| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
२. ब्रह्मचरियोगधसुत्तवण्णना
2. Brahmacariyogadhasuttavaṇṇanā
९९८. दुतिये येसं सद्धाति पदेन बुद्धे पसादो गहितो। सीलन्ति पदेन अरियकन्तानि सीलानि गहितानि। पसादोति पदेन सङ्घे पसादो गहितो। धम्मदस्सनन्ति पदेन धम्मे पसादो गहितोति एवं चत्तारि सोतापत्तियङ्गानि वुत्तानि। कालेन पच्चेन्तीति कालेन पापुणन्ति। ब्रह्मचरियोगधं सुखन्ति ब्रह्मचरियं ओगाहित्वा ठितं उपरिमग्गत्तयसम्पयुत्तं सुखं। यो पनेस गाथाय आगतो पसादो, सो कतरपसादो होतीति। तिपिटकचूळाभयत्थेरो ताव ‘‘मग्गपसादो’’ति आह, तिपिटकचूळनागत्थेरो ‘‘आगतमग्गस्स पच्चवेक्खणप्पसादो’’ति। उभोपि थेरा पण्डिता बहुस्सुता, उभिन्नं सुभासितं। मिस्सकप्पसादो एसोति।
998. Dutiye yesaṃ saddhāti padena buddhe pasādo gahito. Sīlanti padena ariyakantāni sīlāni gahitāni. Pasādoti padena saṅghe pasādo gahito. Dhammadassananti padena dhamme pasādo gahitoti evaṃ cattāri sotāpattiyaṅgāni vuttāni. Kālena paccentīti kālena pāpuṇanti. Brahmacariyogadhaṃ sukhanti brahmacariyaṃ ogāhitvā ṭhitaṃ uparimaggattayasampayuttaṃ sukhaṃ. Yo panesa gāthāya āgato pasādo, so katarapasādo hotīti. Tipiṭakacūḷābhayatthero tāva ‘‘maggapasādo’’ti āha, tipiṭakacūḷanāgatthero ‘‘āgatamaggassa paccavekkhaṇappasādo’’ti. Ubhopi therā paṇḍitā bahussutā, ubhinnaṃ subhāsitaṃ. Missakappasādo esoti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / २. ब्रह्मचरियोगधसुत्तं • 2. Brahmacariyogadhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २. ब्रह्मचरियोगधसुत्तवण्णना • 2. Brahmacariyogadhasuttavaṇṇanā
