇асанд̇аанз бавзсанивааран̣ам̣ бахаанзна жа бавзсанивааран̣амзва самуг̇гхаад̇о жаад̇и вад̣̇анд̇и. убхаязнаби бана яат̇аарахам̣ убхаяам̣ самбаж̇ж̇ад̇ийд̇и д̣̇адтаб̣б̣ам̣. сийлаад̣̇ид̇хаммаа зва хи сам̣варан̣ад̇о сам̣варам̣, баж̇аханад̇о бахаананд̇и.
Tattha saṃvarena kilesānaṃ cittasantāne pavesanivāraṇaṃ pahānena ca pavesanivāraṇameva samugghāto cāti vadanti. Ubhayenapi pana yathārahaṃ ubhayaṃ sampajjatīti daṭṭhabbaṃ. Sīlādidhammā eva hi saṃvaraṇato saṃvaraṃ, pajahanato pahānanti.
анийд̇иханд̇и ийд̇ияо вужжанд̇и убад̣̇д̣̇аваа д̣̇идтад̇хаммигаа самбарааяигаа жа. ийд̇ияо ханд̇ийд̇и ийд̇ихам̣, ану ийд̇иханд̇и анийд̇ихам̣, саасанаб̣рахмажарияам̣ маг̇г̇аб̣рахмажарияан̃жа. ат̇а ваа ийд̇ийхи анад̇т̇зхи сад̣̇д̇хим̣ хананд̇и г̇ажчанд̇и бавад̇д̇анд̇ийд̇и ийд̇ихаа, д̇ан̣хаад̣̇иубаггилзсаа. над̇т̇и зд̇т̇а ийд̇ихаад̇и анийд̇ихам̣. ийд̇ихаа ваа яат̇аавуд̇д̇знад̇т̇зна д̇ид̇т̇ияасамаяаа, д̇аббадибагкад̇о ид̣̇ам̣ анийд̇ихам̣. ‘‘анид̇иха’’нд̇иби баато. д̇ассад̇т̇о – ‘‘ид̇ихааяа’’нд̇и д̇хаммзсу анзгам̣саг̇г̇аахабхаавад̇о вижигижчаа ид̇ихам̣ наама, саммаасамб̣уд̣̇д̇хаббавзд̣̇ид̇ад̇д̇аа яат̇аанусидтам̣ бадибаж̇ж̇анд̇аанам̣ нигган̇кабхаавасаад̇ханад̇о жа над̇т̇и зд̇т̇а ид̇иханд̇и анид̇ихам̣, абарабад̇д̇ияанд̇и ад̇т̇о. вуд̇д̇ан̃хзд̇ам̣ ‘‘бажжад̇д̇ам̣ взд̣̇ид̇аб̣б̣о вин̃н̃уухий’’д̇и, ‘‘ад̇аггааважаро’’д̇и (д̣̇ий. ни. 2.67; ма. ни. 1.281; 2.337; сам̣. ни. 1.172; махаава. 7-8) жа. г̇аат̇ааб̣анд̇хасукад̇т̇ам̣ бана ‘‘анийд̇иха’’нд̇и д̣̇ийгхам̣ гад̇ваа батанд̇и. бажчимам̣ банзд̇т̇а ад̇т̇авигаббам̣ д̣̇ассзд̇ум̣ ‘‘ид̇ихабариваж̇ж̇ид̇а’’нд̇иаад̣̇и вуд̇д̇ам̣.
Anītihanti ītiyo vuccanti upaddavā diṭṭhadhammikā samparāyikā ca. Ītiyo hantīti ītihaṃ, anu ītihanti anītihaṃ, sāsanabrahmacariyaṃ maggabrahmacariyañca. Atha vā ītīhi anatthehi saddhiṃ hananti gacchanti pavattantīti ītihā, taṇhādiupakkilesā. Natthi ettha ītihāti anītihaṃ. Ītihā vā yathāvuttenatthena titthiyasamayā, tappaṭipakkhato idaṃ anītihaṃ. ‘‘Anitiha’’ntipi pāṭho. Tassattho – ‘‘itihāya’’nti dhammesu anekaṃsaggāhabhāvato vicikicchā itihaṃ nāma, sammāsambuddhappaveditattā yathānusiṭṭhaṃ paṭipajjantānaṃ nikkaṅkhabhāvasādhanato ca natthi ettha itihanti anitihaṃ, aparapattiyanti attho. Vuttañhetaṃ ‘‘paccattaṃ veditabbo viññūhī’’ti, ‘‘atakkāvacaro’’ti (dī. ni. 2.67; ma. ni. 1.281; 2.337; saṃ. ni. 1.172; mahāva. 7-8) ca. Gāthābandhasukhatthaṃ pana ‘‘anītiha’’nti dīghaṃ katvā paṭhanti. Pacchimaṃ panettha atthavikappaṃ dassetuṃ ‘‘itihaparivajjita’’ntiādi vuttaṃ.
ниб̣б̣аанасан̇каад̇ам̣ ог̇ад̇хам̣ бад̇идтам̣ баарам̣ г̇ажчад̇ийд̇и ниб̣б̣ааног̇ад̇хаг̇аамий, вимуд̇д̇ирасад̇д̇аа зганд̇знзва ниб̣б̣аанасамбаабагод̇и ад̇т̇о, д̇ам̣ ниб̣б̣ааног̇ад̇хаг̇ааминам̣ б̣рахмажарияам̣. ниб̣б̣ааног̇ад̇ход̇и ваа арияамаг̇г̇о вужжад̇и д̇зна винаа ниб̣б̣аанааваг̇аахан̣асса асамбхавад̇о д̇асса жа ниб̣б̣аанам̣ анааламб̣ид̇ваа аббавад̇д̇анад̇о, д̇ан̃жзд̇ам̣ зганд̇асамбаад̣̇анзна г̇ажчад̇ийд̇и ниб̣б̣ааног̇ад̇хаг̇аамий. ат̇а ваа ниб̣б̣ааног̇ад̇хаг̇ааминанд̇и ниб̣б̣аанасса анд̇ог̇ааминам̣. маг̇г̇аб̣рахмажарияан̃хи ниб̣б̣аанам̣ аарамман̣ам̣ гарид̇ваа д̇асса анд̇о зва бавад̇д̇ад̇ийд̇и. имамзва жа ад̇т̇авигаббам̣ д̣̇ассзд̇ум̣ ‘‘ниб̣б̣аанасса анд̇ог̇аамина’’нд̇иаад̣̇и вуд̇д̇ам̣. сод̇и яо со самад̇им̣са баарамияо буурзд̇ваа саб̣б̣агилзсз бхан̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, со бхаг̇аваа ад̣̇зсаяи д̣̇зсзси . маханд̇зхийд̇и махаааад̇умзхи ул̣аараж̇жхаасаязхи. маханд̇ам̣ ниб̣б̣аанам̣, маханд̇з ваа сийлагканд̇хаад̣̇игз зсанд̇и г̇авзсанд̇ийд̇и махзсино, б̣уд̣̇д̇хаад̣̇аяо арияаа. д̇зхи ануяаад̇о бадибанно.
Nibbānasaṅkhātaṃ ogadhaṃ patiṭṭhaṃ pāraṃ gacchatīti nibbānogadhagāmī, vimuttirasattā ekanteneva nibbānasampāpakoti attho, taṃ nibbānogadhagāminaṃ brahmacariyaṃ. Nibbānogadhoti vā ariyamaggo vuccati tena vinā nibbānāvagāhaṇassa asambhavato tassa ca nibbānaṃ anālambitvā appavattanato, tañcetaṃ ekantasampādanena gacchatīti nibbānogadhagāmī. Atha vā nibbānogadhagāminanti nibbānassa antogāminaṃ. Maggabrahmacariyañhi nibbānaṃ ārammaṇaṃ karitvā tassa anto eva pavattatīti. Imameva ca atthavikappaṃ dassetuṃ ‘‘nibbānassa antogāmina’’ntiādi vuttaṃ. Soti yo so samatiṃsa pāramiyo pūretvā sabbakilese bhañjitvā anuttaraṃ sammāsambodhiṃ abhisambuddho, so bhagavā adesayi desesi . Mahantehīti mahāātumehi uḷārajjhāsayehi. Mahantaṃ nibbānaṃ, mahante vā sīlakkhandhādike esanti gavesantīti mahesino, buddhādayo ariyā. Tehi anuyāto paṭipanno.
яат̇аа б̣уд̣̇д̇хзна д̣̇зсид̇анд̇и яат̇аа абхин̃н̃зяяаад̣̇ибхаавзна саммаасамб̣уд̣̇д̇хзна маяаа д̣̇зсид̇ам̣, звам̣ яз зд̇ам̣ маг̇г̇аб̣рахмажарияам̣ д̇ад̣̇ад̇т̇ам̣ саасанаб̣рахмажарияан̃жа бадибаж̇ж̇анд̇и. д̇з д̣̇идтад̇хаммигасамбарааяигабарамад̇т̇зхи яат̇аарахам̣ анусаасанд̇асса сад̇т̇у маяхам̣ саасанагаарино оваад̣̇аббадигараа сагаласса ваддад̣̇угкасса анд̇ам̣ барияанд̇ам̣ аббавад̇д̇им̣ гариссанд̇и, д̣̇угкасса ваа анд̇ам̣ ниб̣б̣аанам̣ сажчигариссанд̇ийд̇и.
Yathā buddhena desitanti yathā abhiññeyyādibhāvena sammāsambuddhena mayā desitaṃ, evaṃ ye etaṃ maggabrahmacariyaṃ tadatthaṃ sāsanabrahmacariyañca paṭipajjanti. Te diṭṭhadhammikasamparāyikaparamatthehi yathārahaṃ anusāsantassa satthu mayhaṃ sāsanakārino ovādappaṭikarā sakalassa vaṭṭadukkhassa antaṃ pariyantaṃ appavattiṃ karissanti, dukkhassa vā antaṃ nibbānaṃ sacchikarissantīti.
б̣рахмажарияасуд̇д̇аван̣н̣анаа нидтид̇аа.
Brahmacariyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. б̣рахмажарияасуд̇д̇ам̣ • 5. Brahmacariyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. б̣рахмажарияасуд̇д̇аван̣н̣анаа • 5. Brahmacariyasuttavaṇṇanā
