| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. ဗ္ရဟ္မစရိယောဂဓသုတ္တဝဏ္ဏနာ
2. Brahmacariyogadhasuttavaṇṇanā
၉၉၈. ဒုတိယေ ယေသံ သဒ္ဓာတိ ပဒေန ဗုဒ္ဓေ ပသာဒော ဂဟိတော။ သီလန္တိ ပဒေန အရိယကန္တာနိ သီလာနိ ဂဟိတာနိ။ ပသာဒောတိ ပဒေန သင္ဃေ ပသာဒော ဂဟိတော။ ဓမ္မဒသ္သနန္တိ ပဒေန ဓမ္မေ ပသာဒော ဂဟိတောတိ ဧဝံ စတ္တာရိ သောတာပတ္တိယင္ဂာနိ ဝုတ္တာနိ။ ကာလေန ပစ္စေန္တီတိ ကာလေန ပာပုဏန္တိ။ ဗ္ရဟ္မစရိယောဂဓံ သုခန္တိ ဗ္ရဟ္မစရိယံ ဩဂာဟိတ္ဝာ ဌိတံ ဥပရိမဂ္ဂတ္တယသမ္ပယုတ္တံ သုခံ။ ယော ပနေသ ဂာထာယ အာဂတော ပသာဒော, သော ကတရပသာဒော ဟောတီတိ။ တိပိဋကစူဠာဘယတ္ထေရော တာဝ ‘‘မဂ္ဂပသာဒော’’တိ အာဟ, တိပိဋကစူဠနာဂတ္ထေရော ‘‘အာဂတမဂ္ဂသ္သ ပစ္စဝေက္ခဏပ္ပသာဒော’’တိ။ ဥဘောပိ ထေရာ ပဏ္ဍိတာ ဗဟုသ္သုတာ, ဥဘိန္နံ သုဘာသိတံ။ မိသ္သကပ္ပသာဒော ဧသောတိ။
998. Dutiye yesaṃ saddhāti padena buddhe pasādo gahito. Sīlanti padena ariyakantāni sīlāni gahitāni. Pasādoti padena saṅghe pasādo gahito. Dhammadassananti padena dhamme pasādo gahitoti evaṃ cattāri sotāpattiyaṅgāni vuttāni. Kālena paccentīti kālena pāpuṇanti. Brahmacariyogadhaṃ sukhanti brahmacariyaṃ ogāhitvā ṭhitaṃ uparimaggattayasampayuttaṃ sukhaṃ. Yo panesa gāthāya āgato pasādo, so katarapasādo hotīti. Tipiṭakacūḷābhayatthero tāva ‘‘maggapasādo’’ti āha, tipiṭakacūḷanāgatthero ‘‘āgatamaggassa paccavekkhaṇappasādo’’ti. Ubhopi therā paṇḍitā bahussutā, ubhinnaṃ subhāsitaṃ. Missakappasādo esoti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဗ္ရဟ္မစရိယောဂဓသုတ္တံ • 2. Brahmacariyogadhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. ဗ္ရဟ္မစရိယောဂဓသုတ္တဝဏ္ဏနာ • 2. Brahmacariyogadhasuttavaṇṇanā
