| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਬ੍ਰਹ੍ਮਚਰਿਯੋਗਧਸੁਤ੍ਤવਣ੍ਣਨਾ
2. Brahmacariyogadhasuttavaṇṇanā
੯੯੮. ਯੇਸਨ੍ਤਿ ਅਨਿਯਮਤੋ ਸਦ੍ਧਾਦੀਨਮਾਧਾਰਭੂਤਪੁਗ੍ਗਲਦਸ੍ਸਨਂ। ਬੁਦ੍ਧੇ ਪਸਾਦੋ ਗਹਿਤੋ। ਸੋ ਹਿ ਇਤਰੇਹਿ ਪਠਮਂ ਗਹੇਤਬ੍ਬੋਤਿ। ਅਰਿਯਕਨ੍ਤਾਨਿ ਸੀਲਾਨਿ ਗਹਿਤਾਨਿ ਸੋਤਾਪਨ੍ਨਸ੍ਸ ਸੀਲਾਨਂ ਅਧਿਪ੍ਪੇਤਤ੍ਤਾ। ਸਙ੍ਘੇ ਪਸਾਦੋ ਗਹਿਤੋ ਧਮ੍ਮਪ੍ਪਸਾਦਸ੍ਸ ਅਨਨ੍ਤਰਂ વੁਚ੍ਚਮਾਨਤ੍ਤਾ। ਧਮ੍ਮੇ ਪਸਾਦੋ ਗਹਿਤੋ ਅવੇਚ੍ਚਪ੍ਪਸਾਦਭਾવਤੋ। ਸੋਤਂ ਅਰਿਯਮਗ੍ਗਂ ਆਦਿਤੋ ਪਤ੍ਤਿ ਸੋਤਾਪਤ੍ਤਿ, ਤਸ੍ਸਾ ਅਙ੍ਗਾਨਿ ਸੋਤਾਪਤ੍ਤਿਯਙ੍ਗਾਨਿ। ਪਚ੍ਚੇਨ੍ਤੀਤਿ ਪਜਾਯਨ੍ਤਿ ਅਧਿਗਚ੍ਛਨ੍ਤਿ। ਤੇਨਾਹ ‘‘ਪਾਪੁਣਨ੍ਤੀ’’ਤਿ। ਬ੍ਰਹ੍ਮਚਰਿਯਨ੍ਤਿ ਮਗ੍ਗਬ੍ਰਹ੍ਮਚਰਿਯਂ। ਕਤਰਪਸਾਦੋ વਤ੍ਤਮਾਨੋਤਿ ਅਧਿਪ੍ਪਾਯੋ। ਮਗ੍ਗਪ੍ਪਸਾਦੋਤਿ ਮਗ੍ਗਸਮ੍ਪਯੁਤ੍ਤੋ ਪਸਾਦੋ। ਆਗਤਮਗ੍ਗਸ੍ਸਾਤਿ ਅਧਿਗਤਮਗ੍ਗਸ੍ਸ। ਮਿਸ੍ਸਕਪ੍ਪਸਾਦੋ ਏਸੋਤਿ ਤਸ੍ਮਾ ਉਭੋਪਿ ਥੇਰਾ ਪਣ੍ਡਿਤਾ ਬਹੁਸ੍ਸੁਤਾ।
998.Yesanti aniyamato saddhādīnamādhārabhūtapuggaladassanaṃ. Buddhe pasādo gahito. So hi itarehi paṭhamaṃ gahetabboti. Ariyakantāni sīlāni gahitāni sotāpannassa sīlānaṃ adhippetattā. Saṅghe pasādo gahito dhammappasādassa anantaraṃ vuccamānattā. Dhamme pasādo gahito aveccappasādabhāvato. Sotaṃ ariyamaggaṃ ādito patti sotāpatti, tassā aṅgāni sotāpattiyaṅgāni. Paccentīti pajāyanti adhigacchanti. Tenāha ‘‘pāpuṇantī’’ti. Brahmacariyanti maggabrahmacariyaṃ. Katarapasādo vattamānoti adhippāyo. Maggappasādoti maggasampayutto pasādo. Āgatamaggassāti adhigatamaggassa. Missakappasādo esoti tasmā ubhopi therā paṇḍitā bahussutā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਬ੍ਰਹ੍ਮਚਰਿਯੋਗਧਸੁਤ੍ਤਂ • 2. Brahmacariyogadhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਬ੍ਰਹ੍ਮਚਰਿਯੋਗਧਸੁਤ੍ਤવਣ੍ਣਨਾ • 2. Brahmacariyogadhasuttavaṇṇanā
