| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਬ੍ਰਹ੍ਮਚਰਿਯੋਗਧਸੁਤ੍ਤવਣ੍ਣਨਾ
2. Brahmacariyogadhasuttavaṇṇanā
੯੯੮. ਦੁਤਿਯੇ ਯੇਸਂ ਸਦ੍ਧਾਤਿ ਪਦੇਨ ਬੁਦ੍ਧੇ ਪਸਾਦੋ ਗਹਿਤੋ। ਸੀਲਨ੍ਤਿ ਪਦੇਨ ਅਰਿਯਕਨ੍ਤਾਨਿ ਸੀਲਾਨਿ ਗਹਿਤਾਨਿ। ਪਸਾਦੋਤਿ ਪਦੇਨ ਸਙ੍ਘੇ ਪਸਾਦੋ ਗਹਿਤੋ। ਧਮ੍ਮਦਸ੍ਸਨਨ੍ਤਿ ਪਦੇਨ ਧਮ੍ਮੇ ਪਸਾਦੋ ਗਹਿਤੋਤਿ ਏવਂ ਚਤ੍ਤਾਰਿ ਸੋਤਾਪਤ੍ਤਿਯਙ੍ਗਾਨਿ વੁਤ੍ਤਾਨਿ। ਕਾਲੇਨ ਪਚ੍ਚੇਨ੍ਤੀਤਿ ਕਾਲੇਨ ਪਾਪੁਣਨ੍ਤਿ। ਬ੍ਰਹ੍ਮਚਰਿਯੋਗਧਂ ਸੁਖਨ੍ਤਿ ਬ੍ਰਹ੍ਮਚਰਿਯਂ ਓਗਾਹਿਤ੍વਾ ਠਿਤਂ ਉਪਰਿਮਗ੍ਗਤ੍ਤਯਸਮ੍ਪਯੁਤ੍ਤਂ ਸੁਖਂ। ਯੋ ਪਨੇਸ ਗਾਥਾਯ ਆਗਤੋ ਪਸਾਦੋ, ਸੋ ਕਤਰਪਸਾਦੋ ਹੋਤੀਤਿ। ਤਿਪਿਟਕਚੂਲ਼ਾਭਯਤ੍ਥੇਰੋ ਤਾવ ‘‘ਮਗ੍ਗਪਸਾਦੋ’’ਤਿ ਆਹ, ਤਿਪਿਟਕਚੂਲ਼ਨਾਗਤ੍ਥੇਰੋ ‘‘ਆਗਤਮਗ੍ਗਸ੍ਸ ਪਚ੍ਚવੇਕ੍ਖਣਪ੍ਪਸਾਦੋ’’ਤਿ। ਉਭੋਪਿ ਥੇਰਾ ਪਣ੍ਡਿਤਾ ਬਹੁਸ੍ਸੁਤਾ, ਉਭਿਨ੍ਨਂ ਸੁਭਾਸਿਤਂ। ਮਿਸ੍ਸਕਪ੍ਪਸਾਦੋ ਏਸੋਤਿ।
998. Dutiye yesaṃ saddhāti padena buddhe pasādo gahito. Sīlanti padena ariyakantāni sīlāni gahitāni. Pasādoti padena saṅghe pasādo gahito. Dhammadassananti padena dhamme pasādo gahitoti evaṃ cattāri sotāpattiyaṅgāni vuttāni. Kālena paccentīti kālena pāpuṇanti. Brahmacariyogadhaṃ sukhanti brahmacariyaṃ ogāhitvā ṭhitaṃ uparimaggattayasampayuttaṃ sukhaṃ. Yo panesa gāthāya āgato pasādo, so katarapasādo hotīti. Tipiṭakacūḷābhayatthero tāva ‘‘maggapasādo’’ti āha, tipiṭakacūḷanāgatthero ‘‘āgatamaggassa paccavekkhaṇappasādo’’ti. Ubhopi therā paṇḍitā bahussutā, ubhinnaṃ subhāsitaṃ. Missakappasādo esoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਬ੍ਰਹ੍ਮਚਰਿਯੋਗਧਸੁਤ੍ਤਂ • 2. Brahmacariyogadhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਬ੍ਰਹ੍ਮਚਰਿਯੋਗਧਸੁਤ੍ਤવਣ੍ਣਨਾ • 2. Brahmacariyogadhasuttavaṇṇanā
