| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๕. พฺรหฺมจริยสุตฺตวณฺณนา
5. Brahmacariyasuttavaṇṇanā
๒๕. ปญฺจเม ชนกุหนตฺถนฺติ ตีหิ กุหนวตฺถูหิ ชนสฺส กุหนตฺถายฯ น ชนลปนตฺถนฺติ น ชนสฺส อุปลาปนตฺถํฯ น ลาภสกฺการสิโลกานิสํสตฺถนฺติ น จีวราทิถุติวจนตฺถํฯ น อิติวาทปฺปโมกฺขานิสํสตฺถนฺติ น เตน เตน การเณน กตวาทานิสํสตฺถํ, น วาทสฺส ปโมกฺขานิสํสตฺถํฯ น อิติ มํ ชโน ชานาตูติ น ‘‘เอวํ กิร เอส ภิกฺขุ, เอวํ กิร เอส ภิกฺขู’’ติ ชนสฺส ชานนตฺถายฯ สํวรตฺถนฺติ ปญฺจหิ สํวเรหิ สํวรณตฺถายฯ ปหานตฺถนฺติ ตีหิ ปหาเนหิ ปชหนตฺถายฯ วิราคตฺถนฺติ ราคาทีนํ วิรชฺชนตฺถายฯ นิโรธตฺถนฺติ เตสํเยว นิรุชฺฌนตฺถายฯ อนีติหนฺติ อิติหปริวชฺชิตํ, อปรปตฺติยนฺติ อโตฺถฯ นิพฺพาโนคธคามินนฺติ นิพฺพานสฺส อโนฺตคามินํฯ มคฺคพฺรหฺมจริยญฺหิ นิพฺพานํ อารมฺมณํ กริตฺวา นิพฺพานสฺส อโนฺตเยว วตฺตติ ปวตฺตติฯ ปฎิปชฺชนฺตีติ ทุวิธมฺปิ ปฎิปชฺชนฺติฯ อิมสฺมิํ สุเตฺต วฎฺฎวิวฎฺฎํ กเถตฺวา คาถาสุ วิวฎฺฎเมว กถิตํฯ
25. Pañcame janakuhanatthanti tīhi kuhanavatthūhi janassa kuhanatthāya. Na janalapanatthanti na janassa upalāpanatthaṃ. Na lābhasakkārasilokānisaṃsatthanti na cīvarādithutivacanatthaṃ. Na itivādappamokkhānisaṃsatthanti na tena tena kāraṇena katavādānisaṃsatthaṃ, na vādassa pamokkhānisaṃsatthaṃ. Na iti maṃ jano jānātūti na ‘‘evaṃ kira esa bhikkhu, evaṃ kira esa bhikkhū’’ti janassa jānanatthāya. Saṃvaratthanti pañcahi saṃvarehi saṃvaraṇatthāya. Pahānatthanti tīhi pahānehi pajahanatthāya. Virāgatthanti rāgādīnaṃ virajjanatthāya. Nirodhatthanti tesaṃyeva nirujjhanatthāya. Anītihanti itihaparivajjitaṃ, aparapattiyanti attho. Nibbānogadhagāminanti nibbānassa antogāminaṃ. Maggabrahmacariyañhi nibbānaṃ ārammaṇaṃ karitvā nibbānassa antoyeva vattati pavattati. Paṭipajjantīti duvidhampi paṭipajjanti. Imasmiṃ sutte vaṭṭavivaṭṭaṃ kathetvā gāthāsu vivaṭṭameva kathitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๕. พฺรหฺมจริยสุตฺตํ • 5. Brahmacariyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕. พฺรหฺมจริยสุตฺตวณฺณนา • 5. Brahmacariyasuttavaṇṇanā
