| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. བྲཧྨཙརིཡསུཏྟཝཎྞནཱ
5. Brahmacariyasuttavaṇṇanā
༢༥. པཉྩམེ ཛནཀུཧནཏྠནྟི ཏཱིཧི ཀུཧནཝཏྠཱུཧི ཛནསྶ ཀུཧནཏྠཱཡ། ན ཛནལཔནཏྠནྟི ན ཛནསྶ ཨུཔལཱཔནཏྠཾ། ན ལཱབྷསཀྐཱརསིལོཀཱནིསཾསཏྠནྟི ན ཙཱིཝརཱདིཐུཏིཝཙནཏྠཾ། ན ཨིཏིཝཱདཔྤམོཀྑཱནིསཾསཏྠནྟི ན ཏེན ཏེན ཀཱརཎེན ཀཏཝཱདཱནིསཾསཏྠཾ, ན ཝཱདསྶ པམོཀྑཱནིསཾསཏྠཾ། ན ཨིཏི མཾ ཛནོ ཛཱནཱཏཱུཏི ན ‘‘ཨེཝཾ ཀིར ཨེས བྷིཀྑུ, ཨེཝཾ ཀིར ཨེས བྷིཀྑཱུ’’ཏི ཛནསྶ ཛཱནནཏྠཱཡ། སཾཝརཏྠནྟི པཉྩཧི སཾཝརེཧི སཾཝརཎཏྠཱཡ། པཧཱནཏྠནྟི ཏཱིཧི པཧཱནེཧི པཛཧནཏྠཱཡ། ཝིརཱགཏྠནྟི རཱགཱདཱིནཾ ཝིརཛྫནཏྠཱཡ། ནིརོདྷཏྠནྟི ཏེསཾཡེཝ ནིརུཛ྄ཛྷནཏྠཱཡ། ཨནཱིཏིཧནྟི ཨིཏིཧཔརིཝཛྫིཏཾ, ཨཔརཔཏྟིཡནྟི ཨཏྠོ། ནིབྦཱནོགདྷགཱམིནནྟི ནིབྦཱནསྶ ཨནྟོགཱམིནཾ། མགྒབྲཧྨཙརིཡཉྷི ནིབྦཱནཾ ཨཱརམྨཎཾ ཀརིཏྭཱ ནིབྦཱནསྶ ཨནྟོཡེཝ ཝཏྟཏི པཝཏྟཏི། པཊིཔཛྫནྟཱིཏི དུཝིདྷམྤི པཊིཔཛྫནྟི། ཨིམསྨིཾ སུཏྟེ ཝཊྚཝིཝཊྚཾ ཀཐེཏྭཱ གཱཐཱསུ ཝིཝཊྚམེཝ ཀཐིཏཾ།
25. Pañcame janakuhanatthanti tīhi kuhanavatthūhi janassa kuhanatthāya. Na janalapanatthanti na janassa upalāpanatthaṃ. Na lābhasakkārasilokānisaṃsatthanti na cīvarādithutivacanatthaṃ. Na itivādappamokkhānisaṃsatthanti na tena tena kāraṇena katavādānisaṃsatthaṃ, na vādassa pamokkhānisaṃsatthaṃ. Na iti maṃ jano jānātūti na ‘‘evaṃ kira esa bhikkhu, evaṃ kira esa bhikkhū’’ti janassa jānanatthāya. Saṃvaratthanti pañcahi saṃvarehi saṃvaraṇatthāya. Pahānatthanti tīhi pahānehi pajahanatthāya. Virāgatthanti rāgādīnaṃ virajjanatthāya. Nirodhatthanti tesaṃyeva nirujjhanatthāya. Anītihanti itihaparivajjitaṃ, aparapattiyanti attho. Nibbānogadhagāminanti nibbānassa antogāminaṃ. Maggabrahmacariyañhi nibbānaṃ ārammaṇaṃ karitvā nibbānassa antoyeva vattati pavattati. Paṭipajjantīti duvidhampi paṭipajjanti. Imasmiṃ sutte vaṭṭavivaṭṭaṃ kathetvā gāthāsu vivaṭṭameva kathitaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. བྲཧྨཙརིཡསུཏྟཾ • 5. Brahmacariyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥. བྲཧྨཙརིཡསུཏྟཝཎྞནཱ • 5. Brahmacariyasuttavaṇṇanā
