| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. ப்³ரஹ்மசரியோக³த⁴ஸுத்தவண்ணனா
2. Brahmacariyogadhasuttavaṇṇanā
998. து³தியே யேஸங் ஸத்³தா⁴தி பதே³ன பு³த்³தே⁴ பஸாதோ³ க³ஹிதோ. ஸீலந்தி பதே³ன அரியகந்தானி ஸீலானி க³ஹிதானி. பஸாதோ³தி பதே³ன ஸங்கே⁴ பஸாதோ³ க³ஹிதோ. த⁴ம்மத³ஸ்ஸனந்தி பதே³ன த⁴ம்மே பஸாதோ³ க³ஹிதோதி ஏவங் சத்தாரி ஸோதாபத்தியங்கா³னி வுத்தானி. காலேன பச்செந்தீதி காலேன பாபுணந்தி. ப்³ரஹ்மசரியோக³த⁴ங் ஸுக²ந்தி ப்³ரஹ்மசரியங் ஓகா³ஹித்வா டி²தங் உபரிமக்³க³த்தயஸம்பயுத்தங் ஸுக²ங். யோ பனேஸ கா³தா²ய ஆக³தோ பஸாதோ³, ஸோ கதரபஸாதோ³ ஹோதீதி. திபிடகசூளாப⁴யத்தே²ரோ தாவ ‘‘மக்³க³பஸாதோ³’’தி ஆஹ, திபிடகசூளனாக³த்தே²ரோ ‘‘ஆக³தமக்³க³ஸ்ஸ பச்சவெக்க²ணப்பஸாதோ³’’தி. உபோ⁴பி தே²ரா பண்டி³தா ப³ஹுஸ்ஸுதா, உபி⁴ன்னங் ஸுபா⁴ஸிதங். மிஸ்ஸகப்பஸாதோ³ ஏஸோதி.
998. Dutiye yesaṃ saddhāti padena buddhe pasādo gahito. Sīlanti padena ariyakantāni sīlāni gahitāni. Pasādoti padena saṅghe pasādo gahito. Dhammadassananti padena dhamme pasādo gahitoti evaṃ cattāri sotāpattiyaṅgāni vuttāni. Kālena paccentīti kālena pāpuṇanti. Brahmacariyogadhaṃ sukhanti brahmacariyaṃ ogāhitvā ṭhitaṃ uparimaggattayasampayuttaṃ sukhaṃ. Yo panesa gāthāya āgato pasādo, so katarapasādo hotīti. Tipiṭakacūḷābhayatthero tāva ‘‘maggapasādo’’ti āha, tipiṭakacūḷanāgatthero ‘‘āgatamaggassa paccavekkhaṇappasādo’’ti. Ubhopi therā paṇḍitā bahussutā, ubhinnaṃ subhāsitaṃ. Missakappasādo esoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ப்³ரஹ்மசரியோக³த⁴ஸுத்தங் • 2. Brahmacariyogadhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. ப்³ரஹ்மசரியோக³த⁴ஸுத்தவண்ணனா • 2. Brahmacariyogadhasuttavaṇṇanā
