| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
3. б̣рахмад̣̇ан̣д̣агат̇аа
3. Brahmadaṇḍakathā
445. ат̇а ко ааяасмаа аананд̣̇о т̇зрз бхигкуу зд̇ад̣̇авожа – ‘‘бхаг̇аваа мам̣, бханд̇з, бариниб̣б̣аанагаалз звамааха – ‘д̇зна хаананд̣̇а, сан̇гхо мамажжаязна чаннасса бхигкуно б̣рахмад̣̇ан̣д̣ам̣ аан̣аабзд̇уу’’’д̇и . ‘‘бужчи бана д̇вам̣, аавусо аананд̣̇а, бхаг̇аванд̇ам̣ – ‘гад̇амо бана, бханд̇з, б̣рахмад̣̇ан̣д̣о’’’д̇и? ‘‘бужчим̣ кохам̣, бханд̇з, бхаг̇аванд̇ам̣ – ‘гад̇амо бана, бханд̇з, б̣рахмад̣̇ан̣д̣о’’’д̇и? ‘‘чанно, аананд̣̇а, бхигку яам̣ ижчзяяа д̇ам̣ вад̣̇зяяа. бхигкуухи чанно бхигку нзва вад̇д̇аб̣б̣о, на овад̣̇ид̇аб̣б̣о, наанусаасид̇аб̣б̣о’’д̇и. ‘‘д̇зна хаавусо аананд̣̇а, д̇вам̣язва чаннасса бхигкуно б̣рахмад̣̇ан̣д̣ам̣ аан̣аабзхий’’д̇и. ‘‘гат̇аахам̣, бханд̇з, чаннасса бхигкуно б̣рахмад̣̇ан̣д̣ам̣ аан̣аабзми, жан̣д̣о со бхигку парусо’’д̇и? ‘д̇зна хаавусо аананд̣̇а, б̣ахугзхи бхигкуухи сад̣̇д̇хим̣ г̇ажчаахий’’д̇и. ‘‘звам̣ бханд̇з’’д̇и ко ааяасмаа аананд̣̇о т̇зраанам̣ бхигкуунам̣ бадиссуд̇ваа махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи наавааяа уж̇ж̇аванигааяа госамб̣им̣ уж̇ж̇ави, наавааяа бажжорохид̇ваа ран̃н̃о уд̣̇знасса 1 уяяаанасса авид̣̇уурз ан̃н̃ад̇арасмим̣ ругкамуулз нисийд̣̇и. д̇зна ко бана самаязна рааж̇аа уд̣̇зно уяяаанз барижаарзси сад̣̇д̇хим̣ ород̇хзна. ассоси ко ран̃н̃о уд̣̇знасса ород̇хо – ‘‘амхаагам̣ гира аажарияо аяяо аананд̣̇о уяяаанасса авид̣̇уурз ан̃н̃ад̇арасмим̣ ругкамуулз нисинно’’д̇и. ат̇а ко ран̃н̃о уд̣̇знасса ород̇хо рааж̇аанам̣ уд̣̇знам̣ зд̇ад̣̇авожа – ‘‘амхаагам̣ гира, д̣̇зва, аажарияо аяяо аананд̣̇о уяяаанасса авид̣̇уурз ан̃н̃ад̇арасмим̣ ругкамуулз нисинно. ижчаама маяам̣, д̣̇зва, аяяам̣ аананд̣̇ам̣ бассид̇у’’нд̇и. ‘‘д̇зна хи д̇умхз саман̣ам̣ аананд̣̇ам̣ бассат̇аа’’д̇и.
445. Atha kho āyasmā ānando there bhikkhū etadavoca – ‘‘bhagavā maṃ, bhante, parinibbānakāle evamāha – ‘tena hānanda, saṅgho mamaccayena channassa bhikkhuno brahmadaṇḍaṃ āṇāpetū’’’ti . ‘‘Pucchi pana tvaṃ, āvuso ānanda, bhagavantaṃ – ‘katamo pana, bhante, brahmadaṇḍo’’’ti? ‘‘Pucchiṃ khohaṃ, bhante, bhagavantaṃ – ‘katamo pana, bhante, brahmadaṇḍo’’’ti? ‘‘Channo, ānanda, bhikkhu yaṃ iccheyya taṃ vadeyya. Bhikkhūhi channo bhikkhu neva vattabbo, na ovaditabbo, nānusāsitabbo’’ti. ‘‘Tena hāvuso ānanda, tvaṃyeva channassa bhikkhuno brahmadaṇḍaṃ āṇāpehī’’ti. ‘‘Kathāhaṃ, bhante, channassa bhikkhuno brahmadaṇḍaṃ āṇāpemi, caṇḍo so bhikkhu pharuso’’ti? ‘Tena hāvuso ānanda, bahukehi bhikkhūhi saddhiṃ gacchāhī’’ti. ‘‘Evaṃ bhante’’ti kho āyasmā ānando therānaṃ bhikkhūnaṃ paṭissutvā mahatā bhikkhusaṅghena saddhiṃ pañcamattehi bhikkhusatehi nāvāya ujjavanikāya kosambiṃ ujjavi, nāvāya paccorohitvā rañño udenassa 2 uyyānassa avidūre aññatarasmiṃ rukkhamūle nisīdi. Tena kho pana samayena rājā udeno uyyāne paricāresi saddhiṃ orodhena. Assosi kho rañño udenassa orodho – ‘‘amhākaṃ kira ācariyo ayyo ānando uyyānassa avidūre aññatarasmiṃ rukkhamūle nisinno’’ti. Atha kho rañño udenassa orodho rājānaṃ udenaṃ etadavoca – ‘‘amhākaṃ kira, deva, ācariyo ayyo ānando uyyānassa avidūre aññatarasmiṃ rukkhamūle nisinno. Icchāma mayaṃ, deva, ayyaṃ ānandaṃ passitu’’nti. ‘‘Tena hi tumhe samaṇaṃ ānandaṃ passathā’’ti.
ат̇а ко ран̃н̃о уд̣̇знасса ород̇хо язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ран̃н̃о уд̣̇знасса ород̇хам̣ ааяасмаа аананд̣̇о д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси . ат̇а ко ран̃н̃о уд̣̇знасса ород̇хо ааяасмад̇аа аананд̣̇зна д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о ааяасмад̇о аананд̣̇асса бан̃жа уд̇д̇араасан̇г̇асад̇аани баад̣̇ааси. ат̇а ко ран̃н̃о уд̣̇знасса ород̇хо ааяасмад̇о аананд̣̇асса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа ааяасманд̇ам̣ аананд̣̇ам̣ абхиваад̣̇зд̇ваа бад̣̇агкин̣ам̣ гад̇ваа язна рааж̇аа уд̣̇зно д̇знубасан̇гами. ад̣̇д̣̇асаа ко рааж̇аа уд̣̇зно ород̇хам̣ д̣̇уурад̇ова ааг̇ажчанд̇ам̣. д̣̇исваана ород̇хам̣ зд̇ад̣̇авожа – ‘‘аби ну ко д̇умхз саман̣ам̣ аананд̣̇ам̣ бассид̇т̇аа’’д̇и? ‘‘абассимхаа ко маяам̣, д̣̇зва, аяяам̣ аананд̣̇а’’нд̇и. ‘‘аби ну д̇умхз саман̣асса аананд̣̇асса гин̃жи ад̣̇ад̇т̇аа’’д̇и? ‘‘ад̣̇амхаа ко маяам̣, д̣̇зва, аяяасса аананд̣̇асса бан̃жа уд̇д̇араасан̇г̇асад̇ааний’’д̇и. рааж̇аа уд̣̇зно уж̇жхааяад̇и кияяад̇и вибаажзд̇и – ‘‘гат̇ан̃хи наама саман̣о аананд̣̇о д̇аава б̣ахум̣ жийварам̣ бадиг̇г̇ахзссад̇и! д̣̇уссаваан̣иж̇ж̇ам̣ ваа саман̣о аананд̣̇о гариссад̇и, баг̇г̇аахигасаалам̣ ваа басаарзссад̇ий’’д̇и!
Atha kho rañño udenassa orodho yenāyasmā ānando tenupasaṅkami, upasaṅkamitvā āyasmantaṃ ānandaṃ abhivādetvā ekamantaṃ nisīdi. Ekamantaṃ nisinnaṃ kho rañño udenassa orodhaṃ āyasmā ānando dhammiyā kathāya sandassesi samādapesi samuttejesi sampahaṃsesi . Atha kho rañño udenassa orodho āyasmatā ānandena dhammiyā kathāya sandassito samādapito samuttejito sampahaṃsito āyasmato ānandassa pañca uttarāsaṅgasatāni pādāsi. Atha kho rañño udenassa orodho āyasmato ānandassa bhāsitaṃ abhinanditvā anumoditvā uṭṭhāyāsanā āyasmantaṃ ānandaṃ abhivādetvā padakkhiṇaṃ katvā yena rājā udeno tenupasaṅkami. Addasā kho rājā udeno orodhaṃ dūratova āgacchantaṃ. Disvāna orodhaṃ etadavoca – ‘‘api nu kho tumhe samaṇaṃ ānandaṃ passitthā’’ti? ‘‘Apassimhā kho mayaṃ, deva, ayyaṃ ānanda’’nti. ‘‘Api nu tumhe samaṇassa ānandassa kiñci adatthā’’ti? ‘‘Adamhā kho mayaṃ, deva, ayyassa ānandassa pañca uttarāsaṅgasatānī’’ti. Rājā udeno ujjhāyati khiyyati vipāceti – ‘‘kathañhi nāma samaṇo ānando tāva bahuṃ cīvaraṃ paṭiggahessati! Dussavāṇijjaṃ vā samaṇo ānando karissati, paggāhikasālaṃ vā pasāressatī’’ti!
ат̇а ко рааж̇аа уд̣̇зно язнааяасмаа аананд̣̇о д̇знубасан̇гами, убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа уд̣̇зно ааяасманд̇ам̣ аананд̣̇ам̣ зд̇ад̣̇авожа – ‘‘ааг̇амаа ну квид̇ха, бхо аананд̣̇а, амхаагам̣ ород̇хо’’д̇и? ‘‘ааг̇амааси ко д̇з ид̇ха, махаарааж̇а, ород̇хо’’д̇и. ‘‘аби бана бход̇о аананд̣̇асса гин̃жи ад̣̇аасий’’д̇и? ‘‘ад̣̇ааси ко мз, махаарааж̇а, бан̃жа уд̇д̇араасан̇г̇асад̇ааний’’д̇и. ‘‘гим̣ бана бхавам̣ аананд̣̇о д̇аава б̣ахум̣ жийварам̣ гариссад̇ий’’д̇и? ‘‘яз 3 д̇з, махаарааж̇а, бхигкуу д̣̇уб̣б̣алажийвараа д̇зхи сад̣̇д̇хим̣ сам̣вибхаж̇иссаамий’’д̇и. ‘‘яаани ко бана, бхо аананд̣̇а, бораан̣агаани д̣̇уб̣б̣алажийвараани д̇аани гат̇ам̣ гариссат̇аа’’д̇и? ‘‘д̇аани, махаарааж̇а, уд̇д̇арад̇т̇аран̣ам̣ гариссаамаа’’д̇и. ‘‘яаани бана, бхо аананд̣̇а, бораан̣агаани уд̇д̇арад̇т̇аран̣аани д̇аани гат̇ам̣ гариссат̇аа’’д̇и? ‘‘д̇аани, махаарааж̇а, бхисижчавияо гариссаамаа’’д̇и. ‘‘яаа бана, бхо аананд̣̇а, бораан̣агаа бхисижчавияо д̇аа гат̇ам̣ гариссат̇аа’’д̇и? ‘‘д̇аа, махаарааж̇а, бхуумад̇т̇аран̣ам̣ гариссаамаа’’д̇и. ‘‘яаани бана, бхо аананд̣̇а, бораан̣агаани бхуумад̇т̇аран̣аани д̇аани гат̇ам̣ гариссат̇аа’’д̇и? ‘‘д̇аани, махаарааж̇а, баад̣̇абун̃чанияо гариссаамаа’’д̇и. ‘‘яаа бана, бхо аананд̣̇а, бораан̣агаа баад̣̇абун̃чанияо д̇аа гат̇ам̣ гариссат̇аа’’д̇и?. ‘‘д̇аа, махаарааж̇а, раж̇охаран̣ам̣ гариссаамаа’’д̇и. ‘‘яаани бана, бхо аананд̣̇а, бораан̣агаани раж̇охаран̣аани д̇аани гат̇ам̣ гариссат̇аа’’д̇и? ‘‘д̇аани, махаарааж̇а, годдзд̇ваа жигкаллзна мад̣̇д̣̇ид̇ваа барибхан̣д̣ам̣ лимбиссаамаа’’д̇и.
Atha kho rājā udeno yenāyasmā ānando tenupasaṅkami, upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho rājā udeno āyasmantaṃ ānandaṃ etadavoca – ‘‘āgamā nu khvidha, bho ānanda, amhākaṃ orodho’’ti? ‘‘Āgamāsi kho te idha, mahārāja, orodho’’ti. ‘‘Api pana bhoto ānandassa kiñci adāsī’’ti? ‘‘Adāsi kho me, mahārāja, pañca uttarāsaṅgasatānī’’ti. ‘‘Kiṃ pana bhavaṃ ānando tāva bahuṃ cīvaraṃ karissatī’’ti? ‘‘Ye 4 te, mahārāja, bhikkhū dubbalacīvarā tehi saddhiṃ saṃvibhajissāmī’’ti. ‘‘Yāni kho pana, bho ānanda, porāṇakāni dubbalacīvarāni tāni kathaṃ karissathā’’ti? ‘‘Tāni, mahārāja, uttarattharaṇaṃ karissāmā’’ti. ‘‘Yāni pana, bho ānanda, porāṇakāni uttarattharaṇāni tāni kathaṃ karissathā’’ti? ‘‘Tāni, mahārāja, bhisicchaviyo karissāmā’’ti. ‘‘Yā pana, bho ānanda, porāṇakā bhisicchaviyo tā kathaṃ karissathā’’ti? ‘‘Tā, mahārāja, bhūmattharaṇaṃ karissāmā’’ti. ‘‘Yāni pana, bho ānanda, porāṇakāni bhūmattharaṇāni tāni kathaṃ karissathā’’ti? ‘‘Tāni, mahārāja, pādapuñchaniyo karissāmā’’ti. ‘‘Yā pana, bho ānanda, porāṇakā pādapuñchaniyo tā kathaṃ karissathā’’ti?. ‘‘Tā, mahārāja, rajoharaṇaṃ karissāmā’’ti. ‘‘Yāni pana, bho ānanda, porāṇakāni rajoharaṇāni tāni kathaṃ karissathā’’ti? ‘‘Tāni, mahārāja, koṭṭetvā cikkhallena madditvā paribhaṇḍaṃ limpissāmā’’ti.
ат̇а ко рааж̇аа уд̣̇зно – саб̣б̣звимз саман̣аа сагяабуд̇д̇ияаа яонисо убанзнд̇и, на гулавам̣ г̇амзнд̇ийд̇и – ааяасмад̇о аананд̣̇асса ан̃н̃ааниби бан̃жа д̣̇уссасад̇аани баад̣̇ааси. аяан̃жарахи ааяасмад̇о аананд̣̇асса батамам̣ жийварабхигкаа уббаж̇ж̇и жийварасахассам̣. ат̇а ко ааяасмаа аананд̣̇о язна гхосид̇аараамо д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ат̇а ко ааяасмаа чанно язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ чаннам̣ ааяасмаа аананд̣̇о зд̇ад̣̇авожа – ‘‘сан̇гхзна д̇з, аавусо чанна, б̣рахмад̣̇ан̣д̣о аан̣аабид̇о’’д̇и.
Atha kho rājā udeno – sabbevime samaṇā sakyaputtiyā yoniso upanenti, na kulavaṃ gamentīti – āyasmato ānandassa aññānipi pañca dussasatāni pādāsi. Ayañcarahi āyasmato ānandassa paṭhamaṃ cīvarabhikkhā uppajji cīvarasahassaṃ. Atha kho āyasmā ānando yena ghositārāmo tenupasaṅkami, upasaṅkamitvā paññatte āsane nisīdi. Atha kho āyasmā channo yenāyasmā ānando tenupasaṅkami, upasaṅkamitvā āyasmantaṃ ānandaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ channaṃ āyasmā ānando etadavoca – ‘‘saṅghena te, āvuso channa, brahmadaṇḍo āṇāpito’’ti.
‘‘гад̇амо бана, бханд̇з аананд̣̇а, б̣рахмад̣̇ан̣д̣о аан̣аабид̇о’’д̇и? ‘‘д̇вам̣, аавусо чанна, бхигкуу яам̣ ижчзяяааси д̇ам̣ вад̣̇зяяааси. бхигкуухи д̇вам̣ нзва вад̇д̇аб̣б̣о, на овад̣̇ид̇аб̣б̣о, наанусаасид̇аб̣б̣о’’д̇и. ‘‘нанваахам̣, бханд̇з аананд̣̇а, хад̇о зд̇д̇аавад̇аа, яад̇охам̣ бхигкуухи нзва вад̇д̇аб̣б̣о, на овад̣̇ид̇аб̣б̣о, наанусаасид̇аб̣б̣о’’д̇и д̇ад̇т̇зва мужчид̇о бабад̇о. ат̇а ко ааяасмаа чанно б̣рахмад̣̇ан̣д̣зна аддийяамаано харааяамаано ж̇иг̇ужчамаано зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃ааси. ан̃н̃ад̇аро жа банааяасмаа чанно арахад̇ам̣ ахоси. ат̇а ко ааяасмаа чанно арахад̇д̇ам̣ бад̇д̇о язнааяасмаа аананд̣̇о д̇знубасан̇гами, убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘бадиббассамбхзхи д̣̇аани мз, бханд̇з аананд̣̇а, б̣рахмад̣̇ан̣д̣а’’нд̇и. ‘‘яад̣̇аг̇г̇зна д̇аяаа, аавусо чанна, арахад̇д̇ам̣ сажчигад̇ам̣ д̇ад̣̇аг̇г̇зна д̇з б̣рахмад̣̇ан̣д̣о бадиббассад̣̇д̇хо’’д̇и. имааяа ко бана винаяасан̇г̇ийд̇ияаа бан̃жа бхигкусад̇аани ануунаани анад̇хигаани ахзсум̣. д̇асмаа аяам̣ винаяасан̇г̇ийд̇и ‘‘бан̃жасад̇игаа’’д̇и вужжад̇ийд̇и.
‘‘Katamo pana, bhante ānanda, brahmadaṇḍo āṇāpito’’ti? ‘‘Tvaṃ, āvuso channa, bhikkhū yaṃ iccheyyāsi taṃ vadeyyāsi. Bhikkhūhi tvaṃ neva vattabbo, na ovaditabbo, nānusāsitabbo’’ti. ‘‘Nanvāhaṃ, bhante ānanda, hato ettāvatā, yatohaṃ bhikkhūhi neva vattabbo, na ovaditabbo, nānusāsitabbo’’ti tattheva mucchito papato. Atha kho āyasmā channo brahmadaṇḍena aṭṭīyamāno harāyamāno jigucchamāno eko vūpakaṭṭho appamatto ātāpī pahitatto viharanto nacirasseva yassatthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro ca panāyasmā channo arahataṃ ahosi. Atha kho āyasmā channo arahattaṃ patto yenāyasmā ānando tenupasaṅkami, upasaṅkamitvā āyasmantaṃ ānandaṃ etadavoca – ‘‘paṭippassambhehi dāni me, bhante ānanda, brahmadaṇḍa’’nti. ‘‘Yadaggena tayā, āvuso channa, arahattaṃ sacchikataṃ tadaggena te brahmadaṇḍo paṭippassaddho’’ti. Imāya kho pana vinayasaṅgītiyā pañca bhikkhusatāni anūnāni anadhikāni ahesuṃ. Tasmā ayaṃ vinayasaṅgīti ‘‘pañcasatikā’’ti vuccatīti.
бан̃жасад̇игагканд̇хаго згаад̣̇асамо.
Pañcasatikakkhandhako ekādasamo.
имамхи канд̇хагз вад̇т̇уу д̇звийсад̇и.
Imamhi khandhake vatthū tevīsati.
д̇ассуд̣̇д̣̇аанам̣ –
Tassuddānaṃ –
бариниб̣б̣уд̇з самб̣уд̣̇д̇хз, т̇зро гассабасавхаяо;
Parinibbute sambuddhe, thero kassapasavhayo;
ааманд̇аяи бхигкуг̇ан̣ам̣, сад̣̇д̇хаммаманубаалаго;
Āmantayi bhikkhugaṇaṃ, saddhammamanupālako;
баавааяад̣̇д̇хаанамаг̇г̇амхи, субхад̣̇д̣̇зна бавзд̣̇ид̇ам̣;
Pāvāyaddhānamaggamhi, subhaddena paveditaṃ;
сан̇г̇ааяиссаама сад̣̇д̇хаммам̣, ад̇хаммо бурз д̣̇иббад̇и.
Saṅgāyissāma saddhammaṃ, adhammo pure dippati.
згзнууна бан̃жасад̇ам̣, аананд̣̇амби жа ужжини;
Ekenūna pañcasataṃ, ānandampi ca uccini;
д̇хаммавинаяасан̇г̇ийд̇им̣, васанд̇о г̇ухамуд̇д̇амз.
Dhammavinayasaṅgītiṃ, vasanto guhamuttame.
убаалим̣ винаяам̣ бужчи, суд̇д̇анд̇аананд̣̇абан̣д̣ид̇ам̣;
Upāliṃ vinayaṃ pucchi, suttantānandapaṇḍitaṃ;
бидагам̣ д̇ийн̣и сан̇г̇ийд̇им̣, агам̣су ж̇инасаавагаа.
Piṭakaṃ tīṇi saṅgītiṃ, akaṃsu jinasāvakā.
на бужчи аггамид̇ваана, ванд̣̇аабзси на яаажи жа.
Na pucchi akkamitvāna, vandāpesi na yāci ca.
баб̣б̣аж̇ж̇ам̣ маад̇уг̇аамасса, сад̣̇д̇хааяа д̣̇уггадаани мз;
Pabbajjaṃ mātugāmassa, saddhāya dukkaṭāni me;
бураан̣о б̣рахмад̣̇ан̣д̣ан̃жа, ород̇хо уд̣̇знзна саха.
Purāṇo brahmadaṇḍañca, orodho udenena saha.
д̇аава б̣аху д̣̇уб̣б̣алан̃жа, уд̇д̇арад̇т̇аран̣аа бхиси;
Tāva bahu dubbalañca, uttarattharaṇā bhisi;
бхуумад̇т̇аран̣аа бун̃чанияо, раж̇о жигкалламад̣̇д̣̇анаа.
Bhūmattharaṇā puñchaniyo, rajo cikkhallamaddanā.
сахассажийварам̣ уббаж̇ж̇и, батамаананд̣̇асавхаяо;
Sahassacīvaraṃ uppajji, paṭhamānandasavhayo;
д̇аж̇ж̇ид̇о б̣рахмад̣̇ан̣д̣зна, жад̇уссажжам̣ абаабун̣и;
Tajjito brahmadaṇḍena, catussaccaṃ apāpuṇi;
васийбхууд̇аа бан̃жасад̇аа, д̇асмаа бан̃жасад̇ий ид̇и.
Vasībhūtā pañcasatā, tasmā pañcasatī iti.
бан̃жасад̇игагканд̇хагам̣ нидтид̇ам̣.
Pañcasatikakkhandhakaṃ niṭṭhitaṃ.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣рахмад̣̇ан̣д̣агат̇ааван̣н̣анаа • Brahmadaṇḍakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣рахмад̣̇ан̣д̣агат̇ааван̣н̣анаа • Brahmadaṇḍakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа • Khuddānukhuddakasikkhāpadakathāvaṇṇanā
